Kategorie: Nuus

Karoo-leeu bly spoorsnyers se moses

Die leeumannetjie wat byna twee weke gelede uit die Karoo Nasionale Park buite Beaufort-Wes ontsnap het, bevind hom nou in die Nuweveldberge naby die grens met die Noord-Kaap.

Die kraagmannetjie, ongeveer drie jaar oud, het uit die Karoo Nasionale Park deur ‘n gat in die westelike heining ontsnap, klaarblyklik deur ‘n stormwaterpyp wat na een van die plase in die omgewing gelei het.

Ondanks die feit dat ‘n span van kundiges, onder leiding van ervare spoorsnyers, die groot kat agterna gesit het, bly hy hulle ontwyk.

Hy bly steeds voor sy agtervolgers en het selfs een keer uit die bosse gespring en vir hulle gebrul, maar vasvat is min.

Negentien spoorsnyers gesteun deur ‘n helikopter kon nog nie die leeu aankeer nie. Daar was aanvanklik 20 spoorsnyers, maar een van hulle het verlede Donderdag geval en sy ribbes gekraak.

SANparke se woordvoerder Fay Ludick sê drie polisiebeamptes – twee van Kaapstad en een van Beaufort-Wes wat by veediefstal-eenhede betrokke is – het by die soekgeselskap aangesluit.

Volgens berigte het die leeu reeds onder skape ingeklim en Vrydag ’n koedoebul op die plaas Tafelberg tussen Beaufort-Wes en Leeu-Gamka platgetrek.

Die leeumannetjie het die veertien skape op die plaas Palmietfontein doodgebyt.

Amerikaanse onderwyseres op Tuinroete verkrag

Twee swart verdagtes sal Woensdag in die Stormsrivier-landdroshof verskyn in verband met die beweerde verkragting van ’n 47-jarige Amerikaanse vrou.

Die vrou is langs die Tuinroete se Tsitsikamma Nasionale Park oorval en verkrag. Sy is ’n onderwyseres by ’n skool in Gauteng.

Die polisie se adjudant-offisier Gerda Swart sê die vrou het omstreeks twaalfuur gaan draf toe die swartes haar oorval het.

SANParke het die aanval in ‘n verklaring bevestig en die polisie geloof vir hulle flinke optrede.

Lesufi besoek wit boelies

Die Gautengse Departement van Onderwys het skriftelik geantwoord op ’n navraag deur OFM-nuus en bevestig dat die hoof van die Krugerlaan Hoërskool in Vereeniging met die ouers van ’n boelie-slagoffer vergader het.

Die Gautengse LUR vir Onderwys Panyaza Lesufi het vandag die skool, die ouers van beide wit seuns en die skool se bestuurspan ontmoet.

Dit volg nadat ’n video Vrydag op Youtube geplaas is wat wys hoe ’n wit seun deur ’n mede-leerling geboelie word, terwyl ‘n wit onderwyser niks doen om die voorval te keer nie.

Departementele woordvoerder Phumla Sekhonyane sê die departement wag steeds vir ‘n verslag van die skool. Lesufi het sy teleurstelling met wat by die skool gebeur het uitgespreek. Hy het verder sy departement opdrag gegee om die toesig van leerders by die skool te ondersoek.

Intussen het die voorsitter van die Federasie van Beheerliggame van Suid-Afrikaanse Skole (FEDSAS), Paul Colditz, gesê die video is skokkend.

Kovsie-taalbeleid draai in wetgewer

Die taalbeleid van die Universiteit van die Vrystaat het Woensdag vir die tweede keer ‘n draai in die Vrystaatse provinsiale wetgewer gemaak.

Dit volg nadat ANC hoofsweep Neels van Rooyen die UV tydens ‘n vorige sitting geloof het vir sy strewe na transformasie en verwys het na die instansie se taalbeleid.

Tydens vandag se sitting het die Vryheidsfront Plus se Wouter Wessels gesê transformasie behels nie die uitsluiting van Afrikaans as ‘n onderrig-medium nie.

Vrystaatse Onderwys LUR Tate Makgoe het egter terruggekap en gesê Wouter moet nie die publiek mislei nie. Hy sê die UV was oorspronklik ‘n enkelmedium-skool en dit het later verander as gevolg van sy studenteprofiel, maar die jongste aanduidings is dat dié profiel weer verander het, met 75% van studente wat swart en Engelssprekend is.

Die DA het in hul afwesigheid geskitter.

Makgoe, ook ‘n lid van die universiteitsraad, sê die universiteit gaan in elk geval ‘n proses volg – wat ‘n jaar gaan neem – waartydens verskeie rolspelers geraadpleeg gaan word voordat die taalbeleid van die UV verander kan word.

Bergpasse sluit, plakkershutte oorstroom, beurtkrag aangepas

Sneeu en ysige windtoestande kom sedert Dinsdagaand voor oor die grootste dele van die hoogliggende gebiede in die Oos-Kaap en omliggende gebiede.

‘n Woordvoerder sê sneeu is ook in Lesotho en die Oos-Vrystaat aangemeld. Verskeie bergpasse moes gesluit word.

Nat en koue weerstoestande heers steeds in die Wes-Kaap. In die Oos-Kaap is alle bergpasse na Barkley-Oos vir verkeer gesluit.

Die Suid-Afrikaanse weerdiens sê die koue toestande in die land kan toegeskryf word aan koue lug agter die koue front, wat besig is om uit die land te beweeg.

Duisende plakkers is geraak deur oorstromings in die omgewing van Kaapstad, weens swaar winterreën.

‘n Woordvoerder van die stad se Rampbestuursentrum, Charlotte Powell, sê nat weerstoestande het dele in Khayelitsha, die Strand, Delft en Gugulethu, geraak.

Mense word van hulp voorsien, maar nie noodskuiling nie.

Eskom se waarnemende bestuurshoof, Brian Molefe het by ‘n mediakonferensie in Johannesburg gesê dat hulle deur die winter drie keer meer instandhoudingswerk as vorige winters gaan doen.

Molefe sê Eskom beplan om beurtkrag tydens werksure te vermy om die impak op sakeondernemings te beperk. Beurtkrag sal dus eerder tydens spitstye voor 10uur soggens en na vyfuur smiddae, en oor naweke toegepas word.

Hy sê egter dat ‘n nuwe strategie hul beplande instandhoudingswerk aan hulle opwekkingseenhede, slegs tot minimale onderbrekings sal lei.

Eskom het intussen wysigings aan die Fases van beurtkrag aangekondig. Molefe het by ‘n mediakonferensie in Johannesburg gesê Fase Een beurtkrag sal steeds toegepas word as daar ‘n tekort van duisend megawatt is, en Fase Twee wanneer daar ‘n tekort van twee duisend megawatt is.

Fase Drie beurtkrag sal egter nou toegepas word wanneer daar ‘n tekort van drie duisend megawatt is. In die verlede is Fase Drie eers met ‘n tekort van vier duisend megawatt toegepas.

Volgens Molefe is dit om die gaping tussen Fase Twee en Fase Drie beurtkrag te verminder.

Motoriste gewaarsku teen kapingslenter

Motoriste in die Vrystaat word gewaarsku om veilig te bestuur en op die uitkyk te wees vir klippe wat deur booswigte in die pad gepak word in ‘n poging om voertuie te kaap.

Polisiewoordvoerder, Mosili Ntsika, sê voorvalle waarin motoriste gekaap word nadat hulle stadiger ry of stop weens versperde paaie, veral op die R702 na Dewetsdorp buite Bloemfontein, neem toe.

Ntsika sê dit was nie ‘n geïsoleerde voorval nie en verskeie soortgelyke voorvalle op dié pad toon ‘n toename sedert betogings oor swak dienslewering in die gebied sedert die begin van die jaar.

Polisie wat moordverdagtes doodmartel borg geweier

‘n Polisiebeampte en ‘n polisie-informant van Springs aan die Oos-Rand wat na bewering drie vermeende moordverdagtes gemartel en vermoor het, is in die Landdroshof in Carletonville borgtog geweier, het RSG berig.

Die twee beskuldigdes is meer as ‘n maand gelede saam met nog twee polisiebeamptes in hegtenis geneem, nadat die liggame van die drie mans in ‘n oop veld in Carletonville gevind is.

Die landdros het aan die verdagtes gesê hulle het baie geleenthede gehad om na vore te kom en die waarheid te vertel, maar het aangehou om dit weg te steek.

Die beskuldigdes sal op 3 Julie weer in die hof verskyn. Die ma van een van die slagoffers sê sy is bly die beskuldigdes se borgtog is geweier, aangesien sy bang was dat hulle sou probeer om haar te intimideer.

Blonde slimkop se dood skok Pukke

Studente op die Potchefstroom-kampus van die Noordwes-Universiteit (NWU) was Maandag geskok na die skielike dood van ‘n blonde slimkop eerstejaarstudent aan breinvliesontsteking.

Prof. Herman van Schalkwyk, kampusrektor, en prof. Dan Kgwadi, visekanselier van die NWU, het hul medelye teenoor die meisie se familie en vriende uitgespreek.

Leana Labuschagne (19), wat ‘n geoktrooieerde rekenmeester wou word, was ‘n inwoner van die Oosterhof-koshuis.

Sy was die naweek nog blakend gesond en het Sondagnag begin siek voel en gekla oor naarheid en hoofpyn.

Sy is in die hoësorgeenheid van die Mediclinic Potchefstroom opgeneem, maar is dood aan aansteeklike meningokokkale meningitis (breinvliesontsteking) nog voordat haar ma van Pretoria in Potchefstroom kon aankom.

Dr. Emile Kotzé, kampusgeneesheer, het Maandag in ’n verklaring gesê dit word as ’n geïsoleerde geval beskou.

Leana was ‘n oudleerling aan die Hoërskool Waterkloof in Pretoria.

Sy sou Vrydag haar laaste vraestel voor die vakansie skryf. Leana se pa, Leon, is drie jaar gelede aan ‘n hartaanval oorlede.

Haar jonger sussie, Marli, ’n gr. 8-leerling aan Waterkloof.

Poetin waarsku VSA teen uitbreiding in Europa

President Wladimir Poetin van Rusland het aangekondig dat 40 nuwe interkontinentale ballistiese missiele tot sy kernwapen-arsenaal gevoeg gaan word.

Poetin het die aankondiging saam met die Finse president Sauli Niinisto by die opening van ‘n wapenskou naby Moskou gedoen tydens ‘n gesamentlike nuuskonferensie.

Rusland sal ook ‘n nuwe mikrogolfwapen bekendstel wat onbemande tuie sal kan afskiet. Die Armata-tenk sal ook by die skou te siene wees.

Poetin se opmerkings volg ‘n dag nadat Russiese amptenare ‘n Amerikaanse plan, om swaar wapentuig in NAVO-lande aan die Russiese grens te plaas, veroordeel het, as die mees aggressiewe optrede sedert die Koue Oorlog.

Poetin sê die weermag sal ook begin om sy nuwe langafstand vroeë waarskuwingsradarstelsel te toets, wat ten doel het om die westelike rigting te monitor ná die Pentagon die naweek uitbreidingsplanne in Oos-Europa in die New York Times aangekondig het.

Pole en Litoue het reeds aangedui dat hulle Amerikaanse wapens sal inneem en stoor.

Die betrekkinge tussen Rusland en die Weste het die afgelope tyd ‘n laagtepunt bereik, nádat die VSA Rusland sonder getuienis daarvan beskuldig het dat die Russe ‘n passasiersvliegtuig vol Nederlandse burgers, die MH17, oor die Oekraïene afgeskiet het.

Rusland het intussen data vrygestel oor die vliegramp wat toon dat die junta in Kiëf aanspreeklikheid behoort te aanvaar.

Die Westerse media probeer tans naarstiglik die kwessie begrawe aangesien hulle die junta steun en fokus op Rusland se “anneksasie” van die Krim.

Die Krim het in ‘n nasionale referendum vreedsaam gestem om by Rusland ingesluit te word. Die VSA en Brittanje beskou die referendum as ‘n “oortreding van die internasionale reg”, in teenstelling met hul eie bemoeienis in Kososvo.

Zimbabwe kripeer sonder kos

Die feit dat Zimbabwe sowat $300 miljoen se voedselhulp nodig het hierdie jaar as gevolg van ‘n massiewe daling in produksie van mielies is te danke aan die verflenterde landboubeleid van die regerende party, het die opposisieparty Dinsdag gesê.

President Robert Mugabe het vroeër wit boere van hul plase afgejaag en hul grond gekonfiskeer om stemme te werf vir sy party.

Die situasie in Zimbabwe kan nie “meer desperaat raak as wat dit nou is nie”, het Obert Gutu, ‘n woordvoerder vir die Beweging vir Demokratiese Verandering (MDC) gesê. Die MDC word steeds deur Morgan Tsvangirai gelei.
 
Zimbabwe was bekend as die broodmandjie van Suider-Afrika. Op Maandag, vise-president Emmerson Mnangagwa gesê $300 miljoen is nodig vir kosinvoere.
 
Mnangagwa, wat aan die woord was by die bekendstelling van ‘n verslag deur die World Food Programme van die VN, het gesê mielieproduksie het afgeneem met 49% en hy hoop die volgende oes sal “aansienlik beter as hierdie een” wees.
 
Die Amerikaanse organisasie Famine Early Warning Systems Network het gewaarsku dat voedseltekorte krisisvlakke kan bereik in Julie as daar geen voedselhulp is nie.
 
President Robert Mugabe se regering dring daarop aan dat die swak oeste as gevolg van droogte is. Die 91-jarige, wat reeds sewe termyne dien, het vroeër vanjaar erken dat nuwe swart boere nie in staat is om hul plase te bestuur nie.

Hy is egter steeds openlik anti-wit.
 
Gutu het in ‘n verklaring gesê: “Robert Mugabe en sy skelm administrasie is bankrot en nie in staat om voldoende finansiële hulpbronne te benut ten einde die mielies wat nou dringend nodig is in te voer nie.”

Ten spyte van die volksmoord wat Mugabe teen die Ndebeles en wit boere gepleeg het, is daar geen lasbrief uitgereik vir sy inhegtenisname nie.