Suider-Afrika Archives - Page 685 of 888

Polisie noem brandstigting ‘vreedsaam’

‘n Munisipale beampte se huis is tydens ‘n protesoptog oor dienslewering deur ontstoke inwoners met ‘n petrolbom afgebrand.

Kaptein Leonard Hlathi, ‘n polisiewoordvoerder, het Maandag gesê die speaker se huis in die Sakhile-lokasie in Standerton is Sondagmiddag erg beskadig.

“Die protesoptog het omstreeks 12:00 begin en inwoners het die paaie met klippe, brandende bande en vullis versper. Niemand is in hegtenis geneem nie. Die inwoners is met die polisie se aankoms op die toneel vreedsaam uiteen.”

Saterdag is die munisipale kantore in die lokasie tydens ‘n protesoptog aan die brand gesteek.

Die skade aan dié kantoor beloop sowat R60 000. ‘n Saak van brandstigting word ondersoek.

Hlathi het gesê die inwoners van die Sakhile-lokasie het Vrydag met ‘n betoging begin, en het water en elektrisiteit geëis.

“Beamptes van die provinsiale regering het die inwoners toegespreek en hulle is vreedsaam uiteen.”

гидро пескоструй

Switserse Nestlé koop melk van Grace Mugabe

Die groot Switserse maatskappy Nestlé koop tot ‘n miljoen liter melk per jaar van voorheen blanke plase wat nou aan Grace Mugabe, die Zim-diktator se vrou, behoort. Mevrou Mugabe het in 2002 ses van die land se mees waardevolle plase van hul blanke eienaars gekonfiskeer, waaronder melkplase.

Switserland was vroeër vanjaar in die nuus toe die dorp St. Gallen Paul Kruger se naam van straatnaamborde verwyder het omdat hy glo ‘n “rassis” was. Maar een van die grootste Switserse maatskappye doen lustig sake met Grace Mugabe, omdat Switserland nie die sanksies van die Europese Unie en die VSA teen Mugabe, sy vrou en ander lede van ZANU-PF ondersteun nie.

Volgens ‘n berig in die Londense koerant, die Sunday Telegraph, meen Nestlé dat hy “geen wet oortree” deur melk van mev. Grace Mugabe se geroofde plase te bestel nie. Die koerant het verdere inligting gepubliseer dat Robert Mugabe self ‘n “landbou-empaaier” opgebou het en ten minste vyf plase van blanke boere oorgeneem het nadat die regmatige eienaars met geweld van hul grond afgesit is.

Volgens die Britse koerant, besit Grace Mugabe ongeveer 5 000 hektaar van die beste landbougrond, maar die belangrikste hiervan is die Gushungo-melkplaas, wat voorheen as Foyle-plaas bekend gestaan het. Dit is in Mazowe geleë, omtrent 10 kilometer noord van Harare.

Die plaas word deur Russell Goreraza, haar seun uit ‘n eerste huwelik, bestuur. Sy grootste kliënt, volgens personeel en ander betrokkenes, is die plaaslike filiaal van die Switserse voedselmaatskappy. Die enigste ander kliënte is diegene wat persoonlik by die plaas opdaag om melk te koop.

Toe die Sunday Telegraph die plaas besoek het, het die melk R8 per liter gekos.

‘n Woordvoerder by Nestlé se globale hoofkwartier in Switserland het aan die koerant gesê dat die maatskappy in 2009 begin het om melk op die ope mark van verskeie verskaffers op ‘n streng nie-kontraktuele grondslag aan te koop.

“In sekere gevalle, is die melk wat op die mark beskikbaar is, afkomstig van Gushungo-melkplaas,” het die woordvoerder gesê.

“Gedurende die onlangse krisis, het Nestlé dit nie oorweeg om sy bedrywighede in die land te staak nie. Deur basiese voedselprodukte aan die Zimbabwiese verbruiker te verskaf, beoog Nestlé om in die behoeftes van die plaaslike bevolking te voorsien, waarvan ‘n groot deel kwesbaar en benadeel is.”

Die koerant het ook berig dat die lone en werksomstandighede van die werkers by die melkplaas swak is.

‘n 25-jarige werkster met ‘n kind om te versorg het gesê sy kon nie bekostig om die melk teen R8 per liter te koop nie.

“Ek verdien maar R320 per maand, ten spyte daarvan dat ons baie, baie melk verkoop,” het sy aan die Sunday Telegraph gesê.

“Mev. Mugabe kom heelwat hier, maar sy praat nie met ons nie, net met die bestuurders,” het sy afgesluit.

ролики купить Лобановский Харьков

Munisipale kantore afgebrand

Munisipale kantore in Standerton is Saterdagoggend aan die brand gesteek nadat betogings weens swak dienslewering plaasgevind het, het Mpumalangapolisie gesê.

Kaptein Leonard Hlathi het gesê die inwoners van die Sakhilelokasie het Vrydag betoog teen die departement van water en ligte se swak diens .

“Provinsiale regeringsamptenare het met die betogers kom praat en hulle het in vrede verdaag.”

“Vroeg Saterdagoggend is die administrasiekantore, waar die bestuur van water en ligte gehuisves word, egter aan die brand gesteek,” het hy gesê.

Die skade aan die geboue is in die orde van R60 000, het Hlathi gesê.

Die vensters van die huis van ‘n raadslid is ook deur ‘n petrolbom beskadig, het hy gesê.

Niemand is tydens die voorval beseer nie.

Grondroof was ‘die beste ding’ om met Zimbabwe te gebeur, sê Mugabe

Die grondroofprogram wat duisende blanke boere en hul swart werkers van hul grond in Zimbabwe verdryf het, was “die beste ding wat ooit met ‘n Afrikaland kon gebeur”, volgens president Robert Mugabe.

In ‘n onderhoud met CNN-televisie in New York laat Dondernag, het ‘n selfversekerde Mugabe sy “grondhervormingsprogram” verdedig deur te sê: “Zimbabwe behoort aan die Zimbabwiërs, dis uit en gedaan.”

Mugabe was in die VSA om die Verenigde Nasiese se Algemene Vergadering by te woon, waar hy Vrydag ‘n toespraak sou hou.

Terwyl die meeste van die blanke boere wat van hul grond afgesit is, ook Zimbabwiese burgers was, het Mugabe gesê dat die onteienings geregverdig was omdat die boere meesal die afstammelinge van Britse setlaars was wat die grond van swart Zimbabwiërs tydens die koloniale tydvak afgevat het.

“Hulle het die grond onwettig beset. Hulle het op ons mense se grond beslag gelê,” het hy gesê.

Mugabe het ook sy ekonomiese beleid verdedig en gesê dat Westerse sanksies en nie wanbestuur nie vir die land se agteruitgang geblameer kan word.

Die VSA en die die Europese Unie het in 2002 ‘n reisverbod en batebevriesing teen Mugabe en sy binnekring ingestel.

Mugabe, wat gedwing is om sekere van sy magte aan sy aartsvyand, die voormalige opposisieleier Morgan Tsvangirai, af te staan nadat hy verlede jaar in die verkiesing oorwin is, het gemeen die sanksies is “onregverdigbaar”.

Hoewel Mugabe se magte redelik ingekort is deur die magsdelingsooreenkoms wat Tsvangirai in Februarie eerste minister gemaak het, wil die VSA en die EU sien dat meer hervormings deur die nuwe regering ingestel word – waaronder ‘n einde aan die voortdurende grondroofaksies – alvorens sanksies opgehef word.

Mugabe het ook ‘n aanval op die swart teoloog en Nobelvredespryswenner, aartsbiskop Desmond Tutu, geloods, na aanleiding van Tutu se kommentaar dat hy wat Mugabe is die karikatuur van ‘n Afrikadiktator sou wees.

“Hy weet nie waarvan hy praat nie, die klein mannetjie,” het Mugabe vies gesê en Tutu van “duiwelse uitsprake” beskuldig.

dealer casino Фильчаков прокурор

Swarte kom weg met anti-wit uitsprake

Die vakbond Solidariteit het SAA Tegnies vandag veroordeel vir sy optrede in ŉ saak van rassisme teenoor ŉ Solidariteit-lid en die maatskappy se besluit om nie dissiplinêre aksie teen die werknemer vir sy opmerkings te neem nie. Solidariteit het verlede week die maatskappy drie dae gegun om die korrekte dissiplinêre aksie te neem, maar die betrokke werknemer is egter net gewaarsku oor sy uitsprake en nou beskou die bestuur dié saak as afgehandel.

Volgens Solidariteit-woordvoerder Jaco Kleynhans het ŉ swart werknemer in Augustus vanjaar ŉ werknemer met rassistiese opmerkings toegesnou en gesê dat hy nie wit mense kan verdra nie en dit ook nie kan verdra om saam met wit mense te werk nie. “Dié uitsprake is direk en op ŉ neerhalende en rassistiese wyse op die persoon se wit kollega en wit mense in die algemeen gemik en is niks anders as blatante rassisme nie,” verduidelik Kleynhans.

Die lid het kort na die voorval ŉ grief by die werkgewer ingedien, maar die werkgewer het besluit om nie die dissiplinêre prosedure, soos voorgeskryf vir klagtes van rassistiese optrede, te volg nie. Volgens SAA Tegnies se dissiplinêre kode is ŉ klag van rassisme gronde vir onmiddellike skorsing, waarna die toepaslike dissiplinêre optrede gevolg moet word.

Die maatskappy het vroeër aangedui dat hy verkies om eerder bemiddeling as ŉ alternatief tot ŉ dissiplinêre aksie te volg.

“Werkgewers kan nie onkonsekwent optree in sake soos dié nie. Die dissiplinêre roete moet eenvoudig gevolg word en daar kan nie na willekeur afgewyk word van die voorskrifte nie. Rassisme is nie ŉ ligte aanklag nie en geen werkgewer kan daarom bekostig om dit ligtelik te hanteer nie. Ligtelike optrede stuur ŉ boodskap aan werknemers dat dit aanvaarbaar is om ander se menswaardigheid met rassistiese uitsprake aan te tas,” sê Kleynhans.

“Die bestuur het aan Solidariteit beklemtoon dat die lid egter wel daarop geregtig is om die saak intern verder te neem, maar dit is niksseggend,” sê Kleynhans. “Die lid het reeds die korrekte interne prosedure aangepak, maar die bestuur het nie die korrekte dissiplinêre roete gevolg nie en probeer nou om ŉ ernstige saak van rassisme onder die mat in te vee.”

Zuma loof internasionale samewerking vir die val van apartheid

Die Suid-Afrikaanse president, Jacob Zuma, het gister gesê dat die einde van apartheid in sy land moet dien as ‘n voorbeeld van die vermoë van samewerking op die globale verhoog.

In sy eerste toespraak aan die Verenigde Nasies se Algemene Vergadering in New York het Zuma gesê dat soortgelyke vasberadenheid getoon moet word om die wêreldwye ekonomiese krisis te beëindig, klimaatsverandering te beveg en om ‘n einde aan armoede regoor die wêreld te bring.

“Die rol van die Verenigde Nasies in die stryd om apartheid te beëindig is ‘n uitstaande voorbeeld van die kollektiewe politieke wil van die internasionale gemeenskap,” het hy gesê. “Dit verteenwoordig die oorwinning van eenheid oor verdeeldheid, van onderhandelinge oor konfrontasie.”

Zuma het ‘n beroep op ryker lande gedoen om nie die ekonomiese krisis ‘n verskoning te laat word om ondernemings aan armes in te perk nie. Hy sê Afrika het die afgelope paar jaar verbeterings gemaak in die beëindiging van konflikte regoor die vasteland, maar hy het steeds gepoog om meer internasionale ondersteuning vir vredesmagpogings te verkry.

Rassedebat spoel oor na TV

Die rassedebat wat in die Afrikaanse media, sowel koerante as webwerwe, begin het, het oor die naweek na die TV oorgespoel toe twee programme van die SAUK die toenemende verwydering tussen wit en swart opgehaal het.

Freek Robinson het in sy program “Fokus” op die tweede kanaal van die SAUK vir Flip Buys van Solidariteit en ds. Nico Smith ontvang vir ‘n debat oor Smith se voorspellings dat blankes dalk soos in Algerië uit die land verdryf mag word. Agterna het dr. Fanie du Toit van die Instituut vir Versoening uit Kaapstad ook ‘n bydrae gelewer om te sê dat “blankes nie moet stilbly” nie.

Nie lank daarna nie het ‘n rusie op die program Interface tussen die aanbiedster Tsepiso Makwetla en dr. Corné Mulder van die Vryheidsfront Plus losgebars. Rondom die kwessie van naamsveranderings het Makwetla die naam “Kafferskraal” herhaal in ‘n duidelike poging om swart kykers aan te hits. Sy het “Kafferskraal” voorgehou asof dit een van die name was wat Mulder nie verander wou hê nie, wat hom aan die einde van die program sy humeur laat verloor het.

Ander deelnemers aan “Interface” was die hoof van die ANC se Vryheidspark, Mongane Wally Serote en ‘n jong swart professor van Wits. Al die swart deelnemers, sowel as die aanbiedster, was dit eens dat “Suid-Afrika nog nie swart genoeg is nie” en dat veel meer gedoen moet word om rassekwotas op alle gebiede in te voer. Die feit dat Suid-Afrika nog plek-plek ‘n Westerse aanskyn het en blankes steeds in sekere sleutelposisies in die ekonomie verkeer, is as ‘n probleem uitgewys.

Op die vraag of “Suid-Afrika ‘n plek vir blanke Afrikaners soos Orania nodig het”, het dr. Corné Mulder geantwoord dat artikel 235 van die SA grondwet vir selfbeskikking voorsiening maak en dat Afrikaners die reg het om met mekaar te assosieer. Volgens Serote het hy ook die reg om te eniger tyd Orania te besoek.

Die debat tussen Flip Buys en Nico Smith was minder skerp, behalwe dat Smith sy vorige stellings herhaal het dat blankes heel moontlik uit die land geskop mag word soos die Franse Algeryne in die vroeë sestigerjare. Oor die kwessie van rassistiese houdings onder Afrikaners, het Buys gemeen dat “slegs ‘n klein minderheid hieraan ly”, terwyl Smith beweer dat “die meerderheid blankes, nie net Afrikaners nie, hulle hieraan skuldig maak”. ‘n Neerbuigende houding teenoor swartes is een van die manifestasies van sogenaamde “rassisme”.

Die swart deelnemers aan “Interface” was dit egter eens dat Suid-Afrika “maar aan die begin van sy veranderings” verkeer en dat veel meer name as tans byvoorbeeld gewysig moet word.

Tsepiso Makwetla het heel in haar skik gelyk dat sy Corné Mulder, deur hom die woord “Kafferskraal” in die mond te lê, kon uitlok om warm onder die kraag te raak.

Volgens ingeligte bronne voel kleurlinge tans uitgesluit van die rassedebat en gaan “Fokus” binnekort ook aan hulle ‘n spreukbeurt gee.

кукли Данильченко Харьков

VSA sluit alle amptelike kantore in SA

Die VSA sal hulle ambassade en ander Amerikaanse regeringskantore in Suid-Afrika Woensdag gesluit hou nadat ‘n veiligheidsbedreiging geïdentifiseer is. Die aard van die bedreiging is nie bekend nie.

Woordvoerder van die ambassade Sharon Hudson-Dean het Dinsdag gesê die kantore sal moontlik weer Woensdag heropen.

Ian Kelly van die VSA se State Department sê die bedreiging is “taamlike geloofwaardige inligting” teen Amerikaanse instellings in Suid-Afrika.

Alhoewel die Wêreldsokkertoernooi aanstaande jaar hier gehou gaan word, is dit nie op sigself ‘n teiken vir aanvalle nie.

Hudson-Dean sê dit sal die eerste keer in ‘n dekade wees wat die kantore gesluit sal wees weens veiligheidsredes.

Somali-rebelle het verlede week wraak gesweer nadat een van Al-Kaida se mees gesoekte lede deur Amerikaanse spesiale magte om die lewe gebring is, maar daar is geen vorige skakel tussen Somalië en Suid-Afrika nie.

In 1998 het bomaanvalle teen Amerikaanse ambassades in Kenia en Tanzanië die lewens van 224 mense geëis en duisende gewond.

Kelly sê die situasie word noukeurig gemonitor en toepaslike stappe sal geneem word om die bedreiging die hoof te bied..

Suid-Afrikaanse polisiekommissaris Bheki Cele kon ook nie besonderhede van die bedreiging gee nie, maar het nie die moontlikheid dat dit ‘n poets is, uitgesluit nie.

Hy het aan verslaggewers in Kaapstad gesê “Dis onder beheer.”

‘n Boodskap van die ambassade het Amerikaanse burgers gewaarsku dat Al-Kaida en verwante organisasies soos op 29 Julie terreuraanvalle op Amerikaanse belange in Europe, Asië, Afrika, Midde-Ooste beplan.

Die VSA se konsulate in Johannesburg, Durban en Kaapstad en ander regeringskantore wat USAID, die Agency for International Development, insluit, sal ook gesluit wees.

Cosatu vaar uit teen Manuel

Cosatu is gekant teen ‘n minister van beplanning, het Zwelinzima Vavi, hoofsekretaris, Dinsdag gesê.

Vavi sê die magte van Trevor Manuel, minister in die presidensie, is te groot en daar is voorheen ooreengekom dat Manuel slegs ‘n koördinerende funksie sal hê.

Cosatu is daarom gekant teen Manuel se groenskrif vir nasionale beplanning wat van hom ’n superminister maak aan wie Ebrahim Patel, minister van ekonomiese ontwikkeling, ondergeskik gaan wees.

Cosatu het ’n striemende aanval op Manuel gedoen by sy 10de nasionale kongres in Midrand.

“Die ooreenkoms was dat ’n nasionale beplanningskommissie deur die presidensie geskep sal word. Die doelwit daarmee sou wees om seker te maak dat die doelwitte van ’n ontwikkelingstaat nagestreef word. Daar sou geen minister van nasionale beplanning wees nie – net ’n minister in die presidensie wat vir die nasionale beplanningskommissie verantwoordelik is,” het Vavi gesê.

Volgens hom bevat die groenskrif “ ’n strukturele probleem en swakheid” en moet Cosatu dit beveg want dit maak Manuel tweede in bevel ná die president.

Gwede Mantashe, sekretaris-generaal van die ANC, het Cosatu daarop gewys dat Manuel se bevoegdhede glad nie verskil van die doelwitte van die nasionale beplanningskommissie nie.

In Oktober verlede jaar is tussen die ANC-alliansievennote ooreengekom dat “die kommissie die mag sal hê om die werk van alle staatsdepartemente in die pas te bring met die regering se ontwikkelingsagenda”.

Cosatu se hoofsekretaris het egter skerp daarop gereageer en gesê daar is in Polokwane anders ooreengekom. Hy is deur die afgevaardigdes toegejuig.

Hy het gesê wat in die groenskrif staan, moet eers “getoets” word vir aanvaarbaarheid by die alliansie.

“Aan die ander kant het pres. Jacob Zuma ’n mandaat aan die minister van ekonomiese ontwikkeling gegee om ekonomiese beleid te hanteer, met ’n eie ministerie en staatsdepartement. Hy moet onder meer ook na makro- en mikro- ekonomiese ontwikkelingsbeplanning omsien,” het Vavi in antwoord aan Mantashe gesê.

Zuma het Maandag by die kongres aan afgevaardigdes gesê dat daar in Oktober 2008 ooreengekom is dat daar ‘n behoefte vir hoëvlakbeplanning bestaan asook om die kapasiteit van die regering te monitor.

набор ниндзя купить Данильченко

Hlope nie op kortlys

Regter-president John Hlophe van Kaapstad is nie op die kortlys om binnekort hoofregter van die land te word nie.

Die Geregtelike Dienskommissie, GDK, se besluit kom as ‘n slag vir die Justice for Hlophe Alliance wat die laaste paar maande probeer het om Hlope se kanse vir ‘n grondwethofaanstelling te verseker.

Hlophe se hantering van die korrupsie-aanklagte teen president Zuma het die onderhoude in Kliptown, Soweto, oorheers.

Zuma moet voor 11 Oktober vier uit die sewe kandidate op die kortlys kies.

Daar was verrassings op die lys, soos die relatief onbekende regter Mogoeng Mogoeng van Mafikeng en Regter-president Raymond Zondo van die arbeidsappèlhof in Johannesburg. Zondo is berug vir talle laatuitsprake by dié hof.

Regters Leona Theron, Johan Froneman, Mandisa Maya, Sisi Khampepe en Chris Jafta is ook op die kortlys.

Regter Ntsikelelo Poswa van die hooggeregshof in Pretoria het hom vanweë sy hoë ouderdom as kandidaat onttrek

Oudregter Johann Kriegler, voorsitter van Freedom under Law, FUL, het aan Beeld gesê Hlophe se weglating beïnvloed nie FUL se regsaksie teen die GDK nie.

паркет