Nuus Archives - Page 468 of 1583

‘Palestynse regering van nasionale eenheid sal terreur versterk’

Israel se premier het ‘n beroep op wêreldleiers gedoen om nie die Palestynse regering van nasionale eenheid te erken nie. Dié regering sal na verwagting gevorm word met die militante groep Hamas.

Benjamin Netanyahu het gesê die regering van nasionale eenheid sal “terrorisme versterk”, want Hamas vra glo vir die vernietiging van Israel.

“Die internasionale gemeenskap moet dit nie omhels nie,” het Netanyahu aan die begin van sy weeklikse kabinetsvergadering gesê.

Die Palestynse president Mahmoud Abbas sê sulke vrese is ongegrond. Hy het gesê die regering sal saamgestel word uit apolities tegnokrate en sal Israel erken en afstand doen van geweld .

Die nuwe regering is bedoel om ‘n sewe-jaar verdeling tussen Hamas en Abbas se mededinger Palestynse beweging, Fatah te beëindig.

Alhoewel Hamas nie in die regering sal sit nie, het hulle ingestem om dit te steun.

Israel sê Hamas wat as ‘n terroriste-organisasie deur Israel en die Weste beskou word, kan nie ‘n rol in die regering van die Palestyne speel nie totdat dit afstand doen van geweld.

Departement van basiese onderwys verwerp wiskundeverslag

Die departement van basiese onderwys het ‘n verslag deur die Wêreld Ekonomiese Forum oor die land se wiskunde en wetenskap-syfers verwerp.

Die gehalte van Suid-Afrika se wiskunde- en wetenskaponderwys is die laaste uit 148 lande, volgens ‘n verslag Wêreld Ekonomiese Forum.

Die departement sê die verslag is nie geloofwaardig nie en is nie ‘n korrekte weerspieëling van die stand van onderwys in Suid-Afrika nie.

Volgens die verslag getiteld “Global Information Technology Report 2014” vaar SA swak in ‘n netwerkgereedheidsindeks (NRI).

Suid-Afrika vaar glo met “vaardighede” swakker as Haïti, Lesotho, Tsjad, Zimbabwe, Nigerië, en Kenia.

Dié indeks bepaal die toestand van inligting en kommunikasietegnologie. Daarvolgens is die gehalte van die land se wiskunde en wetenskaponderwys die swakste uit 148 lande.

Die departement sê egter dat die verslag nie sy bevindinge grond op enige wesenlike toetse wat deur leerlinge gedoen is nie en dat die forum ook nie inter-aktief by leerlinge betrokke was nie.

Daar is 10 verskillende sub-kategorieë waaruit die algehele NRI posisie bepaal word.

Sirië na die stembus

Meer as 15 miljoen Siriërs sal Dinsdag aan ‘n presidensiële verkiesing deelneem.

President Bashar al-Assad en sy pa, Hafez het voorheen hul mandaat in referendums bekragtig.

Assad sal egter hierdie keer teen twee ander kandidate aan die wedloop deelneem: Maher Hajjar en Hassan al- Nouri, albei lede van die interne opposisie.

Die buitelandse terroriste wat deur die VSA geborg word en wat poog om Sirië te destabiliseer, het die verkiesing gekritiseer aangesien dit hulle verder op die agtervoet sal plaas.

Volgens waarnemers sal die gewilde al-Assad maklik die verkiesing wen. Die Amerikaanse terreurveldtog het reeds die lewens van 160.000 mense geëis.

Assad, geklee in ‘n grys pak en blou hemp, verskyn oral op plakkate met die opskrif “Saam”.

Verskeie motors wat nasionale vlae en foto’s van die president vertoon het, het nasionalistiese liedere uitgebasuin ter ondersteuning vir al-Assad wat die land sedert 2000 regeer.

Sirië word tans deur ‘n terreurveldtog verdeel. Al-Assad is die enigste waarborg om Sirië sterk te hou, sê sy ondersteuners.

Die Siriese parlement het onlangs ‘n kieswet goedgekeur om ‘n multi-kandidaatwedloop moontlik te maak. Die nuwe wet bepaal dat enige kandidaat in Sirië woonagtig moes gewees het vir die afgelope 10 jaar en kandidate kan nie enige ander burgerskap hou nie.

Die regering het onlangs ook ‘n groot oorwinning behaal deur ‘n ooreenkoms met die laaste terrosriste in die sentrale stad van Homs te sluit. Onder die ooreenkoms het 2000 terroriste en hul ondersteuners veilige deurgang verkry na gebiede in die noorde en sodoende die beheer van Homs – die land se derde grootste stad – aan die regering terugoorhandig.

Die verkiesing sal slegs gehou word in gebiede wat nie onder beheer van die terroriste is nie.

Die VSA het die verkiesing as ‘n “bespotting van demokrasie” bestempel, en wil kennelik nie die burgeroorlog wat ná drie jaar voortwoed, ophou aanstook nie.

Simpatie-staking in suikerbedryf beplan

Die voedselvakbond, FAWU het vroeër gesê ‘n simpatie-staking sal gereël word by alle maatskappye waar suiker as ‘n bestanddeel gebruik word, het RSG berig.

‘n Woordvoerder sê hy hoop dat vakbondlede in die voedselverwerking- en drank-vervaardigingsektore die staking sal ondersteun.

FAWU sal Maandag se vergadering tussen werkers en werkgewers bywoon om die salarisdispuut in die suikerbedryf te probeer oplos.

Sowat 5.000 werkers wat lede van Fawu is, staak sedert verlede Maandag nadat salarisonderhandelings skipbreuk gelei het.

Die vergadering is deur die Kommissie vir Versoening, Bemiddeling en Arbitrasie belê.

Werkers eis ‘n elf-komma-vyf persent verhoging, terwyl werkgewers hulle aanbod van sewe-komma-vyf na agt-komma-vyf persent aangepas het.

SAKP is verbind tot transformasie in mynbedryf

Die Suid-Afrikaanse Kommuniste party sê mynmaatskappye wat die voorwaardes vir mynlisensies breek, moet gestraf word.

Die hoofsekretaris van die SAKP, Blade Nzimande sê mynmaatskappye se sug na mega-winste kan nie verder toegelaat word nie.

Nzimande sê die voorgestelde indaba moet staatsingryping ondersoek, asook kollektiewe bedinging vir alle mynsektore en die graderingstelsels van myne aanpas.

Die adjunk-hoofsekretaris, Jeremy Cronin het gesê die party is verbind tot die transformasie van die mynbedryf.

Dié en ander verklarings is by die afsluiting van die party se driedaagse sentrale komitee vergadering in Johannesburg gemaak.

Cronin het gesê mynmaatskappye behoort behuising, mynveiligheid en inspraak deur werkers op te knap.

Die SAKP het ook ‘n beroep op die regering gedoen om ‘n mynindaba te belê om die staking wat die platinumbedryf lamlê, te bespreek.

Die party sê hoewel die staking en die ontwrigting in die platinum-gordel beëindig moet word, moet ‘n skikking ook die dieper kwessies aanspreek.

Die arbeidshof het sy uitspraak oor ‘n dringende aansoek deur die vakbond, Amcu teen die onttrekking van die platinumprodusente, Amplats en Implats aan die hof se bemiddelingsproses tot Maandag voorbehou.

Die aansoek teen die derde maatskappy, Lonmin is uitgestel weens sy voortgesette deelname aan die proses, wat vandag sal voortgaan.

Amplats en Implats het hulle onttrek aan die bemiddelingsproses omdat hulle deelneem aan die regeringstaakspan se loononderhandelings.

Die minister van Minerale Hulpbronne, Ngoako Ramatlodi het die span aangestel om as bemiddellaar op te tree. Dit is nie bekend wanneer die interministeriële taakspan hul onderhandelings sal hervat om die staking te probeer beëindig nie.

Amcu is gekant teen die mynhuise se meningspeilings onder sy werkers oor of hulle die staking wil beëindig en wil terugkeer werk toe.

Cholera nie in Bloemhof se water nie

Watertoetsing in Bloemhof in Noordwes het aangetoon dat daar nie cholera teenwoordig is in die water nie.

‘n Hele aantal voorvalle van diarree is verlede verlede week in die sorp aangemeld.

Die Nasionale Instituut vir Oordraagbare Siektes het die waterkwaliteit in die Lekwa Teemane munisipaliteit getoets.

‘n Woordvoerder van die Instituut, Professor Lucille Blumberg sê die moontlikheid van cholera is uitgesluit, nadat die water negatief getoets het.

Blumberg sê die oorsaak van die probleem is eerder besoedelde water. Die instituut is besig om die water te toets vir ander siektes, insluitend gastroëntiritis.

Tientalle inwoners waaronder kinders en babas moes verlede week by plaaslike klinieke behandel word vir maagaandoenings.

Vyf baba’s is in die hospitaal opgeneem, waarvan drie dood is. Daar is gevrees dat dit dalk deur cholera veroorsaak kon gewees het.

Die minister van Water en Sanitasie, Nomvula Mokonyane, het intussen die Lekwa Teemane munisipaliteit besoek.

Volgens die minister is daar ernstige probleme met watertoevoer regoor die Noordwes provinsie, en in ‘n groot aantal gebiede moet water-infrastruktuur opgegradeer word.

Sy sê nasionale ingryping in die provinsie is onafwendbaar.

‘n Munisipale bestuurder van die munisipaliteit, Andrew Makuapan is intussen geskors hangende ‘n forensiese ondersoek na die raad se sake.

Sedert April is teister gewelddadige oproer die gebied. Die premier van Noordwes, Supra Mahumapelo sê die finale forensiese verslag sal môre voor die uitvoerende raad van die provinsie dien.

Hy sê Makuapan is voorwaardelik geskors sodat die ondersoek glad kon verloop.

Julius Malema, EFF-leier het die gesinne van die drie kinders wat in Bloemhof in Noordwes dood is van besmette water aangeraai om regstappe teen die provinsiale regering te neem.

Die kinders, almal jonger as twee jaar, is dood aan ontwatering en nierversaking weens diarree. Die EFF in Noordwes sê die provinsiale regering het misluk om die water-infrastruktuur op die dorp te verbeter.

Plaasaanvallers slaan 2 keer in 4 weke toe

Plaasaanvallers het twee keer in vier weke op ’n plaas in Delmas toegeslaan.

Die stasiebevelvoerder van die Delmas-polisiekantoor, sê dit is “bisar” dat aanvallers binne vier weke op een plaas toeslaan.

Die drie gesinslede is Dinsdag met ’n strykyster gemartel, het Beeld berig.

Jan Berg (78) is op sy agterstewe gebrand, sy dogter, Riana (45), op haar wang en bene. Vier weke gelede is Jan se vrou, Ina (75), op die wang gebrand.

Jan is toe ook met ’n geweerkolf op die voorkop geslaan.

Die aanvallers het by vorige geleenthede kontant, ‘n voertuig en ‘n wapen gebuit na doodsdreigemente.

Die gesin het intussen diefwering en veiligheidshekke laat aanbring, maar die swart aanvallers het weer Dinsdag die eiendom binnegedring.

Drie swartes is Woensdag in hegtenis geneem. Die gesin het een verdagte uitgeken wat Vrydag in die Delmas-landdroshof op aanklagte van huisroof en aanranding met die opset om ernstig te beseer, sal verskyn.

Gigaba kondig nuwe verblyfregulasies aan

Die minister van Binnelandse Sake, Malusi Gigaba, het gesê diegene wat meen dat die wysigings aan immigrasieregulasies ongrondwetlik is, moet dit na die hof neem.

Gigaba het belangrike wysigings rakende buitelanders se verblyfvoorwaardes in Suid-Afrika bekend gemaak.

Die maatreëls sluit in dat alle kinders wat reis hulle eie paspoorte moet hê en dat permitte vir studie se voorwaardes streng toegepas sal word vir die tydperk wat toegewys word.

Sakelui met visums sal ook ten minste van 60 persent plaaslike arbeid gebruik moet maak.

Hy sê besoekers wat hulle verblyfvoorwaardes aan die land oorskry sal nie langer beboet word nie, maar as ongewens verklaar word.

Permitte aan Zimbabwiërs, bekend as visums, verstryk vanjaar maar Gigaba sê “baie dinkwerk” is nodig voordat die regering sy beleid oor immigrante uit Zimbabwe sal aankondig.

Die permitte wat uitgereik word kragtens die spesiale bedeling sal verval, en die departement se syfers dui daarop dat byna 250.000 mense permitte onder die Zimbabwe Document Project ontvang het.

In Maart het die minister van binnelandse sake Naledi Pandor gesê permithouers sal weer aansoek moet doen vir hul permitte in hul land van herkoms .

Donderdag het Gigaba gesê die omstrede nuwe visumregulasies vir besoekers aan Suid -Afrika is ten volle grondwetlik.

Global Migration SA het gesê die wysigings is ongrondwetlik en kan lei tot litigasie teen die regering. Die maatskappy hanteer aansoeke vir die VSA en Brittanje.

“Hierdie nuwe regulasies kan litigasie met betrekking tot voor die hand liggend weglatings en grondwetlike kwessies veroorsaak,” het die besturende direkteur Leon Isaacson gesê in ‘n verklaring.

Tempo van Amerikaanse penetrasie in Afrika versnel verder met Boko Haram

Die tempo van Amerikaanse penetrasie in Wes-Afrika het dramaties versnel sedert 2011 nadat president Barack Obama Libië aangeval het.

‘n Vloedgolf ekstremiste en wapens is tans besig om die Sahel te destabiliseer.

Chaos het uitgebreek in die streek. Sommige meen dit is ‘n bonus vir Amerikaanse militêre beplanners wat ‘n rede soek om groter missies te ontplooi op die vasteland.

NAVO se aggressie het spoedig tot die Franse en Amerikaanse besetting van Mali en Niger gelei, bemagtig deur Amerikaanse bomme, wapens en geld.

Die Yoruba-sprekende krygers van Boko Haram het dus aan Africom ‘n gulde geleentheid gegee om die meer as 200 skoolmeisies met ‘n “humanitêre” intervensie in Nigerië te red.

Intussen het staatshoofde van Nigerië, Tsjad , Niger , Benin en Kameroen in Parys ontmoet waar hulle “totale oorlog” teen Boko Haram verklaar het, waarskynlik na beloftes van geld.

“Waarnemers” van die VSA, Frankryk, Brittanje en die Europese Unie (Afrika se eertydse en toekomstige belanghebbendes) was teenwoordig by die beraad wat deur die ongewilde Sosialistiese president Francois Hollande gereël is.

Die vyf Afrika-state het nie die geld, opleiding, toerusting of intelligensie-insamelingskapasiteit vir so ‘n totale oorlogsplan nie, maar is deur die VSA verseker dat hulle al die bogenoemde sal ontvang.

Amerika en Europa het dus baie skepties gereageer op bewerings van Nigerië dat hulle weet waar die meer as 200 ontvoerde skoolmeisies is.

Amerikaanse en Europese amptenare sê daar is geen onafhanklike inligting wat president Jonathan Goodluck se bewering steun nie.

Die Nigeriese regering sê hulle wil nie geweld gebruik om die meisies te bevry nie, omdat dit te gevaarlik is. Intussen het nog vier meisies uit aanhouding ontsnap.

Boko Haram het die skoolmeisies op 14 April in Chibok ontvoer. Die onderwysowerhede wou geen besonderhede oor die ontsnapping bekendmaak nie. Nog 219 meisies word vermis.

Valke vat twee vas wat glo onwettig steroïdes vervaardig

Die Valke het twee vermeende dwelmvervaardigers, ‘n Suid-Afrikaner en ‘n Egiptenaar, vasgevat.

Die twee is by ‘n meenthuiskompleks in die ooste van Pretoria in hegtenis geneem.

Hulle sal aanstons in die hof verskyn op aanklagte van bedrog en die oortreding van die medisynewet.

Beslag is gelê op middels met ‘n geraamde waarde van R20 miljoen. Verslankingspille, viagra, en steroïede is op die perseel gekry.

Die SAPD en die departement van gesondheid se wetstoepassing het in ‘n gesamentlike operasie op die dwelmvervaardigers toegeslaan.

Die woordvoerder van die Valke, Paul Ramaloko sê ‘n veiligheidswag het hulle oor die verdagte bedrywighede by die huis ingelig.

Volgens Ramaloko is dit die grootste laboratorium waar steroïede vervaardig word waarop die polisie nog afgekom het.

Hy sê die twee verdagtes is vermoedelik deel van ‘n groter eenheid waarvan die verskaffer elders in die land is.