Nuus – Bladsy 29 – praag.co.za

Varkgriep kan weerstandig teen behandeling raak

Varkgriepvirusse onder die mikroskoop

Mediese personeel het Dinsdag gewaarsku teen die oormatige voorskryf van 'n middel vir die behandeling van varkgriep genaamd Tamiflu, aangesien dit tot weerstandigheid kan lei.

Daar is reeds vier lande wat deur die Wêreldgesondheidsorganisasie geëien is waar sekere vertakkings van varkgriep weerstandig teen Tamiflu is, het dr. Chuma Makunga van die Nasionale instituut vir oordraagbare siektes by 'n Aptekerskonferensie in Sun City gesê, volgens 'n verklaring wat deur die instituut uitgereik is.

"Dit moet nie aan almal voorgeskryf word nie. Individuele klinici moet die inligting lees wat aan aan hulle gestuur word en seker maak dat hulle weet wat hulle doen."

Suid-Afrika se eerste sterfgeval weens die A(H1N1)-virus is Maandag in die Wes-Kaap aangemeld.

Die regering probeer nie meer om die uitbreking van die virus te verhoed nie maar werk tans om te verseker dat pandemieprotokolle in werking is, het Makunga gesê.

"Wat ons doen, is om inligting oor die virus in te samel sodat ons soveel moontlik weet oor die manier waarop dit funksioneer."

Die gesondheidsdepartement het gesê dat, geoordeel aan die bevestigde aantal sterftes en gevalle wêreldwyd, sou die virus 7 sterftes per 1000 besmette mense veroorsaak.

Sedert 30 Julie het die pandemie na 159 lande en gebiede ter wêreld versprei, met 'n kumulutatiewe totaal van 146 609 bevestigde gevalle en 1096 bevestigde sterftes.

"Die aantal globaal gerapporteerde gevalle onderskat die werklike getal gevalle, gegewe die feit dat daar nie langer van lande vereis word om individuele nie-ernstige gevalle te toets en oor verslag te doen nie," het die woordvoerder Fidel Hadebe in 'n verklaring gesê.

Swanger vroue, diabete en mense met longprobleme is 'n risikogroep waar varkgriep komplikasies kan veroorsaak.

Die siekte raak blykbaar meesal jongmense, asook mense tot die ouderdom van 49, terwyl bejaardes skynbaar 'n mate van immuniteit vertoon.

Mense behoort mediese hulp op te soek indien hulle simptome soos moegheid, ernstige slaperigheid, asemhalingsprobleme, onvermoë om vloeistowwe te drink of ontwatering toon.

Tekens van die virus sluit koors, 'n gehoes, hoofpyn, spier- en gewrigpyn, 'n seer keel, loopneus en soms naarheid en diarree in.

Internetverslaafde doodgeslaan

’n Internetverslaafde is glo by ’n rehabilitasiesentrum doodgeslaan omdat hy nie vinnig genoeg gehardloop het nie.

Die tienerseun, Deng Senshan (16), is deur sy ouers na die rehabilitasiesentrum in die suide van China gestuur met die hoop om hom van sy internetverslawing te genees.

Die drie opsigters wat Senshan na bewering doodgeslaan het, is kort ná sy dood in hegtenis geneem.

Senshan se pa, Deng Fei, sê hy het 7 000 yuan betaal vir sy seun se maand lange opleiding by die Guangxi Qihuang-oorlewings-en-opleidingskamp. “My seun was gesond en nie ’n misdadiger nie. Al wat hy gehad het toe ek hom by die kamp gelos het, was ’n internetverslawing.”

China het die wêreld se grootste getal internetgebruikers – ongeveer 338 miljoen.

Volgens ’n studie deur die Chinese internetjeugvereniging is meer as 10 miljoen van die land se 100 miljoen tieners wat die internet gebruik, daaraan verslaaf.

справку для

Rampgebied vir honde

Meer as 500 honde is sedert Januarie 2009 in Heidelberg, Gauteng, vergiftig volgens net een veearts se beraming. Net 40 van die honde kon uiteindelik gered word.

Die honde word met aldikarb, ook bekend as Two Step, vergiftig.

Johan Bester, voorsitter van die Heidelbergse gemeenskapspolisiëringsforum (GPF), het Heidelberg Dinsdag tot ’n rampgebied vir honde verklaar tydens 'n noodvergadering waar woedende inwoners gedreig het om skuldiges dood te maak.

Die gemeenskap is voorts ontstoke omdat die polisie nie optree teen misdadigers nie. Hulle het gedreig om die reg in eie hande te neem.

Beeld berig dat ’n beloning van R10 000 uitgeloof is om die skuldiges op te spoor en in reaksie daarop is ’n oproep van ’n man uit die nabygeleë Ratanda-plakkerskamp ontvang. Dit is glo, volgens sy inligting, 'n georganiseerde diefstalsindikaat wat honde vergiftig.

Die inligting is deur inwoners aan die tak vir georganiseerde misdaad oorhandig, maar niks het nog daarvan gekom nie.

casino free

Misdaadgolf teister Johannesburg

Die misdaadgolf in Johannesburg duur onverpoosd voort en dit is weereens duidelik dat die ANC-regering nie in staat is om die burgers van Suid-Afrika te beskerm nie. So sê Advokaat Anton Alberts, raadslid van die Vryheidsfront Plus in die Johannesburgse Metropolitaanse Raad, na aanleiding van die gewelddadige aanval op ‘n ma van drie jong dogters in Midrand gisteraand.

Volgens die Afrikaanse dagblad, Beeld, is Gillian Lindsell, gisteraand sinneloos deur die rug geskiet nadat sy deur huisrowers gedwing was om plat op die vloer te gaan lê. Sy is in die proses ernstig gewond aangesien die koeël deur haar rug getrek, van die vloer af geskram en weer deur haar liggaam beweeg het.

Adv. Alberts het benadruk dat die Vryheidsfront Plus kennis geneem het van die groeiende tendens van misdaad in Johannesburg en spreek sy erge afkeer daarteen uit, veral teen die neiging tot geweldsmisdaad waar inwoners op die wreedste wyses mishandel en verneder word.

Dit is volgens Alberts duidelik dat die SAPD en Johannesburgse Metropolisie nie teen die oormag en arrogansie van misdadigers opgewasse is nie. Boonop het adv. Alberts, wat self op sy dag polisiebeamptes in strafreg opgelei het, beklemtoon dat die veiligheidsmagte in Suid-Afrika gebrekkige opleiding kry en nie weet hoe om die strafreg en verwante kennisvelde toe te pas nie.

Hy het ook klem gelê op die rol van die Johannesburgse Metropolisie en dat dié eenheid voortaan meer klem moet lê op die polisiëring van geweldsmisdade en die vervolging van sindikate. Die Metropolisie is mede-verantwoordelik vir burgerlike beskerming in die stad van Johannesburg en sal daadwerklik moet plan maak om meer te doen as net spoedkaartjies te skryf en padblokkades te hou.

Terwyl padveiligheid van kardinale belang is, is dit nou duidelik dat daar ‘n oordrewe klem op dié tipe polisiëring val. Volgens adv. Alberts sal meer sigbare patrollies deur die Metropolisie baie doen om die SAPD se arms te sterk in die opdraande stryd teen die golf van misdaad. Die Vryheidsfront Plus sal hieraan aandag gee en die ANC tot antwoorde en verantwoording hieroor dwing tydens die volgende raadsvergadering in Augustus.

Лобановский Харьков

Yslike vullisversameling in Stille Oseaan bekyk

Marine wetenskaplikes van Kalifornië gaan hierdie week na die noorde van die Stille Oseaan uitvaar om na die "Groot Stille-Oseaan Vullisvierkant" te gaan kyk.

Dertig navorsers en tegnici, asook bemanningslede van die Scripps Institution of Oceanography in San Diego het Sondag vertrek om te gaan vasstel waarom daar so baie klein stukkies plastiek in die Gyre-gebied versamel en hoe dit seelewe beInvloed.

Die plastiekvullis kom bymekaar vanweë sirkulêre seestrome naby Hawaii en tussenin Japan en die wekus van die VSA.

Die fokus van die studie sal wees hoe plankton en ander mikroorganismes daardeur geraak word, asook kleiner vissoorte en voëls.

Die New Horizon is toegerus met 'n laboratorium aan boord, maar die wetenskaplikes sal ook monsters vir verdere studie terugbring.

Baie min is bekend oor die "Vullisvierkant" alhoewel vaartuie dit dikwels teëkom en daaroor berig. Omdat dit meestal plastiek net onder die wateroppervlak is,. kan dit nie deur vliegtuie en satellietbeelde gesien word nie.

Die vullis migreer na gelang van seisoen, sover as 1 600km noord of suid. Hoe warmer, hoe meer suid dryf die versameling afval.

play poker free no sign up Лобановский

Tokyo Sexwale bring glo nag in lokasie deur

Tokyo Sexwale, minister van behuising, sou Maandagnag in Diepsloot, noord van Johannesburg, deurbring, het die SAUK berig.

Hy wou dit glo doen om 'n beter begrip te kry van die lewensomstandighede van die mense daar.

Sexwale se departement het 'n tydelike kantoor in die gebied opgerig om oornag navrae te hanteer.

Diepsloot het die afgelope tyd deurgeloop omder gewelddadige diensleweringsbetogings.

Inwoners het tot geweld oorgegaan nadat daar gerugte die rondte begin doen het dat hulle sal moet skuif om plek te maak vir water- en rioolpype.

Sexwale gaan Dinsdag verslag doen aan adjunk-president Kgalema Motlanthe.

Die stad van Johannesburg het inwoners van Diepsloot weer gevra om hulle verskuiwing te aanvaar.

topcargo отзыв

Studente rig skade aan by kampus

Oproerige studente van die Kaapse Skiereilandse Universiteit van Tegnologie (KSUT) in Kaapstad is Maandag deur die polisie met rubberkoeëls uitmekaar gejaag nadat hulle die kampusgeboue begin vandaliseer het.

Volgens die Burger is die universiteit se snoepwinkel rot en kaal besteel.

Die hele voorraad van die winkel is glo vernietig. Die administrasiegebou is ook met water oorstroom nadat krane oop gelos is.

Die studente is blykbaar ontevrede omdat hulle vir registrasie moet betaal. Hulle eis dat prof. Vuyisa Mazwi-Tanga, die visekanselier, afgedank word

Niemand is beseer of in hegtenis geneem nie.

Brandstoftekort dreig by grootste lughawe

Die lughawensmaatskappy, ACSA, het lugdienste Maandag by die O.R. Tambo-lughawe gevra om 30% minder brandstof in te gooi om ’n brandstoftekort af te weer.

Weens “onderbrekings in die verskaffingsnetwerk”, sê ACSA, is die voorraad vliegtuigbrandstof in die binneland laag. Die rantsoenering is tans vrywillig maar indien die situasie nie spoedig verbeter nie, sal dit verpligtend word.

Volgens 'n woordvoerder van die lughawensmaatskappy sal voorsorgmaatreëls egter verseker dat die voorraad genoeg is om met vlugte vol te hou. Hy het gesê passasiers hoef nog nie hul reisplanne te verander nie.

Lugdienste sê die brandstoftekort het geen uitwerking op vlugte nie omdat hulle meer brandstof by lughawens aan die kus ingooi.

Varkgriep eis eerste SA slagoffer

Varkgriep, oftewel H1N1 2009, het die eerste Suid-Afrikaanse slagoffer geëis: ’n 22-jarige student van Stellenbosch wat deur drie dokters behandel is. Die oorsaak van sy dood is eers as longontsteking aangedui.

Die vierdejaarstudent, Ruan Müller, is drie keer behandel voordat hy in ’n hospitaal opgeneem is. Die virus is nadoods by hom gediagnoseer. Müller is verlede Dinsdag oorlede en is Vrydag begrawe.

Müller is aanvanklik deur die US se kampusgesondheidsdienste vir seisoenale griepsimptome behandel.

Vier dae later is hy na sy ouerhuis waarna nog ’n dokter hom ondersoek het. Hy is op 26 Julie verwys na ’n spesialis en is daarna in die hospitaal opgeneem. Hy is op 28 Julie oorlede, twee dae ná sy 22ste verjaardag.

Varkgriep is reeds by meer as 500 landwyd gediagnoseer. Dié getal kan aansienlik meer wees omdat nie almal getoets word nie.

Die hoof van die Wes-Kaapse departement van gesondheid, dr. Keith Househam, het die publiek verseker dat die oorgrote meerderheid van mense wat varkgriepsimptome openbaar, matige gevalle is.

для бани

Olie raak vinniger op as voorheen voorspel

Die wêreld staar 'n katastrofale energietekort in die gesig wat ekonomiese herstel kan kortwiek want die meeste groot olievelde is verby hulle produksiepiek. Só waarsku 'n gesaghebbende energie-ekonoom.

Hoë oliepryse as gevolg van die nypende tekorte kan ekonomiese herstel van koers af dwing sê dr Fatih Birol, hoofekonoom van die Internasionale Energieagentskap (IEA) in Parys. Die Agentskap bepaal die toekomstige behoeftes van ontwikkelde lande.

Dr Birol sê dit lyk asof die publiek en talle regerings nie die erns besef nie. Die moderne samelewing se bestaan hang van olie af en olie is besig om vinniger minder te raak as wat voorheen voorspel is. Globale produksie gaan oor tien jaar 'n hoogtepunt bereik en daarna afplat, tien jaar vroeër as wat regerings beraam het.

Die eerste gedetaillerde studie van meer as 800 olievelde wêreldwyd, wat meer as 'n driekwart van die wêreldreserwes hou, het bevind dat die grootste velde reeds verby hulle beste uitsette is en dat die afnamekoers twee keer vinniger is as wat twee jaar gelede bereken is.

Daarbenewens is daar die probleem van kroniese onderinvestering deur olieproduserende lande wat binne die volgende vyf jaar in 'n drastiese olieknyp gaan manifesteer.

Birol het gewaarsku dat die markkrag van veral die Midde-Ooste dramaties gaan toeneem as die oliekrisis in 2010 'n greep op die Weste kry. Hulle oliemarkaandeel van 40% gaan nog verder groei.

Hy het gesê olie gaan verdwyn en dat mense moet voorberei vir daardie dag en die gevolge baie as ernstig sal moet beskou.

Die IEA sê die jaarlikse afplattingskoers in produksie wat in 2007 as 3,7 aangedui is, is verkeerd en dit behoort 6,7% te wees. Die huidige verbruik is dus onvolhoubaar en die era van goedkoop olie is vir goed verby.

Die wêreld gaan ses olielande soos Saoedie-Arabië nodig hê teen die huidige koers van verbruik teen 2030.

Geopolitiek gaan beslis daardeur geraak word. Birol sê alhoewel sekere lande besef olie gaan opraak, het hulle geen benul van die werklike implikasies wat wag nie.

Ontginning van die reusagtige vuil teerolievelde in Alberta, Kanada, kan geweldige omgewingskade bring en die kweekhuiseffek vererger, sê hy.

дровяные печи камины

Nuwe Vigsvirusvariant ontdek

‘n Lekker happie bosvleis

'n Nuwe vertakking van die Vigsvirus is in Kameroen ontdek. In Maandag se uitgawe van die tydskrif Nature Medicine skryf navorsers dat dié een verskil van die drie ander soorte wat tot dusver bekend is en baie in gemeen het met 'n aapvirus wat in wilde gorillas voorkom.

Die ontdekking noodsaak die nougesette studie van variante van die virus sê Jean-Christophe Plantier van die Universiteit van Rouen, Frankryk.

Die drie reeds bekende MIV-vertakkings is almal aan 'n aapvirus verbind wat in sjimpansees voorkom.

Die mees logiese verduideliking is om gorilla-tot-mens transmissie te bewys sê Plantier se span. Dit kon egter in sjimpansees begin het en daarna na gorillas versprei het voordat mense in aanraking daarmee gekom het, of dit kon deur sjimpansees gelyktydig na gorillas en mense oorgedra gewees het.

Die 62-jarige vroulike pasiënt is in 2004 positief vir MIV getoets, kort nadat sy van Parys na Kameroen getrek het. Sy woon naby Yahounde, die hoofstad van Kameroen, en sê sy het geen kontak met die groot ape gehad nie of sogenaamde bosvleis, vleis van wilde diere soos ape, geëet nie

розетка коляски топкарго

Twee nuwe Mozartstukke uitgevoer

’n Oostenrykse pianis het die afgelope naweek twee nuut ontdekte stukke deur Wolgang Amadeus Mozart vir die eerste keer in die openbaar uitgevoer in ’n huis waar die meesterkomponis eens gewoon het.

Die stukke is oorspronklik deur hul argivaris, die Internasionale Mozarteum-stigting, as anonieme werke beskou.

Verdere ondersoek het aan die lig gebring dat Mozart die stukke gekomponeer het toe hy sewe of agt jaar oud was.

Albei stukke is in Mozart se pa, Leopold, se handskrif, maar die ondersoek het bevind dat hy geskryf het wat sy wonderkind op die klavier gespeel het, het die stigting se Mozart-navorser, Ulrich Leisinger, op ’n mediakonferensie gesê.

Hy het gesê die jong Mozart het sy pa gevra om die stukke neer te skryf omdat hy self nog nie musiek kon noteer nie. Hy het later sy eie veranderinge aangebring.

кардиганы

Switserse amptenaar reageer oor Krugerstraat

Nadat verskeie briewe aan die Switserse regering en plaaslike regering gerig is oor die blatante anti-Afrikaanse houding wat uit die onlangse naamsverandering van Krugerstraat in St. Gallen na vore gekom het, het Praag die onderstaande brief ontvang:

Dear Mrs. Roodt

I received your mail of 10th June 2009 from the Federal Department of Foreign Affairs 17th July 2009. I came back from my summer holidays only yesterday so that an answer to your mail from my part wasn't yet possible.

The name "Krügerstrasse" has led to several discussions and political actions in the past in the City of St.Gallen. The street was named "Krügerstrasse" apparently in the year 1904, the year when Paul Kruger died in Switzerland, in Clarens, in the French Speaking part of the country. It was the council of the village of Straubenzell which decided. The village of Straubenzell became, in the year 1918, part of the City of St.Gallen. It seems that the authorities of the village of Straubenzell in those times had the intention to honour Paul Kruger as hero of independence against mighty Great Britain. Today the name Kruger is strongly connected with the colonisation of South Africa and with the suppression of the coloured people.

There was suppression of black people by Afrikaaners who thought black people not being on the same level as white people. One can't only see and honour the struggle against British colonialism; there was also a Dutch colonialism. One can't see the history of the own country only in the role as victims, but not in the role as committers.

With kind regards,

Manfred Linke

Dr. Manfred Linke
Stadtschreiber
Rathaus
9001 St.Gallen
Telefon 071 224 53 22
Fax 071 224 57 01

free bet casino

Rugby ontaard in rassegeveg

’n Klubrugby-wedstryd in Johannesburg het glo die naweek lelik geraak nadat rassistiese aanmerkings gemaak is en die kaptein van een span bewusteloos geslaan is.

Reynald Isaacs, klubbestuurder van die Eldoranians, wat teen die Wanderers gespeel het, het ontken sy spelers het messe gehad.

Isaacs het die Wanderers-spelers van rassisme beskuldig. Die Eldoranians-kaptein, JP Luyt, is met gesigbeserings en harsingskudding in die Mulbarton-hospitaal opgeneem nadat hy glo deur 'n teenstander aangerand is.

“Hulle een stut het JP onder meer ’n ‘hotnot’ genoem en só hard geslaan dat hy drie minute lank bewusteloos was,” het Isaacs aan Beeld gesê.

Die twee spanne het om 16:00 op Wanderers se veld uitgedraf. Die skeidsregter het die wedstryd egter stopgesit omdat dit kort-kort handuit geruk het.

Isaacs het gesê die wedstryd is stopgesit nadat Luyt bewusteloos geslaan is.

Die Wanderers-spelers het na hul kleedkamer gegaan toe die wedstryd stopgesit is, maar die ander span het buite die deure gestaan met messe en gedreig om spelers dood te maak.

Wanderers het die polisie ontbied en hulle kaptein onder veiligheidsbewaking van die veld begelei.

Isaacs het gesê ’n saak van aanranding is teen die betrokke Wanderers-stut aanhangig gemaak. Wanderers oorweeg ook soortgelyke klagtes teen die Eldoranians.

магазин игрушек Фільчаков прокурор