Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

‘As Julius ‘n kakkerlak is, kan ek sê hotnot’

“As Baleka Mbete Julius Malema … ‘n kakkerlak kan noem, dan kan ek Sherri-Lynn Rigney ‘n hotnot noem.”

Dit was die reaksie van ‘n gastehuiseienaar by Langebaan, Jennifer Abrahams toe die Cape Times Woensdag navraag gedoen het oor rassistiese aanmerkings in ‘n e-pos.

Abrahams het Rigney ondermeer ‘n “tipiese Saartjie Baartman-hotnot” genoem, en gesê sy is ‘n verleentheid vir ordentlike Kleurlinge.

Om haar kommentaar te regverdig, het Abrahams Mbete se aanmerkings oor die EFF-leier Malema gebruik.

Abrahams het die Cape Times gesê: “As ek moet hof toe gaan vir die gebruik van so ‘n term, dan moet Mbete ook hof toe gaan.”

Rigney het verlede week navraag gedoen oor ‘n vakansiehuis wat geadverteer word op die webwerf Gumtree.

Na ‘n woordewisseling Sondag, het Abrahams geskryf: “Jy het geen godsdienstige respek. Tipiese Saartjie Baartman-hotnot. Sal nie jou boodskappe lees nie.

“Het jy nog voortande?” het sy voortgegaan en voorts gevra of Rigney haarself ‘n mens of ‘n bobbejaan noem.

Woensdag, het Abrahams gesê: “Ek het vir haar gesê sy is ‘n hotnot, wat geen rassistiese betekenis het nie. Sy is meer hotnot as Asiaties of Indiër. Sover ek weet, word die terme boer en hotnot nie as onwettig geklassifiseer nie.

“Ek weet hierdie dame kom uit die hotnotkultuur, ek wou weet of sy ook ‘n paar tande verwyder het soos in hotnotkultuur.

“Deur te verwys na haar as Saartjie Baartman, het ek bedoel dat sy steeds optree soos die Hottentotte van 1652.

“Sy het geen opvoeding nie. Geen ordentlike dame sal vir ‘n persoon “motherfucker” en “fuck you” sê nie.

“As ek haar in persoon te ontmoet, sal ek haar vertel dat sy ‘n 1652 Saartjie Baartman-hotnot is wat in ‘n sleepwapark hoort en nie tussen wit velle aan die kus van Langebaan nie.”

Gumtree het via e-pos aanbeveel dat die Rigneys die aangeleentheid rapporteer by die polisie. Sodra die webwerf die saaknommer ontvang, sal hulle die polisie glo bystaan.

Intussen het die Rigneys twee gratis aanbiedinge van vakansies ontvang. Een was van Doreen Februarie, wat ‘n gastehuis in Kleinmond besit, en ‘n ander was van Sakkie de Villiers, wat ‘n boothuis in Kraalbaai besit.

Gifbier: Mosambiekse man vas

Die polisie in Mosambiek het ‘n man in hegtenis geneem wat daarvan verdink word dat hy tradisonele bier vergiftig het.

Sowat sewentig mense is dood nadat hulle pombe, ‘n tradisionele Mosambiekse bier by ‘n begrafnis gedrink het. Die bier, wat gemaak word met gort of koring, word oor twee dae gebrou.

Graciano Antonio is in hegtenis geneem terwyl hy probeer het om te vlug, het ‘n provinsiale woordvoerder van die polisie, Luis Nudia gesê.

Hy is na die hoofstad van die noordoostelike Tete-provinsie geneem waar hy aangekla sal word.

Byna 200 mense is in die hospitaal opgeneem nadat hulle van die pombe gedrink het, het die gesondheidsowerheid gesê.

Die gesondheidsowerheid is van mening dat die bier met krokodilgal vergiftig is, maar kenners is skepties of dit giftig is.

Monsters van die dodelike bier is sedertdien na die Verenigde State en Duitsland gestuur vir toetse.

Interdik teen ouers wat bruin skoolhoof wil hê

Die Gautengse onderwysdepartement gaan ‘n interdik teen die ouers van ‘n Roodepoortse laerskool bekom omdat hulle aangedring het op ‘n bruin skoolhoof en onderwysers.

Volgens ‘n verklaring wat vrygestel is deur die departement, het sommige ouers betoog, gedreig en geweier om die skoolhoof en onderwysers toegang tot die skool te gee.

Hulle is ongelukkig oor die aanstelling van ‘n swart skoolhoof.

Dit kom nadat die ouers drie maande gelede begin protesteer het en onlangs swart onderwysers begin intimideer het, deur aan hulle te sê hulle “veiligheid by die skool is nie gewaarborg nie”.

Die departement, wat nou die gespanne situasie monitor, het gesê die groep ouers se klagtes teen die skoolhoof, is ondersoek en klaarblyklik vals en ongegrond.

Die interdik sal verhoed dat die ouers “enige handelinge van ‘n gewelddadige en ontwrigtende aard” teen departementele personeel onderneem.

LUR Panyaza Lesufi het die gedrag veroordeel, en gesê dit is “onnodig”, en bygevoeg dat dit ‘n negatiewe impak op leerlinge het omdat hulle waardevolle klaskamertyd verloor.

“Ons sal nie rassisme in enige van ons skole in Gauteng toelaat nie,” het Lesufi bygevoeg.

‘Kakkerlakke’ versoen

Die leier van die Ekonomiese Vryheidsvegters, Julius Malema, het die Speaker van die Nasionale Vergadering, Baleka Mbete, se verskoning aanvaar, nadat sy hom oor die naweek op ‘n ANC-saamtrek in Noordwes ‘n kakkerlak genoem het.

Mbete het die opmerking in Mahikeng gemaak in haar hoedanigheid as die voorsitter van die ANC, het RSG berig.

Dit volg na verlede week se wanordelike Staatsrede waartydens lede van die EFF met geweld deur veiligheidspersoneel uit die parlement verwyder is.

Malema het op sy beurt die DA-leier, Helen Zille, om verskoning gevra omdat hy haar in 2010 ‘n kakkerlak genoem het.

Menslike fout rede vir kommunikasieprobleem in parlement

Die regering het die versperring van kommunikasie en inligting tydens die Staatsrede in die Parlement verlede week gewyt aan wat hy noem, ‘n menslike fout.

Die Minister van Staatsveiligheid, David Mahlobo, het ontken dat ‘n politieke besluit geneem is om die selfoonseine te versper, het RSG berig.

Mahlobo sê ‘n operasionale fout deur ‘n lid van die Nasionale Gesamentlike Operasionele en Intelligensiestruktuur het die kommunikasie-ontwrigting veroorsaak.

Die operateur het glo nie ‘n toestel wat die lugruim beheer na behore afgeskakel nie, wat ‘n invloed op toepaslike toegang van sekere selfoongebruikers gehad het.

Hy sê ‘n ondersoek is aan die gang met moontlike dissiplinêre stappe wat kan volg teen diegene wat daarvoor verantwoordelik is.

HSM dink landsbestuur is ‘n swart Idols-kompetisie

Die parlementêre sirkus waar die media sowel as lede klaarblyklik meen dit gaan om ‘n klugtige swart Idols-kompetisie eerder as landsbestuur, duur voort.

Hoofstroommedia berig oudergewoonte oor verskillende politieke persoonlikhede wat mekaar slegsê asof dit van enige wesentlike belang vir die produktiewe minderheid sou wees.

Opposisie-parlementslede het intussen tydens die debat oor die staatsrede hul ontevredenheid uitgespreek oor die weglating van sommige sleutelgebeure uit die notules van verlede week.

Hulle kla dat geen melding gemaak word van die blokkering van selfoonseine wat plaasgevind het nie. Dit is nie seker wat die meeste opposisiepartye kan kommunikeer of twiet wat aan die ANC se meerderheid sal verander nie.

Die uitsmyting van die EFF-lede sowel as die DA wat agterna uit die Nasionale Vergadering gestorm het om verrigtinge verder te ontwrig, is nie onder die besprekingspunte nie.

Soos verwag, het EFF-leier, Julius Malema sy toespraak weer begin met ‘n verwysing na Nkandla.

Bloukraanvoëls se vergiftiging maak opslae

Agri-Noord-Kaap het die vergiftiging van meer as 200 bloukraanvoëls veroordeel. ’n Boer in die Richmond-distrik het vermoedelik sedert 2012 die voëls met “Two Step” of Aldicarb vergiftig.

Henning Myburgh het aan OFM-nuus gesê indien dit blyk dat die skuldige party een van Agri-Noord-Kaap se lede is, die nodige stappe na afloop van ’n polisieondersoek gedoen sal word.

Toerismekenner Melville Saayman sê hy hoop dat die skuldige party swaar gestraf word, aangesien die bloukraanvoël deel van Suid-Afrika se erfenis is, en ook omdat daar geen rede vir sulke gedrag is nie.

Die Griffon Gifinligtingsentrum se Gerhard Verdoorn het bevestig dat monsters van die voëls reeds geneem is om te bepaal wat die voëls se dood veroorsaak het.

Omgewingsake se Lesego Pule was nog nie vir kommentaar beskikbaar nie.

Grondkwessie in Swakopmund raak warm

Ontevredenheid onder inwoners­ van informele nedersettings­ op Swakopmund­ in Namibië het Maandag kookpun­t bereik toe sowat 20 plakkershuise­ plek moes maak vir die regering se massabehuisingskema­, het die Republikein berig.

Inwoners van die DRC informele­ nedersetting het selfs gedreig om weens gedwonge uitsettings die reg in eie hande te neem.

Die probleme in Swakopmund­ hou klaarblyklik nie verband met die afgelope­ naweek se onwettige besetting­ van munisipale­ grond in ’n ander deel van die Mondesa-­woonbuur­t nie.

’n Klein groepie grond- en huislose­ inwoners het begin om ’n onontwikkelde­ blok woonpersele­ te beset, maar ná die inhegtenisneming­ van hul leiers is die onwettige strukture afgebreek en die perseel is ontruim.

Maandag het ’n amptelike struktuur­ van die hervestigingsprogram, die Democratic Resettlement Community­ Concern Group Association­ (DRCCGA), in groot getalle in verset getree teen hul verskuiwing en die afbreek van hul huise.

Dit is nadat konstruksiewerkers van die Power Oyeno Construction­ groep van maatskappye begin het om die fondasies van die nuwe huise ooreenkomstig die massabehuisingskema­ te grawe.

Power Oyeno is verantwoordelik­ vir die bou van altesaam 2 034 huise teen ’n totale koste van N$583 miljoen op Swakopmund.

Die projekbestuurder, mnr. Gerry Munyama, was gister duidelik­ onkant betrap deur die protesoptrede­. Hy het aan verslaggewer­s verduidelik dat die perseel geoogmerk is vir die behuisingskema­ en dat slegs die Nasionale­ Behuisingsonderneming­ en die plaaslike munisipalitei­t antwoorde­ oor die mense se ontevredenheid­ kan verstrek.

Volgens die voorsitter van die DRCCGA, mnr. David Nghiimbwasha,­ moet sy mense egter nou plek maak vir dié huise sonder enige waarborge dat hulle vir dié huise in aanmerking kan kom.

Hy het verskeie briewe aan Republikein­ ­beskikbaar gestel waarin sy vereniging onder meer ’n regsmening oor die gedwonge uitsettings­ ingewin het.

Die munisipaliteit van Swakopmund­ het egter reeds op 29 April 2013 ’n formele kennisgewing­ aan inwoners van die buurt gestuur waarin hulle gewaarsku word met uitsetting indien verdere onwettige­ strukture opgerig word.

“Geen verdere onwettige bouwerk sal geduld word en oortreders­ sal deur wetstoepassers­ van die grond verwyder­ word,” lui die omsendbrie­f deur die hoofbestuurder­ van gemeenskapsontwikkeling­.

In antwoord daarop het die vereniging­ skriftelik by die minister­ van streek- en plaaslike owerhede­, behuising en landelike ontwikkeling­, genl.maj. (afgetree­) Charles Namoloh, aansoek gedoen dat hulle as inwoners van die buurt die totale woonbuurt by die munisipalitei­t wil uitkoop.

’n Afskrif van die aansoek is op 15 September verlede jaar ook by die munisipaliteit ingehandig.

“Hierdie grond behoort aan DRC Village 110. Ons was die eerste mense hier en nou word ons nie eens geken in die saak nie. Ons sal nie toelaat dat hulle voortgaan nie, daar moet eers ’n oplossing gevind word,” het Nghiimbwasha gesê.

Volgens hom het hy self die polisie in kennis gestel van die gespanne­ toestand in die buurt omdat vrese bestaan het dat geweld kan uitbreek­.

Sowat twee ure later het die burgemeester­ van Swakopmund, mnr. Juuso Kambueshe, opgedaag en met die volle komitee van die vereniging vergader.

Later het die uitvoerende hoof, mnr. Eckart Demasius, met sy eie afvaardiging­ ook opgedaag.

Wat bespreek is en besluite wat geneem is, is nie bekend nie.

Wesbank-hoofkantoor deur swartes beroof

Die hoofkantoor van Wesbank, ‘n filiaal van Eerste Nasionale Bank wat motorfinansiering verskaf, is gister in Fairland, Johannesburg, beroof. Die teiken was ‘n MTN-winkel binne die enorme gebou net langs die N1-snelweg. Vier verdagtes is aangekeer terwyl drie ander steeds op vrye voet verkeer.

Volgens ‘n woordvoerder van die Fairland-polisiestasie, konstabel Michael Kgatla, het die voorval rondom 11:00 gisteroggend plaasgevind.

Die hoofkantoor van Wesbank, van die N1-snelweg gesien
Die hoofkantoor van Wesbank, van die N1-snelweg gesien

“Een van die aangekeerde verdagtes is deur veiligheidsbeamptes geskiet,” sê Kgatla. “Drie ander verdagtes het in ‘n Quantum-taxi gevlug, wat hulle by die Gordonweg-kruising gelos het toe die verkeerslig rooi slaan met die polisie wat hulle agtervolg.”

Toe vind ‘n skietgeveg plaas. Een van die aangekeerde verdagtes het ook ‘n veiligheidsmaatskappy se motor gekaap, maar het in die voorstad vedwaal geraak en kon nie wegkom nie.

“Die verdagte is op die hoek van Wilsonstraat en Soutpansweg in hegtenis geneem.”

Warm weer duur voort

Die Suid-Afrikaanse Weerburo sê warm weerstoestande gaan voortduur in die grootste deel van die sentrale binneland met ‘n hittegolf wat later vandeesweek in die noord-oostelike deel van Noordwes, dele van Gauteng en die westelike deel van Limpopo sal heers.

‘n Weervoorspeller sê egter die warm temperature in die res van Noordwes, die Vrystaat en Noord-Kaap kwalifiseer nie as ‘n hittegolf nie.

Volgens haar sal temperature tussen 36°Celsius en 38°Celsius wissel by Zeerust in Noordwes waar die hittegolf van Donderdag tot Saterdag sal duur. Sy sê gemeenskappe moet versigtig wees in die bloedige hitte.

Moloabi sê daar is van Donderdag tot Sondag ‘n 30% kans op reën in Noordwes en die Vrystaat, terwyl daar teen Saterdag en Sondag ‘n 60% kans in die oostelike deel van die Vrystaat is.

Volgens haar is daar vanmiddag in die sentrale deel van die Vrystaat ‘n moontlikheid van reën, met ‘n wolkband wat van die verre oostelike deel van die Noord-Kaap by Kimberley deurbeweeg.