Manfred Delport – Bladsy 2

‘n Wakkerskrik-week vir Afrikaners

Deur Manfred Delport.

Die vorige regering het graag gepraat van ‘n totale aanslag teen Suid-Afrika. Gebruik egter laasgenoemde term vandag, en al wat ‘n libgestremde, kruiperkaner en paaier is, wil die horries kry. Jy sal onmiddellik as paranoïes uitgekryt word. Sint Mandela, Slovo en kie was immers, volgens die kruipers en linkses, gawe outjies wat eintlik net saam met ons Kinderkrans toe wou gaan, en die totale aanslag het slegs in mnr PW Botha se verbeelding bestaan. Het ons nie ook, volgens die paaiers en kruiperiges, op 27 April, 1994, die land van melk en heuning binnegegaan nie?

Twee gebeure hierdie week het mnr Botha egter doodreg bewys, en getoon dat daar inderdaad steeds ‘n totale aanslag teen Afrikaners bestaan, wat slegs in felheid toeneem. In die konteks waarin PW Botha die term destyds gebruik het, het dit egter meestal verwys na eksterne faktore, onder andere sanksies, ‘n militêre bedreiging vanuit Angola en binnelandse oproer, maar dit was meestal vir ons as Afrikaners op ‘n gemaklike afstand. Vandeesweek het twee gebeurtenisse daardie totale aanslag tot op Afrikaners se eie drempel gebring.

Die eerste voorbeeld hiervan was die skokuitspraak van die getransformeerde Grondwethof, ‘n anti-blanke instansie gepak met ANC-kaders, oor die Renate Barnard-saak. Die Grondwethof het beslis dat neo-apartheid en anti-blanke rassekwotas kwansuis grondwetlik sou wees, en dat Renate Barnard en 4 miljoen ander blankes inderdaad te wit is om ‘n werk te hê, selfs al is ons die mees bekwame en gekwalifiseerde kandidate vir die pos (wat ons meestal inderdaad is.) Pienk Frikkie se sogenaamde wigte en teenwigte is met dié uitspraak finaal ontbloot vir die leuen wat dit van meet af aan was.

So ook is die wind uit Solidariteit en Afriforum se seile gehaal. Hulle het, tot op hede, gepoog om die ANC se rassisme teen blankes deur die howe te beveg. Dit het tot op ‘n punt gewerk, siende dat die (relatief-ongetransformeerde) appèlhof ten gunste van Renate Barnard beslis het. Dié strategie was egter van meet af aan gedoem, omdat die ANC onvermydelik sou streef daarna om die regbank te pak met sy eie kaders, in die naam van transformasie.

Interessant genoeg maak Gareth van Onselen, ‘n voormalige DA-strateeg, ook die punt dat die DA klaarblyklik boedel oorgegee het met die parlement. Musi Maimane, die DA se eie “token black”, mag wel die DA parlementêre leier wees, maar is nie eens die leier van die party nie. Nes Solidariteit en Afriforum, het die DA ook klaarblyklik besluit om eerder die howe te gebruik, siende dat die parlement insgelyks ‘n nuttelose instansie is. Die bevestiging van blankes se status as derdeklasburgers deur die ANC se Grondwethof-kaders, gaan binnekort ook gevolg word deur ‘n toenemende aantal ander beslissings ten gunste van die ANC, namate die oorblywende blanke regters toenemend etnies gereinig en verjaag word.

Die tweede gebeurtenis is die aanslag op Afrikanerkinders se skole, deur nog ‘n Pienk Frikkie-agtige slang aan eie boesem, ene Hans Pietersen, ‘n individu met duidelik te veel tyd op hande, wat wil krap waar dit nie jeuk nie. Natuurlik is daar ook die smerige vingers van ‘n voormalige Naspershoernalis, George Claassen, hierin te bespeur. (Hoekom is ek nie verbaas dat Naspers, soos met die PUK-voorval, weer eens voor in die koor van Afrikanervyande is nie?)

Pietersen en sy trawante, met hul bruin ANC-ringe om die nek, is nie tevrede dat blankes bloot derdeklasburgers moet wees in ons beroepslewens nie, maar wil ook toesien dat Afrikanerskole se karakter heeltemal moet verander. Sonder om in die godsdiensdebat betrokke te wil raak, wil OGOD (die Pietersen—karakter se sogenaamde organisasie) klaarblyklik toesien dat een of ander tipe New Age-agtige almal-is-eners gebrabbel aan skoolkinders oorgedra, ten einde Afrikanerkinders se “geestelike horisonnne verbreed”.

Vermoedelik wil OGOD dus die kinders onder andere van die “geloof van vrede” leer. Een van die dae kom Pietie by die huis met die opdrag om ‘n selfmoordonderhemp te moet maak as ‘n skooltaak, of moet Sannie navorsing doen oor die sewentig maagde wat in die hemel wag vir diegene wat ongelowiges onthoof. Natuurlik gaan skoolkinders ook vertel word dat alle religieë van soortgelyke waarde is, selfs dié wat lei daartoe dat brandstof oor Kirsty Theologo uitgegooi is, en sy aan die brand gesteek is tydens ‘n Satanistiese ritueel. Skoolkinders sal natuurlik ook wysgemaak word dat voorvaderaanbiddery en sy gepaardgaande moetie-moorde, van presies dieselfde waarde as Christenskap is.

Mens moet jou egter nie blindstaar teen die blote aantasting van Afrikaners se godsdiens nie, of probeer om hierdie aanslag op slegs ‘n godsdienstige vlak te beveg nie. Dit gaan oor veel, veel meer as dit. Dit gaan oor die ganse aard van Afrikanerskole, ook oor hul kultuur en dissipline, iets wat meestal in swart en Engelse skole afwesig is. Pietersen en sy ander mede-kaders het, “vreemd genoeg”, nie een, enkele Joodse- of Moslemskool geteiken nie. Die Joodse King David-skool in Johannesburg is dus nie op die lys van respondente in die hofgeding nie. Dit is uitsluitlik Afrikaanse skole wat in Pietersen en trawante se visier is. Toeval? Ek dink nie so nie. Pietersen, Claassen en die res van die spul kaders is dus nie tevrede met bloot die etniese reiniging van Afrikaners uit hul poste nie, maar teiken nou ook Afrikanerkinders se kultuur en lewensbeskouing, en wil hulle ganse waardestelsel omvorm na een of ander identiteitslose multikul-gedrog wat, eerder as om te bid tot Jesus voor ‘n rugbywedstryd, ‘n kat of twee sal slag terwyl hulle ‘n Boeddhistiese gebrom besig.

Ek is weliswaar nie té jammer oor Pietersen se aanval op Afrikanerkinders nie, of oor die Grondwethof se uitspraak nie. Dit is bes moontlik presies wat Afrikaners nodig gehad het om wakker te skrik en ons gemaksones te verlaat. Ons moet dringend ‘n kopskuif maak, en van ‘n hele paar fopspene vergeet.

Vergeet van die nuttelose rassesensus bekend as verkiesings en die nuttelose tydmors by die stembus – selfs die DA het boedel oorgegee daarmee. Hul leidster sit nie eens in die parlement nie.

Vergeet van die howe – die ANC se kaders, daardie blygemaakte hofklerke wat kwansuis regters is, gaan nié in ons guns beslis nie.

Vergeet van Pienk Frikkie se sogenaamde wigte en teenwigte. Dit bestaan eenvoudig nie.

Vroeër vandeesweek, ná die Grondwethof se skokuitspraak, het Dirk Hermann van Solidariteit in sak en as gesit, en gespekuleer dat blankes ons saak nou op ander maniere sou moes beveg. Ek wil “eureka!” skree. Uiteindelik het hy die kloutjie by die oortjie gebring. Dit is tyd vir ‘n nuwe fase van weerstand, een wat buite die konvensionele strukture van die politiek en howe moet plaasvind. So nie, gaan die totale aanslag ons verswelg.

Die Kaapse Klopse en absolute skoonheidsnorme

Synde ‘n blote derdeklasburger van die Aapzaniese piesangrepubliek, wat agv my gebrek aan melanien minder geskik is om ‘n pos in die formele ekonomie te beklee, sukkel ek so ‘n effe om my derdeklaskop rondom die herrie oor die twee Tukkiedames, wat hulself as ousies aangetrek het tydens ‘n partytjie, te kry.

Eerstens is dié besondere herrie ontketen deur twee dogtertjies van die DA se studentebeweging, die immer-ondepresterende DASO, wat geen verkiesing op die Tukkiekampus kan wen nie. Dié “girly-men” van DASO is geweldig ontstig deur die foto van die twee blanke studentedames wat hulself as ousies aangetrek het tydens ‘n privaatpartytjie, en het dit onmiddellik op Twitter aan die groot klok probeer hang.

Goed en wel, DASO se dogtertjies kan hulle meisiebroekies na willekeur bevuil, maar daar is een, klein probleempie vir DASO, wat die DASO-rassismegillers se ganse, histeriese geskree-huil oor sogenaamde rassisme oombliklik vernietig: Die Kaapse Klopse. Laasgenoemde se optog gaan ook onder die besonder politiek-inkorrekte naam van ‘n “coon carnival” gebuk. Elke, iedere Nuwejaar in die Kaap, ja, die einste Kaap wat deur DASO se party, die DA, beheer word, in hul einste leidster, Rooi Helen, se Weskaapprovinsie, is daar ‘n swetterjoel bruines wat hul gesiggies swart verf, en dan, begelei deur vals trompette, ‘n vals gesingery en ewe vals banjo’s, deur die strate van die eweneens DA-beheerde Kaapstad paradeer. Waarom sou die DASO-meisietjies mal raak van histeriese verontwaardiging oor twee Madeliefkoshuismeisies wat hulself as ousies aantrek, maar soos die graf swyg oor ganse troepe bruines wat hul gesigte jaarliks swart smeer in die DA se enigste metropool, Kaapstad, en dan, met die amptelike beskerming van die DA se spietkops, deur die DA-stad, Kaapstad, paradeer, moet ek myself afvra?

Sulke raaisels is egter vêr bo by vuurmaakplek, synde ‘n pigmentgebrekkige derdeklasburger. Kom ek bepaal my eerder by ‘n eenvoudiger vraagstuk: Salomo kon hom destyds verwonder oor die vlug van ‘n arend en die weë van ‘n vrou. Ek verwonder my waarom twee blanke studentemeisies, wat hulself as ousies wou aantrek op ‘n privaatpartytjie, sulke geweldige aanstoot sou kon gee?

Is dit byvoorbeeld erger om jouself as ‘n ousie aan te trek, as om ‘n bejaarde blanke te martel en om petrol in sy keel af te gooi? Laasgenoemde rassistiese haatmisdaad het immers in die afgelope paar dae plaasgevind, maar ek lees hoegenaamd niks daaroor in die linkse haatblad, die Daily Maverick, nie. Nee, ene Pollak, van die Daily Maverick, kots eerder ‘n haatgevulde stuk PK-drek oor die Tukkiedames se kwansuise rassisme, maar swyg soos die graf oor die blanke omie wat die brandstof in die keel gekry het. Vir Pollak is die marteling ‘n bejaarde Afrikaner se lot, dus van sekondêre belang – hy skuim egter wel om die mond met kranksinnige PK-verontwaardiging agv die denkbeeldige rassistiese misdaad van twee blanke studente.

Is dit dus, in die besonder-beperkte verstand van ‘n Daily Maverick-hoernalis, meer rassisties vir ‘n witte om haar gesig swart te smeer mbv skoenpolitoer, al is dit vir ‘n partytjie, as om brandstof in ‘n bejaarde, blanke oom se keel af te forseer, tydens ‘n rassistiese haatmisdaad? Waarom gee dit sulke geweldige aanstoot wanneer ‘n witte hom as ‘n swarte voordoen, en hom- of haarself soos ‘n swarte aantrek? Is daar ‘n skaamte in sekere groepe waar dit by ‘n tiperende swart voorkoms kom? Is selfs die uitbeelding van ‘n swart gelaatskleur en ‘n dik agterstewe wat, en laat ons eerlik wees, dikwels ‘n swart kenmerk is, aanstootlik en selfs rassisties? Is daar, met ander woorde, ‘n absolute, internasionale norm van skoonheid, waaraan slegs blanke dames voldoen, en is dit gevolglik kwansuis rassisties vir die mooies, die blankes, om hulself swart te laat lyk, en die ander, die allochtone, in die proses sleg te laat voel oor hulself?

Dit lyk tog so, as die vrye mark enige aanduiding sou wees van vroulike aantreklikheid. Die Britse tydskrif, The Economist, berig hier oor die pryse wat prostitute vir hul dienste kan vra. Sonder regeringsinmengery is die prys van dienste of goedere gewoonlik ‘n goeie aanduiding van hul begeerlikheid en gewildheid; ‘n Porsche Carrera is veel meer begeerlik as ‘n Toyota Yaris, veral onder ooms wat ‘n middeljarekrisis beleef, en laasgenoemde word in dié twee se relatiewe pryse weerspieël. The Economist het gegaan en ‘n studie gedoen oor die aanlynprofiele van sowat 190 000 dames van die nag, en tot ‘n voorspelbare gevolgtrekking gekom: Vrouens wat aan Westerse norme van skoonheid voldoen, kan die hoogste pryse vra vir hul “professionele dienste”. Ek haal aan: “The customers who reported encounters to the website we analysed clearly value the stereotypical features of Western beauty: women they describe as slim but not scrawny, or as having long blonde hair or full breasts, can charge the highest hourly rates.”

Blanke, slanke prostitute se pryse is dus hoog; deur die bank verdien swart prostitute in Amerikaanse stede minder as hul blanke eweknieë, in New York, Washington en ander VSA-stede. Dus is daar, ten minste onder die mans wat sulke dienste gebruik, ‘n duidelike voorkeur: Die ideale vrou is blank, met lang hare, asook met ‘n slanke liggaamsbou. Wat die stereotipiese swart vrouens wat deur die twee studente uitgebeeld is, aanbetref, wel, hulle pryse in ‘n vrye mark vir prostitusie is heelwat laer, en dus is hulle as’t ware die Yarisse, teenoor die blanke Porsches.

Indien die twee Tukkiedames se satire, of eerlikheid, rondom swart aantreklikheid dan wel rassisties was, is daar ook ander sondebokke – selfs onder swart mans. Tokyo Sexwale, die swart SEB-parasiet, is een voorbeeld hiervan. Hy was naamlik met ‘n jong, blonde, blanke, Judy Sexwale, getroud. Tans is hulle gewikkel in ‘n lelike egskeiding, maar het Sexwale nie, dmv van sy keuse van ‘n vrou, net so rassisties soos die twee blanke Tukkiestudente opgetree nie?

As dit dan voorts rassisties sou wees van die twee studentedames om hulself swart te probeer maak, wonder ek waarom miljarde rande bestee word deur swart vrouens aan produkte soos haarverlengings en velbleikmiddels, om hulself meer wit te laat lyk. Kyk byvoorbeeld na die “blonde” swart sangeres, Nicky Minaj. Sy dra meestal ‘n blonde pruik, om haar natuurlike, Afrikaanhare te probeer verdoesel. Waarom skree-huil hetsy die DASO-meisietjies, hetsy die Daily Maverick se hoernaliste nie eweneens oor haar “rassisme” nie?

Dus; nee wat, die optrede van die twee studente was onskuldige studentepret. Diegene wat hulself te na gekom voel, en wat “rassisme” skree-huil, moet eerder eerlik wees en hulself afvra of daar nie inderdaad ‘n absolute norm van vroulike skoonheid, verpersoonlik deur die Europese vrou, is nie.

Die slaaf in jou spieël

Ons is baie gelukkig om in ‘n moderne tyd te leef, nie waar nie? Dink net; honderde jare gelede sou jou en my voorouers onderworpe gewees het aan ‘n feodale stelsel. Ons sou tydelik die reg verkry het om op ‘n landheer se grond te werk, maar in ruil daarvoor, sou meeste van die opbrengs aan die landheer oorbetaal moes word. Ons sou ook lojaliteit aan die landheer moes sweer, en ook moes deelneem aan enige militêre veldtogte wat die landheer nodig sou ag. Hierdie regte kon te eniger tyd opgeskort word, nes ‘n blanke boer se plaas in Suid-Afrika op enige stadium by hom gesteel kan word in 2014.

Waar daar nie ‘n feodale stelsel was nie, het despotiese konings dikwels onbillike belastings van hul onderdane vereis. In 1776, in Boston, het Amerikaanse onderdane van die ingeteelde Britse koningshuis hierteen gerebelleer, en kratte tee oorboord gegooi in die Boston-hawe in protes teen gierigheid van oorkant die Atlantiese oseaan. “No taxation without representation”, was hulle slagspreuk, en hierdie rebellie het gelei tot die Amerikaanse Rewolusie, wat die Britte hul Amerikaanse kolonies gekos het.

Dankie tog daar is nie in 2014 enige sprake van ‘n feodale stelsel, gierige koningshuise of slawerny nie, nie waar nie? Ons is só gelukkig om vry te wees, om nie onregverdige belastings te hoef te betaal aan konings, despote of slawemeesters nie.

Dink weer.

Jy, meneer en mevrou die Afrikanerbelastingbetaler is veel, veel erger daaraan toe as enige Amerikaner in die 13 kolonies van 1776. Ten minste was die Britte die regstreekse voorsate van die Amerikaners in die kolonies. Sonder die Engelse setlaars op die Mayflower was daar geen kolonie in die Nuwe Wêreld nie. Jy en ek word, anders as die Amerikaners, totaal deur ‘n ander volk oorheers: die Zoeloevolk. Ek het op dees aarde niks met ‘n Zoeloe in gemeen nie, nie sover dit my taal betref nie, nie my kultuur nie, nie my tegnologiese beskawing nie, absoluut niks nie. Ons, soos wafferse onderdane van hetsy die feodale landheer, hetsy Koning Georg, hetsy die eiendom van ‘n Portugese slawe-eienaar in Brasilië, werk en swoeg om volksvreemde slawe-eienaars, despote en konings in weelde te laat leef.

Die ANC se Zoeloedespoot, Zuma, het sy kaias op Nkandla laat opgradeer teen ‘n astronomiese koste van ‘n kwartmiljard rand. As ek so na die foto’s van sy kaias kyk, van vervelige, lelike rondawels, ‘n beeskraal en ‘n hoenderhok, hoop ek terdeë dat die dekor binne die onaantreklike rondawels skouspelagtig is, want ek kan waaragtig nie sien waar my en jou kwartmiljard rand heen is nie. ‘n Grasdak en ‘n swembad is sekerlik nie so duur nie? Ek hoop ons praat van soliede, goue toilette en ‘n Renoir of twee teen elke slaapkamer se muur.

Nie net moet ons ons Zoeloedespoot se kaias opgradeer nie, maar ook moet ons ‘n koning wat op dees aarde niks met Afrikaners uit te waai het nie, Goodwill Zwelithini, in rojale weelde onderhou. Hierdie orige ou man, met ‘n klaarblyklike gebrek aan seksuele selfbeheersing wat Zuma s’n ewenaar, en met ‘n voorliefde vir maagde wat dekades jonger is as hy, is onlangs getrakteer op op ‘n onthaal met 100 000 gaste. Een honderd beeste is geslag en derduisende liter tradisionele bier is gesuip in ‘n orgie van buitensporige dronkenskap, ongetwyfeld gepaard met kratte vol Johnny Walker-whiskey vir die meer belangrike gaste.

Alles vir my en jou rekening.

Die houvrou waarmee die naturellekoning Zwelithini getroud is, is al sedert die ouderdom van agtien sy slagoffer. Hy het haar as’t ware vir ‘n toetsrit gevat, en haar swanger gemaak sodat hy kon toets of sy vir hom nog ‘n ongewenste Zoeloetelgie kon uitdruk; nog ‘n parasiet wat op jou en my gaan teer, soos die miljoene welsynsparasiete wat aangemoedig word om soos hase aan te teel dmv allerhande toelaes. Kaalbolyf-Zoeloemeisies is geparadeer tydens die orgie van seks en drankmisbruik, om hul maagdelikheid ten toon te stel, vermoedelik sodat die 66-jarige ou bok die ware wat ten toon gestel is, die jong blare ook later sou kon geniet, nes sy Swazi-eweknie in ons buurland. Stuur hulle verteenwoordigers na kleuterskole om toekomstige vrouens vroeg-vroeg al te identifiseer, wonder ek?

Ja, jy en ek, die Afrikanerbelastingbetaler, het vir ‘n groteske onthaal vir ‘n naturellekoning honderde miljoene rande opgedok; jy swoeg en sweet by die werk, bloot om belasting te betaal, om vir ‘n vreemde koning verskeie paleise (geskatte waarde: R600 miljoen) en ses vrouens aan te koop. Hy het ook ‘n vloot luuksemotors. Die Zoeloekoning is egter nie die enigste nie. Daar is talle ander “tradisionele leiers” wat ook soos groteske bosluise op jou en my, die blanke en Afrikanerbelastingbetaler teer; wat in weelde leef, wat minderjarige meisies seksueel misbruik, in die naam van hul sogenaamde kultuur.

Sê gou weer vir my, meneer en mevrou die Afrikanerslaaf, voel jy jou nog steeds kwansus “bevry” sedert 1994?

Leuens en pseudowetenskap: Ope brief aan Julian Rademeyer

Geagte meneer Rademeyer,

Ek reageer op u skrywe op die Daily Maverick se webblad. Ek het dit terloops vir ‘n oomblik oorweeg om hierdie skrywe in Engels te rig, maar toe besef ek dat, verengels soos u mag wees met ‘n voornaam soos Julian, iemand met die van Rademeyer minstens iemand sal ken wat Afrikaans magtig is, en wat hierdie brief aan u sal kan voorlees.

U rubriek gaan opnuut oor die omstredenheid rondom Steve Hofmeyr en Sunette Bridges se bewering dat blankes die slagoffers is van ‘n moedswillige veldtog van rassistiese haatmisdaad. U organisasie, AfricaCheck, word in u rubriek voorgehou as ‘n rasionele, onafhanklike een, wat wetenskap en statistiek pleeg.

Ek sal dus maar die gewone, agterlike geskree-huil oor rassisme in u rubriek ignoreer, synde so holrug gery dat dit nie ‘n kwansuise wetenskaplik-gefundeerde organisasie betaam nie, en dus geen verdere reaksie werd is nie. Voorts is die tradisionele en breindood-verskoning dat “almal onder misdaad ly”, so absurd en inderdaad onnosel dat mens net sowel kan argumenteer dat die dwelmprobleem op die Kaapse Vlakte heeltemal normaal en in orde is, omdat Colombië ook ‘n dwelmprobleem het. Nee wat, jammer, selfs nie u glo sulke belaglikhede nie. Kom ons fokus maar eerder op u pogings om Hofmeyr en Bridges te weerlê.

U haal twee reaksies op Hofmeyr en Bridges se bewerings aan.

Die eerste is uit die pen van Nechama Brodie. Sy beweer dat die moordkoers op blankes vandag soortgelyk is aan die moordkoers tussen 1979 en 1991, en laer is as vir ander groepe. Goed en wel, blankes het kennelik beter sekerheid by hul huise, maar wat sy bloot oor kan raai, is hoeveel van daardie moorde deur swartes gepleeg word. Sy spekuleer, sonder om hoegenaamd eens te probeer om harde, wetenskaplike syfers aan te haal, dat die eintlike booswigte blanke mans is. G’n mens weet hoe sy daardie bewering kan staaf nie, want die rassegroep van veroordeeldes word nie tydens skuldigbevindings opgeteken nie. Vir ‘n organisasie wat beweer dat u kwansuis wetenskaplik gefundeerde metodes sou gebruik, is sulke “data” dus van nul en gener waarde nie. Dis blote raaiwerk, spekulasie en selfs vooroordeel aan die kant van me Brody, en dus is haar “bewyse” waardeloos – niemand weet hoeveel blankes deur ander blankes of swartes vermoor word nie.

Die tweede aanhaling is van Lisa Vetten, wat beweer dat blanke vrouens veel meer waarskynlik is om deur hul metgeselle vermoor te word, as deur swart aanvallers. Weer eens, soos me Brody se spekulasie, is dit hoogstens ‘n wilde raaiskoot. Vetten spreek in ieder geval nie dít wat Hofmeyr en Bridges beweer het, aan nie. Nie een van hulle het ontken dat blankes ook misdaad pleeg nie. Vetten se reaksie spreek nie die kern van die argument aan nie, en is dus ‘n strooipop-argument, iets wat ‘n eksterne kwessie opstel en daarop reageer, maar nie die opponent se argument hoegenaamd beantwoord nie. Om dit in eenvoudige terme te stel: In ‘n lelieblanke dorp, sê maar iewers in Noorweë, sal daar wel ook ‘n klein persentasie blanke mans wees wat hul vrouens aanval en selfs vermoor. Nes in Suid-Afrika, maar in Suid-Afrika is daar benewens hierdie geweld, ook die addisionele faktor van swart-op-wit, rassistiese aanvalle, wat insgelyks teen blanke vrouens gemik is.

En daardie punt, dat blankes buitensporig die slagoffers is van rassistiese, swart-op-wit haatmisdade, wat me Vetten, me Brody, asook uself, mnr Rademeyer, glad nie eens probeer aanspreek nie, is die kern van Hofmeyr en Bridges se argument. Ek kan dit soos volg formuleer: By die gebrek aan harde, verdedigbare data, maar te oordeel aan mediaberigte en persoonlike oorvertellings, is dit veel, veel meer waarskynlik dat swart-op-blank misdaad die omgekeerde vêr oortref. Ek stel dit aan u dat dit veel, veel waarskynliker is dat, waar dit by rassistiese misdaad kom, ‘n blanke deur ‘n swarte vermoor, aangeval, gekaap, vermoor of verkrag sal word, as dat ‘n blanke dit met ‘n swarte sal doen.

Nou goed, u kan argumenteer dat Hofmeyr en Bridges se data verdag of selfs foutief is. Beide is immers sangers, nie demograwe of kriminoloë nie. U organisasie, daarenteen, roem u op u wetenskaplike benadering en u beweer dat u, anders as Hofmeyr en Bridges, op harde data staatmaak. Ek daag u dus hiermee in die openbaar uit: Gebruik met liefde alle wetenskaplike middele en data tot u beskikking. Doen enige nodige navorsing. Haal soveel bronne as wat u wil aan. Onderwerp u bevindings aan ‘n proses van evaluasie, maar antwoord asseblief vir ons die volgende twee eenvoudige vragies, met verdedigbare, harde data:

Hoeveel blankes word vermoor, verkrag, aangeval, beroof en gekaap deur swart oortreders, en hoeveel swartes word op hul beurt deur blankes op soortgelyke wyses aangeval?
Hoeveel plaasaanvalle en huisinvalle, dikwels gepaard met marteling, is teen blanke slagoffers deur swartes gepleeg, en hoeveel huise in plekke soos Soweto of plaasaanvalle in plekke soos landelike KwaZulu-Natal, is deur blanke booswigte gepleeg?

Kom, dis eenvoudige vrae, en harde syfers is mos u kos. Met bostaande, harde, wetenskaplik verdedigbare syfers, het u hier die geleentheid om die argument vir eens en vir altyd en oortuigend te wen. Kontroleer dit gerus vir bevolkingsgetalle; deel met ander woorde die aantal rassistiese haatmisdade teen blankes hierbo deur die blanke bevolking en druk dit uit as ‘n syfer per 100 000, en doen gerus dieselfde met wit-op-swart aanvalle.

Ek sien met opgehoue asem uit na u antwoord op bostaande, eenvoudige vragies.

Die oorlog wat nooit opgehou het nie

Die land se infrastruktuur verkeer onder ‘n veel groter bedreiging in 2014 as wat dit in 1984 was, omdat die terroriste se kaders van die rewolusie hetsy moedswillig, hetsy deur growwe nalatigheid, die infrastruktuur bedreig en saboteer.

As mens aan terreur dink, dink jy dikwels aan terreur wat teen burgerlike teikens gemik is. Beelde van die Kerkstraatbom, met verminkte liggame, kom dan by jou op. Die lafhartige moord op burgerlikes, soos deur die sogenaamde gewapende vleuel van die ANC-terreurbeweging, MK, gepleeg, was egter slegs een aspek van ‘n terreuraanslag.

Die ander aspek van ‘n tipiese terreuroorlog is sabotasie, wat teen infrastruktuur gemik is. Tydens die Rivoniaverhoor was die hoofklagtes teen die oorlede terrorisgôt Mandela en sy trawante dan ook eerder verwant aan die voorneme om sabotasie te pleeg teen infrastruktuur. Die staatsaanklaer, Percy Yutar, het in sy openingsrede beweer dat Mandela en sy mede-terroriste genoeg springstof wou bekom om ‘n stad die grootte van Johannesburg te vernietig. (En vandag aanbid die meeste blankes hierdie einste terroris op klakkelose wyse…)

Soos met sy sogenaamde militêre aanslag, wat bloot burgerlikes kon vermoor, was die onbeholpe MK en Mandela en trawante egter amper komies-oneffektief in hul veldtog om sabotasie teen infrastruktuur te pleeg. Daar was slegs enkele suksesvolle voorvalle van sabotasie in die jare sestig, sewentig en tagtig wat teen infrastruktuur gemik was, en dit was meestal beperk tot die lafhartige plant van landmyne om paaie onrybaar te probeer maak. Nietemin het die vorige regering die sabotasiebedreiging teen infrastruktuur ernstig opgeneem.

Daar is byvoorbeeld spesiale strukture ontwerp om terreur te fnuik. In stede van die gewone elektriese hoogspanningspale, met vier pote, is daar spesiale strukture opgerig wat slegs een, sentrale steunpunt gehad het, met vier kabels aan die grond geanker wat die paal regop gehou het. Die gedagte hieragter was dat dit moeiliker sou wees om só ‘n struktuur met ‘n enkele kleefmyn te vernietig, omdat die kabels vier kleefmyne sou vereis. Daar is ook hoë draadheinings om strategiese punte soos olieraffinaderye opgerig, om RPG7-aanvalle te probeer afweer.

Gelukkig vir ons, en die land se infrastruktuur, het die eweneens-onbeholpe NP-onderhandelaars gekapituleer by Kodesa, en ‘n volskaalse oorlog, ook teen infrastruktuur gemik, afgeweer, nie waar nie? Só vertel die hoofstroommedia ons immers. Deur die sleutels van al wat ‘n kragstasie, dam, reservoir, rioolwerke en infrastruktuur-item is, aan Mandela en sy terroristrawante te oorhandig, is die destydse veldtog van sabotasie stopgesit. Rooi Helen Zille kon selfs onlangs ‘n klammigheid in die oog ontwikkel toe sy met nostalgie terugverwys het na haar sogenaamde held, die aartskommunis Hani, wat die hoof van MK was.

Die werklikheid sedert 1994 is egter radikaal anders as die leuens en propaganda wat deur die media en die NSA-lofprysers aan ons voorgehou word. Waar die terroriste vóór 1994 met die veiligheidsmagte te kampe sou kry as hulle sabotasie wou pleeg, is hulle deur Pienk Frikkie se kapitulasie by Kodesa binnegenooi, en is die spreekwoordelike trop bobbejane op 27 April, 1994 as’t ware in die vrugteboord losgelaat. Die burgeroorlog waaroor ons so gewaarsku is vóór 1994, het nie opgehou nie. Inteendeel; dit onmiddellik in intensiteit toegeneem. Ek praat nie eens van die geweldige toename in moorde en veral plaasmoorde nie, maar eerder van die sabotasie-oorlog wat teen infrastruktuur gemik is.

Vanoggend word ons byvoorbeeld weer eens wakker met die nuus dat bobbejane vir die tweede keer op die vrugteboord se elektriese substasie in Centurion losgelaat is. In wat slegs beskryf kan word as beplande terreur, het sogenaamde kabeldiewe (eintlik saboteurs) vir die tweede keer in ‘n maand gesorg dat groot dele van Centurion in die donker wakker moes word. Ek kan my egter nie aan een voorval tydens die diepste, donkerste dae van die 1980’s herinner, waar daar in my buurt kragonderbrekings agv sabotasie was nie. Nie net saboteer hulle substasies nie, maar ook het die trop Eskom se vrugteboord kaalgesteel. In die jare tagtig het Eskom ‘n oormaat elektrisiteit opgewek. Sedert 2007 kreun Eskom egter agv moedswillige wanbestuur en sabotasie, en is sogenaamde beurtkrag ‘n werklikheid wat kort-kort dreig.

Tydens die 1980s is daar gevrees dat saboteurs die drinkwater in waterreservoirs sou vergiftig, maar niks het daarvan gekom nie. In 2014 sterf mense egter agv besmette drinkwater in die Wes-Transvaal. Die kaders van die onvoltooide rewolusie se onbeholpenheid, of kwaadwilligheid, het die drinkwater in Wolmaransstad en Bloemhof gesaboteer.

Daar was enkele landmyn-voorvalle in die 1980’s, meestal teen die grense van die buurlande, wat enkele paaie ontoeganklik gemaak het. In 1994 is die groot meerderheid van die land se paaie, en omtrent alle paaie in landelike gebiede, totaal onrybaar as gevolg van miljoene slaggate, die gevolg van ‘n kwaadwillige afskepery wat slegs as moedswillige sabotasie beskryf kan word. Die saboteurs is maklik identifiseerbaar: Dit is die kaders wat met ‘n Graad 6-kwalifikasie in ingenieursposte aangestel word.

Die land se infrastruktuur verkeer, kortom, onder ‘n veel groter bedreiging in 2014 as wat dit in 1984 was, omdat die terroriste se kaders van die rewolusie hetsy moedswillig, hetsy deur growwe nalatigheid, die infrastruktuur bedreig en saboteer.

Die oorlog het nie in 1994 opgehou nie. Dit het eintlik toe eers begin.