Kategorie: Nuus

Duitse kenner onthul ‘terreurbestuur’

Die Duitse joernalis en regeringskonsultant Christoph Hoerstel, was 2006/7 spreker oor die onderwerp van Afghanistan by die leierskapsentrum (ZInFü) van die Bundeswehr.

In hierdie verband het hy het die term “terreurbestuur” gedefinieer en in die klaskamer ontleed, om soldate in dié land in staat te stel om die bisarre gebeure waarmee hulle te kampe gehad het, te verklaar.

Alle lesinginhoud is persoonlik hersien en deur die Duitse owerhede goedgekeur.

Op grond van hierdie ervaring, sê hy, is die vrees vir terrorisme nie toevallig nie. Dit word, volgens Hoerstel, aangewend deur regerings met ‘n sekere doelwit.

In tye van krisis en politieke onsekerheid, bestuur intelligensie-agentskappe, tesame met alle NAVO-regerings, die voorbereiding en uitvoering van aanvalle.

Hoerstel sê hy het in Afghanistan ontdek dat alle NAVO-lande daaroor lieg dat daar ‘n stryd teen terreur woed.

Daar is geen “oorlog teen terreur” nie, maar eerder “bestuurde vrees” of dan “terreurbestuur” wat gebruik word om sekere beleidsrigtings en besluite af te dwing, sê hy, omdat die akteurs reeds aan die veiligheidsmagte in 95% van alle gevalle bekend is.

Hy onthul ook dat ISIS in Jordanië deur die CIA opgelei is om terreur te pleeg.

Dat terreur na Europa uitgevoer word, is ‘n manier om politieke probleme aan te spreek wat oplaai weens die finansiële krisis wat lidlande in die gesig staar.

Hoerstel sê dit is ‘n harde, “bloedige bedryf” waar geld, inligting en menslike hulpbronne bewillig word en waar onskuldige mense opgeoffer word.

Hy meen ook dat Charlie Hebdo só ‘n geval is waar die mees ongewilde Franse president wat slegs 13% steun geniet het vóór die skietery, se gewildheid skielik na 29% opgeskiet het.

Marine Le Pen het onlangs in ‘n onderhoud met Sophie Desjardin van Euronews gesê Francois Hollande lyk op die oppervlak onskadelik maar is tot wrede koelbloedigheid in staat. Sy het nie uitgebrei oor haar opmerking nie.

Minister bevestig dat De Kock onder toesig is

Die Minister van Justisie, Mike Masutha het bevestig dat die voormalige Vlakplaas-bevelvoerder, Eugene de Kock uit die gevangenis vrygelaat en onder toesig van korrektiewe dienste is, het RSG berig.

Die minister wou glo op versoek van De Kock geen verdere inligting verstrek nie. De Kock het in Januarie parool ontvang, maar dit het verlede week aan die lig gekom dat hy moontlik teen sy sin aangehou word.

De Kock se prokureur, Julian Knight sê hy is deur ‘n tussenganger in kennis gestel dat sy kliënt ontevrede is met die huidige situasie en dat hy met sy lewe wil aangaan.

Volgens berigte word De Kock vir sy eie veiligheid op ‘n geheime plek aangehou.

Malema kom tot wit ikonoklaste se redding

Amerikaners breek Saddam se standbeeld af
Amerikaners breek Saddam se standbeeld af
Die EFF-leier Julius Malema het tot wit ikonoklaste se redding gekom en ‘n beroep op Suid-Afrikaners gedoen om die wet te verontagsaam en alle “apartheid-era simbole”, soos die standbeeld van die voormalige Eerste Minister Louis Botha buite die Parlement, af te breek.

Volgens die Sunday Independent, het Malema ook mense aangemoedig om Cecil John Rhodes se standbeeld by die Universiteit van Kaapstad te vernietig, alhoewel daar reeds konsensus bestaan dat die standbeeld verwyder moet word.

Dit lyk na die jongste poging om Rhodes se standbeeld te red, aangesien enige onwettige optrede sal verhoed dat die standbeeld uiteindelik geskuif word.

Dit is nie seker of Malema bedoel het Rhodes en Botha se standbeelde soos Saddam Hoessein s’n in Irak neergevel behoort te word nie. Die VSA was besonder trots dat hulle Hoessein se standbeeld uit sy voetstuk gebreek het met hulle inval in die land.

Amerika het leuens versprei oor Irak se wapens van massavernietiging wat nooit gevind is nie, om ‘n inval in Irak te regverdig en honderdeduisende burgerlikes en kinders te vermoor.

Malema het intussen gesê hy is nie bekommerd oor die feit dat hy in hegtenis geneem kan word vir die aanhitsing van openbare geweld nie, omdat hy nie ‘n “vrot regering” respekteer nie.

Die jong swart leier, wat toenemend soos nog ‘n buikspreker – ‘n lewendige een – optree, het mense aangemoedig om wit simbole te vernietig, voor ‘n juigende gepeupel in Langa in Kaapstad Saterdag om “menseregte” te vier.

“Ek daag jou uit. Ek daag jou uit. Revolusie is nie ‘n wettige aktiwiteit nie. Jy moet ophou luister na hierdie dinge soos ‘dit is onwettig’. Daar is niks soos dit nie,” het hy gesê.

“Ek daag jou uit, die vegters van die Wes-Kaap, die standbeeld van Louis Botha by die Parlement, dit moet weg…… hoe dit gebeur, ek is nie geïnteresseerd nie… maak ‘n plan met daardie standbeeld.”

De Lille, Ramaphosa hits mekaar aan om wit rassiste te jag

Die burgemeester van Kaapstad, Patricia de Lille het adjunkpresident Cyril Ramaphosa uitgedaag om bewyse van beweerde rassisme in Kaapstad vir haar te stuur.

De Lille het in ‘n ope brief aan Ramaphosa gevra om die bewerings, wat hy in die parlement gemaak het, met feite te staaf. Hy het na wat berig word verwys na voorvalle waar swartmense sleg behandel is in restaurante, verhoed is om by sommige hotelle tuis te gaan en ook geweier is om sommige woonstelle in die Wes-Kaap te huur.

Ramaphosa het ‘n beroep op die DA-leierskap gedoen om die inisiatief te neem om die land van die “kanker van rassisme en xenofobie” te bevry.

Hy het gereageer op ‘n vraag in die Nasionale Vergadering Woensdagmiddag oor wat die regering doen om korrupsie uit te roei, toe hy die onderwerp na xenofobie in die Wes-Kaap verander het.

“As daar ‘n restaurant is wat bekend is in die Wes-Kaap, want daar is baie [van hulle] hier, waar swart mense nie goed behandel word nie, moet dit die leierskap van die Wes-Kaap wees wat sê: ‘Dit word nie toegelaat nie” en [sulke restaurante] moet nie in Suid-Afrika toegelaat word nie.”

Dit is nie seker hoe restaurante met korrupsie verband hou nie, behalwe dat swart staatsamptenare dikwels rojaal met belastingbetalers se geld uiteet.

“Ek het vriende wat wou plekke bespreek in hotelle in die Wes-Kaap en toe hulle hul vanne uitgespreek en dit blyk swart te wees, is hulle weggewys. Ek het jong mense wat probeer woonstelle te huur in die Wes-Kaap en wanneer hulle hoor hulle is swart, word hulle onmiddellik weggewys.”

Kaapstad en Durban is berug daarvoor dat hulle op soortgelyke wyse ook teen wit Afrikaanssprekendes diskrimineer, maar klaarblyklik is Ramaphosa en De Lille nie bewus hiervan nie.

De Lille het gesê rassisme word te maklik ‘n politieke speelbal in die land maar nogtans dadelike gehoor gegee aan Ramaphosa se oproep en ‘n “teen-rassisme” veldtog van stapel gestuur.

Sy het nie kommentaar gelewer op die rassistiese uitlatings teen wittes by die Universiteit van Kaapstad nie.

Landbouminister prys Afriforum oor plaasmoordinisiatief

AfriForum se vergadering Vrydag, met die ANC se minister van landbou, Senzeni Zokwana, was glo “opbouend” sê dié organisasie.

Die vakbondsambreelorganisasie sê moontlike stappe wat gedoen kan word om die veiligheid van boere en ander Suid-Afrikaners in landelike gebiede, te verbeter, is bespreek.

Volgens die sambreelorganisasie was die minister beïndruk met die stappe wat reeds in plek gestel is om plaaslike gemeenskappe te betrek by veiligheidsinisiatiewe, én met die afname wat misdaad getoon het as gevolg van hierdie inisiatiewe.

AfriForum het onder meer ingestem om die departement volle toegang tot hul navorsing oor plaasmoorde te gee.

Die organisasie is besig met ’n omvattende studie waarvan die verslag voor die einde van die jaar aan die minister oorhandig sal word.

Bakkie met lyk in Randburg vasgetrek

Man is gistermiddag in Randburg, Johannesburg in hegtenis geneem nadat sekuriteitswagte die liggaam van ‘n dooie vrou agter op sy bakkie ontdek het, het die Gautengse polisie gesê.

Die ras van die bestuurder, sy handlanger en die gruvonds is nie bekend nie, maar hulle is vermoedelik swart.

Veiligheidswagte aan diens in Randburg het twee mans in ‘n oop ruimte langs ‘n Nissan-bakkie sien staan, het luitenant Kay Makhubela gesê.

Een van die mans het ‘n graaf in sy hand gehad. Toe die wagte nader kom om die mans te ondervra, het een van hulle in die bakkie gespring en weggery, terwyl die ander een met die graaf te voet gevlug het.

“Die sekuriteit het [die bakkie] agternagesit… en hulle het hom vasgekeer in een van die strate,” het Makhubela gesê.

“Hulle het ontdek dat daar ‘n liggaam van ‘n vrou agterop die bakkie was.”

Die bestuurder van die bakkie is in hegtenis geneem. Die polisie is steeds op soek na die tweede man. Makhubela het gesê die vrou het kneusplekke aan haar regterhand en voorkop, maar dit is nog nie duidelik hoe sy vermoor is nie.

Seks, drank en rook onder minderjariges buite beheer

‘n Winkelsentrum in Krugersdorp, Gauteng het ‘n partytjiebestemming vir wit minderjariges geword wat drink en rook.

In baie gevalle laai die ouers hul tieners by die winkelsentrum af denkende dat hul telge gaan fliek, sonder enige idee van die oortredings wat sommiges in die donker hoeke van die sentrum begaan.

Die Krugersdorpnuus het klagtes ontvang oor minderjarige kinders wat in die openbaar by die winkelsentrum drink en rook. Oortreders word ook by die dam op sekere dae van die week en oor naweke gewaar.

Na bewering is seksuele aktiwiteite reeds op afgeleë plekke in die sentrum opgemerk, met tieners wat gevang is in bedenklike posisies.

Daar is reeds berig oor dwelmmisbruik deur die jongmense, en na bewering rook ‘n paar tieners dagga openlik by die skaatsplankpark.

Die Krugersdorpnuus het onlangs die Key West-winkelsentrum besoek om verslag te doen oor die Jack Parow-verskyning.

Minderjarige kinders is opgemerk waar hulle rook en drink binne en net buite die sentrum, by die skaatsplankpark en die dam.

Die Krugersdorpnuus het selfs ‘n foto van ‘n minderjarige meisie met ‘n alkoholiese drankie geneem terwyl sy kennelik onder die invloed luidrugtig oor die aankoop van ‘n ses-pak biere redekawel, heeltemal onbewus van die nuusspan se teenwoordigheid.

Een van haar vriende nie te ver weg weg nie, het die flits van die kamera gesien en het ‘n opmerking gemaak oor ‘n foto wat geneem word.

Die jong seun, skaars 13 jaar oud, het die nuusspan uitgetart: “Kyk antie”, en geposeer vir ‘n foto met ‘n sigaret in sy mond.

Esther Sequeira van Hoërskool Roodepoort het gesê sy het dié verskynsel al dikwels gesien: “Al baie kere gesien hoe jong meisies … miskien 14 uithang saam groot volwasse anderkleurige mans, beslis onder die invloed van drank of dwelms. Ouers word moet wakker word. Kinders is kosbaar.”

keywest

‘Ek sal my klere uittrek en jou hard bliksem’

‘n Ongeluk Saterdagmiddag waarby ‘n verkeersvoertuig betrokke was asook die gedrag van ‘n verkeersopsigter op die toneel word deur die George-munisipaliteit ondersoek, het George Nuus berig

Verna Portland, ‘n munisipale verkeersbeampte, het na bewering sonder enige sirenes of noodligte uit die buitebaan ‘n U-draai in Knysnaweg, oorkant Hartman Slaghuis, gemaak en met die wit Nissan van Serena en Erasmus Lamprecht, wat in die binnebaan gery het, gebots. Albei was op pad in die rigting na Wilderness.

Portland was alleen in die voertuig. Sy wou na bewering ‘n ligblou BMW, wat uit die parkeerarea by Hartmans regs in Knysnaweg geswaai het, agternasit toe sy die U-draai gemaak het.

Lamprecht, wat ‘n passasier in die ander voertuig was, is lig beseer en na die hospitaal geneem vir ‘n mediese ondersoek. Hy is dieselfde dag ontslaan.

Die ondersoek teen die verkeersopsigter Wichesscoff Fortuin spruit uit ‘n voorval met André Heyns, een van die eerste mense op die ongelukstoneel. Fortuin, wat in uniform was, het na die ongeluk saam met ‘n ander verkeersbeampte op die toneel aangekom.

Heyns het ‘n amptelike klag by Rosa Louw van die George-munisipaliteit ingedien onder wie die verkeersopsigters ressorteer en hy het ook ‘n kriminele klag by die George-polisie gelê.

Hy sê hy het gedink hy doen goed deur te help om verkeer van die ongeluk weg te lei totdat die ander verkeersmense daar opdaag. Daarna het hy foto’s van die toneel begin neem en is dit toe dat Fortuin hom na bewering uitgevloek en gedreig het.

” As jy nie nou ophou foto’s neem nie, sal ek my klere uittrek en jou hard bliksem,” het Fortuin volgens Heyns gesê.

Heyns sê hy verstaan dat ongelukke gebeur. “Die verkeersbeampte was egter nalatig toe sy ‘n onwettige U-draai gemaak het. ‘n Opgeleide verkeersbeampte moet nie so ‘n fout maak nie. Nou moet die arme mense sukkel om oor die weg te kom nadat hul enigste voertuig beskadig is.”

Heyns het Saterdag ook foto’s en inligting oor die ongeluk op Georgiete Staan Saam se Facebook-blad gelaai waar ‘n plaaslike raadslid Gert Niehaus, gekritiseer is oor sy kommentaar. Van die mense wat kritiek gelewer het, het Niehaus daarop gewys dat hy ‘n openbare figuur is en nie sulke uitlatings op sosiale media moet maak nie. Die inskrywings is intussen van die blad verwyder.

Niehaus het in sy inskrywing gesê: “Ek moet sê daar is goeie beamptes. Die twee of drie vrot appels moet van ontslae geraak word. Daar moet beslis aan dissipline gewerk word. Dit is baie duidelik in die boodskap wat ons as raadslede aan verkeer meedeel. Ek skaam my.”

Niehaus het aan die George Herald gesê hy het bloot reageer op navrae in ander inskrywings. “Wat ek gesê het was by wyse van spreke en het niemand se naam genoem of geïnkrimineer nie. Dis nou al die hoeveelste geval binne ‘n maand en dis belangrik dat daar strenger opgetree word wat dissipline betref. Wat die betrokke persone betref, verdien almal ‘n regverdige kans om hulle kant te stel.”

Die munisipale bestuurder, Trevor Botha, het by navraag gesê hulle ondersoeke die voorval. “Sou daar bevind word dat enige amptenaar hul skuldig gemaak het aan wangedrag, sal daar dienooreenkomstig teen hulle opgetree word.”

Bediende wat baba glo aanrand soek

‘n Swart bediende van Welkom wat daarvan aangekla word dat sy haar voormalige werkgewers, Org en Anna-mi Linde, se babaseun aangerand het, het nie Donderdag vir hofverrigtinge opgedaag nie.

‘n Lasbrief vir haar inhegtenisname is intussen uitgereik. Die saak is tot 7 April uitgestel.

Mafsehediso Lisbeth Makashea was veronderstel om in die Welkom-streekhof te verskyn waar sy tereg staan op aanklag van aanranding met doel om ernstig te beseer.

Sy is in Desember op kamera gevang waar sy baba Nico Linde, toe sewe maande oud, mishandel en aanrand as hy huil.

Die bediende word ook van diefstal aangekla.

Makashea is in Desember in hegtenis geneem. Die ouers het kamera in die sitkamer opgestel waarmee Makashea se mishandeling van Nico opgeneem is toe hulle nie tuis was nie. Hulle het ‘n soortgelyke slegte ervaring met ‘n vorige bediende gehad.

Die egpaar het strafregtelike klagte teen Makashea aanhangig gemaak nadat hulle die beeldmateriaal gesien het.

Vreemde inbraak by Sapa dae voor sluiting

‘n Polisiedossier is geopen na ‘n inbraak by die SA Persvereniging se kantore in Pretoria. Die nuusagentskap sê rekenaar-moederborde en hardeskywe is uitgehaal en gesteel.

Dié inbraak kom net enkele dae voordat Sapa sy deure vir goed sal sluit.

Die maatskappe se IT-bestuurder, Munetsi Chiunda, sê geen ander toerusting is gesteel nie. Chiunda het gesê dit wat oorgebly het, is intussen verskuif na die Johannesburgse kantoor vir veilige bewaring.

Chiunda sê hy het Sondag by die kantoor opgedaag nadat ‘n joernalis die inbraak ontdek het, en gevind toerusting en meubels is rondgeskuif.

Daar was sigbare tekens van gedwonge toegang op een van die deure. Die diewe het probeer om die skroewe van die slot van die tweede deur te verwyder, maar het misluk.

“Dit wil voorkom asof hulle toegang met behulp van die vuuruitgangnooddeur verkry het,” het hy gesê.

Sapa se redakteur, Mark van der Velden, sê iets is nie pluis met die inbraak nie. Hy sê dis vreemd dat die diewe lank doenig was om die hardeskywe en moederborde uit die rekenaars te verwyder.

Sapa sal om middernag van die 31 ste Maart sy laaste berig uitstuur.

Hy het gesê hy hoop die polisie sal ondersoek instel en die oortreders vang.