Briewe – Bladsy 48 – praag.co.za

Stig eie Afrikanerbedrywe, sonder SEB

Daar heers tans 'n lewendige debat op Praag se webtuiste oor die toekoms van 'n Afrikanerleefwyse en -kultuur in die huidige opset in Suid-Afrika. Ek maak graag 'n paar opmerkings in dié verband.

Afgesien van 'n kern "suiwer" blanke Afrikaners – van wie heelwat aan die bogenoemde debat deelneem of dit ten minste op die webstuiste lees – hoeveel meestal Afrikaanssprekende blankes koester dieselfde hoop en doelwitte vir die herwinning van ons eie kultuur en identiteit? Ken hulle hulle volk se geskiedenis en prestasies? Die wêreld is besig om al hoe meer homogeen te raak waar almal Levi-denims dra, MacDonalds eet en Bold and Beautiful op TV kyk. Die opdringerige globale media skep 'n al meer homogene samelewing waar unieke kultuuridentiteite besig is om te vervaag en saam te smelt. In 'n samelewing waar ekonomiese oorlewing en gemeenskapskonformiteit al hoe belangriker raak, hoeveel mense gaan opstaan, die opofferings maak en saamtrek in 'n eie rigting wat vir die Afrikaner weer hoop gaan gee? Daar is die mense wat sal, maar daar is meer waarvoor die kool nie die sous werd is nie. Wat is die baken waarom alle Afrikaners kan verenig? Waar is die helde wat kan opstaan en leiding gee en waarop 'n nasie kan trots wees? Waar is die mense vir wie eie gewin onbelangrik is, vir wie nasiebou en volk en vaderland alles is. Wat die opofferings vir 'n groter saak sal maak? Dit raak al laat dat hulle te voorskyn moet kom.

Die moderne samelewing is op gemaksug gebou: kitskos, mikrogolfoonde, selfone en die internet. Swaarkry, eelte op jou hande en sweet op jou voorkop is vir die meeste mense heel vreemde konsepte. Die ergste swaarkry is as die krag af is en jy nie TV kan kyk nie of jy nie 'n selfoonsein het nie. Met so 'n lamlendige groep kan mens mos nie 'n oorlog wen nie of hoe? Voordat daar nie 'n algemene besef is dat oorwinning uit opoffering spruit, gaan daar bitter min vordering wees. En voordat daar nie 'n nuwe algemeen aanvaarde doelwit is, 'n doelwit wat haalbaar is, wat mense aangryp en opgewonde maak en waaraan doelgerig gewerk en nagestreef word, gaan 7de Laan nog steeds die opwindendste item op meeste mense se program wees.

Solank daar nie 'n werkbare alternatief vir die huidige onderwysstelsel is nie, gaan die Afrikanervolk deurgaans verswak. Die kommuniste is uitgeslape en dis nie verniet dat hulle Afrikanerjongelinge deur middel van 'n verwronge onderwysstelsel volgens hulle eie siening opvoed nie. Ons is besig om ons kinders aan 'n voksvreemde moondheid te oorhandig. Die tragedie hiervan is dat die Afrikanervolk nog met geen alternatief vorendag gekom het om hierdie misvorming van die jong Afrikanerverstand teen te staan nie. Waar is ons Afrikaneropvoedkundiges, waar is ons intellektuele, waar is ons akademici? En as hulle nie self in die bres sal tree nie, waar is dan bloot net die entrepreneurs wat hierdie smag na 'n eie onderwysstelsel op 'n kapitalistiese wyse kan bevredig? As ons nie eienaarskap van ons kinders en hulle opvoeding kan terugneem nie, is daar 'n skrale hoop op sukses. Ek meen dis hier waar ons ernstigste behoefte lê, dis ons belegging in ons volk se toekoms en die kommuniste het dit van ons, willens en wetens, afgeneem.

Die term "drastiese aksie" is al in bogenoemde debat gebruik. Drastiese aksie sluit in die stigting van eie Afrikanerbedrywe, sonder SEB, die sluit van besigheidskontrakte met enersdenkende maatskappye, die steun van die besighede deur die breë publiek, die bedryf van etiese besighede deur sakemanne wat hul volk se saak op die hart dra. Dit sluit ook in die uitsluit van volksvreemdes uit die "eie ekonomie", 'n tipe Afrikaner- regstellende aksie waar daar net werk en geleenthede vir Afrikaners en enersdenkendes is. Ek wil weereens weet waar is ons nyweraars, ons sakemanne, ons wetenskaplikes, entrepreneurs en finansiers? As Mammon sy kloue al so diep in hulle geslaan het dat geld hulle god geraak het, is dit reeds laat in die dag vir ons volk. Hoekom ondersteun die breë Afrikaner nie 'n eie koerant nie, of is Huisgenoot deesdae die alfa en die omega van die Afrikaanse media?

Voordat die breë samelewing, die Afrikanerman op straat, nie met die strewe na 'n eie identiteit van ons volk kan identifiseer nie, gaan die afdraande pad waarop ons as volk tans verkeer nie verander nie. Uit eie betrokkenheid met verskeie vrywilligerinstansies is dit vir my duidelik dat die gewone persoon maar heel apaties staan teenoor "die groter saak". Dis 'n opdraande stryd om mense te mobiliseer en van denkwyse te laat verander. Indien ons as Afrikaners nie beheer oor die opvoeding van ons kinders en die media gaan verkry nie, gaan die pad vorentoe maar lank wees.

PRAAG verdien volpunte vir sy onbaatsugtige diens wat hy in hierdie verband lewer. Die alternatiewe sienswyses en standpunte wat hy lewer is vir ons volk lewensbelangrik. Lesers kan gerus hierdie artikels so wyd as moontlik versprei sodat hierdie webtuiste inderwaarheid as teenvoeter vir Naspers se snert kan dien.

Pik Botha gee dwarsklap na die regses

Op Carte Blanche, M-Net se aktualiteitsprogram, het Pik Botha 'n klap na regses probeer uitdeel. Die program het oor die maanlanding 40 jaar terug gehandel. Daarin verkwalik hy Albert Hertzog dat SA nie al in die sestigerjare televisie gekry het om na die maanlanding te kyk nie.

Behalwe dat dit seker ook 'n kabinetsbesluit was, is Hertzog se waarskuwing (as Pik dit korrek weergegee het) dat pornografie en die diaboliese (seker uiterste geweld, moord) en lae morele waardes, ook op televisie uitgebeeld sou word, nou bewaarheid. Wat sien ons nie deesdae op die meer gewilde kanale nie? Sport is omtrent die enigste kykstof wat nie uitermate geweld, los sedes en pornografie vertoon nie!

Die Nasionale Party onder Vorster en sy navolgers het met die SAUK-TV, soos die ANC tans, televisie as propaganda- en breinspoelmiddel gebruik teen regses/teenstanders. Dus was Albert Hertzog se waarskuwings, hoe vergesog Pik hulle ook al wil maak, gegrond en bewaarheid.

зарядное

Suid-Afrika word net nog ‘n agterlike Afrikastaat

Die onderliggende probleme waaraan die NP nie aandag gegee het nie, was voor die hand liggend. Die ANC bied ook geen oplossings nie.

As mens in die platteland ry, kan mens die groot nie-blanke woonbuurt op elke dorp sien. Die dorpe is oorspronklik deur blankes gestig, maar die blankes is nou oral in die minderheid weens hoë bevolkingsgroei onder nie-blankes. Die bevolkingsgroei moes lankal beperk gewees het. Die ANC doen die teenoorgestelde met kindersubsidies. Die blanke bevolking krimp al sedert die 1985-sensus, terwyl die swart bevolking steeds eksponensieel toeneem.

Die blankes het die meeste van die plaasgrond vir hulself gevat, en die nie-blankes is grootliks uitgesluit uit ekonomiese aktiwiteit behalwe as ongeskoolde arbeid (behalwe in die TBVC-state, wat bewys het dat die swartes nie hulle eie ekonomie kan skep nie). Die NP se oplossing was onwerkbaar. Hulle moes lankal 'n federasiestelsel geskep het, met state wat hulle eie graad van onafhanklikheid kon kies, en vrywillig saamwerk waar nodig.

Die NP het vir Afrikaanssprekendes werk gegee in die staatsdiens. Die ANC het nou omtrent al die blankes uit die staatsdiens geforseer. Die ANC is te onnosel om te verstaan dat jy nie die poste van 10% van die bevolking met die ander 90% kan vul nie. Die regstellendes kan nie die werk doen nie. SA word net nog 'n agterlike Afrikastaat.

real active

Christi van der Westhuizen kort lesse in genetika

Ek het in Saterdag se By ‘n rubriek, Schadenfreude: Wie gaan laaste lag?, wat die grootste snert verkondig het, gelees. Die skryfster, Christi van der Westhuizen, se absolute – amper skokkende – onkunde aangaande genetika is tot op die been ontbloot. Sy leef in haar eie klein politiek korrekte droomwêreldjie en wat in haar biblioteek is, moet uiters beperk wees. Basies net Mau-Mau, Uhuru, Marxistiese dogma soos dit vir my voorkom. Die stomme kind is so geïndoktrineer en gebreinspoel dat sy haas nie reguit kan dink nie. ‘n Tipiese sub-intellektuele “waffer”-rubriekskrywer en/of “politieke kommentator” of “analis” wat sedert Pienk Frikkie oorgeneem het in hul dosyne saam met baie middelmatige mulatto’s deur die SAUK, Naspers, Media 24 en hul filiale en geesgenote aangestel is.

Wat van der Westhuizen “rassistiese idees” noem, is ongelukkig alles bloot hallusinasies in haar disfunksionele brein. Ongelukkig vir haar onkunde is dit weliswaar feitelik, wetenskaplik gefundeerde en bewese waarhede.

Dit sal dalk help as sy nou en dan die vrymoedigheid het om met ‘n rasegte Kaukasiese patriot van superiere (of selfs beter) IK te praat wat oor hierdie lewensbelangrike onderwerp goed ingelig is. Ek sal haar aanraai om voor die tyd ‘n paar valiums te sluk, net om die vlindertjies in haar magie tot bedaring te bring. So iets kan egter heel waarskynlik vir haar hoogs ontnugterend wees, aangesien sy ooglopend gewoond is aan die geselskap van Bantoes, mulatto’s en “waffers”.

Abstrakte denke is duidelik nie haar en haar ”comrades” se forté nie! Ek het inderdaad nog nooit ‘n Bantoe- of mulatto-“intellektueel” in my lewe ontmoet nie. Ek lees net altyd die bragadoccio van hieride sotte in die koerante. My repliek word natuurlik nooit geplaas nie, want die lafaards is te skytbang vir iemand met werklike intellek, asook ons swart rassistiese régime! Ongelukkig haal die“waffers”, wat bekwame wit mans se werk agv regstellende aksie gesteel het, bloot net nooit die paal nie.

Net ‘n moroon stel kritiek gelyk of sinoniem aan “rassisme”. Het jul dan wragtig geen ander kaart om te speel anders as die uiters vervelige en breinlose rassekaart nie? Die idee dat ras ‘n aanduiding van mense se vermoëns is, is glad nie propaganda uit die 19de eeu nie, maar ‘n welbewese feit. Dit word veral nou in die 21ste eeu, intensief deur regdenkende en ingeligte Westerse intellektuele gedebatteer.

Dit is inderdaad nie belaglik om te dink dat iets so “arbitrêr” soos velkleur kan bepaal of iemand ‘n land kan regeer of korrup is nie! Jy is duidelik in absolute ontkenning vasgevang. Ek het nuus vir jou, sussie! Ras was NOG NOOIT “’n sosiale konstruk” nie. Waar op dees aarde het jy al dié snert geleer? Was Blade of Jansen dan een van jou “dosente”? Jy praat soveel nonsens dat ek amper op die ANC se vlag braak. In plaas van wetenskap te lees, het jy blykbaar iemand se benoude leuens en bedrog vir soetkoek opgevreet. Jou onkunde is so ongelooflik dat mens glad nie enigsins verder snert van jou wil lees nie. Is die imbesiel dan sinoniem met die feminis?

‘n “Natuurlike biologies gegronde rassehiërargie" is alles behalwe “fiksie” en word dekades al deur hoër intellektuele wat oor kritiese denke beskik, aanvaar. Miskien moet jy ophou om doelloos deur jou “Huisgenoot” te blaai en Joost van jou brein af kry. Jy is ‘n “total loser” en boonop ‘n lafhartige kermgat. Het niemand jou ooit geleer jy kan nie teen feite argumenteer nie. In plaas van “The God Delusion” het jy blykbaar “The Bantu Marxist Delusion”. Dis ‘n absolute skande dat jy jou eie ras en volk haat. Voel jy regtig so minderwaardig en verslae agv jou historiese agterstand? Lyk my jy dra maar swaar aan daai stomp op jou smal skouertjie!

Die nut van “diskriminerende hiërargieë” is omdat dit die waarheid is en baie sin maak. Daar was nog altyd hiërargieë deur die millenniums in iedere en elke ras. Jy gaan tog nie iemand met ‘n IK van 60 as premier van ‘n provinsie aanstel en ‘n kreatiewe genie gebruik om jou huis skoon te maak nie!

Ek kan my net indink wie jou “ikoon” is – deesdae is dit mos blykbaar verpligtend dat elke Suid-Afrikaner ‘n “ikoon” moet hê.

Rassevermenging is seker die grootste sonde en onding ooit. Die gevolge is katastrofies en neem wêreldwyd teen ‘n skrikwekkende tempo toe. Binnekort sal baie min mense nog enige betekenisvolle identiteit hê. Dan sal ons met ‘n sieklike, onetiese en immorele globale basterras sit!

Ek is instinktief daarvan bewus dat ek slegs by my eie ras moet hou en slegs met hul kan assosieer. Ongelukkig is die blanke nie op dieselfde intellektuele en kuturele golflengte as ander rasse nie. Die Westerse beskawing is uniek en blank. Die swart parasiete wat hulself die reg toe-eien dat die Egiptiese beskawing enigsins nie-blank was, kan hul gerus ‘n guns deur Arthur Kemp se uitstekende werk, “March of the Titans”, intensief te bestudeer.

Lyk my jy ly ook aan die swarte se patetiese, selektiewe en baie gerieflike “blaming culture”. Alles is altyd apartheid se skuld! Sies ga, hoe pateties! Apartheid was nooit ‘n verkrummelde staat nie. Basies het die inheemse barbare suid van die Sahara alles wat hulle weet by die Westerling geleer.

Ek wil jou graag help om die basiese feite aangaande genetika te verstaan. So hier is twee boeke om mee te begin wat as skokterapie sal dien om jou uit jou bedwelming te ruk:

The Nazi Virus – P Welch
Erectus Walks Amongst Us – Richard D. Fuerte

Versuip gerus in jou Weltschmerz, sussie. Jou tipe het mos gewoonlik nie ‘n volbloed Kaukasiër as “liefling” nie. (Nie dat die skare op Loftus jou ooit “liefling” sal noem nie!)

Media24 is anti-nasionaal

Tim du Plessis skryf in Beeld van 17 Julie 2009 in 'n smalende artikel oor Afriforum oa 'Rasse-ideologie is die virus wat die land al meer as 150 jaar terughou en verhinder dat Suid-Afrika tot sy volle potensiaal ontwikkel. Eers die ideologie van wit meerderwaardigheid en sedert 1994, sy swart eweknie. Albei aangevuur deur daardie teenproduktiewe ding, nasionalisme.'

Wit meerderwaardigheid mag dalk 'n ideologie wees, maar apartheid was bloot 'n modus vivendi om te oorleef. Die huidige gemors in die land bewys dat daar niks verkeerd mee was nie.

Daar stel Tim dit uiteindelik duidelik: Hy en sy trawante is anti-nasionaal, net soos hulle geestelike vaders Marx en Lenin, al besef hulle dit moontlik nie eers nie. (Tim se eie kinders, verstaan ek, was in 'n Engelse privaatskool.)

Media 24 en sy meelopers is 'n gevaarlike vyand van die Afrikaner, netsoos die hensoppers en joiners in die Engelse oorlog. Daarom moet ons tydig en ontydig hierdie verraderlike organisasie aan die kaak stel.

Mandela die terroris

Op 18 Julie word Nelson Mandela gehuldig as die groot ikoon van Afrika en in meeste gevalle voorgestel as ‘n onaantasbare godheid wat net goed vir Suid-Afrika gebring het toe die Democracy in 1994 deur Blanke verraad ingestel is.

Hoe lyk dié Mandela en hoe het Suid-Afrika verander onder sy regeringskap?

As leier van die ANC het Mandela in die sestigerjare wraaksugtig teen sy politieke opponente opgetree. Hy is tronk toe gestuur weens sabotasie en tot lewenslange tronkstraf gevonnis. Mandela is verkeerdelik aangekla vir dade van sabotasie eerder as hoogverraad, in welke geval die vonnis nie gevangenisstraf sou gewees het nie, maar wel die doodstraf. Hy het regsverteenwoordiging gehad in ‘n uitgerekte verhoor, asook elke moontlike geleentheid om hom te verweer teen die aanklagte, maar hy het geweier om die eed af te lê en te getuig en kon derhalwe nie onder kruisverhoor geneem word nie.

Die verhoor is deur joernaliste en juriste van oor die wêreld bygewoon. Niemand kon fout vind met die bevindinge van die Hof nie. Die Rand Daily Mail, die mees uitgesproke liberale koerant in Suid-Afrika, het berig dat “die vonnisse was beide verstandig en billik… dit kon nie ligter gewees het as wat opgelê was nie. Diegene wat skuldig bevind is, het sabotasie op ‘n groot skaal beplan en hulle het saamgesweer om gewapende rewolusie teweeg te bring. …die misdaad waaraan hulle skuldig bevind is, is eintlik hoogverraad. Die doodstraf sou geregverdig gewees het.”

Dit is die feite van die geskiedenis. Dit is die geskiedenis van Nelson Mandela. En toe word Mandela deur FW de Klerk vrygelaat en word Mandela in ‘n onwettige een mens een stem-verkiesing in 1994 die staatshoof van Suid-Afrika. In 1994 skryf Paul Johnson, ‘n bekende Britse intellektueel, in The Spectator, “Suid-Afrika het onder De Klerk ‘n selfmoordsprong geneem. …Die land sal ‘n industriële rommelhoop word, dierlik, bloedig en bankrot”. En dit is presies wat Nelson Mandela reggekry het. Dit is presies wat onder sy regeringskap in Suid-Afrika gebeur het. Die democracy het alles wat in ‘n Eerste Wêreldland opgebou is en bestaan het, tot ‘n rommelhoop afgebreek.

Tien maande later (Februarie 1995), skryf die Spectator weer: “Suid-Afrika is ‘n land wat geteister word deur misdaad en korrupsie, met tuimelende standaarde en ‘n bevolking wat verdoem is tot ‘n veragtelike en dierlike bestaan.” Die artikel bestempel die ANC-regime as “korrup en onbevoeg”. Dit was Mandela se regering.

In opmars na Mandela se vrylating is in die tydperk September 1984 tot Augustus 1989 tydens die struggle 1 770 skole vernietig, asook 7 187 wonings van swart eienaars, 10 318 busse, 152 treine, 12 188 private voertuie, 1 265 winkels en fabrieke, 60 poskantore, 47 kerke en 30 klinieke. Daar was 300 koelbloedige moorde asook die barbaarse halssnoermoorde. Dit het plaasgevind in die sogenaamde vryheidstryd onder Mandela as leier van die ANC.

Na 1994 is dié toestand voortgesit onder die slagspreuk van Kill a farmer kill a boer. Moorde op duisende Afrikanerboere en hulle gesinne het gevolg. Meer as 2 000 boere is reeds wreedaardig vermoor. As dit vergelyk word met die slegs 39 blanke boere wat deur die Mau-Mau in Kenia vermoor is en die 300 Blankes in die loop van 14 jaar tydens die terroriste-oorlog in Rhodesië, dan kan Mandela voorwaar trots wees op sy nalatenskap.

Onder sy bewind het hy die kommunis Tito Mboweni as President van die Reserwebank aangestel. Hy het ook die sogenaamde Waarheids- en Versoenings-kommissie aangestel. Dié kommissie was volgepak met vyande en teenstanders van die blanke bewind. Dit was ‘n verbastering van die Neurenbergse verhore van Duitse oorlogsleiers en Stalin se vertoonverhore van die jare dertig. Die oogmerk was om Afrikaners in die beskuldigdebank te plaas en te vervolg.

Die kommissie het amnestie verleen aan ‘n bende van 37 hooggeplaaste ANC-leiers vir misdaad wat verband hou met politieke motiewe. Onder hulle was Thabo Mbeki, leier van die ANC, Alfred Nzo, Minister van Buitelandse Sake, Dullah Omar, Minister van Justisie en Joe Modise, Minister van Verdediging. Hoewel ‘n hofuitspraak dié beslissing deur die Kommissie ongeldig verklaar het, is niks gedoen om die saak reg te stel nie.

Waar Suid-Afrika onder dr Hendrik Verwoerd deur die media beskryf is as “n blink voorbeeld van vrede op ‘n geteisterde vasteland” gaan die mense onder Mandela “gebuk onder ‘n oorvloed van armoede en het die land die hoofsetel vir misdaad geword — 137 aangemelde verkragtings, 63 moorde, 73 pogings tot moord, 176 rooftogte, 670 inbrake en 35 motorkapings op ‘n gemiddelde dag.”

In die eerste vier jaar van Mandela se bewind het die land se skuld meer as verdubbel — van R194 miljard in 1994 tot meer as R400 miljard in 1998. Die rand het 80% van sy waarde verloor en in die eerste tien maande van 1998, byvoorbeeld, het meer as 2,8 miljoen werkerdae verlore gegaan weens ‘n vloedgolf van nywerheidstakings.

In How to be a good Communist, sê Mandela die volgende: Ons, die lede van die Kommunistiese Party, is die mees ontwikkelde rewolusionêres van die moderne geskiedenis… Die vyand moet eers volkome verpletter word van die aardbodem, voordat die Kommunistiese Wêreld verwerklik kan word.

Dit is Nelson Mandela.

детская мебель цены

Afrikaner pleeg nasionale selfmoord soos die Xhosa in 1857

Hoe het die nasionale selfmoord van die Xhosa in 1857 betrekking op Afrikaans? Vir my is daar ‘n skrikwekkende verband tussen wat die Xhosas onder die invloed van disinformasie gedoen het en wat met die Afrikaner gebeur het as gevolg van disinformasie deur die Afrikaanse pers (Naspers). Die Afrikaanse media is myns insiens die Nonkwasi van die Afrikaners deur te verkondig dat ons ons oeste moet verbrand, ons volkshelde moet doodmaak, en passief sit en wag vir ‘n wonderwerk deur die voorvadergeeste (met ander woorde morele ontwapening in die moedertaal).

Destyds was dit die resultaat van sendingwerk deur eerwaarde Phillip onder die Xhosas en nou Naspers se sendingwerk onder die Afrikaners met dialektiese taalgebruik in ons moedertaal. Terloops – in die weste by Kuruman het die Moffatsending in dieselfde tyd weer die inboorlinge fisies bewapen met gewere sodat dit ‘n groot faktor by die Sandrivierkonfensie was. Voorheen het ek geskryf van die probleem rondom ‘n staatskerk in die plek van ‘n volkskerk se teologie waarvan hierdie ‘n goeie voorbeeld van tipiese Baälgodsdiens is.

Afrikaans is Naspers se produk waarmee geld gemaak word soos met mielies en melk – aanvanklik gebruik om die gebruikers te vergiftig deur ‘n monster tot stand te bring en nou word daar in Afrikaans dieselfde monster in die koerante afgekraak en ontmasker vir wat dit inderdaad is – ‘n daggadroom van reënboogselfbeskikking. Soos skisofreniese drenkelinge glo die Afrikaanse media dat die pen magtiger as die swaard behoort te wees solank daar net groot geld te maak is. Vergelykbaar met die man wat vryval sonder valskerm en die vlug geniet – want sovêr gaan dit nog goed met die besigheid.

Natuurlik sal kritiese Afrikaans die doodsteek wees vir enige verbruikersmark maar veral vir die maghebbers, slegs van irritasie waarde soos ‘n klinkende simbaal. Geldend ook vir die D Anti-‘s en Cope anti-‘s en al die ander anti-‘s.

Want in Afrikaans lees en luister ons net van die rampe en ellende van hopeloosheid en reddeloosheid soos die Vreeslike Leegheid van Godverlatenheid / ateïsme wat Nietzsche beskryf het.

Soos die seuntjie wat nie meer Sondagskool toe wou gaan nie omdat die juffrou net gedurig vertel van die f**** plae! Want dit klink net ontsettend erger in die moedertaal.

Geen taal kan as medium van kommunikasie oorleef as dit so misbruik word nie en natuurlik moet daar mense wees soos prof. Van Coller en sy organisasies om die taal te bemark en natuurlik sal daar in Naspers se briewekolomme skuilnaamskrywers wees wat irrassioneel hulle eie nes in ons moedertaal bevuil soos Tyl Uilspieël in Die Volksblad et al.

люстры

Afrikaanse voetspore en bestemming

Ek volg die debat oor Afrikaans en Afrikaners in krisis op hierdie webblad noukeurig en sien die noodsaak om twee dinge reg te kry:

Die kom tot klarigheid oor wat ons te doen staan in die huidige omstandighede
Om hierdie klarigheid gefokus in een rigting te laat saamtrek

Antwoorde hieroor uiteenlopend. Daar is diegene wat 'n vorm van samewerking met die owerheid en gesagstrukture voorstel, sommige lê klem op 'n eie geografiese gebied en nog ander vra vir meer daadwerklike aksie in die huidige opset, veral wat die alledaagse omgang met die taal en kultuurgoedere betref. Daar is natuurlik 'n saak uit te maak vir baie van hierdie voorstelle, maar ek verwys weer na my voorstel gedurende November 2008 op hierdie webwerf in Die antwoorde op die dinge oor watter moontlike metodes ons kan gebruik om verantwoorde antwoorde te probeer kry op situasies waarmee ons gekonfronteer word. Ek dink die eis vir 'n min of meer eenvormige antwoord op die huidige situasie is onontbeerlik. Maar waarin lê hierdie eenvormige antwoord? Maklike antwoorde hierop is ons nie beskore nie. Ek wil tog die een en ander hieroor opmerk:

Die debat oor eie grondgebied kom lank en diep en ek wil nie nou hier oor die meriete al dan nie hiervan debatteer nie. Realisties gesien: ons moet net oortuigend antwoord op die vraag wat die moontlikheid is dat so 'n werklikheid ooit toegelaat sal word om te bestaan, veral as dit enigsins blyk 'n betekenisvolle sukses te wees.
Die klem op aksie rondom Afrikaans as taal en kultuurverskynsel is bo twyfel, maar ons moet oppas. Ek haal die Spaanse skrywer Carlos Ruiz Zafón se openingswoorde aan uit sy mees onlangse boek, uit Spaans vertaal as "The Angel's Game" : "'n Skrywer vergeet nooit die eerste keer wanneer hy 'n paar munte of 'n aanprysing aanvaar het in ruil vir 'n storie nie. Hy vergeet nooit die ydelheid in sy bloed wat hom laat glo dat, indien hy sy gebrek aan talent vir ander kan wegsteek, die droom van die letterkunde hom sal voorsien van 'n dak oor sy kop, 'n warm bord kos aan die einde van die dag, en dít wat hy die meeste begeer: sy naam op 'n stukkie papier wat hom waarskynlik sal oorleef. 'n Skrywer is veroordeel om daardie moment te onthou, aangesien hy van daardie oomblik af gedoem is en sy siel 'n prys het." (my vertaling). Hoe waar is dit van die moderne Afrikaanse letterkunde en kultuur? As ek so om my kyk het ons eerlike "kultuur" met iets om die lyf, broodnodig.
Die reeds gemaakte voorstelle in bogenoemde debat wys duidelik uit: die nakom van ingeligte verantwoordelikheid, in die een of ander vorm van aksie, en deursettingsvermoë (wilsoortuiging) is ononderhandelbaar. Daarsonder kan ons net sowel nie begin nie.
En oor fundamentele keuses: Johann Rossouw raak hieraan in sy bespreking van R.W. Johnson se onlangse boek oor Suid-Afrika na Apartheid (South Africa's Brave New World: The Beloved Country Since the End of Apartheid), veral Afrikaners se sug na deelname aan die hoofstroom. (Sien: Glasoog, Beeld BY, 11 Jul 09). Hierdie keuses en, belangriker, hulle geskiedenis (hoe het ons gekom tot in hierdie situasie), kan nie uit eerlike besinning uitgelaat word nie, beide op fundamentele gronde en daarom ook uiteindelik op die vlak van hulle praktiese uitkomste

Aanvaarde besigheidsteorie sê ons moet versigtig wees dat struktuur nie die pas aangee en strategie volg nie. Dit hoort andersom. Dit beteken dat daar duidelikheid (eenvormige antwoorde hierbo) moet bestaan oor die bestemming terwyl ons voetspore trap. In die besigheidswêreld is dit waarskynlik waar. In die samelewing ook, maar dalk sit ons nou met 'n situasie wat (vir eers) om strukture vra bloot ter wille van oorlewing. As daar hiervoor 'n saak uitgemaak kan word, is die instelling van alternatiewe strukture iets om verder te verken. Dit geld nie net strukture rondom taal en kultuur nie, maar ook in die praktiese sfere van onderwys (op alle vlakke), diensteverskaffing, sosio-maatskaplike ondersteuning en opheffing, ensovoorts. Daarvoor is daar gesprek en koördinasie nodig, ook om prioriteite te bepaal. Neels de Ridder maak in sy artikel opmerkings rondom finansiering hiervan – uit verskeie persoonlike gesprekke ter plaatse en enkele in die buiteland, is ek glad nie oortuig van die feit dat befondsing van hierdie voorstelle onmoontlik is nie, veral as jy weet waar en by wie om te soek en jy benut vaardige agente en woordvoerders. Dieselfde geld vir kundigheid om dit te doen. Johann Wingard se artikel oor die Boere en die Russe skets so 'n tipe prentjie. Dit is egter 'n ander, weliswaar noodsaaklike, onderwerp. In kort kom dit daarop neer dat niemand (individue en organisasies) meer kan sit en wag dat iets vir ons gedoen word nie; ook nie dat ons beloftes in dié verband in ruil vir samewerking kan aanvaar nie – daarvoor het die praktyk en geskiedenis te veel lesse te leer. Aangesien niks ooit werklik eindig nie, staan ons optrede in die alhier in die oordeel van tyd. Sou ek my naam onder aan die uiteindelike uitkoms hiervan wou teken?

хороший стоматолог

Afrikaans en trots daarop

Ek is 'n Afrikaanssprekende Afrikaner en ek is trots daarop. Veg vir Afrikaans, dit doen ons in ons land daagliks. Onthou dat Afrikaanssprekendes is versprei oor alle kleurgrense.

Moenie dink jy is 'n verraaier as jy met die klerk in die bank Engels praat terwyl jy Afrikaans prekend is nie; dit wys net dat Afrikaanssprekendes respek het vir hulle medelandgenote en ander tale. Leef Afrikaans. Ek droom nog steeds in Afrikaans al praat ek Engels met my kollegas wat nie iets anders as Engels en Oshivambo verstaan nie. Ek is en bly en sal altyd Afrikaans wees.

дизайн веранды в

Twee eeue van gulsigheid

Twee eeue van onreg deur Engelse (en die Weste) voorwaar.

Ná ek die artikel goed laat insink het, raak dit in my opinie al hoe duideliker hoe die groot wêreldmoondhede eintlik bang geword het vir die Afrikaner en wat hy kan verrig in Afrika. Was ons nie dalk die nuuste wêreldmoondheid van Europese oorsprong in onwikkeling nie.

Dalk 'n nuwe 'Amerika'? Dan sit ons ook nog op die kontinent met al die minerale waar agter die Weste, Rusland en China aan is.

Dit was 'n bedreiging, want wat kon gebeur as ons die minerale vir onsself gebruik. Ons militêre potensiaal was duidelik vir almal, dus sou ons maklik ons stempel in Afrika kon afdruk en ons het ook – niks kon ons keer nie. Net die Weste en onsself.

Die Britte het die hoofrol gespeel in ons ondergang, seker omdat hulle hulself wou posisioneer as die regeerders hier onder in Donker Afrika, of met behulp van 'n korrupte marionet wat hul dan sou kon voorsê.

So is dit maar net weer 'n storie oor Britse/Amerikaanse/Westerse gulsigheid?

палатка цены

As komedie werklik word

As groot liefhebber van slapstick komedie was “The Onion Movie” (ook bekend as “The News Movie”) vir my ‘n treffer. Die spot word gedryf met almal en alles, soms bietjie smaakloos, maar heeltyd snaaks.

Een van die snaaksste oomblikke in die fliek was toe ‘n gemaskerde rower, gewapen met ‘n rewolwer, ‘n bank binnestorm. Die kassiere begin onmiddellik kontant in ‘n sak pak, maar die rower merk verontwaardig op dat hy nie geld soek nie, maar ‘n betrekking by die bank, sodat hy kan werk en sy eie geld kan verdien. Rewolwer in die hand, masker op die gesig, dring hy aan om onmiddellik in diens geneem te word. Skreeusnaaks!

Slapstick is meestal snaaks omdat dit heeltemal oordrewe is, maar tog raak aan werklikhede. In Suid-Afrika word sulke oordrewe situasies egter werklikheid. Tydelike mynwerkers hou hulle bestuurders gyselaar onder in die myne totdat die topbestuur permanente poste aan die werkers belowe! Moet ons lag of huil? Of moet ons dringend, aktief daaraan werk om Afrikaner selfbeskikking ‘n werklikheid te maak?

ігридля дівчат Фильчаков

Watter soort ‘drastiese optrede’ vir Afrikaans?

As ons eerlik is, moet ons erken dat slegs drastiese optrede Afrikaans nou van volslae ondergang kan red.

Bogenoemde verwys.Ek het met gespitste aandag Dan Roodt se artikel in u publikasie gelees. Ek stem saam met wat hy daar sê. Die vraag is: Watter tipe "drastiese optrede" word voorgestel?

топкарго развод

Afrikaner bevind hom weer in die 1930s

Die Afrikaner bevind hom vandag met dieselfde taalprobleem as in die dertigerjare toe jy in besighede soos die OK Basaars, Greatermans, jou handelsbanke (voor Volkskas) en talle fabrieke geen bediening ontvang het as jy nie Engels gepraat het nie. Jy kon blou in die gesig of grys word, maar jy sou wag totdat jy skaamteloos jou geradbraakte Engels praat om bedien te word. Dít ten spyte van Afrikanerdogters wat jou moes bedien en wat nes vandag terwille van selfbehoud gelate daaraan moes meedoen.

Maar die toentertydse Afrikaner was trots en beneuk in die goeie sin van die woord. Tuis en op skool is jy van jou Afrikanerskap bewus gemaak. Praat jou taal en as daar nie geluister word nie, stap uit en gaan koop iewers anders. Hierdie beginsel is sedertdien eie aan my benadering. As ek enigsins uit sy of haar uitspraak aflei dat die persoon wat my bedien nie ‘n Afrikaner is nie, konfronteer ek daardie persoon openlik met die vraag: Praat jy Afrikaans? Indien nie, moet hy of sy iemand gaan vind wat my in my taal sal bedien of anders lui ek af en soek ‘n ander firma wat dit wel kan doen. Destyds het selfs ons kerke vanaf die kansel meegehelp om trots op ons Afrikanerskap te kweek. So het daar ‘n Afrikanerkorps met leiers in alle vertakkings van die samelewing ontstaan.

Die Afrikaners se pennies en tiekies is versamel in Federale Volksbeleggings. Nuwe Afrikanerbesighede het ontstaan: Volkskas, Sanlam, om maar enkeles te noem. Die Afrikaner kry sy Bybel in sy eie taal. Sy skrywers en digters beweeg weg van die Hollandse en kom onder die indruk van die ellende van die Afrikaner. Die Afrikaner se letterkunde lewe in al sy mooiheid. Tussen hakies, dink u daardie Afrikaners sou hulle Herzogprys na die buiteland laat gaan? Aikôna ! Al was dit ook ‘n Vondel of 'n Shakespeare.

Ek stem volkome saam, die Afrikaner staan by die kruispad. ‘n Keuse moet gemaak word. Dis maklik as jy glo… Geloof maak jou trots op dít waaraan jy glo. Glo die Afrikaner nog en is hy trots op sy Afrikanerskap met alles wat dit behels? Geloof gee ook wysheid omdat jy die beste sal kies terwille van dít waaraan jy glo. Boonop sal jy diskrimineer. Die Egiptenare sou nooit Israeliete word nie. Selfs vandag toi-toi ‘n Israeliet nie saam met die Palestyne nie.

Wees beneuk wat jou Afrikanerskap aanbetref. Ons het niks om oor skaam te wees nie. Ons is nie ‘n volk van diewe en moordenaars nie. Bedrieërs en geldsugtiges is ons sekerlik nie. Apartheid was nie ‘n skande nie. Soort soek altyd soort en sorg vir eie soort, al gaan jy waar. Is die apartheidsbeleid van die huidige regering dan eerbaarder? Sorg hy nie ook maar vir sy eie mense tot uitsluiting van die ander nie?

Ons moet hande vat. Ongelukkig sal ons weer soos destyds van vooraf moet begin, ons sente en rande bymekaarskraap en ‘n nuwe Afrikanervolksbeleggings in die lewe roep. Verstand ontbreek nie by die Afrikaner nie, dis net die trots en beneuktheid en die geloof.

Of is dit dalk vrees wat ons klein en benepe maak?

Afrikaans: radikale optrede is nou nodig

Ek lees die pessimistiese skrywe van Dan Roodt, Wil die Afrikaner nog veg vir Afrikaans?, wat meer waarhede bevat as baie van die linkse media saamgevoeg en 'n tydige dokument verteenwoordig.

Daar is baie geskryf en gedebatteer oor 'n volkstaat, die moontlikheid of dit kan werk en ook waar dit moet wees en of dit ons enige hoop bied om ons kultuur, taal en volk te beskerm. Nou ek is geen voorstander van hierdie idee nie, maar ek gaan dit ook nie as 'n mislukte idee afmaak nie.

Die gedagte dat ons moet veg vir Afrikaans in elke sfeer van die samelewing en die feit dat die pogings geen vrugte afwerp nie het my laat besef dat ons aksies meer radikaal moet wees. Nou hiermee sê ek nie ons moet onsself soos Moslemselfmoordenaars opoffer nie maar ons sal daadwerklik aan radikale idees moet merk om ons merk te maak en om te verseker ons beskerm dít was vir ons belangrik is.

Of mis ons die punt, moet ons nie maar boedel oorgee nie? Het ons nie alreeds te veel verloor dat daar geen terugkeer is nie? Het ons nie al juis 'n besluit gemaak dat dit te laat is en dat enige optrede futiel is nie? Het die linkse media ons nie alreeds met hul propaganda en voete-was-skuldgevoel laat boedel oorgee nie? En is dit nie nou net die laaste onwillekeurige stuiptrekking wat ons nog hier laat skop nie?

Daar is egter een ding wat ons nie uit die oog moet verloor nie: die wêreld se hulpbronne is beperk en Suid-Afrika is nie immuun teen hierdie tekort nie. Soos die finansiële krisis nou mooi bewys het, is ons almal maar deel van een globale gemeenskap. Ek is geen doemprofeet nie, nog minder 'n pessimis; eerder 'n realis en die xenofobie wat verlede jaar opgevlam het, het my laat besef dat ons as blankes baie naby aan daardie kategorie van "uitlanders" in die oë van die massa verkeer. Hulle word male sonder tal deur die linkses se propagandamasjien vertel dat ons nie in SA hoort nie.

As ons onsself later in die posisie sal bevind waar ons moet meeding om basiese hulpbronne soos water en voedsel dan gaan ons met hierdie massa te doene kry en ons weet waar dit kan eindig. Rwanda, Soedan, Zimbabwe, ensovoorts, is goeie voorbeelde, om nie te praat van die gebeure in Gauteng gedurende Mei 2008 nie. Wanneer mededinging om skaars hulpbronne eers aanbreek en die massas op ons toesak – met die polisie en die weermag onder die beheer van die regering en die propagandamasjien – weet ek waar ek eerder sal wil wees.

Nou wat is my punt nou eintlik? Terug by die volkstaatidee.

Die gebrek aan beplanning wat tans in SA heers, moet ons tot ons voordeel benut, hoe ons dit moet doen is nie deel van die brief nie maar ons moet dit dringend aanspreek. Ons beskik oor die vermoë, ons het dit reeds tevore gedoen, om na onsself om te sien en die idee van 'n volkstaat in die ooste van Pretoria is dalk nie so verregaande soos wat baie mense dit afmaak nie. Hier kan ons onsself regeer en ons kan onsself teen moontlike etniese konflikte rondom hulpbronne in die toekoms beskerm . Ja, ek weet dit klink soos die doemprofete van ouds maar dit sal dom van ons wees om hierdie moontlikheid te ignoreer.

Dit is 'n kwessie van tyd, dalk nie in ons leeftyd nie, maar dit gaan aanbreek. As ons nie nou al moontlikhede oorweeg en oplossings soek nie, dan gaan Afrikaans ons nie veel help nie. Hierdie kwessie strek veel dieper as 'n taalstryd. Radikale optrede is nou nodig; daar is maar sekondes voor twaalfuur oor.