Suider-Afrika – Bladsy 44

Ergste opstand sedert einde van Apartheid duur voort

Die Verkiesingskommissie het die politieke geweld in dele van die land in die aanloop tot die munisipale verkiesing op 3 Augustus, veroordeel.

Die voorsitter van die kommissie, Glen Mashinini sê die verkiesing kan nie as vry en regverdig verklaar word indien huidige toestande so voortduur nie, maar die ANC weier steeds om die ongewilde burgemeesterskandidaat van KwaZulu Natal vir Tshwane te onttrek.

Mashinini het die media toegespreek by ‘n geleentheid waar politieke partye die verkiesings-gedragskode onderteken het.

Hy het partye gewaarsku dat geweld nie geduld sal word nie, en dat partye wat die gedragskode oortree, nie aan die verkiesing sal kan deelneem nie.

Twee mense is reeds dood in die openbare opstand, die ergste sedert die einde van Apartheid, oor ‘n omstrede burgemeesterskandidaat in Pretoria.

‘n Splinternuwe skool is intussen deur plunderaars gestroop. Behalwe 21 busse is verskeie polisievoertuie aan die brand gesteek. ‘n Joernalis van die SABC is ook aangeval.

Alle partye moet die gedragskode onderteken voordat hulle aan die verkiesing kan deelneem, maar die geweld is hoofsaaklik tussen faksies van die ANC en nie soseer tussen partye nie.

Spanning tussen die Patriotic Alliance en die DA het RSG se verkiesingsdebat in Mitchells Plein effens ontwrig, en sekuriteit moes tussenbeide tree. Die twee groepe het handgemeen geraak.

Maar die opstand in lokasies in en om Pretoria duur voort nadat Thoko Didiza as die ANC se burgemeesterskandidaat vir die Tshwane Metro in die komende verkiesing aangekondig is.

‘n Swart joernalis van die SABC is deur oproeriges in die Boikuthsong-plakkerskamp in Mabopane, noord van Pretoria aangeval en beroof.

Die joernalis, Horisani Sithole was teenwoordig toe ‘n winkel geplunder is, en hy is aangeval.

Daar is intussen steeds ‘n groot polisieteenwoordigheid by die Gomora-plakkerskamp, wes van Pretoria, waar ‘n skare van sowat tweeduisend betogers vroeër saamdrom.

Meer as veertig polisiebeamptes en ‘n polisiehelikopter monitor die situasie.

Bykomende beamptes van die polisie se openbare orde-eenheid, die honde-eenheid en metropolisiebeamptes is vroeër in die gebied ontplooi.

Die polisie het motoriste gewaarsku om die gebied te vermy, nadat motors vroeër met klippe bestook is.

Inwoners van die Malusi-plakkerskamp, wes van Pretoria sê Thoko Didiza sal nie die huidige burgemeester, Kgosientso Ramokgopa se bestaande projekte deurvoer nie.

Hulle het vroeër slaags geraak met die polisie wat hulle as Didiza se handlangers beskou.

‘n Gemeenskapsleiers sê hulle is bekommerd dat die huidige ontwikkeling tot stilstand gaan kom onder die nuwe burgemeester.

‘n Vergadering tussen ANC-leiers en takke binne die Tshwane-metrogebied moes ondertussen uitgestel word.

Alhoewel partyleiers ooreengekom het om brandpunte te besoek en inwoners se klagtes te bespreek, is die situasie steeds te gespanne met verskeie ANC-leiers wat uitgejou is.

Die party wou nie redes vir die uitstel openbaar maak nie, waarskynlik om hulle die verleentheid te spaar.

Die polisie het toegekyk hoe oproeriges winkels plunder in Mamelodi-Wes, oos van Pretoria.

Winkels wat deur buitelanders besit word, is oornag geteiken. Eienaars moes ook hulpeloos toekyk hoe oproeriges hulself aan voorraad help sonder dat die polisie ingryp.

Buitelanders uit ander Afrika-lande, moes soortgelyke aanvalle in April verlede jaar trotseer, toe skares hulle blameer het vir die hoë werkloosheid.

Ontleders het gewaarsku teen verdere onrus in die kommersiële spilpunt van Gauteng, wat Pretoria en Johannesburg insluit.

“Intra-ANC-faksiegeweld met die komende verkiesing word geïgnoreer deur markte wat handel oor eksterne faktore, maar is kommerwekkend,” sê Nomura se ontleder vir ontluikende markte, Peter Attard Montalto in ‘n nota.

Intussen moes die Jubilee-winkelsentrum in Hammanskraal, noord van Pretoria inderhaas ontruim word nadat ‘n wenk ontvang is oor oproeriges wat daarheen op pad is.

Die sentrum vir die studie van geweld en versoening sê die geweld wys hoe gefrustreerd armes is omdat hulle uitgesluit word van die politieke proses.

Die sentrum het die onvermoë van die ANC om toepaslik te reageer op die gemeenskap se klagtes gekritiseer.

Duisternis oor dele van Pretoria nadat oproeriges Eskom verjaag

Eskom het Dinsdagaand gesê dat ‘n hoogspanningstransformator by Mapopane-Oos se elektrisiteit-substasie omstreeks 18:00 onklaar geraak het, wat dele van Pretoria in duisternis gelaat het.

Pretoria gaan tans gebuk onder die grootste enkele vlaag van geweld sedert die ANC aan bewind gekom het.

Die kragvoorsiener het gesê ‘n aantal substasies regoor die Tshwane-gebied word daardeur geraak, insluitend Vuka, Winterveld, Nonyane en Makgatho se substasies, wat ongeveer 25.000 verbruikers van krag voorsien.

Eskomtegnici is na bewering weggejaag deur die oproerige massas toe hulle probeer om te reageer op die probleem by die substasie.

“Ons wil graag dit op rekord plaas dat dit dieselfde substasie is waar ons personeellede deur die gemeenskap weggejaag is vroeër as gevolg van die protesaksie wat vandag [Dinsdag] in Tshwane gebeur,” het Eskom in ‘n verklaring gesê.

“In die belang van hierdie soort uitdaging, is sekuriteit sedertdien saamgestuur om ons veldspan in hul ondersoek te begelei.”

Tshwane-inwoners in Atteridgeville, Soshanguve, Hammanskraal en Mamelodi, het Dinsdagoggend op ‘n brandstigting- en plundertog uitgevaar, waar voertuie en winkels geplunder en gebrand is uit protes teen die burgemeesterskandidaat van KwaZulu Natal.

Die besluit van die ANC om die voormalige minister Thoko Didiza te ontplooi as Tshwane se burgemeesterskandidaat voor die komende plaaslike regeringsverkiesings in plaas van die gevestigde Kgosientso Ramokgopa het tot etniese spanning gelei.

Die SABC het berig dat plundery Dinsdagaand in Mabopane toegeneem het namate meer en meer winkels gevandaliseer is.

“Mabopane se inwoners het begin om buitelanders se winkels en ander winkels te plunder insluitend PEP en Barnetts,” het joernaliste getwiet.

‘n Lid van die ANC se Nasionale Uitvoerende Komitee, Nomvula Mokonyane sê die voortgesette gewelddadige betogings in die Tshwane Metropool vererger die verdeeldheid binne die regerende party op streekvlak.

Geweld het in sommige gebiede in en om Pretoria uitgebreek omdat die betogers eis dat die huidige burgemeester, Kgosientso Ramogkopa (foto hierbo), behou word.

Die ANC vergader tans met al sy takke in die streek om Didiza aan hulle op te dring. Mokonyane het die keuse van Didiza probeer regverdig.

Die ministers in die Veiligheidsgroepering sê hulle weet wie betrokke is by die gewelddadige betogings in die Tshwane metropool.

Volgens bronne het 12 ANC-lede by Court Classique Hotel ontmoet om die geweld te beplan as “Sputla”, die huidige burgemeester, nie aangewys word nie.

Hulle sê ondersoek word ingestel na spesifieke individue, ná sowat 20 busse aan die brand gesteek is.

Die ministers het die geweld bestempel as ongekend, maar het besluit om nog nie die weermag te ontplooi nie.

Die minister van Verdediging, Nosiviwe Mapisa-Nqakula sê hulle sal die situasie daagliks monitor voor ‘n besluit geneem word. Die weermag is nogtans op ‘n gereedheidsgrondslag geplaas om in te gryp.

Die Minister van Staatsveiligheid, David Mahlobo, het vroeër ‘n beroep op politieke partye en individue gedoen om hulle daarvan te weerhou om paniek te saai op sosiale media oor die situasie in die metropool.

Mahlobo sê sommige mense gebruik die sosiale media om die situasie uit te buit. Die minister sê hulle is ook bewus van sekere politieke partye wat paniek probeer veroorsaak.

Hy sê slegs die regering sal inligting oordra oor enige bedreigings wat kan voorkom. Die SABC berig egter nie uitvoerend oor die openbare geweld nie.

Honderde pendelaars noord van Pretoria is gestrand weens busdienste in die gebied wat opgeskort is.

Inwoners van Hammanskraal sê hulle kan nie by die werk kom nie, aangesien hulle nie taxi’s kan bekostig nie.

Die situasie in Pretoria-Wes is steeds gespanne en ‘n polisievoertuig is vroeër met klippe bestook.

Motoriste is gewaarsku om Van der Hoff-weg in die gebied te vermy. Die meeste skole is steeds gesluit.

In Atteridgeville is die situasie gespanne en min busse en taxis is in bedryf. Die polisie het die situasie deur die nag gemonitor in Mamelodi en is steeds op die toneel.

Pendelaars moet van alternatiewe vervoer gebruik maak aangesien die busdiens opgeskort is.

In Mabopane is skole gesluit.

Die Tshwane metroraad het inwoners intussen gemaan om waaksaam te wees nadat geweld volgens berigte laasnag voortgeduur het.

Polisie ontken skerppuntaksie teen oproeriges

‘n Groep oproeriges het van lewendige ammunisie gebruik gemaak terwyl hulle probeer het om in te breek in ‘n winkelsentrum in Mamelodi Dinsdag, het die polisie gesê.

Iemand het die slot van die geslote ingang na die sentrum afgeskiet, het ‘n polisiewoordvoerder gesê.

“Ons het dadelik gereageer en die skare uitmekaar gejaag,” het die beampte gesê.

Die polisie het gereageer op gerugte dat hulle skerppuntaksie teen inwoners gebruik.

“Ons hoor dat daar verslae is wat beweer dat ons regte ammunisie gebruik. Dit is nie waar nie.”

Buitelanders se winkels is geplunder in Atteridgeville en ‘n twintigtal Autopax busse is aan die brand gesteek tydens die oproer wat Maandag uitgebreek het.

Die onrus volg na die ANC se besluit om Thoko Didiza as Tshwane burgemeesterskandidaat die party te benoem in die plaaslike regeringsverkiesings wat op 3 Augustus plaasvind.

Ten minste 21 Zimbabwiërs wat onderweg was na Johannesburg het net-net aan die dood ontkom nadat hulle aangeval en beroof vis deur gewelddadige onrusmakers 40km buite Pretoria op die N1.

Oproeriges het ‘n Eagle Liner bus gekaap vol Zimbabwiërs en die ongelukkige passasiers van hul waardevolle items gestroop en die bus in ligte laaie gelaat.

Een van die passasiers is beseer toe hy getref is deur ‘n klip.

Die bus wou omdraai, maar die oproeriges het die pad afgesper.

Adjunkpresident Cyril Ramaphosa het gewaarsku teen stamgebondenheid wat die aanvalle in die Tshwane-metrogebied oorheers.

Die bus was op pad van Bulawayo na Johannesburg in Gauteng.

Topdiplomaat in Namibië aangeval, sakeman vermoor

‘n Topdiplomaat is Woensdagaand in Swakopmund, Namibië aangeval en vir dood agtergelaat. In ‘n ander voorval is ‘n bekende sakeman doodgeskiet.

Merete Dyrud sou waarskynlik nie die aanval oorleef het as ‘n vryskutjoernalis, Linette Smit Russell, haar nie oor die beseerde vrou se welstand bekommer het nie.

Dyrud is tweede in bevel in die Norweegse ambassade, en is tans werksaam in Kaïro, Egipte. Sy was met vakansie in Namibië.

Volgens omstanders is ‘n Franse vrou die vorige week op dieselfde plek en op dieselfde manier aangeval.

‘n Bus vol toeriste het ook stilgehou waar die beseerde diplomaat gelê het, omring deur nuuskieriges.

Dyrud (52) is verlede Woensdagaand naby die Tug-restaurant aangeval toe sy en ‘n vriend na ‘n ander restaurant, Tiger Reef, gestap het.

Volgens die polisie is sy deur ‘n onbekende persoon met ‘n onbekende voorwerp oor die kop geslaan. Haar beursie met N$3 000 en buitelandse geld is gesteel.

Dyrud kon eers in die hospitaal se intensiewesorgeenheid weer tot verhaal kom en het uitgesien daarna om weg te kom uit Namibië.

Blykbaar is die vrou ‘n swaar voorwerp oor die kop geslaan en beroof. Toe Smit Russell op haar afgekom het, kon sy niks onthou nie en het nie geweet waar sy is nie.

Daar was ‘n yslike besering aan die agterkant van haar skedel en bloed het langs haar slape afgeloop, het Smit Russell gesê. Sy was heeltemal verward en erg verswak en het nie verstaan wat aangaan of waar Namibië is nie.

Sy kon slegs haar naam onthou en dat sy van Noorweë kom. Sy het haar naam herhaaldelik gespel.

Die paramedici wou haar egter nie na die hospitaal neem sonder bewys van identiteit en betaling nie. Sy is deur die joernalis op Facebook opgespoor. Dit is nie bekend wat van haar metgesel vir die aand geword het nie.

Haar regering het onmiddellik ingestaan om vir haar mediese onkostes te betaal nadat hulle van die aanval te hore gekom het, en haar hotel het haar dokumente aan die joernalis besorg.

Intussen is drie swart mans wat in verband met die onlangse moord op ‘n wit sakeman van Walvisbaai in hegtenis geneem is, se sake in die landdroshof bymekaar gevoeg.

Walvisbaaiers het handtekeninge op ‘n versoekskrif ingesamel om druk op die howe uit te oefen sodat borgtog nie toegestaan word aan die vermeende moordenaars nie.

Die twee mans is onder swaar polisiebewaking na die stampvol hofsaal begelei waar hulle voor landdros Liwayo Sindano verskyn het.

David Shekudja en David Tashiya staan op klagte van moord, huisbraak met die doel om te roof, gewapende roof en poging tot moord tereg.

Nadat dié klagte deur die landdros aan hulle in die hof voorgelees is, het Shekudja gesê hy sal om regshulp aansoek doen terwyl Tashiya gesê het hy sal homself tydens die verhoor verteenwoordig.

Hoewel borgtog nie aan die twee mans toegestaan is nie, het Sindano hulle nogtans ingelig dat ‘n formele aansoek om borgtog by die hof ingedien mag word.

Sindano het die twee beskuldigdes se saak met dié van nog ‘n beskuldigde, Panduleni Gotlieb, bymekaargevoeg.

Gotlieb het sy eerste verskyning op klagte van moord, huisbraak met die doel om te roof en poging tot moord in die landdroshof gemaak.

Die klagte teen die beskuldigdes hou verband met ‘n aanval op 17 Junie wat op Walvisbaai plaasgevind het.

Tydens die voorval het die drie beskuldigdes en nog drie vermeende rowers glo by die oorledene, Hans-Jörg Möller, se huis ingebreek. Möller is in die maag geskiet en sy vrou, Carol-Ann, ernstig aangerand.

Hans-Jörg Möller is ‘n dag ná die voorval in ‘n hospitaal op Swakopmund oorlede.

Gotlieb is Vrydagaand in ‘n minibus-taxi op pad na die Noorde tussen Ondangwa en Omuthiya vasgetrek.

Shekudja en Tashiya is in Windhoek deur die polisie in hegtenis geneem en het Maandagmiddag in ’n uitkenningsparade op Walvisbaai verskyn.

Carol-Ann was ook by die hofverskyning. Haar oë is nog blou van die beserings wat sy tydens die aanranding op haar opgedoen het.

Die drie beskuldigdes se saak is tot 2 Augustus uitgestel sodat die polisie se ondersoek voltooi kan word.

Dieretuin moet ingryp om baba-seekoei van ouers te red

Ná ‘n onderdonsie tussen mamma- en pappa-seekoei by die Bloemfonteinse Dieretuin, moes die personeel noodgedwonge ingryp en baba-seekoei self met die hand groot te maak.

Darryl Barnes, bestuurder van die dieretuin, sê die klein Tsebo, wat op 29 Mei gebore is, ontvang tans intensiewe behandeling nadat sy beserings tydens die geveg tussen haar ouers opgedoen het.

Barnes sê dit gaan egter nog lank vat voor die klein seekoeitjie buite gevaar is.

“Ons het hom weggevat by sy ouers en die veearts ontbied. Ons het sy wonde behandel en so aan. Die personeel bring baie tyd saam met hom deur. Hy moet eers gewoond raak aan die mense, dit is immers ‘n wilde dier. Hy begin stadig maar seker meer en meer drink. Hy raak al hoe sterker, en soos wat hy groter word, sal ons sy dieet dan aanpas. Dit is egter ‘n baie lang proses wat ons onsself voor ingelaat het.”

Bron: OFM

Weermag nie in Pretoria ontplooi nie

Die minister van verdediging, Nosiviwe Mapisa-Nqakula, sê die regering sal nie die weermag in Pretoria ontplooi teen oproermakers nie.

Sy het die oproeriges anargiste en boewe genoem wat die hoofstad van Suid-Afrika, Pretoria verwoes.

Die Gautreinverkeer is op ‘n hoë gereedheidsgrondslag geplaas om die veiligheid van pendelaars te verseker.

Eiendomme in onder meer Atteridgeville, Mamelodi en Hammanskraal is geplunder en gevandaliseer.

Inwoners steel 'n vrieskas uit 'n winkel — Inwoners steel ‘n vrieskas uit ‘n winkel

‘n Sportskoenwinkel is een van talle wat geplunder is.

Mapisa-Nqakula het gesê diegene wat vir die geweld verantwoordelik was, sal met die volle mag van die gereg te doen kry.

Die uitgebreide onrus volg nadat die ANC ‘n voormalige minister, Thoko Didiza as die party se burgemeesterskandidaat vir die plaaslike verkiesings op 3 Augustus aangewys het.

'n Metropolisiekar lê op sy dak in die middestad — ‘n Metropolisiekar lê op sy dak in die middestad

Swart inwoners van Hammanskraal kon nie Didiza se naam onthou nie, maar hulle het gesê hulle “hou nie van daardie een van Durban nie”.

Mapisa-Nqakula het die media toegespreek na ‘n vergadering van die veiligheidsgroepering oor die gewelddadige oproer in die Tshwane metrogebied.

Sy sê die beskadiging van meer as 20 busse wat aan die brand gesteek is, benadeel inwoners regstreeks.

Die huidige burgemeester Kgosi Ramokgopa, is in Atteridgeville buite Pretoria om die spanning in die gebied te probeer ontlont en het by opstokers gepleit vir kalmte.

Ramakgopa is deur die skare verwelkom, maar die Gautengse sekretaris van die ANC, Paul Mashatile is uitgejou.

Die skare het aangedui dat hulle nie vir die ANC sal gaan stem as Ramakgopa nie die kandidaat is nie.

Staatsdiensamptenare sowel as diegene wat vir die Tswhane metro werk, is huis toe gestuur sodat hulle vroeër kan vertrek met die meeste paaie na woongebiede wat versper word.

Adjunkpresident Cyril Ramaphosa het die veiligheidsmagte in die Tshwane Metroraad en op ander plekke gevra om daadwerklik op te tree teen die gewelddadige oproer.

Ramaphosa sê die polisie doen alles in hulle vermoë om die situasie onder beheer te hou.

In aanloop tot die komende plaaslike verkiesing, sal dit kennelik vir die ANC ‘n kopseer word as hulle die weermag teen ontevrede faksies moet instuur.

Joernaliste wat vanmiddag in Mamelodi wou gaan verslag doen oor die onrus, is deur die polisie gewaarsku dat hulle op eie risiko in die woongebied sal moet ingaan.

Hulle het omgedraai omdat inwoners hulle gewaarsku het dat dit te gevaarlik is tans. Benewens busse is verskeie voertuie aangeval en gebrand.

Die SABC weier steeds om nuus van die onrus te beeldsaai of daaroor te twiet.

EU-ambassadeur oefen sy papegaaitaal op Suid-Afrika

Die pro-EU Britse Moslem, baronnes Warsi, se klagtes oor “xenofobie en rassisme” in Brittanje het skaars opgeklink of die ambassadeur van die Europese Unie (EU) in Suid-Afrika, Marcus Cornaro, sê Europa gaan gebuk onder ‘n “kommerwekkende styging van rassisme en xenofobie”.

Cornaro het sy eenwêreldpapegaaitaal by die Kaapse Skiereiland Universiteit van Tegnologie se Bellville-kampus Maandag geoefen onder die tema: “Globale Uitdagings en vennootskappe”.

Dit maak deel uit van ‘n openbare lesingreeks aangebied deur die Universiteit.

Maandag was glo Wêreldvlugtelingdag en Cornaro sê Suid-Afrika het baie om die EU te leer oor vreedsame naasbestaan en versoening.

Intussen gaan die land gebuk onder voortgesette xenofobiese aanvalle teen buitelanders, meer as dubbel soveel opstande, oproer en geweld as voor 1994, verkiesingsgeweld lê Pretoria lam en meer skole is afgebrand in Limpopo binne ‘n week as ooit gedurende Apartheid.

Die agbare ambassadeur het niks hiervan opgemerk in sy blinde en dowe toespraak nie. Hy het op die bruin massas wat die EU instroom, gekonsentreer, iets waarvan Suid-Afrikaners dadels verstaan.

In Suid-Afrika word vreemdelinge verbrand en op straat doodgesteek. In Europa word migrante verwelkom terwyl hulle wittes aanrand, besteel en verkrag.

“Ek dink een van die belangrikste maniere vir vreedsame naasbestaan is om ‘n onderskeid tussen die vlugtelinge te maak wat beskerming verdien.

“En ek dink Europa soveel as die Suid-Afrikaners is steeds stewig verbind tot die internasionale verpligtinge teenoor enige vlugteling om hul volle beskerming te gee. Die probleem is hoe om migrasie te bestuur en dit is ‘n jammerte dat dit te dikwels gesien word. Ek wil pleit dat ons die bespreking nie verwar met ons migrasiebestuur oor die langer termyn nie, en Suid-Afrika is ‘n interessante vennoot waarmee dit bespreek kan word.”

Cornaro het gesê die verhouding tussen Suid-Afrika en die Europese Unie sal nie beïnvloed word deur die uitslag van Donderdag se referendum oor of Brittanje lidmaatskap van die EU gaan behou of nie.

Cornaro het probeer om sulke vrese te besweer.

Geweld in Pretoria versprei verder

Ten minste 21 busse is tot as verbrand in verkiesingsgeweld in Pretoria.

Berigte is ontvang dat sake-ondernemings in Atteridgeville, wes van Pretoria, geplunder word.

Groot skares het reeds versamel waar ‘n helikopter die gebied monitor.

Vroeër is ‘n patrollievoertuig van die Metropolisie in die middestad omgekeer, ook vermoedelik deur ontevrede ANC-lede, hoewel die polisie dit nog nie kon bevestig nie.

Polisie sukkel om die geweld in swart gebiede rondom Pretoria te onderdruk. Oproer het nou versprei na Atteridgeville, Garankuwa en Hammanskraal Dinsdag waar inwoners paaie afgesper het en motoriste onder klippe steek.

Strate wat in en uit Atteridgeville loop, is met doringdraad afgesper.

Pendelaars en skoolkinders kon nie die gebied verlaat nie. Slegs ‘n paar taxi’s is buite die gebied bedrywig.

Daar was ook verslae van voertuie wat met klippe bestook is in verskeie dele.

Vanoggend is twee vragmotors en ‘n bus in Hammanskraal, noord van Pretoria aan die brand gesteek.

Die polisie het motoriste gevra om van alternatiewe roetes gebruik te maak omdat die R101 tussen Hammanskraal en Pretoria asook die N1-Suid deur Hammanskraal, afgesper is.

Inwoners is ontevrede oor die keuse van die ANC-LP en voormalige minister van openbare werke, Thoko Didiza as burgmeesterkandidaat vir die Tshwane-metrogebied.

‘n Aantal busse is Maandagnag in Mamelodi oos van Pretoria aan die brand gesteek, vermoedelik deur inwoners wat gekant is teen die nuutaangekondigde burgemeesterskandidaat.

Verkeer is kwaai ontwrig op die langste straat wat die oostelike en westelike dele van die lokasie met mekaar verbind.

Die onrus volg nadat ‘n ANC-lid oor die naweek by die Tshwane Uitstalsentrum tydens die keuringsproses vir die burgemeesterskandidaat doodgeskiet is.

Intussen is wetstoepassers oor ‘n groot gebied in en om Pretoria ontplooi om orde te handhaaf.

‘n Bus is ook naby die Kalafong Hospitaal in Atteridgeville, wes van die stad aan die brand gesteek.

Verkeersontwrigting is digby die Daspoort-tonnel aangemeld. Die beplande stygings in bustariewe die einde van dié maand is blykbaar ook ván die redes vir die onrus.

Die regering het die onrus en geweld skerp veroordeel en ‘n beroep om kalmte gedoen.

Die waarnemende hoof van die regering se kommunikasie-en-inligtingstelsel, Donald Liphoko sê geen kwessie kan nié opgelos word deur middel van demokratiese prosesse en gesprekvoering nie.

Hy sê lede van die publiek moet hulle ontevredenheid deur die regte kanale opper.

Liphoko het die skuldiges gewaarsku dat hulle met die volle mag van die reg te doen sal kry.

Die burgemeester van die Tshwane metroraad, Kgosientsho Ramokgopa het ‘n beroep op inwoners van die metro se townships gedoen om hulle van geweld en vandalisme te weerhou.

Die ANC se Nasionale Uitvoerende Komitee tesame met Gauteng se provinsiale leierskap, sal na verwagting môre met die Tshwane ANC-takke vergader.

Die polisie in Delmas in Mpumalanga ondersoek ‘n saak van poging tot moord nadat ‘n twaalfjarige seun gewond is tydens ‘n betoging oor die ANC se kandidaatlys vir die komende verkiesing.

Volgens die seun se familie het sy pa hom winkel toe gestuur toe die skietery plaasgevind het.

Oproeriges het opgeruk na die huis van ‘n ANC-kandidaat, wat hulle daarvan beskuldig dat hy bo hulle keuse van kandidaat benoem is.

‘n Polisiewoordvoerder sê ‘n verdagte is nog nie geïdentifiseer nie.

Kaapse studente brand hul kollege voor eksamen

Die bestuur van die Kaapstad Kollege in Crawford is besig om die skade na Maandag se gewelddadige protesoptrede deur primêre gesondheidsorgstudente te beraam, het RSG berig.

Hulle het motorbande gebrand en van die geboue aan die brand gesteek.

Hulle beweer dat die kursus wat hulle studeer, nie geakkrediteer is nie en ook nie deur Suid-Afrikaanse Raad van Verpleegsters erken word nie.

Die studente weier ook om aan die eksamen deel te neem.

‘n Lid van die Studenteraad, Khayelethu Kama sê hul klagtes het op dowe ore geval. ‘n Woordvoerder van die instelling, Louis van Niekerk sê hulle voer gesprekke met die studenteliggaam.

Politieke geweld verhewig na Sanco-leier se moord

Politieke binnegevegte is vermoedelik die oorsaak vir die moord op ‘n leier van die burgerregte-organisasie, Sanco in Madibeng naby Brits in Noordwes.

‘n ANC-sameroeper in die streek, Lawrence Maluleka sê Thabo Moroa is deur vier aanvallers by sy huis in Maboloka doodgeskiet, het RSG berig.

‘n Familiewoordvoerder, Aaron Moroa sê Thabo Moroa is in die hart en bene getref. ‘n Vriend is in die rug geskiet.

Niemand is nog in hegtenis geneem nie.

Maluleka sê ANC-lede in die gebied leef in vrees. Vergaderings word glo met vuurwapens en panga’s bygewoon.

Maluleka sê hulle het die ANC-leierskap gevra om ‘n verklaring uit te reik, maar dat dit nog nie gebeur het nie.

Die ANC-woordvoerder, Zizi Kodwa sê intussen die voormalige minister van Openbare Werke, Thoko Didiza is nie as die burgemeesterkandidaat vir die Tshwane Metropool aangewys nie.

Berigte op sosiale media het glo van die media mislei.

Volgens vroeëre berigte gaan die huidige burgemeester, Kgosiento Ramokgopa ‘n adjunkministerspos kry.

Geweld het uitgebreek waar duisende ANC-ondersteuners by die Pretoriase Skougrond op die ANC se aankondiging gewag het.

Kodwa sê die gebeure in Pretoria, waaronder ‘n skietvoorval, word deur die polisie ondersoek en dat hulle nie in dié stadium kan bespiegel nie.

Die polisie het orde herstel ná geweld tussen strydende faksies binne die ANC in Pretoria, terwyl besprekings aan die gang was om die burgemeesterskandidaat vir die Tshwane Metro aan te wys.

‘n Man is gewond toe vier skote afgevuur is.

Sowat 3000 ANC-lede het gewag vir die nasionale en provinsiale leierskap om die aankondiging oor die burgemeesterskandidaat te doen.

Dit wil voorkom of die skietvoorval direk met die politieke saamtrek verband hou, wat dui op uitgebreide verkiesingsgeweld.

Ontevrede ANC-lede is besig om die paaie by Ginsberg in King Williamstown in die Oos-Kaap te versper.

Die oproeriges het Sondag na die ANC-provinsiale hoofwartier opgeruk en beweer dat daar bedrog met die benoeming van Bongani Dyonase as kandidaat vir wyk 39 was.

Niemand kon egter na hulle klagte luister nie en daar is met oproer begin.

Onrus kom ook voor op die R409 tussen Butterworth en Ngqamakwe waar mense betoog.

Twee mense is dood en nog twee beseer nadat onbekende gewapende mans ‘n huis op Ngangelizwe in Mthatha in die Oos-Kaap aangeval het.

Volgens die oorlewendes het drie mans die huis bestorm en op die inwoners geskiet.

‘n Broer en suster is in die voorval dood, terwyl die ma en nog ‘n kind gewond is. Die oorlewendes is in die hospitaal opgeneem en die polisie ondersoek die voorval.

Annatjie Myburgh se lyk gevind

Die soektog na Annatjie Myburgh, die Laeveldse vrou wat ‘n week gelede verdwyn het, het vanoggend vroeg geëindig toe haar lyk gevind is. Volgens ‘n inskrywing op die Facebook-groep Bid vir Annatjie Myburgh deur kaptein Pieter Smit, “is Annatjie se liggaam ontdek”. Sy volledige boodskap lui:

“Môre almal. Dis met leedwese en hartseer dat ek u moet inlig dat Annatjie se liggaam ontdek is. Die familie is reeds vroeër in kennis gestel. Inligting aangaande twee verdagtes is ontvang en deur die SAPD in samewerking met veiligheidsrolspelers opgevolg. Die eerste verdagte is reeds in hegtenis geneem. Pogings om die tweede verdagte in hegtenis te neem het nie geslaag nie, maar die ondersoekspan sal nie rus alvorens hy aangekeer is nie. Van my en al die lede ons opregte jammerte aan die familie. Dankie vir u hulp en ondersteuning. Kaptein Pieter Smit.”

Boodskappe van meegevoel het onmiddellik vanaf die byna 10 ooo lede van die Bid vir Annatjie Myburgh-groep op Facebook begin instroom. Vele gebruikers bid vir Annatjie se gesin, maar ander “sien ook rooi deur die trane” en wil by die hof gaan betoog as die beweerde moordenaar vir die saak voorkom.

Hector Pitso: The World wou in 1976 ‘n burgeroorlog ontketen

Die swart fotograaf van The World, Sam Nzima wat die foto van ‘n sterwende Hector Pitso, ook bekend as Pieterson, geneem het op 16 Junie 1976, het op dieselfde dag foto’s geneem van hoe die swart skare ‘n polisieman doodmartel maar die Angelsaksiese media het nie daarin belanggestel nie.

In die nuuskantoor van The World het die redaksie saamgespan om ‘n verhaal van wit polisiegeweld te fabriseer sodat hulle ‘n burgeroorlog kan ontketen.

Nzima was deel van die groep wat hoofsaaklik uit skoolkinders bestaan het wat onder meer by Orlando Wes Hoërskool ingebreek het sodat die swart kinders uitgelaat kon word om te gaan betoog.

Die polisie wat die orde in Soweto moes handhaaf, is uiteindelik verwilder nadat die swart skare hulle nie net onder klippe gesteek het nie, maar op hulle losggebrand het.

Net een polisieman in sy voertuig het gebly van sewe gepantserde polisievoertuie wat die swart fotograaf opgemerk het.

Die kinders het al die vensters van die oorblywende voertuig gebreek en die man uitgesleep. Hulle het hom keelaf gesny “asof hy ‘n bok was”, volgens Nzima, en hom aan die brand gesteek.

Nzima het die brutale moord op die polisiebeampte met sy Pentax afgeneem, maar het die film in sy kous versteek sodat die polisie nie die getuienis van die moord in die hande kon kry nie.

Die koerant het dadelik besluit om dié van ‘n sterwende Hector te gebruik ipv die brutale moord.

In die redaksiekantoor van The World het hulle gehoop die foto sal ‘n burgeroorlog laat uitbreek.

The World het ‘n spesiale uitgawe oor die optog laat druk. Die volgende dag, 17 Junie, was daardie foto van Hector Pitso met sy nuwe “wit” van in al die Britse koerante, die 18de in al die Amerikaanse koerante.

Die redaksie het ook summier van Nzima ontslae geraak, waarskynlik sodat die grumoord op die polisiebeampte nie rugbaar moet raak nie.

Pitso is deur ‘n dwaalkoeël van ‘n gewapende swart oproerige getref, maar dit is toegesmeer in wat kennelik ‘n kwaadwillige en voorafbeplande Britse propagandaveldtog was.

Hector Pitso se naam is met opset deur die Angelsaksiese media verander na “Pieterson” omdat ‘n swart naam nie soveel simpatie vir die “ANC se opstand teen Afrikaans” sou wek in die VSA en Brittanje nie.

In die Hooggeregshof in Bethal, het Regter Curlewis in 1979 egter bevind dat die PAC ‘n leidende rol in die Soweto-opstand gespeel het en nie die ANC nie.

Verskeie getuies het getuig hoe die PAC onder leiding van Zephania Mothopeng die Soweto-opstand beplan het.

Adam, een van die getuies het getuig voor die hof dat in een van die ondergrondse vergaderings van die PAC, wat hulself as die Jong Afrika Godsdiensbeweging voorgedoen het, PAC-leiers vanuit Soweto aan hulle voorgestel is.

Zephania Mothopeng het skoolkinders opgesteek. Hulle moes gelyktydig oor die hele land begin wegbly van die skool, en die Apartheidsregering se eiendom vernietig ten einde die ekonomie van die land in duie te laat stort.

Die polisie wat eers in Soweto moes retireer, is later herontplooi met berede eenhede en helikopters. Hulle het aangehou om traangas te gooi om die skare uitmekaar te dryf.

Anargie het later uitgebreek nadat die skoolkinders drankwinkels geplunder het, en dit aan die brand gesteek het.

Swart TV-persoonlikheid se seun voor vir haar moord

Moordbeskuldigde, Mark Warona Zinde, sal na verwagting vandag in die Brits-streekhof in verband met die moord op sy ma, TV-persoonlikheid Hope Zinde verskyn.

Zinde is in hegtenis geneem in verband met die moord op sy ma in Pecanwood, Hartebeespoort.

‘n Groot hoeveelheid dwelms en ‘n 10kg gewig vol bloed is in hul huis gevind op die gholflandgoed.

Die voormalige SABC-raadslid Zinde se lyk agterin haar motor in die motorhuis opgespoor.

Zinde (50) het vroeër jare bekendheid verwerf as SABC-nuusleser. Sy het later ook ‘n bestuurspos by Prasa beklee.

Zinde se lyk het waarskynlik dae lank agterin haar Range Rover gelê.

‘n Vriend van die gesin het uiteindelik gaan ondersoek instel, en die jong swarte opgemerk wat glo deur die gordyne geloer het.

Hy het eers geweier om die die deur oop te maak, maar moes later die polisie inlaat wat die bloedspoor na die garage opgemerk het en die toe die lyk ontdek het.

EFF-skaapsteler in Vrystaat gevang

‘n EFF-kandidaat vir die Bloemfonteinse stadsraad is gevang dat hy skape steel. Jacobus Nchefu, wat blykbaar ook as “pastoor” bekend is, asook vier medepligtiges, is deur die polisie aangekeer weens die besit van velle en koppe van gesteelde skape, volgens ‘n polisiewoordvoerder, Wendy Nkabi.

Daar word vermoed dat die verdagtes die gesteelde skape in sy kerk in die Bohlokong-lokasie aangehou het. Dié lokasie is in Petrusburg geleë.

Nkabi sê: “Die polisiebeamptes het die voertuig voorgekeer en deursoek. Tydens die ondersoek het hulle vier skaapvelle in die bak van die verdagte se voertuig gevind. Daar word beweer dat die vier skape geslag is en in ‘n kerk in die Bohlokong-lokasie gehou is.”

Volgens haar is nog 34 skape in ‘n oop veld in Bohlokong gevind.

Die vyf swart mans het reeds in die hof verskyn, maar die saak is tot 17 Junie vir ‘n borgtogaansoek uitgestel.

Officers also found 34 sheep at an open field in Bohlokong, she said.

The five have since appeared in court, where their case was postponed to June 17 for a formal bail application.

Die provinsiale voorsitter van die EFF in die Vrystaat, Kgotso Morapela, sê hulle sal wag om te hoor wat die hof besluit alvorens hulle stappe teen Nchefu neem.

“Ons gaan nie huiwer om sterk op te tree teen enige individu wat hom aan die verkeerde kant van die gereg bevind nie,” sê Morapela.