Afrikaanse nuus – Bladsy 2

Polisieklopjagte op Afrikaners op pad!

PRAAG het so pas van ‘n bron binne die Suid-Afrikaanse Polisiediens verneem dat klopjagte op Afrikanerleiers en sogenaamde “regses” uitgevoer gaan word. Huise gaan deursoek word vir onwettige wapens, plofstof en opruiende materiaal. Blykbaar gaan daar selfs voorwerpe geplant word by mense wat as hinderlik vir die regering beskou word.

Volgens ons bron is die polisie bewus van die ontevredenheid en pogings van Afrikanergroepe om te begin mobiliseer ná die moord op Eugene Terre’Blanche en gemoedere wat hoog loop oor geweldsmisdaad, Malema se uitsprake en dreigemente van plaasbesettings deur sowel Malema as die minister van grondsake, Gugile Nkwinti.

Die doel van die polisieklopjagte gaan tweeledig wees:

om aan die buiteland te demonstreer dat die ANC steeds “in beheer” van die land verkeer en in staat is om enige verset in die kiem te smoor;
om Afrikaners te intimideer om enige voorbereidings tot verset, opstand of selfverdediging te laat vaar.

Intussen is duisende Afrikaners besig om op te ruk na Ventersdorp om Eugene Terre’Blanche se begrafnis Vrydag om 12.00 by te woon.

Volgens interne e-posberigte gaan die Vryheidsfront Plus ‘n amptelike afvaardiging onder leiding van dr. Pieter Mulder na die begrafnis stuur en die provinsiale bestuur van Gauteng sal ook in volle sterkte teenwoordig wees.

Мильстрим лобановский харьков

PRAAG bars uit sy nate

PRAAG se nuus- en meningsportaal, praag.co.za, het oor die Paasnaweek uit sy nate gebars. Hoewel naweke en vakansiedae gewoonlik stiller is omdat die meeste mense by die werk ons webblad lees, was dit die afgelope twee dae presies die teenoorgestelde.

Ná die aankondiging van Eugene Terre’Blanche se dood Saterdagaand en die eerste berigte en kommentaar daaroor wat Sondag in die vroeë oggenduur op PRAAG begin verskyn het, het die gewone verkeer verdriedubbel (sien grafiek hiernaas). Volgens die gesaghebbende Google Analytics-stelsel wat wêreldwyd gebruik word om die verkeer van webwerwe te meet, het besoeke en bladlese op die webwerf gister nuwe rekords aangeteken.

Ook leserskommentaar via die blad se Disqus-stelsel, ‘n internasionale stelsel wat onlangs deur PRAAG in Afrikaans vertaal is, het ‘n geweldige oplewing getoon en by die rubriek van Dan Roodt oor Eugene Terre’Blanche en die simboliek van oorlog het tot dusver nie minder nie as 290 reaksies verskyn.

“PRAAG het hom nou reeds bewys as ‘n betroubare en prikkelende bron van inligting wat vir Afrikaners belangrik is,” het dr. Dan Roodt, uitgewer van praag.co.za, gesê. “Oor die afgelope maande het die interaktiewe gebruik van die internet en veral leserskommentaar op webwerwe met rasse skrede onder Afrikaners toegeneem. Met die huidige politieke krisis in die land rondom Malema en die moord op mnr. Eugene Terre’Blanche, vind lesers dat PRAAG nie huiwer om hul reaksies te publiseer nie terwyl sommige ander publikasies besig is om politieke debat in Afrikaans in die doofpot te probeer stop of om sodanige debat te beheer om hul eie oogmerke te dien.”

Binnekort sal praag.co.za na ‘n nuwe bedienerstelsel verhuis om die toename in lesersverkeer beter te hanteer, waarna die verwagte groei in lesersgetalle waarskynlik sal voortduur.

best email marketing topcargo отзывы

Roodt vat Breytenbach aan in Beeld

Dr. Dan Roodt van PRAAG antwoord Breyten Breytenbach in vandag se Beeld oor sy uitspraak dat hy ““bevoorreg was om (Afrikaans) in sy leeftyd te sien sterf”. Volgens Roodt “herinner Breyten Breytenbach se geslag Sestigers hom baie aan die munisipale betogers wat hul eie biblioteke afbrand”.

In dieselfde tyd dat Julius Malema en die ANC liedjies met reëls soos “Maak dood die Boere” as hul “kultuurgeskiedenis” verdedig, woed ‘n polemiek rondom die Afrikaanse taal opnuut. Aan die een kant is daar diegene, soos Breytenbach en heelwat bruin joernaliste en meningsvormers wat meen dat Afrikaans vandag benadeel word weens sy historiese verbintenis met apartheid en blanke oorheersing en aan die ander kant ‘n Afrikanergroepering wat die ANC-bewind en die 1994-bestel vir die agteruitgang van die taal verantwoordelik hou.

Dr. Roodt meen “dit sou ’n fout wees om die rede vir Afrikaans se openbare kreeftegang aan die taal se ‘destydse verbinding met ’n beleid van rasmeerderwaardigheid’ toe te skryf. Het Engels, Duits en Frans nie in die verlede ’n selfs groter verbintenis met rasmeerderwaardigheid gehad nie?”

Hoewel die Suid-Afrikaanse staat en die openbare ruimte in Suid-Afrika ten onregte verengels is, meen Roodt dat ‘n Afrikaanse lewe deur Afrikaners op die internet herskep word, wat selfs diaspora-Afrikaners insluit. Hy sien ook ‘n e-universiteit in die vooruitsig omdat Afrikaners nie meer die “taalleuens” van die Afrikaanse universiteite soos Stellenbosch, Pretoria, Bloemfontein, Potchefstroom en die voormalige R.A.U. glo nie.

“‘n Element waaraan ek nie in my Beeld-artikel geraak het nie, is die diskriminasie teen Afrikaners op Afrikaanse kampusse waar ons studente vir hul studies moet betaal, maar Engelstalige studente verniet met beurse mag studeer,” het dr. Roodt bygevoeg. “Kortom, die betalende Afrikaanse student moet Engels op sy kampus subsidieer sodat die universiteit en alle kursusse vinniger verengels kan word!”

раскрутка сайта

Meer as 30 taalfoute in verblyfpermit

‘n Permit vir permanente verblyf van die departement van binnelandse sake bevat meer as 30 Afrikaanse taalfoute. ‘n PRAAG-rubriekskrywer, Thys Human, het dit onder ons aandag gebring.

Dit lyk asof die permit, ‘n amptelike dokument met regsgeldigheid, deur hetsy ‘n ongeletterde persoon, hetsy iemand wat byna geen kennis van Afrikaans het nie, opgestel is en na die Staatsdrukker gestuur is om gedruk te word.

“Dit is ‘n klap in die gesig vir elke Afrikaner in die land,” het dr. Dan Roodt van PRAAG gesê. “In enige ander land, selfs ‘n veeltalige land soos Kanada, België of Switserland, sou so ‘n gebrekkige amptelike stuk ‘n nasionale skandaal veroorsaak het.”

Dr. Roodt is van plan om ‘n brief aan die minister van binnelandse sake hieroor te rig. “Indien dit moontlik is om ‘n klag van taalverkragting by ‘n polisiestasie te lê, sal ons dit ook doen,” het hy voortgegaan. “Dit is geheel en al onaanvaarbaar en toon net in watse klugtige derdewêreldland sonder enige standaarde ons woon.”

Pretoria bly Pretoria

“Pretoria se naam bly voorlopig Pretoria,” was dr. Pieter Mulder, VF Plus-leier, se reaksie na gister se hofsaak oor die stad se naam.

Volgens dr. Mulder was dit die implikasie van regter Ismael se bevel gister in die Pretoriase hooggeregshof waardeur die aansoek om uitstel goedgekeur is.

Die Tshwane-metroraad het geargumenteer dat die interdik wat in 2008 aan die VF Plus toegestaan is en waardeur Pretoria se naam Pretoria gebly het, geskrap moet word. Dit sou dit vir die stadsraad moontlik maak om voort te gaan met hulle beplande naamsverandering van Pretoria . Die VF Plus het daarteenoor geargumenteer en gevra dat die saak uitgestel word en die vorige interdik dus behou word. Regter Ismael het die uitstel van die saak goedgekeur in die lig van ’n moontlike politieke oplossing. Dit is gebaseer op president Zuma se reaksie in die Parlement oor ’n moontlike politieke oplossing vir die probleem na gesprekke tussen hom en dr. Mulder.

“Hierdie tipe saak gaan nooit permanent met hofsake opgelos word nie. Dit bly tydelike oplossings. ’n Permanente oplossing is slegs moontlik as daar die wil tot ’n politieke oplossing by die ANC is. Die VF Plus is van plan om met gesprekke hieroor met mnr. Zuma voort te gaan,” was dr. Mulder se reaksie na die hofsaak.

липецк аксессуары Фильчаков Харьков

PRAAG vertaal Disqus in Afrikaans

PRAAG het ‘n rukkie gelede die internasionale kommentaarstelsel vir webwerwe, Disqus, in Afrikaans vertaal. Van gisteraand af is die eerste Afrikaanse weergawe van Disqus lewendig op praag.co.za.

“PRAAG stel hom ten doel om Afrikaans sover moontlik op die internet te bevorder. Ons het aanvanklik Disqus in die Nederlandse weergawe op ons webwerf gebruik, maar toe toestemming verkry om dit in Afrikaans te vertaal en dit is onlangs sogenaamd deur Disqus ‘ontplooi’,” het dr. Dan Roodt, direkteur van die Pro-Afrikaanse Aksiegroep, gesê.

Disqus maak dit vir gebruikers moontlik om kommentaar op hul eie woernale (blogs), asook op webwerwe soos praag.co.za te sentraliseer. Die stelsel maak ook voorsiening vir terugsporings (trackbacks) waarmee gebruikers heen en weer tussen woernale ander gebruikers oor hul reaksies op hoogte kan hou. Gebruikers kan ook van hul Facebook- of Twitter-profiele gebruik maak om aan te teken.

Volgens dr. Roodt, “het PRAAG reeds geruime tyd gelede besef dat die stryd om oorlewing wat Afrikaans tans in Suid-Afrika voer, ten dele ook op die internet beslis gaan word. Dis interessant dat, uit die honderde en selfs duisende tale ter wêreld, slegs 35 tale tans op ‘n stelsel soos Disqus beskikbaar is. Danksy PRAAG se vertaling, is Afrikaans nou een van daardie tale, waarop ons erg trots is. Solank Afrikaans onder die topveertigtale op die internet kan bly, tesame met byvoorbeeld die kleiner Skandinawiese tale, het ons taal beslis ‘n toekoms.”

Die vertaling van die Disqus-stelsel sal deurlopend verbeter word en die huidige moet as ‘n “beta”-weergawe beskou word. PRAAG ondersoek ook ander stelsels wat wêreldwyd onder internetgebruikers gewild is en wil veral in die oopbronprogrammatuurwêreld sorg dat Afrikaans die nodige erkenning geniet as ‘n ontwikkelde taal wat deur ‘n klein, maar opgeleide en rekenaarvaardige taalgemeenskap intensief op die internet gebruik word.

“Die internet is ‘n interaktiewe medium,” het dr. Roodt gesê. “Hoewel PRAAG byvoorbeeld ongeveer 35 000 woorde per week in Afrikaans publiseer, plaas ons lesers ongeveer net soveel teks by wyse van Disqus op ons webwerf. Die gewone Afrikaner en Afrikaansgebruiker – sommige is ook uit die Lae Lande afkomstig – het net so ‘n groot rol in die nuwe interaktiewe publikasiewêreld as professionele skrywers of joernaliste te speel.”

поильник для детей лобановский политик

Los wit belastingbetalers uit

Die Vryheidsfront Plus veroordeel die premier van Gauteng, me. Nomvula Mokonyane, se vyandige uitsprake teenoor wit belastingbetalers in die Tshwane-munisipaliteit. Die VF Plus se leier in Gauteng en LPW, mnr. Jaco Mulder, gaan ‘n dringende gesprek met die Gautengse premier aanvra in verband met haar uitsprake.

Mokonyane het onder andere gesê dat wit inwoners die Tshwane-metroraad geldelik “wurg” en het geïmpliseer dat dit slegs wit mense is wat oor dienslewering kla.

Volgens dr. Conrad Beyers, VF Plus-raadslid in die Tshwane-metroraad, is die Premier óf moedswillig, óf bloot oningelig. Wit belastingbetalers in die Tshwane-metroraadsgebied is tradisioneel die mees getroue belastingbetalers en die metroraad se grootste inkomste kom uit hierdie sektor, al maak wittes slegs 25% van die munisipaliteit se bevolking uit.

Die probleem met die metroraad se finansies gaan juis oor die ANC-beheerde metroraad se onvermoë of onwilligheid om wanbetalers in die lokasies te dwing om vir dienste te betaal.

“Die ANC het nie die politieke wil om streng teenoor nie-betalers in die townships op te tree nie, omdat die ANC bang is om steun daar te verloor. Die ANC teiken eerder wit belastingbetalers, wat getrou belasting betaal, om as verskoning te dien vir hulle swak finansiële bestuur en diensleweringsrekord. Los getroue wit belastingbetalers uit. Behoed die ANC as wittes keelvol raak vir hierdie tipe aanvalle en wel ophou belasting betaal”, het Beyers gesê.

Die VF Plus het ook gesê dat dit ‘n drogrede van die Gautengse premier is dat slegs wittes oor dienslewering kla. “Het die premier nie die reuse-optogte en gewelddadige protes in Mamelodi, die Brits-omgewing en elders oor dienslewering in haar provinsie gesien nie? Dis nie net wittes wat ontevrede is nie. Die ANC is besig om almal, beide swart en wit, op munisipale vlak te benadeel met hulle onvermoë om dienste te lewer.”

игри для дивчат

Vryheidsfront Plus dien haatspraakklag teen Malema in

Die Leier van die VF Plus en adjunkminister van Landbou, dr. Pieter Mulder, gaan vandag, 10 Maart 2010, ‘n formele kriminele klag teen Julius Malema, ANCJL-leier, lê na aanleiding van sy gebruik van die slagspreuk “Kill the boer, kill the farmer” by ‘n studentevergadering in Johannesburg gisteraand.

Die gebruik van die slagspreuk is ook ‘n oortreding van artikel 16(2)(c) van die grondwet. Vryheid van spraak sluit juis nie verkondiging van haat in wat op ras, etnisiteit, geslagtelikheid of godsdiens gebaseer is en wat aanhitsing om leed te veroorsaak uitmaak nie en is reeds deur die howe as haatspraak verklaar.

casino online

Willie Spies bedank uit Vryheidsfront Plus

Die voormalige parlementslid en leier van die Vryheidsfront Plus in Pretoria, Willie Spies, het met onmiddellike ingang uit die party bedank. Die redes vir Spies se bedanking is oënskynlike spanning tussen die party en Afriforum, sy huidige werkgewer, met as bykomende faktor die adjunkministerskap van dr. Pieter Mulder in die ANC-kabinet.

In sy bedankingsbrief wat wyd in die geledere van die party en daarbuite gesirkuleer is, verklaar Spies dat “die party sy morele bodem verloor het” weens die “onverkwiklike situasie” wat uit Mulder se aanvaarding van die adjunkministerskap onstaan het. Die VF Plus-jeugleier, Cornelius van Rensburg, is verlede jaar deur die party gedissiplineer weens sy openbare standpunt téén Vryheidsfront-deelname aan die ANC-regering. Desnieteenstaande het Van Rensburg sy setel in die Pretoriase stadsraad (Tshwane-metro) behou.

Dr. Conrad Beyers, wat vroeër vanmôre ‘n verklaring oor die party se veldtog in Pretoria vir aanataande jaar se munisipale verkiesings uitgereik het, het telefonies teenoor praag.co.za bevestig dat hy “onder druk geplaas is om die verklaring terug te trek”. Hoewel Spies se bedanking oënskynlik verband hou met die interne debat binne die Vryheidsfront Plus aangaande dr. Pieter Mulder se adjunkministerskap, was die werklike oorsaak waarskynlik die krapperigheid tussen die Vryheidsfront Plus en die vakbond Solidariteit en burgerlike organisasie Afriforum.

“Ek betreur dit,” het dr. Conrad Beyers, VF Plus-raadslid in Pretoria gesê. “Uiteindelik veg sowel ons party as Afriforum die Afrikanersaak. Ek kan daarom nie insien waarom Afriforum en Willie Spies eksepsie geneem het dat ek van Afriforum in my verklaring melding gemaak het nie.”

In sy bedankingsbrief verwys Spies na ‘n “koue oorlog” wat die uitvoerende dagbestuur van die Vryheidsfront Plus teen Solidariteit en Afriforum voer. “Terwyl hierdie koue oorlog onder die oppervlak gevoer word, skroom die party nie om na buite deurlopend en ten onregte by AfriForum en Solidariteit aan te klamp nie,” het Spies gesê.

In sy reaksie op die bedanking het mnr. Jaco Mulder, leier van die VF Plus in Gauteng, gesê dat dit “tragies is dat leiers van organisasies hulself bo die saak waarmee ons besig is, stel.”

phone slots лобановский депутат

Vryheidsfront Plus skop Pretoriase veldtog af

Die Vryheidsfront Plus het sy verkiesingsveldtog vir die 2011-munisipale verkiesing in die Tshwane-metroraadsgebied afgeskop en het gesê dat die verkiesing ‘n baie belangrike rigtingwyser sal wees van hoe die Afrikanergemeenskap hulle toekoms in Suid-Afrika sien.

Die party het, met die VF Plus se leier in Pretoria , mnr. Willie Spies aan die stuur, “skadu-raadslede” in alle wyke in die Tshwane-metroraadsgebied, waar daar ‘n beduidende teenwoordigheid van die Afrikanergemeenskap is, aangewys.

Volgens dr. Conrad Beyers, VF Plus-raadslid in die Tshwane metroraad en ‘n woordvoerder van die party se Groter Pretoria-streek, is die Afrikaner besig om sy spiere te bult in die Suid-Afrikaanse samelewing.

“Veral op die terrein van die burgerlike samelewing, in die vorm van AfriForum, PRAAG en ander organisasies, is Afrikaners besig om te hergroepeer. Dit is egter noodsaaklik dat hierdie proses politieke vergestalting moet kry ten einde die momentum te behou. Die VF Plus is die party wat perfek geposisioneer is om daardie rol te vervul,” het Beyers gesê.

Die veldtog in Pretoria gaan fokus op dienslewering, die naamkwessie asook die daarstel van ‘n realistiese politieke alternatief waarvolgens Afrikaners en ander minderhede volle beskerming in terme van groepsregte kan geniet.

Die VF Plus het verder gesê dat slegs ‘n stem vir dié party ‘n wyse kan wees waarop kiesers werklike protes teen die status quo kan aandui. Al wat ‘n stem vir ander partye sal beteken is “meer van dieselfde” en berusting by die huidige orde.

play slot

VF Plus eis ‘vullis-afslag’

Die VF Plus het gesê dat die party amptelik eis dat die Tshwane-metroraad korting ter waarde van drie maande se belasting vir vullisverwydering aan inwoners toestaan. Dit volg nadat nog ‘n onderbreking in vullisverwydering hierdie week ondervind word vanweë ‘n staking.

Die VF Plus in Pretoria gaan hom na gesprek met die Pretoria-belastingb etalersverenigin g (PBV) by ‘n amptelike dispuut voeg wat tans voorberei word. In die dispuut word die eis vir die korting gemaak vanweë die nie-lewering van dienste waarvoor belastingbetalers betaal het.

In 2009 was daar minstens vyf ernstige probleme met met vullisverwydering in die Tshwane-metroraadsg ebied, waarvan die laaste oor rondom Kersfees plaasgevind het. Die jaar 2010 is nie eens ‘n week oud nie en daar is reeds nuwe probleme met vullisverwydering.

Volgens dr. Conrad Beyers, VF Plus-raadslid, bewys die nuwe staking dat die ANC-beheerde metroraad geen plan, strategie of idee het oor hoe om die probleem hok te slaan nie.

“Tydens die laaste ses onderbrekings in vullisverwydering het die ANC ses verskillende verskonings vir die probleem aangebied. Hierdie keer handel dit blykbaar oor arbeidsmakelaars. Die talle verskonings raak nou absurd en dit het tyd geraak dat belanghebbende organisasies en inwoners die saak op ‘n gekoordineerde wyse begin aanspreek”, het Beyers gesê.

Die VF Plus het gesê dat die party hoop dat talle organisasies en belanghebbendes hulle by die dispuut sal voeg sodra dit amptelik verklaar word. “Ons wil eers die pad van gesprek, bemiddeling en arbitrasie met die metroraad volg om ons eise en klagtes deur te gee. Indien daar egter nie resultate is nie sal meer ingrypende aksie rakende die korting op belastinggelde oorweeg word”.

Vullis in Pretoria: ‘Gee geld terug’

Die Vryheidsfront Plus het gesê dat inwoners van Pretoria geregtig is om hulle geld vir vullisverwydering terug te eis nadat vullisverwydering in die Tshwane-metrogebied vir die vyfde keer vanjaar nie plaasvind nie.

Volgens dr. Conrad Beyers, VF Plus-raadslid, is die metroraad wetlik verplig om die dienste te lewer waarvoor inwoners betaal.

“Daar is oorgenoeg gronde vir inwoners om ‘n amptelike dispuut op groot skaal met die metroraad te verklaar, waarin daar geëis word dat korting gegee moet word vir dienste wat nie gelewer is nie. Dit help egter nie dat slegs enkelinge dit doen nie – dit moet regoor die stad gekoördineerd wees. Voorsitters van inwonersverenigings, tesame met ander belanghebbendes, moet in Januarie bymekaar kom om gekoördineerde aksie te beplan,” het Beyers gesê.

Die VF Plus het gesê dat dit jammer is dat die probleme rakende vullisverwydering aanhou herhaal, nadat die party reeds verlede jaar gewaarsku het dat voorkomende maatreëls getref moet word om die onderliggende probleme op te los.

Die VF Plus het gesê dat enige verdere versuim deur die ANC om alternatiewe reëlings vir vullisverwydering te tref tot ‘n ramp in die stad kan lei. “Die feit dat die ANC passief toekyk hoe die probleem vererger, het veroorsaak dat ‘n probleem wat op ‘n baie vroeër stadium opgelos kon word tot ‘n ernstige krisis gelei het. Hierdie is die swakste stadsadministrasie in Pretoria se geskiedenis.”

Chris ‘Boetman’ Louw skiet homself met AK-47

Volgens kollegas en vriende van die veteraanjoernalis Chris Louw het hy selfmoord gepleeg deur hom met ‘n AK-47 op die dak van sy huis te skiet. Blykbaar het Louw, ‘n voormalige redakteur van RSG se aktualiteitsprogramme Monitor en Spektrum, finansiële probleme gehad en is daar die afgelope tyd ook 40 keer by sy huis op ‘n kleinhoewe by Silkaatsnek tussen die Hartebeespoortdam en Brits ingebreek.

Louw het in die jaar 2000 vir ‘n opskudding gesorg toe hy ‘n ope brief aan Willem de Klerk, broer van FW de Klerk, geskryf het wat aanstons as die “Boetman”-brief bekendgestaan het. PRAAG het die volledige brief van 5 000 woorde in boekvorm uitgegee.

In die onlangse tyd het Louw meer en meer krities oor die huidige bestel begin raak, ook as gevolg van sy werk as vryskutlandbouskrywer en die toenemende inbrake en aanvalle op sy eie plasie by Silkaatsnek. Hy het skerp kritiek op prof. Jonathan Jansen, nuut aangestelde bruin rektor van die Vrystaatse Universiteit, gelewer in artikels wat in Rapport en in Beeld gepubliseer is. Onder andere het hy Jansen as ‘n “wolf in skaapsklere” bestempel wat beplan om Kovsies stelselmatig te transformeer en te verengels.

Hy laat sy vrou Johanita en twee kinders, ‘n seun en ‘n dogter, agter.

подвесные потолочные

Volksblad kry bruin redakteur

Die oudste Afrikaanse koerant in die land, Die Volksblad, kry van aanstaande jaar af ‘n bruin redakteur, mnr. Ainsley Moos. Hy sal vanaf Januarie 2010 die leisels by mnr. Jonathan Crowther oorneem wat ná 36 jaar in die joernalistiek aftree.

Crowther was tien jaar lank Die Volksblad se redakteur. Die koerant behoort aan die land se grootste mediagroep, Nasionale Pers, wat ‘n beleid van regstellende aksie en transformasie toepas.

Moos is slegs 31 jaar oud en waarskynlik een van die jongste redakteurs in die land. Hy is tans redakteur van Die Landbouweekblad, wat insgelyks ‘n Nasperspublikasie is.

Van die vier groot Nasperskoerante in Afrikaans (die ander is Beeld, Die Burger en Rapport), was Die Volksblad tot dusver die koerant wat konserwatiefste politieke beleid gevolg het en ook heelwat kritiek teen die ANC van lesersbriewe en gasrubriekskrywers toegelaat het.

Dis tans nog onduidelik of Moos hieraan gaan verander en die blad dalk in ‘n meer liberale en ANC-simpatieke rigting gaan stuur.

Die Volksblad bestaan reeds sedert 1904, toe dit deur die Nederlandse drukker Hendrik die Graaf in Potchefstroom in Nederlands as “Het Westen” opgerig is. Die naam is in 1917 na Die Volksblad verander, waarna die koerant ook in Afrikaans begin verskyn het.

Ainsley Moos is oorspronklik van Oudtshoorn in die Weskaap. ‘n Ander Kaapse bruine, prof. Jonathan Jansen, is onlangs as rektor van die Vrystaatse Universiteit aangestel, wat beteken dat Kapenaars nou twee van die invloedrykste posisies in Bloemfontein beklee.

euro online casino