Praag – Bladsy 5 – praag.co.za

Amazon maak Orwelliaanse fout

Amazon se Kindle-leser

Die stigter en ook die hoofuitvoerende amptenaar van Amazon, Jeff Bezos, het nederig om verskoning gevra nadat Amazon verskeie elektroniese boeke van hul kliënte se Kindle-apparate uitgevee het.

Nadat Amazon besef het dat twee George Orwell-boeke, Animal Farm en 1984, sonder die korrekte toestemming in elektroniese formaat uitgegee is, is die twee boeke nie net uit hul aanlynwinkel verwyder nie, maar ook van alle Kindle-apparate, wat deur eienaars wêreldwyd besit word.

Bezos het soos volg sy verskoning in die Kindle-gebruikersforum aangebied:

"Hierdie is 'n verskoning vir die manier waarop ons voorheen onwettig verkoopte eksemplare van 1984 en ander romans op Kindle gehanteer het. Ons 'oplossing' vir die probleem was dom, onbedagsaam en pynlik in stryd met ons beginsels. Dis geheel en al ons eie skuld en ons verdien die kritiek wat ons verduur het. Ons sal die wondweefsel van dié pynlike fout gebruik om te sorg dat ons vorentoe beter besluite neem, besluite wat in ooreenstemming met ons doelwit is."

Amazon se aksie het aan die lig gebring dat hulle Kindle toegerus is met 'n sogenaame "'Kill Switch", waarmee hulle elektroniese inhoud op individuele apparate kan uitvee. Daar is natuurlik talryke ander elektroniese apparate wat oor soortgelyke funksionaliteit beskik, onder andere die iPhone, Xbox 360 en die Playstation 3.

Die Amazon-geval gaan vinnig ontwikkel in 'n gevallestudie oor mag en regte in die tydvak van die totale internet. 'n Hele aantal tegnologie-bloggers het skerp teen Amazon te velde getrek, en Amazon gevra om bekend te maak wat hulle alles by magte is om deur die Kindle-apparaat te doen.

Die Kindle- blaps volg kort op die hakke van 'n flater op 19 Junie waartydens musiekalbums verkeedelik geprys is teen 29p (R3.60).'n Rekenaarfout was verantwoordelik daarvoor dat nie net albums spotgoekoop verkoop is nie maar ook individuele treffers teen 2.4p (30sent). Dit het Amazon vier ure geneem om van die fout bewus te word en dit reg te stel, waartydens albums van Coldplay, Bruce Springsteen, James Morrison, Metallica en Norah Jones soos soetkoek verkoop het, teen 'n breukdeel van hul normale prys.

Die nuus is vinnig deur bloggers en tegnologie- en prysvergelykingswebblaaie versprei en sommige gelukkiges het tot 19 albums tegelykertyd afgelaai. Kenners meen dat Amazon se verliese hierdeur in die miljoene kan wees.

тамбов автохимия Фільчаков прокурор

Krugerstandbeeld bly

Die Vryheidsfront Plus het ‘n verslag van die Tshwanemetroraad se burgemeesterskomitee verwelkom waarin vermeld word dat ‘n beplande standbeeld van Nelson Mandela nie op Kerkplein in Pretoria opgerig sal word nie, maar eerder by die Ou Sinagoge-perseel nie ver daarvandaan nie.

Kerkplein was volgens die verslag een van tien moontlike staanplekke van die standbeeld, maar daar is na ‘n evaluasieproses besluit dat die plein nie geskik daarvoor is nie.

Volgens dr. Conrad Beyers, VF Plus-raadslid, was die VF Plus bekommerd oor die feit dat Kerkplein as ‘n moontlikheid ingesluit is, veral in die lig van vorige uitsprake deur ANC-raadslede dat Paul Kruger se standbeeld mettertyd uit Kerkplein verwyder moet word.

Die Ou Sinagoge is ‘n meer gepaste staanplek vir die standbeeld omdat die verhore van hoogveraad van 1958 tot 1963, waarin Mandela self tereggestaan het, by die Ou Sinagoge plaasgevind het.

Beide Paul Kruger en Nelson Mandela word deur onderskeie dele van die Suid-Afrikaanse bevolking as vryheidsvegters beskou en dit is daarom volgens die VF Plus gepas dat die een standbeeld nie in opposisie tot die ander een opgerig word nie.

Verbied ‘Tshwane’ vra AfriForum

AfriForum het vandag in sy getuienis voor die tribunaal van die Uitsaaiklagtekommissie van Suid-Afrika (UKKSA) gevra dat dié kommissie SABC TV moet verbied om tydens nuusbulletins die munisipale naam “Tshwane” te gebruik om na Pretoria te verwys.

Die UKKSA-tribunaal het vandag se verhoor oor SABC TV se gebruik van “Tshwane” gereël om aan beide die SABC en AfriForum se regspanne die geleentheid te bied om hulle onderskeie standpunte te stel. Dit volg nadat AfriForum vroeër vanjaar ŉ klag teen die gebruik van die naam Tshwane by die UKKSA ingedien het. Die UKKSA se beslissing hieroor word binne drie weke verwag.

AfriForum is tydens die verhoor deur prof. Marinus Wiechers en Kallie Kriel, uitvoerende hoof van AfriForum, verteenwoordig, terwyl Fakir Hassen, die SABC se bestuurder van Uitsaai Nakoming (Broadcast Compliance), die openbare uitsaaier se saak gestel het.

Kriel het na die verhoor gesê hy glo dat AfriForum ŉ sterk saak gestel het en dat hy versigtig optimisties is oor die uitspraak wat gaan volg.

Wiechers het tydens vandag se verhoor namens AfriForum aangevoer dat die gebruik van die naam Tshwane op onbillike verslaggewing en ongelyke behandeling neerkom, omdat Tshwane die enigste munisipale naam is wat deurlopend tydens nuusbulletins gebruik word, terwyl alle ander dorpe en stede in die land se plekname, en nie munisipale name nie, gebruik word.

Dit is volgens AfriForum onprakties om deurgaans munisipale name te gebruik, aangesien die meeste munisipaliteite meer as een dorp of stad beslaan. AfriForum voer aan dat alle stede en dorpe – insluitend Pretoria – se plekname om dié rede ter wille van billikheid eerder gebruik moet word.

Die UKKSA se kode bepaal in Artikel 34.1 dat uitsaaiers verplig is om nuus “billik” weer te gee. AfriForum voer aan dat die woord “billik” gelyke behandeling beteken en dat die feit dat Pretoria anders behandel word, gevolglik direk strydig met Artikel 34.1 van die UKKSA se kode is.

Kriel het daarop gewys dat die Tshwane Metroraad se ideologies-gedrewe pogings om die publiek te mislei dat die hoofstad se naam nie meer Pretoria is nie, aangehelp is deur SABC TV-nuus se foutiewe verwysing na Pretoria as Tshwane.

Volgens Kriel het AfriForum transkripsies van TV-nuusbulletins aan die UKKSA oorhandig, met talle voorbeelde van waar Pretoria as pleknaam anders as ander dorps- en stadsname behandel word.

Iran se kernplanne sal verkiesing oorleef

Selfs al verslaan die hervormer Hossein Mousavi president Mahmoud Ahmadinejad in Vrydag se verkiesing, is dit nie seker dat dit enige iets aan Iran se kernambisies gaan verander nie. Israel sal in ieder geval daarvan hou om die hoogsgeheime kernaanleg naby Isfahan uit te wis.

Dié aanleg wek kommer by kenners en daar is gerugte dat Benjamin Netanyahu en sy konserwatiewe regering reeds besluit het om Iran aan te val. Volgens die Israelse koerant Haaretz gee die premier die VSA tot die einde van die jaar om 'n onderhandelde skikking te bereik. Indien Amerika nie suksesvol is nie gaan Israel glo sonder Washington se goedkeuring optree.

Mohammed el Baradei, hoof van die IAEA, waarsku dat só 'n aanval katastrofies vir die magsbalans in die Midde-Ooste sal wees en militêre kenners meen dit is reeds onmoontlik om Iran se kernprogram uit te wis. 'n Aanval sal die Iranese eenvoudig meer vasberade maak om 'n kernbom te bou en die kernprogram is reeds só uitgebrei dat een aanval dit nie sal omkeer nie.

Westerse moondhede klou aan die skrale hoop dat Ahmadinejad Vrydag uitgestem sal word, maar die verskille tussen die vier kandidate oor die kernkwessie, is nietig.

Ironies genoeg is Iran, wat deur vele in die VSA as die grootste vyand beskou word, die mees pro-Westerse land, met die uitsondering van Israel, in die Midde-Ooste. Dié houding staan bekend as die Persiese paradoks.

Die verkiesingkwessies konsentreer hoofsaaklik op die ekonomie en 'n debat oor moraliteit, en nie op 'n moontlike kernoorlog nie. Die regse kandidaat, Mohsen Rezaei, 54, eerydse bevelvoerder van die Rewolusionêre Wag, is eerder daar om die dienende president se persoonlikheidsfoute te korrigeer, naamlik onvoorspelbaarheid en hardkoppigheid en hom op koers te hou.

Mehdi Karrubi, 71, nog 'n kandidaat en 'n godsdienstige leraar is 'n ander hervormer wat Westerse liberalisme voorstaan. Maar Mousavi, 'n vorige eerste minister, staan volgens ingeligtes die beste kans om Ahmadinejad, te vervang. Sy besuinigingsmaatreëls van 20 jaar gelede word postief deur ouer Iranese kiesers bejeën, alhoewel die toename in arrestasies en onderdrukking onder sy beheer, nie as so rooskleurig gesien word nie.

Hy is meer gesofistikeerd as Ahmadinejad en sal waarskynlik nie na 'n geheimsinnige "lig" verwys soos die president tydens sy toespraak in New York in die Algemene Vergadering-sitting van die VN in 2005 tot almal se verleentheid gedoen nie.

Die voordeel wat Mousavi het, is dat hy die polisie beheer en dus onbelemmerd geskenke kan uitdeel op sy veldtog. Sy gehoor ontvang glo tonne aartappels vir hul moeite om na hom te kom luister.

лобановский класс

SAUK se berg skuld groter as vermoed

Die berg skuld van die SAUK is groter as wat voorheen vermoed is. Supersport word reeds byna R100 miljoen geskuld sê dië wat kennis dra binne die uitsaaier.

Nie net klein onafhanklike produksiehuise kry swaar nie, maar groter spelers in die bedryf ook. Die R100 miljoen wat die SAUK aan Supersport skuld is meestal vir PSL-wedstryde asook krieketuitsendings. Die belanghebbendes wou nie uitbrei oor die aard van die ooreenkomste tussen die SAUK en betaaltelevisie nie.

Blykbaar sal die SAUK die skuld vereffen as hulle 'n hulppakket van R2 miljard van die regering ontvang. Maar die hulp gaan nie gou opdaag nie omdat regeringsamptenare eers met die SAUK wil vergader om maniere te vind om die "uitdagings aan te spreek".

свет топкарго

Switsers weier swartes

Weg met Lindt!

Die Switserse kwaadwilligheid wat deur die jongste uitlatings van St Gallen se boudirekteur ene me Beery, gedemonstreer word, moet met mening beantwoord word. Beery se valse uitlatings oor Paul Kruger is 'n openlike aanval op Afrikaners.

Daarom behoort Afrikaners sonder versuim alle Switserse produkte te boikot.

Slaan waar dit die seerste maak: Sjokelade. Hou dadelik op om die handelsmerk Lindt te koop en vra die supermarkte om die produkte te verwyder omdat die kwaliteit daarvan veel te wense oorlaat.

Daar is klaarblyklik reeds van die plakke sjokelade asook hasievorms en Kersvadervorms wat verouder is en 'n vreemde smaak ontwikkel het, maar ten duurste aan kopers aangebied word deur die ondersteuning van herhaaldelike TV-advertensies.

Ons is nie Switserland se ou sjokeladeasblik nie. Weg met Lindt!

Messe waaronder Victorinox, Felco en Rubis behoort geboikot te word.

Ook alle horlosies soos IWC, Omega, Zenith, Longines, Oris, Zeno, Jaeger, TAG en Swatch.

online casino roulette free топкарго развод

Zille bekook plan vir armes

Helen Zille se plan om spesiale ekonomiese sones op te rig om werk te skep is met skeptisisme deur die ANC en die Kaapstadse Kamer van Koophandel begroet. Haar plan behels die skepping van uitvoersones wat aan beleggers die geleentheid sal bied om teen verminderde tariewe te opereer.

Sy het vroeër dié maand in haar premiersrede aangedui dat sy só 'n stap beoog. Sy het gesê beleggers is nie vyande van die armes nie, maar moet geleenthede gegun word om nie aan bande gelê te word deur moeilike wette en oormatige regulering nie. Sodoende kan arbeiders wat nuut tot die mark toetree 'n kans kry om ekonomies produktief te word.

Die ANC se Garth Strachan het gesê sy party sal die sones teenstaan. Hy het gesê sulke sones het nêrens elders gewerk nie want beleggers vra meer aansporingsmaatreëls terwyl werkers se regte vertrap word.

Albert Schuitmaker van die Kaapstadse Kamer van Koophandel het gesê minder as 40% van vryehandelsones is suksesvol. Hy het gesê sulke sones moet naby 'n groot afsetgebied geleë wees om suksesvol te wees.

"Met Suid-Afrika is die potensiële mark Afrika suid van die Sahara, maar dit het nog nie werklik vrugte afgewerp nie," het hy gesê. Hy het bygevoeg dat navorsing nodig is om vas te stel wat die voorwaardes is om sulke sones op te rig en die redes waarom hulle suksesvol is.

Zille het gesê die grondwet gee uitvoerige magte aan die provinsies.

"Ons moet wys dat ons beleggersvriendelike beleid beter geleenthede vir die werkloses bied. Die armes weet dit reeds. Dit is waarom hulle in sulke aansienlike getalle hierheen trek."

Александр Фильчаков

Switsers raak verregaande twak oor Kruger kwyt

Paul Kruger se dae as 'n vryheidvegter is vir goed verby, ten minste in Switserland.

Die Boereleier wat die Britte die stryd aangesê het vir die beheer van die noordooste van Suid-Afrika, het sy erestraat Maandag in die Switserse stad van St Gallen verloor.

In 'n seremonie wat deur Suid-Afrikaanse diplomate bygewoon is, het die boudirekteur Elisabeth Beery "Kruegerstrasse" as "Duerrenmattstrasse" herdoop. Friederich Duerrenmatt was 'n moderne Switserse dramaturg.

Beery sê die verandering is 'n poging om rassisme te verwerp.

Kruger, waarna die goue Krugermunte ook vernoem is, het glo volgens die boudirekteur deelgeneem in die slagtings van swart Suid-Afrikaners en het deurentyd in sy lewe na hulle as "barbare" of erger verwys. Sy idees het, volgens Beery, latere apartheidsleiers inspireer.

Kruger is in Clarens, Switserland, oorlede in 1904.what to post on instagram for business лобановский харьков

Eskom se kapitaalbehoeftes 10 keer groter

Eskom se kapitaalbehoeftes het 10 keer groter geraak die afgelope vyf jaar, van R11 miljard na R104 miljard in 2010, het Jacob Maroga Maandag gesê.

Daar is 'n groot tekort in hulle finansies selfs nadat die regering se befondsing en lenings ingereken word en dit verduidelik die instelling se interimaansoek om 'n tariefverhoging van 34% wat uit die verbruiker se sak moet kom.

Maroga het by die Nasionale Energiereguleerder van SA in Pretoria gepraat by 'n tweedaagse openbare sitting oor die aansoek om tariefverhoging.

Eskom het aansoek gedoen om 'n verhoging in die huidige finasiële jaar en beplan later die jaar 'n verdere verhoging om die balans van die driejaarprysmodel aan te vul. Maroga het gesê dit sal 'n interimoplossing wees, aangesien daar nog nie finaal op 'n befondsingsmodel besluit is nie.

Die model "sal die behoefte aan 'n ekwiteitsinspuiting van die regering en lenings van beleggers asook tariefverhogings balanseer", en sal teen September 2009 gereed wees. Daarna sal Eskom vir nog 'n verhoging aansoek doen.

Eskom het na indringende vrae van Nersa gesê hulle het nie "duidelike oplossings" vir die impak wat die voorgestelde verhogings op die armes sal hê nie, maar het dialoog voorgestel as 'n probleem opduik.

Solidariteit en die Intensiewe Energieverbruikersgroep het die hoë kostes van die semistaatsinstelling bevraagteken in hulle gedetailleerde aansoek. Kaapstad en die Nelson Mandela-munisipaliteit het die aansoek teengestaan omdat hulle meen dit is onregmatig.

Advokaat Graham Richards van die Nelson Mandela Bay Munisipaliteit het gesê Eskom ondermyn wetgewing omdat Nersa 'n statutêre liggaam is wat administratiewe besluite neem en nie die mag het om oor onwetmatigheid te beslis nie.

Deur die interimtariefverhoging toe te laat sal munisipaliteite blootgestel word aan litigasie omdat Eskom nie by tysbepalinge gehou het nie en ook nie genoegsame redes verskaf het om die stygings te regverdigsoos die wet vereis nie.

Die Kamer van Mynwese het gesê Eskom se aansoek om tariewe te verhoog, is vaag. Cosatu het ook die aansoek verwerp. Hulle industriële beleidskoördineerder, Jonas Mosia, het aangedui dat meer as 208 000 werkers hulle werke verloor het agv die finansiële krisis en "nou moet die armes die las van hoër elekrtisiteitstariewe dra".

Solidariteit het Eskom versoek om na hulle twee grootste kostes te kyk naamlik steenkool en personeel. Dirk Herman het die instelling gevra waarom hulle kostes so "astronomies" is en voorts direk gevra dat Eskom 'n ondersoek doen "omdat daar iets verkeerd is".

Sedert 2008 het die prys van steenkool met 60% geval. Herman het 'n 12% verhoging voorgestel wat bedryfskoste sal dek, afhangend van die uitkoms van die ondersoek.

Die sitting sal Dinsdag voortgaan en Eskom sal teen 25 Junie 'n besluit neem.

Agt sterf vermoedelik agv water

Watermonsters van 'n rivier in die Oos-Kaap is vir analise weggestuur nadat agt mense in die Mphekostat oorlede is, het die departement van waterwese Maandag gesê.

"Die departement sal 'n volledige ondersoek doen en het reeds watermonsters van tradisionele waterbronne in die gebied geneem naamlikvan die Mpheko Rivier en Phantsi Kwentabafontein, " het woordvoerder Sputnik Ratau gesê. Die uitslag sal teen Woensdag bekend wees, het hy bygevoeg.

Agt mense in die Mphekostat naby Mthatha is dood nadat hulle diarrhoea ontwikkel het en braking. Daar word vermoed dat besoedelde drinkwater dalk die oorsaak van die sterftes van die afgelope paar weke kan wees.

Gesondheidswoordvoerder van die Oos-Kaap Sizwe Kupelo sê daar was geen gevalle van cholera in die gebied aangemeld nie.

"Ek kan bevestig dat dit nie cholera is nie, omdat dit nie in die winter voorkom nie," het hy gesê.

Ratau sê departementele amptenare is na die gebied gestuur en hulle werk nou saam met die inwoners.

Die departement sal pogings in noue samewerking met die provinsie se departement van gesondheid en die OR Tambo-distriksmunisipaliteit koördineer as die waterdienstegesag in die gebied, het Ratau gesê.

slots slots

Die varkgriephoofstad van die w?reld

Nege van die Brisbane Broncos en North Queensland Cowboys rugbyligaspelers is Maandag in afsondering geplaas nadat een van hulle spanlede positief getoets het vir varkgriep.

Die Nationale Rugbyligaspanne het besluit om alle spelers wat met Queensland se Ben Hannant in aanraking was, te isoleer.

Australiese toetskaptein Darren Lockyer het bevestig dat Israel Folau, Karmichael Hunt, Sam Thaiday, Justin Hodges en Peter Wallace in afsondering verkeer.

Die Cowboys het gelas dat Johnathan Thurston, Luke O'Donnell en Matt Scott soortgelyke behandeling ontvang.

Australië se bevestigde varkgriepinfeksietal het tot 1 051 gestyg, en 874 gevalle kom in die suidelike staat van Victoria voor waar die rugbyligawedstryd verlede Woensdag gespeel is.

Die meeste gevalle is in die noorde en weste van Melbourne aangeteken wat tans as die wêreld se varkgriephoofstad bekend staan, met die hoogste infeksiekoerse op die aardbol.

Victoria se owerhede het aangedui dat hulle die varkgriepbedreiging van "beheer" na "keer" opgegradeer het en sal dalk oorweeg om groot byeenkomste soos sportwedstryde te kanselleer indien die infeksiekoers bly styg.

каминные комнаты

Lyke van Air France-vlug gekry

Familielede van sommige van die 228 passasiers aan boord van Air France se Vlug 477 hoop nog dat hul geliefdes lewe. Familielede is tans in ’n hotel in Rio de Janeiro saamgedrom om na nuus oor die soektog na die vliegtuig te luister. Sommiges was verlig dat lyke gekry is, maar ander hoop steeds.

Dit ten spyte daarvan dat die lyke van twee mans wat op dié rampvlug was eergisteroggend gevind is sowat 70 km suid van waar die vliegtuig sy laaste sein uitgestuur het. Nóg drie lyke is gister gevind.

’n Brasiliaanse ondersoekspan het die naweek noord-oos van die eiland Fernando de Noronha op wrakstukke, ’n vliegkaartjie van Vlug 447 en die lyke afgekom.

Kol. Jorge Amaral, ’n Brasiliaanse lugmagwoordvoerder, het gesê die vliegkaartjie is in ’n leer-aktetas gevind. Dit het aan ’n passasier op die vlug behoort.

’n Vliegtuigsitplek met ’n reeksnommer is ook daar naby gevind.

Vlug 447, wat van Rio de Janeiro na Parys op pad was, is die dodelikste lugramp sedert 2001 en die grootste in Air France se bestaan van 75 jaar.

Die twee mans se lyke is na die Fernando de Noronha-eilande geneem.

Franse en Brasiliaanse owerhede soek steeds na die res van die wrak en passasiers.

Air France het later 'n verklaring uitgereik waarin hulle gesê het dat hulle die lugspoedsensors van langafstandvliegtuie wil vervang omdat vrese ontstaan het dat die sensors met ys aanpak.

Ondersoekers oorweeg die moontlikheid dat die spoedsensors van Vlug 447 verys het, wat veroorsaak het dat die loodse die spoed van die vliegtuig verhoog het omdat hulle 'n foutiewe lesing ontvang het en wat uiters gevaarlik is terwyl 'n donderstorm woed.

Die hoof van Frankryk se ongelukagentskap, Paul-Louis Arslanian, het aangedui dat die Airbus A330 se sensors vervang sou word, maar het gesê dit beteken nie dat die oues stukkend was nie.

Airbus het bevestig dat hulle 'n bulletin uitgereik het waarin gevra word dat die 50 of meer Airbuslugvaartoperateurs hulle vliegtuie se spoedsensors vervang, bekend as die Pitotbuise.

Air France het in 'n verklaring gesê hulle het opgemerk dat die lugspoedmeters van die A330 en die A340 in Mei 2008 met ys aanpak en het daarna 'n oplossing van Airbus geëis.

Volgens Air France het Airbus aangebied om verskillende sensors te toets, agv twyfel wat bestaan het of dit die probleem van verysing sou aanspreek, maar die lugdiens wou nie wag nie, en het vanaf 27 April begin om die sensors te vervang.

Frankryk gaan 'n kernduikboot afstuur om die twee vlugopnemers te probeer opspoor wat enige iets van 864m tot 4 000m onder die see kan wees.

fruit shop

Soedan se leier besoek Zimbabwe

President Omar al-Bashir van Soedan, wat deur die Internasionale Strafhof veroordeel is vir oorlogsmisdade en menseregteskending, het Zimbabwe se president Robert Mugabe Sondag ontmoet. Al-Bashir is die eerste sittende staatshoof wat deur die ISH veroordeel is.

Mugabe het gesê hy was nie bewus daarvan dat die Soedannese president sou opdaag nie. Zimbabwe is nie onder die 180 lande wat die statute van die wêreld se eerste permanente oorlogsmisdaadtribunaal bekragtig het nie.

Lande wat die statute aanvaar het, is onder 'n verpligting om Al-Bashir te arresteer. Zimbabwe het lof ontvang vir die verwelkoming van Arabiese en Afrikalande wat die veroordeling van Soedan se leier teenstaan.

Al-Bahir het reeds 'n halfdosyn reise buite sy landsgrense onderneem na Arabiese en Afrikalande sedert die veroordeling in Maart. In April was hy in Ethiopië, hoofkwartier van die AU. Die AU het gevra dat Al-Bashir se inhegtenisname met 'n jaar uitgestel word omdat dit die moeilike vredesproses in Soedan mag benadeel indien hy gearresteer word.

Die Arabiese Liga het die veroordeling verwerp.

Tsvangirai is tans in die buiteland op 'n besoek van drie weke om Europese en Amerikaanse leiers te ontmoet en het aan die media gesê hy was nie bewus van die besoek nie. Die opposisieleier gaan eersdaags met die Amerikaanse president vergader in Washington volgens die Zimbawiese staatsradio.

Die Nederlandse minister van ontwikkelingshulp, Bert Koenders, het tydens Tsvangirai se besoek gesê die Weste wil meer vooruitgang in menseregte sien en die inperking van ondermeer die veiligheidsmagte en die sentrale bank.

Alhoewel Tsangirai ontken het dat hy van die besoek van Al-Bashir bewus was, het Ian Makone, 'n lid van Tsvangirai se reisgeselskap, gesê Al-Bashir is 'n amptelike gas van die Comesaspitsberaad en is uitgenooi om die verrigtinge by te woon deur Kenia. Kenia se voorsitterskap van die ekonomiese groep het ten einde geloop.

Mugabe sal die voorsitterskap oorneem van die Keniaanse president Mwai Kibaki. Die leier van Zimbabwe het Sondag gesê konflik is 'n "ernstige kanker van ons streek", maar het nie na Soedan verwys nie.

Hy het 'n oproep gedoen aan die 400 miljoen mense in die streek en gevra dat Afrika 'n groter rol speel om die toekoms te beïnvloed. "Ons kan nie langer toeskouers en betogers wees nie."
complete bridal jewellery sets Александр Фильчаков