Swart mensehandelaars is op binnekring-TV in Pretoria vasgevang waar hulle ‘n wit tweeling steel in ‘n apteek.
Lees verder.
Kategorie: Suider-Afrika
Suid-Afrikaanse nuus, d.w.s. sowel nuus uit Suid-Afrika én Suider-Afrika.
EFF probeer ontwikkelingsplan in Mamelodi kaap met onrus
Oproer het Donderdag by Stoffel Park in Mamelodi-Oos uitgebreek.
Die swart gebied lyk soos ‘n oorlogsone.
Die oproer word deur die EFF gereël sê ‘n ANC-raadslid want daar is ‘n ontwikkelingsplan vir die lokasie en dit is deeglik gekommunikeer aan die inwoners.
Die ANC sê die EFF wil soos die helde lyk as die ontwikkeling voltooi is om politieke punte daaruit aan te teken.
“Hulle wil soos helde lyk wanneer die ontwikkeling van die gebied voltooi is. Hulle wil lyk asof hulle die mense is wat gemaak dat die ontwikkeling gebeur.”
Solomon Mahlangu-rylaan en Tsamayaweg is versper met klippe, rommel en takke soos die inwoners amok gemaak het in die strate.
Taxi’s, busse en algemene verkeer kon nie die gebied verlaat of binnekom Donderdagoggend nie.
Die meeste werkers kon ook nie die lokasie verlaat nie. Selfs die winkelsentrum is gesluit vir besigheid omdat handelaars vrees vir moontlike vandalisme en plundering.
Die EFF-opstokers het vroeg vanoggend om 1 uur ‘n klok gelui sodat die oproeriges die strate kon gaan versper.
Teen dagbreek, was al die vernaamste toegangsroetes na Mamelodi-Oos afgesluit.
Daar is ‘n groot polisie-kontingent in die gebied.
AgangSA het R30 miljoen se kontantskenkings gehad
Die voormalige leier van AgangSA, Mamphela Ramphele, het R30 miljoen in kontantskenkings ontvang om die party te begin, sê ‘n woordvoerder.
“Mamphela Ramphele het ‘n enorme bedrag ingesamel nadat sy die lengte en breedte van Suid-Afrika deurgereis het om steun vir ‘n nuwe party te kry, en sowat R30 miljoen in kontantskenkings suiwer gebaseer op haar eie goeie naam ontvang,” sê uitgaande woordvoerder Philip Machanik.
Machanik tree uit en sal aan Jock McConnachie sy pos oorhandig.
Dinsdag het Mampie-Rampie aangekondig dat sy besluit het om partypolitiek te verlaat om te fokus op “werk in die burgerlike samelewing”.
Die party is diep in die skuld met onbetaalde salarisse en krediteure, sê Machanik.
“Die party is diep in die skuld, en hulle hou vol met hul vernietiging van die party se grootste bate.”
AgangSA het 52350 stemme, 0,28 persent van die 18654771 stemme gekry wat aan hulle twee setels in die Parlement besorg het.
Tradisionele leiers dreig met regstappe as inisiasiekole sluit
Tradisionele leiers het gedreig met regstappe teen die taakspan wat onwettige inisiasieskole wil sluit.
Sowat 20 onwettige inisiasieskole is in die Sekhukhune-distrik in Limpopo gesluit, as deel van die regering se veldtog teen sulke onwettige skole.
Die regering poog om sterftes tydens inisiasie te voorkom. ‘n Rekordaantal sterftes is reeds dié jaar aangemeld na rituele.
Ouers in Limpopo moes besluit of hulle hul seuns gaan huis toe neem, hospitaal toe stuur of oorplaas na wettige inisiasieskole.
Talle swart ouers steun die onwettige skole.
Die voorsitter van die provinsiale inisiasie-taakspan, Malesela Dikgale ook gesê sommige tradisionele leiers het gedreig met regstappe teen die taakspan omdat dit hulle inkomste raak.
Hy sê hulle gaan nogtans die oorblywende onwettige skole in die distrik oor die naweek sluit, ten spyte van die teenstand.
Meer as 30 onwettige inisiasieskole in die gebied het opdrag gekry om te sluit.
Buitelanders ‘kuier te lank’ op hul SA visums
‘Buitelanders help Suid-Afrika om van die verwoesting van apartheid te herstel’
In die eerste kwartaal het127 656 buitelanders wat oor ons grense gekom het “te lank op hul visums gekuier”. Blykbaar is boetes ook “ondoeltreffend” as ‘n “afskrikmiddel” om buitelanders te oorreed om die land te verlaat, aldus die adjunkminister van binnelandse sake, Mkuseni Apleni.
Daarom wil die ANC-regering voortaan onwettige immigrante wat “verskeie kere” onwettig in die land gevang word tot “ongewenstes” verklaar. Die werklike syfer van onwettige immigrante of mense wat met vervalle visums in die land verkeer, is egter waarskynlik veel hoër as die amptelike 127 656.
Die departement van binnelandse sake maak dit ook voortaan makliker om om politieke asiel in Suid-Afrika aansoek te doen. By die grensposte sal ‘n asieltransitovisum wat vyf dae geldig is uitgereik word, waarna die asielsoeker by die naaste “vlugtelingontvangskantoor” kan aanmeld. Die vorige transitopermitte is nou afgeskaf.
Dit gaan ook nou makliker wees vir studente van oor die hele Afrika om in Suid-Afrika te kom studeer. Voorheen moes hulle jaarliks hul studentevisums hernieu soos in Europese lande die geval is. Voortaan sal hulle egter van ‘n langer visum voorsien word wat vir die duur van die kursus geldig is.
Apleni sê:
“Sommige studente bly in die land aan nadat hulle gegradueer het, en dra sodoende tot die ekonomie by.
“In die 1999-witskrif oor internasionale migrasie, het ons ons as ‘n nuwe demokratiese maatskappy wat van die verwoesting van apartheid herstel, daartoe verbind om mense met vaardighede, kundigheid, hulpbronne, entrepreneurskap en kapitaal aan te lok wat tot die land se heropbou, ontwikkeling en nasiebou kan bydra.”
DA verwelkom besluit om De Kock se aansoek af te keur
Eugene De Kock sal ‘n aansoek by die Pretoriase hooggeregshof indien om die minister van justisie en korrektiewe dienste, se weiering van sy vrylating op parool tersyde te laat stel.
James Selfe, DA-woordvoerder oor korrektiewe dienste, het egter die minister se weiering om parool toe te staan verwelkom en gesê die korrekte prosedure is die slagoffers se familielede geraadpleeg word.
Dié proses móét vir De Kock gevolg word, het die DA gesê.
Volgens De Kock se regsverteenwoordiger is hy “nie gelukkig” omdat sy parool afgekeur is nie.
Die hersieningsaansoek behoort volgende week gereed te wees.
Masutha het Donderdag op ’n mediakonferensie gesê die slagoffers se families is nie geraadpleeg in De Kock se paroolaansoek nie.
Dit is in die slagoffers se belang dat die families kans kry om deel te neem aan die parool-oorwegingsproses, soos wetlik vereis word, het Masutha gesê.
Daarom het hy nie parool vir De Kock in dié stadium goedgekeur nie.
De Kock se regsverteenwoordiger het gesê die slagoffer-deelnameproses in parooloorweging het in 2003 van krag geword, en is nie van toepassing van vonnisse vóór 2003 nie.
Dit is byna seker dat die families beswaar teen De Kock se vrylating sal aanteken.
Die nasionale raad vir korrektiewe dienste het De Kock se parool op 19 November 2013 aanbeveel by S’bu Ndebele, vorige minister van korrektiewe dienste.
Dié raad staan onder voorsitterskap van regter Siraj Desai.
In die volgende vyf jaar gaan sowat 5 000 mense wat tot lewenslange tronkstraf gevonnis is in aanmerking kom vir parool en dit is hoogs onwaarskynlik dat enige familielede van hulle slagoffers genader sal word deur die minister.
Die aansoeke van De Kock en Clive Derby-Lewis het duidelik in ‘n politieke speelbal ontaard.
De Kock parool geweier
Die oud-Vlakplaas-bevelvoerder, Eugene de Kock, sal nie op parool vrygelaat word nie.
De Kock is in 2013 deur die paroolraad aanbeveel vir vrylating.
De Kock se vrylating sal vermoedelik te veel van ‘n vernedering vir De Klerk en sy trawante wees en hul openbare posisies ondermyn.
Die minister van korrektiewe dienste, adv. Michael Masutha, het die aankondiging Donderdagoggend gedoen.
Die families van De Kock se “slagoffers” is glo nog nie “geraadpleeg” nie.
De Kock is sedert 1996 in die tronk waar hy twee lewenslange vonnisse en nog 212 jaar tronkstraf uitdien nadat hy bevele van De Klerk en die NP-regering uitgevoer het.
Sy vorige base het intussen die ANC omhels wat De Kock in ‘n netelige posisie stel en hom heeltemal uitgelewer het aan die genade van halssnoermoordenaars en terroriste.
Luidens ’n inskrywing op die departement van justisie se webwerf het De Kock aan die WVK gesê NP-sekurokrate het gedurende apartheid voetsoldate gebruik om hul vuilwerk te doen.
Hy het oudpres. FW de Klerk en genl. Johan Coetzee, voormalige polisiehoof, uitgesonder en gesê hulle het die polisie en die meeste wit mense in die land uitverkoop.
In 1979 is Coetzee opdrag gegee om Seksie C1 op die polisieplaas Vlakplaas, aan die westelike buitewyke van Pretoria, te begin.
Coetzee se swart askari’s het ANC-terroriste wat nie geweld wou afsweer nie en halssnoermoorde gepleeg het, aan die pen laat ry.
In geen ander beskaafde Westerse land is iemand van sy status in dieselfde posisie geplaas nie.
In Frankryk het generaal Paul Aussaresses wat honderde moorde in die Algeryne oorlog gepleeg het, en dit openlik erken het, slegs sy treinkonsessie van die staat verloor om gratis te reis.
Parool vir De Kock, Derby-Lewis afgewag
Die Minister van Justisie en Korrektiewe Dienste, Michael Masutha, sal na verwagting vanoggend aankondig of die voormalige bevelvoerder van Vlakplaas, Eugene de Kock, op parool vrygelaat gaan word.
De Kock het die Noord-Gautengse Hooggeregshof in Pretoria in Mei genader oor ‘n besluit in dié verband, het RSG berig.
Die Nasionale raad oor Korrektiewe Dienste het ‘n aanbeveling daaroor in November verlede jaar gemaak.
Die aanbeveling is na die destydse minister, S’bu Ndebele gestuur, maar dit was onsuksesvol. De Kock het hom daarna tot die hof gewend.
Hy is in 1996 twee keer lewenslange gevangenisstraf en nog 212 jaar opgelê.
Intussen word uitsluitsel oor die mediese paroolaansoek van Clive Derby-Lewis ook met spanning afgewag.
Derby-Lewis is skuldig bevind aan die sluipmoord op die kommunis Chris Hani.
Sy vrou, Gaye Derby-Lewis het Woensdag onderstaande brief aan die Business Day gerig ivm met sy vrylating:
I REFER to your report, “Derby-Lewis should not be freed — SACP” (July 4).
This comment has appeared with regularity for 20 years, gaining momentum after Clive Derby-Lewis’s truth commission hearing in 1997-98. Each time, our family has called on the South African Communist Party (SACP) to produce the evidence of the “wider conspiracy”, which lie they spread with impunity. Nothing is ever forthcoming. Despite calls by the Young Communist League to reopen the Chris Hani (pictured) case in 2006, the National Prosecuting Authority (NPA) declined, saying that even when the case was before the truth commission, “various (commission) organs could not establish new facts around Mr Hani’s murder”.
Derby-Lewis was recommended for parole by the Parole Board in 2007, for release in October 2008. The latter date came and went. We took the case to court and lost on spurious grounds. He was recommended twice more, and each time was refused by the minister at the time.
Early this year, I asked the police to reopen the case. I asked them to question Blade Nzimande, Jeremy Cronin and other SACP members who are still declaring there is a wider conspiracy. They did nothing — too scared, I believe, to question the untouchables. I’m now asking the NPA to take action. If these people continue to talk about a conspiracy when clearly there is none, they are guilty of obstruction of justice as it is this lie that has gone a long way to precluding Derby-Lewis from obtaining parole.
We will wait and see whether the NPA has the guts to confront these charlatans from the piggyback party.
Moetiemoord laat gemoedere opvlam in Pongola
Swart inwoners het die plaaslike landdroshof in die Ncotshane-lokasie by Pongola in die noorde van KwaZulu-Natal aan die brand gesteek.
‘n Kerkleier sou binnekort in die landdroshof verskyn wat Woensdagaand in ligte laaie gelaat is.
Die onrus het vroeër uitgebreek nadat ‘n vier-jarige seun vermoor en vermink is, waarskynlik vir moetie.
Dele van sy verminkte liggaam is in die kerk in ‘n sak gevind.
Ontstoke inwoners het daarna die kerk en die huis van die kerkleier wat hulle van die moetiemoord verdink, afgebrand.
Die een-en-vyftigjarige pastoor is intussen in verband met die moord in hegtenis geneem.
Die gemeenskap eis nou dat 15 mense vrygelaat word wat in hegtenis geneem is ivm die vroeëre brandstigting.
Polisie- en gemeenskapslede het slaags geraak nadat inwoners paaie met vullis versper het. Die polisie en weermag het tot laat in nag gespook om die oproer onder beheer te bring.
Hofrekords en meubels is in die brand vernietig. ‘n Motor wat buite die hof gestaan het, is ook aan die brand gesteek.
Vyftig Numsa-stakers vir openbare geweld vas in Gauteng
Die polisie in Gauteng het meer as vyftig stakende werkers van die metaalwerkersvakbond Numsa in hegtenis geneem vir openbare geweld en kwaadwillige saakbeskadiging.
Volgens die polisie is 40 mense in Germiston in hegtenis geneem nadat die perseel van ‘n staalmaatskappy onder klippe gesteek is.
Een staker is ook in hegtenis geneem vir die besit van ‘n wapen.
Dertien mense is in Brakpan in hegtenis geneem nadat hulle ‘n vragmotor met klippe bestook het.