Nuus Archives - Page 76 of 403

‘Weermag kan help om misdaad te bekamp’

Minister van polisie, Nathi Mthethwa, het in 'n onderhoud Sondag met die Sunday Independent gesê dat die weermag ingeroep kan word om misdaad te bekamp.

"Ons is in 'n oorlog met kriminele gewikkel," het hy gesê. Die weermag kan kontantvervoerwaens begelei en die land se grense patrolleer.

"As 'n mens na ander lande kyk, dan is die vervoer van geld 'n gesamentlike poging deur die veiligheidsdienste. 'n Mens wil die polisie dalk losmaak van geldwaroof en konsentreer waar dit saakmaak. As dit hersien moet word, sal dit hersien word."

Mthethwa het aan die sondagkoerant gesê dat opgeleide soldate wat deel is van die resewemag aangewend kan word in hierdie opsig.

Die effektiwiteit van sigbare polisiëring word ondermyn deur die polisie aan te wend om die grense te patrolleer. "As 'n mens na internasionale tendense kyk, is dit die werk van die weermag om die land te beveilig… 'n Mens het sigbaarheid nodig, daardie eenhied moet versterk word.

Mthethwa het ook gesê dat daar 'n "vaste reël" is om ten minste 10,000 polisielede per jaar aan te stel. Die opskerping van misdaadintelligensie is ook 'n sleutel.

"Ons het tans 'n wetsontwerp voor die parlement oor forensiese navorsing, want toe ons die regstelsel ondersoek en geassesseer het, het ons gevind dat die speurders die swak skakel is. Ons het 'n gespesialiseerde program van stapel gestuur om speurders weer op te lei. As ons misdaad te bowe wil kom, moet ons sterk wees op misdaadintelligensie. Dit is die begin van die skakels van waarde van die regstelsel."

"As kriminele weet jy is swak en jy kan nie misdaadtonele hanteer nie, moedig jy hulle aan om weg te kom met moord," het hy gesê. "Ons wil kwaai wees, maar slim."

Mthethwa het gesê die polisie moet meer aggressief wees om hulleself te verdedig. "Ons wil nie huiwering hê nie want 117 polisiemanne is verlede jaar dood omdat hulle gehuiwer het… om hulleself te verdedig want hulle was bang vir die media en menseregteondersteuners."

"Hierdie jaar is daar reeds nege polisielede in KwaZulu-Natal dood."

Mthethwa het ook gevra dat CCTV-kameras in lokasies geïnstalleer word. "Ons wil nie net die ding in groot stede hê nie, maar ook in ons gemenskappe war misdaad gebeur… Dis hoekom ons die tesourie gaan nader vir hulp."

"Indien ons nie ons tegnologiese kapasiteit verbeter en verhoog nie, is ons nêrens nie."

Mthethwa het ook gesê die opvolger vir nasionale kommissaris Jackie Selebi sal binnekort aangekondig word. Sy kontrak verstryk in Junie. "Dit is 'n dringender saak, in die hoogste amp, dat dit so gou moontlik gebeur. Ons gaan 'n nuwe kommissaris kry, en ons praat nie van maande nie."

Die hoof van die nuwe direktoraat vir Voorkeur Misdaadondersoek (VMO), wat die Skerpioene vervang, gaan ook aangekondig word. Die nuwe lede word tans deur die Nasionale Intelligensieagentskap gekeur.

"Die keuring vind tans plaas. Die span is byna gereed. Daar gaan 800 lede in die mag wees. Op hede is 300 reeds goedgekeur," het hy gesê.

#ИМЯ? цокольном

Cosatu se aansoek teen Vodacom van die hand gewys

Die Pretoriase Hooggeregshof het in Vodacom se guns beslis en die aansoek wat deur Cosatu en Icasa gebring is om die maatskappy te keer om op die Johannesburgse aandelebeurs te noteer, van die hand gewys.

Woordvoerder Patrick Craven van Cosatu sê regter John Murphey het in Vodacom, Vodafone, Telkom en die regering se guns beslis. Craven het gesê Cosatu sal nietemin voortgaan om die notering teen te staan, hetsy met alle regsmiddele tot hulle beskikking, hetsy met 'n boikot teen die telekommunikasiereus.

Hy het bygevoeg dat die beslissing slegte nuus vir alle Suid-Afrikaners is wat nie soveel geld het soos die maatskappye nie. Craven het gesê dat regter Murphey aanvanklik toegegee het dat Cosatu en Icasa 'n goeie saak het.

Die regter het egter in sy finale beslissing gesê dat die finansiële voordele wat die maatskappy vir Suid-Afrika inhou, groter is as die verlies vir gewone burgers en dat die hof nie Cosatu en Icasa se aansoek kan aanvaar nie.

Craven het gesê dit is baie belangriker dat die eienaarskap in Suid-Afrikaanse hande bly as die ongerief wat dit vir aandeelhouers en die sake-elite beteken.

Vodacom se woordvoerder Nicholas Williams het in 'n eensinverklaring gesê: "Ons verwelkom die beslissing en ons sien uit na die notering more[Maandag]."

Фильчаков Харьков

Premier ontvang afskeidsgeskenk

Die minister van vervoer, S'bu Ndebele, het 'n geskenk van R1,1 miljoen aanvaar van 'n groep kontrakteurs wat kontrakte ter waarde van R400 miljoen met sy departement het, het die Star Sondag berig.

Vukuzakhe kontrakteurs het Saterdag 'n afskeidspartytjie vir Ndebele by die Woodburn Stadion in Pietermaritzburg gehou om die vorige premier van KwaZulu Natal te bedank omdat hy klein kontrakteurs gehelp het om uit te styg.

Onder die geskenke wat Ndebele ontvang het was ook 'n trop beeste. Die ontvangs van die motor is egter deur die DA begroet met oproepe dat hy die voertuig dadelik teruggee omdat die geskenk 'n botsing van belange verteenwoordig.

Maar Ndebele het die gebaar van die kontrakteurs verdedig en gesê dit was lank reeds beplan, nog voordat hy of die kontrakteurs bewus geraak het daarvan dat hy in die portefeulje van vervoer aangestel sou word.

Die department van vervoer het klaarblyklik tussen 1998 en 2008 ongeveer R10 miljard in Vukuzakhe, wat 29 140 geregistreerde kontrakteus in KwaZulu Natal het, se programme belê.
палатка купить

PRAAG steun belastingweerhouding in Pretoria

Ná die aankondiging van 'n dubbele dosis erfbelasting in een maand deur die sogenaamde "Tshwane"-metro, steun PRAAG die oproep van die Pretoriase belastingbetalersvereniging aan inwoners om hul munisipale betalings in 'n trust in te betaal, waarna slegs die gedeelte vir water en elektrisiteit aan die munisipaliteit oorbetaal sal word. Gegewe die swak finansiële bestuur van die ANC-stadsraad en miljarde rande se skuld wat nie ingevorder word nie, is dit net logies dat Pretorianers nou die voorbeeld van Sannieshof en 'n twintigtal ander munisipaliteite moet volg wat reeds met aktiewe belastingweerhouding besig is ná dispute met daardie stadsrade verklaar is.

Die stryd om politieke beheer van Pretoria se munisipaliteit het begin en die leier van PRAAG, dr. Dan Roodt, het by die Vryheidsfront Plus aangesluit met die doel om saam te werk om in 2011 'n Vryheidsfront Plus-meerderheid in die sogenaamde "Tshwane"-metro te behaal.

"Beheer oor die Pretoriase munisipaliteit is van strategiese belang vir Afrikaneroorlewing in Afrika en Suid-Afrika. Die bestaande Afrikanerdemografie in die stad skep die moontlikheid om deur harde werk en 'n grootskaalse politieke veldtog 'n algehele meerderheid in die volgende munisipale verkiesing te behaal. Al 700 000 Afrikaners in die gebied moet gemobiliseer word om te registreer en te stem," het dr. Roodt gesê.

"Daar kom 'n tyd in die bestaan van elke individu en elke volk dat hy moet kies tussen sy voortbestaan en sy ondergang. Die Afrikaner het nou by daardie punt gekom. Dit is nóú of nooit. Óf ons gaan deur misdaad en regstellende aksie die land uit gedryf word, óf ons gaan hergroepeer en soos een man vir die Vryheidsfront Plus in Pretoria stem."

Dr. Roodt het die DA van middelmatigheid en 'n gebrek aan visie beskuldig. "Helen Zille maak baie lawaai, maar sy beskik oor geen werklike plan om die langtermynhegemonie van die ANC te stuit nie. Dis net 'n kwessie van tyd alvorens die Xhosa-migrasie vanuit die Oos- na die Wes-Kaap die party uit die stoel gaan lig. In Pretoria het die DA die aanvanklike naamsverandering gesteun en het hom as 'n linkse, sosialistiese en multikulturele party geposisioneer wat afsydig teenoor Afrikanerbelange staan."

Hierteenoor beskik die Vryheidsfront Plus oor verbeeldingryke planne om die demografie van Pretoria te stabiliseer en te sorg dat, as die stad eers herower is, dit permanent in Afrikanerbesit sal bly en sodoende op plaaslike vlak selfbeskikking vir die Afrikaner te verseker.

'n Vergadering van PRAAG-intellektuele en -aktiviste is vir aanstaande naweek belê om die organisasie se bydrae tot die stryd om Pretoria te bespreek. Dr. Roodt het ook 'n beroep op alle Afrikaanse organisasies gedoen om hul steun aan die Pretoriaplan toe te sê.

"Ter wille van die oorlewing van die Afrikaner en Afrikaans, is dit absoluut noodsaaklik dat ons die Slag van Pretoria móét en sál wen."

Taiwan terug op die w?reldverhoog

Taiwan is terug op die wêreldverhoog. Ná vier dekades van isolasie omdat die land uit die VN uitgesit is, het Taiwan Vrydag 'n waarnemerspan na die Wêreld Gesondheidsorganisasie gestuur.

Danksy verbeterde verhoudinge tussen China en Taiwan het die WGO ingestem om die land toe te laat om deel te neem. Die WGO sal dus die eerste VN-organisasie wees wat weer toelaat dat Taiwan deelneem sedert hulle lidmaatskap in 1971 teruggetrek is.

Taiwan sal deelneem onder die naam Chinese-Taipei, omdat China die land as 'n provinsie beskou.

Gesondheidsminister Yeh Chin-chuan sal die 15-lid afvaardiging lei en het reeds aangekondig dat Taiwan 5 miljoen dollar sal skenk aan die WGO vir bystand aan derde wêreldlande. Taiwan het aangedui dat hulle die 193 lande wil toespreek oor die stryd teen siektes en epidemies.

паркетный пол

ANC-jeugliga staan by aanmerkings oor Zille

Die ANC-jeugliga het Donderdag gesê dat hy staan by sy opmerkings oor die DA-leier, Helen Zille, ondanks "intimidasie en dreigemente".

Helen Zille

Woensdag het die eertydse gewapende vleuel van die ANC, Umkhonto we Sizwe gedreig om die Wes-Kaap "onregeerbaar" te maak indien Zille sou voortgaan om die pas verkose president Jacob Zuma te "beledig".

'n Woordvoerder vir die ANC-jeugliga, Floyd Shivambu, meen "die dreigemente en intimidasie van die rassistiese Helen Zille en DA-ondersteuners gaan ons nie keer om te sê wat ons wil sê nie."

Die jeugliga het vroeër beweer dat Zille seksueel met lede van haar provinsiale uitvoerende raad verkeer, nadat sy president Zuma as 'n rokjagter beskryf het wat sy vroue aan die gevaar van MIV-besmetting blootstel.

Dit het op sy beurt daartoe gelei dat woedende Zille-ondersteuners rasseaanmerkings en beledigende sms'e aan Shivambu, wie se selfoonnommers in Die Burger gepubliseer is, gestuur het.

Een van die sms'e het na bewering gelui: "Ons geen nie om wat die ANC-jeugliga te sê het nie… Die witman sal altyd baas in die land bly."

Volgens Shivambu is Zille 'n "rassistiese meisie" wat nóg vroue, nóg Afrikane en hul kulture en tradisies eerbiedig.

"Haar kabinet, wat 100 persent manlik en oorwegend blank is, kan hoegenaamd nie geregverdig word nie."

Hy sê dat die liga binnekort die ANC gaan ontmoet om sy posisie rondom alle verklarings en uitsprake oor Zille te verdedig.

"Ons glo verder dat haar gedrag en gevoelens simptomaties is van iemand wat as kind op haar kop laat val is," het Shivambu bygevoeg.

Volgens die MK-veteranevereniging se adjunksekretaris, Ramatuku Maphutha sal die vereniging soldate in die Wes-Kaap mobiliseer om aanstaande week na Zille se kantoor op te ruk indien sy nie haar opmerkings terugtrek nie.

"Hulle is altyd gereed (die soldate). Óf Zille ontruim haar kantoor, óf sy werk saam. Ons is bereid om daar te slaap indien nodig om die gewenste reaksie te verkry," het Maputha gesê.

Die veteranevereniging van die voormalige terroristeleër het alle openbare verteenwoordigers in die provinsiale rade en die parlement gelukgewens, veral die minister van verdediging Lindiwe Sisulu en haar adjunk Thabang Makwetla.

nights game

Metropolisieman weens seksuele teistering geskors

'n Senior Johannesburgse metropolisieman is Donderdag geskors ná aantygings van seksuele teistering teen hom, sê 'n woordvoerder.

Senior superintendent Wayne Minnaar sê 'n junior vroulike amptenaar beweer die 61-jarige inspekteur het haar geteister.

"Die teistering het na bewering vanjaar plaasgevind in die interne-aangeleenthede-eenheid waarin beide amptenare werksaam is."

Minnaar sê dit is duidelik dat die senior amptenaar, wat reeds oor 35 jare diens by die JMPD beskik, die slagoffer geïntimideer het.

"Sy is intussen na 'n ander afdeling verplaas en die man sal geskors bly totdat die ondersoek afgehandel is. Hy sal dan dissiplinêr verhoor word.

игрыдля

Inflasie daal soos wat ekonomie verlangsaam – Reserwebank

Inflasie gaan daal soos wat Suid-Afrika se ekonomiese groei afneem, het die SA Reserwebank Woensdag in sy monetêre beleidsbulletin verklaar.

"Die globale en plaaslike ekonomiese afname het 'n beduidende dempende uitwerking op inflasieverwagtinge gehad," het die sentrale bank gesê.

Maar bedreigings vir inflasie is steeds aangewakker deur elekrisiteitsprysstygings en hoë loonverhogings.

"Die elektrisiteitsprysstygings wat hoër as die verwagtings is en hul newe-effekte veroorsaak 'n stygingsrisiko in ons vooruitskatting, sowel as die hoër-as-verwagte salaris- en loonverhogings," het die SARB gesê.

Die gemiddelde kwartaallikse VPI-inflasiekoers sal na verwagting na 6,2 persent in die derde kwartaal van 2009 daal, het die SARB bygevoeg.

Daarna sal inflasie na verwagting marginaal tot 6,4 persent toeneem in die eerste kwartaal van 2010, voordat dit weereens afwaarts sal neig om 5,4 persent teen die einde van die beraamde periode in die vierde kwartaal van 2010 sal bereik.

In Maart vanjaar het verbruikersinflasie teen 8,5 persent op 'n jaar-tot-jaargrondslag geregistreer.

Die SARB waarsku egter dat die verhoogde onsekerheid en die tempo van verandering wat die globale ekonomie betref inflasievoorspellings meer as gewoonlik bemoeilik.

планировка бани Фільчаков прокурор

Madagaskar se uitgesette leier wil terug

Madagaskar, meer bekend vir sy uitsonderlike natuurlewe danksy 'n Disneyfliek as politiek, bly in die nuus. Die uitgesette president Marc Ravalomanana, plaas sy hoop op SAOG-lande om hom in sy posisie as president te herstel.

Hy het Donderdag op 'n nuuskonferensie in Johannesburg gesê Afrika beleef te veel magsomverwerpings en dat demokrasie gerespekteer behoort te word. Ravalomanana bevind homself sedert Maart in Suid-Afrika nadat 'n voormalige platejoggie, Andry Rajoelina, hom met geweld ontsetel het.

Ravalomanana erken dat sy versuim om die weermag gelukkig te hou, hom sy posisie gekos het. Die coup is moontlik gemaak deur die deelname junior weermagoffisiere.

SAOG en die AU het Madagaskar se lidmaatskap opgehef en die VSA het alle nie-humanitêre hulp afgesny.

Alhoewel Frankryk namens Rajoelina verklaar het dat hy nie self in mag belangstel nie, wil die voormalige platejoggie nie hê Ravalomanana moet deelneem aan 'n nuwe verkiesing nie.

Madagaskar se grondwet bepaal ook dat 'n kandidaat ten minste 40 jaar oud moet wees om te staan vir president, terwyl Rajoelina maar 34 is.

прожектор 50w лобановский класс

Ou Suurknol

Doer in die 60s het AM van Schoor, redakteur van Die Vaderland, soms na die destydse linkse dagblad, die Rand Daily Mail, verwys as "ou Sure van Mainstraat" (die straat waarin die RDM se kantore geleë was). Die werklike oorsprong van die bynaam het my ontgaan, maar ek vermoed dit was oor die RDM se suurgeit met die een NP-oorwinning na die ander by die stembus en die koerant en sy ander anti-Afrikaner kollegas se onvermoë om enige indruk op die kiesers te maak – selfs op die Engelse van daardie tyd wat toenemend vir Verwoerd gaan stem het.

Die bynaam het my weer te binne geskiet toe ek Beeld se reaksie die afgelope dae op die aanstelling van Pieter Mulder in die Zuma-kabinet so gade slaan. Suur! Sulke soort van suurgeit het ek seker laas by die ou RDM gesien!

Die spul van Keeromstraat (lank nie meer Naspers se hoofadres nie, maar so sal hulle onthou word) is suur – en siedend boos – omdat Zuma uit 'n veelheid van kandidate wat hulle aan hom sou opgedra het as hy hulle tog net gevra het, die "regse", waarskynlik uitgediende leier van 'n kwynende party gaan staan en kies om as die enigste werklike buitestaander in sy kabinet te dien – en dit nogal by 'n sleutelpos soos Landbou.

Suur omdat Beeld (en sy stalmaats) kwalik 'n week gelede verkondig het dat Mulder se dae getel is en dat die VF+ warskynlik nie sal oorleef na die volgende verkiesing nie.

Suur omdat Zille en haar DA wat hulle goed weet eintlik anti-Afrikaner is, maar wat hulle sterk in die verkiesing gesteun het, so 'n lekker klap deur die bek gekry het met die aanstelling.

Suur omdat Zuma 'n hele rits Engelse EN Afrikaner liberales geïgnoreer het om hierdie "boerseun" te kies. Want ek sal enigeen wed dat hierdie klomp sures eerder sou wou sien dat iemand soos Willie Esterhuyse, Stellenbosse prof en skrywer van "Einde van Apartheid", in 'n Zuma kabinet aangestel word. Hy is mos juis saam met Ton Vosloo en 'n paar ander "oud-verligtes" uit die Wes-Kaap besig met 'n projek in die Vrystaat om swartes as kommersiële boere op te lei (of het dit dalk ook doodgeloop soos vele ander derglike pogings?). Ja, ek weet ou Willie is amper so lank in die tand soos ek, maar hy is darem nog 'n voorman onder die ANC-gedienstiges (mooi woord vir g-kruipers).

Suur omdat Mulder en die VF+ feitlik oornag aansien en status kry, terwyl Zille 'n ernstige verleentheid vir haar party en haar ondersteuners word. Verstommend hoe kort 'n week in die politiek kan wees.

Vir diegene wat Beeld nie gereeld te sien kry nie: Mulder is onmiddellik bestempel as 'n kommunikasie professor wat van boerdery niks weet nie, as iemand wat sy party uitverkoop het aan die ANC vir 'n lekker pos en 'n groter pensioen, die oningeligte teenstand van die VF+ se eie "Malema" is aangebied as sterk en beduidend (totdat 'n verklaring van die volle dagbestuur gekom het dat die voortvarende jeugleier vasgevat word vir sy onverantwoordelikheid). In Donderdag se Beeld word Mulder se pa, dr Connie Mulder, destydse kroonprins van die NP totdat John Vorster glo meer van Pik Botha gehou (dis 'n storie daardie wat nog vertel moet word) bygesleep as 'n aartsverkrampte en verloorder teen die wonderlike PW. En so gaan dit aan.

Die steun wat daar uit eie geledere, maar selfs van andere soos enkele lede van die HNP en veral landbou-organisasies, vir Mulder gekom het, word kwalik genoem, maar hulle kon nie anders nie as om 'n brief of twee te plaas wat al hulle suurgeit oor Mulder net daar tot niet maak. En dit word toe oorgelaat aan 'n Engelse blad om uit te wys dat Mulder 'n paar akker in Orania besit waarop hy met neute boer – weliswaar 'n "afstandboer" maar nogtans boer, maar veral Boerseun!

Maar seker die ergste blyke van suurgeit het gekom toe Beeld in hoofartikelkommentaar aangevoer het dat Mulder nie moet dink dat hy die Afrikaner verteenwoordig nie – en dit van 'n koerant en sy redakteur wat nou anderdag nog baie goed laat blyk het dat hulle die begrip van "Afrikaanssprekende Suid-Afrikaners" verkies en nie hou van die term "Afrikaner". Darem lekker vermetel om nou te wil bepaal wie die Afrikaner verteenwoordig en wie nie! Eintlik lekker suur!

Ek moet erken dat ek my gate uit geniet het om hierdie suurgeit te sien. Ek het behoorlik gekraai van die lag. Maar ek het ook gewonder wat die drommel in Tim gevaar het om so heftig nie net teen Mulder nie, maar ook teen Zuma te velde te trek – en dit terwyl Zuma vir minstens die volgende paar jaar president van die land gaan wees. Hulle kan niks meer daaraan doen nie behalwe om sy gramskap teen hulle op die hals te haal. Swak oordeel, swak insig, swak taktiek en powere politiek, ou Tim. Gaan dink weer. En hou op om so suur te wees.

(Nota: Connie Mulder was geen stuk 'n aartsverkrampte nie. Hy het 'n hele paar verligte denkers soos Nic Rhoodie en andere wat sterk geloop het met die idee van "radikale partisie" en 'n federasie van state as adviseurs gehad. Dit is steeds my mening dat as hy nie deur liederlike liegstories deur PW en Pik en met die direkte medewerking van Naspers in 78 se premiersverkiesing verslaan is nie, ons nie in die gemors sou gewees het waarin ons vandag is nie. Maar dis ook 'n ander storie.)