Suider-Afrika Archives - Page 263 of 888

Vavi veg voort teen skorsing

Betoë sal Vrydag in die Suid-Gautengse hooggeregshof in Johannesburg in die saak tussen Cosatu en sy geskorste hoofsekretaris Zwelinzima Vavi voortgesit word.

Vavi is verlede jaar geskors na hy erken het dat hy ‘n buite-egtelike verhouding met ‘n kollega gehad het.

Vavi is eers van verkragting van ‘n vroulike werknemer beskuldig. Hy het dit ontken en gesê dit was in ‘n seksuele verhouding met haar instemming.

Die vrou het later haar klagte wat sy by Cosatu gelê het, teruggetrek en sy het nooit ‘n klag by die polisie gelê nie.

Ten spyte daarvan is Vavi sedertdien geskors uit sy posisie by Cosatu .

Samwu het vroeër gesê die skorsing is ‘n heksejag teen die sekretaris-generaal.

Cosatu moet verenig om op te staan teen die Nasionale Ontwikkelingsplan, het Samwu gesê.

Vavi was uitgesproke in sy kritiek teen die plan .

Vavi het die hof intussen genader om die vakbondfederasie te dwing om die skorsing en alle besluite wat geneem is by die vergadering van die sentrale uitvoerende komitee in Augustus, ter syde te stel.

Vavi wil hê ‘n spesiale vergadering van die sentrale uitvoerende komitee moet oor die kwessie besluit.

Cosatu se regsverteenwoordiger, advokaat Karel Tip sal vandag aanvoer dat al die vereiste prosedures gevolg is voor Vavi geskors is en dat die hof nie jurisdiksie het oor Cosatu se interne sake nie.

Hy sal ook aanvoer dat Vavi hom moet onderwerp aan die interne tugprosedures van Cosatu.

Tip is sedert die tagtigerjare direk uit Londen befonds om sake namens die ANC te behartig.

Zuma loods Fase II van Britse Bantoestan-waterskema

Die Lesotho Hooglandwaterprojek ( LHWP ) is ‘n “wen-wen meganisme” vir daardie land en Suid-Afrika, het president Jacob Zuma Donderdag gesê.

Hy het in Maseru amptelik die tweede fase van die R15.4 miljard LHWP geloods, en gesê dat dit aan Suid-Afrika broodnodige water verskaf, en aan Lesotho infrastruktuur en hidro-elektriese krag.

Lesotho is ‘n Sotho-tuisland wat wêreldwyd erkenning as ‘n onafhanklike staat geniet, ‘n monument aan Britse apartheid net soos die onafhanklike koninkryk van Swaziland wat ‘n Swazi-tuisland verteenwoordig.

Brittanje was egter deurentyd fel gekant teen die uitbreiding van apartheid vir Xhosas en Zoeloes.

Deur ‘n swart meerderheidsregering van Xhosas of Zoeloes in die res van Suid-Afrika teweeg te bring kon Brittanje daarin slaag om Afrikanerinvloed heeltemal te neutraliseer.

Brittanje het ook toegesien dat Zimbabwe onder Robert Mugabe ‘n onafhanklike Sjona-tuisland word sodat Ngunisprekers na Suid-Afrika stroom.

Botswana is ‘n onafhanklike Tswana-tuisland onder Britse invloed.

Lesotho, Swaziland, Zimbabwe en Botswana is ekonomies van Suid-Afrika afhanklik. Lesotho sal egter deur die waterskema inkomste uit tantieme verdien.

Fase II van die projek behels die konstruksie van die reuse Polihalidam, ‘n tonnel wat die water dra, ‘n pompopgaarskema en ander verwante infrastruktuur. Die datum van voltooiing is 2020.

Die dam van 2,2 miljard kubieke meter kapasiteit word in Lesotho se Mokhotlongdistrik gebou.

Zuma het gesê die aanvang van die projek se tweede fase is ‘n “onvergeetlike gebeurtenis” in die groeiende bilaterale samewerking tussen Suid-Afrika en Lesotho.

“Ons twee regerings moet nou verseker dat hierdie projek geïmplementeer word sonder enige verdere vertraging,” het Zuma gesê.

By voltooiing sal Fase II ‘n bykomende 15 kubieke meter water per sekonde aan Suid-Afrika se dorstige industriële hartland, Gauteng, lewer.

Waterkenners het gewaarsku dat tot en met die projek se voltooiing in 2020, die streek kwesbaar vir droogte, bly, en die landbou- en industriële produksie in gevaar stel.

Amcu-optog ontwrig verkeer in Johannesburg

Die metropolisie het motoriste Donderdag aangeraai om Oxfordweg in Rosebank, Johannesburg as alternatief te gebruik.

Verkeer in Rosebank en Illovo gaan vanoggend ontwrig word wanneer lede van die vakbond Amcu byeenkom om ‘n optog te hou na die mynhoofkantoor.

Die Amcu-staking in die platinumbedryf duur reeds twee maande en het die myne al miljarde aan verlore inkomste gekos. Die platinumvoorraad is ook besig om te krimp en tekorte word binnekort gevrees.

Die metropolisie se hoof-superintendent Wayne Minnaar sê die optog sal om aanstons begin op die hoek van Hume- en Northumberlandstraat in Dunkeld-wes.

Die beplande optog afbeweeg in Jan Smutslaan tot in Bompasweg en sal na middagete in Frickerweg eindig.

‘n Griefskrif sal in Frickerweg by die kantore van Impala Platinum oorhandig word.

Grace moet saam of Zim boikot EU-beraad

Die Zimbabwiese regering eis dat ‘n visum aan president Robert Mugabe se vrou, Grace, toegestaan word om na België te reis.

Zimbabwe dreig om aanstaande week se beraad in Brussel tussen die Europese Unie en die Afrika Unie te boikot indien ‘n visum nie aan die president se vrou uitgereik word om hom te vergesel nie.

Alhoewel die EU verlede maand die meeste van die sanksies teen Zimbabwe opgehef het, is dié teen Mugabe behou.

Die presidentsegpaar het voorheen ook albei onder ‘n reisverbod verkeer wat in 2002 deur die EU ingestel is.

Die reisverbod het gevolg ná klopjagte op MDC-opposisielede en die onwettige afsetting van wit boere van hul eiendom af.

Die EU het die visumverbod op Mugabe opgehef nadat hy as onder-voorsitter van die Afrika Unie verkies is.

Operasie red Derby-Lewis se lewe na tweede aanval

Clive Derby-Lewis het ŉ operasie ondergaan wat sy lewe gered het, nadat hy vir ŉ tweede keer in die Kgosi Mampuru-Sentraal-gevangenis aangeval is, volgens sy regsverteenwoordiger Marius Coertze.

Die departement van korrektiewe dienste (DKD) het Coertze se verklaring ontken en gesê Derby-Lewis (78) was slegs hospitaal toe vir ŉ “roetine besoek”.

Die DKD sê die gevangene is se hospitaalbesoek hou nie verband met die aanval nie.

Volgens Coertze is Derby-Lewis Dinsdag na die teater gehaas nadat hy Sondag met ŉ stuk glas in die rug gesteek is.

“Die hospitaal het Dinsdag kort na middernag vir dr. Durand geskakel en hom versoek om na die hospitaal te kom. Dr. Durand het met sy aankoms hom [Derby-Lewis] ondersoek en gevind dat die steekwond wat hy Sondag in die tronk opgedoen het, sy long gepenetreer het. Mnr. Derby-Lewis het in sy eie bloed verstik en het dringende mediese bystand nodig gehad.”

Coertze sê Derby-Lewis sou die aanval nie oorleef het sonder die nodige mediese ingryping nie.

Beamptes het Sondag slegs die wond met steke toegewerk en die gevangene teruggestuur na sy sel sonder ‘n mediese ondersoek.

Coertze sê dit is baie duidelik dat die DKD ongeërg is oor Derby-Lewis se welstand. “Hy is in die tronk gehou sonder die nodige mediese sorg en kon maklik deur die nag gesterf het.”

Die DKD sê hulle dra geen kennis van die operasie wat Derby-Lewis ondergaan het nie. “Sover ons weet het sy tyd in die hospitaal niks te doen gehad het met die aanval nie,” het Logan Maistry, woordvoerder van die DKD, gesê.

“Dit was ŉ beplande besoek wat al ŉ ruk terug geskeduleer is.” Maistry sê Derby-Lewis het die “beste moontlike mediese sorg ontvang” na die aanval.

Maistry het bevestig dat die polisie ŉ strafregtelike saak in verband met die aanval ondersoek.

Egpaar oorleef jongste plaasaanval

Dave en Cheryl Biggs het die jongste plaasaanval in Ixopo, KwaZulu-Natal, oorleef. Hul dogter Liane Ashton meen dit is omdat hulle onderdanig en gehoorsaam was tydens die aanval dat hul lewens gespaar gebly het,

Die egpaar is op 21 Maart op hul plaas, Kings Grant, deur vier gewapende swartes aangeval in hul huis terwyl hulle televisie gekyk het.

Die swart aanvallers het die deur oopgebreek om toegang tot die plaashuis te verkry.

‘n Woordvoerder van die polisie in KwaZulu-Natal, sê die aanvallers het die egpaar met ‘n vuurwapen afgedreig om die kluissleutels te oorhandig. Hulle het met die egpaar se voertuig en vuurwapens gevlug.

Cheryl Biggs is aangerand en beseer in die aanval. Die gesteelde voertuig is later verlate in die Bulwer-gebied gevind.

Die polisie-ondersoek duur voort.

Oproeriges vas by Brits, polisie skiet kind by Tzaneen

Die polisie in Noordwes, het Dinsdag vyf verdagtes in hegtenis geneem by Brits, in Majakaneng Village naby Mooinooi vir brandstigting, kwaadwillige beskadiging van eiendom, intimidasie, aanranding en openbare geweld.

Die inhegtenisneming volg na ‘n intensiewe ondersoek oor gevalle wat gedurende Majakaneng-oproer op 27 en 28 Februarie 2014 geregistreer is.

Van die vyf verdagtes, staar een ‘n aanklag van openbare geweld in die gesig, nog een brandstigting, terwyl die ander drie tereg staan op aanklagte van brandstigting, kwaadwillige beskadiging van eiendom, intimidasie, aanranding.

Die verdagtes se ouderdomme wissel van tussen 23 en 28. Hulle sal almal Woensdag in Brits-landdroshof verskyn. Ondersoeke rakende die saak duur voort.

Intussen is ‘n sewejarige swart meisie na bewering deur die polisie geskiet en beseer in oproer by Lorraine buite Tzaneen in Limpopo.

Dit volg nadat inwoners Sekororo paaie met klippe, brandende bande en ander voorwerpe versper het.

Die inwoners betoog oor ‘n beplande winkelsentrum in die gebied. Verskeie mense is reeds vir openbare geweld in hegtenis geneem.

Die kind is met ‘n kopbesering in die hospitaal opgeneem, maar is glo in ‘n bevredigende toestand.

Paaie na 25 dorpies in die gebied is steeds versper.

Drie jong swartes erken Richmond-plaasmoorde

Drie swart jeugdiges het in die Hooggeregshof in Pietermaritzburg erken dat hulle ‘n gesin van drie op ‘n plaas in Richmond, KwaZulu-Natal vermoor het.

Die drie van 17,19 en 20 jaar het toegegee dat hulle die 76-jarige Echard Schutte, sy vrou, Elizabeth, 66 en sy 33-jarige seun Lutz doodgesteek het, het RSG berig.

Hulle het daarna die liggame vol petrol gegooi en hulle aan die brand gesteek. Die moorde is deur weer eens deur besondere wreedheid gekenmerk.

Die familie het Echard Schutte se verjaardag gevier toe hulle aangeval is.

Een van die beskuldigdes het vir die familie gewerk.

Regter Louis Barnard het die saak tot 22 April uitgestel vir voorvonnis-verslae.

SANW in ‘kritieke verval’

sandf — ‘n Kritieke gebrek aan modernisering

Suid-Afrika se gewapende magte is volgens ‘n militêre strategie-oorsig in kritieke verval wat minstens ‘n dekade nodig sal hê om omgekeer te word.

Volgens Reuters kan die agteruitgang in die land se verdedigingsvermoë ‘n invloed hê op alles van grensveiligheid tot handel- en vredessendings op die vasteland.

Dit kan ook beteken dat binnelandse veiligheid nie verseker is nie, maar die verslag is onheilspellend stil daaroor.

Suid-Afrika het op die oomblik soldate in die Demokratiese Republiek van die Kongo en Soedan, en sy skepe ondersteun anti-seerowerpogings naby die kus van Mosambiek.

In die Suid-Afrikaanse Verdedigingsoorsig van 2014 word gesê sulke ontplooiings word ook bedreig.

Volgens die verslag is daar ‘n gebrek aan behoorlike ammunisie, verouderde militêre vragvliegtuie en uitgediende toerusting soos vragmotors.

In die verslag word ook daarop gewys dat die gebrek aan fondse die modernisering van ‘n gewapende mag van 97.000 lede terughou.

Sonder meer geld, kan Pretoria se diplomatieke en kommersiële uitbreiding in Afrika misluk, waar die ou koloniale magte soos Frankryk, en ‘n nuwe een soos China teenwoordig is.

“Daar moet óf ‘n groter begrotingstoewysing of ‘n aansienlik afgeskaalde vlak van ambisie en toewyding wees,” lui die verslag.

Massiewe beleggings in swaar wapenvermoë, asook die handhawing van vrede in hoë-risiko situasies moet oorweeg word.

Kenners het gesê dit beteken Suid-Afrika se aanvalshelikopters en tenks moet aandag geniet.

Dit kan die militêre begroting na R74 miljard in 2030 van sowat R40 miljard in 2013 byna laat verdubbel.

Dit is gelykstaande aan sowat 1% van die BBP , ‘n verhouding ver onder ander ontwikkelde en ontwikkelende lande.

Militêre veiligheid benodig volgens die verslag die jaarlikse befondsing van R116 miljard of 3,3 % van die bruto binnelandse produk.

Onder apartheid was Suid-Afrika het een van die mees gevreesde gewapende magte op die vasteland, maar die hele militêre kompleks het intussen in duie gestort na ‘n doelbewuste gesamentlike poging van die NP en ANC om dit tot niet te maak.

Die ontplooiing van die Suid-Afrikaanse Weermag wat aan anti-seerowery-operasies naby die kus van Oos-Afrika deelneem, is intussen vir nog ‘n jaar verleng.

Altesaam 220 lede van die Weermag is aktief in die Mosambiekse en Tanzaniese gebiedswaters.

Paaie in Wes-Kaap gesluit weens oproer

Verskeie paaie by Joe Slovopark by Milnerton in die Wes-Kaap is gesluit weens oproermakers wat motoriste bedreig.

Die paaie in Bosmansdam- en, Daniëlweg sowel as Racecourse- en Printersweg is ook toe vir verkeer.

Die Kaapstadse verkeersowerheid sê oproeriges het bande aan die brand gesteek en inwoners stort vullis op die paaie om dit onbegaanbaar te maak.

Die polisie en die verkeersowerheid is in die gebied ontplooi.

Maandag is die N2 tussen Somerset-Wes en die Kaapstadse Internasionale Lughawe deur oproeriges geteiken.