Nuus – Bladsy 1123 – praag.co.za

Zim: Pahad kla weer oor media

Zim is die media se skuld…

Die ANC-bewind se adjunk-minister van buitelandse sake, Azziz Pahad, het gister weereens die media gekritiseer oor hul hantering van die Zimbabwe-krisis. Volgens hom dien hulle die saak van “eksterne en interne magte in Zimbabwe wat regime-verandering wil sien”.

Pahad glo dat toestande nou in die land bestaan wat “’nasionale dialoog moontlik maak”. Die ANC het ook in ’n ander verklaring om “vreedsame en inklusiewe oplossings gevra”. Hiermee word waarskynlik bedoel dat Mugabe en Zanu-PF die land moet aanhou regeer.

Pahad het voortgegaan om buitelandse regerings vir die situasie in Zimbabwe te blameer en meen die “Suid-Afrikaanse media moet ’n meer konstruktiewe rol speel deur ons te help om ’n oplossing vir die Zimbabwiese krisis te vind. Ons glo nie dat dit die taak van die Suid-Afrikaanse media is om massiewe dekking aan sienings van regerings buite Afrika te gee en dit met die sienings van die Suid-Afrikaanse regering te kontrasteer nie. Ons dink nie dis behulpsaam om ’n oplossing vir die Zimbabwiese uitdagings te vind nie.”

Pahad het verder vermeld dat sy regering “diep besorg is oor die uitbraak van geweld oor die afgelope 24 uur tussen die nasionale weermag van die Demokratiese Republiek van die Kongo en die veiligheidspersoneel van die vorige presidensiële kandidaat en leier van die opposisie”. Hy het versoek dat vyandelikhede gestaak word en onderhandel word sodat die demokratiese proses gevolg kan word.

устройство

Sosialistiese vrou geniet meeste steun van swart Franse

Royal met potensi?le kiesers

Ségolène Royal word deur swart Franse afkomstig uit Afrika beskou as hulle kandidaat in die komende Franse presidentsverkiesings.

Die eerste rondte van die negende verkiesing onder die Vyfde Republiek sal op Sondag 22 April 2007 plaasvind en indien geen kandidaat meer as 50% behaal nie, sal ’n tweede rondte op 6 Mei 2007 gehou word.

Royal, dogter van ’n politikus, is een van die linkse sosialistiese kandidate in ’n verkiesing met weereens te veel name op die lys volgens sommige ontleders. Sy is in 1953 in Dakar, Senegal gebore.

In ’n opname wat vir die tydskrif Jeune Afrique gedoen is deur ’n befaamde marknavorser, dink 57% van swart kiesers dat hulle haar in die eerste rondte sal ondersteun, terwyl 85% Royal bó Nicolas Sarkozy in die tweede rondte verkies.

Sy is die gunsteling teen kandidate soos François Bayrou wat slegs 19% van voorgenome stemme trek en Sarkozy wat op 11% staan.

Ten spyte van Jean-Marie Le Pen se toenadering tot Arabiere onlangs, lyk dit asof slegs 1% vir hom sal stem in ’n eerste stemming.

Wat ’n tweede en bepalende rondte betref is Royal sonder gelyke onder die swart kiesers. Net 15% verkies Nicolas Sarkozy teen die 85% wat ’n eerste vrouepresident sal steun. Die ander gunsteling, Bayrou, behaal 29% teen Royal se 71%.

Nietemin verkies meer swart kiesers Bayrou bó Sarkozy, met 83% teen 17%. Sarkozy het tydens die onluste in Parys sy stem dik gemaak teen die immigrante-“rampokkers” en hom sodoende ongewild onder swartes en Arabiere gemaak.

Swartes uit Afrika verteenwoordig tussen 3,5% en 4% van die totale kieserslys in Frankryk. Die marknavorser Ifop kon nie d.m.v. kieserslyste hierdie bevolking noukeurig afsper nie en moes hulle tot Cevipof en die ministerie van Binnelandse Sake se opnames wend.

Navorsing wat gedoen is i.v.m. met die Franse politieke barometer het 21 776 mense opgelewer waarvan 806 verklaar het dat hul ouers of grootouers uit Afrika afkomstig is. Dié spesifieke swart kiesersgroep is daarna met behulp van statitiese modelle verfyn.

Vandag is W?reldtuberkulosedag

Volgens die Suid-Afrikaanse tak van die organisasie Médecins sans Frontières (MSF) is ‘n nuwe benadering nodig om uiters weerstandige tuberkulose (MDR-TB) te beveg. MSF het ‘n verklaring uitgereik op die vooraand van Wêreldtuberkulosedag waarin hulle beweer hierdie nuwe vorm van tuberkulose (TB) vorm maar net die boonste puntjie van die ysberg van mislukte pogings om TB in Suid-Afrika te bekamp. Die aantal TB-infeksies in die land het sedert 1996 verdubbel. 444 Uit elke 100 000 Suid-Afrikaners ly aan die siekte. Suid-Afrika tel onder die lande met die hoogste voorkoms van TB ter wêreld.

Volgens dr Eric Goemaere, hoof van MSF in Suid-Afrika, verskil die konteks hier van bv Oos-Europa, waar MDR-TB suksesvol behandel word. Hier is die meeste draers van die siekte ook besmet met MIV/vigs en maak gebrekkige infrastruktuur gesentraliseerde hospitaalsorg baie moeilik. MSF reken dat een uit elke vyftig mense in Khayelitsha jaarliks tuberkulose opdoen. 67% Van hulle is ook MIV-positief. Gauteng, met sy bevolking van 9,7 miljoen, het die hoogste voorkoms van TB van al die provinsies.

Op die oomblik neem dit gemiddeld twee maande om MDR-TB te diagnoseer en pasiënte kan tot vier maande vir ‘n hospitaalbed wag. Die Wes-Kaapse gesondheidsdiens het voorts bevind dat sowat 38% van pasiënte met MDR-TB behandeling staak omdat hulle nie vier maande in die hospitaal wil deurbring nie en nie hou van die newe-effekte van die medisyne nie.

MSF het verder die Gautengse gesondheidsdepartement se besluit om vroeër die week dertien pasiënte met MDR-TB te dwing om behandeling te ondergaan, gekritiseer. Volgens MSF is dit nie ‘n volhoubare oplossing vir die TB-probleem nie.

SA, Zimbabwe vaar teen media uit

Joyce Mujuru

Terwyl ’n geheime vergadering tussen die ANC-bewind se adjunk-president, Phumzile Mlambo-Ngcuka, en haar Zimbabwiese eweknie, Joyce Mujuru, in ’n Johannesburgse hotel plaasgevind het, het beide regerings steeds uitgevaar teen mediadekking van die krisis in Zimbabwe en magte van buite wat “regime-verandering” in die land probeer bewerkstellig.

Die besoek van Joyce Mujuru het tot spekulasie aanleiding gegee dat sy die ANC-bewind mag vra om haar te help om Mugabe uit te werk. Sy en haar man, genl. Solomon Mujuru, word as twee van die magtigste mense in Zimbabwe beskou, maar het blykbaar in onguns by Mugabe verval weens hul ambisie om hom te onttroon. Mujuru het sy vrou na Suid-Afrika vergesel en albei gaan volgens berigte in die luukse Westcliff-hotel in Johannesburg tuis.

Tot dusver het die ANC-bewind vyandig teenoor Zimbabwiese opposisiegroepe gestaan en dis bekend dat die party sou wou sien dat ZANU-PF, ’n “susterbevrydingsbeweging” soos die party al na laasgenoemde verwys het, die land aanhou regeer. Die moontlikheid bestaan dus dat die ANC ’n paleisrevolusie van binne ZANU-PF teen Mugabe sou kon steun.

Sowel die ANC-onder-minister van buitelandse sake, Azziz Pahad, as die Zimbabwiese inligtingsministerie het teen buitelandse joernaliste uitgevaar. Die Zimbabwiese inligtingsministerie het joernaliste, waaronder twee Britse korrespondente, gewaarsku dat die “regering dalk gedwing mag word om teen hulle op te tree” en het die Amerikaanse uitsaaier CNN daarvan beskuldig dat hy sy regering se beleid van “bewindsverandering” in Harare ondersteun.

Pahad van die ANC het gister op sy beurt gesê dat daar “’n mate van geloofwaardigheid” aan bewerings kleef dat “magte van buite” poog om ’n bewindsverandering in Harare te bewerkstellig en hy het die Suid-Afrikaanse media van vooroordeel in hul beriggewing oor Harare beskuldig.

Volgens hom is die Suid-Afrikaanse media “te sensasionalisties” in hul verslaggewing oor Zimbabwe en wy hulle “massiewe dekking aan die sienswyses van Westerse regerings.

Pahad het gesê dat die huidige krisis in Zimbabwe vermy kon gewees het indien Europa, die Verenigde State en Suid-Afrika ’n gemeenskaplike benadering tot die land se probleme gevolg het.

“Die deure sou nie toe gewees het nie” en dialoog met die regering van president Robert Mugabe sou voortgegaan het, het Pahad aan verslaggewers in Pretoria verklaar.

In antwoord op kritiek tuis en oorsee omdat die ANC-bewind in gebreke gebly het om Mugabe se onderdrukking van politieke opposisie regstreeks te kritiseer, het hy gesê: “Dis nie ons voorneme om militante uitlatings te maak om onsself goed te laat voel en om regerings buite die kontinent tevrede te stel nie. Slegs dialoog tussen die verskillende politieke partye in Zimbabwe kan die huidige dooiepunt oplos.”

Pahad het ook die Australiese regering gekritiseer wat ’n beroep gedoen het dat Suid-Afrika se ANC-bewind meer moet doen om die krisis op te los. “Dit is sinneloos vir die Australiese premier om ons te vra om ‘meer te doen’ sonder om te sê wat presies hulle wil hê Suid-Afrika moet doen. Daar is heeltyd vir ons gesê ons sing van dieselfde bladmusiek af, maar dit lyk nou asof ons in verskillende orkeste speel.”

’n Zimbabwiese opposisiefiguur het ook ’n beroep op Westerse moondhede gedoen om hulself van inmenging in die land se politieke krisis te weerhou.

“Die enigstes met die nodige morele gesag om oor Zimbabwe te praat, is Afrikane, het die faksieleier van die Beweging vir Demokratiese Verandering (MDC), Arthur Mutambara Vrydag in Johannesburg gesê.

“Ons waardeer die ondersteuning van Westerse moondhede, maar die dubbele standaarde van die Weste ondermyn ons stryd,” het hy aan tydens ’n seminaar oor Zimbabwe wat deur die Kongres van Suid-Afrikaanse Vakverbonde (COSATU) georganiseer is, gesê.

Mutambara, wat leier is van ’n faksie binne die MDC wat gekant was teen die party se besluit om aan die senaatsverkiesings van 2005 deel te neem, het ook gesê dat eenheid in opposisiegeledere ’n sleutelelement in die “bevryding” van Zimbabwe van Mugabe se heerskappy is.

“Dis ’n groot tragedie dat ons steeds twee faksies binne die MDC het. Een van die basiese lesse is dat ons nêrens sonder eenheid gaan kom nie,” het hy gesê.

Kongolese opposisieleier gaan gearresteer word

Olieraffinadery in Kinshasa

’n Lasbrief vir die inhegtenisname van opposisieleier, Jean-Pierre Bemba, is deur die regering van die DRK ná hewige gevegte in die hoofstad Kinshasa uitgereik. Bemba bevind homself steeds as gas van die Suid-Afrikaanse ambassade in die stad.

Volgens die prokureur-generaal, Tsaimanga Mukenda, sal die feit dat Bemba immuniteit teen moontlike vervolging as senator geniet asook dat hy in ’n ambassade skuil, vir die eertydse rebelleleier geen beskerming bied nie. “Ons sal hom vervolg, waar hy ook al mag wees,” het hy Vrydag gesê.

Die parlement beoog om sy immuniteit op te hef met die oog op die klag van hoogverraad wat teen hom gebring gaan word. Dat Bemba sy milisie bly uitbou het en tot plundering oorgehaal het, word as hoofredes vir die stap aangevoer.

’n Olieraffinadery in Kinshasa wat vermoedelik deur mortiergeskut getref is, het ’n donker rookwolk oor die stad laat hang. Talle restaurante is Donderdagaand geplunder. Die Spaanse ambassadegebou het onder geweervuur deurgeloop en volgens Toussaint Tshilombo, regeringswoordvoerder, is die Zimbabwiese ambassade bestorm.

Die VN kon intussen 630 burgerlikes na veiligheid bring te midde van gevegte wat die hele nag geduur het. Volgens ooggetuies is ’n petroldepot ook in ligte laaie gelaat. Hoeveel mense werklik omgekom het en hoeveel beseer is, is nie bekend nie.

Ooggetuies berig verder dat talle lyke op die Boulevard, die hoofstraat in die sentrum, opgemerk is. ’n Buitelandse vrou wat swaar gewond is, is na die hospitaal gebring volgens ’n werknemer van die Memlinghotel. Die kroeg van dié hotel is deur geweervuur getref. ’n Twaalftal Duitsers is onder meer gaste daar.

Ban Ki-moen, sekretaris-generaal van die VN, het in ’n verklaring gesê dat die toestand in die Kongo uiters kommerwekkend voorkom.

топкарго развод

Een uit elke drie Franse beskou hulself as rassisties

Byna een uit elke drie Franse volwassenes beskou hulself as rassisties, volgens ’n verslag wat Dinsdag in Parys gepubliseer is.

Die verslag wat deur die Nasionale Raadplegende Menseregtekomitee (CNCDH) voorberei is, het bevind dat 30 persent van persone wat in 2006 gekontak is, gemeen het dat hulle rassiste is. Boonop sê 48 persent dat daar te veel immigrante in Frankryk is.

Volgens die verslag, het meer as die helfte van die respondente immigrante geblameer vir die feit dat hulle nie in die samelewing integreer nie en 58 persent het gesê dat “sekere gedragsvorme soms rassistiese reaksies regverdig”.

Terwyl dié syfers effens laer is as die CNCDH se bevindinge in 2005, demonstreer hulle nietemin dat daar vrugbare grond in die land bestaan vir die idees van die regse Jean-Marie Le Pen en binnelandse minister Nicolas Sarkozy; beide politici het die stryd teen onwettige immigrasie tot een van die hooftemas van hul veldtogte in die huidige presidentsverkiesing verhef.

Die CNCDH het ook in sy verslag genoem dat rassistiese en xenofobiese geweldsvoorvalle oor die afgelope jaar met 10 persent afgeneem het, vergeleke met 2005, terwyl anti-Semitiese dreigemente en geweld met 6 persent toegeneem het.

games free casino play free

Kinshasa: Bemba skuil in SA ambassade

Jean-Pierre Bemba

Die verslane presidensiële kandidaat tydens die onlangse verkiesings in die Demokratiese Republiek van die Kongo, Jean-Pierre Bemba, skuil tans in die Suid-Afrikaanse ambassade in die hoofstad Kinshasa na ’n dag van skermutselings tussen sy wagte en die DRK-regeringstroepe.

Ten minste twee burgerlikes is dood en ’n dosyn gewond Donderdag tydens die geweld in die hoofstad wat oor die afgelope tyd kalm was na afloop van die historiese verkiesings verlede jaar. Tydens dié verkiesings is 30 mense gedood. Joseph Kabila het 58 persent van die stemme op hom verenig en Bemba 42 persent.

Een van die gestorwenes gister was ’n werker vir die VN-ontwikkelingsprogram (VNOP), is vanuit diplomatieke bronne bevestig. Een Belg en een Franse burger bevind hulle tussen die gewondes.

Die Verenigde Nasies se vredesmag in die uitgestrekte, oorloggeteisterde sentraal-Afrikaanse land het gesê dat hy meer as 600 mense na veiligheid gebring het wat in die intense gevegte in Kinshasa se Gombe-voorstad vasgekeer was. Tans verteenwoordig die 15 000 VN-soldate in die Kongo die grootste vredesmag ter wêreld.

Gevegte het in die middel van die oggend naby Bemba se huis uitgebreek wat inwoners uit hul huise laat vlug het. Die regering het ook gelas dat skole, ministeries en ambassades gesluit word. In die Franse skool is 90 leerlinge en onderwysers vasgekeer terwyl 350 in die Belgiese skool in Kinshasa agter slot en grendel moes bly.

Spanning het in Kinshasa toegeneem sedert die regering van president Joseph Kabila verlede week aangekondig het dat hy van voorneme is om die militêre mag te verminder wat Bemba, ’n voormalige rebelleleier, beskerm.

Om 17.00 GMT het Bemba oor Radio Okapi, die VN-beheerde radiostasie, ’n beroep op kalmte gedoen en vir ’n skietstaking gevra. Die skote het effens bedaar, maar het intussen weer hervat. Later die middag het mortier-ontploffings en kanonvuur in intensiteit toegeneem soos wat die gevegte versprei het. Onder andere is ’n bank in puin gelê.

Die sakekern word tans deur Bemba-ondersteuners beheer, volgens die BBC.

Volgens die adjunk-ambassadeur van Suid-Afrika, Kenneth Pedro, “Is mnr. Bemba slegs tydelik ingeneem. Hy het hoegenaamd nie om asiel gevra nie. Hy het nie in sy huis veilig gevoel nie. Hy wou in staat wees om met sy werk voort te gaan. Hy is ons gas. Dit sal tydelik wees.”

William Lacy Swing, die hoof van die VN-missie in die DRK (MONUC), het met albei kante kontak gemaak in ’n poging om die spanning te probeer ontlont.

Bemba is uit die Ekwateurprovinsie afkomstig en so ook sy ondersteuners. Gisteroggend het hulle met rooi kopdoeke aan in die hoofstad al dansende en singende aan ’n protesoptog deelgeneem om hul bereidwilligheid om tot ’n konfrontasie met die regering oor te gaan, aan te dui.

online free casino games slots

Helen Zille bou monument vir PAC-stryders

Zille se linkse gade, Johann Maree en seun

Mev. Helen Zille, burgmeesteres van Kaapstad, gaan ’n gedenkteken vir die helde van ’n betoging teen die paswette in 1960 laat oprig. R500 000 gaan bestee word aan ’n monument aan die betogers van die Pan Africanist Congress (PAC) wat in Kwa-Langa deur polisie doodgeskiet is, soortgelyk aan die Sharpeville-insident.

Die opmars deur 30 000 Xhosas van die PAC onder leiding van Philip Kgosana op 30 Maart 1960 het reeds legendariese afmetings in linkse kringe aangeneem. Die betoging is uiteindelik deur ’n enkele blanke polisieman in Kaapstad gestuit, maar vir jare daarna het Bram Fischer en ander lede van die SAKP dit as ’n verlore kans vir revolusie betreur.

Tydens die konflik in Kwa-langa is 20 betogers doodgeskiet. Waarskynlik omdat die PAC daarmee gemoeid was, is dit nooit opgeneem in die huidige ANC-mitologie nie.

Volgens mev. Zille geniet die voorgenome monument die steun van alle politieke partye op die Kaapse stadsraad. Phillip Kgosana en Clarence Makwethu, twee van die PAC-leiers wat destyds die betoging gelei het, het hul dank teenoor die Kaapse burgemeesteres uitgespreek.

Mev. Zille is getroud met die bekende Marxistiese akademikus, mnr. Johann Maree. Sommige lede van haar party is bekommerd oor die toenemend linkse rigting wat die DA onder haar leiding inslaan en waarvan die PAC-monument ’n aanduiding is.

slot free

Meer SA soldate na Afrika

Die Suid-Afrikaanse kabinet het op 20 Maart besluit om meer weermaglede na konflikareas in Afrika te stuur.

750 Soldate sal onder die vaandel van die Afrika-unie (AU) in Soedan ontplooi word, terwyl 1 264 troepe na die Demokratiese Republiek van die Kongo (DRK) gestuur sal word om in die Verenigde Nasies (VN) se Monuc-vredesmag te dien. Tien soldate sal die VN en AU in Ethiopië en Eritrea gaan bystaan. Die kontrakte van 22 Suid-Afrikaanse weermaglede wat tans help met opleiding in die DRK, sal met ‘n jaar verleng word

Vyf soldate sal voorts as militêre waarnemers na Nepal gestuur word om die VN se vredesmag daar te help.

‘n Paar weke gelede het Aziz Pahad, adjunkminister van buitelandse sake, bekendgemaak dat Suid-Afrika sy posisie as voorsitter van die VN se veiligheidsraad in Maart sal gebruik om die organisasie te dwing om AU-vredesendings regoor die Afrika-vasteland te finansier. Die geld wat tot dusver van die Europese Unie (EU) en die VSA ontvang is, was nie genoeg om al die sendings te finansier nie. Die AU sukkel byvoorbeeld steeds om 8 000 soldate bymekaar te maak om as vredesmag in Somalië op te tree. Volgens Pahad het die VN ‘n verantwoordelikheid om te sorg dat stabiliteit in Afrika gehandhaaf word. Sowat 60% van die kwessies waarmee die veiligheidsraad te make het, het betrekking op Afrika.

Данильченко Харьков

Kosovo onafhanklik?

In ’n alleenberig in die Franse koerant Le Monde gister het Martti Ahtisaari, onderhandelaar van die VN oor die status van Kosovo, nadat hy 14 maande lank die woord “onafhanklikheid” by elke moontlike geleentheid vermy het, in sy finale verslag – wat aan die koerant gelek is – gesê dat “onafhanklikheid van internasionale toesig die enigste gangbare opsie” in dié land is.

Kosovo is sedert 1999 onder VN-administrasie geplaas ná die lugaanvalveldtog deur NAVO wat die onttrekking van Serwiese troepe genoodsaak het. In 2005 het die land se parlement, met sy Albanese meerderheid van 90%, ’n resolusie aanvaar vir die skepping van ’n onafhanklike staat en in dieselfde jaar die Finse VN-onderhandelaar verwelkom.

In Oktober 2006 het die Serwiese regering egter ’n nuwe grondwet aanvaar waarin sy soewereiniteit oor Kosovo weer benadruk is. Ahtisaari se verslag wat op 26 Maart 2007 aan die Veiligheidsraad voorgelê sal word, sien geen toekoms vir Kosovo in Serwië nie.

Die verslag maak nietemin voorsiening vir die grootskaalse outonomie van die Serwiese minderheid. Die EU asook NAVO sal betrokke wees by die totstandkoming en oorsig oor die nuwe land en nuwe grondwet.

Ahtisaari het gewaarsku dat die dubbelsinnige statuur van Kosovo tot spanning en onstabiliteit kan lei en dat onafhanklikheid die enigste “realistiese” kans is om verhoudinge met Serwië te herstel en minderhede te beskerm. Hy voorsien daarenteen nie ’n noemenswaardige herstel van die ekonomie of demokratiese instellings nie.

Ahtisaari het ook in sy verslag, wat op 15 Maart aan die sekretaris-generaal Ban Ki-moen oorhandig is, beklemtoon dat die Serwiese minderheid se “voortslepende moeilike omstandighede” ’n rede tot diep kommer is.

Serwië, asook bondgenoot Rusland, bly hewig gekant teen enige vorm van onafhanklikheid omdat Serwië daardeur 15% van sy grondgebied sal moet afstaan. Dit is trouens waarskynlik waarom die VN-onderhandelaar nie eers op 2 Februarie 2007 melding gemaak het van “onafhanklikheid” in sy eerste voorlegging nie.

Vitali Tsjoerkin, Russiese ambassadeur, het die gespanne sessie op Maandag 19 Maart 2007 voor die einde verlaat. ’n Meerderheid stemme, nie net Rusland nie, bly onoortuig van die wenslikheid van Kosovaarse onafhanklikheid.

Tsjoerkin het Joachim Rücker, die VN-gesant in Pristina, daarvan beskuldig dat hy “onafhanklikheid preek”. Sy verslag is volgens die Rus eensydig met ’n vroom inslag en uiters onwelkom. Ahtisaari het na aanleiding daarvan reeds aangedui dat verdere onderhandelinge tussen Belgrado en Pristina op niks sal uitloop nie.

Frankryk, Groot Brittanje en die VSA is tevrede met die jongste voorstel, terwyl Moskou graag wil sien dat Ahtisaari as onderhandelaar vervang word. Vrese dat die oorlog kan hervat indien Kosovo nie onafhanklik word nie, word skynbaar ernstig bejeën. Ten spyte van Westerse ondersteuning en aanmoediging bly lande soos China volgens berigte versigtig vir die voorstel omdat hule eie grense dalk onder die loep geneem kan word.

тамбов абразивный topcargo отзывы

Blanke Hollanders in rasse-onluste

Onluspolisie in Utrecht

Rasse-onluste het verlede week in Ondiep, ’n stadswyk van Utrecht, uitgebreek toe ’n Nederlander, Rinie Mulder, deur ’n Marokkaanse polisievrou doodgeskiet is. Volgens ooggetuies was Mulder besig om ’n swanger blanke vrou teen molestering deur Marokkaanse jeugdiges te probeer beskerm, met ’n mes in sy hand wat hy by een van hulle afgevat het, toe die polisievrou goedsmoeds op hom losgebrand het.

Agterna het blanke Nederlanders in die buurt, tesame met ondersteuners van buite, onluste begin pleeg. Meesal jong Nederlanders, aangevul deur ondersteuners van die plaaslike sokkerklub, FC Utrecht, het verlede Maandagaand ’n spoor van verwoesting in Ondiep gelaat.

Polisie-beamptes is met klippe bestook. Die voormalige polisiekantoor in die wyk, asblikke, diensfietse en ’n motor is aan die brand gesteek. Ruite van leegstaande wonings is ook stukkend gegooi.

Die groep oproermakers het rondom sesuur op die hoek van Boerhavelaan en Thorbeckelaan versamel, op die plek waar die gewilde inwoner van Ondiep, Rinie Mulder, Sondagaand doodgeskiet is.

Mulder en ander inwoners het reeds maande lank gekla omdat jong immigrante Nederlanders in die buurt lastig val. Op die plek waar die polisievrou hom doodgeskiet het, het blomme gelê met die woorde “Rini rust zacht” in wit op die straat geverf.

Hierna het ’n groot skare met krete van “moordenaars” en “kankerlyers” die wyk ingetrek en hier en daar begin brand stig. Kort daarna is begin om die polisie met klippe te gooi. Verskeie ruite van wonings het in die slag gebly.

Die burgemeesteres van Ondiep, mev. Brouwer, sou aanvanklik ’n dag na die onluste ’n vergadering in die buurt toespreek, maar dié is afgelas. Volgens haar verteenwoordig die geweld “’n teken dat iets by ’n bepaalde groep broei. Die groep het die insident aangegryp om hom in die wyk te laat geld. Daarteen moet ons die buurt beskerm.” Brouwer is blykbaar geskok deur Sondagaand se ongeluk en het begrip vir die inwoners wat in die steek gelaat voel. “Ek snap dat die inwoners soms kwaad is omdat hulle rondom hul eie huise en hul eie buurt lastig geval word. Dit gaan nie in jou koue klere sit nie.”

Terwyl Brouwer versigtig is om die etniese wrywing tussen inheemse Nederlanders en Marokkaanse, Turkse en ander Islamitiese immigrante nie by die naam te noem nie, het die Nederlandse pers meesal die insident as ’n geval van “sokkergeweld” probeer aanbied. Daar word ook nêrens verwys na die feit dat die polisievrou wat die noodlottige skoot gevuur het ’n vernederlandste Marokkaan is nie. Aanvanklik was daar twyfel of sy nie dulk ’n Turk kon wees nie, maar ’n Vlaamse webwerf het intussen na ondersoek bevestig dat sy Marokkaans is.

Rinie Mulder, in lewe

Die 54-jarige Rinie Mulder was ’n geliefde figuur in hierdie werkersklasbuurt, Ondiep, wat die Hollanders ’n “volkswyk” noem. Die onluste na sy dood het die spanning tussen die gewone Nederlander en die toenemende aantal Arabiese immigrante na vore gebring. Die vier grootste Nederlandse stede, Amsterdam, Rotterdam, Utrecht en Den Haag beskik reeds oor immigrantebevolkings van oor die 50%.

Skote weerklink in Kinshasa

VN-soldate in Kinshasa

Die huis van Jean-Pierre Bemba, voormalige vise-president, rebelleleier en verslane kandidaat in die onlangse verkiesings in die Demokratiese Republiek van die Kongo, word tans omsingel deur weermagsoldate, asook tenks van die VN.

Spanning het Dinsdag opgelaai nadat skote om 10-uur die oggend uit die noorde van Kinshasa in die Gombe-woonbuurt weerklink het. Niemand is seker wat die oorsprong van die geweervuur was nie.

’n Westerse bron beweer dat die skote moontlik per ongeluk in die lug afgevuur kon gewees het. Nietemin het winkeleienaars in die omtrek dadelik hul winkels verlaat en laat spaander uit vrees dat Bemba en die weermag op ’n groot skaal kon slaags raak.

Die VN-missie het dadelik 15 tenks na die gebied gestuur om die vrede te help bewaar. Hulle is voor die woning wat omsingel is, opgemerk in ernstige gesprek met Bemba se gewapende magte. Laasgenoemde was kennelik erg ontstoke.

Die vasgestelde datum in terme van ’n vroeëre ooreenkoms waarop Bemba se soldate na hul barakke sou terugkeer met die oog op herintegrasie in die Kongolese weermag, was juis 15 Maart 2007.

Beide rebelleleiers Bemba en Azarias Ruberwa meen dat die 12 polisielede wat hulle voortaan sal moet beskerm nie voldoende is nie en het nuwe onderhandelinge oor die kwessie aangevra.

Ruberwa se wagte is egter nie buite in die straat ontplooi soos dié van Bemba nie en ook nie heel ooglopend onder die invloed van dwelms en drank nie.

Die nuutverkose regering verkies blykbaar “dialoog” met Bemba se mense, maar voorsien nie dat ongehoorsame soldate ontwapen behoort te word nie.

Die VN het die insident Dinsdag as ’n geïsoleerde geval beskryf. “Ons vrees geen georganiseerde aanval nie, maar een of twee individue kan onder die invloed van dagga die situasie laat ontaard,” het segspersoon luitenant-kolonel Didier Rancher gesê.

In die nadraai van die verkiesings van Augustus 2006 het 30 mense in ’n uitbraak van geweld in dieselfde omgewing van Gomba gesterf.

Maandag moes VN-troepe by twee geleenthede tussenbeide tree om Bemba-soldate van regeringsmagte te skei. Westerse ontleders reken dat Bemba 250 man by sy twee wonings aanhou sonder om elemente wat oral om Kinshasa teenwoordig is, by te tel. Ruberwa tel 120 ondersteuners ongeveer.

Die Kabila-regering is egter vasbeslote om diesulkes vas te vat en het by monde van anonieme segsmense belowe dat iets daadwerkliks binnekort gedoen sal word.

каркасные бани фото топкарго отзывы

Vakansie met ‘n verskil

’n Groep Nederlandse en Suid-Afrikaanse kunstenaars het met ’n nuwe plan na vore gekom om geld uit toeriste se nuuskierigheid te maak. Besoekers kan voortaan in die middestad van Johannesburg uitkamp. Die projek staan bekend as “Cascoland” en gee aan toeriste die kans om kennis te maak met Johannesburg se misdaad en onwettige immigrante.

Die ambisieuse organiseerders beoog om met hulle projek misdaad te bekamp en “grense” tussen ryk en arm af te breek. Vir die skamele bedrag van R25 kan gaste in tente slaap, op die dak van ’n ou militêre kaserne. Oorpluisies word uitgedeel om te keer dat geweerskote, Kongolese diskomusiek en ander straatgeluide die besoekers in hulle slaap steur. Soggens word ontbyt in die tente bedien en gaste kan dan, vergesel van gidse wat hulle teen aanvallers beskerm, die buurt verken.

Toeristiese Johannesburg

Die gidse verduidelik aan die toeriste hoe die stad se informele ekonomie funksioneer en stel besoekers voor aan inwoners, wat wissel van onwettige immigrante tot prostitute. “Ons wil die versperrings tussen mense afbreek en die mentaliteit van mure en heinings in Suid-Afrika uitdaag,” aldus Roel Schoenmaker, ’n Nederlandse kunstenaar en een van die stigters van Cascoland. Die kunstenaars moedig plaaslike inwoners aan om vir die toeriste te dans, hulle motors reg te maak en kos te kook.

Volgens Fiona de Bell, een van die mede-stigters van Cascoland, sal die projek waarskynlik weinig “langtermynimpak” hê.

Dit is onbekend hoeveel onwettige inwoners daar in Johannesburg se middestad en omstreke is. Op die foto hier langsaan kan mens ’n tipiese woonstelgebou in Berea sien. Die San Jose-blok met sy sestien verdiepings is in 2000 deur sy oorspronklike eienaars aan sy lot oorgelaat, nadat hordes onwettige inwoners hulle intrek geneem het en geweier het om huur aan die regmatige eienaars te betaal. Daar is geen elektrisiteit, sanitasie of lopende water in hierdie gebou nie.

устройство хамама в лобановский класс

VS-ambassadeur stap uit vergadering met Zim-regering

Christopher Dell

Die Verenigde State se ambassadeur in Zimbabwe het gister uit ’n vergadering met daardie land se buitelandse minister gestap nadat dié gewelddadige optrede teen opposisielede probeer regverdig het, luidens ’n verklaring van die Amerikaanse departement van Buitelandse Sake.

Ambassadeur Christopher Dell is tesame met ander Westerse gesante na ’n vergadering met Simbarashe Mumbengegwi, buitelandse minister van Zimbabwe, ontbied wat diplomate gewaarsku het om “stil te bly” oor die opposisie-onderdrukking of uitsetting in die gesig te staar, aldus Sean McCormack van die Amerikaanse buitelandsesakedepartement. Dell het “om die versekering gevra dat die diplomate die geleentheid gegun sou word om te reageer,” lui die verklaring.

“Toe die ambassadeur nie sodanige versekering ontvang het nie, het hy die vergadering verlaat en geweier om deel te hê aan die regering se poging om gewelddadige optrede te regverdig,” gaan McCormack voort.

“Die Verenigde State sal aanhou om hom uit te spreek en doelgerig op te tree ter ondersteuning van die mense van Zimbabwe se reg op demokrasie,” het hy gesê.

Westerse ambassadeurs in Harare

Die Verenigde State en ander Westerse regerings het die reeks aanvalle op die leiers van die opposisie teen president Robert Mugabe se bewind van 27 jaar gekritiseer. In die mees onlangse insident is ’n senior lid van die opposisieparty, die Beweging vir Demokratiese Verandering (MDC), Nelson Chamisa, erg geslaan toe hy die land probeer verlaat het.

“Dis net nog ’n treurige voorbeeld van die negatiewer wending in Zimbabwe waar dit al roetine geword het vir Mugabe se regering om demokratiese beginsels te vertrap,” het McCormack vroeër in reaksie op die aanval op Chamisa gesê.

Teenkanting teen die 83-jarige Mugabe, wat aan die mag is sedert onafhanklikheid in 1980, het toegeneem te midde van ’n ekonomiese ineenstorting met inflasie op 1 730 persent en vier uit vyf mense sonder werk.

Mugabe bly egter ongestoor in die aangesig van hewige kritiek en blameer die onrus op die MDC en sy kritici.

free games win money no deposit Александр Фильчаков