Kategorie: Nuus

Oorwinning vir Afrikaans in Hoërskool Overvaal-saak

In sy uitspraak vanmiddag het regter Bill Prinsloo gesê dat die besluit van Afrikaanshater Panyaza Lesufi en die Gautengse onderwysdepartement om eensydig die taalbeleid van Hoërskool Overvaal te verander “teen die wettigheidsbeginsel indruis”. Hy het ook bevind dat die twee Engelse skole in die omgewing wat teenstrydige verklarings oor hul kapasiteit afgelê het en eintlik namens die departement gelieg het, slegs die skool se saak versterk het.

“Ek vind dit wesentlik onwaarskynlik dat twee hoogs gekwalifiseerde, ervare skoolhoofde so ‘n growwe fout kan maak as hulle ‘n verklaring opstel,” het die regter in sy uitspraak gesê.

Beide Engelse skole in die omgewing, General Smuts en Phoenix High School het oor genoegsame plek vir meer as 55 leerlinge beskik, maar het hul aanvanklike verklarings in opdrag van Lesufi en sy departement gewysig toe die departement besef dat hulle die saak teen Overvaal sou verloor indien dit op die lappe kom dat die Engelse skole nog plek vir die leerlinge gehad het.

Volgens regter Prinsloo, “het die departement sy reg om die skool se kapasiteit te verifieer, nooit sinvol uitgeoefen nie. Indien hulle enige moeite gedoen het, sou hulle die oorweldigende kapasiteit vir nog leerlinge by die twee ander skole ontdek het.”

Regter Prinsloo het verder bevind dat Lesufi en sy distriksdirekteur “geen ag geslaan het op die kapasiteit van die skool om die leerlinge te akkommodeer vergeleke met die twee ander skole in die gebied nie”. Weens haar rol in die debakel, en dat sy wesentlik besig was om die gereg te dwarsboom, het regter Prinsloo aanbeveel dat sy aan professionele tugstappe onderwerp behoort te word.

Die regter het ingeslyks WhatsApp-boodskappe aan die twee Engelse skoolhoofde as getuienis in die hof toegelaat. In die boodskappe word een van die hoofde gedreig dat hy afgedank sal word as hy nie sy verklaring verander om te sê dat daar nie meer plek by sy skool is nie. Daarmee het die onderwysdepartement die skoolhoof gedwing om meineed te pleeg.

Regter William Prinsloo het ‘n bestraffende kostebevel teen die Gautengse Onderwysdepartement uitgereik en bevind dat Hoërskool Overvaal nie die Engelse leerlinge hoef in te neem nie.

In sy reaksie op die uitspraak, het Panyaza Lesufi gesê dat hy die skool se beheerraad teen Maartmaand gaan afdank en met die belastingbetaler se geld teen die uitspraak gaan appelleer.

Volgens ‘n joernalis, Barry Bateman, het van die swart ouers na afloop van die hofsaak in Pretoria gedreig om die skool af te brand, omdat hulle dit as “rassisties” beskou.

Afrikaanse skole en ouers hou asem op oor Overvaal-uitspraak

Met die aanslag teen Afrikaanse skole wat steeds meedoënloos deur Panyaza Lesufi en die linkse blanke Engelse dames in die Gautengse onderwysdepartement gevoer word, is Afrikaanse skole en ouers in die provinsie erg bekommerd oor vandag se uitspraak deur regter William Prinsloo in die Noord-Gautengse Hooggeregshof. Die Hoërskool Overvaal in Vereeniging het die hof genader omdat Lesufi en sy bullebakke die skool wou dwing om te verengels deur 55 Engelstalige leerlinge te aanvaar terwyl die skool reeds vol is.

Die Engelstalige media het voortdurend stemming teen die skool gemaak en die Nasperspublikasie, News24, het selfs die plasing van Afrikaanse leerlinge by Afrikaanse skole deur ‘n amptenaar van die onderwysdepartement as “rassisme” en “rasprofilering” beskryf.

Ook Netwerk24 het ‘n artikel geplaas oor ‘n swart ouer wat 5 km na die naaste Engelse skool moet ry terwyl dit vir haar baie geriefliker sal wees as Overvaal net na Engels sal oorskakel.

Volgens Netwerk24 is dit “gevaarlik en duur” om 5km skool toe te ry. Die ouer het geen vertroue in die Afrikaanse onderwysers by Overvaal nie en wil hê dat hulle deur Engelse onderwysers vervang moet word.

“Ek is bekommerd dat die onderwysers wat al jare lank in Afrikaans skoolhou, gaan sukkel om dit in Engels te doen en daarom is dit baie belangrik dat die departement moet sorg vir Engelse onderwysers.”

Indien die skool die saak sou verloor, kan die aanslag teen Afrikaanse skole verhewig en kan sulke skole oorweldig word deur swart leerlinge en hul ouers wat aggressief op Engels aandring.

Taalstryd in skole: Panyaza Lesufi vaar teen Afrikaans uit

Die LUR vir onderwys in Gauteng, Panyaza Lesufi, het opnuut teen Afrikaans uitgevaar, na aanleiding van die huidige hofstryd tussen die Hoërskool Overvaal en die provinsiale onderwysdepartement oor taal. Hoewel die skool vol is, wil Lesufi dit dwing om nog Engelstalige leerlinge in te neem sodat Overvaal verengels kan word.

Vol vertroue dat die howe met Boerehaatregters en vyande van Afrikaans gepak is, het Lesufi alle Afrikaanse skole in die provinsie “uitgedaag” om die onderwysdepartement “hof toe te vat”. “Ons het miljoene rande om met julle in die howe klaar te speel. Afrikaans moet uit,” het Lesufi gesê.

Die Hoërskool Overvaal het Dinsdag in die Gautengse Hooggeregshof te Pretoria dringend aansoek gedoen om Lesufi en sy departement daarvan te weerhou om hulle te intimideer en te dwing om 55 ekstra Engelstalige leerlinge in te neem waarvoor daar nie plek by die skool is nie.

Lesufi het met druipende sarkasme in ‘n verklaring gesê:

“Hier is ‘n skool wat Afrikaanse leerlinge bo ander tale verkies. Op die waglys, wat hulle doen is die volgende: as jy Engels, isiXhosa of isiZulul praat, sien hulle jou oor en kyk vir iemand wat Afrikaans praat en trek daardie persoon nader, waardeur hulle mense ondermyn wat betyds aansoek gedoen het. Ons het die skool aangesê om hiermee op te hou en hulle het ons hof te geneem. Daarom sê ons: doen dit maar, ons is nie bang vir die howe nie, hulle is Engels en aan ons kant, en julle Afrikaners is net setlaars wat nie in ons land hoort nie.”

Volgens die skool het hy geen meer plek vir ekstra leerlinge nie. Maar die onderwysdepartement aanvaar dit nie en wil hê dat daar met Afrikaans weggedoen word. Lesufi het hom al verskeie kere in die verlede teen Afrikaans as onderrigmedium, asook teen Afrikaanse skole, uitgespreek.

In sy verklaring stigmatiseer die onderwysdepartement Afrikaans as ‘n “apartheidstaal wat deur 90% van Suid-Afrikaners verwerp word”. Die gedeelte in sy verklaring lui:

“Dit is ongelooflik en/of ongelukkig dat ons tot vandag toe, in hierdie Engelstalige grondwetlike demokrasie, ‘n gemeenskap het wat niks verkeerd sien met Afrikaans, ‘n taal wat as ‘n instrument van segregasie en diskriminasie gedurende apartheid gebruik is en deur 90% van Suid-Afrikaners verwerp word.”

Volgens die departement beskik hy oor die volste reg om soveel leerlinge as wat hy wil by die skool te plaas aangesien die beheerliggaam “geen rol by die toelating van leerlinge speel nie en nie ‘n skool vol (mag) verklaar nie aangesien dit die departement se plig is”.

Die skool beskik oor 21 klaskamers wat reeds ongeveer 30 leerlinge per klas bevat.

Die saak is Dinsdag tot môre (Donderdag 11 Januarie) uitgestel om nog getuienis toe te laat en om regter Willem Prinsloo kans te gee om al die stukke te lees.

 

H&M vra verskoning vir ‘oulikste apie in die oerwoud’-advertensie met swart kind

Die globale Sweedse klerewinkel H&M het om verskoning gevra vir die foto van ‘n swart kind met ‘n kappiehemp waarop staan, “oulikste apie in die oerwoud” (coolest monkey in the jungle op Engels).

Aanlynbeelde van die swart kin in die “apie”-kappie het woed op sosiale media ontketen. Die internasionale modeketting het om verskoning gevra nadat sy webblad die swart kindermodel met die “oulikste apie in die oerwoed”-kappie vertoon het.

Van die aanlynkritiek wat uitgespreek is, sluit beskuldigings van “onvanpas”, “walglik” en “nalatig” in.

Die klere-item vir kinders wat op die winkel se blad in die Verenigde Koninkryk as ‘n “gedrukte top met kappie” beskikbaar is, is Sondag opgemerk, onder andere deur die woernaalskryfster Stephanie Yeboah, wie se ontstoke skermafdruk van die klere-aanbod viraal versprei het.

H&M het intussen die groen apietrui van sy webblad verwyder, terwyl twee blanke kinders met ontwerpe in dieselfde kategorie steeds op die blad aanbly.

Een dra ‘n hemp met die woorde: “Mangrove jungle” of “Official survival expert”, terwyl ‘n ander ontwerpe van kameelperde of tiere vertoon.

Die swart Britse Arbeider-LP Kate Osamor het getwiet:

British Labour MP Kate Osamor tweeted: “I was totally shocked, dismayed to say the very least to find this online imagine. @hm do you think this imagery is an appropriate representation of a young black boy?”

The Weeknd, ‘n Kanadese popster wat mansklere vir die ketting geprodoseer het, het gesê dat hy sy bande met die maatskappy verbreek.

Nog ‘n Twitter-gebruiker het gekla:

“n Rubriekskrywer vir die New York Times, Charles M. Blow, het gevra: “Het julle van julle verdomde koppe af geraak?”

Lebron James, ‘n swart Amerikaanse professionele basketbalspeler, het ook teen die beeld op Instagram uitgevaar:

“U got us all wrong! And we ain’t going for it! Straight up! Enough about y’all and more of what I see when I look at this photo. I see a Young King!! The ruler of the world, an untouchable Force that can never be denied!”

“We as African Americans will always have to break barriers, prove people wrong and work even harder to prove we belong but guess what, that’s what we love because the benefits at the end of the road are so beautiful!!”

‘n Woordvoerder vir die kleinhandelaar het gesê:

“Dié beeld is nou van alle H&M-kanale verwyder en ons vra om verskoning aan enigiemand wat aanstoot kon geneem het.”

Maar dit was eintlik ‘n Afro-Amerikaanse regisseur, Spike Lee, wat die idee van “swartes-uit-die-oerwoud  gewild gemaak het in sy film oor verhoudings tussen die rasse, Jungle Fever, in 1991.

In Calais, Frankryk, het die sedertdien afgebreekte en berugte migrantekamp as die “Oerwoud” (Jungle) bekendgestaan, maar niemand het ten tye van die bestaan daarvan oor rassisme gekla nie.

Kovsies se kleurlingrektor smyt 20 ton biblioteekboeke weg om ‘studentevermaak te skep’

Die revolusie wat deur die Broederbondverraaiers aan die Vrystaatse Universiteit ontketen is, stoom voort want so pas het bekend geraak dat die nuwe kleurlingrektor, wat die Boerehater en propagandis Jonathan Jansen opgevolg het, die hele universiteitsbiblioteek laat leeg maak het om plek te maak vir swart studente wat rekenaarspeletjies wil speel.

Volgens die universiteit se amptelike woordvoerder, Lacea Loader, “(is dit) prof. Francis Petersen, rektor en visekanselier, se visie om fisieke en virtuele spasies te skep wat veeldoelige leerruimtes vir studente aanmoedig – met die klem op ‘studente se ervaring’ wat hul akademiese sukses en lewenslange leer sal ondersteun”.

Aanvanklik is gedink dat die universiteit die boeke weggesmyt het om nuwe boeke aan te koop, maar dit blyk nou dat die Petersen heeltemal met boeke wil wegdoen en van die die biblioteek ‘n soort “virtuele speletjiesentrum” wil maak. Twee handelaars in skroot en afval op Bloemfontein, mnre. Brendon Muller en Neels de Villiers van die firma Avery Scrap Metal and Glass Recyclers het toevallig gesien hoe twintig ton boeke uit die biblioteek afgelaai word om verpulp te word. Deur hulle toedoen is ‘n gedeelte van die universiteit se boekversameling gered.

Onder die boeke wat Petersen laat wegsmyt het, tel Africana-items soos tydskrifte wat langer as honderd jaar oud is. In enige beskaafde land sou sulke items volgens argivale standaarde bewaar word, maar in Suid-Afrika stu die revolusionêre vernietiging voort.

Dr. Dan Roodt van PRAAG het vroeër vanmiddag gesê: “Hierdie soort vernietigende optrede deur ‘n universiteitsowerheid neem ‘n mens slegs tydens moorddadige, ekstreme bewinde soos dié van Pol Pot in Kambodja, Mao Tsetoeng se Kulturele Revolusie of Mengistu in Ethiopië waar. Kennelik het Bloemfontein nou insgelyks in sulke ekstremisme verval, nadat eers Jonathan Jansen en nou Francis Petersen oorgeneem het.”

Hy het die vernietiging van kultuurerfenis ‘n “internasionale misdaad” genoem. “Dit ly geen twyfel dat wat nou aan die Universiteit van die Vrystaat aan die gang is, ‘n oortreding van internasionale verdrae en die volkereg verteenwoordig nie. Ons erfenis word daar vernietig, op dieselfde barbaarse wyse as wat  daar vroeër standbeelde aangeval is. ‘n Klag behoort teen alle betrokkenes ingedien te word, sowel in Suid-Afrika as oorsee,” het dr. Roodt gesê.

Kleurlingmans skuldig aan moord op skryfster Winnie Rust

Nigel en Johannes Plaatjies, die beskuldigdes in die moord op die Afrikaanse skryfster Winnie Rust, is vandag in die Wes-Kaapse Hooggeregshof deur regter Elize Steyn skuldig bevind. Benewens die moord op Winnie Rust, het die twee ook gepoog om die Rust-woonhuis aan die brand te steek om die spore van hul daad uit te wis.

Winnie Rust. Foto: Wikipedia.

Winnie Rust, wat haar oor ‘n tydperk van jare oor Nigel Plaatjies ontferm het en as sy weldoener opgetree het, is deur hom en sy oom vasgebind en verwurg. Hierna het hulle ‘n gasstoof oopgedraai en ‘n brandende kers daarvoor gelos in ‘n poging om die hele huis te laat afbrand.

Nigel en Johannes Plaatjies het twee goue ringe en skootrekenaars uit die woning weggedra. Hulle het ook die vermoorde mev. Rust se bankkaart geneem en R5000 uit haar rekening onttrek. Die juweliersware is aan ‘n pandjieswinkel vir R1200 verkoop.

Terwyl Nigel skuld beken het op die aanklag van diefstal wat verband hou met die onttrekking van R5000, het Johannes Plaatjies skuld op dié klag ontken. Daarom het die regter slegs vir Nigel aan die diefstal van die R5000 skuldig bevind.

Maar albei die Plaatjies-familielede is, benewens die moord, aan ander klagte van diefstal en bedrog skuldig bevind aangesien hulle gepoog het om kruideniersware en ‘n selfoon met Winnie Rust se bankkaart te koop.

Regter Steyn het in haar uitspraak gesê dat albei “kop in een mus” was sover dit die roof en diefstal betref en “beplan het om voordeel uit Rust se dood te trek… Die enigste afleiding wat gemaak kan word, is dat hulle dit saam beplan en betrokke was.”

Hoewel sy albei aan moord op Winnie Rust skuldig bevind het, het sy gemeen hulle is onskuldig aan die klag van poging tot moord op Rust se eggenoot.

Vonnis sal op 5 Februarie 2018 opgelê word.

Linkse Duitse kroeg verbied swartes ‘omdat hulle aggressief is en steel’

Die Kreuzweise, ‘n linkse kroeg in die Konrad-Adenauer-Allee in Augsburg, het al meermale probleme met ‘n groep gaste uit Afrika ervaar. Daarom het die kroeg nou besluit om alle swartes op die perseel te verbied.

Tatjana Dogan, die kroegeienares, is nie skaam oor haar politieke verbintenis nie: “Ons is links,” sê sy. Die kroeg is alombekend by linkses in Augsburg, Duitsland. Die uitsmyter by die kroeg het nog nooit vantevore gaste op grond van geslag, ouderdom, velkleur of aantrekstyl onderskei nie.

Maar ná verskeie voorvalle met swartes vanuit Gambië oor naweke, kon sy nie soos tevore voortgaan nie, sê Tatjana. Omdat “vlugtelinge” vanuit Gambië herhaaldelik diefstal gepleeg, aggressief opgetree en met dames gelol het.

Die kroeg handhaaf voortaan ‘n verbod op asielsoekers uit Afrika.

“Ons is nou keelvol! Dis net nie meer snaaks nie. Ek is sprakeloos. Die jong mans luister vir niemand nie, hulle is ongelooflik aggressief en ons kan nie dit nie meer vat nie. Hulle is uit, almal van hulle!” het sy in ‘n Facebook-plasing verklaar.

Die polisie moes ontbied word en is uiteindelik genoop om hul wapens op die swart mans te rig wat chaos in die kroeg veroorsaak het. Volgens die gasvrou het die moeilikheid by ‘n groep van ongeveer 25 asielsoekers uit Afrika ontstaan.

Van die linkses het beswaar gemaak dat dit onregverdig is om alle persone met ‘n donker huidskleur by die onderneming te verbied, maar die eienares wou niks weet nie, al het sy haar simpatie met hulle betuig.

Vlugtelinge vanuit Gambië staan byna geen kans om hul asielaansoek te sien slaag nie, sê sy. Hulle kan nie werk nie, het min geld en ontvang nie Duitse taalkursusse nie. “Dit sou enigiemand gefrustreerd maak,” sê sy. “Daar moet beter na die mans gekyk word.”

Maar sy het darem ‘n ekstra uitsmyter gehuur om die Afrika-probleem hok te slaan, iemand met ‘n “maatskaplike opvoeding”.

Volgens die polisie bestaan al die betrokkenes uit swart mans vanuit Gambië wat in ‘n ontvangsfasiliteit in Danauwörth woon.

Tatjana Dogan sê sy wil nie applous van politieke konserwatiewe ontvang nie, maar sy wil ook nie die probleme wat bestaan verdoesel nie. Sy sê sy is ook vir die veiligheid van haar gaste verantwoordelik.

Oor die afgelope weke het ‘n toenemend groter groep Afrika-migrante die kroeë en klubs besoek, volgens verskeie uitsmyters. Hoewel die meeste restaurante vlugtelinge toelaat, verwelkom hulle nie groter groepe nie.

Die polisie koester ‘n soortgelyke waarneming van die situasie, sê hul woordvoerder, Siegfried Hartmann.

Britse koninklike gesin sterk hul verbintenis tot rasse-integrasie

‘n Kragtige simbool van die Britse monargie se verbintenis tot rasse-integrasie en multikulturalisme, is die aangekondigde verlowing van prins Harry en die gemengde-ras Amerikaanse aktrise Meghan Markle.

Markle se ma, Doria Ragland, is ‘n Afro-Amerikaner, ‘n eerste vir ‘n Britse koninklike. Met Doria se straat-sjarme sal sy die werklikheid van ‘n egte klasloosheid ongetwyfeld goed uitdra, terwyl Harry, 33, tans steeds vyfde in lyn vir die Britse troon is.

Die nuus is nie deur almal in die Verenigde Koninkryk verwelkom nie, aangesien vrygewige wit belastingbetalers die monargie befonds. The Sun het vroeër die hoofopskrif “Harry Girl’s on Pornhub” uitbasuin, nadat foto’s van Markle vroeër op ‘n pornowebwerf verskyn het. Sy is ‘n sepie-aktrise in die reeks Suits.

In die Mail on Sunday, het skrywer Rachel Johnson gesê as die egpaar kinders het, sal die Windsors hul waterige, dun blou bloed en Spencer-bleek vel en rooihare verdik met ‘n “ryk en eksotiese” DNA. Johnson het ontken dat die kommentaar rassisties was, maar die meeste lesers het wel die voor-die-hand-liggende, sarkastiese rasse-konnotasie opgemerk.

Die paartjie het “gebraaide hoender by die huis” voorberei volgens Markle, toe die koninklike die ja-woord gevra het. Daar is ongelukkig ‘n baie hardnekkige rasse-stereotipe oor swart mense wat hoender eet in die VSA.

Claire Schmidt, professor aan die Universiteit van Missouri wat ras en geskiedenis bestudeer, het gesê hoenders was lank deel van die suidelike Amerikaanse diëet, want hulle het “spesiale nut vir slawe” as goedkoop, beskikbare kos gehad.

Schmidt het gesê dat net soos waatlemoen, ook ‘n kenmerk in die “rassistiese” uitbeelding van swartes, is “hoender ‘n goeie manier om bedekte rassisme uit te spreek” as gevolg van “die manier waarop mense dit eet”.

Sy het bygevoeg: “Dit is nog ‘n manier om ander rasse te verag sonder om in ernstige moeilikheid te kom.”

Die Joodse skryfster en uitsaaier Afua Hirsch -self van gemengde-ras – skryf in die Guardian dat die koninklike aankondiging dat ‘n senior koninklike met ‘n swarte gaan opeindig, ‘n hele omwenteling gaan veroorsaak.

Hirsch meen: “Die koninklike familie speel ‘n groot simboliese rol in ons samelewing, so dit is die simboliek van hierdie betrokkenheid wat my interesseer. Ek het gesukkel om groot te word met die gevoel dat die monargie fundamenteel was vir die Britte, maar dat die Britte wat hulle verteenwoordig het, ‘n groep was wat my uitgesluit het.

“Hierdie uitsluiting het saak gemaak. Dit het veroorsaak dat mense wat werklik Britte is, en swart, ‘n onverenigbare identiteit gehad het. Dit verteenwoordig ‘n reuse-taboe. Elke regering wat ek kan onthou het ‘n poging aangewend, ten minste retories, om rasse-diversiteit te erken en te beskerm. Die gesin aan die voorpunt van ons samelewing het egter niks daaromtrent gedoen nie. ”

Twee dekades gelede het baroness Kate Gavron voorgestel dat prins Charles, Harry se pa, met iemand swart moes getrou het.

Gavron se kommentaar was egter nie goed ontvang nie. Sommige het ‘n poging vermoed om van die monargie ontslae te raak, het die Guardian berig. Deur bloedvermenging kon hulle hul erfenis uitwis, en ‘n einde maak aan die bewind van die Windsors.

Die nuwe paartjie het voor hul verlowing in Botswana, naby Maun, in die Okovango-delta-streek, ryk aan wildlewe, vakansie gaan hou.

Hul bestemming was Meno a Kwena, of “Tande van die krokodil” waar alle reisigers uit hul voertuie moet klim en deur ‘n ontsmettingsmiddel moet loop om die gebied van bek-en-klouseer te beskerm, wat die res van die Afrika-land teister. Dit kan ewe simbolies wees as die koninklike strewe na multikulti.

Rapport ‘stem saam met Malema’ oor blankes, Afrikaans

Die links-liberale Sondagkoerant Rapport, wat deesdae grotendeels bestaan uit artikels wat uit die ekstreemlinkse Sondagblad City Press vertaal word, het gister ‘n hoofartikel gepubliseer waarin hy sy instemming met die standpunte van Julius Malema oor Afrikaans uitspreek.

Die titel van die artikel is: “Malema is reg — maak egter kru denkfoute.” Terwyl Malema geheel en al anti-Afrikaans is en wil hê dat die taal moet verdwyn, sien Rapport egter een of twee polities korrekte redes waarom Afrikaans ten dele moet voortbestaan. Een van die redes wat die Sondagblad aanvoer, is dat “Afrikaans die taal met die mees etnies-diverse sprekers” is. Verder is Afrikaans reeds op enkele uitsonderings na op universiteit afgeskaf, iets wat Rapport klakkeloos aanvaar en eintlik toejuig. Rapport verklaar: “Geen universiteit doseer meer uitsluitlik in Afrikaans nie en die meeste kursusse word glad nie in enige taal benewens Engels aangebied nie.”

Mites en vooroordele betreffende Afrikaans en Afrikaners waaroor Rappport met Malema saamstem, is onder andere:

  • Malema is reg wanneer hy sê wit mense is in baie sfere van die Suid-Afrikaanse samelewing nog die bepalers van norme en kultuur.
  • Hy is reg dat te veel swart mense nog in 2017 verneder word deur ’n tekort aan kwalifikasies en werk.
  • Hy het reg dat Afrikaans tydens apartheid ’n belangrike draer van Afrikanerkultuur was en dat die tale en kulture van ons swart landgenote – net soos ons swart landgenote self – as minderwaardig beskou is. “Bantoetale” was in die formele ekonomie taboe.
  • Malema is ook reg dat Afrikaanse mense – eerder as die sprekers van die inheemse Afrikatale – gedien word deur die voortgesette gebruik van Afrikaans as onderrigtaal.
  • Hy is reg dat Afrikaanse én Engelse kurrikulums deur talle swart studente – reg of verkeerd – as ontoeganklik ervaar word.
  • Hy is reg om steeds woedend te wees oor die onregte wat sy mense aangedoen is in die naam van Afrikanernasionalisme, wat op sy beurt ’n reaksie was op die vernedering en verarming wat Afrikaners aan die hand van die Britte moes deurmaak.
  • Malema is reg dat baie wit Suid-Afrikaners, en baie Afrikaners, veral in die vorige bedeling, min moeite gedoen het om Afrikakultuur en Afrikatale te omarm, en eerder van swart Suid-Afrikaners verwag het om Engels en Afrikaans hul eie te maak.

“Laastens,” meen Rapport,  “Malema se geloof dat (Afrikaans) ’n wit konstruk is, was in 1976 laas korrek.

 

 

Bob bedank nadat hy sy land totaal vernietig het

Zimbabwiese president Robert Mugabe het bedank. Die Afrika-bevrydingsheld en een van die wêreld se mees berugte diktators het Dinsdag as president uitgetree, ‘n week nadat die weermag en sy voormalige politieke bondgenote teen hom gedraai het.

Die spreker van die parlement, Jacob Mudenda, het ‘n brief in Mugabe se afwesigheid gelees waarin hy verklaar het dat hy “met onmiddellike effek sal gaan”. Diegene wat gister nog vir Grace Mugabe ondersteun het, juig nou saam dat die Mugabes geskiedenis is.

Sondag was Mugabe nog steeds aan bewind ná ‘n bloedlose staatsgreep deur die weermag. Hy het aanvanklik geweier om uit te tree selfs nadat hy uit ZANU-PF geskors is, die politieke party wat hy vir vier dekades gelei het.

Terwyl Zimbabwiërs laat in die nag te kere gegaan het, is daar geen verwagting dat die land sal verander nie. “Bob”, soos hy in Suid-Afrika bekend is, was 37 jaar lank aan bewind en het een keer gespog dat “alleen God” hom kon verwyder.

Prominente wit Zimbabwiese opposisie-politikus David Coltart het ná Mugabe se bedanking getwiet: “Ons het ‘n tiran verwyder, maar nog nie ‘n tirannie nie.”

Die Afrika-despoot het sy land met vrees regeer en ‘n eens belowende ekonomie, die “boordmandjie van Afrika” verwoes.

Mugabe laat ‘n ekonomie, eens die grootste mielie-uitvoerder in Suider-Afrika met ‘n beraamde 95 persent van die arbeidsmag werkloos, openbare infrastruktuur wat totaal ineengestort het en wydverspreide tekorte aan kontant en kos wat gereeld gerapporteer word.

Byna ‘n kwart van Zimbabwiërs het tans voedselhulp nodig en 72 persent leef in armoede, het The Economist berig.

Die land se ellende is gewortel in Mugabe se steun vir die beslaglegging op plase in wit besit, wat die landbouproduksie, uitvoerverdienste en belastinginkomste vernietig het. Maar dit is ‘n beleid wat die ANC in Suid-Afrika hoop om na te boots.

Vanaf Januarie 1983 is ‘n terreurveldtog teen die Ndebele-etniese groep in Matabeleland, in die weste van Zimbabwe, gevoer. Die Gukurahundi-volksmoord het meer as 20 000 burgerlikes gedood, na ‘n moordtog van Robert Mugabe se gevreesde Noord-Koreaanse Vyfde Brigade.

Mugabe se mededinger Joshua Nkomo, leier van Zapu, het oorweldigende steun onder die Ndebeles geniet en in die woorde van “Bob” moes die mense van Matabeleland “heropgevoed” word.

Sydney Sekeramayi, minister van verdediging, het na bewering gesê dat Mugabe nie net bewus was van wat aangaan nie, maar dat die Vyfde Brigade onder Mugabe se eksplisiete bevele opgetree het.

Soos met die aanvalle op wit boere in Zimbabwe, het Westerse regerings niks gedoen toe die omvang van die bloedbad bekend geword het nie, en Mugabe het sy veldtog van etniese suiwering voortgesit.

Linkses in die Weste het Mugabe se aanklag van “neo-kolonialisme” gedienstig herhaal om sy misdade toe te smeer, in die hoop om ondersteuning van Afrika-leiers te verkry.

Trouens, Mugabe se volgehoue ​​en strategiese poging om alle politieke opposisie binne vyf jaar van onafhanklikheid te verwyder, het aan hom ‘n Britse ridderskap besorg wat deur koningin Elizabeth II self aangespeld is.

Mugabe se ZIPRA-vegters het in 1979 sy guerrilla-oorlog “vir vryheid” van stapel gestuur. Hulle het in 1979 die Air Rhodesia Viscount Flight RH827 afgeskiet met ‘n infrarooimissiel, ‘n Russiese Strela 2 wat al die wit passasiers en bemanning aan boord gedood het. Dit bly tot dusver die dodelikste lugvaartvoorval in Rhodesië.

Op 25 Februarie 1979 het die Rhodesiese Lugmag, met geheime hulp van Suid-Afrikaners, Operasie Vanity geloods, teen ‘n ZIPRA-kamp in Angola, in antwoord op die lugaanval.

Die eens hoogs suksesvolle Britse kolonie, Suid-Rhodesië, is opgeoffer vir politieke opportunisme om ‘n eenparty-Marxistiese diktatorskap te vestig.

So onlangs as Julie vanjaar het Mugabe se oproep om al die oorblywende blanke kommersiële boere van hul eiendomme uit te skop, ‘n nuwe golf invalle in die land veroorsaak.

Tydens ‘n saamtrek in Marondera het Mugabe gesê sy party se jong ondersteuners moet die oorblywende grond konfiskeer, het News24 berig.

Ndebele-werkers op die plaas het Mugabe se handlangers beskuldig dat hulle Rusape-polisiebeamptes omgekoop het om ‘n wit boer te terroriseer, wat veroorsaak het dat die polisie vuurwapens op kwaai swart dorpenaars gerig het wat by die eiendom vergader het ter ondersteuning van die wit kommersiële boer, Robert Smart van Lesbury Farm.

“Die polisie het ‘n kluis oopgemaak wat Smart se geld bevat het en weggeloop met $75 000 wat bedoel was vir die betaling van werkers se salarisse,” het ‘n bron op die plaas vertel.

Verslae het getoon dat Mugabe se Zanu-PF-party swaargewigte en die weermag ‘n deel van ‘n plaas binnegeval het waar een van die voorste landbou-opleidingsinstitute in Suider-Afrika, Blackfordby College of Agriculture, geleë is.

Die Afrika-oorlogshelde is meer geïnteresseerd in hulself as om die armoede-geteisterde miljoene op te hef. Die grootskaalse korrupsie en gierigheid, nepotisme en bedrog wat deur die Mugabe-regering gepleeg word, word deur die ANC geprys.

Reeds in 2008 het inflasie ‘n koers van 231,000,000 persent getref. Die geldeenheid moes swig voor hiperinflasie.

Die Suid-Afrikaanse regerende party, ‘n sterk ondersteuner van die Mugabe-regime, het nog nie ‘n verklaring oor sy bedanking vrygestel nie.