Suider-Afrika Archives - Page 654 of 888

Polisie is ondankbaar, sê CDP

“Dit kom voor asof die waarheid in Suid-Afrika uiters ongeleë is, en die waarheid praat dus uiters onpopulêr is.” So sê ds. Theunis Botha, leier van die Christen-Demokratise Party (CDP) en waarnemende voorsitter van die Christen-Demokratiese Alliansie (CDA).

“Die ontstokenheid van die SAPD en ander oor die uitsending van ‘n program op E TV waarin misdadigers openlik dreig om buitelandse besoekers tydens die Wêreld Sokkerbekertoernooi aan te val, dui op die absolute minagting vir die veiligheid van mense wat ons land gaan besoek.

“Voorafkennis beteken die nodige voorsorg kan getref word,” sê Botha.

“Die polisie behoort dankbaar te wees oor hierdie inligting, aangesien dit hulle op die ware bedreigings en uitdagings wys, en stel dit hulle in staat om maatreëls te tref om mense se veiligheid te verseker.

“Die onthullings maak ‘n klug van Danny Jordaan se aansprake dat veiligheid in Suid-Afrika onder beheer is, en dat besoekers niks te vrees het nie.

“Dit lyk na net nog ‘n poging om Suid-Afrika ongeag die gevolge rooskleurig te bemark.”

Данильченко Харьков

Oud-Springbok in petrolbomaanval

Die voormalige Springbokrugbyspeler Dale Santon het tweedegraadse brandwonde opgedoen toe ‘n petrolbom na sy huis geslinger is, het Beeld vandag berig.

‘n Polisiewoordvoerder, inspekteur Keith Chandler, het gesê ‘n getuie het gesien hoe ‘n persoon in ‘n oranje BMW ‘n voorwerp na die Santon-gesinswoning in Plumstead, Kaapstad, rondom middernag Saterdag gooi.

Chandler sê die getuie het die registrasienommer van die BMW afgeneem maar dit het geblyk ‘n gesteelde voertuig te wees.

Santon het aan die koerant gesê dat hy net ná middernag wakker geword het toe hy glas hoor breek.

“My eerste gedagte was dat iemand besig was om by die huis in te breek,” het hy gesê.

Maar toe hy vlamme in die sitkamer sien, het hy vir sy vrou en kinders geskree om wakker te word en uit die huis te vlug.

Hy het ernstige brandwonde aan die gesig en arm opgedoen toe hy gepoog het om die brandende rusbank uit die huis te sleep.

Santon het reeds ‘n veloorplanting ondergaan.

“Ek het geen vyande waarvan ek weet nie. Dis die werk van lafaards,” het Santon gesê, wat vir die Springbokke in 2003 uitgedraf het.

раскрутка сайта

Wimpy bedien water in skoonmaakemmer

‘n Oënskynlike tekort aan bekers by ‘n Wimpy-restaurant in Parys, het ‘n kelnerin genoop om water in ‘n emmer aan klante te bedien, waarin daar voorheen skoonmaakmiddels was, het die Sunday Independent berig.

Dié Sondagkoerant het ‘n epos van ene Alastair Joel ontvang, wat op Nuwejaarsdag saam met ‘n groep vriende die restaurant besoek het.

“Alles het goed afgeloop, totdat ons vir ‘n beker water gevra het. Ons het driekeer vir water gevra, voordat dit in ‘n plastiek-emmer aan ons bedien was, met plastiekkoppies.

Joel sê hulle het toe gevra om die bestuurder te spreek.

Val Bourdos, bestuurder by Wimpy het aan hulle gesê die emmer is skoon, maar het die kelnerin beveel om nie water daarin te bedien nie.

Die koerant het ‘n foto van die emmer op die restauranttafel geplaas.

Bourdos het die insident aan die koerant bevestig. Sy het gesê die ongewone gedrag van die kelnerin voldoen nie aan die restaurant se handelstandaarde nie. Die groep ondersteun ook nie die feit dat die kelnerin haar eie inisiatief geneem het om die klante se behoeftes te bevredig met die emmer nie, hoewel dit heeltemal gesteriliseer was.

Bourdos het gesê die kelnerin het water in verskeie glase aan die groep vriende bedien, maar die water was glo te min, en hulle het versoek dat sy ‘n beker vol water moes bring.

“Ons het nie waterbekers in die restaurant nie, en dis hoekom die kelnerin ‘n melkbeker gebruik het. Maar dit het nie die klante se nood bevredig nie, omdat dit te klein was.

Volgens Bourdos het die groep toe gevra vir ‘n groter beker water. Die kelnerin beweer die groep het aan haar gesê hulle is babbelas en moet baie water drink.

Sy het glo aan hulle gesê dat die restaurant het nie groot bekers nie, maar dat sy sal kyk wat sy kan doen.

“Die kelnerin het toe voortgegaan om aan ons ‘n emmer vol water en ys te bring. Die bestuurder is na die tafel geroep en sy het die emmer verwyder. Bourdos het aan die groep gesê die kelnerin moes nie die emmer gebruik het nie.”

Bourdos het gesê dat Wimpy om verskoning vra vir die voorval.

лечение десен зубов топкарго отзывы

Zuma is 2009 se nuusmaker

President Jacob Zuma is as nuusmaker van 2009 aangewys.

Hy is dus nou voor in die wedren teen Julius Malema, ANC-Jeugliga president, die atleet Caster Semenya asook Joost van der Westhuizen, voormalige Springbok rugbykaptein, het die Nasionale Persklub Donderdag aangekondig.

“President Zuma was gedurende 2009 vir verskeie redes in die nuus. Hy het koerantspasie sowel as elektroniese nuus oorheers,” het Yusuf Abramjee, voorsitter van die Persklub gesê.

Die verkiesingsveldtog, die terugtrekking van die korrupsie-aanklagtes teen Zuma asook sy verkiesing tot president het hom gereeld in die kollig geplaas.

Ander kwessies sluit in die stigting van die presidensiële inbellyn, Zuma se keuses vir die aanwysings van ‘n nuwe hoof van justisie, nuwe nasionale direkteur van publieke vervolging asook ‘n nuwe nasionale polisiekommissaris.

Die toekenning gaan aan hom oorhandig word, maar daar moet nog op ‘n datum besluit word.

Zuma het in 2005 ook hierdie toekenning gewen as gevolg van sy hofsake. In 2008 was hy wel vir die toekenning genomineer, maar die Congress of the People (Cope) en Eskom was as die wenners aangewys.

ANC verwerp kwytskeldingsvoorstel

Die kantoor van die ANC-hoofsweep het Donderdag gesê hulle sal die voorgestelde wetgewing op presidensiële kwytskelding, wat deur die Demokratiese Alliansie voorgestel is, “verwerp”

Die DA het die wetsontwerp Woensdag ingedien nadat die presidensie bevestig het dat ‘n versoek om kwytskelding van Schabir Shaik ontvang is.

Shaik is president Jacob Zuma se voormalige finansiële raadgewer, en is in 2005 skuldig bevind op aanklagte van bedrog en korrupsie.

“Die wetsontwerp van die Demokratiese Alliansie het geen wetlike of feitelike basis nie, en grens aan ‘n voorgestelde hersiening van die Grondwet,” het ‘n vrystelling van die ANC-hoofsweep se kantoor Donderdag gesê.

“Die voorstel is dus óf ‘n produk van powere regsadvies, óf die werk van ‘n onkundige, publisiteitshonger parlementslid.”

Die wetsontwerp stel onder andere voor dat strenger maatreëls ingestel behoort te word om die redelike toekenning van presidensiële kwytskeldings te verseker.

Pierre de Vos, ‘n kenner in Grondwetlike Reg, sê dié kwytskeldings is volgens die huidige Grondwet slegs onderhewig aan die prerogatiewe mag van die president, en is slegs beperk deur die bepaling dat dit in goedertrou toegeken sal word.

free spins no

Neem tugstappe teen Tshwane-sportraad

Die VF Plus-stadsraadslid, mnr. Cornelius Jansen van Rensburg, het vandag in ŉ verklaring gesê dat geen voorstel vir die verandering van die Blou Bulle se kleure nog ooit voor die Tshwane metroraad gedien nie. “Geen aankondiging oor ŉ proses of voorstelle vir enige wysiging is ooit deur die stadsraad ontvang of bespreek nie.”

Uit die aard van onlangse berigte word daar voorgegee dat daar al reeds ŉ politieke proses verloop het en asof ’n besluit geneem is om die Blou Bulle se kleure te verander.

Jansen van Rensburg het gesê dat dit onder die party se aandag gekom het dat daar amptenare in die Tshwane metroraad is, spesifiek in die Sport- en Rekreasie-departement, wat betrokke is by hierdie onwettige poging. Die VF Plus het geëis dat daar tugstappe geneem moet word teen amptenare van die Tshwane metroraad wat betrokke is by die sogenaamde “Tshwane-Sportraad”. “Die feit dat amptenare voorgee dat die Tshwane-Sportraad ŉ mandaat van die metroraad het, is niks ander as bedrog nie,” het Jansen van Rensburg gesê.

“Die Tshwane metroraad se Burgemeester moet kennis neem van die passievolle ondersteuning wat daar in Pretoria bestaan vir die Blou Bulle Rugbyspan, hul embleem en hul kleure. Enige poging om hiermee te torring sal groot reaksie uitlok.”

Zim sny Namibië se krag af

Zimbabwe se kragvoorsiener is beveel om die uitvoer van elektrisiteit na Namibië te staak en eers in sy eie behoeftes te voorsien, is Woensdag in die land se staatskoerant berig.

Volgens die Herald het Elia Mudzuri, Zimbabwe se minister van energie, gesê dié land se kragstasies kan nie voortgaan om elektrisiteit na Namibië uit te voer, soos wat daar in ‘n ooreenkoms in 2007 bepaal is nie.

Zimbabwe moet tans self elektrisiteit invoer weens sy kragtekort, het Mudzuri gesê.

“Ons kan nie ‘n situasie hê waar ons moet invoer om te kan uitvoer nie,” het Mudzuri aan die koerant gesê.

“In die verlede het ons nooit opgehou om krag aan (Namibië) te voorsien nie, selfs toe die Hwange-kragstasie foutief was.

“Dit het beteken dat ons ingevoer het en dan weer moes uitvoer. Dis net nie reg nie,” het hy gesê.

Zimbabwe ervaar gereelde kragonderbrekings wat by tye tot 15 ure duur.

In 2007 het Zimbabwe en Namibië ‘n ooreenkoms onderteken waarvolgens Namibië ‘n lening van R40 miljoen toegestaan het aan Zimbabwe om te help met herstelwerk aan sy kragstasies.

Zimbabwe sou dan dié lening in die vorm van elektrisiteit aan Namibië terugbetaal.

casino games with bonuses

Plaasaanvalle styg

Statistiek toon dat gemiddeld twee boere per week tans in Suid-Afrika op hul plase vermoor word.

Agri SA is bekommerd oor dié toename in plaasaanvalle in die land oor die afgelope paar maande volgens ‘n berig op landbou.com.

Die voorsitter van Agri SA se veiligheidskomitee, André Botha, sê volgens die jongste beskikbare statistiek van die organisasie vind daar gemiddeld twee plaasaanvalle per dag plaas.

Hy sê hulle is baie bekommerd oor die huidige situasie. Die aanvalle het sedert Augustus verlede jaar gestyg.

Verkragtings op plase het met met 49% toegeneem het vergeleke met Oktober 2007.

online топкарго отзывы

Vullisprobleem in Pretoria vererger

Die Vryheidsfront Plus het gesê dat die probleem met vullisverwydering in Pretoria steeds vererger, met vullis wat ophoop ten spyte van die Tshwane-metroraad se onderneming om teen Maandag, 11 Januarie alle agterstande uit te wis.

Volgens inligting wat die VF Plus bekom het (aanmeldings deur die publiek), word vullis regoor Pretoria sedert Maandag verlede week steeds nie verwyder nie. Die areas sluit in:

Pierre van Ryneveld, Rooihuiskraal, Zwartkop, Die Hoewes, Faerie Glen, Menlo Park, Groenkoof, Waterkloof Heights, Waterkloofrif, Murrayfield Park, Erasmuskloof, Waverley, Lynwoodrif, Colbyn, Brummeria.

Volgens dr. Conrad Beyers, VF Plus-raadslid, is hierdie vinnig besig om die ergste probleem tot nog toe rakende vullisverwydering in die Tshwane-metroraadsgebied te word. “Die probleem tree reeds sy tweede week binne. Vullis wat vir twee weke nie verwyder word nie begin ‘n gesondheidsrisiko vir inwoners inhou”, het Beyers gesê.

Volgens die VF Plus is die stad se haglike finansiële toestand die oorsaak van die probleem. Omdat daar nie geld is nie, kan die ANC-beheerde metroraad nie sy belofte gestand doen om die vulliswerkers permanent in diens te neem nie en daarom staak hulle. Die stad se wiele begin nou een vir een afkom vanweë die ANC se onvermoë om die munisipaliteit se finansies te bestuur.

Die VF Plus sê dit is onaanvaarbaar dat die plaaslike ANC ‘n sluier oor enige inligting rakende die toedrag van sake trek. “Die feit dat niemand in die ANC beskikbaar vir kommentaar is nie is ‘n verdere bewys dat die situasie versleg het.”

Zuma ontken nie Shaik-aansoek

President Jacob Zuma het nie ontken dat Schabir Shaik aansoek gedoen het om presidensiële kwytskelding nie, het sy woordvoerder Dinsdag gesê.

Dit kom nadat die DA Maandag heftig gereageer het kort ná Zuma tydens ‘n televisieonderhoud glo ontken het dat Shaik aansoek gedoen het om kwytskelding.

“Die president het meer as 300 aansoeke voor hom en het nog nie een van hulle gesien nie,” het Vincent Magwenya gesê.

Die Citizen het ook oor die voorval berig onder die opskrif: “Pardon me? Who’s lying about Shaik request”.

“Mense moenie stres oor dinge waaroor die president grondwetlike beheer het nie,” het Magwenya gesê.

Volgens Magwenya dien die debat rondom die presidensiële kwytskelding geen doel nie, omdat slegs Zuma kan besluit om ‘n kwytskelding toe te staan of nie.

“Die president is nie verplig om by enige tydsbeperking te hou nie. Hy sal sy tyd neem om deur die aansoeke te gaan en sal ‘n besluit neem wanneer hy al die feite en inligting in ag geneem het,” het hy gesê.

что такое хамам фото топкарго