Suider-Afrika Archives - Page 655 of 888

Vreemdelinghaat vlam weer op

Die polisie in die Wes-Kaap moes van rubberkoeëls gebruik maak om ‘n skare van sowat 400 Riviersonderend-inwoners uitmekaar te jaag.

Dit kom nadat inwoners op loop gegaan het en verskeie Somaliërs aangeval en hulle winkels verwoes het.

“Hierdie is nie ‘n xenofobiese aanval nie. Die inwoners was woedend omdat die polisie die liggaam van ‘n 20-jarige in die veld gevind het. Die man is in Desember as vermis aangemeld en was laaste saam met Somaliërs gesien,” he insp. November Filander, polisiewoordvoerder, Dinsdag gesê.

Inwoners het ‘n versoek aan die munisipaliteit gerig om Maandag ‘n betoging in die strate te hou. Hierdie versoek is afgekeur. Inwoners het egter voortgegaan met die optog wat later gewelddadig geraak het.

Die polisie het die skare met rubberkoeëls verjaag. ‘n 30-jarige vrou is in hegtenis geneem op aanklag van openbare geweld.

Sowat 20 Somaliërs het skuiling by die plaaslike polisiekantoor gaan soek. Hulle moes Dinsdagoggend na aangrensende woongebiede skuif.

осушитель воздуха

Angola is vér, sê ANC

Suid-Afrika is gereed vir die Wêreldbeker-sokkertoernooi en die aanval op die Togolese sokkerspan in Angola het geen invloed op die land se gereedheid nie, het die ANC Dinsdag gesê.

“Ons is meer as gereed in Suid-Afrika en ons het volle vertroue in die werk van ons veiligheidsmagte,” het Jackson Mthembu, ANC-woordvoerder, by Millpark hospitaal in Johannesburg gesê.

Volgens Mthembu is Suid-Afrika nog altyd gereed vir die toernooi en die land sal nie net verslag doen van sy veiligheidsreëlings nie.

‘n Verslaggewer van BBC het aan Mthembu gevra hoekom Suid-Afrika se reaksie na die voorval op die Togolese span “oorsensitief” was.

“Enigiemand wat dink ons is oorsensitief in ons reaksie is verkeerd… as ‘n land het ons geen vrese oor wat gaan gebeur nie.”

Mthembu het bygevoeg dat hy nie verstaan hoe die korrelasie tussen Angola en Suid-Afrika gemaak word terwyl die twee lande kilometers ver van mekaar is nie.

Die uitvoerende hoof van die plaaslike reëlingskomitee, Danny Jordaan, het Dinsdag by ‘n persverklaring gesê dat dit nie logies is om die land se veiligheidstandaarde te bevraagteken op grond van die aanval in Angola nie.

play online slots

Vuurwapens

“Die opmerking van die Minister van Veiligheid en Sekuriteit dat afgestuur word op ‘n Suid-Afrika waar slegs die veiligheidsmagte wapens sal dra, bring ongelukkig ‘n nuwe dimensie aan die omstredenheid waarin die burgery se gesukkel om lisensies vir hul vuurwapens te kry, reeds gedompel is. Sommige aansoekers wag nou reeds twee jaar of langer om te hoor of hul wapenaansoeke goedgekeur is sonder om enigiets te hoor, en word nou met hierdie stelling gekonfronteer. So sê die leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA), ds. Theunis Botha.

“Die verklaarde voorneme om misdadigers sonder wapens te laat deur dit bykans onmoontlik te maak vir wetsgehoorsames om wapens te besit, hou om verskeie redes nie water nie. Misdadigers gaan nie hul onwettige wapens inhandig nie, en selfs al sou hulle dit op ‘n manier kwyt wees, leer die geskiedenis dat hulle binne ‘n ommesientjie kan herbewapen deur onder meer staatsarsenale te plunder, polisiebeamptes te beroof, of dit uit buurlande in te smokkel. Kort voor lank is die misdadigers herbewapen, en die onskuldige burgery weerloos.

Die argument volg dieselfde soort drogredenasie as die argument dat polisie- en weermaglede beter besoldig moet word om te keer dat hulle by misdade betrokke raak.

“Die grondwetlike vryhede wat Suid-Afrikaners op papier het, beteken immers min as hulle in hul eie fort-tipe huise toegesluit is, om dan maar net in hul inrypaaie, winkelsentrums en ander openbare plekke aangeval en selfs vermoor te word.

“In die geval van die jongste plaasmoorde het die slagoffers juis altyd die kluis laat oopstaan sodat enigeen kan sien hulle het nie vuurwapens en kontant in die huis nie. Na hulle bloedig aangerand is, is hulle met ‘n vuurwapen geskiet wat die aanvallers saamgebring het.

“Ons stem saam dat vuurwapeneienaars behoorlik opgelei moet wees en dat die besitreg aan streng keurings- en bergingsvereistes moet voldoen. Om wetsgehoorsames in die wêreld se moord- en verkragtingshoofsetel te ontwapen kom neer op die staat se versaking van sy grondwetlike verantwoordelikhede van sy burgers. Die soort BBP-beskerming wat Julius Malema kry is immers nie almal wat bedreig word – al die land se burgers – beskore nie.”

пальто для девочки Александр Фильчаков

Minister dreig wapeneienaars

Nathi Mthethwa, minister van polisie, het Maandag op ’n perskonferensie ’n nuwe amnestiedatum vir die inhandiging van vuurwapens aangekondig.

Die amnestiedatum verstryk nou op 11 April, nadat die hooggeregshof in Pretoria verlede jaar beslis het dat sekere bepalings in die nuwe Wet op Vuurwapenbeheer, ongrondwetlik is.

Die Suid-Afrikaanse Jagters-en-Wildbewaringsvereniging (SAJWV) het die aansoek gebring. Die aansoek sal op 29 Maart gehoor word.

Mthethwa het gewaarsku dat die “poppe gaan dans” indien mense nie hulle wapens herlisensieer nie.

Hy het gesê die ideaal is uiteindelik ’n wapenvrye Suid-Afrika. Diegene wat tot 20 wettige wapens besit, besit te veel wapens, het die minister gewaarsku.

Talle wapens wat in rooftogte gebruik word, is glo by wettige vuurwapeneienaars gesteel, volgens Mthethwa. Hy het nie kommentaar gelewer op die wapens wat uit polisiestore verdwyn nie.

Vyf jaar gelede, met die vorige amnestie, was dit hoofsaaklik wapeneienaars met wettige lisensies wat hulle wapens ingehandig het.

Al die vuurwapens wat ingehandig word, sal glo eers forensies ondersoek word om te bepaal of hulle vir misdaad gebruik is en daarna vernietig word.

nights game Лобановский

Kwaliteit van leierskap laat veel te wense oor

“As ‘n mens die TV-onderhoud van pres. Jacob Zuma met e-TV na die afloop van die ANC se 90ste verjaardag kan met twee woorde opgesom word – onpresidensieel en onvoldoende,” aldus die leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA), ds. Theunis Botha.

“Terwyl hy besluiteloos voorgekom het, het hy vaaghede en veralgemeneings ingespan in antwoord op sake van nasionale belang. Hy het oor kwessies soos die onafhanklikheid van die vervolgingsgesag, nasionalisasie en die impak op buitelandse beleggings, die swak opvoedkundige uitslae, werkskepping en die moontlike vrywaring van Shabir Shaik met vernuftige voetwerk die sake so ontduik dat kykers niks wyser is nie.

“Die skuld vir ANC-mislukkings is opnuut op die verlede geplaas, en oplossings in die toekoms is beloof wat opnuut beteken dat die teenswoordige in die gange van vergetelheid moet verrot.

“Dit het, volgens Zuma, agt maande geneem om die nuwe regering saam te stel en dat prestasie nou aan die beurt gaan kom. Op munisipale vlak is egter nog bitter min reggeruk, en ons hou in die komende jaar weer verkiesing wanneer die proses van voor af begin word. Die bedoeling van ‘n monteerbaan is dat hoë gehalte voltooide produkte gelewer word, nie hersirkuleer en net herontwerp word nie.

“Pres. Zuma wys op die nypende tekort aan vaardigheid in die staatsdiens. Hy en die ANC word die afgelope 16 jaar van goeie raad bedien oor hoe om die probleem aan te spreek, en ook wat om nie te doen nie. Met ongeveer ‘n miljoen kundige Suid-Afrikaners in die buiteland is die grondslag van brouwerk voor die hand liggend.

“Is dit die kwaliteit van die leierskap waarmee Suid-Afrika in die toekoms mee opgesaal moet sit?”

casino Данильченео

Plakkers bestook huise met petrolbomme

Die Vryheidsfront Plus het gesê dat die Tshwane-metroraad strenger moet optree teen onwettige grondbesetters naby Laudium wat teen hulle uitsetting betoog. Sommige huise van inwoners van Laudium is met petrolbomme bestook.

Grond wat deur PPC-sement besit word is onwettig beset en PPC het ‘n hofbevel in die Gautengse Hooggeregshof verkry dat die plakkershutte verwyder moet word. Die plakkers het geweier en word nou daarvan beskuldig dat nabygeleë huise in Laudium deur hulle geteiken word vir petrolbom-aanvalle.

Volgens dr. Conrad Beyers, VF Plus-raadslid, moet daar met ‘n ystervuis opgetree word wanneer betogers handuit ruk en inwoners aanval.

Die VF Plus het die ANC-beheerde metroraad daarvan beskuldig dat onwettige grondbesettings stil-stil toegelaat word en dat die metroraad eers optree wanneer besighede en inwoners deur ‘n langdradige en duur hofproses gegaan het om ‘n hofbevel te verkry.

Daar is talle areas in Pretoria waar die metroraad toegekyk het hoe onwettige grondbesetting en plakkerskampe in gevestigde woonbuurte ontstaan.

“’n Verantwoordelike stadsadministrasie wat vir sy inwoners omgee behoort onwettige grondbesetters te verwyder lank voordat dit in ‘n ernstige probleem ontaard”, het Beyers gesê.

free casino downloads

Minister waarsku teen sokkerontwrigting

Makhenkesi Stofile, minister van sport en ontspanning, het Sondag tydens sy besoek aan die gewonde speler van Togo, Kodjovi Obilale, in die Johannesburgse Milpark-hospitaal, gewaarsku dat diegene wat vanjaar se Wêreldbeker-sokkertoernooi wil ontwrig, “verbrysel”sal word.

Internasionale mediaberigte het die veiligheidsmaatreëls vir die 2010 Wêreldbeker-toernooi in Suid-Afrika ná die aanval in Angola bevraagteken.

Stofile het egter gesê die aanval in Kabinda was deur politiek gemotiveer en kan nie met Suid-Afrika vergelyk word nie.

Twee spelers van Togo is dood en agt gewond in die masjiengeweeraanval op Togo se nasionale sokkerspan, nadat hulle in Angola aangekom het vir die Afrikabeker-toernooi wat Maandag afskop.

Togo sou teen Ghana speel, maar dié land se premier het reeds die span gevra om hom uit te onttrek.

справки 086у топкарго развод

Togo-premier vra sy span om terug te keer

Die premier van Togo, Gilbert Houngbo, het Sondag sy land se nasionale sokkerspan aangeraai om dadelik terug te keer huis toe uit Angola ná ‘n dodelike aanval op sy span in die aanloop tot die Afrikabekertoernooi.

“As daar ‘n span of spelers onder die naam van Togo by die opening van die Afrikabeker-toernooi teenwoordig is, sal dit valse verteenwoordiging wees. Die span moet vandag nog terugkeer,” het hy aan verslaggewers gesê.

“Ons verstaan die gevoel van spelers wat op die een of ander manier hul kollegas se dood wil wreek, maar dit sal onverantwoordelik van Togo se owerhede wees om hulle toe te laat om voort te gaan,” het hy bygevoeg.

“Die span moet huis toe kom. Die regering se besluit bly onveranderd.”

Dié stap volg nadat spelers in Togo se span besluit het om wel aan die Afrikabekertoernooi deel te neem ter nagedagtenis aan hulle afgestorwe kollegas.

Gewapende mans het vroeër op die span se busse begin vuur toe hulle deur die Angolese provinsie Kabinda gereis het, en die assistent-afrigter en die span se woordvoerder is dood in die aanval.

‘n Faksie van die Kabinda Bevrydingsfront (FLEC-PM) het verantwoordelikheid aanvaar vir die voorval. Dié groep beywer hom vir die onafhanklikheid van die olieryke Kabindastreek.

uk casino games

Bejaarde wreed vermoor

Die bejaarde Kitty Botha (83), van Lyttleton, is Vrydagaand wreedaardig in haar huis vermoor. Sy was glo alleen tuis toe verdagtes haar huis binnegedring het en daarna aan die brand gesteek het.

Volgens haar kleinseun het haar bure rook uit die huis sien borrel en met behulp van tuinslange probeer om die vlamme te blus.

Hulle het ook dadelik die nooddienste ontbied.

Volgens Nuus24 is Botha se lyk later in die gang van haar huis gevind by dié van haar troeteldier.

Geen verdagtes is nog in hegtenis geneem nie.

Zim-boer van sy grond verdryf

Zimbawiese plaasbesetters het Dolf du Toit (66), sy vrou, Alida (61), en hul seun, Rudolph (38), Donderdagaand van hulle plaas in die Nyazura-distrik, tussen Harare en Mutari, in die oostelike hooglande, verdryf.

Hulle het verlede Saterdagoggend by die plaas opgedaag en geëis dat brigadier Innocent Chiganze van die Zimbabwiese lugmag, die “ware” eienaar, sy intrek neem.

Die egpaar is vroeër hierdie maand deur van die plaasbesetters aangerand.

Du Toit het aan Beeld gesê hulle was dorp toe. “Toe ons terugkom, het ek my voorman raakgeloop. Hy het geskree ek moet ‘ry, ry, ry!’, want die plaasbesetters was by die plaashuis en Rudolph daarin vasgekeer.”

Die polisie is dadelik ontbied, maar wou nie help nie.

Die besettings kom slegs enkele weke nadat Suid-Afrika en Zimbabwe ’n handelsooreenkoms onderteken het wat Suid-Afrikaanse boere die reg tot vergoeding waarborg as hul grond onwettig beset word.

Charles Taffs, visepresident van die Zimbabwiese Commercial Farmers’ Union (CFU), het vroeër in ’n verklaring gesê 152 van die oorblywende 300 kommersiële plase in die land word tans geteiken.

фишер прайс купить