Die Kaapstadse Metro het ‘n kennisgewing aan die bestuur van die Overbeek-gebou in Kloofstraat beteken om die gebruik van die kant van die gebou as advertensieruimte te staak, het RSG berig.
Die woonstelblok is in omstredenheid gehul nadat ‘n Zuma-Must-Fall-banier verlede week daar opgehang is.
Die banier is die afgelope naweek in ‘n gespanne atmosfeer deur ANC-ondersteuners afgetrek.
Dit is intussen met ‘n Suid-Afrikaanse landsvlag vervang.
‘n Stadswoordvoerder, Priya Reddy sê die gebruik van die spasie is strydig met die stad se verordeninge.
Sy sê indien die vlag nie teen môre verwyder word nie, sal die stad regstappe doen.
Dalk is die verskuilde boodskap tweevoudig:
(1) Jy mag nie lelik wees met jou president nie en, (2) jy mag nie trots wees op jou land nie.
Ek dink nie Kaapstad se woordvoerder sien die ironie agter dié besluit nie.
Asseblief. Moet tog nie maak asof die DA vir die Kaap praat nie.
Ek maak nie asof die DA vir die Kaap praat nie. Die DA dink wel hul praat vir die Kaap. Dit is net jammer dat mens hul so maklik kan verwar met die ANC of met die EFF.