Vier mans het in die Randburg-landdroshof verskyn op aanklagte dat hulle geld uit die vermoorde Justan Blom se rekening onttrek het.
Die broers Louis en Heinrich Coetzee, sowel as Ian Manyika en Alex de Kooker het Donderdag elk op twee aanklagte van bedrog in die hof verskyn, berig The Star.
Drie van die mans sal volgende Dinsdag ‘n borgtogaansoek bring wanneer hulle weer verskyn.
Die vier word daarvan beskuldig dat hulle meer as R100 000 uit Blom se bankrekening onttrek het. Volgens die berig het Eerste Nasionale Bank ook ‘n saak aanhangig gemaak.
Ondersoekbeamptes in die saak probeer vasstel of die vier betrokke was by die moord op Blom.
Maruschka Robinson, ‘n voormalige ontkleedanseres, en haar kêrel, die vermeende dwelmhandelaar Jean-Pierre Malan, staan tereg op aanklag dat hulle Blom vermoor het. Die twee is op die geslotekringkamera vasgevang toe hulle die geld onttrek het.
Hulle verskyn weer op 16 Januarie in die hof en sal tot dan in aanhouding bly.
Mens hoef seker nie ‘n regsgeleerde te wees om uit te figure dat hulle skuldig is aan moord nie. Die man is seker vermoor vir geld sodat hulle drugs kan koop.
Indien hul skuldig is sluit toe en gooi weg die sleutel. Ons het genoeg moordadige werfetters in die land – hier moet ‘n voorbeeld van gemaak word. Maar nou ja, as jou norme en sedes laer as slangpoefie is en jy raak betrokke by klere uittrek en dwelms verkoop dan het jy die beskaafde samelewing verlaat
Meng jou met die semels…