Skrywer: Karin Roodt

Twee polisielede vas vir verkragting

saps5Twee polisiebeamptes is in Atteridgeville, Pretoria, in hegtenis geneem nadat hulle glo ‘n tiener verkrag het.

Moses Dlamini, woordvoerder van die onafhanklike polisie-ondersoekdirektoraat, het gesê die voorval het in September plaasgevind en die beamptes (22 en 51 jaar oud) is Woensdag aangekeer.

Die 17-jarige meisie en haar kêrel het by ‘n sjebien in Atteridgeville aan die baklei geraak en die polisiebeamptes, wat in hul volle uniform geklee was, het ingegryp.

“Die slagoffer het die polisiebeamptes gevra om haar huis toe te neem, waarna sy in die polisievoertuig saam met hulle gery het.”

Die beampte wat die voertuig bestuur het, het glo stilgehou en die tiener agterin die voertuig verkrag. Die ander beampte het haar na bewering ook verkrag, het Dlamini gesê.

“Die meisie is naby die polisiekantoor beveel om uit die voertuig te klim.”

Die tiener het haar suster van die voorval vertel en ‘n saak is by die polisie aanhangig gemaak.

Dlamini het gesê die polisiebeamptes is op ‘n uitkenningsparade uitgeken.

Die twee verskyn Donderdag in die Atteridgeville-landdroshof. – Sapa

Ramaphosa wil onderwysers keur

Cyril probeer die Westerse roete...
Cyril probeer die Westerse roete…

Cyril Ramaphosa, adjunkpresident van die ANC, meen bevoegtheidstoetse vir onderwysers moet opnuut ingestel word.

Ramaphosa het gesê onderwys sal slegs verbeter indien onderwysers die omstrede toetse doen, het City Press op sy webwerf berig.

“Almal moet hulself meet teen diegene wat beter is, en die enigste manier hoe jy dit kan doen, is om jouself oop te stel vir evaluering met die doel om jouself te verbeter.

Ramaphosa het gesê onderwysers is swak opgelei weens die nalatenskap van apartheid.

“Ons blameer dikwels die onderwysers, maar dit is eintlik nie hulle skuld dat hul bevoegtheid so swak is nie.

Die onderwysvakbond Sadou se hoofsekretaris, Mugwena Maluleke, het gesê ‘n breër hersiening is nodig om problem in die onderwysstelsel die hoof te bied.

Hy het gesê onderwysers bied dikwels vakke aan waarvoor hulle nie opgelei is nie, en sal dus nie goed presteer in bevoegtheidstoetse nie.

“‘n Vaardigheidsoudit sal kyk na watter vaardighede beskikbaar is en waar en hoe dit doeltreffend gebruik kan word. Dit sal swakhede uitwys wat verbeter kan word.” – Sapa

Vierde verdagte vas oor moord op KZN-boer

himeville‘n Vierde swarte is in hegtenis geneem in verband met die moord op ‘n boer van KwaZulu-Natal, het die polisie Donderdag gesê.

“‘n 24-jarige verdagte is in die Nkwezela-gebied, Himeville, in hegtenis geneem. Hy verskyn vandag [Donderdag] in die Himeville-landdroshof op aanklag van moord,” het kapt. Thulani Zwane, polisiewoordvoerder, gesê.

Die man en drie ander het na bewering op 17 Oktober die 56-jarige Dan Knight en sy vrou in hul huis in Underberg aangeval.

Knight se hande en voete is vasgebind en hy is aangerand, waarna hy later gesterf het.

Sy vrou is in die toilet toegesluit, maar het later deur ‘n venster ontsnap en hulp ontbied.

Die mans het ‘n Toyota Landcruiser, Isuzu-bakkie, ‘n selfoon en drie haelgewere gebuit, het Zwane gesê.

Die drie ander is op 20 Oktober in hegtenis geneem en het reeds in die hof verskyn. – Sapa

‘Ontleed misdaadinligting’

issDie akkurate insameling van inligting oor misdaad is deurslaggewend vir misdaadvoorkoming.

Dit is die mening van die afgetrede polisiebeampte, Generaal-majoor Chris de Kock.

Hy sê die inligting wat op die Misdaad Administrasiestelsel vasgelê word, behoort deurlopend ontleed te word om inligting oor gevaarpunte, spitstye en die beweegredes van misdadigers te bekom.

De Kock was 18 jaar vir die inwinning van misdaad-data by die SAPD verantwoordelik.

Sy kommentaar volg op die Instituut vir Sekerheidstudies se aankondiging dat die polisie se mees onlangse misdaadstatistieke nie korrek is nie.

Die ISS sê die rede is dat daar ernstige statistieke flaters op nasionale vlak begaan is. Die instituut het ‘n amptelike onafhanklike ondersoek na die swak berekening aangevra.

Die Instituut vir Sekerheidstudies (ISS) het gevra vir ’n onafhanklike kommissie van ondersoek na die misdaadstatistieke van die Suid-Afrikaanse Polisiediens.

Die ISS sê hy het foutiewe statistieke opgespoor.

Die ISS sê dié fout gee aan Suid-Afrikaners ’n vals prentjie van die gevare wat hulle bedreig en dit verbloem die toename in gewelddadige misdaad.

Die fout spruit blykbaar daaruit dat twee verskillende bevolkingskattings vir die twee jaar vergelyk is.

Die ISS se Gareth Newham sê: “Omdat die grondslag van die formule verkeerd is, het dit die toename in élke kategorie verminder. Byvoorbeeld, volgens die polisieverslag het moord met 0,6% opgegaan terwyl dit wérklik met 2,8% gestyg het.”

Die instituut sê hy verwerp nie die syfers nie – hy stem bloot nie saam met die afname of toename wat in sommige kategorieë verklaar is nie. – RSG/EWN

Min jong kiesers stel in politiek belang

iecMinder as die helfte van kiesers jonger as 30 jaar is geregistreer vir die 2014- nasionale verkiesings.

Die Onafhanklike Verkiesingskommissie het Woensdag gesê boonop is slegs 8,7Minder as die helfte van kiesers jonger as 30 jaar is geregistreer vir die 2014- nasionale verkiesings.

Die Onafhanklike Verkiesingskommissie het Woensdag gesê boonop is slegs 8,7% van diegene tussen 18 en 19 geregistreer, in vergelyking met registrasie van meer as 90% vir die ouer ouderdomsgroepe.

Die kommissie se voorsitter, Pansy Tlakula, het aan die media gesê : “Op 31 Oktober was daar 23 139 142 geregistreerde kiesers, wat 73,6% van die stemgeregtigdes verteenwoordig.”

Tlakula het die media ingelig oor die kommissie se registrasienaweeek.

“Al 22 263 stemlokale landwyd sal Saterdag en Sondag vanaf 8:00 tot 17:00 oop wees sodat mense kan registreer.”

% van diegene tussen 18 en 19 geregistreer, in vergelyking met registrasie van meer as 90% vir die ouer ouderdomsgroepe.

Die kommissie se voorsitter, Pansy Tlakula, het aan die media gesê : “Op 31 Oktober was daar 23 139 142 geregistreerde kiesers, wat 73,6% van die stemgeregtigdes verteenwoordig.”

Tlakula het die media ingelig oor die kommissie se registrasienaweeek.

“Al 22 263 stemlokale landwyd sal Saterdag en Sondag vanaf 8:00 tot 17:00 oop wees sodat mense kan registreer.” – Sapa

AU sê nee vir Noodreaksiespan

rooivalk2Afrika-leiers sê die voorgestelde Afrika-Unie se Noodreaksiespan sal nie die werk en die mandaat van die Verenigde Nasies oorneem nie.

Dié verklaring volg ná die beraad oor Afrika se vermoë tot onmiddelike reaksie op krisisse, wat in Pretoria gehou is.

Die beraad, wat deur verskeie Afrika-staatshoofde en hul ministers van verdediging bygewoon is, was daarop gerig om maatreëls te bespreek oor hoe om vinnig te reageer op konflikte en gewapende groepe wat die veiligheid en sekerheid van ledestate bedreig.

President Jacob Zuma sê die span sal nou met die VN saamwerk.

Chinese beleggers wil Modderfontein in wêreldstad omskep

modderfontein‘n Chinse maatskappy van Hong Kong, Sjanghai Zondai beoog ‘n mini-stad oos van Johannesburg.

Die Modderfonteinarea in Gauteng gaan ‘n kommersiële transformasie beleef, en die ontwikkelaars hoop dat dit stede soos Londen , Hong Kong en New York Stad sal troef.

Die konglomeraat het 1600 hektaar grond gekoop en beplan om R80 miljard rand te belê om die stad ‘n hoofstad van die wêreld te maak .

In een van die grootste kommersiële eiendomstransaksies op die vasteland se geskiedenis, gaan die Chinese miljarde inploeg in ‘n poging om die rustige dorp te omskep in ‘n internasionale sakesentrum .

Die groep sal die grond van die AECI chemikalieë en plofstof maatskappy aankoop.

Stigter Zhikang Dai sê Chinese beleggers het meer vertroue in Suid-Afrika, eerder as Europa of Noord- Amerika.

Die 15 jaar plan vir Modderfontein sluit ‘n pretpark, 10 hotelle, 10 winkelsentrums, behuising en ‘n konferensiesentrum in.

Die groep sê ten minste 20.000 voltydse werkgeleenthede sal geskep word en hul ontwikkeling sal die swart middelklas teiken.

En terwyl sommige vrees dat die Chinese hul sake-praktyke op Suid-Afrika sal afdwing, sê die betrokkenes dit is nie die geval nie.

“China is hier vir sake. Hulle sal jou nie vertel hoe jy jou regering moet verander of watter godsdiens om te volg nie. Hulle rig nie militêre basisse op nie. Hulle kom hier om sake te doen,” sê Ernie Lai King van Edward Nathan Sonnenbergs .

Die Chinese beleggers het Suid-Afrikaners genooi om name vir hul nuwe stad, wat op die Chinese filosofie van lewe in harmonie met die natuur geskoei is, voor te stel.

 

Kliniek aan die brand gesteek, plakkers beset hospitaalgrond

flamesn Kliniek is op Randfontein aan die Wes-Rand aan die brand gesteek deur mense wat hulle as betogers voorgedoen het.

Die brand is blykbaar gestig deur inwoners van die Zenzele-lokasie by die dorp.

‘n Woordvoerder van die Gautengse departement van gesondheid, Simon Zwane, sê meer as 1.300 pasiënte per maand is by die kliniek behandel.

Hy sê die personeel sal na ander klinieke om Randfontein uitgeplaas word. Die LUR, Hope Papo, het die voorval veroordeel.

In die Oos-Kaap het die LUR vir Gesondheid, Sicelo Gqobana, die besetting van hospitaalgrond op Sterkspruit skerp veroordeel.

Inwoners het plakkershutte op die grond opgerig wat volgens die LUR ‘n gesondheidsrisiko is. Die hospitaalbestuur sal nou opdrag kry om dit af te breek. – RSG

Premier, LUR moet kwartmiljoen opdok vir hospitaal se nalatigheid

operasieDie premier van die Vrystaat asook die Vrystaatse LUR van gesondheid moet R250 000 aan ’n pasiënt betaal nadat ‘n operasie in ’n provinsiale hospitaal hom byna sy lewe gekos het.

Die personeel van die hospitaal het ’n depper in Donovan Gouws (37), ’n verkoopsverteenwoordiger van Torontoweg, Welkom, se buik gelos.

Hulle moet ook  se regskoste en die koste van vier deskundige getuies betaal, het waarnemende regter L.M.S. Sesele gister in die Vrystaatse hooggeregshof by ooreenkoms gelas, berig ​Volksblad.

Luidens hofstukke is sy blaas boonop ook geskeur in die operasie om ’n liesbreuk te herstel. Hy is in Februarie 2010 in die Bongani-hospitaal in Welkom geopereer.

Hy kon ná die operasie nie eet nie, was aanhoudend naar en het lewensbedreigende bloedvergiftiging opgedoen.

Verwarring heers oor ANC se beleidsrigitngs

beleidDie Sentrum vir Ontwikkeling en Ondernemerskap sê daar is geen gemeenskaplike grond en samehangende beskouing in die regering se drie belangrikste ekonomiese beleidsrigtings nie.

Die uitvoerende direkteur van die Sentrum, Ann Bernstein sê die ekonomie is in die moeilikheid en Suid-Afrika het sekerheid nodig oor beleidsrigtings.

Sy het verwys na die regering se Nasionale Ontwikkelingsplan, die departement van Ekonomiese Ontwikkeling se Nuwe Groeiplan en die departement van Handel en Nywerheid se Nywerheidsbeleid-aksieplan.

Bernstein sê die drie dokumente gee teenstrydige weergawes van die land se beperkings en het verskillende idees oor waar werkskepping sal plaasvind.

Sy sê dit is nie duidelik watter een van die drie benaderings die regering kies nie. – RSG