Griekeland – Bladsy 2

Poetin, IMF bespreek Griekse krisis

Die Russiese President, Vladimir Poetin het die Internasionale Monetêre Fonds se bestuurshoof, Christine Lagarde genader om die Griekse referendum te bespreek.

Hulle probeer ‘n werklike oplossing kry vir die land se skuldkrisis.

Lagarde het gesê dat verskeie lande in Latyns-Amerika en Afrika haar vir haar ongenaakbare houding teenoor die Griekse krisis blameer.

Met die huidige bankstelsel se probleme, het die tyd aangebreek om nuwe finansiële instellings wêreldwyd te ontwikkel, het president Zuma intussen aan die Russiese nuusdiens RT gesê.

BRICS en sy nuwe ontwikkelingsbank is een van die alternatiewe, het hy gesê.

Zuma het bygevoeg dat sulke instellings aan lande wat betrokke is, meer insae in die besluitnemingsproses behoort te gee en dat Westerse lande te veel inmeng.

‘n Woordvoerder vir die Kremlin, Dmitry Peskov sê samesprekings sal voortgaan en die belange van alle partye rakende die Griekse probleem sal in ag geneem word.

Hy het bygevoeg dat die gesprek tussen Putin en Lagarde nie verband gehou het met enige moontlik hulp van Rusland aan Griekeland nie.

Lagarde het vroeër in ‘n verklaring gesê die IMF is gereed om Griekeland te help indien die land daarom vra.

Die omstrede vorige minister van Finansies, Yanis Varoufakis het Maandag bedank.

Lagarde het in ‘n verklaring gesê die organisasie is gereed om Griekeland te help indien die land daarom vra.

Intussen is Griekeland se hoofonderhandelaar met die internasionale krediteure, Euclid Tsakalotos, as nuwe minister van Finansies ingehuldig.

Die 55-jarige Tsakalotos wat in Londen skoolgegaan en gestudeer het, het na sy inhuldiging gesê hy is angstig oor die taak wat hom opgelê is.

Hy was tot onlangs ‘n professor by die Universiteit van Ekonomie in Athene.

Grieke stem teen besuiniging

Griekse kiesers het die redelike voorwaardes van ‘n Europese hulppakket in ‘n referendum verwerp.

Die Duitse Ekonomiese Minister, Sigmar Gabriel het intussen die Griekse regering daarvan beskuldig dat hy die Grieke op ‘n wanhopige pad van verlatenheid lei.

Griekeland se minister van finansies, Yanis Varoufakis het Sondag in ‘n skok-aankondiging gesê dat hy bedank ten spyte daarvan dat die regering ‘n klinkende oorwinning vir die nee-stemme verseker het.

Griekeland, ‘n land met 11 miljoen inwoners, staar tans finansiële en politieke isolasie binne die eurosone en die ineenstorting van die bankstelsel in die gesig as krediteure verdere hulpverlening weier.

Met al die stemme wat reeds getel is, het meer as 61 persent nee gestem. Griekse amptenare is nogtans vol hoop dat ‘n nuwe reddingsboei in die vorm van ‘n hulppakket hulle gaan red.

Die Europese Unie het sedert sy totstandkoming gegroei tot 507,000,000 burgers in 28 lande, die wêreld se belangrikste ekonomiese sone. Ten spyte van baie legitieme kritiek oor sy burokratiese oorlading, lei die Europese Unie lei die wêreld in beskaafde regering en sorg, asook omgewingsbewaring.

Die grootste fout was kennelik die vinnige uitbreiding van die ekonomiese sone om gebiede in te sluit nie wat nie gereed was vir lidmaatskap nie.

Griekeland, Bulgarye en Roemenië is uitstekende voorbeelde van lande wat nie in die eurosone hoort nie.

Griekeland moes die Amerikaanse Goldman Sachs gebruik om sy boeke te kook sodat hulle aan die minimumvereistes van EU-lidmaatskap kon voldoen, ‘n stap wat hulle nou duur gaan kos.

Leiers van die Eurosone sal Dinsdag op ‘n reaksie op die uitslag van die referendum besluit. Reeds 61% persent van die Griekse kiesers het hul stemme teen die voorgestelde besparingsmaatreëls uitgebring.

Die hoof van die Eurogroep, Jeroen Dijsselbloem sê die uitslag is onheilspellend vir Griekeland se toekoms.

EU-beleidmakers het gewaarsku dat ‘n nee-stem dit moeilik sal maak vir die Europese Sentrale Bank om aan Griekse banke die nood-geldelike hulp te gee waarop hulle staatmaak.

Europese ministers van Finansies het intussen bevestig dat daar geen onmiddellike planne vir ‘n noodvergadering is nie. Volgens ‘n amptenaar is die rede dat finansministers nie sal weet wát om te bespreek nie.

Die Duitse kanselier, Angela Merkel en die Franse president, Francois Hollande het voorlopig gesê dat die wil van die Griekse meerderheid gerespekteer moet word.

Die president van die Europese parlement, Martin Schultz sê dit berus nou by Griekeland om met ‘n oplossing vorendag te kom. Hy sê anders lê daar ‘n baie moeilike en dramatiese tydperk voor.

Die Euro het intussen gedaal teenoor die dollar en die yen in die internasionale markte te midde van vrese dat Griekeland die eerste land gaan word wat die Eurosone verlaat.

Die Griekse Eerste Minister, Alexis Tsipras het gesê die uitslag is nie ‘n stem teen Europa nie, maar eerder ‘n mandaat om die EU te dwing om die Griekse skuldkrisis op die Grieke se voorwaardes op te los.

Volgens berigte het die Griekse banke slegs dae se fondse oor. Hulle sal vandag gesluit bly om massa-onttrekkings van geld te verhoed.

Griekeland dra slegs 2% van die bruto binnelandse produk van die Unie by. Omdat Griekeland feitlik niks vervaardig nie en nog minder uitvoer, inwoners op geleende geld leef en weier om belasting te betaal, is daar tans oproepe dat die bankiers en hoë amptenare wat miljarde aan Griekeland geleen het, afgedank moet word.

Slowakye, ‘n land van 5,4 miljoen mense was vroeër in dieselfde bootjie as die Grieke en het ná ‘n besuinigingsprogram, floreer.

Ongelukkig blyk dit dat Griekeland se huidige verlinkse regering gereed is om selfmoord te pleeg. Nogtans was daar groot feesviering deur ondersteuners van die nee-stem voor die parlement in Athene.

Markte min gepla oor Griekse skuldsirkus

Internasionale markte het opwaarts beweeg en die euro het nie verder verswak nie omdat beleggers glo dat Griekeland steeds ’n manier sal kry om deel van die eurosone te bly.

Die regering het ‘n referendum vir Sondag 5 Julie uitgeroep en kapitaalbeheermaatreëls ingestel nadat dit duidelik geraak het dat die land se premier nie genoeg steun het van kiesers om die eurosone te verlaat nie.

Die kommunistiese Griekse premier, Alexis Tsipras, het in ‘n brief aan die land se krediteure, verklaar dat hy die voorstelle van die Internasionale Monetêre Fonds (IMF), die Europese Sentrale Bank en die Europese Kommissie aanvaar.

Griekeland en sy krediteure moet ‘n ooreenkoms bereik oor die land se skuld nadat inwoners oorweldigend aangedui het in meningspeilings dat hulle nie die euro as geldeenheid wil laat vaar nie.

Die referendum van Sondag kan die einde van die Kommuniste se leë beloftes oor staatsuitkerings wees en anti-Europese retoriek. Tsipras het vroeër ‘n beroep gedoen vir ‘n “nee-stem”.

Die Europese Sentrale Bank het Woensdag besluit om Griekeland nie meer met noodlenings by te staan nie, en in te stem tot ‘n finansiële reddingsplan óf die gevaar te loop dat sy bankstelsel ineenstort.

Griekeland het intussen die eerste ontwikkelde land geword wat hom aan wanbetaling skuldig maak tov ‘n IMF-lening.

Dinsdag was die spertyd vir ’n betaling van sowat 1,6 miljard euro aan die IMF deur die Grieke wat hulle verontagsaam het.

Dié nuwe stel voorvereistes moet deur die Grieke aanvaar word alvorens die instellings weer ’n reddingspakket aan die wanbetalende Griekse regering sal goedkeur.

Die voorvereistes behels onder meer dat die ekonomie drasties herstruktureer word deur staatsuitgawes te beperk en sekere belastings te verhoog.

Die brief is die eerste keer dat die Griekse regering die voorstelle aanvaar, nadat hulle al vir maande lank die ergste probeer ignoreer.

Die Griekse regering het egter gevra dat die nuwe stel vereistes aangepas word.

Ontleders waarsku dat die Suid-Afrikaanse geldeenheid wisselvallig kan bly totdat die Griekse skuldkrisis opgelos is.

Die hoof van die Internasionale Monetêre Fonds, Christine Lagarde sê sy hoop dat die uitslag van Sondag se referendum in Griekeland, meer duidelikheid en sekerheid sal bring oor die land se ekonomiese situasie.

Tsipras het in ‘n uitdagende houding Griekse burgers gevra om die voorstelle deur die land se krediteure te verwerp, maar heftig ontken dat dit Griekeland kan dwing om die Eurosone te verlaat.

Griekeland al dieper in die rooi

Die Griekse minister van ekonomie, Giorgios Stathakis, het besonderhede bekend gemaak van nuwe voorstelle om die dooiepunt in die skuldkrisis te beëindig.

Hoop dat ‘n ooreenkoms binnekort met die leiers van die Eurosone-lande bereik kan word, verflou aangesien die linkse premier Alexis Tsipras se gewildheid dermate afgeneem het dat hy geen ooreenkoms op sy landgenote sal kan afdwing nie.

‘n Opstand dreig tuis teen die Griekse leier omdat hy die besuinigingsvoorstelle aanvaar het, alhoewel dit onder meer nuwe belasting op sakeondernemings en rykes insluit.

As Tsipras se regering tot ‘n val kom sal dit maande duur om ‘n nuwe leier aan te wys wat boonop nie die mees onlangse Europese skuldmaatreëls sal kan afdwing sonder ‘n mandaat nie.

Die ministers van finansies van die Eurosone het na berig word die plan verwelkom en gesê ‘n ooreenkoms kan binne dae bereik word.

Die Duitse kanselier, Angela Merkel verkeer onder groot druk omdat Rusland kan intree om Griekeland te help met ‘n gastoevoerprojek, terwyl sy klaarblyklik aan die VSA belowe het Russiese invloed te help beperk in Europa.

Griekeland loop die gevaar om nie te voldoen aan die Europese Unie se vereistes nie, indien hy nie ‘n vorige hulppakket van 1,6 miljard euro teen 30 Junie aan die Internasionale Monetêre Fonds terugbetaal nie.

Sou Griekeland besluit om uit te tree uit die eurosone, sal hulle waarskynlik weer die drachma as geldeenheid instel en inflasie gebruik om hul skuldprobleem op te los.

Dit sal beteken dat EU-belastingbetalers nie langer sal hoef te betaal vir Griekse wanbestuur nie.

Merkel ontmoet Griekse premier

Die Duitse kanselier, Angela Merkel en die Griekse eerste minister, Alexis Tsipras het met hul ontmoeting in Berlyn glo gesels oor Griekeland se eis dat Duitsland die Grieke vergoeding skuld vir die Tweede Wêreldoorlog.

Albei was vaag oor hoe om te verhoed dat Athene se geld opraak. Merkel het gesê sy wil sien dat die Griekse ekonomie groei en Tsipras het gesê dit is beter om mét mekaar as óór mekaar te praat.

Die twee lande verskil oor Griekeland se pogings om die terme van sy internasionale skuldkrisis te onderhandel.

Die leiers het Maandag vir ’n uur vergader voordat hulle ’n gesamentlike mediakonferensie toegespreek het. Hierna het hulle ’n verdere vyf ure agter geslote deure byeengekom en eers ná middernag verdaag.

Noodsamesprekinge in Brussel oor Griekse reddingsplan

Noodsamesprekinge oor hervormings wat nodig is om Griekeland se ekonomiese reddingsplan te verleng, is Woensdag in Brussel gehou. Intussen het die nuwe regering in Athene geswoeg om genoeg kontant bymekaar te skraap om die res van die maand te kan oorleef.

Die Europese Kommissie, die uitvoerende eenheid van die EU, het volgens AFP bevestig dat die onderhandelings in Brussel begin het, maar het geen besonderhede oor die inhoud of deelnemers verstrek nie.

“Ek kan bevestig dat tegniese onderhandelings met deskundiges en Griekse owerhede en internasionale vennote begin het, wat deur onderhandelings in Athene verder ondersteun sal word, het die kommissie se woordvoerder, Mina Andreeva, gesê.

“Dit is baie belangrik dat hierdie tegniese onderhandelinge plaasvind in ’n kalm en polities-neutrale atmosfeer, sodat daadwerklike stappe gedoen kan word, het sy gesê.

’n Griekse regeringsbron het gesê onderhandelinge sou twee dae duur met die doel om die regte “raamwerk te vind oor hoe om voort te gaan.

“Die instansies’ soek spesifieke data, en dit is wat hulle sal kry, het die bron gesê, met verwysing na die Griekse regering se benoeming van die Troika-groep krediteure – die kommissie, die Europese Sentrale Bank en die Internasionale Monetêre Fonds (IMF).

Griekeland se eurosone-vennote het verlede maand ooreengekom om die land se reddingsplan tot Junie te verleng, in ruil vir hervormings, hoewel die uitbetaling van die volgende porsie van sowat 7 miljard einde April afhang van ’n oorsig van hervormingsplanne.

Griekeland moet hierdie maand 6 miljard betaal om skuld te delg, wat 1,5 miljard aan die IMF insluit.

Volgens verslae wat gister vrygestel is, het die linkse regering van eerste minister Alexis Tsipras oorweeg om pensioenfondse te gebruik om staatsamptenare se salarisse te betaal terwyl onderhandelinge met die troika voortgaan.

Griekeland kry nog 4 maande

Ministers van finansies van die Euro-sone het Dinsdag hul steun toegesê aan nuwe hervormings wat deur Griekeland voorgestel is in ruil vir ’n vier maande verlenging van die finansiële reddingsboei wat die land tydelik aan die gang sal hou.

Sowel die internasionale monetêre fonds (IMF) as die Europese Sentrale Bank (ESB), het egter hul bedenkinge oor die plan uitgespreek.

Verskeie Europese parlemente insluitende dié van Duitsland, moet nog die verlening van die bystand goedkeur.

Griekeland, ‘n lid van NAVO, dreig om uit die EU te stap indien hulle eise nie gehoor word nie.

Griekeland se skuldsirkus

Die Griekse eerste minister, Alexis Tsipras, het gister gesê sy linkse regering sou ten volle gebruik maak van ’n mandaat om onderhandelinge met Europese vennote aan te gaan en ten sterkste ontken dat hy bystand by Rusland sal vra.

“Ons is in ’n gevorderde stadium van onderhandelings met ons vennote in Europa en ander wat vir ons geld geleen het. Ons het ’n verpligting teenoor hulle,” het Tsipras tydens ’n mediakonferensie gesê toe hy gevra is of hy bereid is om bystand van Rusland te ontvang.

“Op die oomblik is geensins sulke gesprekke op die tafel nie.”

Tydens sy eerste buitelandse reis as eerste minister, het Tsipras in Nicosia gesê hy en pres. Nicos Anastasiades van Ciprus het ’n gekoördineerde standpunt bespreek vir ’n “brug van vrede en samewerking tussen Europa en Rusland”.

Tsipras het gesê sy land sal voortgaan om die euro te gebruik, en bygevoeg dat enigiemand wat glo klein eurosone-lande soos Griekeland en Ciprus is nie noodsaaklik in die blok nie, verkeerd bewys sal word.

Tsipras het ook ’n beroep gedoen op die vervanging van die “troika” meganisme van die Europese Kommissie, Europese Sentrale Bank en Internasionale Monetêre Fonds wat die finansiële toestand van sukkelende lidlande beheer.

Die president van die Europese Parlement, Martin Schultz het ‘n beroep op die nuwe Griekse regering gedoen om sy anti-Duitse retoriek in te perk.

Schultz sê dit is teenproduktief om Duitsland en sy leier in die openbaar te beledig.

Tsipras het voorts beweer dat Duitsland Griekeland miljarde euro skuld weens die Nazi-besetting gedurende die Tweede Wêreldoorlog. Griekeland skuld Duitsland tans miljarde euro.

Samesprekings oor Griekeland se internasionale skuld duur intussen voort. Die land se minister van finansies, Yanis Varoufakis is tans op besoek in Parys waar die Franse regering Griekeland teen Duitsland probeer afspeel het.

Varoufakisis ‘n burger van Australië wat in Brittanje studeer het en as ‘n professor by die Universiteit van Texas werksaam was.

Hy mag een van diegene wees met botsende lojaliteite in die EU. Varoufakis was voorheen ‘n ekonoom-in-opleiding vir die Valve Corporation, wat deel is van Microsoft.

Die waarskuwingstekens sê ontleders, dat Varoufakis ‘n “Trojaanse perd” vir George Soros is, is vollop.

Hy het intussen voorgestel dat sy land se terugbetalings aan ekonomiese herstel gekoppel word.

Die Britse minister George Osborne het Varoufakis gul ontvang, maar gewaarsku dat die stygende konfrontasie tussen Griekeland en die eurosone die “grootste risiko vir die globale ekonomie” inhou.

Duitsland en ander noord-Europese lande staan volgens Osborne “onverskillig” teenoor die gedagte dat Griekeland gedwing sal word om uit van die euro te tree.

Sommige ekonome sê die euro kan selfs beter sonder Griekeland vaar.

Joschka Fischer, die voormalige Duitse minister van buitelandse sake en visekanselier, sê die Syriza-oorwinning is regtig ‘n “Griekse begrafnis” vir die breër Duitse strategie van besuiniging en soberheid vir Europa.

Die regse politikus Bernd Lucke het by die AfD se partykongres in Bremen gesê Griekeland behoort so gou as moontlik uit die EU-groep van 19 lande te tree.

Griekse vegvliegtuig ploeg in ander vliegtuie in

‘n Vegvliegtuig van die Griekse lugmag het neergestort tydens ’n oefening van die Noord-Atlantiese Verdragsorganisasie (Navo) in die suidooste van Spanje waarin minstens 10 mense omgekom het.

Twee Griekse F-16’s het aan dié oefening deelgeneem waarby Brittanje, die VSA, België, Spanje, Italië en Duitsland ook betrokke was.

Die vliegtuig in ander vliegtuie wat gereed gemaak het om op te styg, ingeploeg wat tot verskeie ontploffings gelei het en vegvliegtuie op die grond in vlamme gehul het.

Die ongeluk het naby die stad Albacete gebeur en na wat berig word, is 20 ander mense in die voorval beseer.
Twee Griekse vlieëniers en agt Franse soldate het omgekom. Die beseerdes is hoofsaaklik Franse en Italiaanse soldate.

Genl. Jens Stoltenberg, sekretaris-generaal van Navo, het die ongeluk in ’n verklaring as ’n “tragedie wat die hele Navo-familie raak” beskryf.

‘Wêreldbeker maak SA bankrot soos Griekeland’

Terwyl Rapport en ander koerante vandag die lof van die wêreldsokkerbeker en sy Afrosentriese openingseremonie besing, staan die res van die wêreld meer krities teenoor die land. Tydens ‘n program wat op die Franse TV-kanaal Télé 1 uitgesaai is, het die vermaarde historikus en Afrikakenner Bernard Lugan Suid-Afrika as “‘n land wat deur ‘n grotendeels korrupte swart elite regeer word” beskryf.

Die program waarop Lugan verskyn het, heet “Ménard sans interdit” (“Ménard sonder taboes”) en reeds met die intrapslag meen die programaanbieder dat Suid-Afrika ‘n “erg verdeelde land is waar uitsonderlike geweld heers”. Lugan het ook ‘n parallel tussen Suid-Afrika en Griekeland getref. Net soos dié land deur die Olimpiese Spele in Athene bankrot gelaat is, is die wêrelsokkerbeker in Suid-Afrika reeds ‘n “ekonomiese ramp”. Volgens Lugan is “kaartjies wat teen R500 verkoop moes word, teen afslag aan die plaaslike sokkerondersteuners teen R150 verkoop”.

Ter inleiding sê sowel Ménard as Lugan dat “Suid-Afrika vandag in ‘n slegter toestand as onder apartheid” verkeer. Terwyl die sokkerwêreldbeker ‘n maand lank die krake in die land probeer toesmeer, heers daar rasse-, maatskaplike en etniese verdeeldheid. Volgens Lugan bestaan daar rasseverdeeldheid tussen blank en swart, maatskaplike verdeeldheid tussen die klein groepie swart begunstigdes en die massa arm swartes “wat van die honger omkom”, asook etniese verdeeldheid tussen die Zoeloes, Xhosas en Sotho’s.

As die land se vigs- en elektrisiteitsprobleme daarby gevoeg word, dan is Suid-Afrika reeds in ‘n krisis gedompel. Aldus Bernard Lugan.

Op die vraag of Mandela darem “‘n bloedbad in die land verhoed het” antwoord die Franse historikus: “Wat het Mandela gedoen? Hy het hoegenaamd niks vermag nie. Hy het nooit Suid-Afrika geregeer nie. Hy het aan bewind gekom in 1994. Gedurende die eerste twee jaar was daar ‘n koalisieregering, dus het hy nie sy mag ten volle uitgeoefen nie. En vanaf 1996 was dit sy kroonprins Thabo Mbeki wat die leisels oorgeneem het.”

Gedurende die warm debat waartydens Lugan sover gaan as om “die tuislandbeleid aan te prys”, maar dan het die blankes die land “onregverdig verdeel” en te min grond aan swartes afgestaan, meen die geskiedkundige dat Suid-Afrika oor ‘n etniese federasie moet beskik eerder as ‘n land wat op grond van “die Marxistiese mistiek” van die ANC aanmekaar gehou word.

Diegene wat Frans verstaan, kan die hele debat hier op YouTube volg.

free casino games

Vlugtelinglyke spoel op strand uit

Die lyke van agt vlugtelinge, een van hulle ‘n jong meisie, het by ‘n strand op die Aegeaneiland van Samos uitgespoel.

Volgens beamptes neem hulle aan dat die mense probeer het om die kus van Turkye na Samos oor te steek, toe hul boot in rowwe seetoestande omgeslaan het. Die lykevan ‘n vrou en agtjarige meisie was van die wat gevind is.

Twaalf ander wat op dieselfde boot gereis het, was glo deur ‘n Maltese-vlagskip naby Turkye gesien.

Kuswagte asook ‘n helikopter het ‘n soektog geloods om die 12 vlugtelinge te probeer red.

Die Aegean-see is ‘n gewilde roete vir vlugtelinge wat probeer om toegang tot die Europese Unie te verkry.

как строит баня Лобановский

Athene weer gebuk onder geweld

Gemaskerde oproermakers het klappers en klippe na polisielede gegooi tydens ‘n gewelddadige optog wat Sondag is Athene plaasgevind het.

Die optog het plaasgevind om die dood van ‘n tiener wat deur polisie doodgeskiet is, vir die eerste maal te herdenk. Dé skietvoorval het ‘n jaar gelede tot reusagtige en gewelddadige optogte gelei.

Polisie moes traangas gebruik om die skare, wat die vensters van banke uitgeslaan het, asblikke omgegooi het en klippe en klappers na die hul gegooi het, uitmekaar te jaag.

Minstens 48 mense is in hegtenis geneem en nog 50 is in die stad Thessaloniki, waar soortgelyke optogte plaasgevind het, gevang.

Duisende mense het aan die optog deel geneem om die dood van Alexandros Grigoropoulos (15) te herdenk.

Jeugdiges het vir twee weke lank die strate van stede in Griekeland op hol gehad ná Grigoropoulos se dood.

casino slots