Regering en die grondwet

Gister is Menseregtedag gevier, en ‘n parlementsitting onder meer daaraan gewy. Gister het ‘n hof weer ‘n uitspraak teen die regering gelewer oor die nie-nakoming van die grondwet in ‘n saak wat ook neerslag in die Handves van Menseregte het.

Dié keer het die regering bloedneus gekry oor ‘n bepaling in die grondwet dat die regering ‘n taalwet moet aanvaar. Toe ‘n prokureur die regering hieroor aantree het die regering in woorde geantwoord wat deur die meeste Afrikaanse kultuurorganissies as kwetsend en uiters kommerwekkend, en boonop van heelwat waarheid gestroop, beskou is.

Na die uitspraak was daar op ‘n enkele uitsondering na ‘n dawerende stilswye van partye in die parlement verteenwoordig is. Daar was meer reaksie uit kultuurgeledere, en onder meer Afriforum en Solidariteit, en op die politieke vlak, die klein Christen-Demokratiese Alliansie, het wel regeer.

Selfs al sou die spesifieke uitspraak as nie van besondere waarde geskat word nie, wat moeilik te begryp is, is ‘n tendens wat posvat nou werklik kommerwekkend. Dit lyk asof hofsake nou die enigste uitweg is om die regering te dwing om die grondwet na te kom nadat grondwetlike instansies soos Pansat se tande getrek, en die Openbare Beskermer en die Menseregtekommissie se skynbare ANC-gesinsindheid op die oog af problematies geword het.

Die lys van hofsake waar die regering tot orde geroep is, raak nou onheilspellend lank. Hieronder tel:

* Die CarMicelle-saak waar ‘n vrou deur ‘n verkragter op borgtog verkrag en erg aangerand is. Dié vrou moes tot in die Grondwethof veg om ‘n uitspraak te kry dat die staat inderdaad verantwoordelik is. Toe moes weer van nuuts af begin word om die omvang van skadevergoeding te bepaal.

* Die Modderklip-saak waar die regering eenvoudig vanuit die staanspoor bloedneus gekry het, maar enduit geappelleer het – dikwels eers na die spertye, en uiteindelik ook bloedneus gekry het.

* Die Walker versus the City Council of Pretoria-saak wat ook in die grondwethof gaan draai het wat tot gevolg gehad het dat munisipaliteite belet is om gemeterde tariewe van blankes te eis, en vaste tariewe van swart mense.

* Die Ermelo-saak wat oor die magte van skoolbeheerliggame gehandel het, en uiteindelik die kwessie van die reg om in Afrikaans te mag skoolgaan. Die onderwysdepartement is onder meer gestriem omdat nie behoorlik beplan word vir die behoefte aan skole nie, en dan die sogenaamde maklike uitweg te wil volg om ander hul regte te ontneem.

* Twee hofsake wat handel oor Zimbabwe. In die saak van Crawford von Abo is ‘n belangrike uitspraak gelewer oor die regering se versuim om sy burgers se belange in die buiteland te beskerm. In die ander saak moet Suid-Afrika nou ‘n multi-nasionale triunaal se bevinding teen pres. Robert Mugadbe se grondroof respekteer.

* In die Grondeisehof het die Grondeisekommissaris skielik ‘n klomp bloutjies geloop, onder meer oor ‘n beweerde gekonkel met hofstukke, die ignorering van bewyse teen die geldigheid van die grondeise, en oplaas die kwessie dat eisers in die eerste plek vergoed is en alternatiewe grond gekry het toe hulle die grond kwyt is wat hulle nou terugeis.

* ‘n Uitspraak in die Arbeidshof teen die SAPD oor die weiering om kapt Renate Barnard te bevorder bloot omdat sy wit is. Die regering appelleer hierteen.

* ‘n Vroeëre suksesvolle appèl teen die Menseregtekommissie dat die slagspreuk, Kill the Boer, kill the farmer,” nie haatspraak is nie, is nou in die gelykheidshof opgevolg met ‘n skuldigbevinding van Julius Malema oor losbekkigheid oor die vrou wat pres. Zuma van verkragting aangekla het. Malema gaan aansoek om toestemming vir appèl vra, en hy moet nog tereg staan op klagtes oor ‘n jongste uitspraak, in die vorm van ‘n liedjie, “Shootl the farmers, they are rapists.” Dit is werklik kommerwekkend dat die ANC geledere agter Malema gesluit het hieroor.

* In die saak van die Reitz-vier, het die landdros dit nodig geag om die media en die politici te maan om nie uitsprake te maak wat op die vier se skuld dui alvorens die verhoor nog begin het nie. Hierdie uitspraak lê nie net aan die wortel van die grondwetlike bepaling van administratiewe geregtigheid nie, maar aan die wortel van ons regspraak wat op die beginsel van natuurlike geregtigheid gebaseer is. Nogtans het ‘n groot Afrikaanse Sondagkoerant regstreeks hierna die landdros se opdrag geminag. Dit lyk ook nie asof dit die politici gerem het nie.

Teen hierdie agtergrond, en die feit dat Vrystaat Landbou die regering oor gebrekkige beskerming hof toe neem, is uitsprake tot wysiging van artikel 25 van die grondwet om eiendomsreg te kan verander, baie kommerwekkend. Dit is nie maar net ‘n artikel in die grondwet, soos dit wat gewysig kon word om parlementêre oorlopery moontlik te maak nie. Hierdie vorm deel van die Handves van Menseregte. Dit weer, maak deel uit van ‘n stel universeel geldende menseregte waartoe die grondwetlike beginsels wat by Kemptonpark onderhandel is, en die grondwet self hom verbind. Suid-Afrika is ook mede-ondertekenaar van verskeie handveste en ooreenkomste waarin dit vervat is, en wat ook deur ‘n grondwetlike bepaling eerbiedig word.

As verder in ag geneem word dat mineraleregte genasionaliseer is, en landbou-grondbesit reeds aangetas is deur die Sekerheid van Verblyfregwet – terwyl die staat homself van hierdie bepaling op staatsplase uitgesluit het, dan is versekerings tot die teendeel nie baie gerusstellend nie, veral aangesien dit lyk of regeringswoordvoerders bont praat hieroor, en die regterhand nie weet wat die linkerhand doen nie, en ewe dikwels die linkerhand ook nie weet wat die linkerhand doen nie.

справку впрокурор Фильчаков

‘SA se paaie die gevaarlikste’

Die paaie in Suid-Afrika is vinnig besig om bekend te word as die gevaarlikste ter wêreld, het die Automobiel-Assosiasie Dinsdag gesê.

In ‘n verklaring het die AA die hoë ongeluksyfer aan swak wetstoepassing, swak paaie en roekelose bestuur toegeskryf.

“Suid-Afrika se paaie is vinnig besig om die reputasie van die gevaarlikste paaie ter wêreld te kry,” het Gary Ronald van die AA gesê.

“Die ekwivalent van tien skole se leerders sterf jaarliks op Suid-Afrika se paaie. Dit kan gedeeltelik toegeskryf word aan die toestande van die paaie en die padwaardigheid van die motors, maar meer nog die houding van die padgebruiker.”

Ronald het gesê daar is ‘n aantal voorbeelde van roekelose gedrag onder taxi’s, maar ander padgebruikers is ook skuldig as dit kom by dronkbestuur.

детский велосипедФільчаков прокурор

Die koste van plaasaanvalle

Die Suid-Afrikaanse Kamer van Handel en Nywerheid (SAKHN) het Dinsdag gewaarsku dat plaasaanvalle voedselsekuriteit bedreig.

Elke plaasaanval se koste aan die land se ekonomie word konserwatief geraam op sowat R1,9 miljoen per jaar.

Die organisasie het in ’n verklaring gesê indien die plaas se produktiwiteit net tydelik beïnvloed word, beloop die verlies aan die bruto nasionale produk (BNP) meer as R160 000 per maand.

Tussen 1997 en 2007 is 1 248 moorde landwyd op plase gepleeg. Die meeste van die slagoffers was volgens die polisie plaaswerkers.

Die SAKHN sê gegrond op die 3,22% wat die landbou in 2009 tot die land se groeisyfer bygedra het en met die 39 982 plase wat daar in 2007 was, kos plaasaanvalle die land jaarliks sowat R1 932 869 per plaas wat daardeur geraak word.

Die organisasie meen hulle berekening is ’n konserwatiewe een, omdat die grootte van plase en hul produksievermoë uitgesluit is.

Ook die plaaslike voedselbedryf, die sektor se vermoë om internasionaal mededingend te wees en die verskillende soorte plase en boerderybedrywe word nie in ag geneem nie.

освещение лестницы светодиодной лентойФильчаков прокурор отзывы

Tiger terug

Tiger Woods keer volgende maand terug na gholf in die Amerikaanse Meesterstoernooi op Augusta, het hy Dinsdag op sy webtuiste aangekondig.

Dié toernooi begin op 8 April.

“Die Meesters is waar ek my eerste groot toernooi gewen het en ek kyk met groot respek na die toernooi. Na ‘n lang, nodige tyd weg van die spel, voel ek reg om my seisoen op Augusta te begin,” het Woods gesê.

Die wêreld se voorste gholfspeler het in Desember aangekondig dat hy ‘n onbepaalde vakansie van dié sport gaan neem ná sy buite-egtelike verhoudings aan die lig gekom het.

“Ek het vir sowat twee maand terapie ondergaan en ek gaan voort met my behandeling. Hoewel ek weer begin speel, is daar nog baie wat ek in my persoonlike lewe moet doen,” het Woods gesê.

купить рубашку с коротким рукавом для мальчикаФільчаков Олександр Васильович

Zuma-vroue kos meer as R15miljoen

Die begroting vir pres. Jacob Zuma se vroue se staatsvoordele het verlede jaar byna verdubbel en staan nou op R15,517,500 vir 2010.

Dit is in Collins Chabane, minister in die presidensie, se antwoord op ‘n parlementêre vraag deur die DA onthul.

In die 2008/09 finansiële jaar toe Kgalema Motlanthe vir Thabo Mbeki as president opgevolg het, was dié voordele R8,076,709.

Die voordele dek die koste om ‘n persoonlike sekretaresse en ‘n navorser aan te stel om die president se vroue in projekte wat verband hou met werk van die regering, te help.

Zuma se eerste vrou, Sizakele Zuma, is betrokke by projekte in landbou, sy tweede vrou Nompumelelo Zuma help weeskinders en kwesbare kinders en Thobeka Madiba is betrokke by gemeenskapsgesondheid.

Die presidensie betaal ook vir skootrekenaars en selfone vir die president se vroue en hul personeel en hulle kry ‘n spesiale toelaag vir uitgawes tydens amptelike besoeke.

Chabane het bevestig dat die presidensie koste en voordele dek wat verband hou met die president se kinders of hulle binne of buite die huwelik gebore is of nie.

как называется доска с парусомОлександр Васильович Фільчаков

ANC kom nie grondwet oor taal na nie

Die nasionale regering het tans geen gekoördineerde taalbeleid wat sy gebruik van die amptelike tale reël en monitor nie, het regter Ben du Plessis het in die hooggeregshof in Pretoria verklaar.

Die hof kan nie egter voorskryf hoe dit gedoen behoort te word nie.

In ‘n uitspraak Dinsdag is die minister van kuns, kultuur, wetenskap en tegnologie gelas om dié grondwetlike plig binne twee jaar na te kom.

Die uitspraak kom nadat ‘n prokureur van Brits, Cerneels Lourens, ‘n hofaansoek teen die regering ingedien het.

Adv. Quintus Pelser SC, het namens Lourens opgetree.

Lourens het in 2008 ’n brief in Afrikaans aan die betrokke minister geskryf, wat in Engels beantwoord is.

Terwyl die grondwet kragtens art. 6(4) die burger se reg om in sy eie taal deur die staat bedien te word, voorskryf, word Lourens dié reg ontsê.

Lourens het in sy aansoek ook gevra dat ‘n nasionale taalwet binne 12 maande gepromulgeer word, maar die regter het dit afgewys aangesien dit nie ‘n grondwetlike vereiste is nie

Flip Buys, uitvoerende hoof van die vakbond Solidariteit het aan Beeld gesê dit is “die grootste oorwinning vir Suid-Afrika se tale sedert 1994”.

ресивер воздушный вертикальныйФільчаков Олександр Васильович

Zuma vir ‘n tweede termyn?

President Jacob Zuma het gesê hy sal nooit sy organisasie uitdaag as hulle hom vir ’n tweede termyn as die president van die ANC nomineer nie, het Business Day Dinsdag berig.

“Ek het nog nooit die ANC uitgetart nie. Die ANC word altyd van my volgende stap ingelig,” het Zuma geantwoord op ‘n vraag of hy as die leier van die ANC sal aanbly indien die party se liggame hom vir ‘n tweede termyn nomineer.

Zuma het bygevoeg dat hy eerder nie wil bespiegel oor hoekom daar reeds ‘n stryery oor sy opvolger woed nie.

Hy het dié wat “ondergrondse” veldtogte wil stig, gewaarsku dat hulle uitgesnuffel sal word.

Ná afloop van die afgelope naweek se vergadering van die party se nasionale uitvoerende komitee, heers daar glo kommer oor die party se opvolger wat in 2012 sal oorneem.

you play gamestopcargo

Taxi’s staak vir tweede dag

Pendelaars is Dinsdag weer in Soweto gestrand nadat taxi-bestuurders besluit het om hulle dienste vir ‘n tweede dag te onttrek uit protes teen die snelbusdiens, die BRT, het die stad Johannesburg gesê.

Nthatisi Modingoane, woordvoerder, het egter gesê die snelbusdiens verloop glad, alhoewel pendelaars met lang toue tevrede moet wees.

“Geen gewelddadige voorvalle is tot dusver aangemeld nie, maar die mense moet geduldig wees weens die lang toue, omdat daar geen taxi’s beskikbaar is nie.”

“Ons sal wel almal by hulle bestemming uit kry soos Maandag,” het hy gesê.

Sommige taxi-ondernemings is bekommerd oor hul voortbestaan en weier daarom om ‘n diens te lewer indien die BRT-busse op die roetes geplaas word, wat glo aan hulle behoort.

Hulle is gekant teen die volgende fase van die snelbusdiens wat se busse sedert Maandag op die nuwe roetes geplaas is.

Die nuwe roete strek vanaf Dobsonville na die Johannesburgse middestad, asook Ellis Park.

Vier onbekende mans het Vrydag op ‘n bus van die Snelbusdiens (BRT) tydens ‘n aanval in Johannesburg, geskiet.

“Niemand is beseer nie,” het kapt. Katlego Mogale Saterdag gesê.Die voorval het in Soweto plaasgevind. Dit is nog nie bekend of die skietery verwant hou met dreigemente wat deur lede van die taxi-industrie gemaak is nie.

Woedende lede van die taxi-gemeenskap het verlede maand gedreig om geweld te gebruik in protes teen die BRT omdat hulle voel dit bedreig hul inkomste.

monkey kingФільчаков Олександр Васильович

Sestig blokkies vir ras en etnisiteit

Die stad Olympia in die deelstaat Washinghton het nuwe skoolreëls opgestel wat ras en etnisiteit betref.

Nie minder nie sestig blokkies vir verskillende kategorieë van ras en etnisiteit is op die nuwe vorm gedruk.

Dit maak veelvoudige antwoorde vir gemengde raspare en hul kinders moontlik.

Skole sal voortaan van gesinne vereis om soveel as moontlik inligting oor hul kinders se herkoms op skoolvorms in te vul.

Indien die gesinspaar of ouer weier om die inligting te gee, sal die skool self die ras en etnisiteit van die kind bepaal en aanteken.

Die skole verwag dat daar kinders sal wees wat nie die korrekte inligting sal verskaf nie.

In sulke gevalle word opvoeders aangeraai om staat te maak op selfidentifikasie.

Ook in gevalle waar die ouers weier om kinders onder 18 se ras en etnisiteit bekend te maak, is selfidentifikasie die norm.

In gevalle waar die biologiese ouers se ras en etnisiteit verskil van dié wat hul telge aangee, word van skole vereis om die ouers se ras en etnisiteit te gee.

Skoolamptenare sê hulle sien nie uit daarna om te moet raai wat die ras en etnisiteit van kinders is nie, en hoop dat die ouers sal saamwerk om die nodige inligting te verskaf.

earrings forФильчаков прокурор харькова

Zuma-gesprekke dui op swakheid

‘n ope brief aan Dan Roodt

Beste Dan,

Soos jy weet, ondersteun ek jou nog altyd en deurgaans. Daar is wat my betref ook geen ander Afrikanerleier wat toegerus is om die ideologiese leierskap te verskaf soos deur jou bedien nie. Sonder ‘n ideologiese raamwerk het ons geen rasionele rigtingaanwyser nie. Selfs Afriforum, wat waardevolle werk doen, spreek meestal die simptome van die huidige bestel aan. In die ideologiese sfeer oortref PRAAG alle ander Afrikanerbewegings.

Hoewel ek jou argumente rondom verlede week se gesprek met Zuma begryp, is ek soos baie Afrikaners tog besorgd oor hierdie gesprek. Behalwe dat die geheime aard daarvan vir Zuma die geleentheid sou gee om in die toekoms hom van enige verklarings te distansieer, is daar ‘n ander fundamentele probleem met verdere gesprekke in die geheel.

Ek dink nie daar kan meer twyfel bestaan dat die regime en vernaam Zuma juis ‘n strategie het om waardelose gesprekke met almal en nog wie te voer nie. Indien dit nie valse beloftes aan die landbougemeenskap is nie, is dit leuens aan buitelandse beleggers, waardelose gesprekke met Afrikaners, beloftes aan die swart vakbonde en die lys is nog baie langer. Deur nie die uitnodiging te aanvaar om saam met Zuma te gaan eet nie, het Steve Hofmeyer ‘n baie sterk boodskap gestuur, wat grootliks verwater is deurdat die res wel die uitnodiging aanvaar het.

Ek dink nie die analogie tussen die huidige gesprekke met die ANC en dié van voor 1994 is geldig nie en wel om die volgende redes:

  1. In daardie dae het ons die mag van die ganse staat gehad. Daar was dus ‘n daadwerklike rede waarom die ANC ten minste in die korttermyn hul beloftes gestand sou doen. Ek reken dat enige gesprekke nou net ‘n gespreksforum sonder angel is.
  2. Wat ons wel tot nou gesien het, is dat die regime geensins hulle woord hou oor enige saak nie. Ek dink daar bestaan ‘n wanbegrip by Afrikaners oor die aard en doel van samesprekinge in die Afrikakultuur. Terwyl ons as Nederduitse gemeenskap oor eeue heen ‘n regsbegrip rondom ooreenkomste en kontrakte gevorm het, het daardie gesofistikeerde ontwikkeling nooit in die Afrikakultuur plaasgevind nie. Hierdie wanbegrip het ook Piet Retief en sy geselskap se lewens gekos en het aanleiding tot Bloukrans en Bloedrivier gegee. In Afrika geld die ooreenkoms net so lank albei partye oor mag in die brutale vorm beskik. Toe die Retiefgeselskap hul wapens neergelê het, het die ooreenkoms geëindig. Die oomblik as enige van die partye mag verloor of afstaan, verval die ooreenkoms. Dit is die begrip wat Roelf Meyer glad nie verstaan het nie. Uit sy naïewe Westerse raamwerk het Meyer in goeder trou onderhandel. Sedertien betaal ons in bloed en aanduidings is dat ons op ‘n massale bloedbad, veel erger as Bloukrans, mag afstuur.
  3. Dit was juis weens die NP-onderhandelaars se liberale aanname, naamlik dat die Afrikaan dieselfde begrip rondom ooreenkomste as ons huldig, dat die ANC so suksesvol met diplomasie was. Die ANC se sukses was nie omdat hulle kwansuis goeie onderhandelaars was nie, maar eerder omdat ons leiers weens hul Westerse konsep van kontraktereg so naïef was. Om aan te neem dat ons dus, vandag, met gesprekvoering dieselfde sukses as die ANC vóór 1994, sal bereik, is om van voor af weer daardie fout te maak. Weereens huldig dit die mistasting dat die Afrikaan oor dieselfde begrip rondom ooreekomste as ons beskik. Ek betwyfel dus of enige gesprekke op hierdie stadium met die regime (insluitende Zuma) enigsins iets sal oplewer. Ons beskik doodeenvoudig nie oor die tipe mag wat vrees by die Afrikaan inboesem nie.
  4. Die voortgesette gesprekke met Zuma skep die indruk van ons desperaatheid en oënskynlike weerloosheid. Eintlik hoef Zuma ons niks toe te gee nie, want soos uit bostaande geargumenteer is, is daar nog geen werklike afskrikmiddel aan ons kant nie. Deur dus verdere gesprekke te voer, lyk ons eerder soos bedelaars wat kom bakhand staan en dit beklemtoon hulle (die ANC se) mag oor ons. Die gevolg is dat ons swak postureer en dus na ‘n maklik oorwinbare, selfs weerlose, vyand lyk. Hierdie benadering binne die Afrikaverband is juis baie waarskynlik om ‘n geweldsaanval op ons uit te lok. Indien ons Steve Hofmeyer se “hardegat”-houding inneem, begin ons in die Afrikaverband sterker postureer. Gesprekvoering op hierdie stadium doen oneindig meer kwaad as goed.

Ons kan ons ook nie bekommer oor wat die Weste sal sê rakende ons agenda of benadering nie. Ons maak in elk geval ‘n fout as ons dink dat ons oortuigde vriende in die vorm buitelandse regerings het. In die uur van nood gaan nóg Amerika, nóg Europa ons tot hulp snel en sal ons ten volle op onsself aangewese wees. Ons het geen aanspreeklikheid teenoor die buiteland nie. Ons is alleen teenoor onsself en God aanpsreeklik.

Myns insiens moet alle gesprekke wat met Zuma en die regime gevoer word, ook deur die landboufederasies, in die geheel gestaak word. Alle gesprekke dui op ‘n poging om in goeder trou te onderhandel, want dit is presies die onderliggende aard van onderhandelinge. In die afwesigheid van brutale mag, aan ons kant, laat enige poging in goeder trou ons swak vertoon. (Met “brutaal” bedoel ek nie geweld nie, maar wel die vermoë om dit te kan toepas ingeval van ‘n bedreiging.) Dis om hierdie rede dat, ten spyte daarvan dat die landboufedrasies die minister se drumpel deurtrap, plaasmoorde net toeneem. Die Afrikaan sien die een wat om genade of vergunning vra as ‘n swakkeling. Dit is juis die gesprekvoering wat verdere geweld uitlok.

Die enigste nie-gewelddadige bedingingsproses wat ons durf volg met enige arm van die regime is deur die howe. Die adverseriële aard van die hofgeding is die enigste bedingingsvorm wat nie ons postuur afbreek nie.

Verder moet meelopers soos Pieter Mulder geïsoleer word. Die klem moet eerder val op die opbou van ‘n Afrikanerowerheid soos telkemale deur Anton Barnard gepropageer is. Tesame met laasgenoemde, is die oprigting van ‘n paramillitêre beweging ‘n prioriteit. Eers wanneer ons weer mag begin projekteer, durf ons in gesprek met Zuma of enige regimefunksionaris tree.

бурение артезианской скважиныФільчаков прокурор