Nuus Archives - Page 12 of 403

Iran beplan verrykingsaanlegte in trotsering van VN

Iran het gister planne om tien industriëlegrootte uraanverrykingsaanlegte te bou, goedgekeur, ‘n dramatiese uitbreiding van die program wat die VN se eise dat die land verryking moet staak trotseer, en ‘n skuif wat waarskynlik spanning in die Weste gaan verhoog.

Die besluit kom enkele dae nadat die VN se kernwaghondagentskap Iran betig het oor hulle program en aangedring het dat die konstruksie van ‘n nuutonthulde verrykingsaanleg gestaak word. Die weste het gesein dat hulle uit geduld uit raak met Iran se voortgaande verryking en hulle onbereidwilligheid om ‘n VN-ooreenkoms te aanvaar. Die VSA en hulle bondgenote het aangedui dat nuwe VN-sanksies ingestel sal word indien Iran nie reageer nie.

Die Withuis sê die skuif “sal nog ‘n ernstige oortreding van Iran se duidelike verpligtinge onder talle VN Veiligheidsraadresolusies wees en nog ‘n voorbeeld van Iran wat verkies om hulleself te isoleer.”

“Tyd loop uit vir Iran om die internasionale gemeenskap se groeiende kommer oor hulle kernprogram aan te spreek,” sê die Withuis se perssekretaris, Robert Gibbs.

“Dit is ‘n toonbeeld van die grondliggende probleem wat ons in die gesig staar met Iran,” sê hy. “Ons het oor en oor verklaar dat ons Iran se reg tot ‘n siviele kernprogram erken, maar hulle moet eers internasionale vertroue in hulle bedoelings herstel. In plaas daarvan om met ons in gesprek te tree, verkies Iran om uit te lok en te mislei.”

Die VN se Internasionale Atoom Energie Agentskap het Vrydag ‘n skerp teregwysing aan Iran oor verryking uitgevaardig, en dit het Teheran woedend gemaak.

“Sou die Weste aanhou om druk op ons te plaas, kan die wetgewer Iran se vlak van samewerking met die IAEA heroorweeg,” het die parlement se speaker, Ali Larijani gister in ‘n toespraak oor die staatsradio gesê.

mobile casinos no Данильченко

Switserse verbod op Moslem-torings maak Moefti moeilik

Egipte se Moefti, Ali Gomaa, het uitgevaar teen ‘n referendumuitslag in Switserland wat nuwe minarette verbied, en het dit ‘n “belediging” teen Moslems regoor genoem terwyl hy ‘n oproep op Moslems gedoen het om nie deur die skuif uitgelok te word nie.

‘n Soliede meerderheid Switserse kiesers het in ‘n referendum gestem om die oprigting van nuwe minarette, die torings wat teenaan moskees gebou word vanwaar die oproep tot gebed gemaak word, te verbied

“Hierdie voorstel word nie net as ‘n aanval op die vryheid van opvattings beskou nie, maar is ook ‘n poging om die gevoelens van die Moslem-gemeenskap in en buite Switserland te beledig,” het Gomaa, die Egiptiese regering se amptelike vertolker van Islamitiese wet aan die staatsnuusagentskap MENA gesê.

Hy het Switserland se 400,000-sterk Moslemgemeenskap aangemoedig om dialoog en wettige metodes te gebruik om die verbod, wat hy as uitlokkende gedrag beskryf het, te beveg.

Die regse Switserse Volksparty, Switserland se grootste party, het die referendum afgedwing nadat hulle die verpligte honderdduisend stemme binne 18 maande ingesamel het.

Switsers stem teen moskeeminarette

Die Switserse media spreek vandag hul kommer uit oor die naweek se referendum waarin die bou van moskeeminarette verbied is.

Die Franstalige koerant Le temps meen die uitslag “is deur vrees, fantasieë en onkunde” veroorsaak en waarsku dat daar “skouspelagtige skade” aan Switserland se internasionale aansien gaan wees.

“Weerwraak, boikotte, terugslae… die botsing met Islam kan baie duur wees,” skryf die Geneefse dagblad verder.

“Sekere mense, wat deur die krisis getraumatiseer is, het ‘n stem van protes en agterdog uitgebring, eerder as haat of wantroue. Dié stem het nou in ‘n bom verander.”

Die dagblad van Lausanne sê dat uitvoere, toerisme, die luuksebedryf en die finansiële nywerheid almal ‘n teenreaksie behoort “te vrees”.

Die Journal du Jura meen gister se referendum was ‘n “eie doel uit vrees” terwyl die koerant La liberté in Fribourg in ‘n hoofartikel skryf dat “vrese wat verbind is aan die Islamisering van die land en die vermenging van bevolkings wat te vinnig plaasvind” die uitslag beïnvloed het.

Die Tagesanzeiger, ‘n dagblad in Zürich, sê dat die land intens verdeeld geraak het tussen ‘n “moderne en internasionalistiese” kant en ‘n ander wat “tradisionalisties en nasionalisties” is. Volgens die koerant gaan die referendum “die internasionale isolasie van Switserland selfs onder Westerse lande” verhoog.

Die referendum om die torings wat aan moskees verbind is en waarvandaan Moslems tot gebed opgeroep word, te verbied, is gister met ‘n stempersentasie van 57,5 persent goedgekeur. Stemme is in 22 van die land se 26 kantons uitgebring.

Vooraf is voorspel dat die “nee”-stem teen ‘n verbod op minarette sou seëvier aangesien die media en die Switserse establishment dié standpunt gesteun het. ‘n Alliansie van die regse Switserse Volksparty en linkses, asook feministe, wat die “ja”-stem gesteun het, het egter vir gister se verrassing gesorg.

Verbruikers minder spandabel

Verbruikers steier steeds onder ekonomiese omstandighede, volgens gegewens wat vandag deur die Reserwebank bekendgemaak is.

Die SA Reserwebank het op sy webwerf gesê dat privaatsektorkrediet jaarliks met 0,42 persent vir Oktobermaand afgeneem het.

Dit volg op ‘n styging van 1,49 persent in September.

Gedurende dieselfde periode het die breed gedefinieerde M3-maatstaf vir die geldvoorraad met 2,67 persent teruggesak, vergeleke met 4 persent in die vorige periode.

free download

Swarte verkrag twee 9-jariges

‘n Swartman van 24 is in hegtenis geneem weens die verkragting van twee meisies van nege jaar oud, het die polisie in Katlehong vanoggend laat weet.

Kaptein Mega Ndobe het gesê die man het na bewering die meisies op straat in die Moleleki-buurt van Katlehong genader

“Hy het hulle na ‘n snoepwinkel gestuur en toe hulle terugkeer, het hy een van die meisies in sy huis in gedwing en haar verkrag,” het hy gesê.

Die eerste meisie is op 5 November verkrag, terwyl die tweede Saterdag verkrag is.

“Die tweede slagoffer het haar ouers vertel dat sy verkrag is en hulle ook oor haar vriendinnetjie vertel,” het Ndobe voortgegaan.

Die man is Sondag in hegtenis geneem.

Die polisie in Katlehong het ook 175 mense vir allerlei misdade in die gebied in hegtenis geneem, waaronder poging tot moorde, aanranding, diefstal, die rig van ‘n vuurwapen, kwaadwillige saakbeskadiging en openbare dronkenskap, asook onwettige immigrasie.

Die verdagtes sal na verwagting vandag in howe verskyn in Natalspruit, Alberton en Germiston, afhangend van waar hulle gearresteer is.

печь для бани купить

Ahmadinejad in Gambië

Die Iranse president, Mahmoed Ahmadinejad, het gister in Gambië aangekom vir ‘n werksbesoek van 24 uur wat daarop gemik is om verhoudinge tussen die Islamitiese republiek en die Wes-Afrika-land uit te bou.

Ahmadinejad sou samesprekings met sy Gambiese eweknie, Yahya Jammeh, oor ekonomiese en sekuriteitsaangeleenthede gevoer het.

Die Iranse leier – wat Gambië laas besoek het toe dit die Afrika-uniespitsberaad in 2006 aangebied het – sou agterna vertrek na Brasilië, Bolivia, Venezuela en Senegal.

Voordat hy op sy reis uit Teheran vertrek het, het hy gesê dat die lande wat hy op sy vyfdagreis sal besoek, “die vermoë het om ‘n nuwe wêreldorde teweeg te bring”.

Die VSA dring by Teheran aan om kernaanbod te aanvaar

‘n Senior Amerikaanse amptenaar het gister by Iran aangedring om “in te skakel” by die Weste oor sy kernprogram, nadat ‘n Iranse militêre hoof gewaarsku het dat ‘n aanval op hulle kernterreine verpletter sal word.

“Ons sal verkies dat die Iranse regime werk van die geleentheid om in te skakel, sal maak,” sê Ellen Tauscher, Ondersekretaris vir Wapenbeheer en Internasionale Sekuriteit by die VSA se Staatsdepartement.

Teheran het “vir betrokkenheid van die Verenigde State gevra. Hulle het dit nou. Wat gaan hulle nou doen? Gaan hulle opstaan en sê hulle aanvaar ons aanbod… of gaan hulle een of ander flou verskoning gebruik om dit te ontduik?” wou sy weet.

“Indien oorreding nie werk nie, gaan druk die volgende metode van optrede wees.”

Tauscher het nog ‘n rondte sanksies teen Iran voorgestel.

Sy het by die Halifax Internasionale Sekuriteitsforum gepraat en gesê die Verenigde State gaan voort om “beduidende” kommer oor Iran se kernambisies te hê.

Maar sy het bygevoeg: “Ek glo nie militêre optrede teen Iran is nou op die tafel nie.”

Intussen het ‘n bevelvoerder van die elite Rewolusionêre Wag gesê dat Iran se lugverdediging Israeli-vegvliegtuie sal uitwis indien hulle sou aanval.

topcargo отзывы

Mussolini se bloed en harsings op eBay te koop

Die Italiaanse diktator, Benito Mussolini, se bloed en harsings is gister vir 15,000 euro’s te koop aangebied op die veilingwebwerf eBay, voordat die maatskappy die advertensie wat deur ‘n anonieme verkoper aangebied is, onttrek het.

“Geen bod is ingedien in die kort tydjie wat die advertensie vertoon is nie,” sê eBay op hulle webblad, en verduidelik dat die verwydering op grond daarvan dat die maatskappy nie die verkoop van menslike stof goedkeur nie, gedoen is.

“Dit is ‘n skande dat hulle probeer om my oupa se harsings en bloed te verkoop,” het Alessandra Mussolini, die neo-fascis en kleindogter van Il Duce gesê.

Sy sê die oorskot van haar oupa, wat deur partisane aan die einde van die Tweede Wêreldoorlog gehang is, is normaalweg deur ‘n hospitaal in Milaan gehou. Die hospitaal het die aantyging ontken.

детские игры для де

Regter gooi saak teen Miley Cyrus oor ‘skrefiesoë’ uit

‘n Los Angeles-regter het gister ‘n hofsaak teen Miley Cyrus, waarin die tienerikoon van diskriminasie aangekla is nadat sy afgeneem is waar sy “skrefiesoë” maak, uitgegooi.

Lucie Kim het die ster van “Hannah Montana” in Februarie gedagvaar nadat ‘n foto opgeduik het van Cyrus en haar vriende waar hulle hulle oë skrefiestrek, vermoedelik om hulleself Asies te laat voorkom, volgens hofstukke.

Kim se prokureur het Cyrus, 16, gedagvaar onder ‘n statuut wat besighede verbied om teen minderhede te diskrimineer.

Kim het aangevoer dat die Disney-ster “moes geweet het dat haar afbeelding via die media, wat op haar privaatlewe fokus, versprei sou word.”

Die Los Angeles Hooggeregshofregter Robert Sohigian het egter gesê hy is nie oortuig dat Cyrus ‘n staatswet wat burgers teen diskriminasie deur besighede beskerm, oortree het nie.

In hulle hofstukke het prokureurs vir die popsensasie gesê die staat se Unruh Burgerregtewet wat deur Kim se prokureur aangehaal is, verband hou met toegang tot openbare akkommodasie en nie veronderstel is om genoegdoening te verskaf vir rassebeledigings nie.

Cyrus se prokureurs het ook opgemerk dat Kim toegegee het dat die sangeres en haar vriende nie bedoel het om teen mense van Asies-Stille-Oseaanafkoms te diskrimineer nie.

девочек

Mutasie in varkgriepvirus gevind

Die Wêreld Gesondheidsorganisasie het gister gesê dat ‘n mutasie gevind is in monsters van die varkgriepvirus wat geneem is na die eerste twee sterftes van die pandemie in Noorweë.

Hulle het egter beklemtoon dat dit nie voorkom asof die mutasie ‘n meer aansteeklike of gevaarlike vorm van A(H1N1)-griep veroorsaak nie en dat sommige ander, soortegelyke gevalle wat elders waargeneem is, matig was.

“Die Noorweegse Instituut vir Openbare Gesondheid het die WGO in kennis gestel dat ‘n mutasie bespeur is in drie H1N1-virusse,” het die WGO in voorligtingaantekeninge gesê.

“Die virusse is geïsoleer van die eerste twee noodlottige gevalle van die pandemiese griep in dié land en een pasiënt met ernstige ongesteldheid,” het hulle gesê, alhoewel hulle bygevoeg het dat geen verdere voorvalle in toetse opgespoor is nie.

“Noorweegse wetenskaplikes het monsters van meer as 7 pasiënte met kliniese siekte ontleed en geen verdere voorvalle van die mutasie is bespeur nie. Die bevinding dui aan dat die mutasie nie wydverspreid in die land is nie,” het die VN se gesondheidsagentskap verduidelik. Die WGO is van mening dat die mutasies nie ‘n groot uitwerking op die koers van die pandemie wêreldwyd sal hê nie.

Die WGO beraam dat tussen 250,000 en 500,000 mense elke jaar van standaard seisoenale variasies van varkgriep sterf.

casino free games