Karin Roodt, Author at praag.co.za

Gyserlaarsdrama volg na afdankings

Tronkbewaarders het Woensdag ‘n gyselaarsdrama by die Mangaung- Korrektiewe Sentrum buite Bloemfontein bevestig.

Andy Baker, hoof van G4S Africa, sê die bestuur van die gevangenis hanteer die situasie, maar hy het nie nadere inligting bekend gemaak nie.

Baker sê gebeurlikheidsplanne is gereed.

‘n Gemeenskapsradiostasie het vroeër berig dat vier gevangenes Woensdagoggend ‘n vroulike bewaarder as gyselaar aanhou.

Dié drama volg nadat ongeveer 400 bewaarders onlangs afgedank is omdat hulle onwettig gestaak het.

Hulle het die bestuur daarvan beskuldig dat hulle nie hul griewe hanteer nie, en ook dat sommiges se skorsing nie opgehef is nie. – Sapa

Ombudsman vir belasting aangewys

Pravin Gordhan, minister van finansies, het Dinsdag die land se eerste belastingombudsman aangewys.

Die afgetrede regter Bernard Ngoepe sal die pos beklee.

“Die kantoor is bedoel om belastingbetalers van ’n bekostigbare meganisme te voorsien waardeur hulle administratiewe probleme kan hanteer wat nie deur die Suid-Afrikaanse Inkomstediens (SAID) opgelos kan word nie.

“Regter Ngoepe het grondige ervaring in onpartydigheid; hy begryp hoe die magte en pligte van die SAID en die regte en pligte van belastingbetalers ten beste gebalanseer kan word. Bowenal is hy kundig in belasting- en administratiewe reg.”

Die aanstelling is ingevolge die Wet op Belastingadministrasie gedoen.

Besonderhede sal “mettertyd” bekend gemaak word. – Sapa

Selfoonoproepe kan goedkoper word

Konsepregulasies wat oproepe na ander selfoonnetwerke glo aansienlik goedkoper sal maak, word Vrydag gepubliseer.

Die Onafhanklike Kommunikasie-owerheid van Suid-Afrika (Okosa) het Woensdag in ’n verklaring gesê hy het die 2010-tariewe hersien as deel van ‘n voortgesette poing om “die hoë koste van kommunikasie” in die land te verlaag.

Okosa het vroeër gesê hy meen die koste wat selfoonmaatskappye vra om ’n oproep aan ’n ander netwerk te verbind, moet so min as 15c per minuut wees. Dit is tans 40c per minuut.

‘n Ander kwessie betreffende konsepregulasies is sogenaamde asimmetrie, waar groot selfoonmaatskappye minder vir verbindingskoste na kleiner netwerke betaal as andersom. – Sapa

Ouers van swart drenkelinge afgevlieg see toe

Die ouers van die twee seuns van ‘n skool in Noordwes wat vroeër naby Kampsbaai in Kaapstad in die see verdwyn het, sal die omgewing vandag besoek.

Die Onderwysdepartement in die provinsie sal die ouers na die gebied toe laat vlieg.

Die seuns van ‘n laerskool op Zeerust, het probeer om ‘n medeleerling uit die see te red toe hulle verlede Woensdag deur die stroom meegesleur is.

Reddingsspanne het gister nog na die seuns gesoek. Die LUR vir Onderwys, Wendy Matsemela, het die seuns se families by hulle huise besoek. – RSG

Agang gaan glo korrupsie uitskakel

Die leier van Agang SA en voormalige amptenaar van die Wêreldbank, Mamphela Ramphele, sê haar party se visie is om die Grondwet te beskerm deur korrupsie uit te skakel.

Sy het deelgeneem aan ‘n bespreking saam met die voormalige leier van die DA, Tony Leon, voor lede van die Joodse gemeenskap in Kaapstad, wat gehou is by Maraisstraat se Sinagogesaal in Seepunt. Dié gemeenskap verteenwoordig die grootste Ortodokse Joodse gemeente in Suid-Afrika.

Die voorsitter kon nie haar naam uitspreek nie en het haar voorgestel as “Ramfielie”. Sy het haar naam stadig en uitdruklik herhaal met die harde p-klanke toe sy die mikrofoon vat.

Volgens Ramphele is korrupsie die kern van die stryd vir baie van diegene wat steeds opsy geskuif word, het RSG berig.

Ramphele sê haar party is ingestel op verantwoordbaarheid en goeie regering en hulle wil met die staatsdiens begin, want die land kort ‘n staatsdiens wat professioneel is en nie korrup nie. Die onderwerp was “Liberalisme in 2014”.

Korrupte munisipale amptenare gewaarsku

Die Minister van Samewerkende Regering, Lechesa Tsenoli, het korrupte munisipale amptenare gewaarsku dat hulle met die volle mag van die reg te doen sal kry.

Tsenoli het by die konferensie van die Vereniging van Komitees oor Openbare Rekeninge in Port Elizabeth gesê hy wil aanstaande jaar die aantal munisipaliteite met skoon oudits vermeerder.

Hy het ook daarop gewys dat daar reeds 400 mense weens korrupsie in hegtenis geneem is, wat gestraf sal word.

Die Minister sê hy wil ‘n omgewing in munisipaliteite skep waar dienslewering nie net plaasvind nie, maar die aanspreeklikheid gesien kan word in die gehalte van dienste wat gelewer word.

Nog ‘n spreker by die geleentheid, die direkteur van die Sentrum vir Verantwoordbare Regering, [Hoof van Media and Advocacy in the Public Service Accountability Monitor by Rhodes Universiteit] Derek Luyt, sê die regering moet ophou met politieke aanstellings sodat aanspreeklikheid vergroot kan word.

Luyt sê daar is genoeg mense wat die vaardighede en die vermoë het om ‘n oorsigrol uit te oefen.

Volgens hom is die meeste mense in poste politieke aanstellings wat nie oor die vaardighede beskik om mense te verteenwoordig en seker te maak dat alle werksaamhede behoorlik gemonitor word nie. – RSG

‘Iran is so gevaarlik soos 50 Noord-Koreas’

Die Israelse eerste minister Benjamin Netanyahu het tydens sy toespraak by die sitting van die VN se Algemene Vergadering ‘n waarskuwing gerig teen die regering van Iran.

Hy het die nuwe president Hassan Rouhani as ‘n “wolf in skaapsklere” bestempel en gesê Israel sal nooit ‘n Iranese kernprogram toelaat nie. Hy het gesê Iran is so gevaarlik soos 50 Noord-Koreas.

Westerse diplomate het egter Netanyahu se definisie van ‘n ooreenkoms met Iran as “heeltemal onrealisties” beskryf omdat dit ‘n “onvoorwaardelike oorgawe” vereis.

Iran se adjunk-ambassadeur by die VN, Khodadad Seifi het op sy beurt gesê Iran is ‘n ondertekenaar van die kern-sperverdrag. Israel wat self ‘n kernmoondheid is, is nie ‘n ondertekenaar van die verdrag nie.

Rouhani het vroeër ‘n fatwa, ‘n heilige beletsel, oor kernwapens uitgeroep. Hy het herhaal dat sy land geen planne het om kernwapens te ontwikkel nie. Verskeie Amerikaanse intelligensie-agentskappe het hom reeds gelyk gegee.

Sedert sy verkiesing het Rouhani reeds verskeie versoenende uitsprake teenoor Israel en die Weste gemaak.

Jonathan Jansen: Wit Afrikaanse skole ernstige gevaar vir rasseverhoudinge

Die Kleurling rektor van die Universiteit van die Vrystaat (UV) sê wit Afrikaanse skole en universiteite hou ’n ernstige gevaar vir rasverhoudinge in Suid-Afrika in.

Prof. Jonathan Jansen, wat sy tweedehandse multikulturele idees uit die VSA kry om sy anti-wit agenda te dryf, het tydens ‘n lesing by die universiteit dié mening uitgespreek.

In Suid-Afrika is wit Afrikaners ‘n minderheid, in teenstelling met Amerika waar swartes ‘n minderheid is. Die Kleurling is duidelik nie bewus van dié belangrike onderskeid waar minderhede beskerming behoort te geniet nie.

Die uitgesproke Afrikanerhater Jansen sê jongmense moet saam leer en leef om die “letsels en die rowe van ons verlede te verreken”. Daarom moet “Engels, eerder as Afrikaans, sal die taal van versoening in hierdie land moet wees”.

Dr. Danny Titus, uitvoerende direkteur vir kultuur by die ATKV en ’n lid van die Taalraad, sê Afrikaanssprekendes en Afrikaners het Jansen se uitlatings ondersteun. Hy het gesê mense moet na kritiese stemme soos dié van Jansen luister.

“Afrikaans het inderdaad ’n groot bydrae om te maak, al is dit net om van sy skynheiligheid ontslae te raak,” het Titus gesê.

Jansen het as oplossing vir swak prestasie deur die leerlinge wie se inheemse moedertaal swak onderrig word, voorgestel dat Engels as onderrigtaal ingestel word – van die grondslagfase tot op universiteitsvlak.

“Hier is een groot langtermynoplossing vir die onderwyskrisis: onderrig elke onderwyser en elke kind van dag een af in Engels, pleks daarvan om die las te verswaar wat veroorsaak word deur swak moedertaalonderrig in die grondslagfase.”

Jansen het gister by navraag gesê die English Academy of South Africa se Percy Baneshik-gedenklesing wat hy op 18 September gelewer het, “gaan eintlik meer oor Engels as oor Afrikaans”.

In dié lesing het hy verwys na die “dilemmas van taal in skool- en universiteitsopleiding”.

“Swart ouers verkies dat hul kinders in Engels leer… hulle maak die korrekte berekening dat die hele ekonomie in Engels georganiseer is en daarom is hul kinders se kans op sukses soveel groter in die koloniale taal.”

Jansen het in die lesing aangevoer Afrikaanse taalaktiviste verstaan dié beginsel glad nie en probeer daarom om nie-Engelse tale onder ’n “politieke sambreel” in te skuif “in ’n baie simplistiese poging om die enigste taal te bevorder wat (benewens Engels) as ampstaal vir dekades onder apartheid status en finansiering geniet het.”

Hy het uitgewys moedertaalonderrig waarborg nie beter uitslae nie.

Jansen het aan Beeld gesê hy verwys na ’n “rewolusie” oor taalgebruik op die UV-kampus, waar “menseverhoudings uitgepluis is vóór taalverhoudings. Deur swart en wit studente saam te bring as mense… het die harde lyne rondom mededingende tale begin vervaag.”

Jansen het gesê dit beteken nie “die einde van Afrikaans” nie, maar bloot dat Engels die speelveld gelyk maak vir gewone gesprekke in historiese Afrikaanse universiteite.

Hy het gesê as Engels die gedeelde taal is, moet daar ook ernstige vrae oor dié taal as ’n politieke kultuur in Suid-Afrika gevra word.

Dr. Jaco Deacon, adjunkhoof van die Federasie van Beheerliggame van Suid-Afrikaanse Skole (Fedsas), het gister gesê min van Jansen se stellings “is op wetenskap gegrond”.

Hy het Jansen se uitsprake as “onverantwoordelik” beskryf omdat dit “nie behoorlik gegrond en deurdag is nie”.

Myneed

Die waarheid, net die waarheid en niks anders as die waarheid nie

Ek praat onlangs met ’n sittende regter wat my pad kruis oor die aard en wese van reg en die uitvoering daarvan in Suid-Afrika. Om die ys te breek, vra ek hom hoekom ons nog voor God sweer om die waarheid te praat (los nou maar eers die plegtige bevestigingsopsie) as Hy nie meer in die Grondwet bestaan nie.

Sou dit nie meer prakties wees of te sweer by die heilige kleed van die Regter-president van die Grondwethof nie? Ons nuwe bedeling het mos die Grondwethof verhef as die oppergesag in die land oor alles. Aanvanklik was dit net vertikaal tussen die Staat en sy onderdane van toepassing maar nou hoor ek ook tussen landsburgers.

Myneed bestaan nog op die wetboeke maar word selde gebruik, gee hy toe. (Hy het eintlik bedoel nog nooit weer sedert ‘94 nie). Mense word nie meer gestraf en tronk toe gestuur as hulle onder eed in die hof lieg en uitgevang word nie.

Met die koms van ons ander howe soos die Kommissie vir Versoening, Bemiddeling en Arbitrasie, het ek reeds gesien die ou wat die beste lieg oor ’n saak, wen. Vra maar vir enige werkgewer wat al daar was en tot sy skok moes verneem hy as werkgewer is skuldig aan in onbillike arbeidspraktyk tot hy die teendeel bewys. Terloops, dis tot nou toe SARS en al die arbeidswette wat maak dat jy skuldig geag word en jou onskuld moet bewys.

Dit slaan nou al so mooi deur, dat selfs regeringskommissies wat die waarheid moet najaag, ‘n gelieg van algar verdra wat die beter weergawe voorhou. Self in die Parlement word Ministers wat goed gelieg het en uitgevang word, geloof en ondersteun.

Dus word ons howe en instellings net bloot ’n plek vir lekker lieg.

Die regter sê toe mos ek oordryf. Gelukkig was ek nie onder eed van die heilige kleed nie.

Groete,

Sagmoedige Lukas

Hoekom is ons hier in Afrika?

Het u al gewonder hoekom daar hoegenaamd ‘n blanke Volk hier in Suid-Afrika gevorm het? Hoekom hulle ‘n eie identiteit opgebou het? Hoekom daar ‘n eie taal Afrikaans ontstaan het? Hoekom daar vir hulle ‘n eie land gegee was?

En dan, hoekom is daardie Volk vandag moedeloos, voel verraai en wil nie meer op staan vir sy regte nie?

Dit is ‘n vraag wat baie van ons wil beantwoord hê.

Hierdie is my eie mening.

In 1652 het daar blankes hier aangekom, party het gebly en ander het weer aanbeweeg soos Jan van Riebeeck en tog is daar wel ‘n nuwe volk in wording geplant aan die suidpunt van Afrika. Hoekom het hier ‘n volksplanting plaasgevind? Hoekom?

Ek glo dit was ‘n daad van God om ‘n Volk vir hom hier af te sonder, want sy Volk Israel van ouds was versprei regoor die dan bekende wêreld. Hierdie nuwe volk het gekom van verskeie Europese Volke .

Die Volk het net Een gevrees en dit is God alleen, niemand anders nie. Hulle het kinders in die naam van God grootgemaak en dit is so oorgedra van geslag tot geslag en so is die Christen geloof lewendig gehou. Deur die hele Groot Trek heen het hulle vir God aangeroep wanneer die bose magte van Afrika hulle bedreig het en is telkemale uit die bose magte se hande gered.

Die slag van Bloedrivier het weereens bevestig dat God die Volk hier geplaas het, dat hulle selfs ‘n Gelofte met God aangegaan het as hy hulle sou red, dat die dag vir altyd sou gedenk word as ‘n dag wat aan God gewy sal word. Die hele Groot Trek was ‘n geloofsdaad en ons sien hoe hierdie geloofsoortuiging verder in die Volk se geskiedenis soos ‘n goue draad loop. Oral waar daar ‘n dorp gevestig is, is van die eerste dinge wat gedoen was om ‘plek van byeenkoms te bou vir gelowiges, naamlik ‘n kerk.

Die huisgesin was opgevoed aan die hand van die Bybel, naamlik die Woord van God. Ek sê nie hiermee almal het dit presies so gedoen nie, daar was ook die wat afgedwaal het.

Ek is ook grootgemaak met die wete dat God is goed en groot, maar ‘n Volk wat Hy vir hom hier afgesonder het, moet ook gehoorsaam bly aan Sy wette en Sy doel waarvoor Hy hulle hier geplaas het.

Het die Volk gehoorsaam gebly? Oordeel self.

Die Volk is getoets met die Vryheidsoorloë en hulle het nog sterker daaruit gekom en met ‘n vaste geloof en vertroue het die Volk herstel en alles weer opgebou. Het dit werklik gebeur? Ja, dit het!

Die Volk het welvarend geword en wou ook met andere volke kompeteer. Daar is welvaart opgebou ongekend in die wêreld vir so ‘n klein Volk. Daar was natuurlik ook die jaloerse volke wat nie kon vat dat ‘n volk van God so welvarend kan wees nie. Hulle wou dit ten alle magte vernietig. Hoe?

Deur hulle leier te vermoor en die Volk nog meer welvaart te gee en op die koop toe sport en al die genietinge wat die wereld maar kan bied.

Wat was die resultaat ? Die Volk het alhoemeer op homself vertrou in wat hy doen, God was nie meer die sentrale figuur in ons lewens nie maar is vervang met EK.

Rykdom en die eie ek het nou die sentrale tema geword in ons lewens, kan ek beter wees as my kollega, buurman, of familie? Ons het begin selfsugtig lewe en verby diegene te kyk wat nie so bevoorreg was nie. Ons lewe net vir onsself!

Ons wil met alle mag net die beste wees, ons wil nie agter bly nie, ons moet ook TV hê, ons moet vir die buiteland wys ons is op die sportveld die beste, ons moet selfs op Sondae sport beoefen (ons speel liewer gholf op ‘n Sondagoggend as om kerk toe gaan), ons winkels moet oop wees sewe dae ‘n week, ons moet onsself geniet.

Ons het na ons voormanne geluister, julle moet toegee dat ons “normaal” kan wees in die wêreld, nog meer handel, nog meer sport, dan moet ons integrasie toelaat. Eers stadig en later al hoe vinniger. Ons beskuldig FW as die groot verraaier, ja hy het die finale spyker ingeslaan maar wie het hom daar gesit en van sy voorgangers, die volk. Ons het onsself verraai deur die voormanne in die stoel te hou ten spyte van waarskuwings van ander mense. Ons het geglo dit sal nie gebeur nie, daar sal wigte en teen wigte wees, ons vertrou hulle.

Die wat apart gehou was, moet nou ook kon deel in die welvaart en oor ons regeer. Ons manne het gesê hulle sal ons beskerm met ‘n grondwet wat helaas nie die papier werd was waarop dit staan nie. Daar is beskuldigings van bedrog tydens die oorgawe ens. maar die Volk het dit net gelate aanvaar en niks vir jare gedoen nie.

Die verandering het stadig geskied, die Volk het stadig verarm, werk verloor, kontrakte verloor, of jy moes jou gewete verkrag met swart ekonomiese bemagtiging. Dit het die armstes die swaarste getref en die middelklas kon nog half oorleef, maar word ook nou getref. Dit alles het tot gevolg grootskaalse verarming van ons Volk.

Maar wakker word, nee nog nie, ons stry eerder oor beuselagtighede en hou die Volk verdeeld. Ons laat toe dat sommige mense die debatte lewendig hou en ons Volk verdeeld hou.

Daar is groepe wat die Volk wil verenig, maar self hulle word verdag gemaak deur dat daar baklei word oor die betekenis van kleure en simbole en enige iets waarmee ons hierdie groep in diskrediet kan bring.

Die Gelofte van 16 Desember is lank vergete en ons het ook van God vergeet want dit gaan nog goed met ons. Ek weet daar is diegene wat vir my sal sê ons moet nou nie ‘n preek uitpak nie, want dit pas nie by die gegewe situasie nie, maar helaas vriend as jy eendag gaan wakker skrik, is dit vir ons as Volk dalk reeds te laat!

Nou waarom sit ons vandag op die ashoop? Juis oor dit wat ek hierbo genoem het.

Oplossings?

Dit gaan nie met ‘n towerwoord gebeur nie. Nou wat moet die Volk doen ?

Gaan op julle knieë en vra om vergifnis as ‘n volk, want ons as ‘n Volk het verkeerd gedoen in die oë van God. Ja selfs jy wat nie vir dit gestem het nie. Gaan doen ‘n selfondersoek en jy sal selfs vind jy is ook aandadig, al is dit hoe klein.

Reik uit na mekaar, onder ons eie Volksgenote en help mekaar opstaan uit die ashoop, nie die wat lê nog skop nie. Doen sendingwerk onder ons eie mense.

Leiers reik uit na mekaar en moet nie net jou eie agenda najaag nie, luister na mekaar en vind ‘n gemene saak en verenig die Volk. Wees nederig, want julle dien nie julle self nie, maar God en julle Volk.

Word weer ’n Volk waarop ons trots kan wees en wat net vir God alleen dien en niks en niemand anders nie.

Glo dat God ons weer ’n vry Volk sal maak.

Dus moet nie in my skrywe enige versteekte agenda sien nie.

Ek is net lief vir God en my Volk, wat hulle bly blind hou vir wat aangaan in die land en op ons wag, daarom die skrywe aan my Volk en ons leiers, verenig in die naam van God en ons sal oorleef om vir ons kinders se kinders ’n toekoms te gee.

Willie Cloete

Pretoria-Noord