beeld – Bladsy 29 – praag.co.za

Suid-Afrikaanse president gaan nog ‘n rondte Zim-sameprekings aan die gang sit

Kgalema Motlanthe

Suid-Afrika se president Kgalema Motlanthe, hoof van die SAOG-streeksblok, gaan Maandag na Harare reis om die gesprekke met Zimbabwe se strydende politieke leiers te hervat, het 'n amptelike verklaring gelui.

Motlanthe gaan 'n afvaardiging lei van die SAOG wat die voormalige president en bemiddelaar Thabo Mbeki insluit, asook die Mosambiekse president Armando Emilio Guebuza, het die presidensie Donderdag gesê.

Zimbabwe se opposisieleier Morgan Tsvangirai het vroeër die dag aan joernaliste gesê dat Suid-Afrika binne 'n week nuwe samesprekinge met president Robert Mugabe sal lei in 'n poging om nuwe lewe te gee aan die magsdelingsooreenkoms wat vasgeval het. Die ooreenkoms is amper 4 maande terug onderteken.

Tsvangirai, van die Movement for Democratic Change (MDC), het gesê Motlanthe sal met die twee teenstaanders vergader waar hy gaan bevestig dat hy steeds verbind is aan die ooreenkoms wat amper vier maande terug onderteken is.

Maandag se vergaderings gaan gesprekke insluit oor 'n konstitusionele verandering wat die poste van eerste minister en adjunkeersteminister moet skep, wat gevul moet word deur Morgan Tsvangirai en Arthur Mutambara, die leier van die MDC-splintergroep, het die verklaring verder gelui.

no deposit betting site топкарго отзыв

Hongersnood in Zimbabwe nader nou hoogtepunt, volgens Oxfam

Zimbabwe se hongersnood nader nou sy hoogtepunt, het die Britse hulpagentskap Oxfam Donderdag gesê. Dit is vanweë die feit dat miljoene mense se voedsel gaan opraak voordat die volgende oeste gaan inkom.

Die situasie kan vinnige vererger terwyl hulpagentskappe gedwing word om voedsel te verminder vanweë geldtekorte, het die welsynsorganisasie in 'n verklaring gesê.

"Kwesbare huishoudings gaan vandeesmaand kleiner kosrantsoene kry as gevolg van 'n tekort aan geld. Volgende maand word daar ook verminderings verwag," het Oxfam gesê.

Tesame met die 5 miljoen Zimbabwiërs wat staatmaak op voedsel wat versprei word, is daar nog 'n miljoen mense wat ook voordeel behoort te trek uit die voedselhulpprogram wat vandeesmaand dalk nie enige voorrade gaan verkry nie as gevolg van geldtekorte.

Ten spyte van onlangse donasies, het die VN se Wêreldvoedselprogram steeds 'n tekort van omtrent $65 miljoen vir sy werk in Zimbabwe tot aan die einde van Maart, het Oxfam gesê.

"Mense se lewens is in gevaar as gevolg van 'n tekort aan voedsel. Hulle is erg verswak en daarom minder in staat om cholera te weerstaan wat oor die hele land versprei het, en ook minder bestand teen MIV/Vigs," het Peter Mutoredzanwa, Oxfam se direkteur in Zimbabwe, gesê.

Лобановский

LUR meen erge storms kan verhoed word

Erge storms in KwaZulu-Natal kan voorkom word indien 2009 'n jaar gemaak word van hernude sorg vir die omgewing, het die LUR vir omgewingsake, Mtolephi Mthimkhulu, Donderdag gesê.

"Oor die laaste twee maande was KwaZulu-Natal die speelgrond vir slegte weer as gevolg van die globale weersveranderinge."

Hy het gesê die veranderinge is 'n direkte gevolg van die "onvriendelike manier waarop ons die omgewing hanteer. Dit is as gevolg van ons eie nalatigheid…"

Sy toespraak by die Hilton-hotel in Durban het gekom nadat verskeie swaar donderstorms chaos in verskeie dele van die provinsie veroorsaak het.

Sedert die begin van die jaar is daar reeds 20 mense dood in die storms.

Sommige van die slagoffers is deur weerlig getref terwyl hulle in hul wonings was.

Mthimkhulu het gesê dat aardverwarming die grootste bedreiging is wat nie net Suid-Afrika nie, maar die hele wêreld bedreig, asook elke deel van die samelewing.

"Wanneer dit swaar reën, sal ons kwesbaar wees vir siektes soos malaria, wanneer daar vloede is sal ons landbougrond vernietig word, wanneer daar droogte is sal daar armoede wees… swaar storms, swaar reën, wind.. .kan voorkom word slegs indien ons almal hierdie 'n jaar van hernude sorg vir die omgewing maak."

Hy het almal aangemoedig om klein dingetjies te doen soos om bome aan te plant om die wêreld te verander.

"Moet net nie bloekombome of dennebome plant nie, plant vrugtebome soos lemoene, mango's en avokado's."

Hy het gesê dat bome ook soos windbrekers werk gedurende storms.

Mthimkhulu het gewaarsku daarteen om bloekombome te plant, omdat hulle baie water nodig het.

паркет цена цена Фільчаков прокурор

Obama se VN-ambassadrise gaan Mugabe konfronteer

Susan Rice

Die verkose Amerikaanse president, Barack Obama, se genomineerde kandidaat vir VN-ambassadeur, Susan Rice, het Donderdag belowe om streng met Zimbabwe om te gaan en om Amerikaanse globale leierskap te versterk, met 'n klem daarop om vredebewaringskapasiteit te versterk.

By haar senaatsinswering, het Rice belowe om die Mugabe-bewind te konfronteer en om Sjina, Rusland en die Afrikalande aan te moedig om saam met die Obama-bewind te werk om die veteraansterkman van Afrika te isoleer.

"Hulle belange stem lankal nie meer ooreen met Mugabe se bewind nie," het Rice aan die senaat se buitelandseverhoudingekomitee gesê nadat die voorsitter John Kerry haar as 'n uitstaande keuse vir die VN-pos geloof het.

Sy het geargumenteer dat "dit in ons gesamentlike belang was om 'n vreedsame oorgang te kry in Zimbabwe na 'n demokratiese regering," en het verder gesê dat Beijing en Moskou VN-pogings moet ondersteun om 'n regering te isoleer wat "duidelik nie vir dié wêreld bedoel is nie."

"Ek hoop dat ons onder die Obama-leierskap met Suider0Afrika kan saamwerk en hulle privaatverwerping in die openbare sfeer kan bekendstel… sodat Zimbabwe se leiding 'n einde kan kry," het sy gesê.

Rice, wat 'n top buitelandse beleidsadviseur was teenoor die Obamaveldtog nadat sy as assistentminister van buitelandse sake gedien het in die 1990s, het "besef dat die VN Amerikaners gereeld gefrustreer het en was terdeë bewus van hulle tekortkominge".

Doeltreffende globale diplomasie en VN-ondersteuning was nou meer as ooit tevore nodig in plekke soos Irak en Afghanistan, het sy gesê, en belowe om aan te hou om druk toepas op die kongres om Amerika se toenemend agterstallige VN-lidmaatskap af te betaal.

топкарго отзыв

Selebi meen daar is geen getuienis teen hom nie

Jackie Selebi

Die Nasionale vervolgingsgesag het geen getuienis om die korrupsiesaak teen die geskorste polisiehoof Jackie Selebi te ondersteun nie, het hy Donderdag in 'n onderhoud gesê.

"Daardie mense het geen saak nie…dit is 'n ongelukkige ondersoek, want hulle weet nie wat hulle wil hê nie," het Selebi aan die Sowetan-koerant gesê.

Hy het gereageer op die VG se besluit om dagvaardings te bedien op getuies, klaarblyklik ten minste 10 senior polisielede, insluitend die waarnemende polisiehoof, Tim Williams, om getuienis te oorhandig wat nodig is om Selebi te vervolg.

Die geskorste nasionale polisiekommissaris het gesê dat toe die skerpioene die eerste keer die klag van korrupsie en dwarsboming van die gereg gelê het, "hulle aan die publiek gesê het dat hulle gereed is om te vervolg".

Maar Selebi het gesê die uitreiking van dagvaardings toon dat die vervolgingsgesag geen getuienis teen hom het nie en op 'n "voortslepende visvangekspedisie uit is".

Selebi se verhoor sal na verwagting op 14 April in die Johannesburgse Hooggeregshof begin op die aanklagte wat verband hou met betalings van sowat R1,2 miljoen wat aan hom gemaak is.

"Wat hulle nie gaan kry nie is dat die saak weer uitgestel sal word," het Selebi aan die Sowetan gesê.

Die staat beweer dar veroordeelde dwelmhandelaar Glen Agliotti, vermoorde mynmagnaat Brett Kebble en voormalige Hyundaibaas en mynentrepreneur Billy Rautenbach en "ander relevante entiteite" korrupte betalings aan Selebi gemaak het tussen 1 Januarie 2000 en 31 Desember 2005.

Selebi is in Januarie 2008 geskors en het toe ook bedank as hoof van Interpol.

Mbeki gaan nie parlement?re nominasie aanvaar nie

Voormalige president Thabo Mbeki het 'n plek op die ANC se Gauteng-lys van moontlike kandidate geweier, maar ook gerugte ontken dat hy nie meer aktief sal wees in politiek nie.

Woensdag het Mbeki in 'n verklaring gesê dat hy geëerd was met die nominasie, maar dat hy dit ongelukkig nie kan aanvaar nie.

Hy het bygevoeg: "In die onlangse verlede was daar spekulasie aangaande my onmiddellike aftrede of bedanking uit die aktiewe politiek."

"In dié verband kan ek net my hoop uitspreek dat die openbare debat nie langer aangevuur sal word deur gerugte en spekulasies waarvan niemand weet waar dit vandaan kom nie."

"Ek staan nie roekeloos teenoor die politiek en politieke uitdagings wat die land, die kontinent en die wêreld in die gesig staar nie. Ek sal ook nooit in die toekoms so voel nie. Ek bly die politieke wese wat ek die laaste 53 jaar van my lewe was," het Mbeki gesê.

Ná sy vertrek uit die Uniegebou verlede jaar het die voormalige president gesê dat hy sal aanhou om die gemeenskap in 'n ander hoedanigheid te dien.

Dit sluit in die rol van bemiddelaar om die politieke skaakmat in Zimbabwe te beëindig en die daarstelling van 'n Leierskapsinstituut saam met ander Afrikalande.

шланги для

Afrika se kusstede bedreig deur stygende seevlakke

Vloed in Lagos, Nigeri?

Afrika se kusstede, Kaapstad, Lagos en Alexandrië, word bedreig deur stygende seevlakke wat miljoene kan ontwortel en massiewe ekonomiese verliese kan veroorsaak, het wetenskaplikes Woensdag gesê.

Geoff Bundrit van Global Ocean Observing System in Afrika het by 'n internasionale klimaatsveranderingkonferensie in Kaapstad gepraat, waar hy gesê het dat selfs 'n geringe styging in seevlakke chaos in sommige lande kan veroorsaak.

"Die risiko vir 'n ramp is hoog wanneer die kans vir gevaar hoog is, wanneer die vatbaarheid vir skade van daardie gevaar hoog is en die kapasiteit om die gevolge van die voorkoms van so ramp te hanteer laag is," het hy gesê.

Bundrit het aan AFP gesê dat baie Afrikalande geen soephelheid het teen al hoe meer skadelike storms wat voorkom as gevolg van die veranderende klimaat nie, en dat hulle gereeld getref word deur 'n storm voordat hulle van die skade van die vorige een herstel het.

Hy het gesê dit maak die kontinent baie kwesbaar.

Lagos in Nigerië is Afrika se digsbevolkte stad met 'n bevolking van meer as 15 miljoen mense wat tussen die see en 'n meer woon.

Met mense wat in elke beskikbare spasie ingeprop word, soms tot reg op die kuslyn, oorspoel storms alreeds laagliggende strate. Stygende seevlakke kan hele stukke land insluk, het Bundrit gesê.

"Waar sal die mense heen gaan?" het Bundrit gesê. Hy het bygevoeg dat die staat en regering "meer bekommerd was oor die ontwikkeling van Lagos" as om risiko te bestuur.

Volgens Bundrit "sal aanpassing deur beskerming 'n baie moeilike en duur proses wees" regoor die kus van Afrika en onmiddellike assesserings moet gedoen word en beleid in werking gestel word.

"Indien mens wel gaan rekening hou met die stygende seevlakke, sal buffersones langs die kus geplaas moet word waar mens ontwikkeling wil beperk," het hy gesê.

hair accessories

Bloulig-BBP-eskort weer in die hof

Die “Bloulig”-BBP-eskort, Hlanganani Nxumalo, is vandag in die hof beveel om op 13 Februarie in die Camperdown-streekshof te verskyn.

Die Camperdown-landdros, Bheki Phoswa, het gesê dat die Streekshofaanklaer dan sal besluit wanneer hy weer moet verskyn.

Nxumalo, 'n polisiekonstabel wat in Pietermaritzburg woon, het na bewering op 15 November twee skote op 'n voertuig op die N3-snelweg tussen Pietermaritzburg en Durban gevuur.

Die bestuurder van die voertuig op wie die skote gevuur is, het beheer van sy voertuig verhoor.

Dit het daarna oor die middelmannetjie geswenk en met 'n aankomende voertuig gebots.

Agt mense is beseer in die botsing en is hospitaal toe geneem.

Nxumalo was ten tye van die voorval na bewering haastig om 'n LUR te gaan oplaai.

Agt klagtes van poging tot moord is teen Nxumalo as gevolg van die beserings aanhangig gemaak.

Nxumalo is aanvanklik borgtog deur 'n Camperdown-landdros geweier op 18 Desember, maar hy het hierteen geappelleer en is borgtog van R3 500 deur regter Isaac Madondo van Pietermaritzburg toegestaan.

'n Groot afvaardiging mediaverteenwoordigers was in die hof.

Nxumalo, 28, was netjies uitgevat in 'n donker pak klere en verskeie van sy vriende was in die hof.

free demo casino

Die Intellektuele Eiendomsregwetsontwerp is as wet bekragtig, s? die departement van wetenskap en te

Die wetsontwerp bevat duidelike verpligtinge ten opsigte van die eienaarskap van intellektuele eiendom in Suid-Afrika en is in die Staatskoerant op 22 Desember 2008 gepubliseer.

Die Wet op Intellektuele Eiendomsreg uit Regeringsgefinansieerde Navorsing (WIE) is ontwikkel om die doeltreffende gebruik van intellektuele eiendom wat uit regeringsbefondsde navorsing spruit, te verseker.

“Die spesifieke oogmerk van die wetgewing is dat intellektuele eiendom wat spruit uit regeringsbefondsde navorsing en ontwikkeling gekommersialiseer sal word tot die voordeel van alle Suid-Afrikaners en beskerm sal word teen onteiening.”

Om hierdie rede maak die wet voorsiening vir 'n instaatstellende omgewing vir intellektuele eiendomsreg, beskerming, bestuur en kommersialisering, sê die Departement.

Die regering se kennisontwikkelende instellings sal nou duidelike leiding hê oor hoe om intellektuele eiendom behoorlik te bestuur, asook hoe om seker te maak dat regeringsbefondsde intellektuele eiendom in die mark geplaas en gebruik word.

“Die sleutel hiertoe is dat die wet daarop gemik is om die skepping van nuwe kennis te fasiliteer wat uit openbare befondsing kom om hierdie kennis in die vorm van intellektuele eiendom te verseker, insluitende, maar nie beperk, tot patente nie, vir intellektuele eiendom wat ekonomiese en maatskaplike voordele kan inhou.”

Tyd om vuurwapenlisensies te hernu amper om

Die tydperk waarin vuurwapenlisensies hernu kan word, kom spoedig tot 'n einde, sê die polisie.

Die divisiekommissaris vir sigbare polisiëring, Arno Lamoer, sê dat volgens die bepalings van die Wet op die Beheer van Vuurwapens van 2000, het die polisie met die hernuwing van vuurwapens in Januarie 2005 begin en die laaste fase eindig op 31 Maart 2009.01.14

Die laaste groep mense, wie se verjaarsdae tussen 1 Oktober en 31 Desember val, het net dot die einde van Maart vanjaar om aansoeke in te dien.

Aansoeke moet by 'n aangewese vuurwapenbeampte in die omgewing waar die persoon woon, ingedien word, sê Lamoer.

“Ek dring by die persone aan wat nog nie hulle hernuwingsaansoeke ingedien het nie, om dit so gou as moontlik te doen en om nie tot die laaste dag te wag nie.

“Ervaring het getoon dat 'n groot hoeveelheid mense tot die laaste paar dae wag om hulle aansoeke in te dien.”

Lamoer sê dit het lang rye en ongeduldige aansoekers by die registrasiesentra tot gevolg en dat dit die doeltreffendheid van die aangewese vuurwapenbeamptes belemmer.

Lamoer sê daar sal geen verlenging na 31 Maart gegun word nie.

Vuurwapeneienaars wat nie hulle lisensies wil hernu nie, of in gebreke bly om hulle te hernu, het tot 30 Junie met die opsie om die wapen aan 'n ander persoon of regspersoon te verkoop.

Hulle kan ook by die SAPS aansoek doen om die wapen skadeloos te stel of hulle kan dit vrywillig inhandig vir die polisie om te verwoes.

play old video games online

Apartheid is ‘n gerieflike slaansak

Zelda Jongbloed, adjunkredakteur van Die Burger, wat so gal braak teen die vorige regering se onderwysbeleid, behoort die volgende feite, wat ’n gerekende konsultantefirma in Johannesburg op die gebied van onderwysstandaarde vir 14 jaar op rekord het, ook onder haar lesers se aandag te bring:

In 1994 kon slegs ’n skandalige 51% van Afrika-taliges wat destyds matriek geslaag het, Standaard Funksioneel Geletterdheidstoetse slaag. Die destydse onderwysstelsel dra sekerlik die skuld.

Vanaf 1994 het hierdie syfer van 51% konsekwent bly daal totdat dit aan die einde van 2007 op slegs 19% gestaan het. En dit daal steeds. Daarom wag ons met ingehoue asem vir 2008 se toetsresultate.

Wat sê hierdie syfers eintlik? Net maar dat die huidige onderwysstelsel slegs drie en ’n half present van die Afrika-talige kinders wat in graad 1 opgeneem word, uiteindelik na 12 jaar as opleibare werknemers aan Suid-Afrika se werkgewers gelewer word. En hoekom? Die grootste rede sekerlik te wyte aan eenogige onkundige politieke leiers wat probeer onderwysleiers speel en oningeligte ouers wat dink hulle kinders moet in Engels opgevoed word en nie in hulle moedertale nie – want hulle politieke leiers sê so. Die ANC, as ek dit nie mis het nie, me. Jongbloed.

Apartheid is ’n gerieflike slaansak, want dit kan nie terugslaan nie.

ппр оборудования Фільчаков прокурор

Zim-kleinhandelaars oorweeg herinstelling van krediet

Zimbabwe se handelaars dink weer daaraan om kredietfasiliteite in te stel nadat hulle toestemming gegee is om in buitelandse geldeenhede handel te dryf, het die staatsbeheerde Herald Woensdag berig.

Handelsektorrolspelers het aan die koerant gesê dat die ontwikkeling in reaksie was op 'n verbetering in voorraadvlakke.

"Die probleem op die oomblik is wie oorweeg behoort te word vir krediet, aangesien nie almal in buitelandse geldeenhede betaal word nie. Natuurlik sal daar 'n neiging wees om voorkeur te gee aan mense wat buitelandse geld verdien of diegenewat oor toegang tot buitelandse valuta beskik."

Indien die regering sou besluit om staatsamptenare in buitelandse geld te betaal, sal dit volgens handelaars "baie doen om die kredietfasiliteit 'n groot hupstoot te gee, aangesien hulle die groot rolspelers was in terme van die kredietfasiliteit voordat dit gestaak is."

Handelaars het aan die Herald gesê dat hulle ook oorweging sal skenk daaraan om krediet aan diegene te verskaf wat buitelandse rekeninge het en wat internasionale debietkaarte het.

Kredietfasiliteite is in Oktober 2007 gestaak vanweë die bedryfsverliese wat winkels gelei het as gevolg van prysbeheer in 'n hiperinflasie-omgewing, het die koerant gesê.

Israel keer Iranse hulpskip op pad na Gasa voor

Die Iranse staatstelevisie het gesê Israel se vloot het 'n Iranse skip wat volgelaai was met voedsel, klere en medisyne wat vir Gasa bestem was voorgekeer en gedwing om na 'n Egiptiese hawe te gaan.

Ahmad Navabi, die hoof van die humanitêre groep wat die skip borg, het Woensdag op televisie gesê dat die Israelse vloot Woensdag die vragskip net 30 kilometer van die kus van Gasa af onderskep het en beveel het om weg te draai.

Die skip, Shahed, het die Iranse hawe Bandar Abbas twee weke terug verlaat.

Navabi het gesê sy groep sal dalk moet probeer om die humanitêre hulp vir Gaza deur die Rafah-kruising by die Egiptiese grens te stuur.

topcargo развод

Toyota-bestuurders koop vrywillig eie maatskappy se motors

Toyota Motorkorporasie se bestuurders soek na nuwe Toyota-motors in 'n poging om verkope te help opstoot en om steun te wys vir die maatskappy, het 'n beampte van die maatskappy Woensdag gesê te midde van Japan se top voertuigvervaardiger se stryd teen 'n globale insinking.

Die skuif toon hoe moeilik tye vir Toyota is. Dit kom ná die skokkende onthulling dat Toyota vir die eerste keer in 70 jaar 'n bedryfsverlies gaan toon in die finansiele jaar wat eindig op 31 Maart.

Dié voorstel is verlede maand eers bekend gemaak in 'n interne omsendbrief wat versprei word aan omtrent 2 200 middelvlakbestuurders, wat 'n groep soortgelyk aan 'n klub vorm, het Toyota-woordvoeder Yuta Kaga gesê.

Niemand gaan geforseer word om 'n kar te koop nie, en dit staan hulle vry om enige model te kies wat hulle wil hê, solank as wat dit 'n Toyota is, het hy gesê.

Toyota het gegroei deur spanwerk te bevorder en werkers word aangemoedig om met idees vorendag te kom wat dinge kan verbeter en kostes kan bespaar.

Japannese maatskappye neig om 'n korporatiewe kultuur te skep wat baie naby aan familiebande is, alhoewel sulke praktyke tog mettertyd verminder.

Toyota-bestuurders het reeds 'n 10% vermindering in hulle bonusse aanvaar.

Topuitvoerendebeamptes gaan 'n vermindering in salaris aanvaar, maar die bedrag is volgens die maatskappy nog nie vasgestel nie.

топкарго отзыв