Swarte wat wit motorfietsryer doodskiet kry borg

Douglas Pearce
Douglas Pearce

‘n Swarte wat daarvan beskuldig word dat hy ‘n wit motorfietsryer doodgeskiet het tydens ‘n padwoedevoorval, is Maandag ​​op borgtog van R5000 in die Roodepoort-landdroshof vrygelaat.

Landdros Denise Smith het borg aan die moordbeskuldigde Meekahefele Masooa, 43, toegestaan.

“Die getuienis voor die hof blyk dat dit ‘n padwoedevoorval was. Die beskuldigde het nie van die toneel gevlug nie, maar vir die polisie gewag om te kom,” het sy gesê.

Die hof sal nog Masooa se feite toets, het sy gesê .

Sy het gesê Masooa en die oorledene se vuurwapen is aan die polisie op die toneel oorhandig.

Masooa het aan die hof ‘n beëdigde verklaring deur sy prokureur voorgelê waarin hy sê dat hy getroud is met vier dogters.

Die gesin woon in Centurion en besit ‘n huis van R2.2 miljoen. Masooa is ‘n arbeidswetkonsultant, het die hof gehoor.

Hy het gesê die oorledene, die motorfietsryer Douglas Pearce, het hom gekonfronteer op die dag van die voorval.

“Hy het op my geskree en sy middelvinger vir my gewys … Ek weet nie hoekom hy dit gedoen het nie.”

Die motorfietsryer het toe gestop en ‘n vuurwapen op hom gerig.

Masooa het gesê hy was in gevaar en het sy geweer uitgehaal om homself te verdedig. Hy het die wit motorfietsryer daarna geskiet.

“Ek het opgetree binne die wetlike perke.”

Masooa se regsverteenwoordiger het gesê sy kliënt het ‘n “skietwond aan die kop” gehad, maar die aanklaer het dit verwerp en gesê ‘n mediese verslag voor die hof dui daarop dat dit slegs skrape was en nie ‘n skietwond nie.

Masooa is voorheen in hegtenis geneem vir die rig van ‘n vuurwapen op iemand, maar is nog nie skuldig bevind nie, het die aanklaer Sam Campher gesê.

Die staat het borgtog teengestaan ​​weens die erns van die oortreding.

Masooa het gesê hy sal onskuldig pleit.

Die 39 -jarige Pearce is verlede Vrydag doodgeskiet in ‘n oënskynlike padwoedevoorval in Malibongwerylaan.

Volgens ’n ooggetuie was Pearce besig om na sy motorfiets terug te stap toe die eerste skoot hom laag in die rug getref en sy lyf deurboor het

Met die tweede trek van die sneller, was daar nie ’n patroon in die silinderkamer van die rewolwer nie. maar die swarte het aanhou skiet en die derde skoot het Pearce in die linkerboarm getref.

Hy is op die toneel dood nadat hy doodgebloei het. Drie ooggetuies het bevestig dat Pearce nooit ’n skoot afgetrek nie.

Die polisie het sy hande op die toneel getoets vir kruitneerslag maar niks gevind nie.

Die saak is tot April 25 uitgestel.

Verslag wys SABC korrupte nes

Oortrek van korrupsie
Oortrek van korrupsie

Politieke inmenging, wanadministrasie, suiweringsveldtogte teen personeel, baantjies vir boeties en selfverryking is algemeen by die SABC. Die Raad doen niks daaraan nie en in sommige gevalle neem hulle selfs deel.

Die korporasie se waarnemende hoofbestuurder, Hlaudi Motsoeneng het nie net gelieg oor sy kwalifikasies nie, maar het glo onreëlmatige aanstellings gemaak en homself verryk met drie salarisverhogings in een jaar.

Sy salaris het van R1.5 miljoen tot R2.4 miljoen gestyg.

Die Openbare beskermer, Thuli Madonsela het haar verdoemende bevindings in Pretoria blootgelê ná haar “komplekse” ondersoek na die SABC.

Die eertydse minister van Kommunikasie Dina Pule is vir die tweede keer vir onetiese gedrag uitgewys in die aanstelling van Gugu Duda as SABC hoof finansiële beampte .

Duda, het Madonsela bevind, is deur die ingryping van Motsoeneng en ander aangestel.

Volgens Madonsela het Motsoeneng sy matriekkwalifikasies vervals maar hy blameer dit op ‘n “mev Swanepoel” wat “hom die aansoekvorm laat invul het met enigiets om die werk te kry.”

Op die aansoekvorm het hy gelieg deur te sê dat hy in Qwaqwa in die Vrystaat sy matriekjaar in 1991 voltooi het.

Madonsela het ook bevind dat Motsoeneng kop in een mus was met die destydse voorsitter van die SABC-raad Ben Ngubane. Hy het glo aanbeveel dat die kwalifikasies vir die pos van hoofbedryfsbeampte “pasgemaak” word vir Motsoeneng se gebrek aan kwalifikasies.

In haar verslag Wanneer Regering en Etiek misluk, sê Madonsela Ngubane het sy mag misbruik.

Motsoeneng het die SABC se salarisrekening met ‘n ongelooflike R29 miljoen in een jaar opgestoot.

Alhoewel sy nie afdoende bewys van Pule se betrokkenheid by die onreëlmatige aanstelling van Duda in Februarie 2012 kon vind nie, sê Madonsela daar is bewyse dat “‘n onsigbare hand van haar [ Pule se ] rigting en dié van [ haar minnaar Phosane ] Mngqibisa teenwoordig was”.

Pule het geweier om kommentaar te lewer.

 

Swart studente raak gewelddadig oor hulpskematoekennings

DUT-protes
DUT-protes

Die polisie het rubberkoeëls en traangas gebruik om betogende studente by die Universiteit van KwaZulu Natal se Edgewood-kampus in Pinetown uiteen te jaag.

Sowat 60 studente is in hegtenis geneem en klasse is tydelik opgeskort.

Die studente staak sedert verlede week oor die toekenning van die Nasionale Studente Finansiële skema.

Die universiteit het intussen ‘n interdik bekom om verdere protesoptrede te verhinder.

By die Universiteit van Johannesburg is 20 studente wat geskors is, deur veiligheidsbeamptes na die kampus begelei.

Hulle is na protesoptrede oor die finansiële hulpskema geskors, maar hulle skorsing is tydelik deur ‘n hofbevel opgehef.

Die studente sê hulle word soos misdadigers deur UJ behandel.

Woolworths mik vir wins met swart kleregroottes

stetopegieDie kleinhandelaar Woolworths het met ’n nasionale veldtog begin om klere vir swartes te skep.

Die tema is ‘Find Your Perfect Fit’ wat daarop gemik is om die swart mark se sug na groter klere te bevredig.

Die winkel meen waarskynlik dit sal verkope aansienlik aanhelp as swart kliënte kleding kan koop wat hul agterstewes dek.

Navorsing sal in Maart onderneem word om seker te maak dat die kleregroottes swart kliënte ook trek.

“Suid-Afrika het ’n diverse bevolking en die enigste manier hoe ons die beste pasmate kan verskaf, is om werklike mense te meet,” sê Thateng Shimange, hoof van vroueklere by Woolworths.

‘n Liggaamskandeerder wat reeds deur internasionale handelsname gebruik word, sal deur die maatskappy Alvanon, beskikbaar gestel word. Dié internasionale bedryf spesialiseer in liggaamskandering en pasmaatontwikkeling.

Dit sal Alvanon, wat soortgelyke navorsing in 21 lande doen, se eerste projek in Afrika wees.

Woolworths sal die geslag, ouderdom en, heel belangrikste, die etniese groep van deelnemers vereis.

Woolworths sal die navorsing gebruik om al sy groottes en mates in die vroue- en mansklere-afdeling te hersien en winsgrense op te stoot.

Zuma se seun verbind met onwettige sigaretsmokkel

smugglecigarettesPresident Jacob Zuma se seun Edward is betrokke in ‘n stryd met SAID.

Die inkomstediens beweer hy smokkel sigarette en steek miljoene weg van die wins wat hy maak.

Zuma se regstryd met die SA Inkomstediens het in 2011 begin, maar dit sal na verwagting hierdie week weer opvlam as sy Amalgamated Tobacco Manufacturing (ATM) maatskappy verskyn nadat hulle ‘n SAID-sperdatum op 25 Januarie verontagsaam het.

Die geskil kom na ‘n ondersoek na ATM se sigaretvervaardigingbedryf in Pietermaritzburg in 2011.

Die duur fabriek is ingevoer uit China en Chinese werkers beman die toerusting. ATM is in 2009 geïnkorporeer.

Die maatskappy is geregistreer om tabakverwante produkte te vervaardig en te versprei.

Amptenare van die SAID het toegeslaan op die perseel, beslag gelê op goedere en masjinerie, en die fabriek gesluit.

ATM is later toegelaat om weer te heropen, maar Zuma en sy vennote is steeds in ‘n bitter stryd gewikkel met amptenare van die SAID.

Zuma beskuldig die belastinggaarder van korrupsie, rassisme en ‘n smeerveldtog teen hom.

Zuma se vennote in die onderneming sluit sakemanne Paul de Robillard en Yusuf Kajee in. Zuma het egter bedank as direkteur van ATM in 2011.

Ondersoeke na die maatskappy het in 2010 begin nadat die SAID vermoed het dat die maatskappy betrokke is by die invoer van tabak uit Zimbabwe en die verspreiding van vervaardiging van sigarette sonder om die nodige belasting en aksyns te betaal.

Binne ‘n jaar is byna 8,5 miljard onwettige sigarette is in Suid-Afrika gerook en die regering het meer as R5 miljard aan belasting verloor.

Oor die afgelope drie jaar het die verlore belasting byna verdriedubbel tot R12 miljard.

OTM verklaar glo die vervaardiging van 972.000 sigarette, of ongeveer 15.800 pakkies. Maar SAID het bewyse gevind van die vervaardiging van minstens 3,8 miljoen sigarette, of 190.000 pakkies.

SAID-woordvoerder Adrian Lackay het ontken dat ATM geteiken word. Hy het gesê tydens Desember 2013 is gereelde inspeksies uitgevoer op ‘n aantal pakhuise, vervaardigingsaanlegte, asook invoerders en uitvoerders.

“As deel van hierdie intervensie, kan die SAID bevestig dat twee groot tabakprodukte uitesonder is gedurende Desember 2013 , waar die potensiële verlies aan inkomste vir die staat ‘n paar honderd miljoene rand beloop.”

Twee van die Waterkloof-vier weer aangehou

Becker se selfoonopname
Becker se selfoonopname

Die departement van Korrektiewe Dienste sê volgens die Wet op Korrektiewe Dienste kan gevangenes wat uit is op parool weer in hegtenis geneem word en vir tot 72 uur aangehou word, hangende ‘n ondersoek.

Twee lede van die Waterkloof-vier is Sondag weer in hegtenis geneem nadat selfoonopnames van ‘n gefuif in die tronk uitgelek het.

Christoff Becker en Frikkie du Preez, albei 27, het glo vryelik toegang tot alkohol en selfone in die tronk gehad en die beeldmateriaal is op sosiale media versprei.

‘n Woordvoerder van die departement, Manelisi Wolela het bevestig dat twee van die vier weer in hegtenis geneem is. Hy sê die bewerings word in ‘n ernstige lig beskou.

Die twee is Dinsdag op parool vrygelaat nadat hulle die helfte van hulle twaalf jaar vonnis uitgedien het vir die moord op ‘n hawelose man in Pretoria-Oos in 2001.

In ’n verklaring het Wolela gesê die twee is weer in hegtenis geneem in verband met ’n ondersoek na bewerings dat drank in die tronk ingesmokkel is en hulle na bewering ’n partytjie in die tronkselle gehou het.

’n Ondersoek daarna sal in die volgende 72 uur gedoen word.

Hulle is in die Kgosi Mampuru-gevangenis in Pretoria aangehou.

“Die DKD-kommissaris in Gauteng het die ondersoek reeds gelas,” het Wolela gesê.

Becker en Du Preez, wat verlede Dinsdag op parool vrygelaat is, en die beamptes wat tydens die maak van die selfoonopname aan diens was, sal ondervra word.

Die ander twee lede van die groep wat uit is op parool het geen kontak meer met Becker en Du Preez nie en is nie betrokke by die voorval nie.

 

Honderde Zama-Zamas in myn vasgekeer

zamazamaHonderde Zama-Zamas, of onwettige myners kan steeds in ‘n ongebruikte mynskag in Benoni in die Oos-Rand vasgekeer wees.

Van die onwettige myners het Sondagaand geweier om uit die skag te kom nadat hulle besef het hulle sal in hegtenis geneem word vir hul roofbedrywighede.

Die Ekurhuleni-nooddienste het Sondag elf van die myners uit die mynskag van Gold One in Benoni gered.
Hulle is sedert Saterdagmiddag daar vasgekeer.

Nooddienswerkers moes die reddingspoging laat vaar omdat die oorblywende myners geweier het om uit die skag te kom. Die reddingspanne sal nie terugkeer nie.

Die polisie en mynveiligheidswagte is steeds by die skag om die Zama-Zamas in hegtenis te neem wat dit bo-gronds waag.

Volgens die metropolisie is ‘n groep onwettige myners Saterdag met hul buit deur ‘n ander groep Zama-Zamas oorval en beroof en daarna terug in die skag gedwing.

Die rowers het toe groot rotsblokke in die skag afgegooi.

Die mynskag is ongeveer 7 m diep, waarna dit in ‘n sygang vertak. Rotse en sementblokke verstop tans die sygang.

Ekurhuleni se noodwerkers en mynreddingspanne moes Sondag ure lank spook om die skag oop te boor om die vasgekeerdes ‘n ontsnapkans te bied.

Daar kan steeds soveel as 300 myners in die skag wees.

Die Ekurhuleni Metroraad sê daar sal nuwe strategie bedink moet word om onwettige mynbedrywighede in die gebied te keer.

 

Tiener in die nek geskiet na plundertog

burningtyres‘n Sewentienjarige skoolmeisie is in die nek geskiet en beseer in ‘n wraakaanval deur Pakistani-winkeliers.

Tientalle betogers het na bewering die mans se winkels geplunder en het paaie met klippe en brandende motorbande versper.

Die buitelanders het daarna op ‘n skare swart leerlinge en voetgangers in Botleng naby Delmas losgebrand.

Volgens kolonel Jannie van Tonder van die SAPD was dit vermoedelik ‘n aanval deur die winkeliers in weerwraak op inwoners wat hulle winkels Donderdag geplunder het.

Die beseerde meisie is na ‘n waakeenheid by ‘n Witbank-hospitaal geneem.

Die SAPD het die winkeliers in hegtenis geneem en op ‘n gesteelde 9mm-pistool beslag gelê.

Die situasie in Delmas is gespanne.

Die ANC se kantoor in Botleng is vroeër aan die brand gesteek en ander geboue is beskadig.

Betogers, waaronder jong kinders, het Vrydag weer die strate ingevaar. Die polisie monitor die situasie.

Dinsdag, voor die skietery, is briewe is onder leerlinge versprei wat maan dat hulle weg van die skool moet bly en aan optogte moet deelneem.

Die jeugdiges beweer dat ‘n gebrek aan werksgeleenthede te wyte is aan ‘ n ​​korrupte verhouding tussen die mynbase en munisipale amptenare .

Hulle ook ‘n groot vragmotor wat aan ‘n wit boer behoort met bale veevoer Donderdagmiddag aan die brand gesteek.

Die twee Pakistani burgers sal binnekort in die hof verskyn op aanklagtes van poging tot moord en die besit van ‘n ongelisensieerde, gesteelde vuurwapen.

Midmarswemmer se lyk gevind

Thabo van Straaten
Thabo van Straaten

Die lyk van die man wat Saterdag gedurende die Midmar-myl in Howick, KwaZulu-Natal, vermis geraak het, is Donderdagmiddag gevind.

Geen sigbare besering was aan Thabo van Straten (43) se lyk wat dadelik ‘n leidraad kon verskaf tot die oorsaak van sy dood nie.

Van Straten is positief uitgeken aan die resies se registrasiebesonderhede op sy swemklere.

Die polisie se K9-soek-en-reddingspan het die laaste ses dae na Van Straten gesoek.

Kapt. Lolly Moodley, polisiewoordvoerder in Howick, het gesê Van Straten se lyk is Donderdag omstreeks 16:30 gekry. Een van die polisiehonde het hom opgespoor.

Volgens Moodley sal die oorsaak van sy dood eers ná ’n lykskouing bekend wees.

“Die lyk het omtrent 800 m van die beginpunt van die resies gedryf.

Die deel van die dam waar die lyk gevind is, is ongeveer 15,8 m diep.

 

Staatsrede fokus op protes, myne

sona2President Jacob Zuma het in sy staatsrede sy kommer uitgespreek oor geweld by protesoptogte.

Die president het ook gesê dat meer gedoen moet word om te verseker dat munisipale werkers beter gekwalifiseer is. Hy het gesê werk behoort nie aan onbekwame mense gegee te word nie.

Alhoewel die reg om te betoog ‘n demokratiese een is, word dit ondermyn deur optrede wat lewens bedreig en eiendom beskadig, het hy gesê.

Zuma sê die groot aantal sogenaamde diensleweringsbetogings word nie alleen die mislukkings van die regering veroorsaak nie. Hy sê dit is juis as gevolg van die regering se sukses in dienslewering dat verwagtinge hoër as ooit is.

Hy het die versekering gegee dat ekonomiese groei die daling in die waarde van die rand en die inflasie-risiko sal teëwerk.

Die geld-eenheid het verlede jaar met meer as 17 persent teenoor die dollar gedaal. Die skerp daling in die waarde van die rand het ook bygedra tot die eerste verhoging in rentekoerse in meer as vyf jaar.

Zuma sê Suid-Afrika word soos ander ontluikende markte negatief geraak deur ekonomiese probleme in die VSA wat aanleiding gegee het tot die verswakking van die rand.

Zuma het in ‘n passievolle pleidooi aan mynbase en vakbonde gesê onnodige stakings lei tot werkverliese.

Hy het van sy geskrewe toespraak afgewyk om mynmaatskappye en werkers aan te moedig om die land se belange voor hul eie te plaas. Die mynbedryf dra R60 miljard aan belasting by.

Die president het die regering se verbintenis tot skaliegasontginning bevestig, tot die ontsteltenis van omgewingsaktiviste.

Zuma se aandrang op opleiding vir handgebaretolke het vir ‘n geskater uit die gehoor gesorg.

Die leier van die IVP, Mangosuthu Buthelezi sê Zuma mislei die land oor die uitgebreide openbare werke program wat ses miljoen werksgeleenthede kan skep. Hy sê dit is tydelike werk, terwyl die land volhoubare werksgeleenthede nodig het.

Die leier van die UDM, Bantu Holomisa, het in sy reaksie die president daarvan beskuldig dat hy nie die werklike uitdagings waarmee gewone mense te kampe het, aangespreek het nie.

Holomisa sê Zuma het geen aandag gegee aan korrupsie, misdaad en ander uitdagings waardeur Suid-Afrika bedreig word nie.

Die leier van die DA, Helen Zille het in haar kritiek ook gekla oor werksgeleenthede wat slegs tydelik van aard is.

Die party se parlementêre leier, Lindiwe Mazibuko het gesê die land het nie onder president Zuma verbeter nie.

Die leier van COPE, Mosioua Lekota, sê president Zuma se Staatsrede het nie veel inhoud gehad nie. Zuma het in sy toespraak gesê die teenkorrupsiestrategie binne die Staatsektor is besig om vrugte af te werp met die meer as 1.500 amptenare wat afgedank is.

Hy het ook gesê die Nasionale Teenkorrupsie-blitslyn het ook gehelp om meer as R320 miljoen terug te kry. Lekota sê volgens hom misluk die regering in sy stryd teen korrupsie.