beeld – Bladsy 24 – praag.co.za

Jan Publiek gefrustreer deur SA polisie

Suid-Afrikaners is baie gefrustreerd met die Suid-Afrikaanse polisiediens, het die parlement se openbare verhore vir die voorgestelde nuwe geïntegreerde strafregdiens gesê.

Hulle wil beter diens van die polisie ontvang, het die nasionale vergadering en nasionale raad van provinsies se komitees oor justisie, veiligheid en sekuriteitk, asook korrektiewe dienste gehoor tydens die verhore in al nege provinsies.

Probleme wat genoem is, sluit in polisiekorrupsie, die feit dat hulle nie reageer op oproepe vir hulp nie en die misbruik van amptelike voertuie, het 'n parlementêre woordvoerder Donderdag in 'n verklaring gesê, die dag ná die driemaandetydperk van verhore in die Wes-Kaap geëindig het.

"Ten spyte van baie klagte wat teen die polisie ingebring word, was daar ook 'n redelike klomp mense wat kan insien dat die polisie te min hulpbronne het en dat daar heelwat hardwerkende, eerlike polisiemanne is, waarvan somme ook in in die uitvoering van hul pligte hulle lewens opgeoffer het," het die woordvoerder gesê.

Die verhore is grootliks gefokus op 'n sewepuntplan om die strafregstelsel en die slagoffershandves te verander.

Die handves fokus op die regte van 'n slagoffer van misdaad en die verpligtinge van die staat teenoor die slagoffers.

топкарго

Sjina gaan in Afrika bly

Sjinese vlag wapper voortaan in Afrika

Sjinese sakeondernemings neem 'n langtermynsiening en volg strategiese uitbreiding in Afrika, selfs al het Sjina se beleggings op die kontinent so effens sy glans verloor tydens die onlangse afwaartse neiging van die globale ekonomie.

Beijing en Sjinese maatskappye het tienmiljarde dollar aan Afrika in die vorm van lenings en beleggings belowe, meestal om grondstowwe vir Sjina te bekom, wat die wêreld se vinnigste groeiende ekonomie is.

Daardie langtermynbelangstelling bly steeds staan, ten spyte van 'n wêreldwye ekonomiese insinking wat Sjina se uitvoere na ryk lande getref het en 'n afname in uitvoere van Afrika-minerale na Sjina.

Sjina-Afrikahandel het geklim met gemiddeld byna 30% per jaar die afgelope dekade en toegeneem tot amper $107 miljard in 2008.

Sjinese entrepreneurs soek nou na winskope, eerder as om teug te staan. Sjinese en Indiese firmas het belangstelling getoon om Zambië se topkobaltvervaardiger, Luanshya Copper Mines, oor te neem sedert werksaamhede in Desember gestaak is, het die Zambiese staatsmedia gesê.

In Suid-Afrika het Standardbank, wat self 20% besit word deur die Industriële en Kommersiële Bank van Sjina, verlede maand gesê dat hulle Sjinese mynkliënte adviseer ten opsigte van koopgeleenthede in Afrika en elders.

slots uk

Niekie van den Berg, jongste politieke nar?

Die nuus vandeesweek dat die omroeper Niekie van den Berg tot die politiek toetree as DA-kandidaat, beklemtoon die tekort aan enige geloofwaardige politieke leierskap in die land. Die DA moet werklik desperaat wees om die aanbieder van die "Sê wie"-program, wat as polities korrekte Afrikanerhater bekendheid verwerf het, op sy kandidatelys te plaas.

Ook in die ANC is daar natuurlik hordes sogenaamde parlementslede wat nie in staat is om op enige ander manier 'n salaris te verdien nie en gereeld gekke van hulself maak in hul openbare uitsprake. Diegene wat kraters van hulself maak, verteenwoordig miskien nog die room van die room, want 'n groot gros ander woon nie eens die parlement by nie of raak op die banke aan die slaap.

Moontlik sal Niekie van den Berg met sy domastrante menings wat op volslae onkunde oor die politiek en die geskiedenis gegrond is homself tuisvoel in die parlement, gegewe die materiaal wat reeds op die banke sit (of slaap). Dis egter nog nie 'n goeie rede vir 'n opposisieparty om so 'n nar as moontlike verteenwoordiger van kiesers te oorweeg nie.

обработка цена Данильченко

Withuis verander klerestyl

Obama, die president sonder baadjie

President Barack Obama is afgeneem in die Ovaalkantoor sonder sy pak se baadjie aan. Maar daar was 'n logiese verduideliking daarvoor: Obama wat nie van koue hou nie het die lugreëling se termostaat warmer gestel.

"Hy is van Hawaii afkomstig, reg?" het Obama se senior adviseur David Axelrod gesê. "Hy hou van die hitte. Mens kan orgideë daar binne groei."

Onder Bush se bewind was stiptelikheid belangrik. Vergaderings het vroeg begin – die voormalige president het eenkeer die minister van buitelandse sake, Colin Powell uit die Kabinetskamer gesluit toe Powell 'n paar minute laat was – en betyds geëindig. In die Obama-Withuis begin vergaderings op die regte tyd en eindig dikwels laat.

"Ek sal nooit vergeet nie, ek het een Saterdagoggend werk toe gegaan en is ingeroep Ovaalkantoor toe omdat hy ongelukkig was oor iets," het Dan Bartlett, 'n adviseur vir Bush gesê. "Ek het kakieklere aangehad en 'n hemp waarvan die kraag nie toegeknoop was nie, ek moes by die deur staan en is vir 15 minute uitgevreet en is nie toegelaat om oor die drumpel te tree nie."

Obama het ook 'n meer ontspanne gevoel in sy openbare verskynings. David Gergen, 'n adviseur vir beide Republikeinse en Demokratiese presidente, het gesê dat Obama 'n soort van "Aloha Zen" uitstraal, 'n soort van gemaklike kalmte, wat Gergen gesê het 'n man weerspieël wat "gemakliker is, en nie so vol van homself nie".

тамбов стенд

Japan stel 4 gevangenes tereg

Japan het vier dodeselgevangenes tereggestel by drie aanhoudingsentra volgens 'n mediaverslag.

Kyodo-nuusagentskap het gesê vier mans is Donderdag gehang by drie aanhoudingsentra, insluitend een in Tokio, ná 'n bevel van die minister van justisie, Eisuke Mori.

Japan het verlede jaar 15 mense tereggestel, insluitend twee moordenaars wat in Oktober gehang is.

депутат лобановский

Dodelike aanvalle werp lig op Indonesi? se mens-dierbotsings

'n Onlangse vlaag van dodelike aanvalle deur diere in Indonesië het die kollig gewerp op die toenemende konflik tussen mens en dier wat veroorsaak word deur die feit dat die land se woude vinnig kleiner word.

In die jongste aanval is twee vroue Dinsdag deur 'n paar olifante vertrap in Aceh-provinsie in die noordelike punt van Soematra. Die diere het 'n onwettig skoongemaakte veld vanuit die nabye woud binnegekom.

Die aanval, waarvan 6 ander mense nouliks met hulle lewens ontsnap het, het gebeur net dae nadat 'n rubbertapper volgens berigte deur twee skaars Soematraanse tiere doodgemaak is toe hy buite sy hut geurineer het in die Jambi-provinsie, ook in Soematra.

Die aanvalle word mens-dierbotsings genoem en dit is 'n toenemende probleem in Indonesië, 'n eilandnasie met sommige van die wêreld se grootste oorblywende tropiese woude en 'n groeiende bevolking van 234 miljoen mense.

Soos wat mense versprei in die voorheen onaangeraakte woude, word groot diere soos tiere, olifante en oerang-oetangs van die habitat ontneem wat nodig is om hulle bevolkings te dra, het Arnold Sitompul, die hoof van die omgewingsgroep Olifantforum aan AFP gesê.

mositaldent.ru лобановский харьков

Oorlogsvliegtuie tref Gasa se smokkel-tonnels

Israelse vegvliegtuie

President Obama se gesant vir die Midde-Ooste het Woensdag probeer om die 10-dae lange skietstilstand tussen Gasa en Israel te red wat nou in die gedrang is ná 'n Palestynse bom 'n Israelse soldaat doodgemaak het. Israelse oorlogsvliegtuie bombardeer nou die tonnels waardeur baie smokkelware in Gasa ingebring word.

Die Israelse kabinet het vergader om te bespreek hoe ver hulle sal gaan in reaksie op Dinsdag se bom. Die Amerikaanse gesant, George Mitchell, het gesê dit is kritiek dat die skietstilstand verleng word, toe hy Egipte se president ontmoet het voor hy na Jerusalem gegaan het.

Die geweld is die ergste sedert Israel en Hamas aparte skietstilstande afgekondig het op 18 Januarie om'n einde te bring aan die drie weke lange Israelse offensief teen die Palestynse militante groep in die Gasastrook. Sedert hulle soldate onttrek is, het Israel gedreig om baie hard op te tree teen enige verbreking van die informele skietstilstand.

Die soldaat is Dinsdag dood op Israel se grens met Gasa in 'n ontploffing van 'n bom wat langs die pad gestel was en met afstandbeheer afgesit is, het die weermag gesê. Drie ander soldate wat die gebied gepatrolleer het, is beseer.

Israel het vinnig gereageer en tenks en stootskrapers in noordelike Gasa ingestuur om die plek waar die ontploffing plaasgevind het, plat te stoot en 'n lugaanval geloods wat 'n Hamas-militant gewond het. Die militante Hamas-lid was prominent in die organisasie en verantwoordelik vir die aanval, het die weermag gesê. Hamas het gesê die Israelse aanval het een van hulle mense beseer wat op 'n motorfiets gery het in die stad Khan Younis in suidelike Gasa.

Lugaanvalle vroeg Woensdagoggend het die netwerk van tonnels wat gebruik word om wapens, geld en mense in Gasa in te smokkel vanaf Egipte as teiken gehad.

Daar was geen aanvaardings van verantwoordelikheid vir Dinsdag se bom nie, maar Ramattan, 'n Palestynse nuusagentskap het 'n video van die bomaanval vrygestel, wat na bewering geneem is deur militante wat nie geïdentifiseer is nie.

Die beeldmateriaal wys 'n groot ontploffing langs 'n Jeep wat aan die Israelse kant van die grens beweeg het. 'n Groot rookwolk het opgelig terwyl die Jeep gestop het. Twee Israelse soldate is daarna gesien dat hulle na die Jeep toe hardloop terwyl daar op hulle geskiet word voor 'n sekondêre ontploffing hulle getref het.

"Ongelukkig beheer Hamas die Gasastrook en is hulle direk verantwoordelik vir alle vyandige vuur vanuit Gasa op Israel," het 'n regeringswoordvoerder Mark Regev aan Associated Press gesê.

"Israel wil hê die vrede in die suide moet voortgaan, maar gister se bomaanval was 'n opsetlike provokasie bestem om die kalmte en vrede te ondermyn en te kelder," het hy gesê.

Die geweld werp 'n skaduwee oor die begin van Mitchell se toer. Obama het gesê sy gesant sal luister na albei kante en dan probeer om 'n benadering te prakseer te wat kan voortbeweeg met die sukkelende Israels-Palestynse vredespogings.

Bontpratery oor sportregulasies veroorsaak chaos

Die chaos wat veroorsaak is deur gemengde boodskappe oor die omstrede sportregulasies waaroor vandag berig is, is die resultaat van die ANC se bontpratery oor sport.

Die VF Plus-woordvoerder, Willie Spies, het gereageer op die herrie wat losgebars het nadat die adjunkminister van sport, mnr. Gert Oosthuizen, verkeerdelik te kenne gegee het dat die regering die omstrede sportregulasies wat die Sportminister tot ‘n sogenaamde “super keurder” proklameer, teruggetrek sou word. Beeld en Die Burger het vandag berig dat Oosthuizen te kenne gegee het dat die regering nie voortgaan met die omstrede regulasies wat sal neerkom op blatante regeringsinmenging in spankeuses nie.

Dit blyk nou dat Oosthuizen buite orde was en dat die regering wel van plan is om die regulasies deur te voer. Spies het gesê die herrie wat ‘n reuse verleentheid vir die regering kan raak, is die gevolg van die ANC se dubbelpratery oor omstrede sake. Die adjunkminister van sport speel lank reeds die rol van ‘n Judasbok wat minderhede moet oortuig dat die regering nie van plan is om met sport in te meng nie. Die adjunkminister het egter die rol nou te ver geneem en ‘n reuse verleentheid vir homself en die Sportministerie veroorsaak.

Die VF Plus het reeds meer as ‘n jaar gelede aan die regering kennis gegee dat enige poging van die minister om uitvoering te gee aan sy ingrypende magte wat die omstrede sport en ontspanningswet aan hom verleen, met ‘n internasionale veldtog by internasionale sportbeheerliggame begroet sal word. Die party staan by hierdie dreigement en sal die beoogde regulasies fyn dophou.

mega joker

Swaardmoordenaar in hof op Krugersdorp

Die beweerde swaardmoordenaar, Morne Harmse het Woensdag in die Krugersdorpse landdroshof verskyn. Die akte van beskuldiging is aan hom oorhandig, terwyl hy dit sonder emosie ontvang het.

Harmse, wat klaarblyklik 'n samoerai-swaard gehad het en 'n masker gedra het, staan daarvan beskuldig dat hy die 16-jarige Jacques Pestorius vermoor het by die Nic Diederichs Tegniese hoërskool op 18 Augustus 2008.

Hy het ook klaarblyklik 'n ander leerling en twee tuiniers gesteek en gewond. Harmse se saak gaan nou in die Johannesburgse Hooggeregshof verhoor word.

Harmse word aangekla van moord en poging tot moord.

Gedurende sy laaste hofverskyning in November verlede jaar het Dolph Jonker, prokureur vir die verdediging aan joernaliste gesê dat 'n borgaansoek vir Harmse laat vaar is, omdat dit nie sou slaag nie.

"Daar is nie baie hoop vir borg nie, maar miskien in die toekoms," het Jonker gesê.

Op daardie stadium was Harmse beskryf as dat hy in 'n goeie gemoed was, en dat hy "meer spraaksaam" was.

Voorheen het Harmse twee maande se sielkundige evaluasie ondergaan by Sterkfontein hospitaal, waarna hy geskik verklaar is op tereg te staan.

uniel линейные

Regering trek omstrede sportwetgewing terug

Die regering het 'n omstrede sportregulasie, wat aan die minister van sport, Makhenkesi Stofile, die mag sou gee om spanne te kan kies, teruggetrek, het Beeld Woensdag berig.

"Die regulasie sou effektief aan Stofile die mag gee om te kan sê wie as losskakel vir die Springbokke sou speel, of wie die openingsbouler sou wees vir die Proteas," het die Afrikaanse dagblad 'n senior regeringsbron aangehaal.

Die regulasies is in Desember aan sportfederasies gegee en die afsnydatum vir kommentaar was kort ná Kersfees.

Die voorstel is gepubliseer as 'n bylaag by die bestaande wetgewing oor sport en ontspanning, is Beeld Dinsdagaand meegedeel ná die regulasie teruggetrek is.

Die SA Rugby-president, Oregan Hoskins, het gesê die regulasie is heeltemal onaanvaarbaar.

"Ek het my reg om spanne te verander lank reeds prysgegee, sodat die finale besluit by die afrigter kan berus. Nou kan die regering kom besluit wie speel en wie nie?" het Hoskins gesê.

набор детской посуды Лобановский Харьков

Drie ontsnapte gevangenes doodgeskiet in Ooskaap

Drie ontsnapte gevangenes in die Oos-Kaap is deur die polisie opgespoor en doodgeskiet, terwyl een gevangene steeds op vrye voet verkeer, het die polisie Woensdag gesê.

'n Woordvoerder, superintendent Mzukisi Fatyela, het gesê drie van die mans wat Vrydag uit aanhouding ontsnap het, is opgespoor ná die polisie 'n wenk ontvang het dat die mans dalk in Ngcobo weggekruip het.

Die vier was verhoorafwagtend vir misdade wat gewissel het van gewapende roof tot moord toe hulle Vrydagmiddag uit aanhouding ontsnap het. Ten tyde van die ontsnapping was die polisie besig om hulle te vervoer van van die Elliotdalehof, nie ver van Mthatha nie, na die Wellingtongevangenis.

Die polisie het Dinsdagmiddag na die drie mans se beweerde wegkruipplek in Ngcobo gegaan. Toe die polisie nadergegaan het, het die gevangenes op hulle begin skiet, waarna die polisie teruggeskiet het.

Die drie mans is doodgeskiet. Die polisie het twee gesteelde R-5-gewere wat teruggevind, asook 'n gesteelde Nissan Sentra.

Fatyela het gesê die polisie glo dat die vierde gevangene in Mthatha wegkruip en verwag om hom binnekort te arresteer.

ударный гайковерт лобановский харьков

Sexwale se heksery-kommentaar ‘verkeerd vertaal’

Tokyo Sexwale

Tokyo Sexwale se heksery-kommentaar, wat bytende kritiek van die KVP uitgelok het, is verdraai deur die vertaling na Engels, het hy Dinsdag aan SAfm gesê.

"Ek staan by die volgende… jy moet verstaan dat dit 'n geval is waar die betekenis deur vertaling verlore raak," het die ANK-NUK-lid aan die radiostasie gesê.

"Ons praat ryk Afrikatale, myne, Sepedi, Sesotho, Xhosa. En daar sal altyd die gevaar wees… om te poog om politieke munt te slaan, om die baie ryk uitdrukkings van 'n Afrikataal in 'n soort van kombuis-Engels te vertaal."

"Ons kan nie so praat nie. Indien ek nou 'n beroep sou doen en die woord "takhati" (iets soos 'n heks/heksery/toorkuns) gebruik, wil hulle kom sê dit is heksery."

"Nee, dit is verkeerd. Julle verwring my mense," het Sexwale gesê in reaksie op die vraag oor presies wat hy Saterdag by die saamtrek gesê het.

Sy kommentaar het 'n aanval van die KVP uitgelok, wat ook 'n klag by die Kommissie vir Geslagsgelykheid gelê het, ná hy aangehaal is dat hy gesê het dat die nuutgevormde party "ou vroue op televisie paradeer, en hulle gebruik vir heksery om ondersteuning te verkry".

free casino app Фильчаков прокурор

Politieke partye ding mee in tussenverkiesings

Politieke partye in die Vrystaat en Noord-Kaap wat deelneem aan die munisipale tussenverkiesing in 19 wyke was almal Dinsdag vol vertroue rondom die sukses van hulle partye.

Meeste van die vakante wyke waarvoor daar gestem gaan word, was ANK-wyke waarvan die posisies oopgegaan het ná die raadslede bedank het.

'n KVP-woordvoerder in die Noord-Kaap, Fizile Kies, het gesê die party sal in al die wyke deelneem.

"Ons sal in al die wyke deelneem. Ons is absoluut gereed; ons het nie opgehou om te werk sedert die nasionale konvensie nie."

Kies het gesê dat die KVP "net kan wen" in die rondte en dat die ANK sal verloor.

'n Noord-Kaapse woordvoerder vir die ANK, Monwabisi Nkompela, het gesê sy party was ook "heeltemal gereed" vir die tussenverkiesing.

"Ons nasionale en provinsiale leierskap is oor die hele provinsie ontplooi."

Johnny Gunda, woordvoerder vir die Onafhanklike Demokrate in die Siyanda- (Upington)- streek het gesê die politieke situasie het verander in die streek en die Onafhanklike Demokrate staan 'n goeie kans om te wen.

86 у

Mtethwa bekommerd oor KZN-intimidasie

Nathi Mthethwa

Die minister van veiligheid en sekuriteit, Nathi Mthethwa, is bekommerd oor de hoeveelheid intimidasievoorvalle in KwaZulu-Natal gedurende die tyd voor die komende verkiesings, het die SAUK-nuus Dinsdag gesê.

"Dit is 'n baie moeilike taak…vir die polisie is dit 'n roeping… ook nie 'n maklike roeping nie… daar is rou elemente in die samelewing en so aan… soos ons sê, ons werk daaraan," het hy gesê.

Hy het duisende mense toegespreek by die nasionale polisiedagvieringe in Lindelani, Durban-Noord.

Die hoofdoel van die dag is om polisiemanne te vereer wat in die uitvoering van hul taak gesneuwel het.

Die polisie is besig om ernstige misdade te ondersoek, insluitend moord en intimidasie, voor die komende verkiesings, het Mthethwa gesê.

лего стар ворс депутат лобановский