Nuus Archives - Page 114 of 403

Obama hou (te) streng by sy woord

Presidente het al tekslesers gebruik vir meer as ‘n halfeeu, maar nie een het tot dusver so erg op die goed staatgemaak as Obama nie. Terwyl presidente dit tipies gebruik het vir hulle mees belangrike toesprake – ‘n inhuldiging, ‘n staatsrede of ‘n Ovaalkantoortoespraak – gebruik Obama dit vir daaglikse roetine toesprake, en selfs sy openingswoorde by perskonferensies.

Hy het dit gebruik tydens ‘n besoek aan die departement van binnelandse sake om oor bedreigde spesies te praat, en selfs toe hy herinneringe opgediep het van besoeke aan nasionale parke toe hy ‘n 11-jarige seun was. “Dit ws ‘n ervaring wat ek nooit sal vergeet nie,” het hy gesê terwyl hy dit van die teksleser af gelees het.

Vir Obama beteken ‘n teksleser kommunikasiedissipline, om so na as moontlik aan sy beoogde woorde te bly. Elke president gebruik natuurlik voorbereide opmerkings, en gereeld word daar van kaarte of papier af gelees. Maar terwyl sommige van sy voorgangers gehou het daarvan om te improviseer, verkies Obama dat die boodskap perfek is.

Obama het nooit ‘n teksleser gebruik tot sy belangrike toespraak by die 2004 Demokratiese Konvensie nie, maar hy het gereeld op die goed staatgemaak tydens verlede jaar se verkiesingsveldtog. Na een toespraak is hy gesien in ‘n spanningsvolle woordewisseling met ‘n assistent, ‘n uitbarsting wat sy woordvoerder later toegeskryf het aan ‘n foutiewe teksleser.

Die Withuis het vrae oor die gebruik van die masjiene nie geantwoord nie.

двухпоршневой цена Александр Фильчаков

Swart mans heel onder

Meer swartmans in Louisiana word in die tronk gesit of word die slagoffers van manslag as wit mans, het amptenare van ‘n onderwysnavorsingsentrum Donderdag gesê.

Cedric Richmond, Demokratiese verteenwoordiger van New Orleans, het gesê “Afro-Amerikaanse mans is laaste in omtrent enige kategorie as dit kom daarby om sukses te behaal.”

Die Raad op die Sosiale status van Swart Mans en Seuns, wat Donderdag ontmoet het in die staat se hoofstad, beplan om ‘n voorlopige verslag vry te stel op 1 Junie oor hoe swart mans tans vaar.

Onder kinders, is die persentasie van swart manlike persone drie keer dié van blanke mans, het Bobbie DeCuir, ‘n projekdirekteur by die Cecil J. Picard Sentrum vir Kinderontwikkeling en Lewenslange Onderwys gesê.

Moord is die hoofoorsaak van dood onder swart mans met ouderdomme tussen 15 tot 34, het Gail Bonhomme, ook ‘n projekdirekteur by die Picardsentrum gesê.

En vir elke wit man tussen die ouderdom van 19 en 44 wat in die tronk is, is daar omtrent 4 swart mans in die tronk, het sy gesê.

Die Picardsentrum het dié en ander statistieke, wat geneem is van die Nasionale Sentrum vir Gesondheidstatistiek en Amerikaanse Sensus Buro en saamgestel is deur LSU-demograaf Troy Blanchard na die raad toe geneem.

Daardie statistieke was nie verrassend vir die raadslede nie, waarvan die groot meerderheid selfs swart is. Maar Donderdag het die syfers woorde soos “erg”, “ontnugterend” en “teleurstellend” laat opklink uit die paneel.

ігрушки лобановский класс

Gumede se nuutste

William Gumede, die skrywer van die biografiese werk Thabo Mbeki het ‘n nuwe boek geskryf, The Democracy Gap: Africa’s wasted years, wat in Meimaand op die rakke sal wees. Die boek ondersoek die mislukkings van regerings in Afrika ná onafhanklikheid en bevrydingsorganisasies asook hoekom die klein republieke van Mauritius en Botswana beter gevaar het as die res.

Gumede is ‘n ere-medeprofessor aan Wits universiteit en ‘n senior vennoot en programdirekteur by die universiteit van Londen.

Hy het gesê die mislukking van bevrydingsorganisasies in Afrika is omdat hulle vertroue plaas in enkelinge. Indien daar sterk geformuleerde beleid was, sou individue nie saak maak nie. Dit is belangrik om instellings te bou wat individue oorleef.

Volgens Gumede kan mens die potensiaal vir mislukking meet aan hoeveel lyfwagte die politikus het. Hoe groter die konvooi, hoe meer waarskynlik dat hy sal misluk en ‘n diktator sal wees.

игри для девочке

Protestante en Katolieke veroordeel IRL-aanval

Politici van noordelike Ierland se Protestante en Katolieke gemeenskappe het Sondag saamgespan in die veroordeling van die aanval waarin vermoedelike IRL dissidente ‘n groep Brits soldate en pizza-afleweringsmense buite Britse barakke in Antrim, noord van Belfast geskiet het.

Die aanval het twee soldate gedood en vier ander mense, waarvan twee pizza-afleweringsmense was ernstig gewond.

Die aanval Sondagaand was die eerste wat ‘n Britse soldaat in Noord Ierland dood is, sedert ‘n IRL skerpskutter ‘n soldaat doodgeskiet het in 19997, ‘n jaar voor die historiese Goeie Vrydag ooreenkoms.

Die aanval het skokgolwe gestuur deur die Protestante en Katolieke gemeenskappe, wat steeds aanpas by ‘n gemeenskap sonder die geweld wat 3700 mense in ‘n 30 jaar periode gedood het, en het die koalisieregering wat in 2007 in Belfast in beheer gekom het geskok. Die regering het aan bewind gekom onder politieke partye wat voorheen verbind was met Protestante militantes en die IRL.

Die polisie het gesê hulle glo dat die Antrim gewapende aanvallers behoort aan ‘n dissident faksie wat die koalisieregering verwerp het, en wat sporadies maar meestal marginale aanvalle loots, hoofsaaklik teen die provinsie se polisie.

treasures of egypt

Ekonomiese krisis gaan Afrika ook tref

Met die volle impak van die globale ekonomiese krisis wat Afrika gaan tref, het Afrikaleiers Maandag in Tanzanië vergader vir die Internasionale Monetêre Fonds se konferensie om die saak aan te spreek.

Toe, wat baie beskou het as die grootste ekonomiese krisis sedert die 1930’s se Groot Depressie, verlede jaar in die Weste toegeslaan het, het analiste geglo dat Afrika ‘n kans staan om die finansiële storm met net ‘n paar skrape te oorleef.

Afrikabanke het min belê in sogenaamde “toksiese” bates wat die krisis begin het, wat die kontinent beskerm het teen die kredietkrisis.

Maar met geen hoop op hertel na die globale afplatting voor 2010 nie, blyk dit dat ‘n bitter mengsel van kwynende geldoordragte, krimpende uitvoermarkte en dreigende beleggingsinkortings die kontinent gaan vergiftig.

Die IMF se besturende direkteur, Dominique Strauss-Kahn, wat verlede week ‘n aanbieding gedoen in Washington, het ‘n vaal prentjie geskets van Afrika se onmiddellike toekoms.

“Nadat eers die nywerheidslande en daarna die ontluikende markte getref is, tref ‘n derde golf van die globale krisis nou die wêreld se armste en mees kwesbare lande, en dit tref hulle hard,” het hy gesê.

Die IMF-konferensie vind plaas in Dar es Salaam op Dinsdag en Woensdag, en is getiteld: “Veranderinge: suksesvolle vennootskappe vir Afrika se groeiuitdaging.”

Voor die globale krisis was die kontinent die tuiste van sommige van die wêreld se vinnigste groeiende ekonomieë, maar die IMF se 2009-vooruitskatting vir Afrika suid van die Sahara is gehalveer tot 3,3% sedert verlede jaar.

Strauss-Kahn het gesê die impak op lae-inkomstelande sal wees deur die vermindering in handel, maar hy het ook gesê dat ‘n 20%-verlaging in direkte buitelandse belegging kan plaasvind.

‘n Wêreldbankdokument wat Sondag vrygestel is, het gesê dat ontwikkelende lande tussen 270 en 700 miljard dollar gaan nodig hê in 2009.

Dit lui: "Slegs ‘n kwart van die kwesbare lande het die vermoë om finansiële maatreëls te tref om die ekonomiese afplatting te hanteer, soos werkskeppingsprogramme en geteikende veiligheidsprogramme.”

topcargo

Sasol se wesensverdienste styg

Sasol se wesensverdienste per aandeel het gestyg met 51% tot R21,92 vir die 6 maande wat geëindig het Desember 2008, het die petrochemiesegroep Maandag gesê toe hulle tussentydse verslae bekend gemaak is.

Dit was as gevolg van beide die hoër olieprys en ‘n swakker rand.

Werksprofyt van R31,5 miljard was 53% hoër as die vorige jaar se vergelykende periode, het Sasol gesê.

Volgens die maatskappy, plaas sy balansstaat, kontantvloei en likiditeit hom in ‘n goeie posisie om die globale ekonomiese krisis te weerstaan.

“Ten spyte van die onsekerheid in globale markte, bly ons oorkoepelende lang termyn strategie onveranderd: om te verseker dat ons versigtig sal werk in die bestuur van besighede en projekte sal najaag wat in die beste belange is van ons aandeelhouers en ander gewaardeerde vennote.”

Met die oog op die toekoms het Sasol gesê dat verdienstes laer sal wees vir die hele 2009 finansiële jaar.

“In lyn met die skerp afplatting in wêreldwye chemiese markte, verwag ons dat ons chemiese besigheid merkbaar swakker sal wees in die 2de helfte van die jaar vergeleke met die 1ste 6 maande, in kontras met ons vertoning in 2008.”

Die maatskappy verwag dat die verdienste vir die finansiële jaar tot 30 Junie 2009 laer sal wees teenoor die 2008 jaar.

Dit was as gevolg van die algemene ineenstorting in marktoestande, met merkbaar laer pryse vir ru-olie en produkpryse, en laer aanvraag vir produkte.

Dit kan egter deels teengewerk word deur ‘n verswakking in die rand/dollar wisselkoers, die ru-olie voorrade en verhoogde produksievolumes by die Arya en Oryx aanlegte.

Sasol het gesê huidige markbeweegbaarheid en onsekerheid van globale markte het dit moeilik gemaak om meer presies te wees in vooruitskattings.

‘n Tussentydse kontantdividend van R2,50 per gewone aandeel is verklaar.

‘Gemengde plutoniumoksied ‘n groot gevaar’

‘n Groot vrag gemengde plutoniumoksied (MOX) sou na verwagting Saterdag verby die Kaap van Goeie Hoop vervoer word, het Greenpeace Africa in ‘n verklaring gesê.

"MOX-vragte is net nie die moeite werd nie, hulle is ‘n groot terreurteiken en ‘n groot risiko vir die omgewing van al die lande onderweg,” het Rianna Teule, kernveldtogleier van Greenpeace Internationaal Saterdag in ‘n verklaring gesê.

Die skepe Pacific Pintail en Pacific Heron was beide swaar bewapen en beskerm deur spesiaal opgeleide Britse magte, het die verklaring gelui.

Hulle moet Suid-Afrikaanse waters binnegaan onderweg van Frankryk na Japan.

Die vrag wat Chebourghawe verlaat het is omtrent 1,8ton MOX – genoeg om 225 kernwapens mee te vervaardig – en sal om die Kaap van Goeie Hoop vervoer word.

“Die MOX-vervoer skep onmiddellike besmetting en sekuriteitsrisiko’s, en is net nog ‘n voorbeeld van die gevare van kernenergie…nie net is die verskeping onnodig en gevaarlik nie, maar daar is ook geen getuienis dat die houers wat die kernbrandstof bevat veilig is teen ongelukke nie,” het Teule gesê.

MOX is ‘n alternatiewe kernbrandstof wat opgemaak word uit ‘n mengsel van uraan en plutonium.

азота

Honderde Zim-vlugtelinge in Johannesburg

Honderde Zimbabwe vlugtelinge het aangekom in sentraal-Johannesburg en lewe op die straat na die sluiting van die vlugtelingprosesseringsentrum by die skougronde van Musina, Limpopo.

“Meeste van die mense bly buite. Snags kan mens hulle sien, daar is baie,” het Wellington Masaiti Saterdag aan Sapa gesê.

Masaiti is ‘n vrywilliger sekuriteitswag by die sentrale Metodistekerk in Johannesburg wat ‘n veilige hawe geword het vir vlugtelinge.

Paul Verryn, die biskop van die kerk het gesê dat ongeveer 200 vlugtelinge aangekom het vanaf Musina n die laaste 2 weke, en 71 net op Vrydag alleen.

“Daar was ‘n definitiewe toename in getalle,” het Verryn gesê.

Die week het binnelandse sake sy ad-hoc vlugtelingprosesseringsentrum in Musina gesluit.

Die Musina vlugtelinge het aan Sapa gesê hulle is vervoer gegee tot in Johannesburg, maar was onduidelik oor wie dit verskaf het. Baie het gesê binnelandse sake of die Musinaregsentrum het minibus-taxis voorsien.

Hulle probeer skuiling vind by die Sentrale Metodiste kerk, maar baie word weggewys by die deur.

Verryn het gesê die plek is reeds vol tot maksimumkapasiteit.

Dit beteken dat die Musina vlugtelinge gaan aansluit by die 2000 wat Verryn skat wat reeds op straat slaap.

“Hulle slaap ingeryg soos sardientjies,” het Verryn gesê.

Was dit ‘n ongeluk?

Eerste minister Morgan Tsvangirai se party, die MDC, het gesê hulle sal hul eie ondersoek hou na die ongeluk waarin hy Vrydag middag beseer is en sy vrou dood is. Maar die getuienis wat versamel is wys sover dat die gebeure op ‘n hoofweg ‘n ongeluk was, volgens Amerikaanse amptenare.

Die sport-nutsvoertuig waarin die Tsvangirais gereis het is van die kant getref deur ‘n vragmotor wat Amerikaansvoorsiende antiretrovirale medisyne vervoer het om mense met vigs te behandel, het ‘n senior Amerikaanse amptenaar Saterdag gesê. ‘n Vroulike passasier in die vragmotor het gesê die bestuurder het beheer verloor nadat die bestuurder ‘n growwe stuk op die pad getref het, het die amptenaar gesê, wat die ongeluk bespreek het op voorwaarde van anonimiteit omdat hy nie toestemming gehad het om op die rekord te praat nie.

“Vanuit ons aanvanklike begrip, blyk dit dat die vragmotor ‘n slaggat getref het, beheer verloor het en oor die middellyn van die pad gekruis het. Dit het Morgan se voertuig getref wat daarna verskeie kere gerol het,” het die Amerikaanse amptenaar gesê. “Dit lyk werklik asof dit ‘n ongeluk was.”

Susan, Tsvangirai se vrou van meer as 30 jaar is gedurende die ongeluk uit die voertuig, ‘n Toyota Land Cruiser, geslinger en is kort daarna oorlede. Sy sal waarskynlik Dinsdag of Woensdag begrawe word in Tsvangirai se landelike tuiste Buhera, het ‘n partyamptenaar gesê.

Die vragmotor wat Tsvangirai se Toyota getref het is betaal deur ‘n kontrakteur met fondse van Amerika se agentskap vir Internasionale ontwikkeling, het ‘n Amerikaanse amptenaar gesê.

Die departement van buitelandse sake het gesê dat Amerika “baie jammer” is oor die ongeluk wat omtrent 4uur Vrydagmiddag plaasgevind het.

dsp ac 224

Clinton se Russiese verleentheid

Russiese media het die spot gedryf met Amerika se minister van buitelandse sake Hillary Clinton na sy haar Russiese kollega ‘n “herstel” skakelaar gegee het met ‘n ironiese spelfout.

Clinton se geskenk aan die minister van buitelandse sake Sergei Lavrov by hulle vergadering in Geneva Vrydag was bedoel om die Obama-administrasie se gewilligheid “om die herstel knoppe te druk” in die verhoudinge met Moskou oor te dra.

Maar pleks van die Russiese woord vir “herstel” (perezagruzka) het dit ‘n woord op gehad met die betekenis “oorlaai” (peregruzka).

Die dagblad Kommersant het ‘n prominente foto van die nagemaakte rooi knop gehad en verklaar: “Sergei Lavrov en Hillary Clinton druk die verkeerde knop.”

‘n Korrespondent van NTV Televisie het dit ‘n “simboliese fout” genoem en uitgewys dat Amerikaans-Russiese verhoudings “oorlaai” is in die laaste paar jare weens krapperigheid oor sake soos missielverdedigingsstelsels en verlede jaar se oorlog in Georgië.

“Die vriendelike gebaar is omgekeer deur ‘n klein amusante insident,” het die nuus webwerf RBC.ru geskryf in ‘n artikel wat laat verlede Vrydagaand gepos is.

“Tog het die episode nie Clinton en Lavrov verhoed om die knop te druk voor televisiekameras nie.”

Amerikaanse vise-president Joe Biden het gepraat daarvan om die “herstelknop” te druk vir verhoudinge tussen Moskou en Washington gedurende ‘n toespraak in Duitsland verlede maand.

Dit is sedertdien herhaal in verskeie vorme deur beide Amerikaanse en Russiese amptenare.

дровяные печи камины topcargo отзывы