Nuus Archives - Page 51 of 403

Het Moskou en Washington ‘n ooreenkoms?

Is dit dalk 'n aanduiding van die houding van die nuwe Amerikaanse administrasie met die klem wat op rasse-ideologie val en nie op meriete nie?

Iemand moes dalk nader gekyk het na die belangrike dokument wat President Obama saamgeneem het na Moskou.

In 'n verklaring wat die Withuis uitgereik het oor die ooreenkoms wat pas tussen Dmitri Medwedef en Obama bereik is oor hoe om die START-verdrag – die sogenaamde 1991 Strategic Arms Reduction Treaty – vir wapenvermindering verder uit te bou, is daar 'n fout.

En die fout behels niks minder nie as die Amerikaanse president se naam.

Volgens die Withuis het 'n sekere Barak, nie Barack nie, Obama die dokument onderteken…

Terwyl die Withuis sukkel om die president se naam reg te spel, het die president in sy dogter Malia 'n geleentheid vir gratis publisiteit raakgesien.

Net 48 uur nadat die ooreenkoms tussen Moskou en Washington beklink is, het die elfjarige meisie, twee verskillende t-hemde gedra tydens dieselfde uitstappie na die Kolloseum in Rome.

Die beroemde vredesteken, wat uit 1958 se Campaign for Nuclear Disarmament dateer, was prominent op albei haar kledingstukke te sien.

Obama en sy gesin is in Rome vir die G8-beraad.

сауна лобановский класс

De Lille kla ‘wit kaffer teef’ aan

Die leier van die Onafhanklike Demokrate, Patricia de Lille, het minstens vyf aanklagte van crimen injuria teen Lara Johnstone van George gebring wat tans voor die landdroshof dien, berig Beeld.

Johnstone het na bewering in 2007 'n aantal teksboodskappe aan De Lille gestuur nadat sy nie op dokumente oor die oorsprong van MIV-vigs wat John-stone aan haar gestuur het, gereageer het nie.

Die teksboodskappe se bewoording sluit onder meer “dom kaffer teef” en “'n kaffer moroon imbesiel” in. Johnstone het getuig dat sy met ’n swart Moslem getroud is en dat die woord “ongelowige” in Arabies beteken.

Johnstone het gesê dat die woord “teef” eintlik met die grootste eerbied verwys na De Lille as ’n sterk vrou. Sy het gesê sy het nie geweet De Lille is so eng in haar denke nie.

Kaffer is volgens haar nie rassisties nie en sy noem haarself glo ’n “wit kaffer teef” aangesien sy met 'n swarte getroud is.

Johnstone het ook na vigs as die “beste uitvinding sedert Manhattan, verkragting en marteling” verwys in haar boodskappe.

машинка

Meer as 13 miljoen ontvang ‘toelaes’

Die ANC-regering betaal kindertoelaes sodat meer kinders in die lewe gebring kan word

Meer as 13 miljoen Suid-Afrikaners, waaronder 9 miljoen kinders, ontvang tans maatskaplike toelaes, sê die minister van maatskaplike ontwikkeling, Edna Molewa. Volgens haar bly dit "die mees doeltreffende vorm van armoedeverligting".

Molewa het verlede week in die parlement gesê dat Suid-Afrika se ouderdoms- en ongeskiktheidspensioene onlangs van R960 tot R1 010 verhoog is, kindertoelaes van R230 tot R240, stiefouerkindertoelaes van R650 tot R680 en sorgafhanklike toelaes van R960 tot R1 010.

Die regering het in Januarie 2009 die kindertoelaag na kinders tot die ouderdom van 15 jaar uitgebrei, wat beteken dat die toelaag 'n bykomende 300 000 kinders bereik. Molewa meen dat haar departement 'n bykomende 200 000 kinders teen die einde van Augustus gaan registreer.

"Ons erken dat, in weerwil van ons pogings, daar steeds twee miljoen kinders oor die ouderdom van 15 jaar is wat in armoede verkeer en in reaksie hierop gaan ons binnekort 'n plan voorstel om die kindertoelaag ook aan dié kategorie van kinders beskikbaar te stel.

Wat volwasse armoede betref, het Molewa gesê dat die regering sou aanhou om die plan toe te pas om pariteit tussen mans en vrou wat vir ouderdomspensioen kwalifiseer, toe te pas.

Sedert Julie 2008 het meer as 70 000 mans tussen die ouderdomme van 63 en 64 as gevolg van die ouderdomsaanpassingsbeleid toelaes ontvang. Van April 2009 af, is ouderdomspensioene na alle mans bo 61 uitgebrei.

In reaksie op stygende voedselpryse, het die departement die maatskaplike lenigingsbegroting van R124 miljoen na R624 miljoen verhoog, wat tussen November 2008 en April 2009 versprei is.

Molewa het gesê dat haar departement in die konteks van die globale resessie die nodige besteding sal handhaaf om te verseker dat diegene wat aan armoede ly toegang tot maatskaplike leniging kan verkry.

Die departement gaan ook verhoudings met kerklike en nie-regeringsorganisies ondersoek om te help met die verspreiding van maatskaplike leniging, ten einde dienslewering te verbeter.

Molewa het bygevoeg dat veranderinge aan die Suid-Afrikaanse welsynsagentskap gemaak gaan word ten einde afhandeling van aansoeke om toelaes te bespoedig, terwyl die departement met die Poskantoor saamwerk om maatreëls te bedink om die koste van toelaagbetalings te verminder en toegang te verbeter.

Tshwanemetroraad ignoreer Pretoria

Die Vryheidsfront Plus het gesê dat die Tshwanemetroraad en die burgemeester, Gwen Ramokgopa, hulle moedswillige en kortsigtige optrede moet staak rakende die naam van die Suid-Afrikaanse hoofstad. Dit volg nadat die ANC-beheerde metroraad ‘n internasionale advertensieveldtog geloods het waarin na Pretoria as ‘die stad Tshwane’ verwys word.

Die party het ook gesê dat die ooreenkoms met FIFA se plaaslike reëlingskomitee, waarvolgens die naam Pretoria in internasionale bemarking behou sal word, hiermee verbreek word.

Volgens dr. Conrad Beyers, VF Plus-raadslid, het die plaaslike ANC-leierskap klaarblyklik nie die visie om in belang van die land op te tree nie. Die naamkwessie in die hoofstad het ‘n landswye impak, maar die plaaslike ANC verkies telkens die pad van konfrontasie en polarisasie.

Die VF Plus het herhaal dat ‘n politieke oplossing vir die Pretoria/Tshwane naamkwessie gevind moet word ten einde minderheidsgroepe te akkommodeer.

“Die kwessie oor Pretoria se naam draal nou al vir baie jare en dit is reeds genoeg bewys dat die huidige eensydige benadering nie ‘n oplossing bied nie. Ons kort ‘n wedersyds aanvaarbare oplossing om die probleem vir eens en vir altyd op te los. Geen oplossing is moontlik sonder dat die naam Pretoria in die hoofstad se naam behou word nie,” het Beyers gesê.

Volgens die VF Plus moet die advertensie teruggetrek en reggestel word.

детские куклы

Ernstige brandstofuitdagings vir SA

Ernstige uitdagings staar Suid-Afrika se brandstofverskaffing in die gesig.

Die land voer tans 3% van sy petrolbehoeftes en 5% van sy distillate, wat diesel en vliegtuigbrandstof insluit, in. Teen 2016 kan die invoere tot onderskeidelik 14% en 34% toeneem. Dit beteken 'n yslike 7 miljard liter distillate en 2 miljard liter petrol per jaar in totaal.

Dr. Faizel Mulla, hoofstrateeg by die staatsoliemaatskappy PetroSA, het by Africa Energy Week gesê om brandstof aan die binnelandse mark teen 2016 te lewer, sal 10 tenkvragmotors elke uur, sewe dae per week, vanuit Durban na Gauteng moet vertrek.

Die Coega-raffinadery se bykomende produksievermoë sal reeds teen 2021 ten volle verbruik word en gaan invoere beslis styg.

Mulla sê sonder investering in verdere raffineringsvermoë sal invoere selfs dramaties styg, en die land se betalingsbalans benadeel.

Ingevolge die staat se energiemeesterplan moet PetroSA vir 30% van Suid-Afrika se ruolie-invoer via die Coega-raffinadery instaan.

Brandstofmaatskappye sal gevra word om 30 dae se ruolievoorraad asook 30 dae se voltooide brandstofvoorraad aan te hou, terwyl 30% van brandstofbehoeftes van plaaslike bronne soos aardgas, steenkool en biobrandstof afkomstig sal moet wees.

play gladiator

Derde weerstandige varkgriepgeval

’n Weerstandige vorm van influensa A (H1N1) is by 'n Amerikaanse tiener gediagnoseer. Dit is die derde varkgriepgeval in die wêreld wat dié vorm onderlede het.

Die stam is weerstandig teen oseltamivir (Tamiflu), een van twee middels waarmee die siekte behandel word.

Varkgriep is verlede maand tydens ’n besoek aan Hongkong by die sestienjarige meisie gediagnoseer. Die ander twee gevalle is onderskeidelik in Denemarke en Japan.

Kommerwekkend is dat die tienermeisie, anders as die ander twee gevalle, nie Tamiflu as voorkomende middel geneem het nie.

Kenners sê hulle het verwag dat sulke gevalle sal voorkom en monitor die situasie noukeurig.

Die Wêreldgesondheidsorganisasie het aanbeveel dat in lande waar die griep woed, roetinetoetsing gestaak word en gevra dat daar eerder op grieptendense gefokus word.

Daar is reeds meer as 98 000 varkgriepgevalle in ten minste 137 lande aangemeld, waaronder 440 sterftes.

Volgens Nios is daar tans 47 gevalle in Suid-Afrika.

casino games online лобановский политик

Sperm uit stamselle gekweek

Menslike spermselle kan in ’n laboratorium uit stamselle gekweek word.

'n Navorsingsgroep by die Stamselinstituut van Noordoos-Engeland het die tegniek ontwikkel. het. Die kennis sal aangewend word om onvrugbaarheid te help oplos asook beter begrip kweek van hoe medikasie voortplantingselle kan beïnvloed.

Die bevindings is Woensdag in die akademiese joernaal Stem Cells and Development gepubliseer.

Dit beteken nie dat mense nou “op ’n bord gekweek” kan word nie, het 'n navorser gesê.

“Dit is bloot ’n manier waardeur ons kan ondersoek hoekom sekere mense onvrugbaar is en wat die oorsake daarvan is.”

Mans is nog nie oorbodig vir voortplanting nie, want die spermselle kan net gekweek word uit embrio’s wat die man-like Y-chromosoom bevat.

для печи топкарго кидалы

Oproeriges maak N4 na Botswana onbegaanbaar

Inwoners van Lehurutse naby Zeerust het Woensdag die N4 na Botswana versper en motoriste onder klippe gesteek.

Hulle is opstandig oor 'n gebrek aan water. Die probleme bestaan reeds van verlede jaar af.

Daar is vir lang tye geen water beskikbaar nie en wanneer daar wel water is, is dit nie genoeg nie.

Beeld berig dat 'n motoris se bakkie onder klippe, bottels, “gesmelte teer” en gebruikte motorolie deurgeloop het. Hy was op pad na Mafikeng toe hy die onverwagse versperrings teëkom.

Jan de Jager, wat tans in Botswana woon, kon wegjaag omdat hy glo gewoond is om op “ruwe terrein” te ry. Hy het polisielede teëgekom maar het nie ’n klag ingedien nie.

Van die 60 of 70 mense wat deelgeneem het aan die klipgooiery, is dit moeilik om een of twee uit te sonder, het hy gesê.

Vragmotorbestuurders vermy blykbaar die pad van verlede jaar af.

'n Polisiewoordvoerder het intussen bevestig dat inwoners die N4 Dinsdag teen 16:00 versper het. Polisie-eenhede van Mafikeng en Rustenburg is ontbied en het met die inwoners en hul raadslid gepraat. Die versperrings is daarna verwyder.

Gordfon Kegakilwe, LUR vir plaaslike regering en tradisionele sake, sou die gemeenskap gistermiddag besoek om na hul griewe te luister.

Vorige adjunkminister in hof vir motordiefstal

In Suid-Afrika word die grootste misdadigers heel dikwels in die regering of in die parlement gevind, soos die honderde LP's wat die land se regeringsetel gedurende die sogenaamde parlementêre reisskandaal bedrieg het.

Dinsdag het 'n vorige adjunkminister van maatskaplike ontwikkeling, David Malatsi, egter in die hof op Ekangala naby Bronkhorstspruit verskyn, het die SAUK berig.

Malatsi is na bewering in die besit van 'n gesteelde voertuig betrap en is op borg van R5000 vrygelaat.

Konstabel Sally Skosana sê volgens die SAUK dat die Ford Bantam-bakkie Maandag as vermis deur 'n motorhandelaar in Centurion, suid van Pretoria, aangemeld is.

no deposit topcargo отзыв

Ghana wil olierykdom ten beste aanwend

Petrolaflewering in Ghana

Ontluikende oliereus Ghana wil eienaarskap van hul grondstowwe uitbrei om die foute wat sekere buurlande met olie-inkomste gemaak het uit te skakel.

Kwabena Donkor, Ghana se adjunkminister van energie, het gesê hulle wil Afrika trots maak en "olie en gas sal 'n seën vir Ghana wees en nie 'n vloek nie".

Hy het by de Afrika Energieweek se konferensie in Kaapstad gepraat.

Tim O'Hanlon, visevoorsitter van Tullow Oil, die Ierse maatskappy wat die swart goud in Ghana se Jubileeveld ontdek het, sê die veld is raar omdat dit so groot is.

Produksie sal in die tweede helfte van 2010 afskop met 'n geraamde 1,8 milard vate se reserwes. Tweneboa, nog 'n veld in Ghana, hou ongeveer 1,4 miljard vate ru-olie.

Olie is Afrika lei dikwels tot die verarming van die bevolking en konflik en korrupsie soos tans in die Nigerdelta gebeur. Ghana gaan hoofsaaklik op gas konsentreer eerder as ru-olie omdat dit meer werksgeleenthede skep.

турецкую баню Фильчаков прокурор