Karin Roodt, Author at praag.co.za

African Bank verloor meer as kwart van sy waarde binne minute

African Bank Investments se aandeelprys het Maandagoggend met meer as 26% geval nadat die groep ‘n yslike verlies bekend gemaak het.

Die groep wil sy ’n kapitaalvlakke ’n hupstoot gee deur ’n regte-uitgif van R5,5 miljard, onderskryf deur Goldman Sachs.

African Bank, die grootste plaaslike verskaffer van ongesekureerde lenings, het in die jaar tot September ’n verlies van R4,2 miljard gely nadat die waarde van sy meubelgroep Ellerines met R4,6 miljard afgeskryf is.

Sy verdienste per aandeel, eenmalige items uitgesluit, het met 88% geval tot 45,1c en die gewone dividend per aandeel het met 85% geval tot 30c.

Die groep het in ’n verklaring gesê dat swakker verbruikersvertroue, druk op besteebare inkomste, hoër skuldvlakke en arbeidsonrus tot ’n laer vraag na sy kredietprodukte en produkte gelei het. Agterstallige skuld het ook toegeneem.

“Die gebeure van die afgelope jaar het bewys dat ons nie sterk genoeg opgetree het nie,” het die groep gesê. Lenings van “lae gehalte” is verlede jaar toegestaan.

African Bank het Ellerines in 2008 gekoop vir R9,2 miljard en wil nou dié verliesmakende eenheid, wat sowat 1 000 winkels het, verkoop. – Bloomberg

Die onophoudelike ge-Nkandla

Die Openbare Beskermer, Thuli Madonsela gaan vandag ‘n omvattende verklaring uitreik waarin kwessies uitgespel word wat gelei het tot hofoptrede oor haar voorlopige verslag oor die president se privaatwoning op Nkandla.

Die staat het die kantoor van die Openbare Beskermer verlede Vrydag deur middel van ‘n interdik probeer verhoed om die verslag oor sekerheidsopgraderings aan die huis bekend te maak.

Die Minister van Justisie het Saterdag gesê die enigste rede waarom aansoek om ‘n interdik gedoen is, is om die veiligheidsgroepering binne die staat meer tyd te gee om op die verslag kommentaar te lewer.

Die minister van Polisie, Nathi Mthethwa, het dit op sy beurt duidelik gestel dat die bekendmaking van die verslag sonder sekerheidsklaring onwettig en strafbaar is.

Die Noord-Gautengse hooggeregshof in Pretoria het die aansoek tot 15 November uitgestel nadat Madonsela vir meer tyd gevra het om dokumente in te dien. – RSG

Jonges registreer om te stem

Suid-Afrika sal teen Woensdag weet hoeveel nuwe kiesers vir die 2014 algemene verkiesing geregistreer het.

Die Onafhanklike Verkiesingskommissie sê meer as ‘n miljoen mense het Saterdag die 22.000 kieserregistrasiesentrums besoek.

Die naweek se registrasieveldtog het gisteraand ten einde geloop en volgens aanduidings is sowat 75 persent van diegene wat geregistreer het jonger as 30.

Die OVK het intussen gesê mense wat kwalifiseer om te kan stem, sal steeds voor die verkiesing kan registreer.

Die OVK se kiesbeampte in die Wes-Kaap, Trevor Davids, sê die kommissie sal voortgaan om geleenthede vir mense te bied om hulle name op die algemene kieserslys te laat insluit tot en met die datum van die proklamasie van die verkiesing.

Registrasie kan intussen tydens normale werksure by kantore van die OVK gedoen word. – RSG

Gautrein kan baat by e-tol

Die Gautengse regering moet R700 miljoen aan die Gautrein se operateurs oorbetaal. Die Gautrein-bestuursagentskap (GMA) verwag egter ’n toename van sowat 10% – sowat 5 000 passasiers – wanneer die e-tolstelsel ingestel word.

Die GMA beplan voorts om die bestaande Gautrein-stelsel met nuwe roetes na Soweto en die Oos-Rand uit te brei.

Die GMA moet glo bykomende onvoorsiene koste, soos die finalisering van grondeise, regskoste weens voortslepende arbitrasie en beplanningskoste vir toekomstige uitbreidings aan die Gautreinstelsel dek.

Die gelykbreekpunt vir die Gautrein is 110 000 passasiers per dag, maar die Gautrein vervoer tans net sowat 51 000 passasiers per dag.

In 2006 het die Gautengse regering ’n waarborg gegee dat die Gautrein-uitgawes gedek sal word indien hulle nie die vereiste aantal passasiers vervoer nie.

Die Gautengse regering subsidieer dié vervoerstelsel met sowat R1,5 miljard met 50 000 mense wat daagliks pendel.

Errol Braithwaite, woordvoerder van Bombela, het gesê die Gautrein se winsgewendheid en afhanklikheid van dat staatsubsidies, verteenwoordig nie ‘n krisis nie.

“Die Gautrein is ’n openbare vervoerdiensstelsel soos die metrobusstelsel en werk in baie opsigte soos rioolaanlegte en staatshospitale. Dié stelsels word nie bedryf om wins te maak nie, maar eerder om te verseker dat die samelewing behoorlik funksioneer.”

Braithwaite sê groot stede kan nie sonder doeltreffende vervoerstelsels uitbrei nie.

Hy sê in soortgelyke treinstelsels oorsee maak net 10% van die treinstelsels genoeg omset om bedryfskoste te dek. “Nêrens maak enige stelsel genoeg geld om kapitaalkoste ook te dek nie. Dit sal naïef wees om te glo die Gautrein moet anders wees.”

Die provinsie sal in 2013 sowat R820 miljoen aan waarborge betaal om te verseker die operateur sy koste verhaal.

Numsa KZN onttrek aan Cosatu se massa-optrede

Die KwaZulu-Natalse tak van die vakbond, Numsa het aan Cosatu se beplande nasionale massa-optrede onttrek.

‘n Woordvoerder vir Numsa, Mbuso Ngubane sê dit is onmoontlik om binne ‘n week optrede op dié groot skaal te reël.

Cosatu is van voornemens om vanaf môre, drie dae lank met massa-optrede vol te hou teen die e-tolstelsel en arbeidmakelaars.

Hy het gesê Numsa het aansoek gedoen vir ‘n Artikel 77 permit om ‘n protes te hou op ‘n latere datum.

Die massa-aksie sal vroeg volgende jaar plaasvind as die vakbond oorleg gepleeg het met sy lede, het Ngubane gesê.

Artikel 77 van die Wet op Arbeidsverhoudinge gee werkers die reg om deel te neem aan protesaksie om hul sosio -ekonomiese belange te bevorder of te beskerm.

Ngubane het ook voorgestel dat ‘n spesiale kongres gehou word om interne kwessies aan te spreek in Cosatu .

Hy het gesê op die oomblik gee “nasionale leiers van Cosatu en sy vennote indrukke aan die media wat verskil van wat werklik aangaan.”

Ngubane het gesê hy vind dit vreemd dat die president van Cosatu S’dumo Dlamini by verskeie provinsiale vergaderings gesê het dat daar nie geld is om die spesiale kongres te finansier nie.

“Dit is ‘n feit dat Cosatu nie betaal vir die reis -en verblyfkoste van affiliasies nie. Dus, wat is die uitgawes waarna die president van Cosatu verwys? ” het Ngubane gevra.

Numsa het gesê hulle is nie meer gemaklik met Dlamini as voorsitter nie.

“Ons raad aan die huidige president van Cosatu [ is dat hy ] [ sy ] tasse moet pak en gaan, want hy het versuim om Cosatu en die leierskap te verenig,” het Ngubane gesê. – Sapa

Twintig kinders deur huismoeder vergiftig

‘n Swart vrou van Mamelodi sal vandag in die plaaslike landdroshof in Pretoria verskyn nadat sy na bewering 20 kinders by ‘n kinderhuis buite die stad vergiftig het.

Die 35-jarige huismoeder is Vrydag in hegtenis geneem. Die polisie sê die motief moet nog vasgestel word.

Volgens RSG het die kinders die gif in ‘n poeiervorm tydens hulle middagete ingekry. Hulle het daarna oor diarree gekla en naar geword.

Twee van die kinders was in ‘n kritieke toestand en altwee is per helikopter na ‘n Johannesburgse hospitaal en die Steve Bikohospitaal in Pretoria gehaas.

Nog agtien is in verskillende plaaslike hospitale opgeneem. Agt van hulle is intussen weer ontslaan.

Die vrou staan tereg op aanklagte van aanranding met die doel om ernstig te beseer.

Tradisionele Zuma het Zoeloes gered

Die VSA se oud-president Jimmy Carter het werklikwaar byna vir president Thabo Mbeki te lyf gegaan, omdat Mbeki geweier het om anti-retrovirale medisyne ook vir Zoeloes beskikbaar te stel.

U het reg gelees: tydens Thabo Mbeki se bewind is Kwazulu-Natal se lae lewensverwagting deur president Mbeki se “irrasionele” beleid bepaal.

Statistiek Suid-Afrika se mees onlangse post-Mbeki sensus bewys dit. Nadat Zuma sy politieke opponent Mbeki oorwin het en self ANC-president geword het in Mbeki se plek, het lewensverwagtinge in die land die meeste in Kwazulu-Natal gestyg.

Nie net het president Zuma persoonlik sy MIV-oorwinning bekend gemaak na sy strategiese omgang met ‘n MIV-positiewe persoon nie, maar daarna het hy ook Mbeki voortydig as staatspresident vervang, en so MIV se negatiewe impak op Kwazulu-Natal so gou as moontlik die nek in geslaan met moderne medisyne.

Ons skryf oor Afrikanervolksmoord en hou rekord van plaasmoorde, maar wie in Suid-Afrika skryf oor die verskil in Kwazulu-Natal onder die Mbeki- teenoor die Zuma-bewind? Feit is, honderduisende mense in Kwazulu-Natal se lewens is medies gesien onnodig kortgeknip, en honderduisende babas het in Kwazulu-Natal het absoluut onnodig tydens Mbeki se bewind gesterf.

Daarom wou Jimmy Carter vir Thabo Mbeki te lyf gaan.

Was die intellektuele Thabo Mbeki irrasioneel wat betref moderne ARM? President Mbeki was blykbaar nie dom en bygelowig nie. Dus was hy polities. Kwazulu-Natal as ANC-provinsie was president Mbeki se politieke vyand in ons demokrasie, waar die grootste etniese taalgroep, dit is Zoeloesprekendes, volgens die stemgetalle moet regeer.

Mbeki se politieke instink, onmenslik en oneties, was op sy eie oorlewing ingestem. Vandag is Kwazulu-Natal die Zuma-ANC se sterkste magsbasis, vanwaar hulle vir ten minste 30 jaar oor Suider-Afrika wil regeer. Kwazulu-Natal het nou nie net die hoogste styging in lewensverwagting nie, maar ook die meeste ANC-lede, takke en verteenwoordigers van alle provinsies in multi-etniese en meertalige Suid-Afrika.

Zuma het eers die ekstern-aangedrewe etniese burgeroorlog in Kwazulu-Natal gestop, en nou as staatspresident ook Mbeki se beleid omgekeer, en deur middel van ARM die lewensverwagting in Kwazulu-Natal verhoog.

Die meeste witmense lag vir Jacob Zuma, en die ex-ANC-Jood Shapiro het met sy simboliese stortkop die tradisionele Zoeloe van Nkandla as dom en onnnosel gebrandmerk. Tradisionele Afrikaners weet egter van beter, en dat daar ekonomiese en politieke kompetisie tussen Suid-Afrika se etniese groepe bestaan. Dit is wetenskaplik wel so dat stort direk na seks die MIV-virus kan afwas. Ons moet dus soos Zuma wees: te midde van spot en veragting, selfs van ons eie mense, wetenskaplik en wettig ons politiek pleeg.

En alhoewel tradisionele Afrikaners tereg protesteer teen gruwelike Boere-plaasmoorde en sogenaamde etnies-staatlose Afrikaneruitwissing, weens ons eie tuimelende geboortesyfers, is dit ter wille van ons kinders se toekomstige oorlewing ook van belang dat ons ander etniese uitwissings soos die van tradisionele Zoeloes onder Mbeki-Brittanje se bewind raaksien, en die politieke belang daarvan ook erken, net soos met die aanslag teen tradisionele Afrikaners.

Bogenoemde kan slegs gedoen word deur verskille in swart en wit velkleure te ignoreer, en politiese aksies eerder op kulturele tradisies te fokus van tradisionele Zoeloes en tradisionele Afrikaners.

Beide Paul Kruger en Jacob Zuma was tradisionele Afrikane wat as politieke leiers teen die etniese uitwissing van hulle onderskeie tradisionele groepe – hulle magsbasisse – moes opstaan. Net so ook Andries Pretorius en Ndlela kaSompisi. Hierdie mense met identiteit en tradisie het die geskiedenis van Suid-Afrika gemaak. Deur bloot net ‘n identiteitlose wit of swart te wees, is nie goed genoeg om geskiedenis te maak, om effektief politiek te pleeg nie, om te oorleef in die toekoms in nie.

Dit moes ons grootste protes teen “EE” en “SEB” wees: Die “wit” statistiek-klassifikasie, want dit groepeer, verpolitiseer en dus neutraliseer tradisionele Afrikaners saam met kosmopolitiese blankes soos Jode en Engelse, pleks van polities-effektief tesame met mede-tradisionele Afrikane soos Zoeloes van Nkandla – ‘n soort veilige volkstaat ter wille van die oorlewing van identiteit en tradisie.

100 Jaar na die stigting van die ANC, sowel as byna 20 jaar se demokratiese bewind, is die diepte van verdeeldheid in en om die ANC so groot soos die San Andreas fout.

Wat ook al met die verdeelde ANC en sy verdeelde alliansie in Gauteng en Limpopo gaan gebeur, gaan net die Zuma-ANC se etniese magsbasis in veral Kwazulu-Natal verder beklemtoon.

As tradisionele Zoeloes het die mense van Nkandla ‘n soort Messias opgelewer – een wat hulle van Mbeki se vyandige politieke anti-ARM beleid gered het.

Met behulp van Afrikaner-Rooivalke en Afrikaner-weermagdoktrines het Zuma ‘n deurbraak vir Suid-Afrikaanse belange in die Kongo gemaak. Soos wat die Westers-internasionale en wit kosmopolitaanse weerstand teen die suksesse van die tradisionele Nkandla eskaleer, soos nou alreeds voor die verkiesing gebeur, sal die noodsaaklikheid van ‘n tweede strategiese tradisie-alliansie in Suid-Afrika al hoe groter word.

Toe Jacob Zuma met Dan Roodt en ander plaaslike Afrikaners gebraai het, het hy laat blyk dat Afrikaners as potensiele Afrika-stam geen bruikbare politieke steunmag vir tradisionele Zoeloes is nie, omdat hulle nie as ‘n identifiseerbare tradisionele groep ge-organiseer is nie, ten spyte van al hulle tradisionele gebraaiery. Rugby is ook ‘n suiwer Engelse pleknaam, en rugby speel alleen, hoewel ‘n politieke Boere-tradisie sedert die ABO, is nie genoeg vir effektiewe Afrikanerpolitiek nie.

Maar wat ons ook benodig, is ‘n dik kleurblinde tradisie-bril. Een wat wit en Westerse kosmopolitane op ‘n afstand as politieke opposisie kan identifiseer, en terselfdertyd tradisionele Zoeloes reg langs ons as strategiese tradisie-bondgenote kan raaksien.

Andries Pretorius het dit so gesien. Danksy hom en sy geniale militere tradisies leef ons en bestaan Pretoria, ons gewese tradisionele Nkandla.

‘n Baie sterk en geskiedmakende tradisie van Pretorius, Kruger en ander Republikeinse en moderne Afrikaners, is uiters gevorderde vegkunste en wetenskaplik ontwerpte weermagdoktrines.

Tradisionele Nkandla-beheerde Suider-Afrika het ‘n akute behoefte aan hierdie gesogte Afrikanertradisie, soos nou in die Kongo, SAR, Mosambiek en Suid-Afrika met sy eskalerende sekuriteitsbehoeftes bewys. Kwazulu-Natal regimente veg tans in die voorste linies, maar maak staat op Afrikanertuig en kundigheid.

“Tradisionele” Afrikanermedia soos PRAAG kan ‘n bemarkingsrol speel om meer militere loopbane vir jong werklose Afrikaners in die Nkandla-beheerde SANW te beding.

M Jacobs

Konsternasie in Israel met naderende ooreenkoms tussen VSA, Iran

EU se Catherine Ashton en Irans se minister van buitelandse sake Mohammad Javad Zarif — EU se Catherine Ashton en Iran se minister van buitelandse sake Mohammad Javad Zarif

Gesprekke tussen Iran en ses wêreldmagte oor Teheran se kernambisies kan sloer nadat die linkse, Sosialistiese regering van Frankryk probeer het om die konsensus tussen die VSA en Iran te ontspoor, het diplomate gesê.

Ministers van Iran en die groot moondhede het laat Saterdag ‘n reeks vergaderings gehou om ‘n ooreenkoms te bereik wat dele van Iran se kernprogram bevries in ruil vir die verligting van sanksies.

Iran het reeds herhaaldelik gesê dat hulle nie in ‘n kernbom belangstel nie, maar slegs in kernenergie.

“Pogings om ‘n ooreenkoms te verseker is nog steeds met groot intensiteit aan die gang, ” het ‘n Westerse diplomaat naby aan die gesprekke gesê.

Die laaste rondte van gesprekke het Donderdag begin en die Amerikaanse minister van buitelandse sake John Kerry het onverwags Vrydag opgedaag om die gesprekke te laat vlot.

Terwyl ‘n handdruk Saterdag nog onwaarskynlik gelyk het, het Westerse diplomate gesê die gesprekke sal na verwagting binne ‘n paar weke afgehandel wees.

Die Franse minister van buitelandse sake Laurent Fabius, wat ‘n stok in die wiel probeer steek, het ook gesê dit was nie duidelik of die afvaardigings dadelik die tussentydse ooreenkoms sal sluit nie,

“Die Amerikaners, die EU en die Iraniërs werk intensief saam nou al vir maande aan hierdie voorstel, en dit is niks meer as ‘n poging deur Fabius om homself op dié laat stadium te voeg in die onderhandelinge as synde ‘n relevante party nie,” het ‘n diplomaat aan Reuters gesê, op voorwaarde van anonimiteit.

Buitelandse ministers van vier van die vyf permanente Veiligheidsraadlede – Brittanje, Frankryk, Rusland en die Verenigde State van Amerika – asook Duitsland het deelgeneem in Saterdag se gesprekk . China, wat ook ‘n permanente lid is, het ‘n adjunk- minister van buitelandse sake gestuur wat laat opgedaag het.

Maar dit is die Amerikaners en Iran wat die mag het om te maak of te breek aan ‘n ooreenkoms, alhoewel hulle reeds vir drie dekades nie diplomatieke bande het nie.

John Kerry het Vrydag van Tel Aviv gereis na ‘n gespanne vergadering met die Israeliese eerste minister Benjamin Netanyahu , wat ‘n ontluikende kompromie met Iran totaal verwerp. Die VSA se vredespogings word met algehele konsternasie in Israel begroet wat reeds ontstoke is dat Sirië nie aangeval is deur die VSA nie.

Netanyahu het Kerry en sy Europese eweknieë gewaarsku dat Iran “die transaksie van die eeu” gaan sluit as sanksies gedeeltelik opgehef word. Israel is bang dat Iran se invloed in die streek uitbrei en span saam met Soennie-Moslems wat bereid is om terreur te pleeg, om dit te verhoed.

Israel, wat die Midde-Ooste se enigste kernarsenaal het, beskou Iran as sy aartsvyand en het reeds herhaaldelik met militêre optrede teen Teheran gedreig as die land se hele kernenergieprogram nie afgeskaf word nie. Die meeste lande dink Israel se oorlogsugtige houding is nie realisties of haalbaar sonder die hulp van die VSA nie.

Iran verwerp sulke eise en sê elke soewereine land het die reg om op kernenergie staat te maak. Die meeste diplomate erken dat Teheran se kernkapasiteit – wat eksponensieel uitgebrei het sedert 2006 – maak dit onrealisties om die bedryf heeltemal af te sluit.

ANC paai SA Jode

Minister in die Presidensie Colins Chabane het magtige en invloedryke die Joodse gemeenskap gepaai deur te verklaar dat die Jode ‘n belangrike bydrae maak tot Suid-Afrika en die ontwikkeling daarvan.

Hy het beklemtoon dat hulle het geen planne het om ‘n verbod op amptelike reis na Israel in te stel nie.

Chabane het die media in Kaapstad Donderdag na Woensdag se kabinetsvergadering toegespreek.

Die vrese oor die regering se houding teenoor die Joodse gemeenskap is bespreek .

Minister van Internasionale Betrekkinge en Samewerking Maite Nkoana-Mashabane het gesê Suid-Afrikaanse kabinet ministers reis nie meer na Israel nie sal die leierskap se kontak afskaal en beperk.

Israel is tans besig om aansienlike invloed in die Midde-Ooste prys te gee vanweë hulle houding teenoor vrede in die streek in beide die VSA sowel as Europa. Israel het intussen eensydig aanvalle teen Sirië geloods.

‘n Voormalige Israeliese minister van buitelandse sake Avigdor Lieberman het onlangs Suid-Afrikaanse Jode gewaarsku dat ‘n “pogrom [ etniese vervolging of slagting ] teen die Jode net ‘n kwessie van tyd is”.

Chabane het Donderdag gesê dat sulke stellings ongegrond is.

“Die Suid-Afrikaanse Joodse gemeenskap moet niks vrees nie,” het Chabane gesê. “Ons beskou hulle nie as deel van die Joodse staat van Israel nie […] want hulle is Suid-Afrikaners, hulle betaal belasting soos enigiemand, hulle stem hier, hulle is al deel van hierdie land vir ‘n baie lang tyd, hulle het bygedra tot die ontwikkeling van die land, so hulle is deel van ons.”

Die kabinet erken die reg van die Palestynse volk op selfbeskikking en die reg van Israel om te bestaan langs ‘n Palestynse staat, het Chabane gesê.

Anti-Semitiese stellings deur die Adjunk- Minister van Internasionale Betrekkinge en Samewerking, Marius Fransman, is nie bespreek deur die kabinet nie, het hy gesê, omdat hulle nie individue bespreek nie.

Verlede maand, het Fransman gesê dat wit Jode die monopolie op 98% van die grond-en eiendomsbesit in Kaapstad het. Hy het glo gesê dat dit tot nadeel van die Moslems is.

Die kommentaar het die woede van die Joodse Raad van Afgevaardigdes ontlok, wat by die SA Menseregtekommissie gekla het .

Die Joodse Raad van Afgevaardigdesse voorsitter Mary Kluk het gister gesê dit is “bemoedigend” om te hoor dat daar geen verbod op die reis na Israel deur die regeringsamptenare is nie.

“Daar is ‘n werklike rol vir Suid-Afrika in die besluit van die [ Midde-Oosterse ] vredesproses Dit is belangrik vir die regering om betrokke te raak met beide kante in die soeke na vrede. Dit is net moontlik as hulle kan reis na beide plekke,” het sy gesê.

Kattebaklyk: Vier voor wat geld onttrek

Vier mans het in die Randburg-landdroshof verskyn op aanklagte dat hulle geld uit die vermoorde Justan Blom se rekening onttrek het.

Die broers Louis en Heinrich Coetzee, sowel as Ian Manyika en Alex de Kooker het Donderdag elk op twee aanklagte van bedrog in die hof verskyn, berig The Star.

Drie van die mans sal volgende Dinsdag ‘n borgtogaansoek bring wanneer hulle weer verskyn.

Die vier word daarvan beskuldig dat hulle meer as R100 000 uit Blom se bankrekening onttrek het. Volgens die berig het Eerste Nasionale Bank ook ‘n saak aanhangig gemaak.

Ondersoekbeamptes in die saak probeer vasstel of die vier betrokke was by die moord op Blom.

Maruschka Robinson, ‘n voormalige ontkleedanseres, en haar kêrel, die vermeende dwelmhandelaar Jean-Pierre Malan, staan tereg op aanklag dat hulle Blom vermoor het. Die twee is op die geslotekringkamera vasgevang toe hulle die geld onttrek het.

Hulle verskyn weer op 16 Januarie in die hof en sal tot dan in aanhouding bly.