Briewe – Bladsy 56 – praag.co.za

‘Cope’ nie Afrikanertuiste

Die briefskrywer DH Fourie maak in sy artikel Wie is die sogenaamde Afrikanerleiers? , die verbysterend onlogiese gevolgtrekking dat Terror Lekota se "Congress of the People" of Kongres van die Proletariaat die nuwe politieke voertuig gaan word waardeur Afrikanerleiers na vore gaan tree.

Ek wil amper vra waar was DH Fourie die afgelope 15 jaar toe Lekota die ruggraat van die ANC bewind uitgemaak het, as ANC-voorsitter en minister van verdediging.

Lekota het die kommandostelsel afgeskaf, en die Weermag vinniger as enige ander staatsdepartement verswart. Lekota het ook persoonlik hardvogtig en met genoegdoening bygestaan toe die militêre polisie 'n tyd gelede 'n absurde opdrag uitgevoer het en die Afrikaanse kurator van die Johannesburgse oorlogsmuseum gearresteer het omdat die wapens in die museum nie volgens die ANC se wapenwette "gelisensieer" was nie.

Fourie vergeet skynbaar dat COPE onstaan het omdat die Afrikanis Thabo Mbeki nie sukses behaal het in die ANC se leierstryd nie.

Dat die stigting van COPE wel goeie nuus vir die demokrasie is en inderdaad daartoe kan bydra dat die ANC sy tweederdemeerdeheid gaan verloor, is waar. Dis egter nie nodig dat Afrikaners nou tou staan om vir COPE te gaan stem nie.

Trouens, die meerderheid Afrikaners het in die verlede reeds vir die DA gestem en die tweede grootste groep van Afrikaners vir die VF+. In tussenverkiesings waaraan die VF+ die afgelope twee jaar deelgeneem het, het die VF+ sy steun met meer as 210% opgestoot, terwyl die DA en die ANC se steun daar gedaal het.

As daardie selfde mense nou vir COPE gaan stem, gaan dit geen verskil aan die politieke landskap maak nie – die meubels in opposisieledere word bloot rondgeskuif.

COPE moet sy bestaansreg verdien deur ANC-steun weg te trek en so die opposisie as geheel groter te maak.

Die Afrikaner se heil is gelee in 'n sterker VF+ sowel as 'n sterker opposisie as geheel. Die alternatief vir die ANC hoef nie uit een party te bestaan nie.

'n Koalisieregering van minderheidspartye, waarvan die VF+ as Afrikanerparty 'n komponent uitmaak, kan vir Afrikaners baie meer beteken as 'n enkele opposisieparty wat in elk geval swart, Engelssprekend en met die Freedom Charter as enigste beleidsdokument gaan wees.

Die rede hiervoor is eenvoudig: as DH Fourie se "Afrikanerleiers" in COPE op 'n dag wakker word en agter kom Terror Lekota was toe nie so lief vir die Boere soos hulle voor die verkiesing gedink het nie, kan hulle net bedank en hulle setels in die parlement ontruim. As Afrikanerleiers egter die VF+ aktief steun, hulle verkiesbaar stel en en saam met 'n groter getal VF+ LPs verkies word en die VF+ vorm dan deel van 'n koalisieregering (as die ANC steun onder 50% sak), het daardie selfde Afrikanerleiers geweldig baie bedingingsmag, want as die koalisieregering op 'n dag dwaas optree, of nie hou by hulle voornemens om regstellende aksie uit te faseer nie, kan die VF+ as koalisievennoot uittree en effektief 'n regering tot 'n val bring.

Dit bied beslis vir Afrikaners meer om oor opgewonde te raak.

free mobile online

SA moet geografies verdeel word

Dr Sydney Gregan

Daar is 'n versugting onder Afrikaners dat die Afrikaner sy kragte moet saamsnoer; dat eenheid bereik moet word en dat een liggaam namens alle Afrikaners moet praat. Daar word ook opnuut hoop gevestig op die komende verkiesing.

Baie is dalk nie bewus van die feit dat 'n nuwe party, die Afrikaner Volksparty in September 2008 gestig is nie. Die party het sekere uitgangspunte:

Ons, die Afrikanervolk, erken in nederigheid die Almag en Oppergesag van die Drie-enige God;
Ons glo en weet dat die Drie-enige God verskillende volke en daarom ook ons volk in aansyn geroep het;
Ons glo dat die Drie-enige God die Beskikker van die lotgevalle van alle volke is;
Ons erken ons swakheid en afhanklikheid voor die Drie-enige God;
Die Heilige Skrif, die onfeilbare Woord van God, soos dit verstaan en uitgelê is in die Calvinistiese Hervorming waarvan die Afrikanervolk die dankbare erfgename is, vorm die grondslag van ons bestaan en ons stryd;
Ons erken dat ons voorvaders na geregtigheid vir ons volk en tegelyk vir alle ander volke in hierdie land gestrewe het;
Ons eer ons heldedom en put inspirasie uit ons volk se heroïese geskiedenis;
Ons voorvaders se eerbare stryd het vir ons eie onafhanklike soewereine republieke nagelaat waaronder die Republiek van Suid-Afrika van 1961;
Ons duurgekogte vryheid is deur verraad en bedrog aan 'n godlose kommunistiese regime oorhandig;
Ons erken nie die ANC/SAKP-regime se gesag oor ons volk nie en beskou hulle as onwettig;
Ons besef dat daar geen kortpad na vryheid is nie, maar dat dit alleen deur volgehoue stryd herwin kan word;
Ons besef dat ons vryheid alleen in verset buite hierdie bestel verkry kan word;
Ons neem nie aan enige verkiesings in terme van hierdie godlose bestel deel nie;
Ons verwerp die Grondwet van hierdie bestel wat 'n oorlogsverklaring teen ons volk is;
Ons verklaar dat enigeen wat hierdie Grondwet onderskryf in vyandskap met ons volk verkeer;
Ons bely dat skeiding van volkere nie 'n bose nie, maar 'n edele beleid was, wat voortspruit uit nasionalisme en ontwerp is om ons volk en ook ander volke se God-gewilde afsonderlike identiteite te handhaaf en te verseker op die basis van soort soek soort en leef en laat leef;
Ons het daarom geen skuldgevoel oor ons verlede nie, maar 'n selfrespek om onsself te betuig voor ons vyande;
Ons is deur God se kultuuropdrag aan die mens verplig om aktief deel te neem aan, en te stry vir, ons volk se vryheid;
Ons sweer trou aan mekaar dat ons nie sal rus voor ons ons vryheid in ons eie vaderland verkry het nie;
Ons sê dat as jy 'n trotse volk verkneg, word opstand teen die reg sy reg;
Die stryd wat ons vaders begin het sal woed tot ons sterf of oorwin het.

Wat besef moet word is dat Afrika nie minderheidspolitiek ken (of duld) nie, maar alleen magspolitiek. Die Swarte wil al die mag hê en sal nooit toelaat dat die Blanke mag met hom deel, laat staan nog die mag oorneem nie. Dit het dr Verwoerd en sy voorgangers baie goed besef. Die Blanke (met die Afrikaner aan die voorpunt) moet dus sy eie heil uitwerk binne die grense van hierdie land.

Behalwe dat hierdie regime onwettig regeer, is die realiteit dat Swart regering tot mislukking gedoem is. Afrika is die aanskouingsles daarvan. Dit is die Blankes wat hierdie bestel aan die gang hou, dog sal ook hierdie bestel in duie laat stort. Dit kan op die klippe uitgekap word.

Die enigste blywende oplossing vir hierdie land is dat dit gepartisioneer moet word (Joegoslawië is seker een van die beste voorbeelde van 'n land wat ooreenkomstig etniese grense gepartisioneer is). Elke volk moet sy eie land hê. En hoe "onprakties" dit ook al op hierdie stadium mag klink, dit bly die enigste oplossing vir hierdie land. Benewens al die verskille wat daar is tussen Swart en Wit, is daar ook die kwessie van IK. As ons as Blankes (met 'n gemiddelde IK van 105) tevrede is om deur mense met 'n gemiddelde IK van 80 regeer te word, versaak ons alles waarvoor ons voorouers gestaan en voor gestry het. IK vorm die grondslag van kultuur en uiteraard ook van 'n volk se lewens- en wêreldbeskouing. Ja, ook of jou godsdiens primitief sal wees, of nie…

Binne die parlement sal dit 'n geklets wees van die môre tot die aand oor die grootste onbenullighede. Soos in die afgelope 14 jaar. En so sal die Swartes met hulle liberale geldbase vir die wêreld vertel dat "demokrasie werk". Intussen word ons volk se posisie al hoe hagliker.

Buite die parlement moet die Afrikaner dus sy kragte saamsnoer en as 'n volk met historiese regte aandring op sy eie land. As daaroor eers eensgesindheid gekry is, is al ver gevorder na selfbeskikking vir ons eie volk.

Alles dui daarop dat weens verskeie faktore; sommige totaal buite ons beheer (soos die naderende wêreldwye resessie en moontlike depressie) dinge ook in ons land radikaal kan verander binne afsienbare tyd. Sulke toestande gaan gewoonlik met geweld gepaard. In Afrika is geweld trouens die reël, eerder as die uitsondering. Dit mag juis die geleentheid wees om ons volk se vryheid terug te kry. Wat egter besef moet word, is dat dit nooit binne die huidige bestel verkry sal word nie.

Intussen moet mense hulle geestelik weerbaar maak en ook fisies staal vir dít wat voorlê. Die les van Bloedrivier is immers een van 'n volk wat die vyand die stryd aangesê het juis omdat hulle geestelik weerbaar was – nadat hulle tot hulle verdriet moes sien dat onderhandeling met die Swarte nie deug nie.

Uit die geskiedenis is veel te leer oor die eise van 'n vryheidstryd in Afrika. Ons nooi Afrikaners uit om aan te sluit by 'n party wat die uitdagings van Afrika aanvaar.

Ons moet terugkeer na Germaanse volkstradisies

Rondom 25 Desember vier die Germaanse heidene, waaruit Afrikaners afstam, steeds die tradisionele Wendefees of Mitwinternacht.

Dit is 'n tyd van vernuwing met die hoop op n voorspoedige jaar. Ons voorouers was immers ook boere en die fees het sy oorsprong juis in die landbou. Tydens die kerstening van Europa is hierdie tradisies as heksery bestempel en met mening, soms met die grusame dood op 'n brandstapel vernietig. Volkseie gelowe is afgemaak as blote mitologie en die res is Christengeskiedenis.

Vandag is ons weer vry om ons volkse tradisies uit te leef. Vryheid van spraak en religie word in die grondwet verseker. Met die hoop dat Lekota se nuwe party die tweederde meerderheid van die ANC kan stuit, is ons verseker van die behoud van die grondwet. Met Afrikanerinsae in die party kan ons – en sal ons – die semantiek rondom regstellende aksie en swart bemagtiging kan transformeer na meer toegeeflike begrippe met betrekking tot huidig benadeelde Afrikaners.

In die lig van hierdie nuwe wending in die politieke magspel, wens ek almal 'n vernuwende en inspirerende 2009 toe. Ook 'n Geseënde Kersfees vir alle Christene.

Sommige van ons glo anders, dink anders en doen anders. Maar ons almal bly Afrikaners. En dis die band wat ons moet saambind. Ons moet bereid wees om mekaar te verdra ten spyte van ons religieuse verskille wat in ons pad staan na emansipasie vanuit ons huidige intellektuele slawerny.

Weg met die doemprofete en slegtenuusdraers. Ons almal ken die realiteite van Afrika, maar daar is altyd hoop. Met die regte benadering, impetus en beveiligingsaksies van ons gemeenskappe, kan ons weer gedy.

Ons het dit al gedoen en ons kan dit weer doen.

Mag die Afrikaner homself weer vind in hierdie opwindende tye.

casino no deposit bonus no download

Wie is die sogenaamde ‘Afrikanerleiers’?

Verskeie skrywers aan Praag maak gedurig melding van Afrikanerleiers in 'n politieke konteks asof sodanige leiers wel bestaan. Wie is hierdie leiers na wie hulle verwys? Behalwe die verkose parlementslede van die Vryheidsfront Plus, wat maar 'n klein minderheid Afrikaners verteenwoordig, dra ek geen kennis van enige ander politieke Afrikanerleiers nie.

Die meeste Afrikaners het in die laaste verkiesing vir die DA gestem, maar hulle beskou Helen Zille nie as 'n Afrikanerleier nie.
Afrikanerdenke, soos in die geval van ander beskaafde Europese kulture, strek oor die hele politieke spektrum van heel links tot heel regs. Twintig jaar gelede (in die tyd van die NP, KP, HNP en AWB) was omtrent 85% Afrikaners regs van die middelpunt en verregs. Die meeste van hulle het linkse Afrikaners as vyande beskou en hul Afrikanerskap bevraagteken.
Vandag is dit 'n heel ander storie. Ek skat 10% Afrikaners is vandag verlinks; 30% is links van die middelpunt; 40% is regs van die middelpunt en 20% verregs.
As iemand in 1985 voorspel het dat die meeste Afrikaners in 2004 vir die destydse anti-Afrikaner Progressiewe Party, nou die DA, sou stem, sou Afrikaners dit as laster beskou het. Vandag word 'n Afrikaner soos Van Zyl Slabbert nie meer deur die meeste Afrikaners as vyand beskou nie. Sy Afrikanerskap word ook nie (behalwe deur verregses) bevraagteken nie. 'n Besliste Afrikaner-verskuiwing na links.
Die Afrikaners links en regs van die middel van die politieke spektrum is leierloos. Niemand maak selfs aanspraak op leierskap vir hierdie groep nie, behalwe miskien die VF Plus, wat op die ou end ook maar 'n ronde nul vir die Afrikaner beteken.
Verregse Afrikaners het hulle in die verlede om selfaangestelde leiers gegroepeer, bv. Robbie Leybrand van die Ossawa Brandwag-tydperk, Eugène Terreblanche van die tagtigerjare se AWB en Van Tonder se BBB. Wanneer die selfaangestelde leier tot niet gaan, verbrokkel sy groep ook, soos met die AWB toe Terreblanche in onguns verval het.
'n Kenmerk van die verregse politiek is sy verbetenheid om andersdenkende Afrikaners te probeer dwing om ook so te dink en om hulle gedurig aan te val en te kasty, eerder as om op die werklike Afrikaner-bedreiging te konsentreer. Die Afrikaner het mag verloor as gevolg van die vete tussen die KP en die HNP voor 1994. Elkeen het in gevaarlike tye probeer om sy magsbasis onder regse Afrikaners te vergroot ten koste van die ander. Hulle het die groter Afrikaner-bedreiging uit die oog verloor, en vandag sit ons met die gebakte pere. Vandag bestaan hierdie partye nie eens meer nie.
Die Afrikaner, soos die Engelsman, Jood, Griek, Portugees, Kleurling en Indiër in hierdie land, is elkeen 'n leierlose minderheid, elkeen magteloos om enigiets daadwerkliks vir sy volk te doen.
Die ander minderhede oorbrug die probleem deur in die guns van die ANC te bly, soos die Indiërs, of deur hulle heeltemal te onttrek, soos die Grieke, wat net landsburgers wil wees wat hul eiesoortige taal en kultuur tuis beoefen.
Maar die Afrikaner is vandag heeltemal gemarginaliseer, selfs in die DA. Selfs die Indiërs, wat 'n heelwat kleiner groep as die Afrikaner is, het 'n groter sê in die Parlement as die Afrikaner.
Die Zoeloes, die Xhosas en elke ander swart volk in Suid-Afrika het hul raad van stamhoofde of opperhoofde. Gesamentlik vorm hierdie rade die Raad van Tradisionele Leiers in die Parlement.
Die grondwet maak voorsiening vir die Afrikaner om homself soortgelyk te verteenwoordig, maar hy gryp nie die geleentheid aan nie, te bang vir 'n teenreaksie. Ek sien uit na die dag wanneer daar 'n Afrikanerraad sal bestaan wat die volle spektrum van Afrikanerdenke sal verteenwoordig.
In Amerika staan die Swart Koukus saam in belang van swart Amerikaners ondanks onderlinge politieke verskille. Net swart Afrika-Amerikaners mag lede van hierdie Swart Koukus wees. Hierdie koukus het gehelp om Obama as die volgende Amerikaanse president verkies te kry.
In Suid-Afrika is daar eksklusief swart groepe soos die swart prokureursorde en die vakbond vir swart joernaliste. Ons is te bang om dieselfde te doen uit vrees dat ons as rassiste uitgeskel gaan word. Boonop is die Afrikaner te individualisties en te besig om oor allerhande kleinlikhede te kibbel om eksklusief eie organisasies op die been te bring.
As die Afrikaner nie wakker skrik en saam as VOLK optree nie, sal ons met nostalgie na verspilde geleenthede terugkyk, soos ons vandag terugkyk na die vermorste kanse van die tagtigerjare. Die Afrikaner sal verby sy onderlinge geskille na die groter Afrikanerprentjie moet kyk as hy as VOLK wil voortbestaan.
Myns insiens is die Afrikaanse taal nie in die gedrang of in gevaar nie. 'n Te groot persentasie van die totale bevolking (blank en nie-blank) praat Afrikaans. Daar is 'n groter kans dat die swart tale tot niet sal gaan omdat al hoe meer swartes vrywillig hul eie tale ten gunste van Engels prysgee.
Die Afrikaner as VOLK is in gevaar. Die groot gevaar is dat die blanke Afrikaner in die toekoms nie meer as Afrikaner gesien gaan word nie, maar as individuele blanke Afrikaanssprekende landsburger.
Die Congress of the People (Cope) bied 'n gulde geleentheid vir die Afrikaner. As die ANC nie meer so 'n groot tweederde-meerderheid in die Parlement het nie, kan hy nie meer sy beleid na willekeur op die hele bevolking nie, die Afrikaner inkluis, afdwing nie. Hy sal ook nie na willekeur straat- en dorpsname kan verander nie. Om hierdie geleentheid te benut, sal die Afrikaner die nuwe party sterk moet steun.
Vir die eerste keer bestaan daar nou 'n party in Suid-Afrika wat die verlede en die kloof tussen die verskillende rasse en volke daadwerklik kan oorbrug. Watter alternatief is daar? Die ANC is 'n swart rassistiese party; die Inkhata Vryheidsparty is hoofsaaklik vir Zoeloes en sal waarskynlik binnekort by die ANC ingelyf word; die DA sleep nog sy anti-Afrikanerverlede met hom saam en doen weinig vir die baie Afrikaners wat hom steun; die Vryheidsfront Plus is 'n lamsakkige Afrikanerparty sonder veel Afrikanersteun en vermag weinig vir die Afrikaner; en dan is daar 'n klomp ander kleiner partye wie se bestaan net staatsgeld mors.
Die kanse is goed dat baie lede van opposisiepartye net voor die verkiesing na Cope gaan oorloop. Ek glo die meeste is teen hierdie tyd keelvol omdat hul partye sedert 1994 nog niks noemenswaardig vir hulle kon verrig nie.
Met die verwagte bykomende oorloop van ontevrede ANC-aanhangers sal 'n enkele verenigde sterk opposisie (wat hopelik al die klein opposisiepartye sal insluk) met sterk Afrikanersteun tot stand kom, of hopelik 'n nuwe regering met die ANC in opposisie.
In die lig van die sukses van die Amerikaanse demokrasie lyk dit of 'n tweepartystelsel (bv. die Republikeine en die Demokrate) beter resultate lewer as demokrasieë met talle kleiner partye, wat uiteindelik koalisies moet vorm om te kan regeer.
Hopelik sal die Afrikaner hierdie geleentheid nie dié keer verspil nie! Ek sien uit na die volgende verkiesing wat die Afrikaner sy regmatige plek in die Parlement sal laat inneem. Dan eers sal die ware Afrikanerleiers uitgeken word. Vir die eerste keer sedert 1994 is ek opgewonde oor die politiek, vir die eerste keer gaan ek stem, en ek gaan stem vir die nuwe party.

play slot on

Opvolg: sogenaamde ‘haatkampe’

Soos die lede van die PRAAG Facebook-groep alreeds verneem het, is die "rassistiese, anti-swart, Afrikaner-terreurkampe" toe eintlik net 'n paar plase waar kinders geleer word om hulself te beskerm en so 'n bietjie disipline te ontwikkel. Die arme bloedjie wat gekerm het dat hy "ontvoer" was, het van sy huis af weggeloop en onder valse voorwendsels by die kamp opgedaag. Die artikel kan op die Beeld-webwerf gelees word.

топкарго отзывы

Sogenaamde ‘haatkamp’

Dit is met 'n luide "haai siestog" wat ek gisteroggend in Beeld lees oor die sogenaamde haatkamp wat dan nou in Limpopo ontdek is. Soos almal seker al gehoor het, "ontvoer die leiers van hierdie 'haatkamp' jong wit kinders en leer hul om swartes te haat". Hulle word ook blykbaar geleer om goeie skuts te wees en boonop leer hulle oorlewingsvaardighede, à la die ou SAW-opleiding.

Nou, ek het drie dinge hieroor te sê:

Eerstens dink ek nie die deursnee-Afrikanerjongeling het nodig om na 'n kamp geneem te word en gebreinspoel te word om 'n afsku jeens die terroristeregime te ontwikkel nie. Ons is boonop gebore skuts wat uitmuntend skiet. Toe ek die eerste keer met my windbuks aanlê op die rype ouderdom van vyf jaar, kon ek alreeds 'n pakkie Lion-vuurhoutjies raakskiet.

Tweedens hou hierdie storie net soveel water as die beweerde rugby-rasse-aanval waarvan toe niks gekom het nie. Beide stories is so vaag dat g'n mens hond haaraf kan maak nie.

Derdens "demand" ek dat dieselfde hoeveelheid blootstelling gegee word aan die haatkampe wat in Natal ontdek is, maar g'n haan na kraai nie. Die 12-jarige "struggle-veterane" word ook geleer om wittes te haat en te verkrag en dood te maak.

Hier kom groot moeilikheid (ek sal maar liewer nie Kilo-Alfa-Kilo sê nie). Hulle is besig om verskonings uit te dink om die wapen meer offisieel teen ons op te neem en ons kan dit nie laat gebeur nie. Ons moet aandie wêreld daarbuite wys dat ons ordentlike mense is. Vredeliewend. Gasvry. Gelowig. Vreedsaam maar hardegat.

Александр Фильчаков

Die handskoene moet nou af

Gustav Venter se Rubriek, Die eerste reël van oorlewing: Doen jou deel verwys. Die Afrikaner het reeds vantevore gedurende die 2de Anglo-Boere oorlog sy land verloor as gevolg van sy "gentlemanliness".

Daar is verskeie voorvalle waar die Boere hulle voordeel oor die Britse magte nie opgevolg het nie en as gevolg het die Britte ons land by ons afgeneem.

Vandag gaan dit nog net so beroerd. Die Afrikaner onderhandel, en hy bespreek, en hy kom met planne en alles word vanuit 'n Westerse, Christelike, beskaafde siening benader. Hy is bereid om saam te werk, om sy vyand die voordeel van die twyfel te gee.

Ons praat saam met ons vyande oor 'n tafel, ons vergader met hulle, ons behandel hulle soos ons eweknieë. Ons moet tog net nie aanstoot aan iemand gee nie. En spaar ons tog dat ons net nie as rasisste uitgekryt kan word nie. En intussen word elke geleentheid wat ons ons vyande bied, deur hulle met ope arms aangegryp en teen ons gerig.

As jy in Afrika gebore en getoë is dan leer jy vinnig dat slegs dié wat die hardste slaan, wat die langste asem het en wat die swaarste gewig kan dra die een is wat mag kan afdwing. Dis die ongeskrewe wet van Afrika. As ons dit nog nie geleer het nie, beter ons vinnig vir ons vliegtuigkaartjies Australië toe bespreek.

Venter slaan die spyker op die kop; die tyd vir mooipraat en redeneer, en soebat werk nie, mense! Dis tyd vir hard praat en harder doen. Om hoed in die hand jou saak voor 'n vyandige regering te gaan bepleit is reeds oor en oor as tydmors bewys. Net die sterk radikale aksies – nie praat – van 'n volk wat ALMAL saamstaan en na die selfdedoelwit mik, gaan werk.

Kom ons los nou maar die mooipraat en die vergaderings, ons mors net tyd. Ons het die finansiële vermoë, die intelligensie, die werkslus en die ruggraat om ons vryheid te bewerkstellig. Ons besef dit sal opofferings verg, maar ons het al tevore en ons sal weer.

Ons moet net onthou: Eenheid is mag.

casino sign up

Regering se spandabelheid

Hoe is dit moontlik vir parlementslede om miljarde te spandeer op kos, partytjies ens. terwyl daar duisende honger mense in ons land is? Het hulle geen gewete nie? Slaap hulle snags sonder om eens skuldig te voel oor die land se nood?

Ek het elke dag te doen met die nood in ons land. Ons gemeente werk baie hard om te voorsien, maar dit is onmoontlik om almal te help. Waar is die regering se lojaliteit? Wanneer gaan hulle ophou geld mors? Ons mediese dienste in staatshospitale is in 'n haglike toestand, pasiënte moet maande en jare wag vir 'n operasie en al wat die regering doen is eet, partytjie hou en rond reis.

Ek gaan nou op mense se tone trap, maar is dit nie a.g.v. te lekker eet en sosiaal verkeer dat daar so baie parlementslede is wat oorgewig is nie? Ek wil die regering uitdaag om te gaan kyk na die land se nood – gaan besoek een van die sentrums of sopkombuise en maak jul oë oop vir wat daar aangaan en hou op om geld te mors en gebruik sommer ook die geld wat op die verandering van straatname en „die Springbok-embleem“ gemors gaan word vir diegene in nood.

Het enige van die parlementslede al ooit 'n honger kind gesien – of wil hulle dit nie sien nie?

086 форма справки

Van Riebeeck was ‘n skaapdief…

Ja, dis jammer dat ons mense (ek inkluis!) soms bang of skaam is om dinge wat ons pla met mede-Afrikaners te bespreek.

Jare gelede (ongelukkig kan ek nie die jaartal onthou nie) het 'n vriend wat 'n boekwinkel besit, vir my die Nuwe Suid-Afrika se nuwe skoolboeke gewys. Dit het oor Graad 4 se geskiedenisboek gegaan. Hierdie forum het toe nog nie bestaan nie, anders het ek dit hier volledig geplaas.

Die boek (of hoofstuk?) se naam was "I remember…." ("Ek onthou….") Swart "sokker-helde van weleer" het vertel hoe hulle onthou hoedat hulle op grondvelde sokker moes speel, omdat die apartheid-regime nie vir hulle grasvelde wou gee nie. So, asof sokker nou deel van 'n land se geskiedenis moet wees.

Niks van die 2 Vryheidsoorloë nie; niks oor die opofferinge wat deur 'n handvol Afrikaners, ten gunste van die miljoene swartes gemaak is; niks van die skole wat deur blankes vir swartes opgerig is, en deur swartes afgebrand is nie; niks oor sendingwerk onder swartes, deur Afrikaner-geestelikes nie; niks oor die vertaling van die Bybel in swart tale, deur Afrikaner-geestelikes nie; en niks oor die groot werk wat Afrikaner-geneeshere (soos prof. dr. Chris Barnard) onder swartes gedoen het, om hul lewens te verleng en hul geboortesyfer hemelhoog op te jaag nie.

Nee, die Afrikaner het niks goeds gedoen nie, en verdien daarom geen ruimte in die Nuwe Suid-Afrika se geskiedenisboeke nie.

Maar, die ergste van als……die geskiedenis van Jan van Riebeeck!!! Daar was 'n spotprent met Jan van Riebeeck wat 'n swart oogskerm op het, kompleet soos 'n wafferse seerower, en wat onder 'n doringdraad deurkruip om die swartmense se skape te steel. Verbeel jou! Geen woord oor Herrie en sy makkers wat blanke veewagters vermoor het nie, nee, die Kommandeur self was die vark in die verhaal. Hy het persoonlik snags die arme swartes se skape uit hul doringdraad-omheinde krale gaan steel (al is draadheinings lank daarna eers ontwerp en vervaardig, en al het Bill Murray van Graaff-Reinet Suid-Afrika se eerste doringdraad maar eers sowat 70 jaar gelede vanuit Australië ingevoer).

Dit klink byna soos 'n moderne ANC-verhaal, waar die plaasmoorde verswyg word, maar polisiehonde wat misdadigers aankeer, veroordeel word.

стенд для топкарго развод

Verdien ons om van Sowjetonderwys verlos te word?

10:47:34 Na aanleiding van die hoofartikel op Praag, Verlos ons van Sowjetonderwys, wil ek graag die volgende kommentaar lewer:

Dit is inderdaad so dat die vraestelle ter bespreking niks anders as breinspoeling van die Marxistiese tipe is nie. Wat my egter verwar, is die vreemde houding van ouers, onderwysers, en die VF + wat maak asof hierdie aanslag teen Afrikanerkinders nuwe hoogtepunte bereik het of selfs om een of ander rede iets anders van die onderwysdepartement verwag het. Ouers, onderwysers, die VF+ en ander belanghebbendes behoort te weet dat hierdie aanslag teen ons kinders al baie langer aan die gang is as wat ons blykbaar wil herken.

Kader Asmal, destydse minister van onderwys het reeds in 2003 “'n nuwe era van godsdiensvryheid” in Suid-Afrikaanse skole aangekondig. Naledi Pandor het dit later “transformation in education” genoem. Kan dit wees dat ons ouers nie besef wat hier gebeur het of gesê is nie, of is daar dalk ‘n dieper, meer sinistêre antwoord vir die apatiese houding van ons Afrikanerouers teenoor die huidige vlak van opvoeding wat kinders in staatskole ontvang? Dit is miskien harde woorde, maar hoe anders interpreteer mens die feit dat Afrikaners hulle kinders bly terugstuur na hierdie stelsel toe? Dink hulle regtig dit gaan beter word en indien wel, wie gaan dit beter maak?

Op hierdie punt wil ek graag vir die (staats)skoolhoofde wat vir die ouers vertel dat hulle kinders nie deel is van hierdie gemors is nie, en selfs vir die ouers wat dieselfde beweer, graag iets sê: TWAK!

Julle lieg vir die ouers, en julle lieg vir julleself.

Daar is geen manier hoe ‘n staatskool buite die leerplanne van die staat mag of kan beweeg nie. Hoe “steur mens jou nie aan die onderwysdepartement nie”, maar skryf nog steeds die gestandardiseerde eksamens? Het julle ander handboeke as die res van die provinsie/land ?

Deel van die regering se “transformation in education” is die oordrag van ‘n “nuwe, verbeterde” waardestelsel. My vraag aan ouers: Is die waardesisteem van die regering dieselfde as dié van Afrikanerverbondsouers? Is die totale sinkretisties-georiënteerde leerplan bevorderlik vir dit wat veronderstel is om in ons huise gelëer te word? Kinders word blootgestel aan Judaïsme, Islam, Boeddhisme, voorvaderaanbidding, heksery, en en en (die lysie is nimmereindigend). Hierdie gelowe word soos ‘n kieslys aangebied vir die kinders, meestal met gelowe anders as die Christengeloof wat baie aanloklik voorgestel word.

Die gevolge van so ‘n stelsel kan duidelik gesien word: Godsdiensbeoefening word onbelangrik, ‘n eenwêreldgodsdiens, waar die God van die Bybel en Allah as dieselfde entiteit voorgestel word, kry al hoe meer aanhang. Is hierdie ‘n gesonde omgewing waarin Afrikanerkinders vir 6 ure per dag losgelaat behoort te word?

Wat van die aanslag op ons kinders se moraliteit? Kondome word uitgedeel aan laerskoolkinders, met onderrig daarin wat tot in die kleinste besonderhede geskied. “Glipsies” word vinnig reg gemaak met ‘n aborsie, wat die voorkoms van hierdie spesifieke mediese prosedure so algemeen soos asemhalng maak in baie skole. Mens kan ad infinitum aangaan oor die probleme wat so ‘n goedkeuring van ‘n losbandige houding vanaf die owerhede tot gevolg het, maar ek glo die vigs-, aborsie-, swangerskap- en verkragtingsyfers in skole spreek vanself.

Nou hoekom dan hierdie brief as Afrikanerouers, Afrikaneronderwysers, en die VF + reeds hierdie dinge weet? Is ek, die skrywer van hierdie brief, so verwaand dat ek dink ek kan iets aan hierdie groepe mense oordra?

Nee, meneer die redakteur, ek skryf hierdie brief omdat ek voor my siel weet dat, ten spyte van hierdie klaagliedere vanaf ouers, onderwysers en die VF+ , dieselfde mense maar net volgende jaar hulle kinders na dieselfde skole met dieselfde leerplanne en dieselfde opstellers van Afrikaanse vraestelle gaan stuur. Jesus Christus het ‘n spesiale boodskap gehad (soos vervat in Markus 9:42) vir mense wat kindertjies laat struikel.

Ek reken iemand wat ‘n meulsteenfabriek het, gaan binnekort goed geld maak.

липецк очистка топкарго развод

Kongres van die Gepeupel?

07:56:25 Ek sien Praag hou vol om na die nuwe Congress of the People-party te verwys as die Volkskongres ondanks my baie duidelike uitwysing dat dit nie vir die Afrikaner aanvaarbaar kan wees nie want onder VOLK verstaan ons hedendaags 'n groep mense wat dieselfde kultuur. geskiedenis, taal en ander gebruike deel. En hierdie mense beskou hulself beslis nie as 'n "volk" nie. Hulle verwerp die begrip totaal en al al verstaan hulle dit.

Die redakteur van die Praag-nuusblad het in 'n uitgebreide repliek op my beswaar, my regstreeks daarvan beskuldig dat ek agter Naspers aanhol deur na die nuwe party as COPE te wil verwys. In die stempeiling op die Praag-nusblad is die vrae dan ook hoogsgelaai sodanig gestel: Jy stem vir "Volkskongres" en dus vir Praag of jy stem teen "Volkskongres" en saam met Naspers. Dit was 'n uiters onbehoorlike en verwronge keuse en daarom het ek dan ook nie 'n stem uitgebring nie. Deur te stem sou ek net aansien en geldigheid verleen het aan die soort gekonkel. Die lae stemmetal laat my vermoed dat andere ook so gevoel het.

Ter inligting die volgende: So 'n jaar of twee gelede het Jan-Jan Joubert, redaksielid van Die Burger, 'n rubriek geskryf waarin hy na die byeenkoms in Kliptown baie jare gelede waar die Freedom Charter deur die ANC aanvaar is, verwys het as die "volkskongres" by Kliptown. Die rubriek is ook in Beeld gepubliseer.

Ek het hom in 'n brief aan Beeld aangevat en aangevoer dat hy bra roekeloos met die begrip "volk" omgaan. Beeld het – bo alle verwagtinge in – die brief gepubliseer – nogal as die hoofbrief in die betrokke kolom. Dit is interessant dat Beeld nie weer die term "volk" so skeef gebruik het nie — ook nie nou nie.

Dit is duidelik dat dit nie ek is wat agter Beeld aanhol nie, maar Beeld wat my uiteensetting ter harte geneem het.

Maar nou vind ons dat die pro-Afrikaner organisasie, Praag, vir Jan-Jan omhels en ewe lustig saam met hom in hierdie vals koor oor die woord "volk" sing. En ek het uit verskeie dinge die indruk gekry dat Praag nou nie juis baie van Jan-Jan gehou het nie.

As Praag nou wil volhou met hierdie skewe vertolking, moet ek vra dat daar duidelik uitgewys word na watter "volk" verwys word in hierdie gebruik van "volkskongres". Dit is beslis nie die Afrikanervolk nie. Dit kan ook nie die Zoeloevolk wees nie want dit lyk my Zuma en die Zoeloes het die ANC oorgevat. Dit kan dalk die Xhosavolk wees, maar dit lyk nie die nuwe party rig hom slegs op hierdie volksgroep nie. Moet asseblief tog nou net nie praat van die "Suid-Afrikaanse volk" nie. Ten beste is daar 'n Suid-Afrikaanse nasie, maar selfs dit moet sterk betwyfel en aangevat word.

Daar is een ander aspek rondom die saak wat baie pla: Verlede week het ek in 'n kort briefie sommer lekker sarkasties geskryf dat Praag dalk tog reg is in sy gebruik van die woord "volkskongres" want ek sien die nuwe party gaan sy stigtingsvergadering op 16 Desember hou!

Die briefie het nou nog nie op die webblad verskyn nie. Is Praag nou besig om, soos Beeld, briewe wat hom nie aanstaan nie, in die elektroniese snippermandjie te laat beland? As een van diegene wie se briewe lank nie meer deur Beeld gepubliseer word nie, kan ek my nie indink dat Dan Roodt sulke optrede sal goedkeur nie.

Ek vra dus mooi: Los asseblief hierdie "Volkskongres"-ding uit. Verwys dan na die Congress-party of die Peoples Congress – of as julle dan 'n Afrikaanse woord wil gebruik, wat van Kongres van die Gepeupel? Baie nader aan die waarheid.

Hier volg Thys Human se briefie van 19 November (red.):

Dalk is Praag tog reg oor die gebruik van "Volkskongres" vir die naam van die nuwe swart politieke party. Ek sien die party se stigtingsvergadering word op 16 Desember gehou!

Dink julle hulle gaan die Gelofte ook voorlees?

хрустальные люстры

Daar wag ‘n groot taak op Praag

06:53:15 Die artikel in vandag se Praag-koerant oor Media24 wat moontlik sy koerante gaan laat saamsmelt, noop my om kommentaar te lewer. Aan die een kant is dit goeie nuus, maar aan die ander kant spel dit gevaar vir die Afrikaner.

Ons (hier by Praag) sal volstoom moet begin om "nuusjagters" op groot skaal op te lei, sodat ons aan ons lesers elke dag 'n goedgebalanseerde weergawe van gebeure binne en buite Suid-Afrika kan voorsit. Media24 sal by die dag meer "politiek korrek" word, en ons, sowel as die lesers in die buiteland, sal nooit weet wat regtig in ons land aangaan nie.

Daar wag 'n groot taak, met ewe groot verantwoordelikheid, op die redaksie van Praag. Maar, ek dink dit sal 'n aangename taak wees. Dit sal van Praagers helde maak.

Ons is wel deeglik bewus van so 'n vertantwoordelikheid, Peter. Die SA media, veral in Afrikaans, raak al hoe meer eendimensioneel en veral sien hul taak as die breinspoeling van die Afrikaner om alle onreg wat daar teen hom gepleeg word gedweë te aanvaar. Dis ook waar dat 'n groot deel van die gebeure in die land nooit die media haal nie, omdat dit nie polities korrek is nie. Een manier waarop lesers ons kan help, is om eenvoudig al hul familie en vriende van www.praag.co.za te vertel en aan te moedig om ons te lees. – Red.

Лобановский

Wat het van Belharskrywer geword?

06:38:43 Ek is lank nie meer lid van die NGK-familie nie maar Calvinisme is my tuiste. In die lig van die feit dat die Afrikaanse pers daagliks die Belharbelydenis onder die lesers se onwillige oë bring en selfs Boesak daarmee assosieer, ontstaan ernstige vrae.

Op Google vind ek in Wikipedia binne 50 sekondes 'n Engelse weergawe van Belhar wat verklaar dat die oorspronklike Afrikaanse weergawe nie vir openbare gebruik is nie en aan sekere beperkings ten opsigte van verspreiding onderhewig is. Dis blykbaar primêr 'n "binnenshuise dokument".

Volledige Bybelverwysings word gegee sover dit die sonde van segregasie volgens die outeur betref. Die hele Belharbelydenis gaan uitsluitlik oor die rassistiese of politieke segregasie van die NGK-familie.

Verder verneem ons dat prof Dirkie Smit as leraar van die kleurlingkerk die outeur van Belhar is – 1986 tot 1988.

Prof Dirkie Smit se webtuiste is aktief en veral godslastering is 'n onderwerp vir blogbespreking.

Vergun my die gepaste rol van duiwelsadvokaat met die volgende vrae rondom die verskynsel van die Belharbelydenis in die Afrikaanse pers.

Wat het van die outeur geword van so 'n dokument wat al twintig jaar aktueel bly? Na my wete het prof Smit hoegenaamd geen erkenning gekry of op sy pennevrug gereageer nie. Is hy miskien al oorlede?

Was Boesak ‘n medewerker aan die Belharbelydenis terwyl hy gesegregeer het van sy eerste vrou? Nie volgens Wikipedia nie. Is dit 'n sonde om af te stig en polities te segregeer van die ANC? Ek herhinner my dat daar gesê is dat die KP’s van destyds nie hemel toe sou gaan nie. Is dit dan nie ‘n sonde om te segregeer van sy ampte in die VGK nie?

Die ooreenkomste tussen Boesak en Piet Koornhof is opvallend.

Integrasie, segregasie en egskeiding is so belangrik in die Bybel dat een hele boek aan die vraagstuk gewy word, naamlik Esra. In dié Bybelboek word die volk verplig om van hul volksvreemde vrouens en kinders te skei. Maleagi 2 verteenwoordig 'n opsomming daarvan. Daar bestaan hoegenaamd geen verwysings in die Belharbelydenis na hierdie kernbronne nie. Veral nie na egskeiding nie en ook nie dat die verhoudings van Christene onder mekaar soos die lede van die liggaam van Christus moet wees, maar nie soos 'n huwelik nie – dat God egskeiding haat. Daar is ook geen verwysing na Titus se brief wat juis vals belydenisskrifte en kerklike gedragsreëls behandel nie.

Paulus beskryf myns insiens die rol van die Belharaktiviste baie akkuraat in Titus 1, vers 15: "Alle dinge is rein vir die reines. Vir die besoedeldes en ongelowiges is egter niks rein nie, want hulle verstand sowel as hulle gewete is besoedeld. 16. Hulle bely dat hulle God ken maar verloën Hom deur die werke, omdat hulle gruwelik en ongehoorsaam is en ongeskik vir elke goeie werk."

Onwillekeurig mag mense dink aan die Kretensers in ons midde, waarop ek eerder nie kommentaar sal lewer nie.

3d одежда купить

Maak jou stem dik

07:33:31 Is jy keelvol, indien nie g-vol nie, oor omtrent alles deesdae eentalig Engels is (of Engels en 'n swart taal)? Wel, neem die pen op en skryf.

Ek het by mnr. Mike Olien van die Poskantoor beswaar aangeteken omdat ek weer eens my jaarlikse posbushernuwingskennisgewing in Engels ontvang het (ondanks die jaarlikse versoeke van die Vriende van Afrikaans om dit ook in Afrikaans uit te stuur).

In my brief aan mnr. Olien het ek gesê volgens my vertolking van die Grondwet is dit ongrondwetlik om 'n enkele amptelike taal op ons almal af te dwing, soos die Regering tans doen.

Ek het gevra om my kennisgewing in my voorkeurtaal, Afrikaans, te ontvang. En sowaar, nie jare later nie kry ek my Afrikaanse posbushernuwingskennisgewing!

Dit wys jou net – moenie stilbly nie. Stuur jou brief vandag nog aan mike.olien@postoffice.co.za.

Teken sommer ook beswaar aan teen die eentalige Engelse Poskodegids en vra vir 'n Afrikaanse een. As genoeg Afrikaanssprekendes hul stem hieroor dik maak, sal iets dalk gebeur.

Ons Afrikaanssprekendes moet ons slapgattigheid en askies-tog-ek-leef houding laat los voor Afrikaans 'n kombuistaal word. Alles goed en wel Afrikaanse boeke en liedjies toon 'n oplewing, maar wat van Afrikaans waar dit werklik saak maak – as geldtaal, saketaal, amptelike taal, akademiese taal, vaktaal? Dis hier waar Afrikaans besig is om te verloor, dood te bloei, omdat ons nie genoeg omgee nie.

Moenie maar net die miskenning van jou taal ewe gelate aanvaar nie. As jy weer 'n Engelse oproep van jou bank kry (wat baie goed weet wat jou voorkeurtaal is) oor die een of ander nuwe produk, sê net ewe kalm jy wil in jou voorkeurtaal, Afrikaans, bedien word en jy kan ongelukkig nie Engels verstaan nie. En teken per brief by jou bank beswaar aan – as jou geld goed genoeg is, is jou taal goed genoeg.

As jou munisipaliteit jou net in een taal bedien, kla en skryf 'n brief. As jou winkelrekeninge net in Engels is, kla en skryf 'n brief. Skryf weer en weer en weer.

Dis my en jou verantwoordelikheid om te sorg dat ons mooi taal bly oorleef. Moenie dink "iemand" gaan dit vir ons doen nie. Kla, teken beswaar aan, dreig, onttrek jou steun en geld, organiseer, stook op, vertel die media en die wêreld, maak vuur onder jou familie, vriende en kennisse – moet net nie daar sit met 'n wat-kan-ek-tog-doen houding nie. Eendrag maak mag – en geld dra die grootste mag. Die Afrikaanssprekendes het nog die hef in die hand wat geld betref. Gebruik jou geld goed!

Данильченео