Nuus Archives - Page 124 of 403

Wetgewers beplan om doodstraf te elimineer

‘n Wetgewerskomitee in Colorado het Maandag ‘n plan goedgekeur om die doodstraf te elimineer en die geld te benut om te fokus op dormante sake na slagoffers se familie gevra het vir hulp om berusting te vind.

Die huis van verteenwoordigers juridiese komitee het die maatreëls goedgekeur na ure se emosionele getuienis deur ondersteuners wat gesê het die geld kan beter aangewend word om die mense te vind wat hulle geliefdes vermoor het. Die wet gaan nou na die goedkeuringskomitee.

Die wetgewing sal fondse verskuif wat gebruik was om doodsvonnisgevalle te ondersoek om te help met die toenemende agterstand van meer as 1400 onopgeloste gevalle van manslag te ondersoek wat ondersoekbeamptes gepootjie het sedert 1970.

Die leier van die meerderheid in die huis, Paul Weissman, ‘n demokraat, het gesê die staat behoort geld te spandeer om daardie gevalle op te los, in plek daarvan om twee gevangenes wat in die dodeselle sit en ‘n halfdosyn ander wat afwagtend is te verdedig.

Die laaste teregstelling in Colorado was in 1997, toe die 53-jarige Gary Lee Davis tereg gestel is na sy skuldigbevinding in ‘n 1986 moord.

In 2007 is ‘n soortgelyke wet deur die huis van verteenwoordigers se juridiese komitee goedgekeur, maar dit het gevou onder sterk druk van die staatsaanklaers en prokureurgeneraal.

тамбов аксессуары прокурор Фильчаков

De Beers gaan twee myne in Botswana sluit

Botswana se hoofmynmaatskappy het Maandag gesê dat hulle twee diamantmyne vir die res van die jaar sluit en 588 poste verminder om die dalende aanvraag te hanteer te midde van die globale ekonomiese afplatting.

Debswana, wat besit word deur die regering en die diamantreus De Beers, het gesê hulle gaan operasies by noordelike myne in Orapa en Damtshaa staak.

Twee ander myne wat gesluit was sedert die Kersvakansie sal egter weer op 14 April begin werk, het die maatskappy bygevoeg.

‘n Verslag wat verlede week deur De Beers uitgereik is, het aangedui dat produksie by Debswana met 4% gedaal het van 33,6 miljoen karaat in 2007 tot 32,3 miljoen karaat in 2008.

De Beers het verlede jaar ‘n 6,9 miljard wins aangekondig, wat 0,8% op is, weens die toenemende aanvraag in die eerste 9 maande van 2008. In die laaste kwartaal het aanvraag gedaal regoor die wêreld, volgens die maatskappy.

Botswana is die wêreld se grootse produsent van diamante per volume en per waarde. Ongeslypte diamante is die land se grootste industrie, wat 50% van openbare inkomste bydra, 33% van bruto binnelandse produk en 70% van buitelandse verdienste.

справка форма 086у

Apartheidkredietkaart

Sean Verster

бра классика

Hou Afrikanerdroom aan die brand

Ek wil PRAAG versoek om 'n kontinue en aggressiewe veldtog te loods om die droom van Afrikanerselfbeskikking aan die brand te hou. Hoe selfbeskikking bereik kan word, is 'n ander saak. Die droom moet egter deur elke Afrikaner nagestreef word. Van al die redes wat aangevoer kan word vir hierdie strewe is die belangrikste aspek vir my rondom moraliteit en vryheid. In die utopiese eenwereldsheid en ‘n multikulturele samelewing kan moraliteit nie anders as om volgens die wet van entropie afwaarts te neig nie.

Hoewel 'n mens in hierdie utopie sogenaamd vry is, verloor jy egter jou individualeit. Jy is vry om te slaap of te "trou" met wie en wat jy wil maar jy is nie vry om te sê wat jy wil nie. Die reëls van die utopie is dat alles en almal gelyk is. Jy kan glo wat jy wil solank jy nie dít wat glo as absoluut voorhou nie. Indien jy ander van jou wêreldbeskouing wil ootuig, sal jy gebrandmerk word as synde 'n rassis, Islamofoob, homofoob of seksis en kan van jy van haatspraak aangekla word!

{mosbanner:id=10}

Die Nederlandse parlementariër en filmmaker Geert Wilders se besoek aan die Britse Hoërhuis waar hy sy rolprent oor Islam sou vertoon, is gekanseleer onder druk van Baron Ahmed, die Moslemlid van die huis. Alhoewel Engeland vry en demokraties moet wees, is die nuwe gees van menslike broederskap vryheidsbeperkend. Obama se nominasie van die pro-pornogafie- en pro-aborsieprokureur, Dawid W. Ogden, vir die tweede posisie in bevel van die VSA-kantoor van die advokaateneraal is tekenend van die veval van moraliteit in die liberale geengrensgemeenskap.

Suid-Afrika is nie 'n ideale plek om in te wees nie maar al vlug jy na 'n ander meer geskikte plek sal jy jou vasloop in die eenwêreldgees sonder grense wat mense skei. Engeland is byvoorbeeld 'n neo-heidense gemeenskap waar evangeliste wat hulle byvoorbeeld oor Islam uitspreek, vervolg word. Die Ontvansdame van 'n skool word aangekla van professionele wangedrag nadat sy 'n epos aan Christen-vriende gestuur het om vir raad te vra omdat haar dogter wat diesefde skool bywoon 'n ander kind van die evangelie vertel het. 'n Klag is teen die kind gelê. Die private epos het in die skoolhoof se hande beland en die ontvangsdame word daarvan aangekla dat sy bewerings maak wat die skool en personeel skaad. 'n Verpleegster is uit haar pos geskors omdat sy aangebied het om vir 'n bejaarde pasiënt te bid. Sy word deur haar werkgewer daarvan beskuldig dat sy gefaal het om "personal and professional commitment to equality and diversity" te demonstreer. Dieselfde tipe dinge gebeur in Australië. Soos ook in Amerika! Al hierdie lande gekenmerk deur morele verval.

My doel is nie om die Christengeloof in mense se kele af te druk nie maar om te demonstreer dat 'n "verbintenis tot gelykheid en diversiteit" morele verval tot gevolg het en vryheid aan bande lê. Die "world in unity"-gedagte lei nie alleen daartoe dat morele waardes gerelativeer word nie, maar is die teelaarde vir die liberale gespuis wat ongetwyfeld die botoon in die Westerse wêreld voer.

Onderwyl daar gepraat word van 'n eie land vir die Afrikaner en sommige selfs tot optrede wil oorgaan, glo ek dat die eerste geveg moet wees om die denke van die Afrikaner. Die droom van selfbeskikking moet ten alle koste aan die brand gehou word. Al die insette wat die gewone mens ontvang, het ten doel om hom tot die liberale denkrigting te laat konformeer. By die werkplek word jy geïndoktroneer met die nuutste Oprah-tipe "psycho-babble"-tegnieke. Ook die media, die koerant, tydskrif, die rolprent, die teater, musiek, radio en TV het almal dieselfde boodskap van 'n strewe na 'n wereld in harmonie en die afbreek van nasionale en ander grense wat mense skei.

Al het ons nog nie outomiteit nie, moet ons denke daarop gerig wees . Ek persoonlik glo in die bonatuurlike en een bewys daarvan is Israel en die Jood. Al was hulle duisende jare sonder heenkome en 'n land het hulle in 1948 hul land teruggekry. 'n Eie land is die ideaal maar intussen moet ons denke suiwer gehou word. 'n Volgehoue veldtog as teenvoeter vir die wêreld sonder grense en reënboognasie-ideaal sal aangewese wees.

Ons moet ons identiteit behou en moet Afrikaners aanmoedig word om hulself te identifiseer en herkenbaar te maak. Dalk kan 'n plakker op jou motor geplaas word wat jou as Afrikaner uitbeeld en dat ons mekaar kan herken of hang 'n Afrikanervlag by jou huis. In so 'n veldtog kan mense aangemoedig word om met ander Afrikaners in die gemeenskap waar hulle is te meng. Sportdae kan oor naweke gehou word waar raak-rugby of sewesrugby of krieket gespeel kan word net om mense in 'n ander omgewing te plaas as die gedurige liberale propaganda waaraan hulle blootgestel word.

Alternatiewe vermaak moet aangebied word. Enersdenke kunstenaars kan ondersteun word deur hulle na jou gemeenskap te nooi vir vertonings. Praatjies oor entrepeneurskap kan in die gemeenskap gehou word om Afrikaners te bemagtig om eie besighede in hul gemeenskap te begin al is dit 'n Afrikaanse eetplek waar 'n mens 'n beeshaas kan bestel.

Ter opsomming, al is ons nie fisies outonoom nie moet ons minstens in ons denke outonoom bly om nie geuniformiseer te word tot die immorele en vryheidsbeperkende ideologie van die reënboognasie en die neo-heidense liberale Weste nie. 'n Veldtog, of eerder geveg, om die denke van die Afrikaner is noodsaaklik.

Лобановский Харьков

Julius Malema ‘geen werklike leier’ – Mulder

Pieter Mulder

"Julius Malema is geen werklike leier nie. Hy is slegs ’n gevaarlike opsweper en haatsaaier. Dit is die maklikste soort politiek. Om opponente sleg te sê en hulle kakkerlakke en slange te noem, kan enigeen doen. Op die kort termyn is jy gewild, maar op die langer termyn besef jou volgelinge dat jy geen werklike bydrae tot oplossings maak nie", het dr. Pieter Mulder, VF Plus-leier, in reaksie op mnr. Malema se aanvalle op opposisiepartye gesê.

Die moeilikste politiek is om met wysheid leiding aan jou volgelinge te gee. Dit mag jou op die kort termyn ongewild maak, maar op die langer termyn word jy reg bewys en styg jy uit as ’n ware leier.

Dit is die soort leierskap wat Nelson Mandela geïllustreer het. Malema glo ANC-leiers het ’n geskiedenis van omstredenheid en probeer dit op ’n amateuragtige wyse naboots. As voorbeelde neem hy egter nie Nelson Mandela nie, maar Peter Mokaba met sy “Kill the Boer” slagspreuk en Winnie Mandela wat almal met vuurhoutjies wou bevry. Soos sy rolmodelle is net die beste goed genoeg vir Malema. Te midde van sy volgelinge se armoede ry hy in ’n Mercedes-Benz E-klas en woon in die rykmansbuurt Sandton.

Suid-Afrika kan nie bekostig om by hierdie tipe leier en politiek vas te steek nie. ’n Miljoen Tutsi’s is in 1994 in ’n volksmoord in Rwanda vermoor. Dit is ook voorafgegaan deur haatspraak waarin Tutsi’s as kakkerlakke wat uitgewis moet word, beskryf is.

As dissipline uit ’n samelewing en uit skole verdwyn, dan word ’n individu soos Julius Malema ’n jeugleier. As jeugleier is hy gekies by ’n ANC-Jeugkongres waar swak gedrag, drank misbruik, ontbloting en skade aan eiendom die kenmerke van die kongres was. In ’n gedissiplineerde samelewing soos Japan of China sou so ’n kongres op die toekoms van die land gekonsentreer het en sou Malema se soort retoriek nie eers raakgesien gewees het nie.

Om te verhoed dat Malema ooit president van hierdie land word, moet die ANC in die opposisiebanke eindig. Geen opposisieparty kan dit alleen regkry nie. ’n Koalisie van opposisiepartye kan dit wel regkry. Daarom moet elke kieser stem vir die party die naaste aan sy waardes. Ná die verkiesing werk ware verantwoordelike leiers dan saam om dit reg te kry.

Amnestie Internasionaal vra wapenverbod teen Israel

Hellfiremissiel afgevuur deur Amerikaanse helikopter

Getuienis het te voorskyn gekom van Israel se gebruik van Amerikaans vervaardigde wapens gedurende die oorlog in Gasa, insluitend witfosfor artillerie bomme, 227kg bomme en Hellfire-missiele.

In 'n verslag wat Maandag vrygestel is, het Amnestie Internasionaal besonderhede gegee van die wapens wat gebruik is en 'n versoek gerig vir 'n onmiddellike wapenverbod teen Israel en alle gewapende Palestynse groepe.

AI het gevra dat die Obama-administrasie militêre hulp aan Israel staak.

Amerika was lank die grootste wapenverskaffer aan Israel; volgens 'n huidige 10-jaarooreenkoms wat deur die Bush-administrasie onderhandel is, sal Amerika $30 miljard se militêre hulp aan Israel voorsien.

"As die grootste verskaffer van wapens aan Israel, het Amerika 'n plig om enige voorraad te staak wat kan bydra tot oortredings van die wette rondom oorlog en menseregte," het Malcolm Smart gesê. Smart is Amnestie Internasionaal se programdirekteur in die Midde-Ooste en Noord-Afrika.

"Israel se militêre offensief in Gasa is grootliks uitgevoer met wapens, ammunisie en militêre toerusting wat deur Amerika verskaf is en waarvoor daar deur Amerikaanse belastingbetalers betaal is."

Palestynse militante het ook sonder onderskeid vuurpyle afgevuur op burgerlikes, het Amnestie gesê. Die organisasie het gevra vir 'n onafhanklike ondersoek ná oortredings van internasionale humanitêre reëls deur beide kante.

Amnestie-ondersoekbeamptes in Gasa het verskeie fragmente van wapens gevind na die gevegte. Een is van 'n 227kg vin-geleide bom afkomstig, waarvan die merke aandui dat dele gemaak is deur die Amerikaanse maatskappy Raytheon. Hulle het ook dele gevind van Amerikaans vervaardigde witfosforartilleriebomme, met die skrif M825 A1.

Op 15 Januarie het verskeie witfosforbomme wat deur Israel gevuur is die hoofkwartiere van die VN se hulpwerkagentskap in Gasa getref en medisyne en voedselhulp vernietig. Een fragment is op die toneel gevind wat aangedui het dat dit in 1991 vervaardig is deur Pine Bluff Arsenal, wat in Arkansas geleë is.

Die menseregtegroep het gesê die Israelse weermag het wit fosfor in dig bevolkte gebiede gebruik, wat volgens hulle 'n nie-diskriminerende vorm van aanval is en ook 'n oorlogsmisdaad is. Die navorsers het wit fosfor gevind wat steeds brand in woongebiede, dae ná die skietstaking in werking getree het.

By die toneel van 'n aanval wat 3 Palestynse paramedici en 'n seun dood gelaat het op 4 Januarie, het Amnestie fragmente van 'n AGM114 Hellfire-missiel gevind, wat vervaardig word deur Hellfire Systems van Orlando, 'n gesamentlike program tussen Lockheed Martin en Boeing. Die missiel word dikwels vanaf Apache-helikopters gevuur.

Amnestie sê hulle het ook tekens gevind van 'n nuwe tipe missiel, wat klaarblyklik gevuur word van onbemande vliegtuie. Die nuwe missiel ontplof in duisende stukkies skrapnel wat bestaan uit "klein, metaalvierkantjies, met skerp hoeke, elke stukkie is tussen 2mm en 4 mm groot."

"Dit wil voorkom asof hulle ontwerp is om maksimum besering aan te rig," het Amnestie gesê. Baie burgerlikes is deur die wapen gedood, insluitend verskeie kinders, het Amnestie gesê.

Vuurpyle wat deur Palestynse militante afgevuur is, was van die 122mm Grad-missiele of kortafstand Kassam-vuurpyle, 'n plaaslik vervaardigde, geïmproviseerde artilleriewapen. Plofkoppe word óf ingesmokkel óf vervaardig van kunsmisstowwe.

Die arsenaal van wapens is 'n op "baie klein skaal vergeleke met Israel", het AI gesê, en bygevoeg dat die vuurpylarsenaal wat Hezbollah in 2006 in die Libanese oorlog ontplooi het "buite bereik was van die Palestynse militante groepe".

топкарго

Zim-diplomate kan nie hul rekeninge betaal nie

Die maand het 'n diplomaat van Zimbabwe wat in Oostenryk gestasioneer is, selfmoord gepleeg, klaarblyklik in 'n toestand van depressie na 'n uitsettingsbevel. Sy is in Harare begrawe na vriende en familie geld bygedra het om die liggaam na Zimbabwe te laat vervoer.

Daar is baie stories oor diplomate wat oorleef op buitelandse geld wat gestuur word deur uitgebreide families in Zimbabwe en op gunste en gawes van vriende. Baie is diep in die skuld nadat hulle oortrokke geraak het vir hulle alledaagse behoeftes.

Zimbabwe het 38 diplomatieke sendings en 3 konsulate regoor die wêreld. Die grootste sendings is in New York en Geneva, as gevolg van die VN. Ambassadeurs word tussen 11,000 en 13,000 Amerikaanse dollar per maand betaal, afhangende van senioriteit.

Buitelandse geldaansoeke aan die reserwebank van Zimbabwe deur oorsese ambassades is nie ten volle uitbetaal nie. In Februarie het die New Yorkse sending net $100,000 ontvang, nadat die agterstallige en ander maandelikse verpligtinge meer as $i miljoen beloop het.

Bronne sê dat Zimbabwiese diplomate en buitelandsesakepersoneel wat oorsee geplaas is, nie vir die laaste 5 tot 7 maande betaal is nie. Dit beteken dat hulle nie in staat is om meeste verpligtinge te ontmoet nie, soos om akkommodasie te betaal, verhitting, medikasie en skoolfondse. Plaaslik gewerfde personeel het vir die laaste 3 tot 5 maande geen salarisse ontvang nie, en ook geen bonusse nie.

In Indië, Iran en Oostenryk het eienaars vir kanselarye en wonings hulle ministeries van buitelandse sake genader om klagtes te rig omtrent die agterstallige betalings deur Zimbabwiese missies.

'n Diplomaat wat anoniem gepraat het, het gesê: "As gevolg van die humanitêre krisis by die huis is ons nie meer 'n prioriteit nie."

jewellery for Александр Фильчаков

Obama louwarm vir ‘demokrasie’

Sedert hy die Ovaalkantoor oorgeneem het, het nog president Obama, nog sy adviseurs veel melding gemaak van demokrasiebou as 'n doelwit. Terwyl dit nie heeltemal in stryd is met Bush se groot, selfs grandiose visie nie, blyk dit asof Obama eerder wil terugbeweeg na die meer tradisionele Amerikaanse beleid om die wêreld te hanteer soos dit is, eerder as soos wat dit kan wees.

Die skuif is in Washington en groot dele van die wêreld ontvang met verligting, aangesien niemand gemaklik was met Bush se sendelingsretoriek nie, en dit beskou het as of naïef of sinies.

Idealiste, by gebrek aan 'n beter woord, stem saam dat die uitbou van demokrasie die kern Amerikaanse waarde moet wees, maar met meer gematigdheid en meer begrip van die gemeenskappe ter sprake. Die realiste aan die ander kant is skepties oor afleidings dat wat in Amerika werk noodwendig uitgevoer moet word na elders of dat dit ander Amerikaanse belange moet oorskadu.

Die essensiële spanning vir die Obamaspan is dat die Bush-era die idee van verspreiding van demokrasie gediskrediteer het.

Ongelukkig het die visie wat Bush geartikuleer het met passie en helderheid, nooit konsekwent gerealiseer nie. Hy het byvoorbeeld die Millennium Uitdagingprogram begin om buitelandse hulp aan lande toe te sê wat vryheid en gehoorsaamheid aan die wet bevorder het. Hy het die Dalai Lama ontmoet, Sjinese en Noord-Koreaanse dissidente in die Ovaalkantoor ontvang en sanksies toegepas op Mianmar. Maar hy het kritiek van bondgenote en lande wat hy nodig gehad het vir ander prioriteite getemper, soos Saoedi-Arabië en Kazakstan.

насосные станции для

Duitse Jode woedend vir oud-Kanselier

Die Sentrale Joodse Raad in Duitsland het kritiek uitgespreek teen 'n vergadering wat die voormalige kanselier, Gerhard Schröder, die naweek gehad het met president Mahmoud Ahmadinejad van Iran gehad het. Ahmadinejad het herhaaldelik die bestaan van die volkslagting van die Jode ontken.

"Mnr. Schröder doen groot skade aan die reputasie van Duitsland en die Duitse regering," het Stephan Kramer, die algemene sekretaris van die Joodse Raad in 'n onderhoud gesê aan Neue Presse, 'n koerant in Hannover.

Schröder, wat kanselier was van 1998 tot 2005, het Iran nooit besoek in die tydperk nie. Hy het sy nie-amptelike besoek begin aan Tehran Donderdag begin. Sy kantoor het gesê dit is 'n privaatbesoek.

Die Russiese media het gesê Schröder is op 'n missie na Iran as verteenwoordiger van Gazprom, die Russiese energiereus. Schroder is een van die hoofuitvoerendebeamptes van Nord Stream, die Russies-Duitse gaspyplynprojek wat onder die Baltiese see gaan deurloop, en Rusland vir die eerste keer in staat sal stel om gas direk aan Wes-Europa te stuur. Gazprom het die grootste aandeel in Nord Stream.

Behalwe die vergadering met Ahmedinejad, het Schröder ook Ali Larijani, die speker van die kabinet ontmoet. Gedurende 'n vergadering van regeringsamptenare en top verdedigings- en sekuriteitsamptenare by die jaarlikse sekuriteitskonferensie in München die maand, het Larijari gesê, "in Iran het ons nie dieselfde sensitiwiteite" omtrent die volkslagting en of dit plaasgevind het nie.

Duitsland is een van Iran se mees belangrike handelsvennote, en sy uitvoere na Iran het met 10,5% toegeneem in die eerste 11 maande van 2008 tot $4,6 miljard, volgens Duitsland se federale statistiekkantoor.

Net na baie druk van Amerika en Israel het Merkel beveel dat federale uitvoerkredietwaarborge vir maatskappye wat wil handeldryf met Iran, verminder word. Die regering het verlede jaar reeds kredietwaarborge aan Iran aansienlik verminder.

ANC en IVP wil-wil slaags raak

Minister van veiligheid en sekuriteit Nathi Mthethwa moes Sondagmiddag fisies tussenbeide tree om botsings tussen IVP- en ANK-ondersteuners te verhoed in KwaZulu-Natal se Mselenigebied.

Die minister het gehelp om 'n potensieel plofbare situasie te voorkom toe 'n handvol IVP-ondersteuners probeer het om ANK-ondersteuners te verhoed om die stadion te verlaat waar hulle 'n saamtrek gehou het.

Die twee partye het saamtrekke gehou net meters van mekaar af, ten spyte van die Pietermaritzburgse hofuitspraak wat Saterdag 'n interdik toegestaan het waarvolgens die IVP verhoed is om 'n saamtrek te hou minder as 5 kilometer van die ANK se saamtrek.

Die ANK het die hof genader om die IVP te verhoed om 'n saamtrek te hou naby die Nselenistadion, omdat daar insidente van geweld uitgebreek het toe die IVP en ANK hulle saamtrekke naby mekaar gehou het.

Kaptein Jay Naicker het gesê die IVP-saamtrek was 'n onwettige vergadering, en het bygevoeg dat hulle 'n hofbevel verontagsaam het. Hy het gesê die polisie ondersoek 'n geval van 'n onwettige vergadering.

Die polisie het geen arrestasies gemaak nie, en ook nie die vergadering van die IVP uitmekaar gejaag nie.

Daar was swaar teenwoordigheid van polisie en soldate op die toneel gedurende die saamtrekke op Sondag, wat meer as 5000 mense gelok het.

ударный гайковерт Лобановский