ANC – Bladsy 32 – praag.co.za

SUT-studente bekommerd oor taalbeleid

Die Vryheidsfront Plus poog reeds vir meer as ‘n jaar, sonder sukses, om ‘n afspraak met die Rektor van die Sentrale Universiteit vir Tegnologie-Vrystaat, prof. TZ Mthembu, te kry. Die VF Plus se tak aan die SUT ervaar verskeie probleme op studentevlak, waaronder die SUT se taalbeleid asook die proses wat gevolg word om die Studenteraad aan die SUT te verkies.

‘n Vergadering is tussen die VF Plus en die studentedekaan, mnr. Jan De Witt gehou, wat tot niks gelei het nie. Daarna is die registrateur, dr. MJG Vinger, se kantoor genader waarna die kampussekuriteit die VF Plus se studente wou verwyder aangesien die registrateur se kantoor aangedui het dat hy nie studente sien nie.

Die Rektor se kantoor is verskeie kere deur die VF Plus besoek en geskakel, wat keer op keer eenvoudig aangedui het dat die sake met die registrateur opgeneem moet word, wat self ontoeganklik is.

Hierdie ontoeganklikheid en die feit dat die taalbeleid nou stil-stil van dubbel-medium na slegs Engels verander is, gaan nou met die Kanselier opgeneem word. Die VF Plus gaan ‘n dringende skrywe aan die Kanselier rig waarin ‘n samespreking versoek word.

Die VF Plus het reeds in die verlede kommer uitgespreek oor die studente se rasse-samestelling en die feit dat wit studentegetalle dramaties afgeneem het en hul behoeftes nie meer geakkommodeer word nie. “Hierdie stap wat nou rakende die taalbeleid geneem is, gaan net tot verdere afname in wit studentegetalle lei,” het Jan van Niekerk, VF Plus-jeugleier gesê.

Hierdie is volgens die VF Plus diskriminerend teenoor studente wat in Afrikaans wil studeer. Die VF Plus steun die ontwikkeling van minderheidstale en is van oordeel dat onderrigtale nie verminder moet word nie, maar eerder moet vermeerder.

Die VF Plus oorweeg dit sterk om die saak met die Minister vir Hoër Onderwys, mnr. Blade Nzimande op te neem.

gladiator video

Afrikaners: Na wie het die ANC geluister…

Na wie het die ANC geluister wanneer hy gemeen het hy na die Afrikaner geluister het?

Die vraag kom op toe ek mnr. Gwede Mantshe se reaksie op ‘n artikel van prof. Herman Giliomee lees. Mantashe klim onder Giliomee in en kritiseer verskeie van sy stellings.

Toevallig het ek self Giliomee se artikel gelees, en bykans volkome gehou van wat ek gelees het. Ek het die artikel heel duidelik met ‘n ander bril gelees as waarmee Mantashe daarna gekyk het.

(Ek, ‘n nr. 2 apteekbril, en Mantashe blykbaar ‘n donkerbril).

Die eerste waar ek meen Mantashe mistas, is dat hy ras inlees in aspekte waar Giliomee self nie ras bedoel het nie, en tweedens lei Mantashe aan die skeet om die rassisme in eie geledere mis te kyk. Byvoorbeeld, noem Mantashe, glo hy en die kaders om hom Suid-Afrika se ekonomie is groot genoeg om vir alle opgeleides, ongeag ras, volledig plek te kry.

Maar die polisie, onder regstreekse beheer van die ANC-beheerde regering, gaan appelleer teen ‘n arbeidshofbevinding wat juis rassisme in die weiering van bevordering van ‘n vroulike polisiekaptein bietjie in die bek ruk. Die arbeidshof gebruik internasionale norme, onder meer soos gemanifesteer is in ‘n New Hampshire-saak in die Amerikaanse Supreme Court. Die afleiding dat die polisie, en dus die ANC, die eintlike rasbeheptes is, is dus nie sommer ‘n plaaslike persepsie van “die (wit) Afrikaner” nie.

Die ANC is ook blind (of met baie donker donkerbrille uitgerus) om nie te kan begryp hoekom dit onvanpas is om internasionale sokker in ‘n stadion vernoem na die belangrikste eksponent van die slagspreuk, “kill the Boer, kill the farmer” te speel nie.

“Woon die verskillende rasse in dieselfde land?” wonder ek toe ek vandag so vinnig die oog laat gaan op die kommentaar op ‘n rubriek van Die Burger se redakteur, Henry Jeffreys. Jeffreys het naamlik ‘n ligte blapsie oor die nasionale belastingverenigings se trustfondse Sondagaand op RSG se Kommentaar na ‘n rubriek oorgedra, en daarmee skynbaar die grootste sluis moontlik van helse kritiek oopgetrek.

Behalwe dat Jeffreys ‘n regsuitleg bietjie vooruit geloop het, het hy in die slaggat getrap om die minister van Samewerkende Regering se voorbeeld te gaan volg en ras te gaan soek waar ras nie die bepalende saak is nie, maar swak dienslewering en kleptokrasie, en die pligsgetroue belastingbetalers se absolute keelvolheid hiermee.

Die kern van die probleem is natuurlik dat ons mense is, en dat mense op hul persepsies van die werklikheid, eerder as die werklikheid self reageer. En persepsies word nog gans te veel gevorm teen geykte ideologiese groewe.

Kan ‘n land wat met dienslewering so in tamatiestraat is (eintlik loop iets anders gereeld in die strate af), of dit nou munisipale dienste is en of dit kerke is wat dikbek oor die nuwe prosedures vir huweliksbevestiging is, nog enigsins plek vind vir enige ander ideologie as dat daar nou so vinnig as moontlik die beste moontlike kundigheid ingespan moet word?

Verkieslik eerlike kundigheid met hoë vlakke van integriteit.

Maar so wil dit voorkom uit Mantashe se skrywe – hierdie soort stelling is nou juis weer rasgedrewe want dit “sê” swart mense is nie bekwaam en eerlik genoeg nie. Sou Mantashe en kaders so ‘n afleiding maak, dan wys dit net in hoe ‘n treurige toestand van vooropgesette idees die land vasgevang is. Want so iets is nie hier geskryf nie (gaan lees weer) en dis ook nie so bedoel nie (kyk weer).

En, mnr. Mantashe en kaders, geen mate van die hersirkulering van uitgevangde onbevoegdes of kleptokrate gaan die situasie verander nie. Al is hulle wit, en al is hulle nou ook wit lede van die ANC.

Kom ek herinner Mantashe en kaders aan ‘n gewilde sêding van die ANC, UDF en die liberaliste uit die pre-1994-bedeling: “Apartheid is so boos, dit kan nie hervorm word nie, dit kan net vernietig word.”

Dan pas ek dit by vandag se omstandighede aan: “Onbekwame en skelm kaders kan nie deur herontplooiing bekwaam en eerlik gemaak word nie, hulle kan net afgedank en vervolg word om die land weer te laat werk.”

Onlangs het Pieter-Dirk Uys soos ‘n tipiese agteros (of koei in die gedaante van miesies Evita) in die kraal ingestrompel gekom en ‘n afgesaagde deuntjie kom opdis: Ignoreer Malema.Antie, baie ander het dit al hoeveel keer tevore gesê, maar hulle dan vasgeloop in die realiteit dat dit nie so maklik is nie, want, so blyk dit, die kroonprins verteenwoordig sentimente van ‘n breë spektrum van die jeug.

En toe gebeur ‘n vreemde ding. Ek gaan kry nogal meer respek vir die SAKP se jeugleiers wat Malema kortvat, as vir die ANC se jeug, wat beteken my dunk van die SAKP-jeug is so ‘n titseltjie meer as my respek vir Max (die een met die baard), wat weer ver onder Kevin Pietersen is, voor ek by die mense begin kom vir wie ek al amper respek het.

Net so sou ek graag wou sê ons moet ons tog nie steur aan die sentimente wat Mantashe opper nie. Maar om dit te ignoreer is om met ‘n mens se kop in ‘n lugkasteel en mens se stert uiteindelik in die *&^ te sit. Boonop is daar ook enkele positiewe sentimente in Mantashe se artikel.

Maar voor ek myself vir ‘n toffie uitgee en dié positiewe elemente lys, wil ek eers een daarvan in die praktyk sien neerslag sien vind.

Terug by die vraag: “Na wie luister Mantashe en kaders wanneer hulle kers opsteek oor waaroor Afrikaners se harte warm klop, dat hulle so sleg ingelig, en eintlik oningelig is?”

Kort-kort word Bram Fischer as super-Afrikaner opgedis. Straat op straat word na Beyers Naudë vernoem. Nico Smith moet selfs nou weer taamlik die pot roer om te keer dat hy nie per ongeluk vergeet word nie.

Of is diegene wat so hoog opgegee het dat “ons sal jul stem wees” dalk meer verbaal as waarvan mens in die oopte kennis neem? Af en toe luister pres. Zuma na dr. Pieter Mulder. Maar as Mantashe so kwaad is vir Giliomee, het ek nie baie moed vir hoeveel die ANC na Mulder gaan luister nie.

Dit is blykbaar nie net die Afrikaners wat sukkel dat die ANC na die “regte” woordvoerders luister nie, ook die kerke sukkel om deur Zuma gehoor te word.

Selfs die SARK sukkel nou om gehoor te word, omdat die Prez voorkeur gee aan die National Interfaith Leadership Forum van past Ray McCauley. Mccauly se blatante politieke voortrekkery van Zuma is bekend.

En toe begin ek nou wonder: “Na wie moet die regering luister om die Afrikanerhart te hoor?”

Ek sal nie die ANC se “aanstelling” van iemand soos Bram Fischer aanvaar nie, ook nie eens omdat prof. Jonathan Jansen hom met sy intreerede as versoeningsgebaar teenoor die Afrikaner so geloof het nie. Mense wat in Stalin se tyd en die miljoene mense wat hy vredestyds vermoor het met die Komintern deurmekaar was, tel nie in my boekie as ‘n model-Afrikaner nie, nie eens met ‘n nadoodse doktorsgraad van Maties nie.

Oom Bey? Nee dankie. Ongelukkig is die meeste van my redes geklassifiseerd.

Antjie Krog? Selfs al het sy op skool van die uwe, toe ook ‘n skoolseun, gesê ek is aantreklik, moet ek verbyhou. Ek dink ook nie sy wil Afrikaners verteenwoordig nie, synde sy so “beg to be black.”

Max? Nee, die regte Max is ongelukkig ‘n paar jaar gelede in die Johannesburgse dieretuin dood.

En so gaan die lysie aan en aan.

Uiteindelik is my gevolgtrekking: Ek dink nie die ANC is toegerus om te besluit wie my Afrikanerbelange verteenwoordig nie. En dit het niks met ras te make nie.

Reaksie op Henry Jeffreys

My reaksie op die redakteur van Die Burger, Henry Jeffreys, se rubriek oor die aksies van die Belastingbetalersverenigings. Ek wou dit as kommentaar by sy rubriek op die internet plaas, maar kon dit nie regkry nie, en so ook nie by sy blog nie.

Die howe moet nog finaal uitsluitsel gee oor waar die reg sy grense oor die “weerhouding” van munisipale belasting gaan trek. Prof. Marinus Wiechers is bekend daarvoor dat hy nie besonder simpatiek teenoor ‘n uitleg staan dat die Belastingbetalersverenigings se regsprosedure, soos die verklaar van ‘n dispuut en die betaal van die fondse in ‘n trustrekening, regmatig is nie. Tog het die verenigings al verskeie hofsake gewen, oa ook in die Vrystaat, waar munisipaliteite gedwing is om hierdie “wanbetalers” se kragtoevoer (wat volledig betaal is) te herstel.

In die grondwethofsaak van Walker versus City Council of Pretoria is, eenvoudig gestel, in die meerderheidsuitspraak beslis dat die burger nie bloot die wet kan verbreek as die staat die grondwet oortree nie. Die burger moet eers ‘n regsoptrede volg soos om die howe te nader om die staat te dwing om die grondwet nie te skend nie. (In die omgewing wat natuurlike geregtigheid klink dit vreemd dat ‘n hofsaak nodig is om te keer dat die staat nie die grondwet skend nie, maar daar was ‘n rits soos SA-burgers e belange in Zimabbawe. Vrystaat landbou is nou op pad hof toe met die regering oor veral versuim om die Lesothogrens behoorlik teen oorgrens-misdaad te verskans).

Die Pretoria-saak se belangrikste bevinding was egter ook dat ‘n munisipaliteit ook nie op grond van ras mag diskrimineer nie.

Nie almal het egter die fondse om hulle op die howe te beroep nie. Prof Herman Gilliomee het onlangs in ‘n artikel ook gewys op die vertolking wat die ANC aan die sg Hoofstuk 9-liggame heg, wat in effek neerkom om as verlengstukke van die ANC te dien. Ek tel onder diegene wat ruim meer as ‘n dekade op die Openbare Beskermer wag om ‘n finale verslag oor ‘n onreg uit te bring. In kort, min mense het nog geloof in hierdie instellings.

In die howe is die stryd gewoonlik baie ongelyk, met die staat wat kan aanjaag en die belastingbetalers wat moet opdok. Daar was enkele gevalle, maar hopeloos te min, waar die besluitnemers aan staatskant aangesê is om self die regkostes te dra. ‘n Veel regverdiger speelveld sal ontstaan as staatsaanspreeklikheid vir regskostes heeltemal onttrek word, en besluitnemers verplig word om regsaanspreeklikheidsversekering uit te neem. As die staat gedagvaar word, en die besluitnemer besluit om teen die advies van sy versekeraars die saak teen te staan, moet hy gewoon self sy regskostes dra as hy verloor.

Dit is agter te midde van hierdie ongelykheid dat getroue belastingbetalers in magteloosheid moet toesien hoe hul munisipale dienste ten gronde gaan, en geld vermors word. Terwyl ek gou ‘n bietjie navorsing vir hierdie antwoord gedoen het, het my oog geval op R100 000 wat ‘n erg sukkelende munisipaliteit (Ngwathe wat Parys en Heilbron insluit) op die begrafnis van ‘n raadslid gespandeer het. Ek kan by my voordeur uitkyk op ‘n mangat oorkant die straat waarvan die deksel weg is. As lid van ‘n munisipale wykskomitee (ek is nie lid van ‘n belastingbetalersvereniging nie) rapporteer ek dit al meer as twee jaar. Daar was al ‘n foto daarvan in die koerant, en die munisipaliteit moes al aan verskeie mense wat in onbedekte mangate geval het skadevergoeding betaal.

In die Karoo het minstens een Belanstingbetalersvereniging sy ding begin doen toe nog ‘n munisipale afvaardiging kort na voriges op pad oorsee was.

In verskeie dorpe is al munisipale dienste wat hoegenaamd gelewer word, dit wat die belastingbetalersvereniging uit die trustrekenings lewer.

Kort voor die algemene verkiesing het die aangewese, en nou Vrystaatse Premier by ‘n SALGA-kongres aangekondig dat korrupte en onbekwame burgemeesters en munisipale bestuurders afgedank gaan word. Hy is toe uitgelag. Sedertdien het die vreemdste goed gebeur, soos ‘n geskorste munisipale bestuurder wat elders as administrateur aangestel is waar die betrokke munisipaliteit onder administrasie geplaas is.

Berigte is volop waar belastingbetalersverenigings voor en na hulle dispuut verklaar het vrugteloos probeer afsprake maak het met die rade.

Uit briewe en berigte blyk dit dat die Nasionale Belastingbetalersvereniging ook van g’n sout of water weet van ‘n afspraak wat die minister sê hy met hulle het nie. Trouens, dit blyk eerder dat die minister hul pogings vir ‘n afspraak ontduik, en selfs blykbaar ‘n kluitjie gebak het oor die rede waarom ‘n afspraak op baie kort kennis afgestel is (om ‘n Zuma-saamtrek te gaan bywoon).

Die hartseerste is dat die minister dit wys ag om ras by die kwessie in te sleep. Dit het onmiddellik die deur oopgelaat vir teenreaksies met rasse-ondertone, soos dat die (wit) belastingbetalersverenigings darem steeds hul belasting bly betaal, terwyl (swart) ontevredenes heeltemal nie betaal nie (wat blykbaar talle raadslede insluit want by Dihlabeng (Bethlehem en omgewing) sal die raad volgens die ANC self nie ‘n kworum hê as wanbetalende raadslede van vergaderings uitgesluit word nie). Die rasspeletjie kan ‘n entjie verder getrek word soos verskeie voorvalle van oproer, en waar daar deesdae weer taamlik lustig met rubberkoeëls geskiet word, al word nie met rubberklippe gegooi nie.

Die hartseer is dat ‘n moeder van hofsake soos die minister dreig, sake net sal vererger eerder as verbeter. Die oplossing is taamlik eenvoudig. Die ANC moet woord hou en van korrupte en onbekwame burgemeesters, raadslede en amptenare ontslae raak. Trouens, onlangs nog het Zuma en kie nukkerige burgemeesters weer mooi soos eendjies in die lojale ry gekry deur te dreig om van die stelsel van uitspattige burgemeesters ontslae te raak.

Dis nie altyd rade wat in ANC-beheer is wat sleg vaar nie. Die ANC het immers nie korrupsie uitgevind nie, net vervolmaak.

Intussen is dit ongelukkig dat trotse, lojale Suid-Afrikaners wat desperaat probeer keer dat die land ‘n volledige piesangrepubliek word, as verraaiers en misdadigers afgemaak word. ‘n Hofsaak (en mag die nodigheid daarvan deur gesonde verstand oorbodig raak) is nou al wat kan beslis of die trusfondsrekeningshouers werklik misdadigers is, en of hulle eintlik helde is wat deur gemeenskapspolitiek probeer beredder wat nog beredder kan word.

Zuma se omstandighede is spesiaal

Die ANC het om verskoning gevra dat hulle president Jacob Zuma se sperdatum waarin hy sy belange aan die parlement moes verklaar het, nie gehaal het nie, maar hulle het gesê dat omstandighede in ag geneem moet word.

“Ons het ‘n spesiale taak in dié dat ons ‘n president met ‘n groot familie het en dus is dit nie maklik nie,” het woordvoerder Brian Sokutu Dinsdag gesê ná die onthulling dat Zuma die 60-dag spertyd verontagsaam het.

“Ons is jammer oor die feit dat die sperdatum nie eerbiedig is nie, maar soos ek voorheen gesê het, die omstandighede moet begryp word,” het Sokutu gesê.

“Wat verstaan moet word, is die feit dat die president meer as een vrou het en dat dit dus ‘n ander stel omstandighede is. En ons wil vra dat mense dit regtig moet respekteer. Hy het nie gesê dat hy nie gaan saamwerk nie.”

Zuma, wat 3 vroue en 20 kinders het, word deur prokureurs ondersteun in die saak nadat dit oorspronklik berig is dat sy kantoor gevoel het dat daar dubbelsinnigheid is in die wet oor die verklaring van sy belange.

no deposit betting

Malema sal ‘arrestasie verwelkom’

Julius Malema, die president van die ANC-jeugliga, sê as enigiemand kan bewys dat hy iets verkeerd gedoen het, hulle hom in hegtenis kan neem.

“Ek is nie bo die wet nie. As ek enigiets oortree het, vra ek om in hegtenis geneem te word,” het hy Dinsdag aan studente by die Universiteit van Johannesburg gesê.

Malema het vorige verklarings herhaal waarin gesê is dat hy nog nooit van die armes gesteel het nie en dat hy R140 miljoen, wat glo in sy bankrekening is, aan die minderbevoorregtes sal gee.

“As ek R140 miljoen het, vat die geld en nasionaliseer dit,” het hy gesê in verwysing na sy oproep om die land se myne te nasionaliseer.

“Ek gee vir julle toestemming om alles anders wat julle in daardie rekening kan vind te neem en dit aan die armes te gee.”

Volgens Malema is die “aanval” teen die jeugliga nie ‘n gewone aanval nie.

Malema het ook gesê dat ‘n leefstyl-oudit nie ‘n konsep is wat deur Cosatu se sekretaris-generaal, Zwelinzima Vavi, uitgedink is nie.

Dit is ‘n beleid wat die Skerpioene gebruik het en tans maak die die Suid-Afrikaanse Inkomstediens daarvan gebruik.

“Hoekom moet ons ‘n leefstyl-oudit deurmaak?”

“As jy ‘n slang wil doodmaak, slaan dit hard op die kop, dit is wat hulle met my wil doen.”

video slot machines

Zuma stel lys van sy belange op

President Jacob Zuma het begin om ‘n lys van sy belange op te stel en is gereed om dit te verklaar indien dit van hom vereis word, het sy woordvoerder Vincent Magwenya Maandag gesê.

“Mense moet ook weet dat die president, terwyl hy op terugvoering van sy regspan wag, ‘n voorlegging laat voorberei het, sou daar beslis word dat hy iets moet verklaar,” het Magwenya aan Sapa gesê.

Die DA het Maandag aangedui hulle gaan die Openbare Beskermer vra om ‘n ondersoek te loods om te bepaal of Zuma afdeling vyf van Die Wet op die Etiek van Lede van die Uitvoerende Gesag van 1998 oortree het, deur nie sy belange binne 60 dae vandat hy in Mei verlede jaar as president verkies is, verklaar het nie.

Magwenya wou dit onomwonde stel dat Zuma “deur sy kantoor dit duidelik gemaak het dat hy nie sy finansiële belange verklaar het nie.”

“Dit is nie asof die president iets wegsteek nie,” het hy gesê.

“Die president is daaraan toevertrou om ‘n deursigtige, oop administrasie te bestuur en dit is hoekom hy aan die Sunday Independent gesê het dat hy nie sy finansiële belange verklaar het nie.

“As die president iets weggesteek het sou hy nie so ‘n oop en direkte antwoord gegee het nie,” het Magwenya gesê.

Zuma wou glo sy belange verklaar, maar daar was verskeie opinies in sy kantoor oor of dit van hom vereis word.

Michael Hulley, Zuma se regsverteenwoordiger, is besig om die saak te hanteer.

Die belange van sy groot gesin en afhanklike kinders moet verklaar word. Zuma het drie vroue en 20 kinders.

“Die proses is reeds onderweg en hy wil dit so gou moontlik afhandel,” aldus Magwenya.

гигиена зубов

Regering minagtend oor plaasmoorde

“Die minister van Polisie, mnr. Nathi Mthethwa, se opmerking by ‘n konferensie van AgriSA, dat die Polisie plaasmoorde as net gewone misdaad beskou, bevestig dat die regering minagtend is teenoor plaasmoorde. Die Polisie is vinnig om sekere misdade, soos transito-rooftogte en die opblaas van kitsbanke, as prioriteitsmisdade te beskou en dan sterk teenoptredes te beplan. Hoekom word hierdie misdade dan nie net as gewone misdaad beskou nie? Die minister en die regering skram weg van plaasmoorde, juis omdat daar ‘n sterk element van rassisme betrokke is,” sê mnr. Pieter Groenewald(LP), hoofwoordvoerder oor Polisie van die Vryheidsfront Plus.

“Die wreedheid waarmee veral plaasmoorde gepleeg word, is skokkend. Boere word keelaf gesny, gemartel met kookwater ensovoorts. Boere in Suid-Afrika is die groep waaronder die meeste moorde plaasvind, gemiddeld 313 uit elke 100 000, en dan eers wetstoepassers, soos lede van die Polisie, waar die syfer 153 uit 100 000 is. Die komitee wat plaasmoorde in 2003 ondersoek het, het toe reeds bevind dat die kanse dat die slagoffer in ‘n plaasaanval beseer sal word, twee maal so groot as in transito-rooftogte is. Die kanse dat die slagoffer sal sterf is drie maal so groot as in transito-rooftogte. As die Polisie transito-rooftogte as ‘n prioriteit kan beskou, des te meer behoort plaasmoorde as prioriteit beskou te word,” het Groenewald gesê.

“Die kommando’s is afgestel met die belofte dat daar nie ‘n vakuum in beveiliging sal ontstaan nie. Sektorpolisiëring is ingestel, maar is ‘n mislukking. Die Polisie hou sedert 2007 ook skielik nie meer rekord van plaasmoorde en plaasaanvalle nie. ‘n Verslag deur die Sentrum vir die Studie van Geweld en Versoening oor die ondersoek na die redes van wreedheid van geweldsmisdade is verlede jaar Augustus reeds voltooi, maar Mthethwa maak nie die verslag bekend nie. Dit is duidelik dat die regering die boere van Suid-Afrika gefaal het,” sê Groenewald.

new young fashon топкарго отзыв

Regering wil nou privaatpensioene begin tap

Die ANC-minister van ekonomiese ontwikkeling gaan maniere bekyk waarop die R1,5 triljoen wat in privaat- en regeringspensioene belê is, vir “ontwikkeling” gebruik kan word. Waarskynlik sal sulke “ontwikkelingsprojekte” deur begungstigdes van Swart Ekonomiese Bemagtiging en swart sakemanne na aan die ANC bedryf word.

Die sakekoerant Business Day berig in vandag se uitgawe dat die minister van ekonomiese ontwikkeling, Ebrahim Patel, afreefondse wil gebruik om sy strategiese plan, wat vandeesweek in die parlement ter tafel gelê is, te verwesenlik.

‘n Idee wat die rondte doen, is dat pensioenfondse verplig kan word om ‘n gedeelte van hul bates in ‘n sogenaamde “ontwikkelingseffek” te belê. Veral Cosatu is ten gunste van so ‘n maatreël om aftreefondse te dwing om in swart ondernemings te belê.

Patel se strategiese plan sluit verder die herontplooiing van fondse wat deur die Openbare Beleggingskorporasie bestuur word in. ‘n Gedeelte van aftreefondse van staatsamptenare en die Werkloosheidsversekeringsfonds sal sodoende vir “ontwikkeling” aangewend word. Volgens die strategiese plan, “beheer privaatsektoraftreefondse ‘n uitgebreide bateversameling en beleggings in alle sektore van die ekonomie. Daar is ruimte om die vlak van ontwikkelingsbefondsing te verhoog wat uit dié bate- en beleggingsversameling afkomstig is.

“Beskikbare opsies sluit ‘n regeringsontwikkelingseffek in; asook ander meganismes wat ‘n gedeelte van beleggings na ontwikkeling kanaliseer. Die departement sal gepaste meganismes identifiseer om sulke beleggings op ‘n verantwoordelike wyse te benut en om groter veiligheid aan lede van aftreefondse te bied.”

Die private beleggingsnywerheid het versigtig op dié voorstelle gereageer. Hoewel die nywerheid in beginsel beleggings in ontwikkelingsprojekte steun, sou dit nie ten gunste wees van verpligte beleggings in bepaalde instrumente of maatskappye nie.

Die uitvoerende hoof van die Spaar- en belegginsvereniging, Peter Dempsey, het hom soos volg uitgelaat: “Indien die regering ‘n staatseffek met ‘n soewereine gradering sou uitreik wat ‘n markverwante opbrengs bied, sou dit ‘n aantreklike belegging wees en sou daar geen behoefte wees om dit ‘n verpligte belegging te maak nie.”

Volgens Craig Aitchison, hoof van Ou Mutual se aktuariële en aftreefondskonsultante, sou ‘n verpligte belegging van slegs 5% in sulke effekte ‘n bedrag van R70 miljard “ontsluit”.

‘n Ontwikkelingspaneel gaan deur Patel saamgestel word, wat ekonomiese navorsers en “ontwikkelingspraktisyns” sal insluit.

Patel se departement is besig om al hoe meer invloed in die ANC-regering te verkry. Tans beheer sy departement die NOK (Nywerheidsontwikkelingskorporasie), Khula-ondernemingsfinansiering en die Suid-Afrikaanse Mikrofinansieringsfonds. Staatsinstellings beheer reeds honderde miljarde rande aan bates en beleggings en Patel wil dié fondse op ‘n “gekoördineerde wyse” vir ontwikkeling aanwend.

Volgens Sapa, gaan sy departement “op plaaslike vlak daarna streef om ‘n beleidsraamwerk te skep waardeur entrepreneurs, veral swart entrepreneurs, na die hoofstroomekonomie gebring kan word”.

uk online

Welgedaan, Jaap Kelder!

Jaap Kelder is die voorsitter van die Nasionale Belastingbetalers-Unie. Hulle is die mense wat belastingboikotte reël wanneer die ANC-beheerde stadsrade voorspelbaar en onafwendbaar in duie stort; wanneer Jonas en Sipho, die ANC raadslede, eerder vir hulself S-klas-Mercedesse koop as om geld te verkwis op trivialiteite soos dienslewering, riolering, watervoorsiening en paaie.

Maak geen fout nie: die ineenstorting van dienste onder ‘n ANC-regering is nie uitsonderlik of iets wat slegs in klein dorpies gebeur nie, dis onafwendbaar in alle ANC-beheerde munisipaliteite. Omtrent twee weke gelede het ek ‘n slaggat getref op ‘n groot verkeers-aar in Johannesburg, wat derduisende rande se skade aan my kar aangerig het. Amos Masondo-hulle se lae intelligensie en volslae gebrek aan bestuursvermoëns het regstreeks hiertoe gelei. Ek woon in Trashtown, Aapstat, die metrogebied voorheen bekend as Pretoria, wat ook gebuk gaan onder die wanbestuur van die ANC. Vir die afgelope drie weke gaar ons rommel op ons sypaadjies op, omdat die ANC nie ‘n pomp in ‘n hoerhuis kan organiseer nie, laat staan nog ‘n moderne stad aan die gang kan hou.

Jaap Kelder-hulle het gedoen wat ek al lankal meen blankes moet doen: hulle is besig om ‘n alternatiewe regering daar te stel, afsonderlik van die falende Azaniese piesangrepubliek. Sodra blankes ophou om die ANC-regime te befonds dmv ons belastinggeld, stort hy in duie en kan hy ons nie meer onderdruk nie. Jaap Kelder-hulle doen presies dit. Hulle is besig om blankes op plaaslike regeringsvlak van die ANC se dwingelandy te bevry. Hulle is inderdaad reeds besig om ‘n parallele regering daar te stel.

Sowat 300 munisipaliteite se inwoners betaal reeds geld in ‘n trustfonds wat deur die NBU bedryf word, eerder as om belasting aan die ANC-stadsrade te betaal. Dis terloops snaaks dit gebeur nie in die enkele DA-beheerde stadsrade nie, nie waar nie? Niks vestig Sipho en Jonas se aandag so vinnig as die moontlikheid dat hulle hul S-klasse sal moet prysgee vir trapfietse nie, en daar is duidelik paniek by die ANC regime. Minister Sicelo Shiceka skree dat die NBU se optrede onwettig is, maar soos mens kan verwag van ‘n ANC-kader, het hy die kat aan die stert beet. Die NBU het reeds ses uit sewe hofsake teen stadsrade gewen.

Dis heeltemal wettig, indien nie ook moreel verdedigbaar nie, om belasting te weerhou en ons eie planne te maak om dienslewering te verseker. Aan die einde van hierdie maand sal ek my Aapstatse erfbelasting met ‘n bedrag gelykstaande aan driekwart van my maandelikse fooi vir vullisverwydering verminder. As Aapstat nie ‘n diens aan my kan lewer nie, kan hulle ook nie verwag om my geld te ontvang nie. Die slag as 400,000 blanke huishoudings in Aapstat ons eie ding begin doen, kan antie Gwen maar loop slaap. Blankes moet na my mening nie bloot ophou by die plaaslike regering nie, maar ook belasting weerhou van die sentrale regering, op welke moontlike manier ook al.

Shiceka, raas, skree en dreig selfs met oorlog, volgens vandag se Beeld. Tipies van Afrika-politici. Hulle soek sondebokke vir hulle totale onbekwaamheid. Plaas daarvan dat Shiceka die oorsaak van die probleem aanspreek – die per-definisie-onbekwaamheid van swart regering – blameer hy die wittes. Ek sal my reaksie vir hom in Engels gee: “Bring it on! Let the whites’ own Struggle begin!”

slots play for

Duarte bedank uit haar pos

Jesse Duarte, president Zuma se hoof van operasies, het bedank uit haar pos nadat ‘n stryd tussen haar en Lakela Kaunda, die hoof van Zuma se private kantoor, uitgebreek het.

Duarte, ‘n lid van die ANC se nasionale uitvoerende komitee, het as die party nasionale woordvoerder gedien totdat sy in 2009 in die presidensie aangestel is. Sy sal as lid van die NUK en die ANC aanbly.

Volgens Duarte gaan sy nie die stryd opsê nie en sonder genade “aanhou veg in die oopte”.

Volgens die Sunday Times het Duarte Donderdag per e-posboodskap haar bedanking aan die ANC se sekretaris-generaal, Gwede Mantashe, gestuur.

Kaunda was Zuma se woorvoerder toe hy die LUR van finansies in die KwaZulu-Natalse provinsiale regering was.

Cope se Odendaal nou by ANC

Cope se voormalige tweede adjunkvoorsitter, Lynda Odendaal, het Sondag aangekondig dat sy by die ANC aangesluit het.

“Ek wil dit duidelik maak dat my besluit om by die ANC aan te sluit, uit vrye wil gemaak is,” het Odendaal tydens ‘n mediakonferensie in die ANC koukus-raadsaal in Gauteng gesê.

Odendaal het in Julie verlede jaar as MP en Cope-lid bedank.

Sy sê sy het vir ses maande onttrek van sake en politiek en het ‘n bestekopname van die land se politieke landskap en die land se maatskaplike kwessies gemaak voordat sy op 2 Februarie by die ANC aangesluit het.

“Ek cope nie meer nie. Ek lewe nou my lewe,” het sy aan ‘n laggende gehoor gesê.

Gauteng ANC-voorsitter, Paul Mashatile, het haar in die organisasie verwelkom. Hy is vergesel deur die provinsiale sekretaris, David Makhuru, en die Sandton se ANC-takleiers.

“Kameraad Lynda is duidelik ‘n leier in haar eie reg,” het hy gesê.

“Daar was geen voorwaarde vir haar aansluiting by die ANC nie.”

Odendaal sal in die Sandton-tak van die ANC werk.

playing slots games

Toelaes dalk hoër

Die regering oorweeg om in Oktober die kindertoelaag weer met R10 te verhoog om dit in lyn met die inflasiekoers te bring, het die departement van maatskaplike ontwikkeling Woensdag gesê.

Selwyn Jehoma, adjunk-direkteur-generaal van die departement, het gesê die tweede verhoging ná volgende maand se verhoging, sal daarvan afhang of die departement die tesourie kan oorreed dat genoeg geld bespaar is deur toelaagbedrog te bekamp.

Hy het gesê die departement kan meer as R1 miljard spaar as toelaagbedrog hokgeslaan word.

Dié verhoging bring die kindertoelaag na ‘n maandelikse bedrag van R260 per maand en sal die staat sowat R564 miljoen kos.

Pravin Gordhan, minister van finansies, het verlede week in sy begrotingsrede ‘n verhoging van R10 of 4,4% per maand tot R250 aangekondig.

Hy het gesê hy is bewus van die feit dat dit minder as die inflasiekoers van 6,2% is, maar moes die ekstra koste sny omdat nog twee miljoen kinders weens die verlengingsfase op die stelsel geplaas is.

Die ouderdom vir ‘n kindertoelaag is van 15 na 18 verleng.

Malema is nie verkose amptenaar nie, sê Zuma

President Jacob Zuma het Dinsdag gesê daar is niks om die leier van die ANC-jeugliga, Julius Malema te verbied om onverklaarde sakebelange te hê nie, want hy is nie ‘n verkose amptenaar nie.

“Ek is nie seker dat Malema geen reg tot sakebelange het nie. Op grond van wat, weet ek nie,” het hy Dinsdag aan die parlementêre persgalery gesê.

“Malema is nie ‘n werknemer van die regering nie, hy is ook nie ‘n direkteur van enigiets nie. Hy is Malema, hy is ‘n politikus, hy is die leier van die ANC-jeugliga, nie ‘n amptenaar in die regering nie. Hy val nie eers binne die reëls nie en hoef daarom niks te verklaar nie.”

“Daar is geen reëls vir mense wat nie deel van die regering is om enigiets te verklaar nie.”

Zuma het gesê hy wil geen kommentaar op Malema se sakebelange lewer wat hom glo miljoene in die afgelope twee jaar in die sak gebring het nie, omdat hy geen kennis daarvan het nie.

“Ek weet niks van Malema se sake af nie. Dit is nie my werk om elkeen se sakebelange na te gaan nie.”

Malema hou voet by stuk dat hy niks verkeerd gedoen het nie.

Hy het ook enigiemand uitgedaag om ‘n klag by die polisie te gaan lê wat glo dat ‘n maatskappy wat met hom geassosieer word, tenders van die staat deur onregmatige maniere ontvang.

Malema vra polisieondersoek oor viktimisasie

Die uitgesproke leier van die ANC-jeugliga, Julius Malema, het die polisie gevra om ‘n lys mense te ondersoek wat glo ondersteuners van pres. Jacob Zuma teiken, het hy Dinsdag aan die radiostasie SAFM gesê.

Hy het gesê hy gee nie om as die Suid-Afrikaanse Inkomstediens (SAID) ‘n oudit van sy geldsake doen nie, maar slegs as die ondersoek nie deur ‘n politieke agenda aangevuur word nie.

Malema het gesê as SAID gebruik word om die politieke belange van Cope, die OD en die DA te bevorder, is daar ‘n probleem.

“Ek sê so omdat ek ‘n lys name het en dit gaan bekend maak. Ons het dit nounet na die polisie geneem sodat hulle dit kan nagaan.

Die lys van mense wat geteiken moet word, word die “Zuma-mense” genoem, het hy gesê

Volgens Malema kom dié dokument van intelligensiepersoneel af.

SAFM het ‘n onderhoud met Malema gevoer ná berigte dat hy die direkteur van verskeie maatskappye is wat tenders van meer as R100 miljoen toegeken is.

Malema sê hy is nie meer ‘n direkteur van die maatskappye nie.

Die jeugligaleier beweer hy het sy prokureur ‘n geruime tyd gelede in kennis gestel dat hy as direkteur van die betrokke maatskappye wil bedank.

Sy naam is egter steeds op die gesaghebbende webwerf sacompany.co.za as direkteur van die ondernemings gelys.

Ná konsultasie met sy prokureur, sê Malema, het hy tot die gevolgtrekking gekom dat die registrasiekantoor vir maatskappye en intellektuele eiendom moontlik nie die instruksies finaliseer nie.

Bevestiging van die polisieondersoek was nie onmiddellik beskikbaar nie.

Шапки Зима