Afrikaanse nuus Archives - Page 78 of 166

‘n Waarskuwing aan Julius Malema

Die VF Plus rig ‘n boodskap aan Julius Malema dat hy versigtig moet wees met sy rewolusionêre uitsprake want die geskiedenis het geleer ‘n rewolusie eet gewoonlik sy eie kinders, sê adv. Anton Alberts, die Vryheidsfront Plus se parlementêre woordvoerder oor ekonomie.

“Robespierre, ‘n roekelose, bloeddorstige en magsugtige man het die vlamme van die Franse rewolusie gestook en uiteindelik aan die hoof van die Franse Republiek gestaan deur sy vyande links en regs te elimineer met die gevreesde guillotine.

“Dit was egter ‘n kortstondige magsposisie, want die onbeheerste magte van die rewolusie het uiteindelik teen hom gedraai met sy kop wat toe ook onder die guillotine gerol het.

“Malema se vals uitsprake dat witmense alles wat hulle het, gesteel het, skep verder ‘n ‘meen’ of virale gedagte wat die wêreld ingedra word en deur arm en gefrustreerde mense as feit aanvaar word en sodoende gemeenskappe op grond van ras polariseer.

Dit is juis hierdie gewoonte van Malema om minderhede, veral wittes, te demoniseer, wat die VF Plus genoop het om die registrasie van sy party by die OVK teen te staan,” sê adv. Alberts.

Adv. Alberts sê dit is waar dat Suid-Afrika geweldige verdeeldheid in rykdom het, maar hierdie verdeling is al hoe meer intra-ras georiënteerd en nie soseer tussen rasse nie. Voorts moet die ekonomiese verdeeldheid verstaan word as ‘n probleem wat verkeerd deur die ANC hanteer is.

“Swart ekonomiese bemagtiging het tot dusver net ‘n paar swartmense oor en oor verryk terwyl die massas verder verarm het. SEB is duidelik ‘n beleid wat nie werk nie en tog het die ANC besluit om die beleid te verskerp met onmoontlike teikens wat deur die nuwe SEB-kodes gestel word.

“Regstellende aksie het op sy beurt weer die deur vir ANC-kaderontplooiing wyd oopgemaak met die gevolglike ineenstorting van dienslewering deur die staat en endemiese korrupsie wat deel geword van die samelewing.

“Malema moet gevolglik versigtig optree deur eerder sy aanvalle aan die adres van die ANC te rig en in gedagte te hou dat sy uitsprake die omgewing skep vir rasse-geweld. Dit mag dalk sy hart warm laat klop indien dit werklik gebeur, maar uiteindelik sal die vlamme van die rewolusie hom ook verdelg. Uiteindelik is daar geen oorwinnaar nie.

“Daarom sal die VF Plus verdere stappe oorweeg indien Malema voortgaan met sy vals en polariserende uitsprake,” sê adv. Alberts.

Inlywing van Midvaal en Emfuleni in nuwe metro ’n ramp vir inwoners

“Die beoogde inlywing van die Midvaal-munisipaliteit in Meyerton en die Emfuleni-munisipaliteit wat Vereeniging en Vanderbijlpark insluit in ‘n nuwe metroraad sowel as die verskuiwing van Heidelberg-Lesedi na die Ekurhuleni-metro aan die Oos-Rand, stuur af op ‘n diensleweringsramp, sê mnr. Jaco Mulder, VF Plus-LPW vir Gauteng.

Die blote herverdeling van hulpbronne sal opsigself geen welvaart en verbeterde dienslewering in die Vaaldriehoek teweegbring nie, maar wel neerkom op die herverdeling van armoede. Die streek benodig sterk leierskap en kundige amptenare wat dienslewering kan verseker.

Die geïntegreerde ontwikkelingsplanne van al drie plaaslike owerhede ter sprake maak nie vir so samesmelting voorsiening nie en die reeds bankrot Emfuleni-munisipaliteit se skuldlas sal deur Midvaal se belastingbetalers gedra moet word.

Verder is ‘n enkele openbare vergadering met geen in diepte inligting oor begrotings en die invloed op geïntegreerde ontwikkelingsplanne nie, totaal onvoldoende om as genoegsame openbare deelname gereken te word.

Die VF Plus het reeds op 17 April 2013 by die afbakeningsraad appèl aangeteken nadat openbare verhore tussen 7 en 11 April 2013 gehou is binne die twee munisipale gebiede en verskeie ander sentra in Suid-Afrika. Die voorsitter van die munisipale afbakeningsraad, mnr. LJ Malhango, het die kennisgewing tot openbare verhore eers op 3 April 2013 onderteken – minder as 6 dae voordat die openbare verhore sou plaasvind en die publieke kennisgewings in nuusblaaie is so laat as op Sondag 7 April 2013 gepubliseer.

Die appèl is geskoei op die gees van die Suid-Afrikaanse grondwet soos vervat in artikel 33 wat in geen onduidelike terme die reg op billike administratiewe aksie reël in paragraaf 1, 2 en 3 en die Wet op die Bevordering van Billike Administrasie “PAJA”, wet 3 van 2000.

Die VF Plus is oortuig dat die munisipale afbakeningsraad lank gelede reeds besluit het om voort te gaan met die stap en dat openbare vergaderings weinig invloed sou hê op die besluit. Die VF Plus het gedurende 2012 reeds met die munisipale afbakeningsraad in verbinding getree om duidelikheid te kry oor die aangeleentheid en het ook voorleggings aan die afbakeningsraad gemaak sonder enige reaksie.

‘n Aanlynpetisie wat die party geloods het by www.mymunisipaliteit.org.za om ‘n stem teen die beoogde samesmelting te monster, is deur duisende mense onderteken. Mulder het ‘n beroep op die publiek gedoen om die VF Plus en alle betrokke instansies te steun om die totstandkoming van die Metro te stuit, selfs al lei dit tot ‘n regsgeding.

Bejaardes keelaf gesny, seun veg om lewe in jongste plaasaanval

Dawie de Villiers (53) is in die Mediclinic in Bloemfontein opgeneem na die jongste plaasaanval by Barkly-Oos. Hy het veelvuldige steek- en snywonde aan sy gesig en nek opgedoen, het Volksblad berig.

Amanda Appelgryn, woordvoerder van die Mediclinic het Woensdag gesê De Villiers word tans in trauma-eenheid behandel.

Hy is ernstig beseer in die plaasaanval waarin sy bejaarde ouers vermoor is. Hy is Woensdagoggend deur die lugambulansdiens Aerocare na Bloemfontein gebring.

Die twee weerlose bejaarde oueregpaar Dawid en Ralie Appelgryn, albei in hul tagtigs, is in dié plaasaanval op die plaas Broadlands albei keelaf gesny.

‘n Swart verdagte (22) uit die lokasie Barkly-Oos is in verband met die voorval in hegtenis geneem nadat hy positief met die toneel verbind is.

Die polisie sê die motief vir die moorde is nog onbekend, Volgens die voorlopige ondersoek is niks uit die huis gesteel nie.

Die aanvaller het deur ‘n klein venster van die huis geklim

Warm debat oor ‘Rooi Oktober’ op Al Jazeera- globale TV

Gisteraand om 9.30 nm. SA tyd het ‘n vurige debat op Al Jazeera se sosialemediaprogram, The Stream, plaasgevind en is terselfdertyd op dié Katarrese TV-maatskappy se globale netwerk uitgesaai.

Die onderwerp was die Rooi Oktober-veldtog wat deur Sunette Bridges georganiseer is en deur die sanger Steve Hofmeyr en dr. Dan Roodt van praag ondersteun is. Daar was vier deelnemers: Bridges, Roodt, wat die saak teen volksmoord en swart-op-wit geweld gestel het, met aan die ander kant die Naspers-rubriekskryfster Christi van der Westhuizen en die filmmaker Sipho SIngiswa.

Sowel Bridges as Roodt het die standpunt gestel dat die vlakke van geweld in die land, asook aanvalle op blankes, onaanvaarbaar hoog is. Bridges het insgelyks na regstellende aksie verwys wat blankes van hul werksgeleenthede ontneem en veroorsaak het dat daar slegs 1,2 miljoen poste in die land oor is wat deur blankes gevul word.

Beide Van der Westhuizen en Singiswe het die twee ander deelnemers van “rassisme” beskuldig omdat hulle na die ras van die aanvallers verwys. Van der Westhuizen het egter erken dat “daar hoë geweldsvlakke in Suid-Afrika bestaan”, maar dit aan “komplekse rasse- geslags- en sosio-ekonomiese faktore” toegeskryf. Sy het ook voortdurend beklemtoon dat blankes gemiddeld ryker as swartes is en dat geweld deur dié ongelykheid veroorsaak word.

Dr. Dan Roodt het na die gruweldade teen kinders en oumense verwys, asook die geval van Willemientjie Potgieter genoem as ‘n voorbeeld van sadistiese en patologiese geweld wat deur jong swart mans gepleeg word. Christi van der Westhuizen het ook erken dat “meeste misdaad onder jong swart en bruin mans voorkom”, maar dat hulle ook ‘n groter kans staan om vermoor te word.

Wat die begrip volksmoord betref, het Van der Westhuizen en Singiswa ontken dat so iets tans in die land plaasvind. Bridges het egter daarop gewys dat ontkenning die finale stadium van volksmoord is. Roodt het gesê dat dit nie oor die getal mense gaan wat vermoord word nie, maar die bedoeling en die aard van die beserings. Die skending van slagoffers se liggame dui op kliniese sadisme. Omdat Afrikaners juis vanweë hul etniese afkoms, ras, taal en kultuur geteiken word, pas die volgehoue plaasmoorde en gruweldade wel die definisie van volksmoord soos dit in die internasionale reg, onder meer in die 1948-konfense teen volksmoord van die Verenigde Nasies, gebruik word.

Van der Westhuizen het die Rooi Oktober-veldtog as ‘n “politieke projek wat op blanke oorheersing (white supremacism) gemik is”, beskryf. Sy meen dat die reg van swart groepe om oor blankes te regeer, daarmee “gedeligitimeer” word, met die implikasie dat blankes hulself sou wou regeer, wat volgens haar op “blanke oorheersing” neerkom.

Ná afloop van die debat op TV, het dit na Twitter en Facebook oorgespoel, met Steve Hofmeyr wat insgelyks aktief deelgeneem het.

Die belang van ‘n volk se geskiedenis

Paul Kruger is op hierdie dag in 1825 gebore. Vir baie is hy onbetwisbaar die grootste leier wat die Afrikanervolk nog opgelewer het, en dit is belangrik dat geskiedkundige datums soos hierdie nie uit ‘n volk se kultuur-skatkis verdwyn nie, sê dr. Pieter Mulder, leier van die Vryheidsfront Plus.

Dr. Mulder sê die feit dat Kruger se geboorte nie meer deur ‘n amptelike vakansiedag in die herinnering geroep word nie, asook gewysigde skoolleerplanne wat nie die geskiedenis van die Afrikaner belig nie, ontneem jong mense die kennis van hul agtergrond en kultuur.

“Die ANC het die geskiedenisboeke herskryf en daarom rus daar ‘n groot plig en verantwoordelikheid op alle Afrikaners om die kennis oor sy agtergrond, geskiedenis en kultuur van generasie to generasie oor te dra.

“‘n Volk se geskiedenis is die rots en fondament waarop sy toekoms gebou word,” sê dr. Mulder.

Oor Paul Kruger sê dr. Mulder hy het ’n prominente rol gespeel om die ou Transvaalse Republiek van ’n agterlike arm en onderontwikkelde staatjie te ontwikkel tot ’n moderne staat van sy tyd. ’n Staat erken deur die wêreld met ambassadeurs van al die groot moondhede van daardie tyd in Pretoria.

Hy het verskillende groeperinge Afrikaners, wat elk ’n eie republiek wou stig, met geduld bymekaar gebring om dit moontlik te maak. Dit het verder behels om ’n staatsdiens, regstelsel en ekonomie te vestig sonder dat hy ooit enige opleiding hierin gehad het.

Met net ’n basiese skoolonderrig, wat hy tuis ontvang het, het Kruger nie ’n duim teruggestaan vir die meerderwaardige Britse staatsmanne met hulle Oxford- en Cambridge grade met wie hy meer as een keer moes onderhandel nie. Talle staaltjies word vertel oor hoe hy moeilike probleme met eenvoudige “boere-wysheid” opgelos het.

Kruger het ongeag al die negatiewe propaganda oor die verlede, goeie verhoudinge met meeste swart stamme gehandhaaf.

So is die Kruger familie-Bybel deur die familie tydens die Anglo-Boere-oorlog aan die Magato-stam van Rustenburg oorhandig vir veilige bewaring om dit uit die hande van die Britte te hou. Dit sê veel van verhoudinge.

Na sy afsterwe het die Franse aan hom hulde gebring met die boodskap: “Die leier van ’n klein volk, wat staan vir ’n groot idee.”

Pretoria in rooi getooi vir Rooi Oktober

Met ‘n goeie opkoms van ongeveer 500 mense, het die Rooi Oktober-betoging vanoggend in Pretoria en vele ander dorpe en stede in die land, maar ook in die buiteland, die land aan die gons gehad. Ná toesprake by die Pretoriase Kunsmuseum deur Steve Hofmeyr en Sunette Bridges het die optog na die grasperk van die Uniegebou vertrek waar die horde rooi ballonne in ‘n oomblik van poëtiese Afrikanerprotes die blou hemel bokant die hoofstad bestyg het.

Die oomblik toe die rooi ballonne losgelaat is

Terwyl die Naspersgroep hoofsaaklik die gebeurtenis geïgnoreer het, was sowel plaaslike as buitelandse media goed by die betoging verteenwoordig. Onderhoude is toegestaan deur Hofmeyr en Bridges, asook dr. Dan Roodt van PRAAG wat verklaar het dat “Afrikaners van ‘n stem ontneem is deur die huidige stelsel en deur sadistiese moordenaars geteiken word”.

Tydens die straatoptog is volkslliedere gesing, soos 'Sarie Marais', 'Die lied van jong Suid-Afrika', 'Oukraalliedjie', 'Bobbejaan klim die berg' en vele meer. — Tydens die straatoptog is volkslliedere gesing, soos ‘Sarie Marais’, ‘Die lied van jong Suid-Afrika’, ‘Oukraalliedjie’, ‘Bobbejaan klim die berg’ en vele meer.

Die Stem en ander volksliedere is voor en tydens die optog gesing, met Steve Hofmeyr wat kort-kort die noot ingesit het.

Steve Hofmeyr oorhandig die memorandum aan die regeringsverteenwoordiger, omring deur polisie

Op Twitter het die hutsteken #RedOctober ongekende gewildheid bereik en die meeste meningsvormers en rubriekskrywers het landwyd daaroor kommentaar gelewer. RSG het ‘n klankgreep van Steve Hofmeyr uitgesaai, maar dit is gevolg deur kommentaar deur dr. Frans Cronjé van die liberale Instituut vir Rasseaangeleenthede wat beweer het dat “niemand van Rooi Oktober bewus is nie en ‘n mens ook nie aandag daaraan moet gee nie”. Sy woorde is natuurlik heel gister en vandag deur die media, asook Facebook en Twitter weerspreek, maar dit het hom nie van stryk gebring nie. Cronjé het verder ‘n pleidooi vir fatalisme teenoor plaasmoorde en ander vorme van geweldsmisdaad gelewer deur te sê dat “Suid-Afrika deur die ervaring van geweld verenig word, maar dat betogings soos dié deur Rooi Oktober ons verdeel”.

Die kleurlingkommentator Eusebius McKaiser het op Twitter gesê: #RedOctober: A fear of losing unearned privilege. waarop dr. Dan Roodt van praag geantwoord het: “Is one’s life an unearned privilege in South Africa? But the natural born killers take it away every day…”

Nog foto’s, tesame met ‘n video-onderhoud met ‘n geweldslagoffer sal binnekort hier beskikbaar wees, asook beeldmateriaal van die oomblik toe Die Stem deur die optoggangers gesing is.

Lees ook Steve Hofmeyr se toespraak, wat oorspronklik in Afrikaans gelewer is, hier in Engels.

Paul Kruger het grondslag vir goeie rasseverhoudinge gelê

Navorsing dui daarop dat die laaste president van die destydse Transvaalse Republiek, Paul Kruger, die grondslag gelê het vir beter rassebetrekkinge terwyl hy president was.

Dit het in nuwe navorsing oor Kruger aan die lig gekom. Dit is vandag die herdenking van sy verjaardag en die Krugerhuis in Pretoria het nuwe uitstallings aangekondig wat onbekende aspekte van sy lewe uitbeeld.

‘n Professor in Geskiedenis aan die Universiteit van Pretoria, Johan Berg, sê Kruger se siening oor rasseverhoudinge was sy tyd ver vooruit. – RSG

Corrie Pypers se dogter onverwags oorlede

Corrie Pypers, fluitjieblaser en oudkaptein van die Transvaalse rugbyspan, se oudste dogter is Maandag onverwags oorlede nadat drie bloedklonte deur haar long is.

Pypers, die Vryheidsfront Plus se raadslid vir Midvaal, was onlangs in die nuus omdat hy DA-korrupsie in Midvaal ontbloot het.

Volgens Pypers was die destydse burgemeester Timothy Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.

“In teenstelling met die uitbeelding van Nast as iemand wat Midvaal bo-gemiddeld goed bestuur het, het hy talle foute begaan wat daartoe gelei het dat die VF Plus deurlopend druk op hom geplaas het deur wanbestuur in die munisipaliteit bloot te lê,” sê Pypers.

Volgens Pypers was Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

– See more at: http://praag.co.za/?p=15598#sthash.LQQK9vS3.dpuf

Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

– See more at: http://praag.co.za/?p=15598#sthash.LQQK9vS3.dpuf

Pypers was Woensdag diep geraak oor sy dogter Lizaan Potgieter (33) se dood.

Potgieter, ’n skoonheidsterapeut en eienaar van L-spa, het Maandagoggend ’n kliënt se naels versorg toe sy skielik vooroor geval het. Lizaan is onlangs behandel vir trombose in ’n vlak aar in haar been.

Pypers het in trane vertel dat sy op die vloer gelê het met hul aankoms. Nadia, haar sus, het haar bygekry en sy is na ’n hospitaal geneem, maar sy is later oorlede.

Wêreldwye Rooi Oktober-protes Donderdag

Op 10 Oktober 2013 gaan Suid-Afrikaners regoor die land optogte en byeenkomste hou om ons misnoeë met die huidige situasie in Suid-Afrika aan die wêreld bekend te maak en dit duidelik te maak dat ons genoeg gehad het!

Ons sal nie langer stilbly oor die onderdrukking van blanke Suid-Afrikaners nie! Ons sal nie langer die uitmoor van ons mense op plase en in ons dorpe en stede in stilte verduur nie!

Ons kan nie meer in stilte aanskou hoe die bejaardes en kwesbares, die moeders, vaders en kinders van ons etniese minderheidsgroep, verkrag en gemartel word nie

Ons is moeg vir korrupsie, nepotisme, rassistiese Swart Ekonomiese Bevoordeling en “Regstellende Aksie”, wat nie net ons mense uitsluit uit die arbeidsmark nie, maar dit onmoontlik maak vir sake-ondernemings om skenkings te maak aan derduisende verarmde blankes in plakkerskampe, bejaardes, gestremdes en kinders in weeshuise.

Ons kan nie langer die vernietiging van ons infrastruktuur, die walglike toestand van staatshospitale, die patetiese onderwysstelsel, vuil damme en riviere, ontoeganklike parke en openbare gebiede, gevaarlike woongebiede, vuil strate en vervalle padnetwerke verdra nie. Die tekens van verval is oral sigbaar en alles wat ons voorvaders met moeite en opofferings opgebou het, is nou vervalle en vernietigen ons het genoeg gehad daarvan!

Ons is, as ‘n etniese minderheidsgroep en belastingbetalers, ook geregtig op die beskerming van ons regte soos vervat in die Grondwet van Suid-Afrika.

Ons het die reg om in beheer te wees van ons eie skole waar ons kinders opgevoed word volgens die standaarde waaraan ons gewoond is en in ooreenstemming met ons kultuur, taal en geloof.
Ons het die reg om aan te dring dat die huidige regering ‘n veilige omgewing waarborg waarin ons ons kinders kan grootmaak.
Ons het die reg om veilig te voel in ons huise, op ons plase en in ons woonbuurte en dit is die verantwoordelikheid van die regering om hierdie reg bo alles te verseker.
Ons kinders het die reg tot tersiêre onderrig in loopbane van hulle keuse sonder om benadeel te word deur ‘n rassistiese kwotastelsel wat dit vir hulle bykans onmoontlik maak om toegang tot verdere studie te bekom.
Hierdie regering het ‘n grondwetlike plig om ons grense te bewaak en te verseker dat ongewenste indringers nie ons land binnestroom, ons mense aanrand, vermoor en beroof nie.
Die Grondwet van Suid-Afrika waarborg die reg van ‘n Suid-Afrikaanse burger tot ‘n spoedige en regverdige verhoor. Dit waarborg ook beskerming teen marteling tydens aanhouding en aanhouding in onmenslike omstandighede. Die regsreel dat ‘n persoon onskuldig is totdat die teendeel bewys word, word ook deur die grondwet gewaarborg. Hierdie regte word egter telkens geskend
Die Grondwet van Suid-Afrika maak voorsiening vir die reg op selfbeskikking vir enige groep wat dit sou verkies. Verskeie pogings om met die regering hieroor te vergader word bloot geïgnoreer. Dit is die regering se plig om groepe wat selfbeskikking eis te woord te staan.

Hierdie regte is van toepassing op alle minderheidsgroepe in Suid-Afrika en ons eis hierdie regte van die regering. In hierdie eis en protesaksie word ons ook ondersteun deur ander minderheidsgroepe wat ontevrede is met die huidige toedrag van sake en die totale versuim van die huidige regering om ons regte te beskerm en ons te verseker van ‘n regverdige, veilige land waarin ons almal kan leef en vooruitgaan.

Ons geniet steun vir hierdie protesaksie van regoor die wêreld en daar word op 10 Oktober in alle uithoeke van die wêreld rooi ballonne in die lug opgestuur om almal bewus te maak van die onderdrukking en uitmoor van die blanke minderheidsgroep in Suid-Afrika!

Dit moet stop! Ons sal dit nie langer in stilte verduur nie!

‘Mal, onverdraagsame gedrag van Afrikanermans kommerwekkend’

Die rektor van die Universiteit van die Vrystaat, prof Jonathan Jansen, sê hy is bekommerd oor kinders wat uit huise kom waar Afrikaanse mans hulle skuldig maak aan wat hy noem mal en onverdraagsame gedrag.

Jansen het gereageer op die herrie wat losgebars het na mediaberigte oor sy standpunte oor Afrikaanse skole en Afrikaanse onderrig.

Jansen sê mense lees net wat hulle wil. Volgens hom wou hy onder meer die boodskap oordra dat die dae verby is van eksklusief Afrikaanse skole waar kinders nie met ander kulture in aanraking kom nie.

Jansen sê hy gee nie om as mense met hom verskil hieroor nie. – RSG