Internasionale nuus Archives - Page 307 of 464

Khmer Rouge-tronkhoof kan veertig jaar sit

Die tronkhoof wat verhoor word vir die bedryf van ‘n martelsentrum vir die Khmer Rouge, het net bevele gehoorsaam en niks gedoen wat hope van sy kollegas nie gedoen het nie, het sy prokureur gister gesê, en daarmee probeer om populêre oproepe vir sy kliënt om die maksimum moontlike straf te kry, probeer afweer.

Aanklaers in Kambodja se eerste volksmoordverhoor vra vir ‘n 40-jaarvonnis, wat waarskynlik die 67-jarige Kaing Guek Eav vir lewenslank sal laat opsluit, maar wat sommige van sy slagoffers sê is nie straf genoeg nie.

Regters sal teen vroeg volgende jaar op die uitspraak en vonnis besluit en kan tot lewenslank oplê. Kambodja het geen doodstraf nie.

“Ek kan nie hierdie vonnis aanvaar nie, want dit is te min,” sê Chum Mey, 78, een van ‘n handjievol oorlewendes van die S-21 tronk wat drie dekades gelede deur Kaing Guek EAV, ook bekend as Duch, bestuur is. “Hy moet 70 of 80 jaar kry… Hy moet gestraf word deur gehang te word, maar Kambodjaanse wet maak nie voorsiening daarvoor nie.”

Slotargumente sal Vrydag afgehandel word in die saak van Duch, wat aangekla word van misdade teen die mensdom, oorlogmisdade, moord en marteling. Omtrent 16,000 mans, vroue en kinders wat van dislojaliteit aangekla is, was in die tronk in Pnomh Penh gemartel voordat hulle verwyder is om tereggestel te word.

In die geheel het omtrent 1,7-miljoen Kambodjane weens die radikale kommunistiese beleid van die 1975-79 Khmer Rouge-regime en hulle Frans-opgevoede leier, Pol Pot, gesterf.

Obama se Afghanistan-plan word Dinsdag onthul

Die Amerikaanse president, Barack Obama, sal sy nuwe Afghaanse strategie Dinsdag in ‘n toespraak aan die nasie vanaf die roemryke West Point militêre akademie onthul, sê die Withuis.
Van Obama word allerweë verwag om, in ‘n definiërende oomblik vir sy jong presidentskap, te beveel dat 34,000 bykomende Amerikaanse soldate aan die stryd teen die groeinde Taliban-geleide insypeling deelneem.
Maar die president, wat gister belowe het om “die taak” in Afghanistan “af te handel,” sal ook ‘n onttrekkingstrategie uitlê.
“Ons is in jaar nege van ons pogings in Afghanistan. Ons gaan nie daar vir nog agt of nege jaar wees nie,” sê die Withuis-segsman Robert Gibbs.
Gibbs was nie in staat om te sê of Obama ‘n finale besluit gemaak het oor hoeveel Amerikaanse soldate gestuur gaan word nie, maar amptenare wat anoniem wil bly, stel die getal op tussen 30,000 en 35,000 – minder as die 40,000 hupstoot wat die VSA se bevelvoerder in Afghanistan, Generaal Stanley McChrystal voor aansoek gedoen het.
“Regdeur die proses het die president gedurig gestoot en gepor, nie om net eenvoudig vas te stel hoe ons ‘n sekere hoeveelheid troepe gaan inkry nie, waar wat die strategie is wat uiteindelik geïmplementeer moet word om hulle uit te kry,” sê Gibbs.
Die Verenigde State het tans omtrent 68,000 soldate in Afghanistan, en dra daarmee by verre die grootste las in die stryd teen die Taliban.

хамам в квартире

Irak span youtube in vir propaganda

Irak het die Withuis en die Pous se voorbeeld gevolg met die bekendstelling van sy regering se eie, amptelike youtube-kanaal.

Die youtube-kanaal is aan die einde van ‘n besoek aan Bagdad deur Eric Schmidt, Google se uitvoerende hoof, onthul.

Schmidt het ook planne aangekondig om historiese artefakte en dokumente uit Irak se nasionale museum met behulp van Google te digitaliseer.

Nuri al-Maliki, Irak se premier, het die nuwe kanaal op youtube.com/iraqigov, bekendgestel met ‘n boodskap dat dit sy regering nou sal toelaat om hul suksesse wêreldkundig te maak.

“Die wêreld het nog nie gesien wat die regering in Irak vermag het met wat die land se ekonomie, politiek en daarstelling van ‘n demokrasie betref nie,” het Maliki gesê.

“Die regering sien die aanwending van hierdie tegnologie as ‘n geleentheid om hul suksesse te toon,” het hy gesê.

строй баня

Wilders in Turkse wildernis?

Terwyl die Europeërs nog langtand herkou aan die gedagte om Turkye lid van die Europese Unie te maak, het ‘n nuwe herrie losgebars.

Turkye het met ontsteltenis kennis geneem daarvan dat die omstrede politikus, Geert Wilders, ingesluit is in ‘n afvaardiging van die Tweede Kamer wat oor die Kersreses ‘n werksbesoek aan Turkye wil bring.

Die Turkse regering het egter heftig beswaar gemaak en Wilders ‘n fascis en rassis genoem. Die regering wys ook daarop dat hy niemand binne die regering kan vind wat met Wilders ‘n woordjie wil wissel nie, en ook niemand onder die nie-regeringsorganisasies.

Die woordvoerder, wat nie sy stellings op TV wil herhaal nie om te demonstreer dat Wilders ignoreerbaar is, het bygevoeg dat dié politikus se insluiting in die afvaardiging as provokasie beskou word.

Terwyl die Turke die insluiting van Wilders as provokatief beskryf, het die Kamerkommissie vir Europese Sake wat die besoek reël, ook voet dwars neergesit en aangedui dat die hele afvaardiging gaan, of daar is geen besoek hoegenaamd nie.

Bron: Trouw

China stel 2 tereg vir giftige melk

Twee mans is Dinsdag in China tereggestel vir hulle aandeel in die besmette melkskandaal wat ses kinders gedood het asook die Chinese handelsmerk geskend het.

Byna 300 000 kinders het verlede jaar siek geword nadat hulle van die melkformule ingekry het wat met die gifstof melamien besmet is.

Toonaangewende produsent Sanlu het die melk verkoop. Hulle staar tans bankrotskap in die gesig. Daar is in Januarie 21 werknemers is skuldig bevind en gevonnis vir hul aandeel in die saak.

Volgens hofstukke is Zhang Yujun tereggestel omdat hy die publiek se veiligheid in gevaar gestel het, terwyl Geng Jinping tot die dood veroordeel is vir die produsering en verkoop van toksiese voedsel.

Zhang het glo meer as 770 ton melamien proteïen poeier gelewer, waarvan meer as 600 ton tussen Julie 2007 en Augustus 2008 verkoop is.

Geng het meer as 900 ton besmette melk verkoop, het hofdokumente aangetoon. Tian Wenhua, Sanlu se gewese algemene bestuurder en die vrou wat skynbaar vir die tragedie verantwoordelik is, is slegs lewenslange tronkstraf opgelê.

Sanlu-beamptes het reeds vroeg in Augustus bewus geraak van die melamien, maar het die publiek eers teen middel September daaroor ingelig, weens die Beijing Olimpiese spele.

Melamien, wat nierstene kan veroorsaak, word gebruik vir die maak van plastiek, kunsmis en beton. Die hoë stikstofinhoud daarvan veroorsaak dat proteïenvlakke hoër vertoon wanneer dit by melk of veevoer bygevoeg word.

пескоструй

VSA sal nie landmynverbod teken nie

Die Obama-administrasie het besluit om nie ‘n internasionale konvensie wat landmyne verbied, te teken nie.

‘n Segsman vir die staatsdepartement, Ian Kelly, het gister gesê dat die administrasie onlangs ‘n oorsig voltooi het en besluit het om nie die Bush-administrasie se beleid te verander nie.

“Ons het besluit dat ons landmynbeleid in werking sal bly,” het hy gesê.

Meer as 150 lande het ooreengekom om die Landmynverbodverdrag se bepalings om produksie te staak, te aanvaar om die vervaardiging, gebruik, opgaar en handel in landmyne te beëindig. Benewens die VSA sluit dié wat weier o.a. Sjina, Indië, Pakistan, Mjanmar en Rusland in.

Mensregtegroepe het die hoop uitgespreek dat die Obama-administrasie die verdrag sal onderteken.

Stephen Goose, direkteur van Human Rights Watch se wapensafdeling, sê hy is verras deur die aankondiging en het dit teleurstellend genoem. Hy sê dat sy groep die administrasie aangepor het om hulle besluit te hersien, maar die administrasie het geen aanduiding gegee dat dit beplan word nie.

Die Staatsdepartement se Kelly sê dat die Verenigde State volgende week ‘n waarnemersgroep van landmyndeskundiges na ‘n hersieningskonferensie oor die verdrag in Cartegena in Colombia sal stuur.

‘n Verslag wat hierdie maand deur die Internasionale Veldtog om Landmyne te Verbied sê dat daar nog in meer as 70 lande landmyne geplant is. Dit sê ook dat myne wat per ongeluk afgesit word, ten minste 1 266 mense verlede jaar gedood en 3 891 gewond het.

Komplot om wapens vir Hezbollah te verskaf, gefnuik

‘n Amerikaanse federale grootjurie in Pennsylvanië het gister vier mans formeel vir ‘n beweerde komplot om die Libanese terroristegroep, Hezbollah, deur onwettige planne van meer as ‘n duisend masjiengewere te voorsien.

Die klag kom net ‘n dag nadat ander amptenare in Philadelphia gesê het dat hulle ‘n soortgelyke komplot om lugafweermissiele te bekom en na Sirië te stuur, gefnuik het, hoewel owerhede in dié saak nog nie sover gegaan het om enige iemand daarvan te beskuldig dat hulle ‘n spesifieke terreurgroep probeer help het nie. Hezbollah, ‘n Sjiïtiese organisasie in Libanon is op die VSA se lys van terreurorganisasies.

Die aanklag wat gister aanhangig gemaak is beweer dat die twee verdagtes probeer het om ongeveer 1,200 Colt M4 masjiengewere aan Hezbollah te verskaf, maar hulle pogings is deur ‘n operateur onder die dekmantel gefnuik. Die samesweerders het na bewering gepoog om die wapens in Philadelphia te koop en na ‘n hawe in Sirië te verskeep vanwaar hulle uiteindelik met ‘n ompad na Hezbollah sou gaan.

Die aanklag is ook teen agt ander persone vir minder ernstige misdrywe wat verband hou met die vervoer van gesteelde of vervalsde goedere.

Die owerhede sê daar is altesaam 13 verdagtes in aanhouding en 11 word nog gesoek.

Hezbollah wat in 1982 gestig is, het berugtheid in die Weste verwerf toe dit verbind was met die ontvoering van Westerse gyselaars en ‘n reeks bomontploffings teen Westerse teikens.

Hezbollah tree hoofsaaklik op ter wille van Libanon se 1,2-miljoen Sjiïtiese Moslems, die land se grootste enkele sekte.

Hezbollah het oor die jare gegroei tot waar hulle ‘n netwerk van belange bedryf – klinieke, skole, ‘n TV-stasie en ‘n weeklikse koerant.

Александр Фильчаков

VSA wil hê NAVO moet magte na Afghanistan stuur

Die Amerikaanse weermag verwag van NAVO-medelidlande om meer soldate na Afghanistan te stuur indien president Barack Obama sou besluit om nog versterkings te stuur, het die Pentagon gister gesê.

“Dit is duidelik dat as die president sou besluit om addisionele magte tot die stryd in Afghanistan te verbind, daar verwag sou word dat ons bondgenote bykomende magte sal bydra,” het die perssekretaris Geoff Morrell aan ‘n nuuskonferensie gesê.

Oor die afgelope drie jaar het lidlande van die Noord-Atlantiese Verdragsorganisasie op ‘n bestendige grondslag magte na Afghanistan gestuur ná die ontplooiing van Amerikaanse versterkings, het hy gesê.

Morrell sê “die grondwaarheid is dat daar nie ontken kan word dat NAVO aansienlike addisionele magte opgedok het wanneer ons magte oor die afgelope paar jaar bygevoeg het,” en dat dit “soms misgekyk word.”

Omtrent 68,000 Amerikaanse soldate is in Afghanistan gestasioneer saam met ongeveer 42,000 ander buitelandse magte in die NAVO-geleide sending.

Obama het gister onderneem om “die taak af te handel” in Afghanistan en belowe hy sal binnekort sy besluit om nog tienduisende bykomende magte te stuur om insypelaars te beveg, bekend maak.

Die Amerikaanse president sê hy sal die “verpligtinge” van die geallieerdes uitspel en dit duidelik maak dat die “Afghaanse mense uiteindelik in hulle eie veiligheid sal moet voorsien” in ‘n aankondiging voor Donderdag se Dankseggingsvakansie.

Dit is onwaarskynlik dat NAVO-lidlande gou Obama se besluit om meer troepe te stuur met ‘n aankondiging van hulle eie sal volg, het Morrell gesê.

Duitsland, die derde grootste bydraer tot die internasionale sending in Afghanistan, het gesê dat ‘n vergroting van hulle 4,500-sterk mag bepaal sal word nadat Obama se besluit hersien is en na ‘n konferensie wat vir Januarie gereël is.

‘n NAVO-bevelvoerder het gewaarsku dat “Europese lande nie te baie bykomende soldate gaan stuur nie”.

blood suckers game

Meer haatmisdade in die VSA gerapporteer

Verslae van haatmisdade teen homoseksueles en godsdiensgroepe het skerp gestyg in 2008, volgens data van die FBI wat gister vrygestel is.

Oor die geheel het gerapporteerde haatmisdade met omtrent twee persent toegeneem. Dieslefde syfers toon ‘n amper 11 persent styging in haatmisdade gebaseer op seksuele oriëntasie en ‘n bykanse nege persent gebaseer op godsdiens.

Die grootste kategorie, rasgemotiveerde haatmisdade, het met minder as een persent gedaal.

Joe Solmonese, die president van Menseregte Veldtog, die grootste Amerikaanse homoseksuele-regte groep, het die getalle onaanvaarbaar genoem en gesê dit toon ‘n noodsaaklikheid vir die uitbreiding van die federale haatmisdaadwet wat verlede maand deur president Barack Obama geteken is.

Onder al die kategorieë van haatmisdade hou omtrent ‘n derde verband met vandalisme of saakbeskadiging. Omtrent dertig persent sluit intimidasie van een of ander aard in en nog dertig persent is fisiese aanvalle.

Brian Levin, direkteur van die Sentrum vir die Studie van Haat en Ekstremisme by die Universiteit van Kalifornië in San Bernadino waarsku dat die getalle misleidend kan wees omdat sekere state soos Kalifornië, Nieu Jersey en Ohio die getalle nougeset aanmeld, terwyl ander – Georgia, Hawaii, Mississippi en Pennsylvania – dit nie doen nie.

Konserwatiewe kommentators wys ook uit dat die praktiese toepassing van die wet nie voorsiening maak vir sogenaamde haatmisdade wat deur anderskleuriges teenoor blankes gepleeg word nie.

справки 086у Фильчаков прокурор

Twee Franse in Afrika ontvoer

Twee Franse hulpwerkers is in ‘n plofbare gebied van die Sentraal Afrika Republiek naby die grens met Tsjaad en Soedan ontvoer, het ‘n hulpgroep gister gesê.

Die twee personeellede is van die Triangle-hulpgroep van Lyon, Frankryk en is laat Sondag in Birao in die land se noordooste ontvoer, sê Christian Lombard, die groep se mededirekteur. Hy sê hy kan geen inligting oor die omstandighede of die ontvoerders verskaf nie.

Die Sentraal Afrika Republiek, een van die wêreld se armste lande, is ernstig belemmer deur gevegte in die aangrensende Darfoer-streek in Soedan. Triangle se pogings daar sluit die verbetering van watervoorrade en die bou van skole in, volgens hulle webblad.

Die Franse Buitelandse Ministerie sê hulle “verdoem hierdie kriminele optrede wat, weereens, hulpwerkers tref in ‘n streek waar NRO’s essensiële bystand aan die bevolking lewer.”

Die ministerie het ‘n oproep gedoen vir die “onvoorwaardelike en onmiddellike” vrylating van die gevangenes. In hulle verklaring sê die ministerie dat hulle en die ambassade in die Sentraal Afrika Republiek in nabye kontak is met die hulpgroep en die families van die ontvoerdes.

Die personeellede se identiteit is nie vrygestel nie.