Kategorie: Internasionale nuus

Nuus oor die wêreld buite Suider-Afrika

WikiLeaks ontbloot globale koverte CIA-krake

Die nuutste WikiLeaks donderslag bekend as Vault 7 ontbloot die CIA se inbraakpraktyke, en word beskou as ‘n wekroep vir rekenaargebruikers en IT-reuse.

Die internasionale nie-winsgewende organisasie het onthul hoe die CIA op die hele wêreld met sagtewaregereedskap kan spioeneer deur ‘n teikenrekenaar met PSP-omleiding (persoonlike sekuriteitsproduk) te besmet.

Die inligting wys hoe die Amerikaanse spioenasie-agentskap kwesbaarhede in bekende sagteware en hardeware platforms uitgebuit het om beheer oor te neem, asook besonderhede van die vermoë van die CIA om hul eie inbraakvingerafdruk weg te steek en ander daarvoor te blameer.

Apple en Google het inderhaas na die toenemende onsekerheid oor hul produkte verklarings uitgereik om gebruikers gerus te stel.

Die lekkasies in die tydperk tussen 2013 en 2016 is net die punt van die ysberg. “Die CIA het sy eie aansienlike vloot van krakers,” het die WikiLeaks persverklaring gesê.

“Die vraag is of die CIA se kraakvermoëns sy mandaat oorskry het en ‘n probleem van openbare toesig oor die agentskap geskep het. Die bron wil ‘n openbare debat oor die veiligheid, die skepping, gebruik, verspreiding en demokratiese beheer van kuberwapens inisieer,” sê WikiLeaks.

In ‘n skuif wat waarskynlik verdere verontwaardiging sal uitlok, het BuzzFeed berig dat Nigel Farage die Wikileaks-stigter in die Ecuadoriaanse ambassade in die weste van Londen Donderdag besoek het. Julian Assange woon daar sedert hy asiel in 2012 toegestaan ​​is.

Ecuador se gasvryheid het verhinder dat Assange na Swede gedeporteer is om kamma ondervra te word sodat hy uiteindelik aan die VSA uitgelewer word. Die Wikileaks-stigter is daar gestrand sedertdien, met die Britse polisie wat die gebou onder 24/7 streng toesig bewaak.

Farage het gesê hy kan nie onthou wat hy in die gebou gaan doen het nie. Farage het gesê: “Ek het nog nooit bespreek waar ek gaan of wie ek sien nie.”

Die voortdurende bewerings van “digitale vingerafdrukke” wat agter gelaat is deur “Russiese krakers” is in elk geval nou heeltemal betekenisloos en hopelik sien die Demokratiese Party in die VSA daarvan af om onophoudelik die “Russe” vir al hul probleme te blameer. Dit is duidelik dat die CIA self verantwoordelik is vir wat hulle aan die “Russe” toeskryf.

Die CIA het ‘n aansienlike inventaris van aanvalstegnieke gesteel van ander lande, onder andere die Russiese Federasie.

Een dokument behandel selfs die kraak van voertuigstelsels van onlangse modelle met gesofistikeerde aanboord rekenaarstelsels wat kan lei tot verlies van beheer oor die motor en noodlottige ongelukke kan veroorsaak.

In ‘n Facebook Livestream, het Assange bevestig dat die inligting verkry is uit ‘n geïsoleerde rekenaar by die CIA se hoofkantoor in Virginia. Hy beskryf die verlies as ‘n “historiese daad van verwoestende onbevoegdheid” vir die spioenasie-agentskap.

Hy het ook gesuggereer dat die voormalige Amerikaanse president Barack Obama en huidige president Donald Trump dalk nie eens geweet het hiervan nie. Hy bevraagteken ook dat die CIA maatskappye soos Apple en Google gebruik het om op hul vyande te spioeneer, wat albei kwesbaar gemaak het.

“WikiLeaks het baie meer inligting,” sê Assange. “Sodra hierdie materiaal doeltreffend ontwapen is, sal ons bykomende inligting publiseer oor wat gebeur,” het hy bygevoeg.

Duitse armoede bereik rekordhoogtepunt veral onder bejaardes

Ten spyte van lae werkloosheid, het Duitse armoede rekordhoogtes bereik.

‘n Nuwe verslag het aan die lig gebring dat meer Duitsers nou armer is as op enige tydstip sedert hereniging.

En die getal van wit Duitse pensioenarisse onder die broodlyn het gestyg met ‘n onrusbarende 49 persent in ‘n dekade, het die Welsynsvereniging bekend gemaak.

Wolfram Friedersdorf, hoof van die Menslike Solidariteitsassosiasie, noem dit ‘n “stortvloed” van bejaarde armoede. Streke wat die meeste geraak word deur swaarkry vir bejaardes, is Berlyn en die Ruhr van Noordryn-Wesfale.

“Met 15,7 persent van Duitsers in armoede, het ons ongelukkig ‘n hoogtepunt bereik sedert hereniging,” het Ulrich Schneider, hoof van die Gelyke Welsyn Assosiasie, verlede week gesê.

Die Vereniging sê dat 12.900.000 mense in Duitsland onder die armoededrempel verkeer het in 2015, en in 2005, 14,7 persent van Duitsers onder dié vlak geleef het.

“Ekonomiese ontwikkeling het al lank nie meer die vermindering van armoede meegebring nie,” het Schneider uitgewys.

Die syfers is gebaseer op die amptelike syfers van die Federale Buro vir Statistiek (Destatis) wat die deel van die bevolking met ‘n inkomste van minder as 60 persent van dié van die gemiddelde Duitse huishoudelike inkomste meet.

Terwyl Destatis mense onder die 60 persent merk klassifiseer as “bedreig deur armoede”, het die Welsynvereniging hulle beskryf as armoedig.

Meer kommerwekkend is dat die toename in armoede kom ten spyte van jare van dalende werkloosheid.

Sweedse minister van integrasie lieg oor verkragtingsyfer

Nadat sy die BBC vertel het dat die aantal seksuele misdade in Swede besig is om te daal, moes Swede se minister integrasie Ylva Johansson haar liegstories sluk en om verskoning vra.

Die mees onlangse syfers toon duidelik ‘n 13 persent toename in aangemelde seksuele misdade in Swede in 2016, en ‘n algemene toename oor die afgelope tien jaar.

Tydens ‘n onlangse onderhoud met die BBC, het die minister egter verklaar: “Ons kan sien dat die vlakke afgaan, en afgaan, en afgaan,” maar ongelukkig is dit nie die geval nie.

Sweedse sosiale media asook Twitter was aan die brand met ‘n geskal van verontwaardiging oor haar misleidende verklaring tydens haar TV-optrede.

‘n Sweedse politikus, Elisabeth Svantesson het getwiet: “Ons het nie nog fopnuus nodig nie.” Sy het ook ‘n beroep op die Minister gedoen om haarself te verduidelik. “Op watter manier is die aantal seksuele misdade besig om te verminder?”

Johansson moes vinnig haarself Saterdag red van ‘n yslike verleentheid. “Ek het my antwoord gebaseer op inligting wat ek het op daardie oomblik gehad het,” het sy aan die koerant Dagens Nyheter vertel. Dit klink onheilspellend soos ‘n verduideliking vir ‘n ideologiese vooroordeel want ‘n minister van sogenaamde “integrasie” wat nie eers die basiese kennis dra van wat die immigrante mee doenig is nie, laat ‘n mens wonder.

“Die voorlopige syfers vir 2016 toon ongelukkig dat die syfers aan die toeneem is,” het sy gesê en bygevoeg: “Dit is belangrik om korrek te wees, natuurlik.” Die aantal verkragtings in Swede het met 13 persent in 2016 toegeneem tot 6 560, ‘n syfer waarvan die Minister baie bewus moes gewees het.

Johansson, het tydens haar onderhoud op BBC News, ook ontken dat daar enige verband tussen misdaad en immigrasie is: “Ons kan geen verband tussen misdaad en immigrasie sien nie.”

“Ons is ‘n immigrasieland al vir twintig jaar … in dieselfde tyd, het die misdaadvlakke afgegaan. So ons kan nie regtig ‘n verband sien nie”, het sy gesê.

“Die vlak van verkragtings is nie eintlik hoog in Swede nie”, het sy ook gesê, nadat Nigel Farage onlangs gesê het Malmö is die “verkragtinghoofstad van Europa”. Die minister het ook beweer dat Farage “nie regtig weet waarvan hy praat nie”.

Oor die afgelope dekade het die aantal aangemelde verkragtings van 4 208 in 2006 tot 6 560 in 2016 gestyg, volgens die Nasionale Raad Sweedse vir Misdaadvoorkoming soos gerapporteer deur Aftonbladet.

‘Slegs nie-blankes’ vir mond-tot-mond asemhaling

York Universiteit in Toronto, Kanada, se swart studentgroep bied noodhulpopleiding uitsluitlik vir swart studente aan. Hulle sê hul blatante rassediskriminasie is deel van hul “plig” om die swart gemeenskap te help.

‘n Foto op hul Twitterbladsy van die groep, YUBSA, bevestig dit is slegs vir swart studente.

In ‘n verklaring wat uitgereik is op hul Facebook-blad, blameer YUBSA “anti-swart rassisme” vir die verontwaardiging oor hul program. Die groep het verduidelik dat, terwyl noodhulp iets is “waar almal in staat moet wees om toegang te verkry,” is hul dienste streng vir die swart gemeenskap en dit is nie rassisties nie.

“In ons pogings om hierdie te bied aan ons swart lede van die gemeenskap, is ons pogings met weerstand en anti-swart rassisme begroet.”

Die verklaring lui voorts: “YUBSA wil dit baie duidelik maak… dat dit op geen manier in enige betekenis rassisties is nie.”

Die groep verdedig hul besluit om net die program aan die swart gemeenskap aan te bied, deur York Universiteit se beweerde “lang geskiedenis van uitwissing van swart organisasies, swart studente en swart ruimte op dié kampus” uit te wys. Volgens die groep, beteken dit dat hulle nou ‘n “plig” het om net dienste slegs aan swart studente te bied.

“Ons is gekies om die belange van die swart studente by York te verteenwoordig binne ‘n anti-onderdrukkende raamwerk.”

Die groep het hul verklaring afgesluit deur mense te vra om hul “anti-swart rassisme in toom te hou” en om “beter te doen” as dit.

Die groep het ook hul verontwaardiging op Twitter te kenne gegee, en verklaar dat “anti-swart rassisme” die rede vir die ontsteltenis is.

Te midde van die omstredenheid, het YUBSA nóg ‘n verklaring uitgereik wat beweer “wittes is nie ‘n gemarginaliseerde groep” nie, en hulle het daarom nie hul eie ruimtes op kampus nodig nie.

YUBSA het wittes aangemoedig om menseregteklagtes in te dien teen hulle sodat hulle dit kan “versamel” om boek te hou van al die “anti-swart rassisme wat York voortdurend versuim om te erken en altyd teenwoordig is op dié kampus”.

‘Moenie die immigrante nie voer nie’

Die sentrum-regse burgemeester van die Franse hawestad Calais het liefdadigheid aan immigrante verbied. Natacha Bouchart het die verspreiding van voedsel verbied om te keer dat ‘n nuwe Oerwoudkamp weer op die rand van haar stad ontstaan.

Bouchart het ingetree om hulpgroepe te keer om immigrante te voer deur die goedkeuring van nuwe beperkinge. Bouchart het gesê dat sy die situasie verstaan ​​”van ‘n menslike oogpunt,” maar sy was nie van plan om in te gee aan hulpgroepe se oproepe dat hulle die mense wil kos gee nie.

Die polisie pas wat hulle noem ‘n “nul-toleransie beleid” op immigrante toe, en stuur hulle na amptelike akkommodasiesentrums elders in Frankryk as hulle hulle vang.

Na die uitreiking van ‘n bevel om al die voedselverspreiding op die terrein van die sogenaamde “Oerwoud” wat in Oktober verlede jaar gesloop is te stop, het Bouchart gesê langtermyn kommer is belangriker as onmiddellike hulpverligtingaksies. “Ons het te veel gely,” het Bouchart, ‘n lid van die sentrum-regse Les Republicains gesê.

Sy het verwys na die ontsettende styging in geweld en misdaad sedert die immigrante uit Afrika en die Midde-Ooste op die plek toegesak het.

Amptenare het reeds pogings deur plaaslike liefdadigheid belemmer om storte vir tienerimmigrante in die dorp te open, het die Guardian berig. Liefdadigheid en die plaaslike owerhede is nou in ‘n hofstryd gewikkel oor Calais se besluite.

“Ek het hierdie besluit geneem om seker te maak dat daar geen permanente basis of plakkery geskep word rondom Calais nie,” het Bouchart aan AFP gesê.

Calais het toenemend polities konserwatief en anti-links geraak en stem nou vir die FN, Marine Le Pen se party sedert die oorspronklike plakkersdorp opgerig is in 1999.

Utopia56, ‘n humanitêre hulpgroep, sê beamptes het traangas op vrywilligers en tieners gegooi wat vir kos tougestaan het. Die groep het aan La Voix du Nord vertel dat hulle sal voortgaan om die immigrante te voed “vir die eenvoudige rede dat hulle honger is,” selfs al moet hulle ondergronds werk.

Sarah Arrom van Utopia56 sê “Toestande is besig om meer en meer problematies te raak vir die immigrante. Hulle slaap nie, hulle kan nie ‘n stort neem nie, hulle is al hoe meer en meer moeg. Ons is regtig bekommerd oor hul toekoms.”

Nuwe aankomelinge, hoofsaaklik uit die Midde-Ooste, Afrika en die Indiese subkontinent, stroom steeds na Calais, met ‘n paar liefdadigheidsorganisasies wat rapporteer dat hulle besig is om honderde, en selfs duisende mense daagliks te voed.

Net Utopia56, ‘n klein organisasie, versprei 250 warm etes per nag, ‘n skerp styging na voorverlede maand, met die meeste ontvangers van Eritrea, Soedan en Ethiopië.

Op sy hoogtepunt, het die bevolking van die kamp 10 000 bereik, waarna swaar gewapende polisie die gebied moes patrolleer om inwoners te beskerm teen die gevolglike misdaad en aanvalle, ook op toeriste.

Pateet Macron blameer ‘Russiese krakers’ vir sy probleme

Emmanuel Macron, soos verloorder Hillary Clinton, is blykbaar die jongste slagoffer van “Russiese krakers”. Hy is geteiken deur ‘n parallelle “Russiese kraak- en fopnuus-veldtog”, volgens sy digitale veldtog bestuurder.

Maar die tweetjies kon nie enige bewyse van sodanige bedrywighede gee nie.

Mounir Mahjoubi beweer “Russe” is agter voortgesette “hoë vlak aanvalle” met die Russiese staatsbeheerde media as die “eerste bron van vals inligting”. Mahjoubi het by Sky News gekla: “Kom ons wees presies hieroor.”

Ongelukkig kon Mahjoubi alles behalwe “presies” wees en het hy eerder simptome van breinvries openbaar met onsamehangende beskuldigings teen “verregses”.

“Ons beskuldig Russia Today (RT) en Sputnik News as die voorste bronne van valse inligting oor ons kandidaat en al die ander simbiotiese maniere van al hierdie fascistiese organisasies of verregse nuusorganisasies.”

Die sogenaamde “kraak” beskuldigings kan nie verduidelik hoekom Macron se vertoning in die meningspeilings so pateties is nie, want die media hemel hom op as die “wenner”.

Mahjoubi erken boonop dat die “kraak” geen effek gehad het nie: “Ons was die teikens van verskeie pogings van krakery, maar ons het daarin geslaag om almal van hulle te keer.”

Mahjoubi het met Sky News by die hoofkwartier van Macron se beweging, En Marche, gepraat. Die beweging het nie lede nie, want dis nie ‘n politieke party nie. Dis maar ‘n maand of wat oud.

Hillary Clinton het tydens die Amerikaanse verkiesings verlede jaar dieselfde twak kwytgeraak oor die “Russe” om te verklaar hoekom sy verloor het.

Mahjoubi sê hy glo Macron is ‘n teiken omdat hy ‘n globalistiese, pro-Europa, pro die euro, intervensionistiese en liberale houding het – almal standpunte wat baie kiesers in verskeie EU-lande, asook die VSA reeds verwerp het. Hy sê Marine Le Pen is die “vyand”.

“Hierdie idees van ‘n meer oop Europa, van ‘n sterker Europa, van ‘n meer progressiewe Frankryk, hierdie idees vir sekere lande in die wêreld en vir sekere private organisasies is idees waarteen daar geveg word,” sê Mahjoubi. Maar duidelik begryp hy nie waarom kiesers in opstand is daarteen nie.

Nie Macron of sy personeel by En Marche weet mooi wat aangaan nie: “Die enigste ding wat ons kan sê, is dat die helfte van al die aanvalle uit die Oekraïne kom.”

Disney omhels LGBT + aktivisme

Disney het ‘n bedreiging vir kinders geword ná die produksiemaatskappy vandeesweek hul eerste ooit gay soen uitgesaai het.

In ‘n episode van Star wat uitgesaai word op kanaal Disney, kan ‘n gay paartjie gesien word wat soen vir die eerste keer in die geskiedenis van die maatskappy.

In die tweede reeks van die tekenprent, woon die protagonis Star en haar vriendin Marco ‘n konsert by waartydens hulle omring is deur soenende paartjies, en onder die skare kan twee mans gesien word wat mekaar omhels en later in die episode lesbiese paartjies wat soen.

Die onvanpaste skermskote is tydens ‘n musikale nommer. Gays beskou dit as hoogs betekenisvol omdat biologies-gebaseerde geslagsonderskeidings in Disneyfilms nou iets van die verlede is.

LGBT-kykers het op Twitter die soenery verwelkom, met die hoop dat dit die weg baan vir verdere “diversiteit” in Disneyfilms, maar die meeste ouers het gesê dat hulle teleurgesteld is deur die voorstelling van LGBT verhoudings in kinderprogramme. Martha Cliff, ‘n joernalis en LGBT advokaat, het getwiet, “Ons kom daar, een ​​soen op ‘n slag.”

Die komende film Beauty and the Beast sal die eerste openlike gay karakter in Disney bevat, volgens die direkteur van die film. Bill Condon sê die karakter LeFou se geleidelike versoening met sy seksualiteit is ‘n manier om LGBT sigbaarheid op die skerm te verhoog.

“Dit is ‘n pragtige, uitsluitlik gay oomblik in ‘n Disney fliek,” het Condon bygevoeg.

Dit is nie die eerste keer dat die kabelnetwerk LGBT karakters in hul programme ingesluit nie. In 2016, het die skeppers van Gravity Falls bevestig dat twee manlike karakters in werklikheid gay was, en in ‘n verhouding.

Disney se pro-gay aktivisme het baie mammas en pappas naar op die maag. Soos Fox News opgemerk het, sien baie dit as ‘n ramp dat ‘n samelewing geskep word “waar kinders nie meer kinders kan wees nie”.

“Maar deesdae gaan alles oor die LGBTQIA agenda. En wanneer dit kom by die vermaaklikheidsbedryf, is niks heilig in sy strewe om Amerikaanse kinders te indoktrineer nie. Nie eens Disney nie,” het Todd Starnes opgemerk.

Hoekom doen Marine Le Pen so goed?

Gister het ‘n komitee van wetgewers in Brussel ‘n Franse regsversoek om die FN-leier van haar immuniteit te stroop oor twee gevalle van “laster” en “publikasie van gewelddadige beelde van die Islamitiese staat moorde” op Twitter oorweeg, het Bloomberg berig.

Le Pen het ‘n foto van die onthoofde liggaam van ‘n Amerikaanse ISIS-gyselaar aan die einde van 2015 getwiet.

Sy het dit gepos nadat ‘n linkse joernalis haar party met ISIS vergelyk het, maar die foto is ook beskikbaar op Google. “Dit kan verkry word deur enigiemand op Google,” het Le Pen gesê.

Die aanklaer se kantoor in die voorstad Nanterre bevestig dat hulle ‘n ondersoek na “die verspreiding van gewelddadige beelde” begin het nadat Le Pen die joernalis se kwaadwillige vergelyking beantwoord het met “So lyk ISIS” wat die onthoofding wys.

Die komitee sal sy aanbevelings volgende week na die EU parlement stuur, en die volle kamer sal later stem oor die kwessie in Maart, net betyds vir die eerste ronde in April se verkiesings in Frankryk. Dis duidelik dat die Sosialiste probeer om enige politieke foefie te kry om die FN te stop.

Die Sosialistiese minister van justisie, Jean-Jacques Urvoas het in ‘n onderhoud met die Journal du Dimanche gesê dat staatsaanklaers met hul ondersoek tydens die verkiesingsveldtog sal voortgaan. Sosialistiese kandidaat Benoit Hamon, wat sukkel in die vierde plek het die ondersoek deur sy party geloof.

“Die regstelsel is onafhanklik,” het hy aan FranceInter radio Maandag gesê. “Hulle is betrokke by die verkiesing, want daar is ernstige vermoedens van bedrog.”

Verlede week het Le Pen geweier om ‘n nie-bindende dagvaarding vir ‘n onderhoud met die Franse polisie oor die gebruik van fondse van die Europese Parlement te gehoorsaam.

“Die regters is daar om die wet toe te pas, die wet nie te gebruik om die wil van die mense te stuit nie,” het Le Pen aan ondersteuners by ‘n saamtrek op Sondag in Nantes gesê.

‘n Professor van die Franse kultuur en politiek aan die Stanford Universiteit, het aan Bloomberg: “In vergelyking is daar teen die FN geen beskuldiging van persoonlike verryking nie, terwyl dit in die geval van Francois Fillon oor hom en sy familie gaan wat die direkte doelwitte van ‘n ondersoek [van selfverryking] is,” sê Cecile Alduy.

Die FN word beskou as ‘n anti-establishment party. “Die Nasionale Front word beskou as vervolg deur die stelsel so hul ondersteuners dink dat as almal anders rykdom van die stelsel gekry het, dit vir hulle goed is om ‘n bietjie van daardie geld terug te kry,” het Jean-Yves Camus, ‘n politieke wetenskaplike aan die Jean Jaures navorsingsinstituut gesê.

“[Francois] Fillon het ook probeer om die samesweringsverskoning te gebruik, maar dit werk nie, want hy is deel van die stelsel,” sê Jaures.

Bloomberg berig die Republikeinse Francois Fillon worstel met ‘n terugslag weens die kriminele ondersoek teen hom, wat die kanse van die banke se kandidaat Emmanuel Macron verbeter het.

Maar die FN is ook ver voor met digitale kommunikasie. Dit is “groter en meer professioneel as die sosiale media bedrywighede van teenstanders, insluitend die voormalige Ekonomie Minister Emmanuel Macron”, het Politico berig.

Dit was die eerste party in Frankryk in die middel-1990’s wat ‘n webwerf gehad het. Vandag is die FN se sosiale media enorm, en hulle bestuur legioene van aanlynvrywilligers in Frankryk, Europa en daarbuite wat elke dag werk om hul boodskap te versterk.

Die belegging het vrugte afgewerp met Le Pen wat spog met die hoogste sosiale media “betrokkenheidskoers” (gemeet aan voorkeure en volgelinge) van enige presidensiële kandidaat.

“In teenstelling met ander partye, wat rekeninge het wat net deur amptenare bestuur word… het Marine Le Pen ‘n groot netwerk van ondersteuning op sosiale media,” sê die bestuurder van Avec Marine, ‘n Twitterrekening met 15 400 volgelinge. Die 23-jarige professionele persoon wil egter anoniem bly.

Die ware held van Marine se veldtog is Philippe Vardon, ‘n anti-immigrant-aktivis, bekend as die “koning van agitprop” wat die gesofistikeerde sosiale media veldtog vir Marine Le Pen bestuur. Die episentrum, bekend as l’Escale vir die binnekringe, is geleë in die weste van Parys, ‘n kort afstand van die Place de l’Etoile.

Sowat 15 permanente web personeellede by die kantoor skep inhoud vir MLP2017 op rye Apple-rekenaars.

“Wat ons waargeneem het tydens die Brexit veldtog, en in die Amerikaanse presidensiële verkiesing, is dat die wenpartye ook baie sterk sosiale media veldtogte het,” sê Alberic Guigou, hoof van die Reputation Squad, ‘n sosiale media konsultasie-agentskap. “In Frankryk, het die FN duidelik ‘n groot voordeel in hierdie gebied op sy mededingers, beide in terme van gewildheid en hul metodes.”

“Vardon is ‘n spesialis in al daardie dinge, die agitprop aspek,” sê Sébastien Chenu, ‘n ander lid van die eenheid, en kulturele adviseur vir Le Pen. Vardon, ‘n ware Obelix-karakter, is ‘n voormalige lid van die Bloc Identitaire.

Le Pen het ook ‘n persoonlike blog, Carnet d’Espérances, ‘n mengsel van beleid en foto’s van die platteland.

Gaëtan Bertrand, die koördineerder van Le Pen se web-veldtog, het gesê die party het nie enige raad of hulp van vennote ontvang buite Frankryk nie.

Vardon het ook bevestig dat die Front geen formele bande het met aktiviste in die buiteland nie, maar hy erken die bestaan ​​van ‘n globale patriotiese front aanlyn. “Skielik sien ons ‘n klomp mense, veral Trump ondersteuners, wat van mening is dat: ‘OK, nou is Brexit gedoen, nou is Trump verkies, so ons is op pad na Frankryk.’ Jy kan sien hoe sentraal die Franse verkiesing is in hul siening van die wêreld,” het hy gesê.

Die FN het #FillonGate, ‘n nuwe hutsteken gewy aan aantygings teen die Republikein geskep. In Januarie, nadat die satiriese koerant Le Canard Enchaîné berig het dat Fillon sy Britse vrou Penelope groot bedrae betaal het uit parlementêre fondse, het #FillonGate #PenelopeGate geword. Dit het vinnig gestyg tot die tweede hoogste gewilde onderwerp op Twitter.

“Hierdie veldtogte maak staat op voorbereiding, dissipline, spoed en ‘n groot aantal ondersteuners versterk die boodskap,” sê Gaëtan Dussaussaye, direkteur van die FN jeugvleuel. “Sonder hulle sou ons nooit so baie mense bereik het nie.”

Sweedse speurder braai PK-politici wat nie-wit geweld ignoreer

Swede het blykbaar vir die eerste keer met nie-blankes te make danksy immigrasie. ‘n Sweedse polisieman het die skuld vir geweldsmisdaad in sy land vierkantig op nie-blanke immigrante geplaas sowel as politici wat opsetlik die probleem ignoreer.

Peter Springare, 61, ‘n speurder in Orebro, het reeds opslae gemaak op Facebook met sy vorige kommentaar oor nie-blanke misdaad.

Die Sweedse speurder het gesê hy word nie toegelaat om die etnisiteit van misdadigers wat betrokke is by verkragting of wapengeweld aan te teken nie.

Nie net blameer Springare geweldsmisdaad op immigrante nie, maar hy beskuldig politici dat hulle dié kwessie opsetlik ignoreer as gevolg van “politieke korrektheid”.

Vroeër hierdie maand het Springare, wat al meer as 40 jaar in die polisie werk, sosiale media aan die brand gehad toe hy verduidelik het hoe die etnisiteit van geweldsmisdaadverdagtes amptelik nie aangeteken mag word nie. Aanklaers het selfs begin met ‘n ondersoek teen hom vir die “aanhitsing van rassehaat” maar later die aanklagte laat vaar.

“Lande wat in die weeklikse lys misdade verskyn: Irak, Irak, Turkye, Sirië, Afghanistan, Somalië, Somalië, Sirië weer, Somalië, onbekend, onbekende land, Swede,” het Springare geskryf.

“Die helfte van die verdagtes, kan ons nie seker oor wees nie omdat hulle nie enige geldige ID’s het nie. Wat op sigself gewoonlik beteken dat hulle lieg oor hulle nasionaliteit en identiteit.”

Springare het aan die Britse Sunday Times vandeesweek gesê amper uitsluitlik immigrante is betrokke by geweldsmisdade: “Die hoogste en mees ekstreme geweld – verkragtings en skietery – word oorheers deur kriminele immigrante.”

Hy het gesê die misdade is anders as die gewone misdade in Swede. “Dit is ‘n ander misdaad wat taaier en ruwer is. Dit is nie wat ons gewone Sweedse misdaad sou noem nie. Dit is ‘n ander dier.”

Op sy Facebook skryf Springare: “Ek is so fokken moeg. Wat ek hier onder gaan skryf, is nie polities korrek nie. Maar ek gee nie om nie. Wat ek julle almal gaan vertel word nie toegelaat vir ons werknemersopnames nie.

“Hier gaan ons; Ek het van Maandag tot Vrydag hierdie week die volgende hanteer: verkragting, verkragting, roof, ernstige aanranding, verkragting-aanranding en verkragting, afpersing, afpersing, aanranding, geweld teen die polisie, bedreigings vir die polisie, dwelmmisdaad, dwelms, misdaad, poging tot geweldd, poging tot moord, verkragting weer, afpersing weer en mishandeling.

“Verdagte oortreders; Ali Mohammed, Mahmod, Mohammed, Mohammed Ali, weer, weer, weer, Christopher … wat is dit daar. Ja, ‘n Sweedse naam ook betrokke by ‘n dwelmmisdaad, Mohammed, Mahmod Ali, weer en weer.”

Springare gaan binnekort aftree en sê hy is nie bang vir die dissiplinêre stappe wat teen hom gaan kom nie.

“Die politici het gereageer op Trump soos tieners wanneer iemand hul hare kritiseer as lelik. Ek hoop hy het hulle oë geopen. Die gewone mense het nie Trump nodig om dit te doen nie. Hulle begryp ​​reeds die dinge wat ek opper baie goed.”

Switsers befonds Nollywood-reeks om swartes uit hul land te hou

Die Switserse regering het geld gegee vir ‘n Nigeriese TV-reeks om potensiële swart immigrante na Switserland af te skrik.

Die Nollywood-reeks vermy die tradisionele toerisme-lokaas, vriendelike gesigte met sonnige landskappe, sneeubedekte berge, mere en buitelugkafees, het Switserse nuusagentskappe berig.

Getiteld Missing Steps, is die reeks van 13 episodes beide in Nigerië en Switserland verfilm deur ‘n Nigeriese filmspan.

Die protagonis van die Switsers-Nigeriese ko-produksie, is ‘n jong Nigeriër wat asiel geweier word deur die Switserse owerhede en onwettig leef in Switserland.

Die storie volg “Josua” wat na Switserland kom en ontdek dat die lewe nie so lekker is soos hy gedink het dit sou wees nie. Lewe in Switserland is in werklikheid ‘n daaglikse stryd.

“Ons wil objektiewe inligting oor migrasie bied, wat daarop dui dat die tog [oor die Middellandse See] gevaarlik is en dat die kanse van Nigeriërs wat asiel toegestaan word, laag is. Ons beoog ook om te verduidelik dat die lewe vir onwettige immigrante in Switserland nie maklik is nie,” sê Lukas Rieder, woordvoerder van die sekretariaat vir Staatsmigrasie (SEM), wat die projek befonds.

“Ons het gesien dat ‘n gebrek aan inligting of vals inligting een van die grootste probleme is wat lei tot onwettige migrasie,” het hy bygevoeg.

“Mense smokkelaars vertel aan voornemende immigrante dat Switserland ‘n paradys is, dis Eldorado. Maar dit is nie waar nie. Ons wil objektiewe inligting oor die gevare wys.”

Amnestie Internasionaal het die veldtog skerp gekritiseer. “Dit is duidelik dat immigrante korrek ingelig moet word oor Switserse reg en asielproses,” het die organisasie se Denise Graf gesê aan swissinfo.ch.

“Maar in die eerste plek moet Switserland werk daaraan om die situasie van menseregte en die toekenning van hulpbronne aan Nigerië te verbeter.”

In 2016, is 27 207 asielaansoeke in Switserland ingedien. Hiervan was 1 106 van Nigeriese burgers (4,1 persent). In dieselfde jaar, het slegs drie mense asiel ontvang.

Dit is nie die eerste poging van die Switsers om swartes uit die Konfederasie te hou nie. In 2007, het Switserland ‘n twee-minuut advertensie in verskeie Afrika-lande soos Kameroen en Nigerië vertoon om potensiële reisigers te weerhou van die reis.

Die advertensie is in beide Wes-Afrikaanse lande uitgesaai in die duurste kykersegment, en beeld die lewe van nuwe immigrante in Europa uit as een belaai met ongelukkigheid, vyandigheid en gevaar.

In die kort film bel ‘n swarte sy pa van ‘n plek in Europa in die gietende reën en verseker hom dat alles goed gaan, terwyl hy in werklikheid op straat lewe, gejaag word deur die polisie en moet bedel om te eet.

Switserland is ook nie die enigste land wat soortgelyke veldtogte teen swartes befonds nie. Duitsland, Italië en Australië produseer video’s met ‘n negatiewe boodskappe wat gerig is aan swart immigrante.