brandstigting – Bladsy 2

TUT se onlusmakers wil eksamen kelder

Swart studentegroepe op die Soshanguve-kampus van die Tshwane Universiteit van Tegnologie sê hulle is gekant daarteen om hul eksamens wat vandag begin af te lê, omdat hulle weens die onrus nie daarvoor kon voorberei nie.

Maar die die groepe self was verantwoordelik vir die onrus en onluste.

‘n Geskorste studenteleier, Thabo Boima, sê lede van Sasco, Pasma en die EFF sal keer dat studente met busse na die eksamenlokaal vervoer word, nadat die Studenteraad gevra het dat die eksamen voortgaan.

Die Studenteraad in Pretoria het ‘n beroep op studente gedoen om vandag te gaan eksamen skryf.

Die klasse is ontwrig deur oproer oor klasgeld, wat nou blykbaar ‘n verskoning is dat die oproeriges nie kan skryf nie.

Veiligheid is intussen verskerp ter voorbereiding van verdere openbare geweld.

‘n Woordvoerder van die universiteit, Willa de Ruyter, sê reëlings word getref vir studente van die Soshanguve-kampus om hul eksamen by die Tshwane Skougrond te skryf.

Geen politieke party het die EFF se sabotasie by TUT nog veroordeel vir wat dit is nie. In stede daarvan word die openbare diskoers al hoe meer Marxisties soos wat elke party linkser as die EFF probeer lyk.

Rhodesbetogers brand geboue omdat eksamenkullery hokgeslaan word

Brande by twee eksamenlokale en die tennisklub aan die Rhodes Universiteit is geblus ná ‘n middag van geweld by die Grahamstadse instelling Woensdag.

Skokgranate en rubberkoeëls is gebruik om die oproeriges te laat bedaar.

Die brand het groot skade aan die tennisklub aangerig voordat dit geblus is. Twee eksamenlokale, die Hangar en die Alec Mullins Hall is ook aan die brand gesteek deur die swart betogers.

Swart frustrasies kook oor nadat streng eksamenregulasies Dinsdag vrygestel is om studente te verhoed om te kul, sowel as oor die teenwoordigheid van die polisie op die kampus om orde te handhaaf.

Studente word voor die lokaal deursoek vir verbode materiaal en volgens ‘n e-pos aan studente, sal nuwe eksamen reëls “streng toegepas” word.

Studente is opdrag gegee om op te daag by eksamenlokale ‘n uur voor die aanvang van die eksamen. Plekke sal gesluit word en laatkommers sal nie toegang gegee word nie. Hulle moet ook ‘n foto-ID vertoon.

Eksamenlokale sal ook onder CCTV toesig wees om die grootskaalse kullery te probeer hokslaan.

Dié maatreëls het swart betogers woedend gehad en hulle het die pad wat lei na die koshuise versper, sodat traangas en skokgranate afgevuur moes word deur die polisie.

In die Kaapstadse middestad is vensters gebreek en busse met klippe bestook toe oproeriges voor die Parlement gewelddadig geword het. Akademici, personeel en “werkers” het aan die “studente-optog” deelgeneem.

‘n Historiese gebou is op die Kaapse Skiereiland Universiteit van Tegnologie se Wellington-kampus aan die brand gesteek. Die Goodnow-saal is 130 jaar oud.

Die universiteit “probeer nog vasstel” of onlusmakers die gebou aan die brand gesteek het. Die gebou het verskeie ou klaviere en ‘n orrel gehuisves.

By die Kaapse Skiereilandse Universiteit van Tegnologie is vyf voertuie Maandag aan die brand gesteek.

Formele lesings vir die res van die jaar opgeskort ná gewelddadige oproer. ‘n Woordvoerder van die universiteit sê die beplande eksamen sal moontlik tot aanstaande jaar uitgestel word, óf kan in November en Desember geskryf word by lokale wat nie op die kampus geleë is nie.

Sy sê indien departemente nie voortgaan met die eksamen vanjaar nie, sal dit tot Januarie uitgestel word. Studente kan direk met hul departementshoofde of betrokke dekaan in verbinding tree rakende die eksamenrooster.

Die Engelse universiteite wat toegeeflik is teenoor oproeriges en “begrip” vir hul onsinnige eise toon, ly tans onder die meeste geweld.

Van Wits se mooi voornemens kom nog brandstigting, geweld

Oproeriges het Dinsdagaand ‘n bus van die Rea-Veya busdiens aan die brand gesteek buite die hoofkampus van die Universiteit van die Witwatersrand in Johannesburg.

Vroeër die aand is ‘n polisievoertuig aan die brand gesteek nadat die polisie skynbaar deur onlusmakers mislei is.

Die swart betogers het volgens berigte op die bus toegeslaan terwyl die polisie aandag geskenk het aan die toneel van die brandende polisievoertuig.

Die voorvalle volg op gewelddadige betogings gistermiddag waarin betogers die verkeer ontwrig en strate met klippe en asdromme versper het.

Hulle het motors met klippe bestook. Die gewelddadige betogings duur al langer as ‘n maand terwyl die voormalige Openbare Beskermer, Thuli Madonsela die oproeriges aanhits omdat hulle kwansuis “regmatige griewe” het.

Wits het nou reeds verskeie seremonies met hooggeplaasdes soos Madonsela gehou ter afsluiting van die geweld waar allerlei mooiklinkende voornemens uitgespreek is, maar daarvan het dadels gekom.

Madonsela word steeds voorgehou deur die liegpers as ‘n nastrewenswaardige openbare figuur.

Talle voertuie by UK aan die brand gesteek

Talle voertuie is vroeg vanoggend by die Universiteit van Kaapstad aan die brand gesteek, het RSG berig.

‘n Woordvoerder vir die Universiteit van Kaapstad, Patricia Lucas, sê ‘n koshuis op die Laer-kampus naby die vier brandende voertuie moes as voorsorgmaatreël ontruim word.

Niemand is beseer nie. Dit volg ná ‘n soortgelyke voorval gister by die Kaapse Skiereiland Universiteit van Tegnologie se Bellville Kampus waar minstens vyf voertuie aan die brand gesteek is.

‘n Sekerheidswag van ‘n maatskappy wat kontrakwerk op die kampus doen, die 38-jarige Miguel Joao, beweer dat ‘n derde mag by die brand betrokke is.

Die universiteit het die voorval skerp veroordeel en sê hulle sal bewerings ondersoek dat veiligheidswagte van ‘n vorige maatskappy op die kampus, daarby betrokke kon wees.

Ontlastingsaaiers by UK vasgetrek

Die Universiteit van Kaapstad het bevestig dat die polisie vier oproeriges vasgetrek het wat met houers vol ontlasting na die kampus op pad was.

‘n Woordvoerder vir die universiteit, Elijah Moholola sê die amokmakers is by die ingang van een van die kampusse aangekeer.

Vroeër is nog twee studente in hegtenis geneem nadat betogende studente opnuut met veiligheidswagte op die kampus slaags geraak het.

Moholola sê onderrig gaan egter voort op elektroniese vlak. Hy sê elke fakulteit gebruik hul eie metode van onderrig en kommunikasie vir sy betrokke studente.

Die bestuur van die Universiteit van die Wes-Kaap het intussen onderneem om vandag te reageer op die 40 eise van amokmakers nadat hulle Maandag tydens ‘n massavergadering 48 uur tyd gegee om te reageer.

Die eise sluit in gratis tersiêre onderrig en dat alle skuld afgeskryf word. Klasse by die UWK is steeds opgeskort.

Die universiteit se bestuur sê hulle sal ook vandag ook duidelikheid gee oor die voltooiing van die akademiese jaar en eksamendatums.

‘n Massavergadering, die jongste poging om ‘n vreedsame oplossing vir die universiteitskrisis te vind, word vandag by die Holy Trinity Katolieke Kerk langs Wits gehou.

Daar sal gefokus word op die stryd om universiteite se deure oop te hou en te befonds. Enigeen wat hoop dat die geweld en onrus by universiteite gestaak word, is gevra om die massavergadering by te woon.

Die Katolieke priester, Graham Pugin, wat betrokke was by studente vandat die protesoptrede begin het, sal by die byeenkoms praat.

Nog hooggeplaastes wat verwag word is ‘n stigterslid van Cosatu en voormalige minister in Nelson Mandela se regering, Jay Naidoo, asook die voormalige Openbare Beskermer, Thuli Madonsela.

Meer as 500 oproeriges sedert Februarie vas

Sedert Februarie is 560 onlusmakers in hegtenis geneem in verband met gewelddadige betogings by universiteite.

Die waarnemende nasionale polisiekommissaris, Khomotso Phahlane het tydens ‘n mediakonferensie in Pretoria sy kommer uitgespreek oor toenemende voorvalle van brandstigting en die gebruik van petrolbomme op en naby kampusse.

Phahlane sê dié voorvalle is ‘n bewys daarvan dat kriminele elemente die veldtog oor gratis onderwys binnegedring het. Hy sê die polisie sal op die kampusse bly om studente wat eksamen skryf te beskerm en ontwrigtings te voorkom.

Die Universiteit van Pretoria het sy akademiese program deur middel van internet-lesings hervat nadat die kampusse vir weke lank gesluit was, het RSG berig.

Eksamens sal na verwagting op 14 November begin. Die universiteit se woordvoerder, Anna-Retha Bouwer, sê alle lesings en studiemateriaal sal deur die fakulteite aanlyn of op ‘n ander manier beskikbaar gestel word.

Waar kontak tussen lektore en studente nodig is, sal daar via die universiteit se afstandbeheerkanaal gekommunikeer word.

Reëlings om toegang tot rekenaars vir dié studente te verskaf, sal so gou moontlik aangekondig word.

Brandstigting, intimidasie by Vaaldriehoekkampus

Die Noordwes-Universiteit (NWU) se Vaaldriehoekkampus in Vanderbijlpark het vandag en môre alle akademiese en administratiewe dienste opgeskort.

NWU-woordvoerder, Louis Jacobs, sê kampusbestuur het die besluit geneem na aanleiding van onluste op die kampus gister.

Volgens hom het bestuur geen ander opsie as om aktiwiteite op die kampus te staak nie, nadat betogers eiendom beskadig het en personeel en studente geïntimideer het. Daar was ook verskeie voorvalle van brandstigting. Die veiligheid van personeel en studente bly ‘n prioriteit vir die NWU, het hy gesê.

Jacobs sê ‘n voorgestelde massavergadering sal vanoggend gehou word buite die hoofhek van die Vaaldriehoekkampus. Studente gaan glo ‘n memorandum van griewe aan die bestuur oorhandig.

Volgens Jacobs was daar verskeie pogings gister om aktiwiteite by die NWU se Mafikengkampus te ontwrig. Sekuriteit het egter hierdie pogings in die wiele gery.

‘n Groot aantal studente het voortgegaan met klasse en toetse voltooi. Jacobs sê die polisie is op ‘n hoë gereedheidsgrondslag vandag na inligting bekom is wat daaropdui dat die betogers sal probeer om die kampus te sluit.

Hy sê die NWU sal voortgaan met hulle benadering om nie onlusmakers te duld nie. Aktiwiteite voortgaan soos normaal op die NWU se Potchefstroomkampus.

In Noordwes prut oproer by swart kampusse steeds

Oproer by die Vaal Universiteit vir Tegnologie (VUT) in Vanderbijlpark, het bedaar nadat betogende swart studente en polisiebeamptes Donderdagaand buite dié kampus slaags geraak het.

VUT se woordvoerder, Mike Khuboni, sê personeel het vanoggend opgedaag vir werk en studente woon klasse by.

Khuboni sê hy sal vanoggend terugvoer kry oor die voorval laat gisteraand waartydens studente hand uitgeruk het en polisiebeamptes met klippe bestook het.

Khuboni sê daar was gister woelinge op die kampus.

Sekuriteitsbeamptes moes intree en ‘n kleinerige groep betogers, wat personeellede se geparkeerde motors met klippe beskadig het, is uitmekaar gejaag omstreeks 11:30.

Maar betogers het die polisie en brandweerbeamptes in die vroeë oggendure op die Noordwes Universiteit (NWU) se Mafikeng-kampus met klippe bestook. Die situasie is steeds gespanne.

Streng veiligheidsmaatreëls is in plek en geen klasse word op die Mafikeng-kampus aangebied nie.

‘n Sekuriteitspunt, wat geleë is op die grens van die kampus, is van buite aan die brand gesteek. Betogers het ook verskeie vullisdromme gebrand. NWU-woordvoerder, Louis Jacobs, sê niemand is beseer nie en daar was geen inhegtenisnames nie.

Jacobs sê ‘n besluit om klasse vandag te hervat sal deur die loop van die dag geneem word, soos die situasie ontvou. “Geen finale besluit is geneem om die kampus te sluit nie.”

Die NWU se Potchefstroom- en Vaaldriehoek-kampus gaan soos normaal voort.

Nog geboue by KSUT in Kaapstad gebrand

Asof swart “leergierige” oproeriges nog nie genoeg skade aan eiendom aangerig het in hul rewolusionêre ywer nie, het hulle verskeie geboue by die Kaapse Skiereiland-Universiteit vir Tegnologie (KSUT) se Bellville- en Kaapstad-kampus Woensdagoggend aan die brand gesteek.

En die hoofstroommedia, waaronder veral Radio702, hou vol dat hierdie kriminele se optrede geregverdig is.

Lauren Kansley, KSUT-woordvoerder, oproeriges het probeer om die hoofadministrasiegebou aan die brand te steek rondom middernag Dinsdag by KSUT se Bellville-kampus.

Nadat dit misluk het het die brandstigters aanbeweeg na die sekuriteitskantoor naby die hoofhekke by die kampsuingang.

Dié gebou is aan die brand gesteek terwyl twee sekuriteitswagte in die kantoor toegesluit is. Hulle is gered maar moes vir rookinaseming behandel word.

Een betoger is in hegtenis geneem op aanklagte van poging tot moord, openbare geweld en kwaadwillige beskadiging van eiendom.

Albei kampusgeboue was reeds in ligte laai met die aankoms van brandbestryders en polisiebeamptes op die toneel. Die polisie ondersoek die voorvalle.

Klasse by universiteite in Kaapstad kon Woensdag weer nie voortgaan nie en nog ‘n aantal universiteite landwyd sal na verwagting vandag steeds gesluit wees.

By Wits het tientalle polisielede met snuffelhonde die hoofkampus in Braamfonten gefynkam vir petrolbomme.

Dit volg op voorvalle Woensdag toe verskeie petrolbomme op die kampus gevind is.

Die universiteitsbestuur het intussen sy steun gegee aan die doelwit van gratis onderrig en die “dekolonialisering van tersiêre onderrig”, maar dit is nie duidelik wat dit behels nie.

Klag van moord nadat oproeriges wagte in brandende gebou toesluit

‘n Klag van poging tot moord word ondersoek nadat twee veiligheidswagte Dinsdagaand in ‘n brandende gebou op die Bellville-kampus van die Kaap Skiereilandse Universiteit van Tegnologie toegesluit is.

Een persoon is intussen in hegtenis geneem in verband met die brand wat na bewering in die administrasieblok van die universiteit gestig is, het RSG berig.

Twee voertuie is in die voorval beskadig en drie mense is vir rookinaseming behandel.

‘n Gebou is ook op die Kaapstadse kampus aan die brand gesteek. Altwee brande is geblus.

Altesame twintig studente is sedert gister weens gewelddadige betogings op die onderskeie kampusse aangekeer.

Nóg ‘n brand by een van die koshuise by die Universiteit van KwaZulu-Natal se Pietermaritzburgkampus is deur onlusmakers gestig.

Dele van die raadskantore en ‘n gedeelte van ‘n televisiekamer in die Malherbe-koshuis is ook aan die brand gesteek.

Albei brande is deur veiligheidswagte geblus. Die skade aan die kampus sedert die Fees Must Fall-veldtog begin het, word op miljoene rande beraam.

Meer as 30 studente is in hegtenis geneem en sal op aanklag van openbare geweld teregstaan.

Die Universiteit van die Witwatersrand in Johannesburg sê sy akademiese program sal vandag voortgaan.

Wits se bestuur sê die meeste klasse het gister by al sy kampusse voortgegaan, ten spyte van skermutselings tussen studente en die polisie. Volgens die universiteit het die protesoptrede gewelddadig geraak toe ruite van die John Moffat-gebou, die Wartenweile-biblioteek en die Matrix-studentesentrum op die kampus in Braamfontein gebreek is.

Die oproeriges het ook trappies en mure by die kampus se amfiteater gebreek.

Die Universiteit van Kaapstad het intussen aangekondig dat al sy kampusse vandag gesluit sal wees en alle klasse opgeskort is. Die universiteit sê hy is nog besig met planne om die akademiese jaar te red.

Oproeriges op verskeie kampusse vasgevat

Vier oproeriges is by die Universiteit Stellenbosch in hegtenis geneem nadat hulle toegang verkry het tot ‘n geslote gebou op die kampus.

‘n Groep van 160 swart belhamels het op die kampus rondgehol en klasse ontwrig wat daartoe gelei het dat talle lesings gekanselleer is.

‘n Woordvoerder van die US, Martin Viljoen sê die polisie moes skokgranate gebruik om die oproeriges uiteen te jaag.

Privaatsekuriteit het ook die onlusmakers met pepersproei onder bedwang gehou.

Nog twaalf swart betogers staar dissiplinêre verhore in die gesig en word verbied om verder lesings by te woon en toetse te skryf. Hul makkers dreig met ‘n hongerstaking, maar die dit lyk nie asof die US hul dreigemente ernstig opneem nie.

Die Pietermaritzburgse landdroshof sal Donderdag ‘n beslissing maak in die borgtogaansoek van die elf swart amokmakers wat aan betogings by die Universiteit van Kwazulu-Natal deelgeneem het. Die elf het reeds 19 dae agter tralies deurgebring.

Die verdediging het vroeër gevra dat die hof nie in die stadium beeldmateriaal van die betogings in ag neem nie.

Die aanklaer sê daar is duisende studente wat hul eksamens wil aflê sonder enige intimidasie.

Betogers by die Universiteit van die Vrystaat het Maandag geëis dat oproeriges wat dié dag in hegtenis geneem is, vrygelaat word.

Die groep het onderneem om voort te gaan met die ontwrigting van akademiese bedrywighede tot daar aan hulle eise voldoen word.

Hulle eis ook dat ‘n vroeëre hofbevel teen betogings op die kampus ter syde gestel word.

‘n Katolieke priester, Graham Pugin, is intussen in die gesig geskiet met ‘n rubberkoeël.

Die voorval het gebeur toe oproeriges van Wits en die polisie vroeër by die Holy Trinity Kerk langs die kampus slaags geraak het.

Die Katolieke Kerk sê dit is tyd vir studente om terug te gaan klas toe en dat onderhandelings voortgesit word wat nie inbreuk maak op lesings nie.

Die Universiteit van Wes-Kaapland buite Kaapstad sal ook gesluit wees vir die res van die week.

Personeel en studente is geïntimideer deur aktiviste wat hulle glo vir gratis opleiding beywer, maar nie veel bewys daarvan lewer nie.

‘n Woordvoerder, Luthando Tyhalibongo sê die huidige atmosfeer is nie bevorderlik vir onderrig nie. Alternatiewe planne word gemaak om studente te help om die akademiese jaar te voltooi.

Die Universiteit van Pretoria sal môre nog gesluit wees nadat studente gister fakulteitsvergaderings ontwrig het. Lesings was veronderstel om gister voort te gaan. Die universiteit sê lesings sal daarna hervat word.

Lesings by drie UV kampusse opgeskort.

Die akademiese program op die Universiteit van die Vrystaat (UV) se drie kampusse is vandag en môre opgeskort weens voortslepende oproer.

UV-woordvoerder, Lacea Loader, sê die instelling se universiteitbestuur gaan vandag en môre “verskeie belanghebbendes betrek”.

Dit in ‘n poging om ‘n oplossing vir die onluste te vind.

In ‘n verklaring waarsku Loader indien ‘n oplossing nie gevind word nie, kan die UV-kampusse se deure tot verdere kennisgewing gesluit word.

‘n Groep oproerige swart studente het weer ontwrigting by die Bloemfontein-kampus van die Sentrale Universiteit vir Tegnologie (SUT) veroorsaak toe hulle die biblioteek Maandag bestorm het.

Hulle het studente wat graag wou werk, gedwing om die biblioteek te ontruim. SUT-woordvoerder, Dan Maritz, sê hoewel dit effens bedaar het, is daar steeds spanning op die kampus.

Niemand is in hegtenis geneem na die voorval nie.

Dit kom nadat die kampus Maandagoggend heropen het nadat dit gesluit deur die bestuur weens studente se deelname aan die nasionale veldtog vir gratis onderwys.

Intussen het die SUT-bestuur en besorgde ouers met studenteleierskap ontmoet. Maritz het bevestig dat die vergadering by die kampus sou plaasvind.

Maritz sê die belanghebbendes wou praat oor die pad vorentoe.

Die SUT sal sy Bloemfontein en Welkom kampusse tot Vrydag sluit.

Talle universiteite heropen vandag

Talle universiteite het aangedui dat hulle Maandag weer sal heropen, ondanks dreigemente van geweld en voortslepende onluste wat die kampusse die afgelope weke teister.

Universiteite wat vandag heropen, sluit in die Tshwane Universiteit van Tegnologie, die Universiteit van Venda, die Noordwes-Universiteit, die Universiteit van die Vrystaat en die Sol Plaatjie-Universiteit.

Die Universiteit van Kaapstad sal tot Dinsdag gesluit bly.

Personeel en studente van die Universiteit van Pretoria sal vandag vergader om die dooie punt op te los.

Die Universiteit van die Witwatersrand in Johannesburg sê die akademiese program sal vandag hervat word.

Studente sal toegelaat word om vreedsaam te betoog op bepaalde plekke wat geoormerk is.

Die Wits-studenteraad het egter gewaarsku dat gewelddadige betogings weer sal uitbreek indien die universiteit vandag klasse voortsit.

Swart studente soek blykbaar elke week ‘n nuwe verskoning om geweld te pleeg. Hulle het die afgelope weke landwyd in opstand gekom vir gratis tersiêre onderrig, maar R600 miljoen se skade aangerig aan instellings om hul doel te bereik.

Ten minste twee biblioteke en ‘n boekwinkel is intussen weens brandstigting vernietig deur die “leergierige” swart onlusmakers.

Die studente is eis glo dié week ook die “dekolonialisering” van die kurrikulum. Voorheen het hulle geweld gepleeg sodat skoonmakerdienste nie uitgekontrakteer moet word nie.

Die hoofstroommedia, veral Radio702, probeer intussen voorgee dat die swart studente – meestal druipelinge – grondige eise het.

Wits-studenteleier waarsku dat onluste sal aanhou

Die swart studenteleier die Universiteit van die Witwatersrand, Mcebo Dlamini, het belowe om te verseker dat die instelling gesluit bly.

Dit volg nadat Wits in ‘n verklaring Saterdag gesê het dat die akademiese program Maandag sal voortgaan.

Dlamini sê die posisie van die universiteit is “skokkend en onredelik”.

“Dit sê vir ons as studente ons moet voortgaan met ons stryd omdat hulle hul ware kleure gewys het,” het Dlamini aan News24 gesê.

“Hulle het getoon dat apartheid nog bestaan in hierdie land. Die bose stelsel het sy kop uitgesteek en ons sal met die stryd voortgaan om die waardigheid van ‘n swart kind te herstel,” het hy gesê.

Hy het gesê dat die universiteit se verklaring lees soos een wat deur die “apartheidstaat” uitgevaardig is.

“Daar is geen manier waarop hulle sal oopmaak nie. Vrydag het ons gevra om betrokke te raak en ons wag nog vir hulle en tot vandag toe het hulle nog met niemand vergader nie. Ons is bereid om te onderhandel en hulle is kwaadwillig.

Die swart onluste, glo oor “gratis tersiêre onderrig” gaan na wat berig word eskaleer nadat die regering besparingsmaatreëls aangekondig het vir die mediumtermyn-begroting.

Volgens ‘n berig in City Press, behels die besparings posverminderings in die staatsdiens.

By sommige instellings is reeds ‘n vierde week dat oproeriges die strate invaar.