Oproerige studente het weer klasse by die Universiteit van KwaZulu-Natal se Howards kollege-kampus in Durban ontwrig.
Swart studente is ontstoke oor die uitkering van geld uit die Nasionale Studente Finansiële Skema wat hulle glo hulle toekom.
Die polisie moes van traanrook en pepersproei gebruik maak om die klipgooiers en vandale uiteen te jaag.
Vroeër die week is rubberkoeëls en traanrook ook by die universiteit se Edgewood-kampus ingespan om oproerige studente uiteen te jaag.
‘n Saak van openbare geweld wat aanvanklik teen 70 studente geopen is, is egter later van die rol geskrap.
