Meer as ‘n derde van polisienommers werk nie

Meer as ‘n derde van die telefoonnommers wat as Suid-Afrikaanse polisiestasienommers gelys is, werk nie.

Volgens Dianne Kohler Barnard van die DA sal hulle die lys aan die polisiekommissaris voorlê sodat die SAPD die probleem kan aanspreek voor die feesseisoen.

Dié ontstellende nuus kom nadat ‘n verslag van die ouditeur-generaal bekend gemaak het dat 50 000 oproepe na 10111, die nooddiensnommer, in 2008 laat vaar is omdat die reaksietyd te lank was.

Die ondersoek wat die DA onderneem het toon aan dat in 97 gevalle van die 270 oproepe wat gemaak is, oftewel 35%, het die oproep nie na ‘n lid van die polisie deurgeskakel nie. Die betrokke nommers is elk drie keer op verskillende tye getoets.

Noorwes en die Noordkaap was die ergste provinsies wat betroubare nommers aanbetref. In dié betrokke provinsies het 57% van die oproepe nie na die polisie deurgeskakel nie.

Dit het geblyk dat sommige telefone nie beantwoord is nie en net aangehou lui het, terwyl sekere telefone gedurende spesifieke tye van die dag gediskonnekteer was.

In Limpopo het slegs 4 uit 10 stasies elke oproep beantwoord en in misdaadmekka Gauteng het net die helfte van alle polisiestasies elke oproep beantwoord.

In ‘n paar gevalle het die SAPD-nommer in ‘n gebied verander, maar is nie deur die stasie aan die publiek gekommunikeer nie.

 

сапфировая брекет системаЛобановский

Athene weer gebuk onder geweld

Gemaskerde oproermakers het klappers en klippe na polisielede gegooi tydens ‘n gewelddadige optog wat Sondag is Athene plaasgevind het.

Die optog het plaasgevind om die dood van ‘n tiener wat deur polisie doodgeskiet is, vir die eerste maal te herdenk. Dé skietvoorval het ‘n jaar gelede tot reusagtige en gewelddadige optogte gelei.

Polisie moes traangas gebruik om die skare, wat die vensters van banke uitgeslaan het, asblikke omgegooi het en klippe en klappers na die hul gegooi het, uitmekaar te jaag.

Minstens 48 mense is in hegtenis geneem en nog 50 is in die stad Thessaloniki, waar soortgelyke optogte plaasgevind het, gevang.

Duisende mense het aan die optog deel geneem om die dood van Alexandros Grigoropoulos (15) te herdenk.

Jeugdiges het vir twee weke lank die strate van stede in Griekeland op hol gehad ná Grigoropoulos se dood.

 

casino slotsФильчаков прокурор харькова

SA diplomaat in DRK geskiet

‘n Suid-Afrikaanse diplomaat in die DRK is ernstig gewond, het die departement van internasionale verhoudinge bekendgemaak.

“Ek kan bevestig dat ‘n Suid-Afrikaanse vrou in die Demokratiese Republiek van Kongo geskiet was. Sy het die presidensiële area in ‘n motor verlaat, toe sy die voorval plaasgevind het,” het Saul Molobi, ‘n woordvoerder gesê.

“Sy is tans in ‘n kritieke toestand in die hospitaal.”

Volgens hom is planne reeds van stapel gestuur om die vrou terug na Suid-Afrika te vlieg, sodat sy verdere mediese behandeling kan kry.

“Nietemin wag die departement steeds op ‘n polisie verslag, en is ons nog nie seker of enige persone in verband met die voorval in hegtenis geneem is nie,” het Molobi gesê.

“Ons sukkel ook om haar familie in die hande te kry, en kan dus nie haar identiteit bekend maak nie.”

 

обслуживание и ремонт дизельных генераторовФильчаков прокурор харькова

Swapo wen loshande

Swapo, Namibië se regerende party, het sy vyfde agtereenvolgende oorwinning in die land se verkiesings behaal.

President Hifikepunye Pohamba het vir homself ‘n tweede vyf jaar lange termyn verseker met 76% van die stemme in die presidensiële verkiesing.

Swapo het 74% van die stemme in die parlementêre verkiesing gekry, terwyl die jong RDP-party 11.4% behaal het, het die land se verkiesingskommissie, ECN, Vrydag gesê.

Leier van die opposisie, Hidipo Hamutenya, het 10% van die stemme in die presidensiële verkiesing verwerf.

Die RDP beweer egter daar is met die uitslae gepeuter. Hulle meen die stadige tempo waarteen die uitslae getel is, is verdag.

Die RDP en sewe ander partye het onderneem om geregtelike stappe teen die ECN te neem.

Die ECN sê dat die telproses lank geneem het omdat die kommissie wou seker maak dat dit korrek was.

 

слюнявчики для детей купитьДанильченко Харьков

Waak vir Chris Louw môre by Markspark in Johannesburg

Chris LouwJoernaliste, skrywers, aktiviste vir Afrikaans en gewone Afrikaners gaan môre Saterdag 5 Desember vanaf 16.00 in die “Colonial Room” (ironiese benaming!) by Markspark in Johannesburg byeenkom om hulde aan die ontslape joernalis Chris Louw te bring. RSG, Beeld, praag.co.za en ander publikasies en media sal daar verteenwoordig wees.

Lede van die publiek en lesers van Chris Louw se rubrieke en artikels is insgelyks welkom om die geleentheid by te woon. Verversings sal bedien word en daar sal ‘n kontantkroeg beskikbaar wees.

Elkeen wat Louw geken het, sal die geleentheid hê om oor ‘n luidsprekerstelsel te praat en aan hom hulde te betoon of hul sê te sê. Louw se selfmoord te midde van die bestaanskrisis wat Afrikaners ervaar, het ‘n ongekende reaksie veroorsaak en ‘n behoefte onder Afrikaanse mediamense en skrywers ontketen om rondom Louw se dood met mekaar te assosieer en te besin.

Van die bekendes wat die geleentheid gaan bywoon, benewens dr. Dan Roodt van PRAAG, is Foeta Krige, uitvoerende regisseur van Monitor op RSG, Tim du Plessis, redakteur van Beeld, Andriette Stofberg, redaktrise van die nasionale bylaag “By” wat in Beeld, Burger en Volksblad versprei word. Dr. Frederik van Zyl Slabbert, voorsitter van die Caxton-groep en voormalige politikus, ry spesiaal van Swaziland af om die geleentheid by te woon.

‘n Groep Afrikaanse skrywers onder die afgetrede akademikus, dr. Charles Malan, gaan insgeslyks by Markspark te siene wees.

Die verwagting is dat die gesprek, besinning en kuier tot middernag sal duur en diegene wat eers later as 16.00 wil of kan opdaag, sal steeds welkom wees.

Uitgewery Praag gaan honderd-en-twintig eksemplare van die volledige “Ope brief aan Willem de Klerk”, die sogenaamde “Boetmanbrief” by die byeenkoms uitdeel. ‘n Kameraspan van www.praag.co.za sal ook die gebeure op video vaslê vir latere verspreiding op die internet.

Markspark is die sportsgronde tussen Emmarentiadam en Melvillekoppies in Johannesburg. Dit kan vanaf die ou DF Malanrylaan (tans Beyers Naudé Drive) bereik word. Indien enigiemand navraag wil doen of aanwysings wil hê, stuur ‘n e-pos aan inlig@praag.org.

 

free online casino playФільчаков прокурор

Baanbrekende sonkragvliegtuig maak kort vlug

Die prototipe van Solar Impulse, ‘n baanbrekende Switserse poging om om die wêreld op sonkrag te vlieg, het gister kortliks vir die eerste keer onder batterykrag opgestyg, sê die organiseerders.

Die hoë-tegnologie enkelsitplektuig met die vlerkspan van ‘n Airbus A340 passasierstraler, 63,4 meter, het ‘n beheerde 400-meter vlug omtrent ‘n meter bo die aanloopbaan by Duebendorf lugmagbasis naby die Switserse stad Zürich gemaak, sê medestigters Bertrand Piccard en André Borschberg.

“Nog nooit het ‘n vliegtuig soos dié een gevlieg nie, en dis uitsonderlik, want dit is ‘n gebied van vlug wat tot dusver nie ondersoek is nie,” het Borschberg, die uitvoerende hoof van Solar Impulse gesê.

“Dit was baie belangrik om te sien of dit sou opstyg en op watter manier ons dit stabiel kan hou,” het hy bygevoeg.

Ten spyte van sy vlerkspan weg die vliegtuig net 1,600 kilogram, omtrent soveel soos ‘n middelslag motor.

Hoewel die prototipe uitgerus is vir sonkragvlug, is die vier elektriese motore vir die geleentheid deur batterye aangedryf.

‘n Eerste ononderbroke 36-uur vlug in die donker in Switserland word vir die lente van 2010 beplan, met die vooruitsig van ‘n vyffasevlug rondom die wêreld in 2012.

 

системы освещенияЛобановский Харьков

22 dood na selfmoordbomaanval in Somalië

‘n Manlike selfmoordbomdraer wat soos ‘n vrou aangetrek is, het gister in ‘n klein deeltjie van die hoofstad wat nog onder regeringsbeheer is, ‘n gradeplegtigheid aangeval en 22 mense gedood, insluitende drie kabinetsministers, dokters en mediese studente.

Die aanval is ‘n ernstige terugslag vir ‘n land wat geteister word deur oorlog, en het die regering se slap greep op selfs dié klein area van Mogadisjoe onderstreep. Vredestroepe van die Afrika Unie wat die regering beskerm, is elke dag in gevegte met Islamitiese militantes wat groot dele van sentraal en suidelike Somalië onder beheer het, en wat so astrant in die hoofstad optree dat hulle openbare teregstellings uitvoer.

“Wat vandag gebeur het, is ‘n nasionale ramp,” het Somalië se minister van inligting, Dahir Mohamud Gelle, gesê. Hy het bevestig dat die minister van onderwys, hoër onderwys en gesondheid in die ontploffing gesterf het. Die ministers van sport en toerisme is in die aanval in die Shamo Hotel gewond, het hy gesê.

Die aanvallers het een van Somalië se belangrikste pogings om hulleself uit die anargie en geweld te sleep, getref, en dit verduidelik die teenwoordigheid van soveel hooggeplaaste regeringsamptenare. Die voormalige mediese studente was onder die gegradueerdes wat uit maar net die tweede klas wat diplomas van die mediese skool ontvang het.

Die eerste klas het ‘n jaar gelede gegradueer. Voor dit was dit amper twee dekades sedert enige iemand deurgekom en ‘n mediese graad in Somalië ontvang het.

 

ручной пневмоинструментФильчаков прокуратура харьков

Hof weier Bin Laden se seun toegang tot Brittanje

‘n Poging deur een van Osama bin Laden se seuns om Brittanje te besoek, is gister deur ‘n immigrasietribunaal verwerp te midde van vrae oor sy beoogde huwelik met ‘n Britse vrou en sy houding teenoor sy pa.

Omar bin Laden, 28, het in April 2008 sy appèl teen Brittanje se weiering om hom toe te laat om daarheen met die Brits-gebore Zaina Alsabah, met wie hy beweer hy in sy tuisland van Saoedi-Arabië in 2007 getroud is, verloor.

Die adjunk-president van die asiel- en immigrasietribunaal, Mark Ockelton, sê hulle egverbinding “was nie as geldig onder Engelse wet beskou nie,” deels omdat albei destyds met ander mense getroud was.

Ockelton het bygevoeg dat hy “nie tevrede was” dat die paartjie, wat in September 2006 ontmoet het, enige bedoeling gehad het om saam te woon nie.

In hulle verwerping van Omar se aansoek, verlede jaar, het Britse owerhede in Egipte, waar die paartjie gewoon het, sy “voortgaande lojaliteit” teenoor sy pa as een rede aangevoer en gesê sy teenwoordigheid in Brittanje sal “publieke kommer” veroorsaak.

Ockelton sê ‘n persoon se ouers behoort nie teen hulle te tel wanneer daar besluit word of hulle tot Brittanje toegelaat moet word nie, maar sê Omar se siening dat sy pa nie ‘n terroris is nie “mag kommer veroorsaak.”

“Dit kom vir my voor of die teenwoordigheid in die Verenigde Koninkryk van ‘n persoon wat nou verbind is aan Osama bin Laden, en die standpunte uitspreek wat die aansoekdoener uitspreek, waarskynlik openbare ongerustheid en moontlik openbare onrus sal veroorsaak,” sê hy.

Omar is die vierde van 11 kinders van sy pa se eerste vrou en is na bewering een van 19 wat verwek is deur die man wat verantwoordelikheid aanvaar het vir die 11de September 2001 se aanvalle op die Verenigde State. Hy beweer hy het sy pa nog nie weer sedert 2000 gesien nie.

Zaina, voorheen bekend as Jane Felix-Browne, is ‘n Moslem wat al ten minste vyf keer tevore getroud was, het die tribunaal se beslissing gesê.

 

машины игрушкаФильчаков Александр Васильевич

Venezuela se Chavez nasionaliseer twee banke

Venezuela se linksgesinde president, Hugo Chavez, het gister gesê dat hy die nasionalisering van nog twee banke, wat deur sy regering gesluit is om beweerde rekeningkundige onreëlmatighede te ondersoek, genasionaliseer.

Nuus dat die twee banke in privaatbesit, Confederado en Bolivar, die nuutste teikens van Chavez se pogings is om die ekonomie te herskep, het Venezuela se geldeenheid en aandele in ope verhandeling laat tuimel.

“Sodra hulle gerehabiliteer is, sal die Bolivar en Confederado banke deel word van die openbare finansiële stelsel,” het Chavez aan ‘n gebeeldsende vergadering van ekonomieministers gesê.

Chavez het hierdie week twee ander privaatbanke – Banco Canarias en BanPro – ontbind na ‘n reeks nasionaliserings in ander sektore.

Sedert hy in 2007 in die amp bevestig is, het Chavez beweeg om maatskappy te beheer in die kragvoorsiening-, sement-, staal-, oliedienste- en bankbedrywe.

Meer as 70 persent van Venezuela se banksektor is in private besit, maar die staat het die hoof finansiële akteur geword deur in Mei die Banco de Venezuela, die land se derde grootste bank en voorheen in die besit van die Spaanse groep, Santander, te nasionaliseer.

Chavez het aangedui dat hy nog privaatbanke, wat hy daarvan beskuldig het dat hulle hulle “uitleensending” verraai het om sodoende in “finansiële spekulasie” te spesialiseer, in die visier het. Dit kom teen die agtergrond van ‘n verlangsamende Venezuela ekonomie.

Volgens JP Morgan, ‘n VSA-gebaseerde finansiële dienstefirma, sal die bruto binnelandse produk met 2,5 persent hierdie jaar krimp, soos wat buitelandse beleggings en die lopende rekeningbalans versleg.

 

детские заводные игрушкиОлександр Фільчаков прокурор

Eskom kry mededinging

Onafhanklike kragverskaffers sal nou danksy die Nasionale Geïntegreerde Hulpbronplan met Eskom kan meeding.

Dipuo Peters, minister van energie, het Donderdag in Pretoria gesê: “Dié plan bepaal wat Suid-Afrika teen 2013 moet hê om kragsekerheid te verseker.”

Peters sê die hulpbronplan maak voorsiening vir tot 1 020 MW krag uit die private sektor in 2011.

’n Nuwe entiteit, die Onafhanklike Stelseloperateur (OSO), wat nie in Eskom gesetel is nie, is deur die departement van energie geskep.

“Die OSO sal verantwoordelik wees vir sake soos elektrisiteitsaankope van onafhanklike kragverskaffers en sal dit moontlik maak om die potensiaal van onafhanklike verskaffers behoorlik te benut. Dié nuwe entiteit kan reeds binne drie maande op die been wees en sal beteken dat Eskom nie langer die speler en die skeidsregter in die plaaslike kragwêreld is nie.”

Eskom se planne om die bou van die Kusile-kragstasie te vertraag om geld te bespaar is ook van die baan.

Volgens die hulpbronplan sal die Kusile-kragstasie nie vertraag word nie en steeds teen 2013 die eerste keer elektrisiteit aan die nasionale netwerk lewer.

Twee hernieubare-kragprojekte, ’n windkragprojek van 100 MW en ’n sonkragprojek van nagenoeg 50 MW, is ook veronderstel om aan die begin van 2010 op dreef te kom.

“Verder is daar voorsiening gemaak vir 1 145 MW se krag vanaf hernieubare-energieprojekte uit die private sektor teen 2012. Dié bepaling in die hulpbronplan beteken kontrakte vir dié elektrisiteit kan nou toegeken word,” het Peters gesê.

“Waar die geld vandaan kom, moet Eskom en sy aandeelhouers uitwerk. Ons kan nie ophou beplan omdat daar nie geld is nie. Ons moet die plan opstel en dan moet die geld gevind word. Kragsekerheid is nie onderhandelbaar nie,” het Peters gesê.

Omphi Aphane, waarnemende direkteur-generaal van elektrisiteit, kernkrag en hernieubare energie, sê die hulpbronplan maak voorsiening vir ’n deurtastende elektrisiteitsbesparingsprogram.

Tot 30% van die krag wat nasionaal opgewek word, word tans vermors volgens Aphane. “Die potensiaal om te spaar is dus enorm.”

Hy het gesê dit is goedkoper om krag te bespaar as om nuwe vermoë te bou.

 

online casino notopcargo отзывы