Kategorie: Nuus

DA kerm voort oor Internasionale Strafhof-onttrekking

Die regering sal vandag sy saak in die hooggeregshof in Pretoria stel rakende sy besluit om Suid-Afrika aan die Internasionale Strafhof te onttrek.

Die hof het Maandag betoë aangehoor van die DA, die Suid-Afrikaanse Litigasiesentrum, die Helen Suzman-stigting, die Sentrum vir Menseregte en die Sentrum vir die Bevordering van die Grondwet.

Hulle vra dat die hof die regering se besluit onwettig en ongrondwetlik verklaar en dit ter syde stel.

Die DA se regsverteenwoordiger Steven Budlender, het aangevoer dat die regering nie die mag het om so ‘n besluit te neem nie.

Budlender beweer daar word “beskerming” van Suid-Afrikaners weggeneem, want die strafhof is glo ‘n veiligheidsnet teen menseregte-oortredings.

Soos alle voorstanders van sogenaamde “menseregte” in Suid-Afrika, het Budlender klaarblyklik ook nog nooit verneem van plaasmoorde, verkragtings en misdaad in die land waar hy self woon nie en sal hy ook nie kan verklaar wat die nuttelose hof gedoen het intussen om dit te voorkom nie.

Die groep voer aan dat die kabinet nie by magte is om sodanige beluit te neem nie en dat die kwessie in die parlement bespreek moet word, wat hoogstens neerkom op ‘n duur vertragingstaktiek.

President Jacob Zuma en die ministers van Justisie en van Internasionale Betrekkinge sal vandag in die hooggeregshof in Pretoria betoog dat die regering se besluit om hom aan die Internasionale Strafhof te onttrek, wettig en grondwetlik is.

Oproer aanstaande jaar by Wits aangekondig

‘n Swart woordvoerder van die studenteraad van die Universiteit van die Witwatersrand, David Manabile sê hulle sal wag tot die studente terugkeer ná die vakansie om tot oproer oor te gaan.

Die Universiteit het Maandag aangekondig dat studiegeld aanstaande jaar met agt persent verhoog word.

Manabile sê hulle verwag onrus en massaoptrede omdat die studente ontevrede sal wees oor die verhoging in universiteitsgeld, maar het nie kommentaar gelewer oor die openlike aanhitsing deur sekere partye nie.

Die sogenaamde massaoptrede by tersiêre instellings gaan byna sonder uitsondering gepaard met brandstigting, saakbeskadiging en geweld.

Hy sê hulle wag net vir ‘n mandaat om verdere ontwrigtende aksies teen die instelling van stapel te stuur.

Die Universiteit sê die verhoging is in ooreenstemming met die minister van hoër onderwys se riglyn en is noodsaaklik om finansiële volhoubaarheid te verseker.

Petrolprys daal, maar voordeel gaan aan joggies, handelaars

Die petrolprys daal van eerskomende Woensdag af met 20 sent per liter, en sal voortaan R12,37 aan die kus en R12,85 in die binneland kos. Maar volgens die ekonoom Cees Bruggemans, moes die prys eintlik met 40 sent gedaal het. Die grootste deel van die voordeel word egter nie aan die verbruiker deurgegee nie, maar aan petroljoggies wat ‘n salarisverhoging van 10% ontvang het, asook aan handelaars en groothandelaars wat voortaan ‘n groter wins vanaf motoriste sal verhaal.

Bruggemans het vanoggend getwiet:

Die prys van petroleumgas sal met 17 sent per kilogram daal.

Die grootste deel van die daling kan aan die swakker internasionale olieprys toegeskryf word, en nie aan die sterker rand van die afgelope paar dae nie. Die rand het teen die dollar en vernaamste geldeenhede versterk toe dit bekend geraak het dat Suid-Afrika se staatskuld nie dadelik tot rommelstatus deur Standard & Poor verlaag gaan word nie.

Benewens die salarisverhoging aan petroljoggies van 10% — in alle ontwikkelde lande gooi motoriste self petrol in en dus is petroljoggies eintlik ‘n oorbodige luukse in Suid-Afrika — gaan vulstasie-eienaars 4,9 sent per liter meer aan winsmarge ontvang. Groothandelaars verkry egter die leeue-aandeel met ‘n verhoging van 15,2 sent per liter petrol en 5,9 sent per liter diesel.

Europol waarsku dat ISIS aanvalle beplan

Dosyne militante is volgens alle aanduidings reeds in plek in Europa vir beplande aanvalle en meer sal waarskynlik uit Sirië en Irak na lande in die Europese Unie (EU) stroom soos hulle terugslae op die tuisfront toegedien word, het Reuters berig.

In ‘n verslag oor die bedreiging van die Islamitiese Staat-groep (ISIS) vir die 28 lande, sê die Europese Unie se polisie-agentskap (Europol) die waarskynlikste vorms van aanvalle sal dit wees wat in onlangse jare voorgekom het, van massa-skietery en selfmoordbomaanvalle soos in Parys en Brussel gesien is, tot messtekery en ander aanvalle deur radikales wat alleen optree.

Motorbomme en ontvoerings, wat algemeen in Sirië is, kan ook as taktiek in Europa na vore tree, sê Europol.

Die hele EU word bedreig omdat byna al die regerings Amerika se koalisie in Sirië steun. Die agentskap waarsku ook dat ISIS waarskynlik Siriese vlugtelinggemeenskappe in Europa sal infiltreer in ‘n poging om vyandigheid teen immigrante aan te blaas.

“Indien ISIS in Sirië en Irak deur koalisiemagte verslaan of verswak word, sal buitelandse vegters na hul families in die EU terugkeer,” lui die verslag.

Oostenrykse verkiesing ontaard in getier oor honde

Oostenryk se berugste boorling, Adolf Hitler, se naam word selde in sy geboorteland genoem. Dit het dus as ‘n skok vir vele gekom toe ‘n presidentskandidaat, Alexander van der Bellen, tydens ‘n onlangse TV-debat na ‘n lêer gereik en twee foto’s van “der Fuehrer” te voorskyn gebring het.

Van den Bellen het sy teenstander, die nasionalis Norbert Höfer in die presidentsverkiesing verslaan met ‘n vreesveltog en plakkate waarop hy homself as ‘n ware Oostenryker voordoen met sy honde in die natuur.

Die voormalige leier van die Groen-party het gekla oor ‘n onlangse boodskap op Facebook waarin ‘n veldtogfoto van hom wat met sy hond stap teenoor ‘n foto van Hitler wat met sy Duitse herdershond by die Nazi-leier se vakansiehuis stap, gepubliseer is.

“Vind jy dit in orde?” wou Van der Bellen van sy opponent, Norbert Höfer van die regse Vryheidsparty (FPÖ) weet. Hy het daarop gewys dat een van die FPÖ se amptenare die foto op Facebook gedeel het.

Höfer, wat die boodskap as “afskuwelik” bestempel het, het self gekla omdat sy veldtogplakkate met swastikas en Hitler-styl snorre geskend word.

Höfer se verdediging teen die Groenes se aantygings het hom die verkiesing gekos.

‘n Groen distriksraadslid Sabine Beck van die 8ste distrik van Wene het op haar Facebook-album ‘n vergelyking tussen die FPÖ-voorsitter HC Strache en Adolf Hitler getref. Dit het Van der Bellen egter nie gepla dat een van sy party se lede hiermee besig is nie.

Swaar gewapende vulstasie-rowers gesoek

Die polisie op Parys soek na vyf swart swaar gewapende verdagtes wat vermoedelik hierdie week by twee vulstasies op die N1-snelweg buite die dorp toegeslaan het.

Polisiewoordvoerder Sinah Mpakane sê twee van die mans, altwee met vuurwapens, het vermoedelik Vrydag tussen 02:00 en 02:15 by die eerste winkel van die vulstasie ingestorm en die werknemers gedreig om na die agterkant van die winkel te gaan.

Sy sê vyftien minute later is presies dieselfde modus operandi gevolg toe die booswigte by die tweede vulstasie, net oorkant die pad, toegeslaan het.

Mpakane sê die booswigte het toegang tot draagbare kluise gekry by altwee winkels en met ‘n onbekende bedrag geld op die vlug geslaan.

“Die twee rowers wat in die winkel ingekom het, was onderskeidelik gewapen met ‘n haelgeweer en pistool. Niemand is beseer nie en hulle het met ‘n silwer Mercedes Benz sonder nommerplate op die vlug geslaan. Die ondersoek duur voort,” sê Mpakane.

Bron: OFM

Sewe swart verdagtes vas vir steekmoord

Sewe swart verdagtes, tussen die ouderdomme van 17 en 29 jaar, sal na verwagting môre in die Bloemfonteinse Landdroshof verskyn ná die wrede moord op ‘n 45-jarige man vandeesweek.

Polisiewoordvoerder, Sinah Mpakane, sê die vrou van die vemoorde Whittey Jameson het Maandag om 20:00 van die werk af by hul huis in Bloemspruit aangekom en op die lyk van haar man afgekom.

Jameson se lyk was vol steekwonde en hy was reeds oorlede volgens Mpakane. Sy sê Jameson se klere, skoene, selfoon, skootrekenaar, en tablet is in die proses gesteel.

Mpakane sê die booswigte is Vrydag by Bloemspruit vasgetrek, steeds in besit van die gesteelde goedere.

Die verdagtes sal na verwagting môre in die hof op klagtes van moord, die besit van gesteelde goedere en gewapende roof verskyn.

Bron: OFM

Hof verbied swart pastoor om sy gemeentelede met ‘Doom’ te bespuit

‘n Swart Suid-Afrikaanse pastoor wat sy gemeentelede met “Doom” bespuit het om hulle op bonatuurlike wyse van hul siektes te genees, is deur die hof verbied om daarmee voort te gaan, hangende ‘n hofsaak wat aanstaande maand in Limpopo aangehoor sal word.

Lethebo Rabalago het nasionale en internasionale bekendheid verwerf met sy onortodokse genesing van gemeentelede, wat nietemin nie veel verskil van metodes wat toordokters met die volle ondersteuning van die parlement elders in die land aanwend nie.

Volgens ‘n radio-onderhoud het Rabalago gesê dat God modder, speeksel en “selfs giftige dinge kan gebruik om mense te verlos”.

Derick Kganyago, ‘n woordvoerder van Limpopo se departement van gesondheid, het gesê dat die provinsiale regering ‘n hofbevel teen Rabalago verkry het “totdat hy in Januarie in die hof verskyn. Doom is nie geskik vir menslike gebruik nie.”

In 2014 het ‘n ander swart Suid-Afrikaanse lekeprediker in Pretoria dosyne lede van sy gemeente aangemoedig om gras te eet om gesond te word. In 2015 het dieselfde swart predikant sy gemeentelede aangesê om petrol te drink aangesien dit hulle van kwale sal genees.

In dié stadium het ‘n TV-kanaal berig dat gemeentelede wat petrol gedrink het, gesien is waar hulle flou word of op die vloer rondrol met simptome van naarheid.

RSG steeds sewende grootste radiostasie in SA

In weerwil van die onderdrukking van Afrikaans deur die ANC-bewind en die demografiese wegkwyning van Afrikaners, handhaaf die Afrikaanse stasie RSG steeds ‘n beduidende getal luisteraars wat dit die sewende grootste radiostasie in die land maak. Uit syfers wat so pas deur die Uitsaairaad bekendgemaak is, blyk dit dat RSG oor byna 1,5 miljoen weeklikse luisteraars beskik.

Die toptien radiostasies in die land vanaf Januarie tot September 2016 is volgens die Uitsaairaad se syfers die volgende:

1. Ukhozi FM – 7 294 000

2. Umhlobo Wenene FM – 5 208 000

3. Metro FM – 3 968 000

4. Lesedi FM – 3 440 000

5. Thobela FM – 2 819 000

6. Motsweding FM – 2 640 000

7. RSG – 1 488 000

8. Gagasi FM – 1 408 000

9. Jacaranda FM – 1 325 000

10. Ikwekwezi FM – 1 294 000

Vanaf Januarie tot September is ‘n steekproef gedoen ten opsigte van 23 329 huishoudings, wat 53 396 individue verteenwoordig. Die nasionale steekproef is geneem uit die volwasse bevolking van inwoners in Suid-Afrika van ongeveer 38 miljoen mense.

Trevor Noah die grapjas nou ‘n anti-wit propagandis

Die Suid-Afrikaanse grapjas Trevor Noah wat tans die Daily Show-program in die VSA aanbied, het “getransformeer” in ‘n anti-wit propagandis. Noah het so pas probeer om  die jong, konserwatiewe videokommentator Tomi Lahren vanaf Texas op sy program te verneder omdat sy blank is en haar onregstreeks daarvan beskuldig dat sy ‘n rassis is.

Die video, wat aanvanklik nie in Suid-Afrika sigbaar was nie omdat die uitsaaier in die VSA dit buite die land versper, is intussen op YouTube gelaai en deur IOL aangekondig as ‘n “groot oorwinning vir Trevor Noah”:

Trevor owns her in the interview, calling her out for her contradictory statements and flawed point of view.

Ten spyte van die kwade wil waarmee Noah die jong blonde Texaan benader, asook die rassekaart wat hy aanmekaar teenoor haar speel, kwyt sy haar baie goed van haar taak, soos elke leser wat daarna kyk self kan besluit.