Suider-Afrika Archives - Page 126 of 888

EFF verwoes kerk wat ‘blare eet’

Chaos het uitgebreek by die End Times Disciples Ministries se kerk in Soshanguve, noord van Pretoria, toe EFF-lede Sondag op die tent toegesak het en dit aan die brand gesteek gesteek het.

Die EFF-aanvallers het beloof om die kerk se pastoor, Pnuel Mnguni knaagdiere en slange te laat eet het ANN7 berig op hul Twitter-rekening.

Mnguni het voorheen sy gemeente gevra om slange lewendig te sluk. Hy is in hegtenis geneem op aanklagte van dieremishandeling.

Maar, volgens berigte was die pastoor nie daar vir die diens Sondag nie. Tog het Mnguni se afwesigheid nie die EFF verhoed om verwoesting op die perseel te saai nie omdat gemeentelede glo “blare eet”.

Dit is nie duidelik waarom die EFF gekant is teen “blare eet” nie.

Die polisie, wat teenwoordig was, het niks gedoen om te keer dat die EFF die gemeentelede intimideer, verjaag en die tent verwoes en aan die brand steek nie.

In ‘n soortgelyke voorval in Namibië dié naweek is die Pinksterkerk van Save Souls Ministry op Okankolo in die Oshikotostreek afgebreek omdat dit na bewering met kinders se skoolwerk inmeng.

Pastoor Abraham Petrus het Vrydag ’n klag van opsetlike saakbeskadiging in dié verband by die polisie op Okankolo ingedien.

“Waar ons kerk was, is net houtbanke. Die sinkplate is verwyder en weggedra,” het hy gesê.

Die voorval volg nadat ouers van die Okankolo Gekombineerde Skool Donderdagaand tydens ’n vergadering die sluiting van die kerk, met 40 gemeentelede, geëis het. Volgens die ouers hou die gemeente se herlewingsdienste in die aand hul kinders uit die slaap. Onderwysers het voorts gesê kinders wat dié dienste bywoon, kan bedags in die klas nie konsentreer nie omdat hulle vaak is.

Na bewering hou van die gemeente wat op die skoolterrein kamp en die dienste bywoon, se gille snags ander kinders wakker. Dié kinders skree snags glo “vuur, vuur!”

Petrus het alle aantygings teen sy kerk ontken.

Volgens hom hou die kerk net op naweke en tydens skoolvakansies herlewingsdienste. Kinders word ook net by dié dienste toegelaat as hulle van hul ouers vergesel is, sê hy.

Hy sê die ouers het tydens die vergadering onder die invloed van die onderwysers ten gunste van die sluiting van die kerk besluit.

Petrus beweer sy kerk het nie die geleentheid gehad om sy kant van die saak te stel nie. “Ek is net vier minute gegun om te praat en byna niemand het na my geluister nie,” sê hy.

Ouers deur swart aanvallers geskiet

‘n Egpaar van Bryanston, Johannesburg, is geskiet terwyl hulle probeer het om hul 9-jarige dogter te beskerm teen swart aanvallers.

Die Citizen berig dat Barbara Edwards Woensdagoggend om hulp geskree het toe sy en haar man, Norman, voorgekeer is deur drie swart gewapende rowers op hul eiendom.

Edwards het aan die koerant gesê haar dogter was in die motor en sy het slaags geraak met een van die verdagtes.

Edwards is een keer geskiet, en haar man is drie keer geskiet, voor die swart aanvallers weggehardloop het.

Hul dogter is ongedeerd.

“Hulle het probeer om ons in die huis te kry. Sy het die toneel buite gehou en dit was toe hulle planne gefnuik is. My vrou het ons gered,” sê Norman Edwards.

Netcare 911 se paramedici het die skietvoorval in Collegelaan Woensdag aangemeld. Die ouers is in die hospitaal opgeneem.

Twee gebruik glo Zuma se naam vir gunste en geld

Die presidensie het ‘n waarskuwing uitgestuur ma maatskappye se uitvoerende beamptes asook die publiek om op die uitkyk te wees vir twee swart vroulike bedrieërs wat die naam van President Jacob Zuma en die presidensie misbruik om werk en gunste te verkry.

‘n Woordvoerder, Bongani Majola het gesê ‘n vrou met die naam van Pink Nomathamsanqa Vena, wat glo ‘n uitvoerende beampte by Prasa was tot drie maande gelede, het senior bestuurders in maatskappye genader op soek na werk of gunste.

“Sy beweer dat sy deur die presidensie se hoofbestuursbeampte, Lakela Kaunda verwys is, op die instruksies van President Jacob Zuma,” het Majola gesê.

Hy het gesê Zuma het nog nooit Vena ontmoet nie, en ook nie Kaunda nie.

‘n Vrou wat na bewering in diens is as ‘n ontvangsdame by Hillview High School in Mayville, gebruik ook die naam van die president om mense te bedrieg.

Majola het gesê die vrou beloof om werkgeleenthede te verseker by die presidentskap in ruil vir geld.

Hy het gesê die saak is na die departement van basiese onderwys verwys vir ondersoek.

“Lede van die publiek word aangemoedig om waaksaam te wees en om inligting te verifieer te alle tye en nie toe te laat dat hulle mislei word deur gewetenlose individue nie.”

‘Samelewing ag leeu hoër as mens’

Dit is betreurenswaardig wanneer die samelewing ’n vlak bereik waar ‘n leeu se waarde hoër is as die van ’n mens.

Dit is volgens toerismekenner, Melville Saayman, en volg op die omstredenheid rondom die onwettige doodmaak van Cecil die leeu deur die Amerikaanse jagter Walter Palmer, verlede maand.

Saayman het kommentaar gelewer nadat dié gebeurtenis in ‘n mediasirkus van emosiebelaaide onsinnighede ontaard het.

Saayman het verder gesê die herrie rondom die Zimbabwiese maanhaar is ironies, gegewe die lot van hongerlydendes in dié land en ander Afrika-lande.

Saayman meen verder dit is sleg dat die jagbedryf soveel negatiewe aandag kry.

Hy sê renosterjag behoort eerder beperk te word aangesien die renoster só bedreig word. Saayman sê trofeejag is baie meer as net leeujag of die Groot Vyf.

Soweto-onlusmakers steek brandweerwa aan die brand, beseer brandweerman

Die Johannesburgse Nooddienste het bevestig dat ‘n brandweerman vanoggend in die hospitaal opgeneem is nadat onlusmakers in Soweto ‘n brandweerwa aangeval, dit met klippe bestook en agterna aan die brand gesteek het.

Die brandweerwa behoor aan die Diepkloof-brandweerstasie en is ‘n “eerste-oproepvoertuig”, wat beteken dat dit normaalweg eerste by ‘n noodtoneel of reddingsgeval opdaag.

Die toerusting op die brandweerwa is beskadig of vernietig terwyl dele daarvan gesteel is.

Volgens die liberale media wat ook oor dié geval berig het, verteenwoordig dié optrede ‘n “betoging”.

Die woordvoerder vir die Johannesburgse Nooddienste, Robert Mulaudzi, sê: “Hulle het die brandweerwa voorgekeer en dit met klippe begin gooi. Een van die brandweermanne is beseer toe hy deur die klippe getref is. Hy het mediese behandeling op die toneel ontvang en is daarna na die Milparkhospitaal geneem vir verdere behandeling.

Volgens Mulaudzi moet die aanval veroordeel word.

“Dis regtig ‘n treurige dag vir ons as nooddienste. Ons wil ook die gemeenskappe daarbuite versoek om inligting te verskaf oor die vermiste toerusting en dat diegene wat betrokke was, na vore sal kom.”

Daar is tans onluste in Soweto weens die afsnyding van onwettige elektriese verbindings.

Taxi-baas doodgeskiet

Die Noordwes-polisie het nog niemand in hegtenis geneem in verband met die skietdood van Jeffrey Mbambane (55), die voorsitter van die Groter Stilfontein Taxi-vereniging in Klerksdorp nie.

Mbabane is gisteraand deur ‘n onbekende persoon in sy huis doodgeskiet. Polisiewoordvoerder Paul Ramaloko sê Mbabane is een keer in die kop geskiet terwyl hy op sy rusbank gesit en televisie kyk het.

Ramaloko het aan OFM-nuus gesê die motief vir die misdaad is op dié stadium nog onbekend.

Jericho springlewendig maar Cecil morsdood

Die beheerliggaam van Zimbabwe se nasionale parke, Zimparks, en navorsers wat die leeus in die Hwange nasionale park bestudeer, het gerugte ontken dat die leeu, Jericho, broer van Cecil, ook doodgeskiet is.

Die Zimbabwiese bewaringtaakspan, ‘n omgewingsgroep, het konsternasie onder diereliefhebbers wêreldwyd veroorsaak toe dit Saterdag op Facebook aangekondig het dat Jericho ook ‘n onwettige jagter ten prooi geval het.

Zimparks het Sondag egter die gerugte die nek ingeslaan en laat weet dat “die leeu bekend as Jericho lewendig is en deur die Lion Reseach Project gemonitor word.”

‘n Ander Amerikaanse trofeejagter het glo in April sonder ‘n permit ook ‘n leeu gejag.

Volgens ‘n verklaring van die Zimbabwiese regering het die ondersoek na onwettige jag sedert Cecil se dood tot die inhegtenisname van die safari-organiseerder, Headman Sibanda, gelei.

Sibanda se kliënt was ‘n Jan Casmir Sieski van Pennsylvania wat die leeu op Sibanda se plaas gejag het.
Wye beperkinge op jag rondom die Hwange nasionale park is Saterdag deur die owerhede aangekondig.

Die jag op leeus, luiperds en olifante in die omgewing van die wildreservaat in die weste van Zimbabwe is verbied asook die gebruik van pyle en boë, die items waarmee Cecil geskiet is.

Zimbabwe se beroepsjagters waarsku dat ‘n algehele verbod op trofeejag ‘n negatiewe invloed op wildbewaring in die land sal hê.

Die regering het die naweek aangekondig dat ‘n moratorium geplaas word op die jag van leeus, luiperds en olifante in die Hwange gebied nadat die jag van die twee leeus onlangs opslae gemaak het.

Die dood van Cecil die leeu het ‘n debat oor trofeejag ontketen wat druk op die Amerikaanse regering plaas om die invoer van trofeë te verbied.

Die voorsitter van Zimbabwe se beroepjagsters-vereniging, Louis Muller sê afgeleë gemeenskappe is afhanklik van die inkomste wat hulle uit jagters verdien, en sal andersins met mekaar om skaars natuurlike hulpbronne moet meeding.

Die Amerikaanse lugredery, Delta het intussen die jongste redery geword wat ‘n verbod plaas op die vervoer van wildlewe-trofeë.

Die besluit volg ná opslae wêreldwyd oor die jag van leeus.

Delta sê hy sal nie langer die oorskot van leeus, luiperds, renosters en buffels op sy vlugte vervoer nie. Die redery vlieg na verskeie stede in Afrika, waaronder Johannesburg.

Intussen is ‘n leeuwyfie deur wilde leeus in haar kamp doodgebyt. Sy is deur mense grootgemaak.

Thembile se aanvallers het lank saam met haar in die kamp deurgebring.

Die private wildspark Gweru, het gesê dat hulle “met skok en diepe hartseer” van die voorval kennis geneem het.

Malema opgeruimd na hofuitspraak

Die verhoor van Julius Malema, EFF-leier, is uitgestel omdat een van sy medebeskuldigdes siek is. Malema se saak vir bedrog en korrupsie is van die hofrol geskrap in die Hooggeregshof in Polokwane, omdat een van sy mede-beskuldigdes nie in die hof was nie.

Malema was merkbaar opgeruimd toe hy die hof ingestap het en vir die media gevra hoe dit met almal gaan.

Die leier van die Ekonomiese Vryheidsvegters staan op klagte van bedrog, korrupsie, geldwassery en afpersing tereg.
Dit hou verband met ’n regeringskontrak ter waarde van ten minste R60 miljoen wat ses jaar gelede aan hom toegeken is, toe hy nog die leier van die ANC se jeugliga was.

“Wil julle lekkergoed hê? (Jacob) Zuma het vir my die platform gegee om met julle te praat,” het hy laggend opgemerk.

Sy medebeskuldigde, Lesiba Gwangwa, is in die hospitaal en sal vir ‘n onbepaalde tyd daar wees. ‘n Mediese sertifikaat is by die hof ingedien.

Adv. Billy Moloasi, staatsaanklaer, sê hulle was nie bewus hiervan nie. Gwangwa se regspan het gevra dat die verhoor tot vroeg volgende jaar uitgestel word.

Adv. Mike Hellens SC, namens Malema, het aan die hof gesê hy is geskok om te hoor dat Gwangwa nie hier is nie. Die staat moet nou besluit of die saak teen Gwangwa van dié van Malema en Kagiso Dichabe geskei gaan word.

Die Nasionale vervolgingsgesag sê aanklagte van korrupsie en swendelary kan weer teen Malema en sy twee medebeskuldigdes ingestel word.

Woordvoerder Luvuyo Mfaku sê die drie is nie vrygespreek nie en die direktoraat van openbare vervolging kan moontlik besluit om die saak weer in te stel.

Regter George Motlhe het Dinsdag gesê die saak sloer te lank en dit benadeel die beskuldigdes wat in die hof is en gereed is om voor te gaan. Hy het gelas dat die beskuldigdes se borggeld terugbetaal word.

Die saak sloer al sedert 2012.

Die staat voer aan Malema se Ratanang-familietrust het voordeel getrek uit ‘n onregmatige tender aan On Point-Engineering.

Malema het Dinsdag beweer dat hy nie meer strafregtelike aanklagte in die gesig staar nie, maar regskenners meen dit is te vroeg vir die EFF-leier om fees te vier en sê dat die staat waarskynlik weer aanklagte teen hom gaan indien.

Grondgryp-chaos in Namibië vir eers afgeweer sê president

Namibië se pres. Hage Geingob het in ‘n onderhoud met die Republikein gesê die beplande grondgrypaksie sou die land in chaos gdompel het.

“Baie mense is onbewus van wat kon gebeur het, as ek nie die vergadering met die Beweging vir Regstellende Herposisionering (AR) op 24 Junie gereël het nie. Die land kon onregeerbaar gewees het.”

Geingob het gesê dialoog is belangrik om konflik te verhoed. Swapo het egter afvallige jeugleiers wat hulle nie aan die party se opdrag gesteur het om die beplande besetting van grond te laat vaar nie, vroeër uit die party geskop.

“Wat skuiling betref, het ons begin om grond vir behoeftiges skoon te maak. Dit is nie ‘n maklike proses nie en kan nie oornag gebeur nie. Wat hongersnood betref, werk ons aan die totstandkoming van ‘n voedselbank. Hierdie inisiatief word deur die ministerie van armoedeverligting en maatskaplike welsyn, onder die leierskap van biskop Zephania Kameeta bedryf. Dit is die regering se oogmerk om al die mense in al die Katuturas oral in die land te voed. Dieselfde ministerie sal toesig hou oor die voedingsprogram vir skole en ondersoek na die toepasssing van ‘n aangepaste basiese inkomstetoelaag instel.”

Geingob het gesê ‘n nasionale dialoog oor armoedeverligting sal deur biskop Kameeta en sy amptenare gereël word.

“Ek wil hê die Namibiese huis moet inklusief, vreedsaam en skeppend wees. Ons moet almal hande vat en in die gees van ‘harambee’ (Swahiliwoord vir trek saam) in een rigting trek,” het Geingob gesê.

Geingob het bygevoeg dat die tweede fase van die bevrydingstryd op hande is, “die soeke na ekonomiese emansipasie”.

“Wanneer ‘n mens ‘n roereier geniet, smaak dit goed, maar ten einde ‘n roereier te eet, moes een pragtige, heel eier gebreek word.”

Swart kinders in NW gaan nie skool

Byna 600 swart leerlinge van Matloding naby die Botswanagrens in Noordwes woon glo nie skool by nie.

Dit volg nadat inwoners weke gelede begin het om hul kinders uit die skool te hou, en die plaaslike laerskool nou toegemaak het.

Die ouers sê daar is geen hoërskool in die omgewing nie en dit dien dus geen doel om ‘n kind op laerskool te hou nie. Hulle versoeke vir ‘n hoërskool val glo op dowe ore.

Die departement van onderwys was nie dadelik vir kommentaar beskikbaar nie.