Die Burger – Bladsy 13

Vrystaatse bordeelhotel toegemaak

'n Hotel wat beskou was as 'n nes van prostitusie en dwelmhandel in Bloemfontein is Donderdag in 'n klopjag deursoek en toegemaak, het die Vrystaatse polisie gesê.

Kaptein Magda Muller het gesê die sluiting van die Maitlandhotel het gekom nadat die minister van veiligheid en sekuriteit, Nathi Mthethwa, Bloemfontein Donderdag besoek het en deel uitgemaak het van die klopjag op die gebou.

Polisie het Donderdagmiddag terug gekeer en die gebou deursoek. Die gebou se ingang is met lemmetjiesdraad afgesper nadat al die inwoners na buite gebring is.

Muller het gesê omtrent 30 meisies, meeste van hulle minderjarig en 28 mans is ingeneem vir ondervraging om vas te stel of hulle betrokke is by prostitusie, dwelmhandel of verwante misdade.

Die hele blok om die hotel is tydens die operasie afgesper. Mense en kamers is deursoek.

Twee onwettige immigrante is gearresteer en dwelms, insluitend kokaïne en dagga, is gekonfiskeer.

'n Pistool is ook in die gebou gevind.

Swak spooroorgange vir sterftes geblameer

Spooroorgang

Die land se onveilige gelyk spooroorgange is verantwoordelik vir die onlagse vlaag sterftes van verskeie voetgangers en motoriste, het die vakunie Fedusa Donderdag gesê.

"Dit is totaal onaanvaarbaar dat menselewens so gering geag word dat daar geen onderhoud en opgradering gedoen word van die infrastruktuur in ons land nie," het Fedusa se woordvoerder, Dennis George, in 'n verklaring gesê.

"Ons het almal gesien hoedat infrastruktuur, en varal die spoorweginfrastruktuur konstant agteruitgaan."

Fedusa se kommer het ontstaan nadat vier mense van Gauteng Maandag dood is toe 'n trein hulle gehuurde motor getref het in Stellenbosch in die Wes-Kaap. In Park Rynie aan die KwaZulu-Natal suidkus is 'n 15-jarige meisie dood en 'n vrou ernstig beseer deur 'n trein toe hulle 'n spoorlyn te voet oorgesteek het.

free bet on

Massmart maak toename in verkope bekend

Vir die 26 weke tot 28 Desember 2008 het Massmart se totale verkope toegeneem met 13,2% teenoor die vorige periode. Die toename was R22,8 miljard, het die genoteerde handelaar Donderdag bekend gemaak.

Dit was met 'n inflasiekoers oor die afgelope 12 maande wat geskat is op 9,9%, het die groep gesê.

Vergelykende winkelverkope het met 11,9% toegeneem.

Vroeër het Pick 'n Pay gesê dat hulle nie teleurgesteld was met die feestyd se verkope nie.

"Ons was voorbereid vir goeie verkope oor die feesseisoen en kopers het verbasende vasbyt getoon, selfs in ekonomies moeilike tye en verkoopsyfers het ons skattings oortref," het Dennis Cope, die groep se finansiële direkteur, gesê.

play fortune teller лобановский обыск

Nkunda se afsetting sal vredespogings versterk, s? mededinger

'n Bevelvoerder wat beweer het dat hy Laurent Nkunda as leier van die rebelle in die ooste van die DRK omvergewerp het, het Donderdag gesê die skuif sal die vredesproses in die omgewing aanhelp.

"Die voorsitter is omvergewerp, maar die NKVM bly soos dit is," het Bosco Ntaganda aan 'n perskonferensie gesê wat georganiseer is by sy hoofkwartier in die rebellebeheerde Masisi-hoogland.

"Nkunda het 'n rem geword in die vredesproses binne die NKVM. Ons het vir 'n lang tyd vir hom gesê dat hy moet uittree," het Ntaganda gesê, in sy eerste openbare kommentaar oor die krisis wat die Nasionale kongres vir die verdediging van die mense verdeel het. Nkunda het die organisasie in 2006 begin.

"Die verandering aan die topstruktuur sal help om vrede in die ooste van die DRK te bring," het Ntaganda aan verslaggewers gesê, en bygevoeg dat hy "die steun van die lede van die NKVM en bevelvoerders van die groot eenhede" geniet.

Nkunda het volgehou dat hy steeds die rebellebeweging se leier is.

светильники купить

Tradisionele armbandvoorval ‘rassisties’, volgens ANC-vroueliga

Die voorval waarin 'n tradisionele Zoeloe-armband na bewering van 'n werknemer afgehaal is deur die bestuurder van die Vryheid-tak van die handelsgroep Pick 'n Pay, word deur die ANC se vroueliga as "rassisties" beskou.

Die organisasie se sekretaris, Nonhlanhla Khoza, het Donderdag gereageer op 'n koerantberig waarvolgens die werknemer se armband deur haar bestuurder afgesny is.

Sy het gesê selfs al word redes van "higiëne" voorgehou, glo die liga dat "die insident deur rassisme en onverdraagsaamheid vir die kultuur van swartmense gemotiveer is".

Pick 'n Pay-woordvoerder, Tamra Veley, het aan Sapa gesê die insident was 'n misverstand en dat dit uit verband geruk is.

Sy het gesê die vrou het 'n armband wat van diervel gemaak was gedra het en is gevra om dit te verwyder wanneer sy met kos werk, aangesien dit onhigiënies was.

Khoza het egter gesê dit is 'n flou verskoning en dat die verwydering van so 'n armband in die Afrikakultuur 'n "sonde" was.

Die Progressiewe vrouebeweging van Suid-Afrika het gesê dat hulle ook ongelukkig was oor die insident en het dit as "laster" beskou.

Woordvoerder Weziwe Thusi het gesê dit was 'n teken dat sommige mans steeds geen respek het vir vroue nie.

"Die optrede is ook in teenstelling met die land se grondwet, wat alle gelowe as gelyk beskou en beskerming en respek waarborg. Dit maak die bestuurder se beweerde optrede lasterlik," het sy gesê.

Veley het gesê dat indien die insident enige iemand geaffronteer het, hulle om verskoning vra.

Die handelaar sou binnekort 'n verklaring vrystel.

справка 086 у купить Фильчаков

Ses dood in ongeluk naby Brandfort

Ses mense is dood toe 'n bakkie 'n kop-aan-kopongeluk gehad het met 'n Intercape-bus naby Brandfort, het die Vrystaatse polisie Donderdag gesê.

Die ongeluk het om 09:00 gebeur toe 'n derde voertuig die bakkie, wat nege passasiers gedra het, verbygesteek het, het kaptein Magda Muller gesê.

Die bakkie het beheer verloor toe die ander voertuig hom verbygesteek het.

Daar was 'n getuie wat die insident gesien het, maar dit is nog nie duidelik hoe die bakkie beheer verloor het nie.

Die bestuurder van die bakkie ('n man van 47) en vyf van sy passasiers is dood. Nog drie van hulle is na die Pelonomi-hospitaal in Bloemfontein geneem.

Die bestuurder van die bus, Gregory Henefore, van Port Elizabeth is ook ernstig beseer en is na die Mediclinic in Bloemfontein geneem.

Die bakke was op reis in die rigting van Theunissen en die Intercape-bus in die rigting van Brandfort.

MTN-Verizon-samesmelting goedgekeur

Die samesmelting tussen MTN en Verizon is goedgekeur deur die mededingingstribunaal, het 'n woordvoerder wat anoniem wou bly Donderdag gesê.

Sy het gesê dat 'n verklaring later in die dag deur die tribunaal uitgereik sou word.

In terme van die samesmeltingstransaksie tussen MTN en Verizon, het die IT maatskappy Verizon European Holdings sy belange in Verizon SA (69,38%) aan die selfoonoperateur MTN verkoop.

прокурор Фильчаков

Pretoriase burgemeester besoek familie van doodgeskokte kind

Eskom-advertensie teen onwettige verbindings

Arm huishoudings moet van geleenthede gebruikmaak wat die regering daarstel om ongelukke soos die tragiese dood van 'n 2-jarige seun in Atteridgeville te vermy, het Pretoria se burgemeester, Gwen Ramokgopa, Donderdag gesê.

In 'n verklaring het die stad gesê Ramokgopa het die familie van Mduduzi Buthelezi Donderdag besoek nadat hy Saterdagaand noodlottig geskok is, klaarblyklik nadat hy aan 'n stoof geraak het wat nie elektries geaard was nie.

"Ons het hierheen gekom om ons meegevoel oor te dra en simpatie te betuig aan die familie wat 'n kind verloor het," het Ramokgopa gesê.

"Wat dit tragies maak, is dat dit voorkom kon word."

Ramokgopa het gesê die familie kon hulp gekry het van die stad se hulpprogram vir die armes – 'n program wat hulp verleen aan families wat minder as R1700 per maand verdien.

Volgens die program kwalifiseer gesinne vir 12 kiloliter water en 100 kilowatt elektrisiteit gratis per maand.

Daar word beweer dat die moeder se oom die elektrisiteit na die huis verskeie kere onwettig verbind het nadat die stad se elektrisiteitsafdeling dit van die netwerk verwyder het.

Pick ‘n Pay ‘nie teleurgesteld’ met Kersverkope

Winkelgangers by Pick ‘n Pay

Pick 'n Pay was nie teleurgesteld met sy feestydverkope nie, het die maatskappy Donderdag gesê.

"Ons was voorbereid vir goeie verkope gedurende die feesgety en was nie teleurgesteld nie, kliënte het ook verbasende vasbyt getoon, selfs onder moeilike ekonomiese tye en verkoopsyfers het geskatte voorspellings oortref," het Dennis Cope, die groep se finansiële direkteur gesê.

Hy het gesê dat die hoeveelheid kopers wat laaste aankope gemaak het in die drie dae voor Kersfees baie meer was as in vorige jare.

"Soos wat verwag is, het verbruikers hulle swaar verdiende geld meer wyslik bestee," het Cope gesê. Meesal het hulle "nuttige geskenke gekoop met 'n lang lewensduur" soos MP3-spelers, Playstations en ander elektroniese en rekenaargoedere.

Ander praktiese geskenke het ingesluit "terug skool toe"-items en toiletware, veral in die "karakter-handelsmerke"-reekse, het Cope gesê.

"Verbruikers het ook meer aandag gegee aan eenheidspryse (bv. prys per volume of gewig) en kleiner verpakkings gekoop."

Voorspellings dat meer mense die jaar sou tuis bly was duidelik in die toename in verkope van braaitoerusting, buitelug speletjies en swembadspeelgoed, het Cope bygevoeg.

Ten opsigte van kos, het die gewone items wat met Kersfees geassosieer word soos kalkoene en vrugtepasteie goed gedoen, asook drinkgoed wat sterk in aanvraag was.

игры для девочикы

Verbod n? ongeluk by hondekosaanleg

'n Verbod by die hondekosvervaardiger Epol sal van krag bly terwyl die ondersoek na die dood van 'n werknemer vroeër vandeesweek voortgaan, het die departement van arbeid Donderdag gesê.

Woordvoerder Page Boikanyo het gesê niemand en geen werknemer mag enige van die Epol-silo's binnegaan sonder beskermende drag of voldoende opleiding nie, tot die ondersoek na die man se dood by die maatskappy se Pretoria-Wes-aanleg afgehandel is nie.

Boikanyo het gesê die man het op 'n vervoerband gestaan bokant 'n mangat in die silo, toe die vervoerband aangeskakel is. Hy is gevolglik in die silo in gedra en bedek deur die rou produk, waarna hy versmoor het.

"Die ondersoek deur arbeidsinspekteurs in terme van die beroepsveiligheidswet gaan voort en 'n verslag sal aan die kantore van die nasionale vervolgingsgesag (VG) en die departement se hoofinspekteur vir beroepsveiligheid gestuur word vir oorweging."

Boikanyo het gesê die kennisgewing verbied toegang tot enige silo waar die voorgeskrewe veiligheidsmaatreëls nie nagekom is in terme van die wet op beroepsveiligheid nie.

free credit no deposit required лобановский обыск

VN-bemiddelaar in Kinshasa, tesame met Rwandese le?rhoof

Die VN-bemiddelaar in die konflik in die oostelike DRK, Olusegun Obasanjo, het Donderdag in Kinshasa aangekom vir onderhandelinge met Kongolese beamptes voordat hy na die Rwandese hoofstad, Kigali, vertrek, 'n VN woordvoerder gesê.

"Obasanjo is sedert vanoggend in Kinshasa vir samesprekings. Hy is net vir 'n paar ure hier en sal vandag vertrek na Kigali," het Madnodje Mounoubai, woordvoerder vir die VN-sending in die Kongo (MONUC) gesê.

Die stafhoof van die Rwandese weermag, generaal James Kabarebe, het ook vroeg Donderdag in Kinshasa aangekom, het 'n anonieme Kongolese regeringsbron aan AFP gesê.

Die besoek volg op 'n vergadering verlede maand in Rwanda tussen die twee lande se ministers van verdediging.

Kabarebe en sy Kongolese kollega het ook deelgeneem aan daardie vergadering, wat 'n amptenaar gesê het gemik was daarop om verhoudings tussen die Grootmere-bure te normaliseer.

Die twee regerings het 'n gesamentlike militêre ooreenkoms op 5 Desember geteken, waarvolgens die Rwandese Hoetoe-rebellebeweging, Democratic Forces for the Liberation of Rwanda (FDLR), wat vir meer as 'n dekade in die oostelike DRK gebaseer was, ontwapen sal word.

Kinshasa het lank reeds Rwanda daarvan beskuldig dat hulle 'n teen-regeringsaksie in die oostelike Kongo, wat deur generaal Laurent Nkunda, 'n voormalige Toetsiegeneraal gelei word, ondersteun. Die klag word deur Kigali ontken.

Rwanda het jare lank geëis dat die weermag van die DRK die FDLR ontwapen. Die FDLR bevat oorblywende milisie wat deelgeneem het aan die 1994-Rwandese slagting, waarin sowat 800 000 Toetsies en gematigde Hoetoes vermoor is.

Kinshasa is tans betrokke in direkte onderhandelings met 'n afvaardiging van Nkunda se organisasie in Nairobi, wat deur Obasanjo, die voormalige Nigeriese president, bemiddel word. Obasanjo is aangewys deur die VN-sekretarisgeneraal se spesiale gesant vir die krisis.

липецк оборудование

Duisende stap in anti-Israelse betoging in Kaapstad

Duisende betogers het Donderdag na die parlement in Kaapstad geloop om te vra dat Israel sy offensief in die Gasastrook teen die Palestyne staak.

"Suid-Afrika, die koeëls en bomme wat jy verkoop aan Israel maak onskuldige babas dood in Palestina!" het een plakkaat gelui wat deur 'n betoger omhoog gehou is.

Die organiseerders van die betoging, die Workers Internasional Vanguard League (WIVL), het 'n memorandum aan die adjunkminister van buitelandse sake, Sue van der Merwe, oorhandig buitekant die hoofhekke van die parlement.

Die dokument doen onder andere 'n beroep op die parlement om die Israelse ambassadeur in Suid-Afrika uit die land te sit en verder word daarin vir sanksies teen Israel gevra.

Israel se veldtog teen Hamas-militante in Gasa en die dood van burgerlikes wat in die gevegte betrek word, het protes regoor die wêreld laat posvat.

Volgens die kort verklaring wat Woensdag deur die WIVL vrygestel is, was die opmars uit protes teen die volksmoord in Gasa, sowel as die medepligtigheid van Suid-Afrika en Amerika omdat hulle toelaat dat wapens en onderdele na Israel toe uitgevoer word.

Vele van die betogers, wat deur polisie op meer as 3 000 geskat is, het T-hemde gedra wat gedruk was met die slagspreuke: "Sanksies teen Israel nou" en "Staak die slagting in Palestina".

Van die boodskappe wat gesien is op plakkate in die betoging was: "Hitler het hulle geleer" en "Hamas, ons salueer jou".

Hordes polisie het 'n wakende oog gehou oor die protes, wat om 13:00 vreedsaam uitmekaar gegaan het.

Ontploffing by Sasolfabriek in Germiston

'n Brandstoftenkvragmotor het Donderdag aan die brand geslaan en 'n ontploffing veroorsaak by die Sasolaanleg te Germiston.

'n Maatskappywoordvoerder Jacqui O'Sullivan het gesê die brand het omstreeks 10:30 aan die tenkwa begin en toe versprei na die vragmotor se eie brandstofvoorraad, wat ontplof het. Die brand is daarna onder beheer gebring en geblus.

Daar was net een besering; 'n man is hospitaal toe geneem met 'n enkel wat moontlik gebreek is.

O'Sullivan het gesê dat die oorsaak van die brand nog nie bekend is nie, maar dat 'n ondersoek reeds aan die gang is.

игры девочкам топкарго отзыв

Vervaardiging daal in November, s? statistiekdiens

Vervaardigingsuitsette vir November het gedaal met 4,4% jaar-tot-jaar, het Statistiek SA Donderdag gesê.

"Alle kategorieë het dalings getoon, en die grootste daling was in die yster- en staalsektor," het Nedbank-ekonoom Carmen Altenkirch gesê.

Die data het 'n algemene afname in saketoestande getoon, wat wys dat maatskappye huiwerig is om tans beleggings te maak.

Nog 'n merkbare verlaging was in die motornywerheid, het Altenkirch gesê.

прокурор Фильчаков