Asof swart “leergierige” oproeriges nog nie genoeg skade aan eiendom aangerig het in hul rewolusionêre ywer nie, het hulle verskeie geboue by die Kaapse Skiereiland-Universiteit vir Tegnologie (KSUT) se Bellville- en Kaapstad-kampus Woensdagoggend aan die brand gesteek.
En die hoofstroommedia, waaronder veral Radio702, hou vol dat hierdie kriminele se optrede geregverdig is.
Lauren Kansley, KSUT-woordvoerder, oproeriges het probeer om die hoofadministrasiegebou aan die brand te steek rondom middernag Dinsdag by KSUT se Bellville-kampus.
Nadat dit misluk het het die brandstigters aanbeweeg na die sekuriteitskantoor naby die hoofhekke by die kampsuingang.
Dié gebou is aan die brand gesteek terwyl twee sekuriteitswagte in die kantoor toegesluit is. Hulle is gered maar moes vir rookinaseming behandel word.
Een betoger is in hegtenis geneem op aanklagte van poging tot moord, openbare geweld en kwaadwillige beskadiging van eiendom.
Albei kampusgeboue was reeds in ligte laai met die aankoms van brandbestryders en polisiebeamptes op die toneel. Die polisie ondersoek die voorvalle.
Klasse by universiteite in Kaapstad kon Woensdag weer nie voortgaan nie en nog ‘n aantal universiteite landwyd sal na verwagting vandag steeds gesluit wees.
By Wits het tientalle polisielede met snuffelhonde die hoofkampus in Braamfonten gefynkam vir petrolbomme.
Dit volg op voorvalle Woensdag toe verskeie petrolbomme op die kampus gevind is.
Die universiteitsbestuur het intussen sy steun gegee aan die doelwit van gratis onderrig en die “dekolonialisering van tersiêre onderrig”, maar dit is nie duidelik wat dit behels nie.
Alhoewel ek nogsteeds geweldig hartseer raak oor die vernietiging van my land, my kultuur, taal, geskiedenis en die beskawingspeil wat my volk oor 350 jaar na dié land gebring het, berus ek my al hoe meer daarmee dat ek by verreweg in die minderheid is. Suid-Afrika, en, helaas, die ganse wêreld, het die regerings en omstandighede wat hulle verdien en waarvoor hulle nogsteeds elke dag, hard werk. Die onnoselheid, siende blindheid en algehele onbegrip vir die redes vir die verval, verwoesting en afbreek van beskaafde normes laat regdenkendes se monde oophang.
In die lig van sulke stommigheid is daar niks om oor te redeneer nie. Vir die massas dom-soos-grond mense daarbuite moet hierdie ellendige pad sy volle lengte, met al die hartseer, doodslag, afbreek en agteruitgang, enduit gestap word. Solank as wat daar nog verskonings en regverdiging – soos deur Radio702 en ander hoofstroom media gemaak is – vir die totale afbreek van die beskawing is kan daar geen hoop op verandering wees nie.
Die klein oorblyfsel Christene, nasionaliste, behoudendes en regdenkende mense kan hulle maar net eenkant hou, uit die groot brandoond uit, en bid dat dit gou sal verbygaan. Bid dat daar skoongevee sal word dat die heropbouproses kan begin.
jes 26 20 Kom, my volk, gaan in jou
binnekamers en sluit jou deur agter jou toe, verberg jou vir ‘n klein
oomblik, totdat die grimmigheid verbygaan.