SA en Guinee teken verdrae na Ebola versprei

ebolaSuid-Afrika en Guinee sal voorts gesamentlike navorsing onderneem om die uitbreking van dodelike siektes in albei lande te voorkom en te bekamp.

Die minister van internasionale betrekkinge, Maite Nkoana-Mashabane en haar Guinese eweknie, Francois Fall het gister in Pretoria 8 bilaterale ooreenkomste onderteken.

Dit volg nadat ‘n uitbreking van die dodelike Ebola-virus in Guinee reeds meer as 100 lewens geëis het. Guinee het ‘n bevolking van 12 miljoen, ‘n versameling van 40 etniese groepe.

Die siekte het nou na van Guinee se buurlande versprei.

Ebola kry selde ‘n kans om te reis en te versprei omdat die siekte vinnig uitwoed, maar is tans in die hoofstad Conakry, met 2 miljoen inwoners wat naby aan mekaar in krotbuurte woon.

Kommerwekkend is dat dit net ‘n kort afstand van ‘n internasionale lughawe is, en vrese dat dit globaal kan versprei is geopper.

Verskeie medici sê dit is moontlik, maar onwaarskynlik. Die meeste pasiënte met Ebola kom uit klein gehuggies in die bos en onderneem nie internasionale reise nie.

Met Ebola is daar ‘n inkubasietydperk van twee tot 21 dae. Dit is die tyd wat dit neem om die simptome te ontwikkel nadat iemand blootgestel is.

Met ‘n internasionale lughawe naby, kan ‘n geïnfekteerde aan die ander kant van die wêreld wees voordat hy hoofpyn , koors, moegheid en gewrigspyn, die vroeë simptome van ‘n Ebola-infeksie ervaar.

Die diarree en bloeding kom later. Hikbuie beteken dat dit veels te laat is, want die diafragma is onherstelbaar aangetas.

Dit is ‘n vinnige, doeltreffende en bloedige moordenaar. Die sterftesyfer is hoër as 50% en in sommige uitbrekings 90%.

Die meeste pasiënte sterf van skok binne 10 dae. Van die 112 sterftes tans is 14 mediese personeel omdat net ‘n mikroskopiese hoeveelheid bloed die virus oordra.

Comrade Kasrils loods sy rugryer-veldtog

Kasrils in sy misbakseluniform
“Frank” oftewel Comrade Kasrils in sy misbakseluniform wat hy vir terreur verdien het

‘n Groep Suid-Afrikaners wat ontevrede is dat hulle nie meer invloedryke posisies in die ANC het nie, loods vandag ‘n veldtog om stembriewe te bederf en/of vir opposisiepartye te stem.

Die groep politieke rugryers wil daarmee duidelik opposisiepartye se stemme vir hulself opeis sonder om deel te neem aan die verkiesing, ‘n manifes te produseer oor werklike kwessies soos grondroof en plaasmoorde, of die deposito te betaal.

So ‘n veldtog van bedorwe stembriewe kan beduidend wees omdat onopgevoede kiesers dikwels onwetend stembriewe bederf deur die stembrief verkeerd in te vul.

Daar was by vorige verkiesings reeds meer sulke stembriewe as kiesers wat vir die VF+ gestem het in totaal.

Die groep sal hul veldtog by Wits-universiteit in Johannesburg loods. Die veldtog staan onder leiding van die voormalige minister van intelligensie, Ronnie Kasrils. Kasrils was ondergronds bekend as “Frank”.

Die voormalige adjunk-minister van gesondheid, Nozizwe Madlala-Routledge het ook haar stem by die groep gevoeg.

“Comrade” Kasrils poog glo om Kgalema Motlanthe, Pallo Jordan, Zola Skweyiya, Ben Turok, Desmond Tutu en Matthews Phosa ook te oorreed om die Zoeloemag in die ANC te breek.

Hulle sê ontevrede kiesers wat teen korrupsie beswaar wil aanteken, kan óf hulle stembriewe bederf óf vir ‘n ander party stem. Hulle wou nie ‘n oppossieparty uitsonder nie.

Volgens berigte sal die Afrikaanse digter Breyten Breytenbach en adv. Barney Pityana ook deel van die veldtog wees.

Die veldtog is met gemengde reaksie deur politieke partye ontvang. Die ACDP sê dit is onverantwoordelik om kiesers aan te moedig om hul stembriewe te bederf, terwyl die UDM sê die veldtog moet verwelkom word.

Cope sê die veldtog is ‘n klap in die gesig vir mense wat geveg het vir die reg om te stem, terwyl die DA dit as lafhartig afgemaak het.

Stropers ontsnap uit polisieaanhouding

renoster2Drie vermeende renosterstropers is oor die naweek in die Krugerwildtuin in hegtenis geneem, het SANParke Maandag gesê.

Een persoon wat Saterdag vasgetrek is, het egter ontsnap, en Sondag het drie van die groep wat aangekeer is, weggekom.

Reynold Thakhuli, woordvoerder, het in ’n verklaring gesê drie vermeende stropers is in hegtenis geneem, alhoewel die aangehoudenes ontsnap het.

Die polisie het beslag gelê op ’n jaggeweer, ammunisie en strooptoerusting.

Volgens Thakuli is ’n soektog na op tou gesit na die vermeende stropers.

Bejaarde met byl doodgekap in derde bylaanval noord van Pretoria

plaasmoordeVyf swart aanvallers het ‘n bejaarde man en sy vrou van Bon Accord, noord van Pretoria, Saterdagmiddag met ’n graaf en ’n byl op hul kleinhoewe aangeval.

Laszlow Bercsényi (87) het vroeg Sondagoggend aan sy wonde beswyk nadat vyf rowers hom en sy vrou aangeval het.

Dit is die derde byl-aanval die afgelope week in dié omgewing.

Sy vrou, Carol (68), het die aanval oorleef. Sy verkeer tans in ’n ernstige, maar stabiele toestand in die hospitaal.

Carol is herhaaldelik met ’n graaf geslaan buite die huis, en Laslow met ’n byl gekap waar hy binne die huis was.

Carol het die bure geroep, waarna die polisie ontbied is. Sy weet skynbaar nog nie dat haar man oorlede is nie.

 

Paaie sluit in Johannesburg-suid, Oosrand weens oproer

tyres2Oproerige inwoners van Weilers Farm, suid van Johannesburg, het Maandagoggend die strate ingevaar.

Die oproermakers het die R554 afgesper. Die polisie is in die gebied ontplooi.

‘n Woordvoerder van die Johannesburgse Metropolisie, Wayne Minnaar sê die pad is gesluit tussen die Goue Hoofweg en die R81, aangesien dit nie veilig is vir motoriste nie.

Minnaar sê hulle weet nie wat die rede vir die oproer is nie.

Hy sê oproeriges het buitebande aan die brand gesteek en gooi klippe na motoriste.

Aan die Oosrand van Gauteng word ‘n aantal paaie ook deur oproeriges in Tsakane versper.

Skole in die gebiede waar daar verlede week geweldadige oproer was, het nog nie almal teruggekeer na normaal nie.

Swart skole by Bloemhof, Christiana en Itsoseng in Noordwes, is weer oopgestel, maar in Khunotswana naby Zeerust word skole nog ontwrig.

Klasse is onderbreek deur oproeriges wat kinders aangeraai het om weg te bly oor “dienslewering”.

In Khunotswana het oproeriges paaie versper, nadat `n streekskantoor en `n raadslid se huis gedurende die naweek aan die brand gesteek is.

In die ander gebiede waar die paaie steeds begaanbaar is, het taxi’s en busse kinders na skole vervoer.

Byna 100 swart skole in Gauteng staan leeg

lokasieskoleMeer as 4 500 township-skole regoor die land het in die afgelope 20 jaar gesluit omdat hulle deur swart leerlinge en onderwysers in die steek gelaat is.

Swart ouers stuur hul kinders graag na voormalige Model C-skole wat voorheen vir wittes gereserveer is.

Ondersoeke deur The Citizen het gevind dat hierdie eens florerende skole in die lokasies verlate, gevandaliseer en leeg staan.

Die departement van basiese onderwys het nie ‘n saak met die eens skaflike fasiliteite nie.

Woordvoerder Elia Mhlanga gesê die departement is nie meer verantwoordelik vir die fasiliteite wat gebruik is vir openbare skole nie.

In Soweto is sommige van die gederegistreerde skole – onder hulle Hlengiwe Sekondêr en Thulari Sekondêr – leeg en vervalle.

Baie van hierdie geboue onwettig deur plakkers beset en sommige word as motorwerkswinkels en sake-ondernemings gebruik.

Die woordvoerder vir Gautengse departement van onderwys, Phumla Sekhonyane, het gesê soveel as 88 skole is gesluit in die provinsie in die afgelope vyf jaar, terwyl 45 ander saamgesmelt is.

Ten spyte van die oorvloed beskikbare ruimte, wil die Gautengse LUR vir onderwys die oorblywende Afrikaanse skole nogtans laat verswart, ‘n duidelike aanduiding van die ideologiese projek wat Barbara Creecy in die mou voer.

Gautengse departement het gesê ‘n oudit en statusverifikasie van onbenutte skoolfasiliteite in die provinsie sal van stapel gestuur word.

The Citizen het ook die naburige voormalige bruin en Indiër- townships besoek en gevind dat ongeveer 40% van die leerlinge van Soweto afkomstig is ten spyte van hoë fooie om hulle uit te hou.

By die Trinity Sekondêr in Lenasia vra die skool R1 300 per jaar om geregistreer te wees en by Eldorado Park R700.

Greenpeace weier walvisvleisvragskip in Durban

Walvisjagter skiet harpoen
Walvisjagter skiet harpoen

Greenpeace, die internasionale omgewingsorganisasie, het ‘n beroep op die Suid-Afrikaanse regering gedoen om Ysland se vragskip in hul hawens te verbied en ander Afrikalande tot soortgelyke stappe te oorreed.

Suid-Afrika is gevra om druk op Afrika-lande uit te oefen sodat die vragskip met bedreigde vin-walvisvleis aan boord, nie toegelaat word om by hulle hawens aan te doen nie.

Die skip is in Durban geweier en kon nie in die hawe aandoen nie, nadat sowat 21.000 Suid-Afrikaners Greenpeace in die protesaksie gesteun het.

Die skip, Alma, is met die walvisvleis op pad na Japan. Die vleis van die bedreigde walvis is veronderstel om in Tokio afgelaai te word en die skip moet halfpad brandstof inneem.

Die protesaksie volg nadat die Internasionale hof van Justisie Japan twee weke gelede gelas het om die jag van walvisse dadelik te staak.

DA-advertensie hits geweld aan

Hits geweld aan
Hits geweld aan

Die SAUK het gesê die DA kan ‘n gewysigde weergawe van sy verkiesingsadvertensie indien omdat die huidige een geweld aanhits.

Die uitsaaier het Vrydag ‘n beroep op die Demokratiese Alliansie gedoen om ‘n gewysigde weergawe van hul “Ayisafani” advertensie in te dien nadat dit onttrek is.

“Ons het … hulle ingelig [ Demokratiese Alliansie ] dat hulle geregtig is om ‘n gewysigde weergawe van die genoemde advertensie in te dien,” het Kaizer Kganyago, woordvoerder gesê.

In ‘n brief, het die SAUK se waarnemende uitvoerende hoof, Tian Olivier gesê hulle sal nie langer in staat wees om die advertensie op radio en televisie uit te saai nie, want dit hits geweld aan.

“Die Okosa-regulasie op politieke reklame stel dit duidelik dat daar nie aanhitsing tot geweld mag wees nie.

“Ons is van mening dat die verwysing in julle televisie-advertensie na die polisie wat ons mense dood, ‘n rede is vir aanhitsing teen die polisiediens,” het Olivier gesê in die brief.

Verskeie dorpe in Noordwes is tans in opstand teen die polisie, winkeleienaars, plaaslike raadslede en die oproeriges het reeds miljoene rande se skade veroorsaak soos hulle aangemoedig word om in opstand te kom teen “dienslewering”.

Die premier van Noordwes, Thandi Modise het ‘n beroep gedoen op leerlinge gedoen om terug te keer skooltoe. Die gewelddadige oproer, brandstigting, plundery en vandalisme het in Bloemhof, Christiana, Itseseng en Khunotswane voorgekom.

In die advertensie gesels die DA se Gautengse premierskandidaat en Mmusi Maimane met homself in ‘n spieël. Hy sê die lewe vandag is beter as wat dit was 20 jaar gelede was en gee krediet aan die terroristeleiers wat glo hy het die land “vorentoe” geneem het.

Dan sonder hy Zuma, verlore werksgeleenthede, Nkandla en polisiebrutaliteit uit waarteen kiesers hulself moet verset.

Olivier het bygevoeg in die brief dat die Verkiesingskommissie se gedragskode ‘n klousule insluit wat ‘n verbod op die publikasie van vals inligting bevat.

Olivier sê die bewerings oor Nkandla is nog nie in ‘n hof getoets nie.

Hy het verder gesê dat die Kode van die Advertensiestandaardeowerheid van Suid-Afrika (ASA ) laat nie toe dat ‘n ander produk ten koste van jou eie bevorder word nie.

“Ons is ook van mening dat die SAUK nie persoonlike aanvalle op enige partylid of leier sal toelaat deur enige ander party, soos gedoen in julle advertensie ten opsigte van … Zuma nie, ” het Olivier gesê.

“Ons het nie enige kommer oor generiese stellings oor sake soos korrupsie of die gebrek aan dienslewering nie, maar glo nie dat dit korrek is dat sulke kwessies aan ‘n spesifieke persoon  toegewys word nie…”

Kommunisteparty sê opposisiepartye moet ‘les geleer word’

Blade Nzimande, sekretaris-generaal van die SA Kommunisteparty
Blade Nzimande, sekretaris-generaal van die SA Kommunisteparty

Komende kort op die hakke van die minister van sport, Fikile Mbalula, se uitspraak dat die opposisie in Suid-Afrika Hitleriaanse “fasciste” sou wees, het die kommunistiese leier Blade Nzimanda Saterdag gesê dat die opposisie ‘n “harde les geleer moet word”.

“Gebruik 7 Mei om die Demokratiese Alliansie ‘n harde les te leer. Hulle sê dat hulle ten gunste van werksgeleenthede is maar was teen die plaaswerkers in die Wes-Kaap,” het hy aan die Nasionale Unie van Mynwerkers se nasionale fabrieksvloerverteenwoordigersraad in Boksburg gesê.

Hy het ook na die DA as “‘n party van arbeidsmakelaars” verwys. “As die DA na Cosatu- of Luthuli-huis ‘n optog hou, is die party swart, maar in die parlement is hulle wit.”

Nzimande het ook teen Julius Malema en sy belastingwanbetaling uitgevaar. “As jy die SA Inkomstediens R16 miljoen skuld, hoeveel miljoene het jy nie opgevreet nie? Hulle het meer as R100 miljoen opgevreet,” meen hy.

“Sommige mense dra duur horlosies en klere maar het nog nooit vir ‘n dag in hul lewens gewerk nie.”

Na hofdokumente skuld die EVV-leier Julius Malema R16 miljoen plus rente nadat hy in gebreke gebly het om tussen 2006 en 2010 opgawes in te dien.

In 2010 het die SAID Malema oor sy versuim om belastingopgawes in te dien gekontak.

Dit het Malema 18 maande geneem om na verskeie pogings van die SAID sy agterstallige opgawes in te dien.

Malema het ook in gebreke gebly om die Ratanang-trust vir belastingdoeleindes te registreer en die SAID het dit namens hom gedoen.

Sy regspan het die Hoë Hof te Pretoria in Februarie versoek om sy sekwestrasiesaak uit te stel. Die SAID het dit teengestaan.

Goldstone-kommissie gaan dood van Dag Hammarskjöld na 50 jaar oopkrap

Tshombe
Tshombe

‘n Sweedse diplomaat en die sekretaris-generaal van die Verenigde Nasies, Dag Hammarskjöld, is na die ontploffing van sy vliegtuig op 18 September 1961 in die destydse Noord-Rhodesië (tans Zambië) dood.

‘n Internasionale kommissie wat bestaan ​​uit die voormalige regters Sir Richard Goldstone en Sir Stephen Sedley, is onlangs – in Februarie 2014 – deur die Verenigde Nasies saamgestel. Dié kommissie het die Verenigde State van Amerika intussen versoek om verskeie geheime dokumente rakende die kwessie vry te stel.

Hammarskjöld was op pad om Moïse Tshombe, wat die rebelle in koper-ryk Katangaprovinsie gelei het, te ontmoet.

Katanga wou destyds van die sentrale regering van die Kongo onder Patrice Lumumba afstig. Hy het vroeër die Kongo se onafhanklikheid van België verseker.

Tshombe, wat in ‘n tronk in Algiers in 1969 gesterf het, is deur Belgiese sakebelange ondersteun en hy het ‘n huursoldaatweermag op die been gebring wat die Verenigde Nasies se pogings om die Kantangaprovinsie – ook bekend as Shaba – as deel van die sentrale regering van die Kongo te behou, uitgedaag het.

Een dokument wat reeds vrygestel is, is ‘n kabel van die Amerikaanse ambassadeur in die Kongo, Ed Gullion. Die diplomaat identifiseer daarin die huursoldaat wat in alle waarskynlikheid die vliegtuig van die sekretaris-generaal van die VN afgeskiet het as Jan van Risseghem.

Suid-Afrika is ook destyds van betrokkenheid by die ramp beskuldig, omdat ‘n “wit suprematistiese netwerk” glo die sluipmoord beplan het. Hammarskjöld het egter baie vyande gemaak, veral die Europese koloniale moondhede, asook Rusland.

Suid-Afrika het Katanga se onafhanklikheid destyds gesteun.

Die Britse Hoë Kommissaris Cuthbert Alport het die vlug op die lughawe ingewag toe die vliegtuig elders naby Ndola in vlamme neergestort het. Omdat Altport by die lughawebestuur daarop aangedring het dat Hammarskjöld elders heen gevlieg het, is die soektog ure lank vertraag.

Die wrak van die vliegtuig is eers na langer as vyftien ure opgespoor, maar ooggetuies by die ramp sê daar was binne enkele ure reeds mense wat die toneel gefynkam het.

Angel-Saksiese diplomate was glo bekommerd oor die verlies aan mag van die groot moondhede in Afrika nadat Hammarskjöld ‘n militêre operasie in die Kongo teen die advies van Washington en Londen gemagtig het.

In Suid-Afrika is die SAIMN-dokumente met betrekking tot die dood van Dag Hammarskjöld op ‘n uiters vreemde manier gehanteer. Aartsbiskop Tutu het afskrifte van die dokumente in die openbare domein in 1998 vrygestel.

Hy het in ‘n persverklaring gesê dat die oorspronklike aan die destydse minister van Justisie, Dullah Omar oorhandig is. Maar hierdie oorspronklike dokumente het intussen verdwyn, sodat dit nou onmoontlik is om vas te stel of, soos daar beweer word, dit vervalsings is.

Twee van Hammarskjöld se topvolgelinge, Conor Cruise O’Brien en George Ivan Smith, is albei oortuig dat die sekretaris-generaal se vliegtuig afgeskiet is deur huursoldate wat vir Europese nyweraars in Katanga gewerk het.

Hulle glo dat die Britte gehelp het om Operasie Morthor onder leiding van Hammarskjöld te kelder. In 1992 het die twee ‘n brief aan die Guardian gestuur waarin hulle beweer dat die vliegtuig “per ongeluk” afgeskiet is.