Nuus – Bladsy 267 – praag.co.za

Frontex hou Afrikane uit die EU

Onwettige immigrantejag

Honderd-agt-en-tagtig onwettige immigrante is Dinsdag in die kuswater van Gambië aangekeer deur Afrikane wat vir die EU se Frontex-organisasie diens doen aan die weskus van Afrika. Dit bring die syfer op 300 onwettige immigrante binne drie dae in dieselfde gebied.

‘n Senegalese polisiewoordvoerder wat namens Frontex optree, het bevestig dat die onwettige immigrante op ‘n houtskuitjie na Europese grondgebied onderweg was toe hulle deur ‘n Spaans-Senegalese patrollie aangekeer is.

"Tussen hulle is 118 Senegalese, 61 uit Guinee-Bissau en 9 Guineërs. Hulle het vanaf Casamance (die suide van Senegal) vertrek minder as twee dae gelede," het die woordvoerder gesê. Die onwettige immigrante is na Dakar geneem waar hulle aan ‘n internasionale organisasie oorhandig is. Die vier Senegalese mensesmokkelaars sal, na wat verneem word, nie aangekla word nie en is reeds vrygelaat.

Senegal is een van die grootste uitvoerders van onwettige immigrante wat vanaf dié land probeer om Spanje se Kanariese Eilande te haal om sodoende toegang tot die vleispotte van Europa te verkry. ‘n Soortgelyke operasie het op 18 Augustus byna ‘n honderd onwettige immigrante opgelewer, volgens die Senegalese polisie.

Frontex, wat sedert 2006 in samewerking met Wes-Afrika probeer om die Spaanse kus vir onwettige immigrante ontoeganklik te maak deur patrollies, meen dat hulle sukses behaal en Dakar en Madrid het aangekondig dat hulle hul gemeenskaplike poging sal verleng tot Julie 2008. Die hoofkwartier van die Frontex-organisasie is in Warskou en dit is in die lewe geroep om te probeer om die onwettige immigrasiestroom af te sny sodat swart Afrikane Europa nie per see of lug kan bereik nie.

Tans is twee patrolliebote, ‘n vliegtuig en Spaanse helikopter, asook ‘n Italiaanse vliegtuig ter beskikking gestel om Senegal se kus te bewaak en te keer dat onwettige immigrante Europa bereik. Verlede jaar is meer as 31 000 klandestiene reisigers geregistreer. Danksy verskerpte maatreëls is die aantal onwettige immigrante vir die eerste kwartaal egter laer as verlede jaar.

юбки для девочек

Twee derdes van Nederland ten gunste van eenwording

AMSTERDAM – Twee derde van de Nederlanders ziet een samenvoeging van Nederland en Vlaanderen wel zitten. Ruim 85 procent is voor intensievere samenwerking met de Belgen. Dat blijkt dinsdag uit een onderzoek dat TNS Nipo in opdracht van RTL heeft uitgevoerd.

In België woedt een politieke discussie over het hervormen van Vlaanderen en Wallonië.

Meer dan 60 procent van de ondervraagden denkt dat beide landen beter worden van een fusie. Een op de vijf Nederlanders denkt dat Nederland en Vlaanderen na samenvoeging geleid moeten worden door de Oranjes.

Afschaffing van beide koningshuizen is volgens 16 procent de beste optie. 17 Procent denkt dat beide landen hun eigen koninklijke familie moeten behouden.
Zelfstandig

Ongeveer vijf van de zes respondenten (83 procent) denkt dat België zelfstandig blijft voortbestaan. Ongeveer 14 procent denkt dat dit niet het geval is. Een kwart van de Nederlanders denkt dat Vlaanderen en Wallonië gescheiden moeten worden.

тамбов ик лобановский депутат

Re?nmakerery in Senegal

Senegal eksperimenteer sedert 2005 met reën op aanvraag. Dié program word ondersteun deur Marokko om die onvoorspelbaarheid van buie te probeer oorkom, maar navorsers en boere bly skepties oor die werklike impak.

Nadat Senegal ‘n 2002 ‘n slegte seisoen beleef het, "het president Abdoulaye Wade aan Marokko gevra om te help met reën op aanvraag," verduidelik Chérif Diop, hoof van weerkundige navorsing. Die program heet "Bawaan" wat "nuttige reën" in Wolof, die grootste taal in Senegal, beteken.

Dit is daarop gemik om voedselsekuriteit in Senegal te bevorder omdat weersomstandighede in die land nie altyd geskik is vir landbou nie. Senegal se ekonomie bestaan hoofsaaklik uit landbou en voedsel moet ingevoer word om aan die aanvraag te voldoen.

Reën word gemaak deur wolke mbv vliegtuie in die lug of generators op die grond te "bombardeer". ‘n Radar in die noorde by Linguère "wat feitlik die hele land dek met ‘n reikafstand van 480km" volgens Diop, bepaal die chemiese en fisiese eienskappe van wolke, hul ewolusie en die hoeveelheid water.

Die reënmakerprogram, wat deur 8 van die 11 lande in die streek van stapel gestuur is, het 23 operasies tussen Julie en Augustus onderneem teenoor die 35 in dieselfde tyd verlede jaar. Die sones in die noordelike dele wat baat by geïnduseerde reën se reënvalsyfers is bogemiddeld terwyl droogte die suide teister.

"Ons dink bogemiddelde reënval in die noorde en die sentrum is verwant aan operasies in dié gebied," verseker Diop sy gehoor. Volgens kenners is dit nietemin nie so voorspelbaar nie, want dit is nooit heeltemal seker of dit wel na afloop van ‘n operasie sal reën nie.

Vir die sekretaris-generaal van die Nasionale Raad vir Landelike Oorlegpleging (CNCR), Baba Ngom, is reënmakery nie "realisties" nie en wil hy niks daarmee te make hê nie. Watervore is volgens hom die antwoord en moet ‘n mens "die Senegalrivier aanwend want miljoene kubieke meter water vloei jaarliks in die see weg."

Senegal het reeds in die sestigerjare met reënmakery geëksperimenteer sonder sukses. Ten spyte daarvan glo weerkundige direkteur Matra Ndiaye, dat die werklike impak van die nuwe eksperiment wat in 2005 begin is, eers in 2010 gemeet sal kan word.

Hy het egter toegegee dat die VSA, Israel, Frankryk en Spanje al enorme bedrae op reënmakery bestee het sonder dat dit veel opgelewer het en "sonder dat die nut daarvan bewys is."

"Die grootste uitdaging is om die impak wat verkry kan word deur wolke te teiken te begryp. Sou die wolke sonder ingryping dieselfde resultate gelewer het?" wonder Ndiaye hardop.

free football bet no deposit required

Duitse kermisgangers verdryf Indi?rs

Welkom in M?geln…

‘n Kermis in die dorpie Mügeln, naby Leipzig in die ooste van Duitsland, het Saterdag vir agt Indiërs in ‘n nagmerrie verander. Nieu-Delhi het die Duitse regering intussen amptelik oor die insident genader en by monde van die Indiese ambassadrise Meera Shankar gevra om "maatreëls in te stel […] om soortgelyke voorvalle in die toekoms te verhoed." Berlyn het geen besonderhede rakende die versoek bekendgemaak nie.

Die burgemeester van Mügeln, Gotthard Deuse, het die Indiërs uitgenooi om deel te neem aan die kermis. Hulle is almal vlugtelinge of handelaars en bedryf glo ‘n klerestalletjie by die weeklikse mark. Vyftig Duitsers het na bewering op ‘n agttal Indiërs toegesak nadat ‘n onderonsie ná middernag by een van die kermisfeestente buite beheer geraak het.

Die Indiërs is met bottels en vuiste uit die dorpie met sy sowat 4 700 inwoners verdryf. Dit het 70 polisieamptenare gekos om die 50 Duitsers tot bedaring te bring. Een Duitser en een Indiër is in die hospitaal opgeneem en talle beseer. ‘n Skare kermisgangers het die geveg met belangstelling gevolg en volgens die koerant, die Leipziger Volkszeitung, allerlei anti-vreemdeling krete van hulle laat hoor.

Die Indiërs het eers in ‘n Pizzeria gaan skuiling soek. Die Pizzeria behoort aan ‘n Indiër wat ‘n goeie vriend van die burgemeester is. Die groepie woedende plaaslike inwoners het egter die deur afgeskop en die vlugtendes agterna gesit. Hulle het ook die eienaar se motor beskadig. Twee Duitsers, een van 21 en die ander van 23, is ondervra maar is weer vrygelaat.

Sakse is die deelstaat waar die meeste soortgelyke insidente gerapporteer word ten spyte van die klein aantal buitelanders wat daar woon. Uwe Karsten Heye, voorsitter van die organisasie Gesicht zeigen! [Gesig wys!], wat opslae gemaak het omdat hy voor die Sokkerwêrldbeker na ‘no-go’ areas vir buitelanders met ‘n donker huidkleur verwys het, sê hy is weer eens reg bewys.

Die verregse party, die NPD, het in 2004 tydens die streekverkiesings in Sakse 9% behaal, die hoogste in Duitsland. Die burgemeester het egter benadruk dat daar geen regse groeperinge in sy dorpie is nie en dat naburige dorpe dalk betrokke kan wees. Een van die slagoffers, Singh Gorvinda, het ook bevestig dat hy nog nooit voorheen ‘n probleem in die dorpie teëgekom het nie.

yeella.com Фильчаков прокурор

‘Vlaams Parlement moet onafhankelijkheid afkondigen’

Vlaams Belangfractieleider Filip Dewinter wil dat het Vlaams Parlement, zonder nog te wachten op federale onderhandelingen, zelf zijn autonoom statuut afkondigt en in een referendum aan de Vlaamse bevolking voorlegt. «Het Catalaans Parlement heeft dat gedaan en de Spaanse federale overheid heeft er zich achteraf bij neergelegd. Ik vraag vandaag aan voorzitter Marleen Vanderpoorten om het parlement met dat doel vervroegd bijeen te roepen», zegt Dewinter.

«Elk volk, ook het Vlaamse, heeft het recht om zijn toekomst in handen te nemen», aldus Dewinter. «Ik stel voor dat het Vlaams Parlement de eigen resoluties van acht jaar geleden zou toepassen en de bevoegdheid over die materies zou overnemen. Als de Franstaligen toch niet willen praten over onafhankelijkheid, is het tijd om onze tanden te laten zien. Eén keer zou volstaan om hen op andere gedachten te brengen, geloof me vrij. Ze hadden al schrik van een fictieve tv-uitzending. Laten we het RTBF-scenario dus maar eens uitproberen.»

Dewinter vindt het geen probleem dat daarmee de grondwet zou geschonden worden. «In 1830 heeft België zich ook niet gestoord aan de Nederlandse grondwet. Nog maar pas heeft de federale regering de grondwet niet uitgevoerd inzake Brussel/Halle-Vilvoorde. Als de Vlamingen zich in een referendum uitspreken, zal geen politicus dat nog tegenspreken. De Franstaligen zouden daarna heel wat minder noten op hun zang hebben. Zie het maar als een stok achter de deur. Vlaanderen moet een beetje meer Tijl spelen en wat minder Lamme Goedzak.»

бани Данильченко

Plakkers swaai die septer

Ons het reg op jou voorstoep…

Die Pretoriase hooggeregshof het gister die polisie beveel om vandag 50 plakkershutte, wat hulle verlede week op ’n stuk onbewoonde grond vernietig het, te herbou. Die aansoek is namens die plakkers ingebring deur ’n organisasie genaamd Tswelopele Step by Step.

Die polisie het verlede week opgedaag by die stuk grond op die hoek van De Villebois Mareuil-rylaan en Garsfonteinweg, skuins oorkant die Woodhill-landgoed in Pretoria, waar hulle die hutte afgebrand en die inwoners verjaag het.

Volgens regter Roger Claassen het die polisie onwettig opgetree. Die Tshwane-metroraad, die departement van binnelandse sake en die polisie het naamlik in Mei vanjaar reeds opdrag van die appèlhof ontvang om die plakkers se hutte te herbou, ná vroeëre optrede deur die polisie, wat hulle van die grond verwyder het. Ingevolge hierdie hofbevel moes die drie partye “tydelike huisvesting oprig wat aan die mense skuiling, privaatheid en aangenaamheid gelykstaande aan die vorige nedersetting sal bied.” Daar het egter niks gebeur nie, aangesien die Tshwane-metroraad huiwerig was om die hofbevel uit te voer. Die polisie het dus ’n tweede keer toegeslaan, voor die eerste hofbevel nog uitgevoer is.

Tswelopele Step by Step word bedryf deur ene Colin Dredge en sy vrou Denise. Hulle maak staat op donasies uit die Christelike gemeenskap om haweloses te help. Hulle deel kos uit en sien om na plakkers wat in die oop stukke veld in Pretoria se voorstede bly. Sondae hou hulle kerkdienste vir dié groepe, in die veld. Colin Dredge voel sterk daaroor dat die plakkers oorkant Woodhill die volste reg het om daar aan te bly. Volgens hom is dit nutteloos om die polisie vir skadevergoeding te dagvaar, aangesien die proses te lank sal neem en die plakkers se besittings in elk geval nie veel werd is nie. “Al wat hierdie mense wil hê, is ’n dak oor hulle koppe,“ meen hy.

free slot machines

Tokyo kritiseer sy kamarade

Tokyo Sexwale

Tokyo Sexwale, wat onlangs sy presidensiële ambisie bekend gemaak het, het Vrydag die huidige situasie in die ANC gekritiseer. Volgens hom word die klimaat binne die party gekenmerk deur “karaktermoord, smeerveldtogte, moddergooiery, fluisterveldtogte en die verspreiding van gerugte.”

Sexwale het by ’n fondsinsamelingsdinee van die ANC-jeugliga opgetree. Volgens hom dra nie een van bogenoemde aspekte by tot “die soeke na beter lewenskwaliteit vir al ons burgers nie.” Hy is aan die einde van sy toespraak luid toegejuig. Hy het die gaste daaraan herinner dat diegene wat Chris Hani destyds vermoor het, die land in chaos wou dompel. Hy het dit vergelyk met wat nou in die ANC-alliansie aan die gang is. “Hoekom doen ons dit aan onsself?” wou hy weet.

Die voormalige Gauteng-premier en sakeman het verder beklemtoon dat baie ander ANC-leiers betrokke was in die sakewêreld, soos hyself. Albert Luthuli was byvoorbeeld voorsitter van die Afrika Suikerboervereniging en Walter Sisulu het ook sakebelange gehad. “So, ons hou van sakemanne in die ANC,” het hy gesê.

Hy het nie in sy toespraak na sy presidensiële ambisie verwys nie. Hy meen die ANC staan tans voor ’n keuse: hulle kan in ’n gekkeparadys lewe of aandag gee aan kwessies soos “faksievorming, etniese tendense, provinsialisme, streeksverbondenheid en etnisiteit.“

Alhoewel hy nie direk verwys het na Thabo Mbeki of Jacob Zuma nie, het Sexwale gesê “die uitruil van beledigings in die openbaar, afkrakende kommentaar en soortgelyke afbrekende openbare optrede deur leiers wat ’n voorbeeld behoort te stel, moet vinnig in die kiem gesmoor word.“ As dit nie gebeur nie, sal die ANC volgens hom die respek en vertroue van hul ondersteuners verloor.

Sexwale meen voorts dat, in die lig van die huidige klimaat in die party, mense nie verbaas moet wees oor die “toename in gewaagde massaprotes en die ontstellend gewelddadige betogings en ander vorme van onwettige optrede wat deur kwellinge oor dienslewering veroorsaak word nie.“ Hy het verwys na die situasie in Khutsong waar “ons skynbaar beheer verloor het.“

Wat die ANC se nasionale konferensie in Desember betref, meen Sexwale dat mense moet besef dat daar nie ’n superster verkies gaan word wat met ’n towerstaffie al die party se probleme gaan oplos nie. Wat belangrik is, is dat leiers verkies word wat die uitdagings verstaan en “wat altyd onthou dat dit nodig is om ’n beter lewe vir almal te skep.“

центробежный насос Фильчаков

SAOG-intervensiemag vir 2010 voorsien

Kabila, Mugabe, Kikwete

Suider-Afrika gaan ‘n mag op die been bring wat vinnig ontplooi sal kan word. Dit is by die afgelope spitsberaad van die SAOG-lande in Lusaka ooreengekom. Besluite oor mediasie vir die krisis in Zimbabwe wat ook op die agenda was, is volgens die Gemeenskap met welslae afgehandel.

Die brigade wat op snelle intervensie gerig sal wees, sal observasie- en toesig-operasies onderneem. Hulle sal ook vredes- en stabiliseringsmissies behartig en intree met "vredestigtingsoperasies". Die aankondiging is deur Zambië se staatshoof, Levy Mwanawasa, gemaak wat tans as voorsitter van die Gemeenskap dien.

Die mag sal ontwapening kan afdwing in konfliksituasies en van hulp wees tydens natuurrampe. Die mag sal bekendstaan as die FAA en sal deur die AU gedra word. Die oprigting word vir 2010 beplan. Dit sal een van vyf magte wees op die kontinent wat vyf groot streke, naamlik Noord, Oos, Wes, Suid en Sentraal, sal bedien.

Elke eenheid sal in sy land van herkoms bly. Suid-Afrika, Angola, Bostwana, Lesotho, Malawi, Mauritius, Mosambiek, Namibië, DRK, Swaziland, Tanzanië, Zambië en Zimbabwe vorm deel van die mag. Net Madagaskar sal nie deelneem nie omdat die land oor geen weermag beskik nie.

Robert Mugabe, 83 jaar oud en 27 jaar aan bewind, het nie Vrydag se afsluiting bygewoon nie. Daar was geen amptelike verklaring vir sy afwesigheid nie. Geen noemenswaardige kritiek is teen Zimbabwe uitgespreek nie.

Eduardo Dos Santos is deur die Gemeenskap gevra om verkiesings in sy land te oorweeg. Sedert 1975, die jaar waarin Angola onafhanklik geword het, was daar nog geen demokratiese verkiesings in die land nie terwyl internasionale druk op elke ander land in die Gemeenskap toegepas is oor die aangeleentheid. Lesotho se eerste minister, Pakalitha Mosisili, het gesê hy hoop verkiesings vind eersdaags in Angola plaas.

игры для дивчаток топкарго отзывы

Vakansie met ?n verskil

Sean Cooley het besluit om in ’n luukse hotel in Kwazulu-Natal te gaan uitspan toe dinge lelik vir hom skeefgeloop het. “Dit klink soos iets wat jy in ’n film sien – jy gaan na ’n hotel om vakansie te hou, word ontvoer en dan 100 km verder afgelaai,” het hy gister gesê, veilig terug by sy huis in Bryanston, Johannesburg.

Cooley se ongelukkige ervaring het verlede Sondagaand begin toe nege mans, gewapen met ’n AK-47, ’n haelgeweer en 9 mm pistole kort voor middernag in Mkuze by die viersterhotel, Ghost Mountain, opgedaag het. Hulle het Cooley se Landrover Freelander geneem, asook ’n ander gas se minibus. Hulle het die ontvangsdame toe gedwing om die voertuigeienaars wakker te maak. “Ons het ’n oproep van ontvangs gekry om te sê ons moet die motoralarms kom afskakel,” vertel Cooley. Toe hy, ’n vriend en die minibuseienaar by die ontvangsarea instap, is hulle onmiddellik deur die nege boewe omring. Hulle kamers is ook deurgegaan. Die motorsleutels en ’n klomp ander items is gesteel.

Meer as ’n uur later was die diewe uiteindelik gereed om met die gesteelde motors asook die hotel se twee viertrekvoertuie vir wildbesigtiging te vertrek. Die drie hotelgaste, die ontvangsdame en drie veiligheidswagte is in die minibus geboender. Die konvooi het toe teen ’n ongelooflike snelheid na die Mosambiekse grens gejaag, sowat 150 km verder. “Hulle het die hele tyd teen 160, 170 km op daardie vreeslike pad gejaag,” vertel Cooley. “Hulle het gesê: ‘Vanaand gaan julle dood.’”

Teen 02:30, naby die grens, het die konvooi verby ’n polisiepatrollie verbygery. Die polisie het agtergekom daar is fout en die konvooi motors agternagesit. Die boewe het toe die pad verlaat, die voertuigligte afgeskakel en gevlug. Die sewe ontvoerdes is ongedeerd gevind en die polisie het hulle na die naburige polisiestasie geneem. Al die voertuie en sommige van die gesteelde items is teruggevind.

Cooley is krities oor die gebrek aan patrollies op die Mosambiekse grens. “Waarom word die grens nie behoorlik gepatrolleer nie? Die polisie het aan ons gesê dat daar nie eers ’n heining is nie. Ons kan troepe na die DRK stuur, maar kan nie ons eie grense patrolleer nie.“ Die polisie het voorts vir Cooley gesê dat alhoewel ontvoerings nie algemeen is nie, motordiewe gereeld voertuie in Gauteng steel of kaap en dan “vier of vyf keer ’n nag“ die grens oorsteek om die motors in Mosambiek te verkoop.

справка форма

Die internet kan die einde van koerante meebring

Die Universiteit van Harvard se Shorensteinsentrum het pas ’n verslag gepubliseer waaruit dit blyk dat mense toenemend van die internet gebruik maak om op hoogte te bly van nuusgebeure en hulle dus minder op die koerante en televisie verlaat. Dit kan uiteindelik die koerantwese ’n ernstige knou toedien.

Volgens professor Thomas Patterson het koerantsirkulasie in die VSA in 2006 met drie persent gedaal. Televisie het ’n miljoen kykers verloor. Tussen April 2006 en April 2007 het besoeke aan webwerwe wat nuus plaas, skerp toegeneem. ’n Webwerf soos digg.com, waar besoekers die inhoud kan bepaal, het byvoorbeeld in 2006 met twee miljoen gebruikers begin en het nou vyftien miljoen lojale aanhangers.

Ander aanlynnuuswebwerwe het ook groei getoon. Gemeenskapswebwerwe se gebruikers het met 14% gestyg en woernaalwebwerwe het 6% groei getoon. Google, Yahoo, AOL en MSN se webwerwe het gesamentlik meer as 100 miljoen maandelikse besoekers. Die groot TV-netwerke se webwerwe kry maar gesamentlik sowat 6,4 miljoen besoekers per maand. Koerante soos die New York Times en Washington Post kry saam sowat 8,5 miljoen gebruikers per maand. Koerante in kleiner stede sukkel egter toenemend om die mas op te kom en selfs hulle webwerwe, wat reeds lesers van die harde kopie weergawes afgerokkel het, sukkel.

Volgens die Harvard-verslag sal kleiner koerante na alles waarskynlikheid dus in die stof byt.

Zuma se waarskuwing

Die voormalige adjunkpresident, Jacob Zuma, het Sondag gewaarsku dat ’n heksejag teen persone uit die vorige politieke bedeling “probleme” kan skep. Hy het net buite Durban opgetree tydens die onthulling van ’n monument ter ere van UDF en ANC-aktiviste wat tydens politieke geweld dood is.

Die uitdaging vir die Nasionale Vervolgingsgesag én die land is om by die waarheid uit te kom, maar terselfdertyd nie versoening te benadeel nie, het Zuma gesê. Sy waarskuwing kom net nadat AZAPO ’n beroep op die regering gedoen het om “apartheidsluipmoordenaars“wat deur die WVK “vrygespreek“ is, te vervolg.

AZAPO wil ook hê dat FW de Klerk vervolg moet word. Volgens hulle kon hy “as die hoofskakel in die apartheidsbevelketting“ nie voorgee dat hy nie bewus was van apartheidsmisdade nie. “Wanneer iemand volksmoord pleeg, moet ons hom nie op mindere klagtes verhoor nie,” lui die AZAPO-verklaring.

FW de Klerk het verskeie koerante met regsaksie gedreig ná berigte dat hy moontlik betrokke sou wees by apartheidsmisdade.

Volgens Mbeki se kantoor hou die onlangse besluit om Adriaan Vlok en Johan van der Merwe te vervolg geen gevaar in vir die versoeningsproses in die land nie. Die riglyne wat die Nasionale Vervolgingsgesag tans volg is deur die kabinet goedgekeur en reeds deur die parlement aanvaar, het ’n presidensiële woordvoerder gesê.

дровяные камины

Alexander Forbes is ‘rassiste’

Die Black Management Forum (BMF) het gister te velde getrek teen die aanstelling van Bruce Campbell as uitvoerende voorsitter van Alexander Forbes om “’n ogie te hou” oor Peter Moyo, die uitvoerende hoof van die maatskappy. Volgens die BMF is dit ’n voorbeeld van “diepgewortelde rassisme.”

Jimmy Manyi, voorsitter van die organisasie, meen Campbell se aanstelling is “’n belediging vir swart mense oor die algemeen en vir Peter Moyo in die besonder.”

Alexander Forbes is die land se grootste pensioenfondsadministrateur. Manyi meen die instelling maak hom skuldig aan die soort rassisme wat swart mense as “inherent minderwaardig, middelmatig en onbekwaam“ tipeer. Steven Friedman, analis van IDASA, stem met hierdie kritiek saam. “Daar is ’n wydverspreide geloof dat die aanwesigheid van swart mense in die sakewêreld net vertoon is,“ het hy gister gesê.

Die aktivis en politieke kommentator Rhoda Kadalie meen egter die aanstelling van Campbell het niks met rassisme uit te waai nie. “Mens gaan tog vir die beste.“ Volgens haar laat die kwaliteit van aanstellings in Suid-Afrika veel te wense oor omdat mense slegs op grond van hulle ras aangestel word.

In Mei vanjaar het Manyi, wat ook voorsitter is van die Gelyke Indiensnemingskommissie, die nuus gehaal toe hy gesê het dat dit ’n mite is dat daar ’n gebrek aan vaardighede by swart mense is. Hy het gister tydens ’n toespraak in die parlement sy stelling herhaal. Volgens hom word bestaande vaardighede net nie reg aangewend nie.

Bruce Campbell was vroeër verbonde aan Mutual & Federal. Die besluit om hom aan te stel, is deur Actis gemaak. Actis het onlangs Alexander Forbes aangekoop in ’n transaksie wat R8,4 miljard werd was.

Actis wou nie op die redes vir Campbell se aanstelling kommentaar lewer nie.

воздуходувки robuschi

Mugabe gul ontvang

‘n Helde-ontvangs

Robert Mugabe is vandag gul ontvang met die opening van die Suider-Afrikaanse Ontwikkelingsgemeenskap se spitsberaad in die hoofstad van Zambië, Lusaka. Levy Mwanawasa, voorsitter van Malawi, het deelnemers gemaan om nie Zimbabwe se krisis buite verband te ruk nie en om die politieke en ekonomiese probleme "in gedagte te hou".

Die waarderende gehoor het lank hande geklap toe Mugabe sy verskyning in die saal gemaak het. Die spitsberaad duur twee dae en word deur die staatshoofde van al die SAOG-lande bygewoon.

Die lande in die Gemeenskap is al by verskeie geleenthede gekritiseer omdat hulle nie ferm genoeg teen Mugabe optree nie. Alhoewel Mwanawasa Zimbabwe met die Titanic vergelyk het, het hy gevra dat Zimbabiërs "saamstaan om hul onafhanklikheid te beskerm".

"Vrede en stabiliteit moet ten alle koste bewaar word," het die Zambiese president aan die hand gedoen. Die Gemeenskap het Thabo Mbeki in Maart afgevaardig om weer met Zimbabwe in gesprek te tree. Die sekretaris-generaal Tomaz Salomao van Mosambiek, is by dieselfde geleentheid gevra om ‘n ekonomiese verslag oor Zimbabwe op te stel.

Waai vir Mugabe

Mbeki en Salomao sal tydens die spitsberaad verslag doen aan die Gemeenskap. Woensdagaand het Salomao aan die pers te kenne gegee dat Westerse sanksies deels verantwoordelik is vir die haglike toestande wat in Zimbabwe heers.

"Alhoewel die internasionale gemeenskap weier om dit te erken, funksioneer Zimbabwe met sanksies," het hy tydens ‘n nuuskonferensie gesê. Salomao het vertel dat hy met meer as ‘n 100 Zimbabwiërs uit alle sektore van die ekonomie onderhoude gevoer het en dat hulle sy aanname bevestig het.

Hy het ook bygevoeg dat dit uiters moeilik is om die ekonomie van die politiek te skei in die land en dat die twee verstrengel is. Die EU het in 2002 sanksies ingestel en die elite mag nie na Europa reis nie. Hul bankrekeninge is ook bevries. Wapenverkope aan Harare is verbode. Dieselfde maatreëls is deur die VSA aanvaar.

Patrick Chinamasa, minister van Justisie van Zimbabwe, het gesê dat sy land nie onregeerbaar is nie en dat soortgelyke stellings van alle waarheid ontbloot is. Hy het voortgegaan en gesê dat sy land ook geen politieke hervorming nodig het nie. "Ons het ‘n demokrasie soos al die ander. Ek sien nie ‘n stelsel wat meer regverdig en deursigtig is as ons s’n nie."

Malawi in ‘n krisis

Bingu wa Mutharika

President Bingu wa Mutharika van Malawi het gister gedreig om die parlement te ontbind indien die huidige begrotingskrisis nie binne die volgende twee dae opgelos word nie. Die debat oor die 2008/08-begroting, wat al aan die einde van Junie afgehandel moes word, is verlede maand opgeskort aangesien die opposisie daarop aangedring het om eers debat te voer oor die wyse waarop die regerende party van hulle lede afgerokkel het.

“Ek gee hulle twee dae – vandag (Dinsdag) en môre – en as hulle nie ernstig begin om die begroting te bespreek nie, gaan ek die parlement ontbind,” het die president in ’n toespraak gesê wat deur die staatsbeheerde radiostasie uitgesaai is.

Hy meen die parlement het “irrelevant” geword wat die ontwikkeling in Malawi betref. Parlementsleiers sou laat gistermiddag vergader om oor die dreigement te besluit. Goodall Gondwe, minister van finansies, het in ’n onderhoud met Reuters gesê dat Malawi gevaar loop om geld van buitelandse skenkers te verloor indien die huidige situasie voortduur. “Ons is in ’n finansiële krisis en verdere vertragings om die begroting goed te keur sal ’n katastrofe wees,” meen Gondwe.

Op 13 Augustus het die regering ’n voorstel deur die opposisie verwerp dat ’n tydelike begroting vir ’n periode van drie maande aanvaar word terwyl die dispuut oor partyoorlopers besleg word. Volgens die begrotingsontwerp vir 2007/08 sal meer geld aan landelike areas spandeer word, staatsamptenare sal verhogings kry en meer sal op die gesondheidsektor en voedselproduksie spandeer word.

Malawi maak in ’n groot mate staat op hulp van skenkers. Volgens Gondwe verwag Malawi om $500 miljoen van die buiteland te ontvang ten einde by hul nasionale begroting van $1,2 miljard uit te kom. Frustrasie het die afgelope tyd in Malawi toegeneem oor die parlement se vertragingstaktiek en duisende mense het reeds aan betogings deelgeneem.

Лобановский Харьков