Suider-Afrika – Bladsy 92

Duitse wapenmaatskappy ontken enige oortreding

Die Duitse maatskappy MAN Ferrostaal sê hy het nog nooit enige betalings aan president Thabo Mbeki, Jacob Zuma of enige ander ANC-lid gemaak nie.

In reaksie op 'n koerantberig het MAN Ferrostaal in 'n verklaring vanuit Essen, Duitsland, gesê dat die artikels 'n groot aantal feitefoute bevat en die basiese beginsels van joernalistieke juistheid oortree.

Die maatskappy het die Sunday Times gevra om 'n regstelling van die artikel te publiseer.

Anders as wat die Sunday Times beweer, meen die maatskappy dat albei sy wapenruilhandelprogramme goed op dreef is. Die maatskappy het gesê dat die program vir Krygkor reeds voltooi is.

Hoewel die departement van handel en nywerheid 'n vlekvryestaalfabriek in Coega verwerp het, word ander projekte in die plek daarvan beplan.

машинки для малышей

Mandela se kleinseun ignoreer museumplanne

Hoofman Mandla Mandela het die Nelson Mandela-museum geïgnoreer en gaan met sy eie planne voort om sy oupa se geboorteplek te ontwikkel.

Die voormalige president se geboorteplek in Mvezo, in die Ooskaap, is geoormerk om 'n nasionale erfenisterrein te word.

Maar die kleinseun Mandela, wat die ondersteuning van sy stat se inwoners geniet, is besig om sy eie struktuur teen die wense van die museum op te rig.

Die museum se voorsitter, professor Kader Asmal, het ook 'n vyandige ontvangs van die plaaslike bevolking gekry.

Mandla hou vol dat die museum sonder hul toestemming in 2000 opgerig is.

Mandla, wat verlede jaar as hoofman aangewys is, sê die plaaslike inwoners wou geraadpleeg gewees het.

Die geval Suid-Afrika

Wie in hierdie dae na Suid-Afrika kyk, sal opmerk: dit gaan nie goed met die land nie. Korrupsie en nepotisme, leuens en swart rassisme vier hoogty in ŉ staat wat na die apartheidera die hoop op ŉ ander Afrika gesimboliseer het, waarin swart en wit in ŉ demokratiese bestel langs mekaar lewe en die voorheen onderdrukte meerderheid in die posisie is om die lotgevalle van die land volgens staatsregtelike beginsels te bestuur.

Wat buitelandse sowel as binnelandse politiek aanbetref, maak Suid-Afrika ŉ rampspoedige indruk. Sover dit buitelandse politiek aangaan, het president Thabo Mbeki rassisme tot beginsel van sy handelswyse verhef, wat hy as manifestasie van Afrika-solidariteit beskou. Aan Mbeki is dit te wyte dat Suid-Afrika tot hede elke skandalige daad van die Zimbabwiese president Mugabe toesmeer en daardeur sy regime aan die lewe hou. Net so duister blyk Suid-Afrika se rol in die Soedan te wees. In die Veiligheidsraad van die Verenigde Nasies het Suid-Afrika hom bemoei om die inhegtenisnemingsbevel teen die Soedanese staatspresident al-Bashir ter syde gestel te kry, alhoewel al-Bashir vir die massamoorde in Darfur verantwoordelik is.

Onder Mbeki se voorganger Nelson Mandela sou Suid-Afrika se optrede in New York wel anders daaruit gesien het. Maar byna tien jaar na sy aftrede uit die amp van Staatspresident blyk al hoe meer tekens dat die intussen negentigjarige Mandela ŉ uitsondering op die reël was. Mbeki se moontlike opvolger, die teenswoordige leier van die ANC, Jacob Zuma, redeneer wat buitelandse politiek aanbetref net dieselfde as Mbeki. Binnelands staan hy vir die verval van sedes en norme. Zuma word daarvan beskuldig dat hy belasting ontduik en geld gewas het. Met alle middele tot sy beskikking probeer hy die regsproses teen hom verhinder. ŉ Gewete om te onderskei tussen reg en verkeerd besit hy presies net so min soos sy aanhangers in die ANC. Van hulle egter hang die lot van die land af.

Die sogenaamde modelstaat Suid-Afrika is niks anders as ŉ illusie nie.

[Vertaal uit Duits]

светильник в спальню

Geheimsinnige koe?lvaste Mercedes

Die polisie onderseok 'n luukse- koeëlvaste voertuig wat aan die presidensie verbind is.

Die swart Mercedes-Benz S600 staan reeds maande lank in die garage van die Balgowan-landgoed in Sandton toegesluit.

Die voertuig beskik oor koeëlvaste vensters, die blou ligte van 'n amptelike voertuig en twee lisensieskywe met verskillende registrasienommers.

Een lui GP GP en die ander TZF 610 GP

Volgens Beeld is die TZF-registrasienommer vals en die geregistreerde residensiële adres van GP GP se eienaar is die presidensie.

Die wettige eienaar is Justine Chiota, 'n stigterslid van die Zimbabwe People's Party. Die party is van president Thabo Mbeki se mees onalngse bemiddelingspogings uitgesluit.

Bridget Oppenheimer in haar huis aangehou

Bridget Oppenheimer, die doyenne van liberale Suid-Afrika en weduwee van die afgestorwe Harry Oppenheimer, is Woensdagnag met 'n mes aangehou en beroof in haar Milkwoodlandgoedwoning in Umhlanga, sê die KwaZoeloe-Natalse polisie.

Volgens polisiesuperintendent Jay Naiker, het twee mans, een met 'n mes gewapen, toegang tot die seefrontlandgoed verkry. Hulle het deur 'n badkamervenster in die huis ingedring en Oppenheimer met die wapen aangehou.

Naicker sê die mans het gevlug met 'n onbekende bedrag kontant, juweliersware en 'n televisie. Oppenheimer is nie beseer in die voorval nie.

Mbeki boos vir e-tv

President Thabo Mbeki het e-tv se kommentaar verwerp dat hy verseg het om te reageer op die huidige Zimbabwiese samesprekings wat deur Suid-Afrika gefasiliteer word.

Dit volg op 'n eksklusiewe e-tv-berig wat die ooreenkoms oor Zimbabwe se oorgangsregering uiteensit.

Vandeesweek het bronne na aan die onderhandelings besonderhede aan die Suid-Afrikaanse media laat uitlek.

Dit word beweer dat president Robert Mugabe as president sal aanbly terwyl Morgan Tsvangirai Zimbabwe as eerste minister sal lei.

Mbeki se woordvoerder, Mukoni Ratshitanga, sê dat e-tv nooit enige kommentaar van die presidensie oor die Zimbabwe-onderhandelingsuitslag versoek het nie.

гипсовая лепнина спб лобановский обыск

ANC gelukkig om van Skerpioene ontslae te raak

Die ANC het gister die Skerpioene beskuldig van ernstige oortredings van die grondwet en die regstaat.

Die ANC se voorlegging om die Direktoraat vir Spesiale Operasies te ontbind, is deur Siphiwe Nyanda gedoen.

Hy het gesê die Skerpioene het die veiligheidsbelange van die land en sy burgers gekompromitteer.

Die ANC het ook herhaaldelik kwessies geopper aangaande die eenheid se skakeling met buitelandse inligtingstrukture, wat 'n oortreding van die grondwet en nasionale wetgewing is.

Hy sê die mediagedrewe, Hollywoodagtige operasies het as primêre oogmerk die vernedering van individue gehad eerder as om hulle te vervolg.

Nyanda sê dit is eienaardig dat politieke partye anderpad kyk as dit by die Skerpioene se ernstige oortredings van die grondwet en regstaat kom.

bet online free Александр Фильчаков

Inbraak by Malema se motor

Die president van die ANC-jeugliga Julius Malema het 'n misdaadslagoffer geword aangesien daar gisteroggend by sy garage by sy deftige huis in Sandton ingebreek is.

'n Woordvoerder van die Johannesburgse polisie, Inspekteur Moses Maphakhele, sê 'n onbekende aantal mans het die erf van Malema betree en die kattebak van sy Mercedes E-klas oopgebreek.

'n Handsak wat sy paspoort, identiteitsdokument en bankkaarte bevat, is gesteel.

Die huis self is nie by ingebreek nie en geen inhegtenisnames is nog gemaak nie.

Die ANC-jeugliga het die inbraak by sy president se woning verwerp en dit as 'n lafhartige daad beskryf.

wedding hair Данильченко

Twee OTM-rowers gedood

Twee OTM-rowers is gisteroggend deur die polisie doodgeskiet in 'n skietgeveg in Klipgat, Mabopane, noord van Pretoria.

Volgens polisiedirekteur Phuti Setati, is die verdagtes verbind met die ontploffing by 'n OTM Donderdag by Majarengstat naby Klipgat.

Hy sê die polisie het inligting ontvang en het die verdagtes agtervolg na 'n huis in Klipgat. Die rowers het begin skiet en die polisie het hul vuur beantwoord, twee gedood en vier in hegtenis geneem.

Die polisie het beslag gelê op 'n AK-47-aanvalsgeweer, drie pistole, plofstof, 'n groot bedrag geld en 'n voertuig wat vermoedelik gesteel is.

Die verdagtes kan moontlik met ander misdade in die omgewing ook verbind word.

Staat trek aanklagte teen buitelanders terug

Die staat het aanklagte teruggetrek teen 'n groot groep buitelandse mans wat in hegtenis geneem is omdat hulle twee weke gelede langs die kant van die R28 in Johannesburg gekampeer het.

Die meer as 200 mans hetgister in die Krugersdorpse landdroshof verskyn.

Die polisie is vir hul selektiewe geregtigheid gekritiseer omdat hulle net mans gearresteer het en die vroue wat dieselfde oortreding gepleeg het, gelos het.

Die Menseregtekommissie het die staat veroordeel omdat hulle vir twee weke op 'n geringe klag in die tronk aangehou is.

Die immigrante was vir 'n week langs die pad nadat hulle uit 'n vlugtelingkamp gesit is.

Landdros Erina Breedt het gesê die staat het om humanitêre oorwegings sy saak laat vaar.

Die immigrante, wat meesal van die DRK en Boeroendi afkomstig is, het geweier om na die Lindela-repatriasiesentrum terug te keer.

Die Regsvereniging van Suid-Afrika is bekommerd

Die Regsvereniging van Suid-Afrika het sy uiterste kommer uitgespreek oor die aanval op hoofregter Pius Langa.

Die vereniging het gister 'n verklaring uitgereik waarin hulle die aanvalle op die hoofregter, die grondwethof, ander lede van die regbank en regsinstellings betreur.

Sulke aanvalle ondermyn die legitimiteit van die regbank, die howe en demokrasie en is onhoudbaar, het die liggaam gesê.

Die regstelsel kan nie doeltreffend werk sonder openbare vertroue nie.

Langa en die grondwethof word daarvan beskuldig dat hulle deel is van 'n politieke komplot om ANC-president Jacob Zuma te saboteer.

Die ANC se nasionale sekretaris, Buti Manamela, het Langa se uitsprake oor Zuma as uiters giftig bestempel.

игрушечный поезд

Waterkloof-vier verloor hul app

Drie van die Waterkloofviermoordenaars sal binne 7 dae begin om hul 12-jaartronkstrawwe uit te dien.

Die vierde, Christoff Becker, sal sy stryd om uit die tronk te bly tot in die Grondwethof voortsit.

Hul aansoek om appèl in die Hooggeregshof vir Appèl is gister geweier.

Becker het van die res van die groep weggebreek deur argumente in die Appèlhof voor te lê wat insluit dat hy nie 'n regverdige verhoor ontvang het nie.

Hy het gevra dat hy weer verhoor word, maar sy versoek is gister deur twee regters geweier.

дитячи играшки

Mbeki oorweeg regstappe teen Sondagkoerant

Mbeki

President Thabo Mbeki oorweeg regstappe teen die Sunday Times.

Die koerant het Sondag verdoemende bewerings gemaak dat Mbeki R30 miljoen van 'n Duitse maatskappy ontvang het om 'n duikbootkontrak te waarborg.

Die minister in die presidensie, Essop Pahad, het aan 'n mediakonferensie in Pretoria gesê dat die presidensie kategories ontken dat Mbeki enige geld ontvang het om die transaksie te fasiliteer.

Die minister van openbare ondernemings Alec Erwin het ook die media gekritiseer oor wat hy die absurde aantygings rondom die wapenskandaal noem.

Erwin het verder die media gemaan om die ouditeur-generaal se verslag oor die saak te lees.

сауны

VN-gesant kom aan vir Zim-samesprekings

Die VN-gesant Haile Menkerios het gister na Suid-Afrika teruggekeer om die samesprekings oor Zimbabwe se politieke krisis te monitor.

Menkerios, die VN se assistent-sekretaris-generaal vir politieke aangeleenthede, sal Pretoria en daarna Zimabwe besoek vir raadpleging alvorens hy dié naweek na New York terugkeer.

Menkerios dien as die VN-hoëvlakverteenwoordiger in 'n verwysingsgroep.

Die groep sluit die Afrika-Unie en 'n paneel van die Suider-Afrikaanse Ontwikkelingsgemeenskap in.

Dit is opgerig om Suid-Afrikaanse bemiddelaars by te staan en om gereelde inligting oor vooruitgang te verskaf.