Sake – Bladsy 6 – praag.co.za

Kartel stoot fietspryse op

Die kompetisie kommissie het Donderdag gesê dat dit moontlik ‘n kartel oopgevlek het onder plaaslike fietshandelaars wat daarop gemik was om hulle winsgrense te verhoog.

Die kommissie het gesê dat ‘n ondersoek geloods is en dagvaardigings is Donderdag bestel op twee fietswinkeleienaars, Fritz Pienaar van Fritz Pienaar fietse en Andrew Mclean van Cycle Lab.

Die kommissie het in ‘n verklaring gesê dat hulle die notule van 'n vergadering in hulle besit het waar ‘n groep fietshandelaars bespreek het hoe om winsgrense te verhoog.

Die minute van die vergadering is ook geplaas op ‘n fietsry webwerf, www.thehubsa.co.za.

“Die winkeleienaars het klaarblyklik bespreek dat hulle pryse sou opstoot op bybehore om winsgrense te verhoog van 50% tot 75%, om pryse op fietse te verhoog sodat winsgrense sou klim van 35% tot 50% en die koordinering van die verhogings om alles op dieselfde tyd in werking te tree…op die 1ste Oktober 2008.”

Die kommissie het gesê die winkeleienaars het klaarblyklik ook ‘n plan bespreek om sekere groothandelaars te kry om saam te werk.

Die handelaars wou gehad het dat die groothandelaars nuwe kleinhandelpryse aan hulle voorstel.

Die kommissie het gesê die winkeleienaars het klaarblyklik aangesig tot aangesig ontmoet in Gauteng en Kaapstad omtrent kartel planne.

Kommissaris Shan Ramburuth het gesê dit blyk asof daar meer partye betrokke was en die moontlikheid word ondersoek.

“Dat die handelaars gelgo het hulle kan saamwerk om pryse te verhoog sonder om gestraf ge word is skokkend.”

“Die kommissie beoog om deeglike ondersoek in te stel na die klaarblyklik blatante poging onder kompeterende handelaars om gesamentlik die pryse te verhoog vir niksvermoedende verbruikers.”

topcargo кидалы

Obama stuur geheime boodskap aan Rusland

President Barack Obama het verlede maand ‘n geheime brief gestuur aan Rusland se president, waarin hy voorgestel het dat hy sal terugstaan oor die ontplooiing van ‘n nuwe missielverdedigingstelsel in oostelike Europa indien Moskou sal help om Iran te verhoed om langafstandwapens te ontwikkel, het Amerikaanse amptenare Maandag gesê.

Die brief aan president Dmitri A. Medvedev is drie weke gelede per hand afgelewer in Moskou deur top administrasie amptenare. Daarin word beskryf dat Amerika nie hoef voort te gaan met die Interceptor-sisteem, wat erge teen kanting van Rusland uitgelok het omdat dit deur Bush voorgestel is, indien Iran hulle pogings sou staak om kernplofkoppe en ballistiese missiele te bou nie.

Die amptenaar het gevra om anoniem te bly omdat die brief nie openbaar gemaak is nie. Hoewel hulle gesê het dat dit nie ‘n direkte quid pro quo aanbied nie, was die brief bedoel om aan Rusland rede te gee om saam met Amerika ‘n verenigde front te stel teen Iran. Rusland se militêre, diplomatieke en kommersiële bande met Tehran gee aan die land ‘n seker mate van invloed daar, en het die Russe Amerika se onbuigbare standpunt teen Iran dikwels gekritiseer.

Moskou het nie gereageer nie, maar ‘n Russiese amptenaar het Maandag gesê dat die minister van buitelandse sake Sergei Lavrov iets te sê sal hê oor missielverdediging aan die minister van buitelands sake, Hillary Clinton, wanneer hulle Saterdag in Geneva ontmoet. Obama en Medvedev sal vir die eerste keer op 2 April ontmoet in Londen, het amptenare Maandag gesê.

Medvedev het Sondag aanduidings gegee van die moontlikheid van ‘n ooreenkoms. “Ons het tekens gekry van ons Amerikaanse kollegas,” het hy aan die Spaanse media gesê volgens die staatsnuusagentskap RIS Novosti.

“Ek verwag dat daardie seine in positiewe voorstelle sal verander. Ek wil die saak, wat baie ernstig is vir Europa, bespreek met president Barack Obama.”

Old Mutual gaan Nedbank verkoop

Old Mutual beplan om 53% van sy aandeel van Nedbank te verkoop, het ‘n Britse koerant oor die naweek berig.

Die Observer het gesê dat Old Mutual, Brittanje se 4de grootste versekeraar, beplan om ‘n aandeel van die Suid-Afrikaanse bankgroep te verkoop, sonder om ‘n bron te noem.

Die verslag het gespekuleer dat Old Mutual die aandeel dalk gaan verkoop aan Standard Chartered Plc of HSBC Holdings.

SA verkeer in ‘n resessie

Die nuutste BBP-data van Dinsdag het bevestig dat Suid-Afrika se ekonomie gekrimp het vir die eerste keer in 10 jaar, wat die kanse vergroot dat die reserwebank die rentekoerse kan verlaag voor die volgende geskeduleerde vergadering in April.

Dinsdag het ekonome gewaarsku dat Suid-Afrika reeds in ‘n resessie mag wees, met vervaardigingsuitsette op die laagste vlakke seder 1969 en motorvervaardigers wat die regering nader met versoeke vir ‘n hulppakket ten waarde van R100 miljard.

{mosbanner:id=10}

“Ons is getref deur die globale situasie en enige iemand wat dink ons is nie in ‘n resessie nie is verkeerd. Ons verkeer nou in een,” het Mike Schussler, ‘n ekonoom gesê.

Ou Mutual-ekonoom, Rial le Roux, het gesê “afhangende van die week se Januarie-inflasiedata, (kan) die bank (‘n rentekoersverlaging aankondig) teen die einde van die week.”

Schussler het saamgestem dat “’n rentekoersverlaging heel moontlik is, maar die laer inflasiedata (wat Woensdag verwag word) kan sekerlik die deure oopmaak vir rentekoersverlagings".

mositaldent Фильчаков прокурор

Goudbedryf verloor sy glans

Goudproduksie in Suid-Afrika het in 2008 met 13,6% gedaal tot sy laagste vlak sedert 1922, het Suid-Afrika se kamer van mynwese Dinsdag gesê.

Die handelsgroep het gesê Suid-Afrika, ‘n globale leier in die goudnywerheid, het verlede jaar net 220 127 kilogram goud geproduseer.

Die kamer blameer die energiekrisis wat myne gedwing het om in Januarie vir ‘n week te sluit, die eerste keer wat myne gesluit het sedert die Anglo-Boereoorlog wat geduur het van 1900 tot 1902.

Die kamer het ook die myne wat tydelik gesluit word as gevolg van die dood van mynwerkers en die feit dat laergraaderts wat ontgin word as redes aangevoer vir die daling in produksie.

{mosbanner:id=10}

Sjina en Amerika het Suid-Afrika se status as die wêreld se grootste goudprodusent in 2007 en 2008 oorgeneem.

Lonmin sny 5000 poste in Suid-Afrika

Lonmin, die wêreld se derde grootste produsent van platinum het ‘n ooreenkoms bereik met unies oor die vermindering van tot 5 500 poste by hul Marikana en Limpopo aanlegte in Suid-Afrika, het die maatskappy Dinsdag gesê.

Lonmin het gesê hulle sal op tot 4000 permanente werknemers of kontrakteurs verminder by hul Marikana-myn, waarvan 300 na verwagting uit die bestuur sal wees.

By Limpopo, sal die Baobab-skag se bedrywighede gestaak word, met omtrent 1 500 voltydse werknemers wat na verwagting afgelê gaan word.

светильники topcargo отзыв

Vrese ontstaan vir 100,000 poste in Britse motorindustrie

'n Britse motorvervaardiger is op die punt om toe te maak, wat 'n bedreiging inhou vir 100 000 poste, het vakbondverteenwoordiger Alistair Darling gister gewaarsku.

Die naam van die aanleg is nie genoem toe die kanselier die gesamentlike algemene sekretarisse van Unite, Derek Simpson en Tony Woodley, vir krisisonderhandelings by die tesourie ontmoet het.

Hulle het die vergadering aangevra ná verhoogde vrese vir die sluiting van 'n aanleg waarvan die naam nie genoem is nie, selfs ná 'n 2,3 miljardpondreddingspakket vir die motornywerheid verlede maand aangekondig is.

{mosbanner:id=10}

Die vakbondleiers het die kanselier versoek dat die regering nog 13 miljard pond beskikbaar maak om die beleerde nywerheid te help.

Hulle het gesê die fondse sal vervaardigers help om indienshoudingskostes te dek.

Mnr. Simpson het gesê: "Die probleme in die motorindustrie het krisispunt bereik. Tensy daar nie dringende hulp is nie, kan die vervaardigingsnywerheid in Brittanje dalk nie weer herstel ná die resessie nie."

"Ons het dit baie duidelik gemaak dat die vooruitsig van die sluiting van 'n aanleg 'n vernietigende uitwerking op Britse vervaardiging kan hê. Onmiddellike en effektiewe ingryping van die regering is nodig."

Die hele industrie word deur die resessie nadeling beïnvloed, met verbruikers wat die aankoop van duur items, soos nuwe motors, uitstel.

Nuwe motorverkope het in Januarie gedaal met 31% tot 112 087, en die hele nuwe motormark sal volgens voorspellings 20% krimp in 2009, volgens die vereniging van motorvervaardigers en -handelaars.

Vervaardigers het op die afplatting gereageer deur poste te besnoei, salarisse te bevries en produksie te verlaag in 'n desperate poging om oorhoofse kostes te verlaag.

Net in dié week het BMW 850 poste verminder by sy Mini-aanleg in Oxfordshire, Toyota het salarisse en bonusse van personeel bevries en vrywillige skeidingspakkette aangebied aan werknemers, en 'n verdere 564 poste is besnoei by die motorkomponente groep GNK.

Net verlede maand het lord Mandelson 'n 2,3 miljardpondmotorhulppakket onthul, wat die mense in die industrie koud gelaat het.

Mnr. Simpson het bygevoeg: "Ons kan nie toelaat dat 'n korttermynprobleem Brittanje ontneem van vaardighede wat ons sal nodig hê om op die lang termyn in die wêreldekonomie mee te ding nie."

Syfers van die Nasionale statistiekdiens toon dat 'n gemiddeld van 2 877 mense per dag nou hulle werk verloor.

no red ik

Globale aandelemarkte tuimel

Globale aandelemarkte het Vrydag gedaal nadat Wallstraat oornag geval het tot 'n 6-jaarlaagtepunt terwyl slegte werkloosheidsdata in Amerika vrese vir die wêreld se grootste ekonomie versterk het.

Europa se vernaamste markte het gedaal met omtrent 3%, met beleggers wat verkies het om hulself te verskans te midde van toenemende vrese vir 'n verlengde globale ekonomiese afplatting, met vertroue in die banksektor wat weer afgeneem het.

Gedurende oggendhandel het Londen 2,81% gedaal, Frankfurt het 3,16% gedaal en Parys 3,41%.

Wallstraat se Dow Jones-nywerheidsgemiddeld het oornag 1,19% verloor en geëindig op 7,465.95 punte – die laagste sluitingsvlak sedert 9 Oktober 2002.

"Dit kan 'n redelik skadelike sluiting vir die week wees nadat die Dow gisteraand gesluit het onder die 7,500 vlak – dis die laagste in omtrent 6 jaar," het CMC Markets-handelaar Matt Buckland gesê.

лобановский класс

Resessie mag invloed h? op 2010 kaartjieverkope

Fifa was Woensdag onseker oor hoe die globale resessie kaartjieverkope vri die 2010 Sokkerwêreldbeker kan beïnvloed, maar het gesê hulle is steeds vol hoop dat elke kaartjie vir elke wedstryd uitverkoop sal word.

Kaartjieverkope begin Vrydag vir die gebeurtenis in Junie en Julie volgende jaar.

"Ek sal 'n baie dom persoon wees as ek sê dat die globale resessie geen invloed op die Wêreldbeker sal hê nie, maar die probleem is dat ons geen idee het hoe groot invloed dit sal hê op die sokker Wêreldbeker nie," het David Will, voorsitter van Fifa se Wêreldbeker kaartjiekomitee aan media gesê.

"Die sokkergeesdriftiges is 'n snaakse groep en mag dalk nie te veel gepla wees oor die globale resessie of selfs die verlies van hulle werk nie, en kan dalk wel hulle spanne na die Sokkerwêreldbeker toe volg."

"Dit is ons mikpunt om elke kaartjie in elke stadion vir elke wedstryd te verkoop."

Van 'n totale voorraad van omtrent 3 miljoen kaartjies, sal 740 000 beskikbaar wees om gekoop te word gedurende 'n eerste fase van verkope, wat tot 15 April sal duur.

Kaartjies sal deur Fifa se webwerf (www . fifa . com) te koop aangebied word en in Suid Afrika by verskeie banktakke.

баки для

Switserse bankgeheime iets van die verlede

In die stille wêreld van Switserse banke het die ondenkbare gebeur: geheime word nou uitgelap.

UBS, die grootste bank in Switserland, het Woensdag ingestem om die name van ryk Amerikaners bekend te maak wat deur owerhede verdink word dat hulle die buitelandse bankrekeninge gebruik om belasting te ontduik.

Die bank het erken dat hulle skuldig is dat hulle die VSA se Inkomstediens wou bedrieg en $780 miljoen betaal in die skikking van 'n wye Amerikaanse regeringsondersoek na hulle aktiwiteite.

Dit is nie duidelik hoeveel van hulle kliente se name UBS sal bekend maak nie. Amerikaanse aanklaers het sowat 19,000 rekeninge by die bank ondersoek, maar UBS sal dalk op die einde net die identiteit van 'n paar honderd kliente bekend maak.

Vir sommige beteken die bekendmaking van enige name die einde van die geheime Switserse bankrekening, wie se tradisies so ver as die Middeleeue teruggaan.

"Die Switsers het gesê dit is die einde van Switserse bankwese soos hulle dit ken," het Jack Blum, 'n buitelandse belastingspesialis gesê. "Niemand sal die sekuriteit van 'n Switserse bankrekening meer vertrou nie."

Aanklaers vermoed dat vanaf laat 2002 tot 2007, USB Amerikaanse kliente gehelp het om op onwettige wyse $20 miljard te verskans, wat hulle in staat gestel het om $300 miljoen per jaar in belasting te ontduik.

UBS het sommige Amerikaanse kliente aangemoedig om rekords te vernietig en horlosies, juwele en kunswerke wat hulle gekoop het met geld van buitelandse rekeninge in depositokaste in Switserland te versteek. Die bank het hulle ook aangemoedig om Switserse kredietkaarte te gebruik sodat die IRS nie aankope kon naspeur nie.

Фільчаков прокурор

Nederland ervaar ongekende ekonomiese inkrimping

Die jare dertig is terug, altans vergelykings met die 1930’s. Die Nederlandse premier, Jan-Peter Balkenende, het gister op ’n sombere perskonferensie gesê dat die ongekende inkrimping van die Nederlandse ekonomie aan daardie tyd herinner.

Die Nederlandse ekonomie krimp vanjaar met 3,5%. Twee maande gelede is nog gemeen dat dit 0,75% sou wees, maar die wêreldwye ekonomiese krisis en die resessie het veel sterker toegeslaan as wat verwag is. Die krimping was in 1931 laas so groot.

Balkenende het gesê dat die tempo waarin die ekonomie krimp, heeltemal ongekend is.

Hy het gesê dat die styging in werkloosheidsyfers die pynlikste is van die huidige voorspelling van die Centraal Planbureau. Die aantal werkloses kan vanjaar styg tot 425 000, en volgende jaar tot 675 000. Dit is onderskeidelik 5,5% en 8,75% van die beroepsbevolking.

Soos in een TV-program opgemerk is, het Balkendende byna in “Ou-Testamentiese terme” van die krisis gepraat. Hy het gesê dat “grote beproevingen” op die Nederlandse samelewing wag.

Valutahandel in SAOG-lande gaan makliker gemaak word

Die SAOG-streek

Vooruitgang word gemaak om dit vir reisigers makliker te maak om buitelandse geldeenhede in SAOG-lande om te ruil, het die Suider-Afrikaanse posdiensoperateursassosiasie (Sapoa) Dinsdag gesê.

"Die proses is nou in die implementeringsfase," het Sapoa se uitvoerende direkteur Kaynet Moyo gesê.

Dit volg na 'n kwartaallikse vergadering in Februarie van Sapoa-beamptes. Die vergadering is 'n opvolg van 'n besluit van verlede Mei om aan SAOG-posdiensoperateurs die geleentheid te gee om valutahandelstoonbanke te bedryf.

"Dit beteken dat wanneer die poskantoor die regsformaliteite gefinaliseer het met die relevante reserwebanke, kliënte in staat sal wees om in enige poskantoor in te loop en valuta sal kan omruil, soos wat die geval in Zambië en Zimbabwe is," het Moyo gesê.

Dit sal 'n "een-stop-winkel" skep wat verbeterde toegang tot geldoordraging en leweringsnetwerke gee.

Sapoa het gesê hulle sal ook 'n kliëntehandves publiseer, wat diensvlakke uiteensit wat verwag kan word binne die SAOG-streek.

play casino table

Oliepryse gemeng in Asiese verhandeling

Oliepryse was Dinsdag gemeng in Asiese handel in 'n mark wat afgetrek is deur 'n swakglobale ekonomiese vooruitsig, het analiste gesê.

New York se vernaamste termynkontrak, vir ligte , soet ru-olielewering in Maart het gedaal met 71 sent tot $36,80 per vat gedurende die middag.

Vloerhandel op die New York Merchantile Exchange (Nymex) was Maandag gesluit vir die Presidentsdag vakansiedag.

Brent Noordsee ru-olie vir April het toegeneem met 53 sent tot $43,81.

"Daar is afwaartse druk op Nymex ru-olie bo en behalwe die fundamentele toestande wat baie swak voorkom vir olie as gevolg van die swak ekonomiese vooruitsig," het Victor Shum, van Purvin en Gertz energie konsultante in Singapoer gesê.

Die groot ru-olie voorraad wat opgebou is in Cushing, Oklahoma, en die verval van die Maart kontrak hierdie Vrydag het gehelp om die standaard New York kontrak onder $37 te hou.

Cushing is die leweringspunt vir Nymex ru-olie.

Shum het gesê die April Nymex kontrak mag dalk bokant $40 verhandel, maar die "swak ekonomiese vooruitsig sal pryse maar laag hou."

Ru-olie termynkontrakte het gedaal van 'n rekordhoogtepunt van $147 per vat verlede jaar in Julie.

betting system

Amerikaanse banke insolvent

Sommige van die groot Amerikaanse banke is volgens ekonome en ander finansiële kenners soos dooie mense wat loop. Die banke is volgens hulle mening insolvent.

Verbruikers en besighede het egter nie nodig om bekommerd te wees oor hulle beleggings nie, aangesien dit deur die Amerikaanse regering verseker word. En selfs banke wat tegnies insolvent is, kan vir 'n lang tyd bly sake doen en hulle finansiële gesondheid herwin wanneer die ekonomie verbeter.

Maar sonder 'n oplossing vir die slegte bates, sal die kredietkrisis wat die ekonomie aftrek voortduur, omdat banke nie genoegsame lenings kan toestaan om die handel weer aan die gang te kry nie.

Die antwoord, volgens ekonome en kenners is groter, meer direkte betrokkenheid van die regering as wat in die tesouriedepartement se plan verlede week uiteen gesit is.

Sodanige ingryping is deur die Japannese regering van 2001 tot 2003 toegepas, deur die Sweedse regering in 1992 en deur Washington van 1987 tot 1989 om die spaar en leningskrisisse op te los.

"Die geskiedkundige rekord toon dat dit uiteindelik gedoen moet word," het 'n senior persoon by die Peterson-instituut vir Internasionale Ekonomie gesê. "Om dit uit te stel veroorsaak net meer probleme en hoër kostes op die lang duur."

Natuurlik sal die Obama-administrasie se stimulusplan kan help om ekonomiese herstel aan te help en die waarde van banke se bates kan begin toeneem.

Intussen styg die geskatte waardes van verliese steeds.

игры для девачек