Kategorie: Nuus

‘Vrees’ oor lys van linkse professore in Amerika

‘n Konserwatiewe organisasie, Turning Point USA, het ‘n webblad geskep waarop ‘n lys van meer as 200 professore aan universiteite regoor Amerika verskyn wat “teen konserwatiewe studente diskrimineer en linkse propaganda in die klaskamer bevorder”.

Die webblad, professorwatchlist.org, plaas nie sommer die naam van enige professor nie —bewyse word vereis.

“This watchlist is an aggregated list of pre-existing news stories that were published by a variety of news organizations,” verklaar die webblad. “While we accept tips for new additions on our website, we only publish profiles on incidents that have already been reported by a credible source.”

TPUSA poog nie om die professore op die lys stil te maak nie, maar stel wel “spesifieke voorvalle en name van professore wat ‘n radikale agenda in die lesingsaal bevorder,” aan die kaak.

Die reaksie van Links was voorspelbaar histeries, met sommige wat dit as “grotesk” uitkryt en ander wat sê dat dit “‘n voorraadagentskap vir foto’s van selftevrede witmense is”.

Die linkse webblad Slate beskou die lys as “deel van die vreesaanjaende nuwe politieke status quo” in Amerika:

“Of dit só bedoel is of nie, belyn die professorale naamlys hom met die vreesaanjaende nuwe politieke status quo. Dit is inderdaad ‘n keerpunt in ons land, ‘n vreesagtige tyd wat ongekend in die geskiedenis is sedert die tweede wêreldoorlog. Vrees om op ‘n lys geplaas te word, om as ongewens geteiken te word, en onderwerp te word aan wat ook al volgende gaan gebeur.”

Die TPUSA-lede en -organisasie word met ‘n woedende, gewelddadige gepeupel vergelyk, berig The Daily Caller, wat vermeld dat “die lys oor ons waak tydens ons land se donkerste keerpunt, op die punt om die kurkdroë, petroldeurweekte hooivurke van ‘n gepeupel aan die brand te steek wat onbeskaamd in die lig na vore getree het”.

Julio C. Pino, ‘n mede-professor van geskiedenis by Kent State wat op die lys ingesluit is, glo dat dit “die vervolging, beskaming en belastering van professore verteenwoordig”.

Robert Jensen, ‘n professor aan die Universiteit van Texas te Austin, het ook sy gevoelens gelug oor die feit dat hy op die lys ingesluit is omdat hy studente leer dat “ons nie mans se geweld jeens vroue sal beëindig indien ons nie die giftige begrippe aangaande manlikheid in die patriargie verwyder… wat in beheer, verowering en aggressie gewortel is nie”.

“Dit sou makliker gewees het om dié ligsinnige projek te verwerp indien die Verenigde State nie so pas ‘n president verkies het wat pogings tot rasionele gesprek doodskree, asook reaksionêre meerderhede in beide huise van die Kongres nie,” skryf Jensen. “Ek is ‘n permanent aangestelde professor (en blank, manlik, asook ‘n VS-burger van geboorte) en is nie bekommerd nie. Maar, hoewel die groep agter die lys oor geen formele magte oor my of my universiteit beskik nie, mag die poging om professore te boelie – hoe swak dit ook al ondersteun mag wees – professore sonder my sekuriteit en bevoordeling wel inhibeer.”

Ondanks die kritiek wat die lys ontvang het, het die stigter en HUB van TPUSA, Charlie Kirk, Dinsdagaand die lys hartstogtelik verdedig op Fox News-kanaal se “O’Reilly Factor”.

“As die professore so bang is dat bekendgemaak word wat in hul lesingsale aangaan, dan is die probleem hulle s’n, nie ons s’n nie,” sê Kirk. “Ons probeer nie die dosente verhoed om enigiets te sê nie. Al wat ons hier wil hê, is om ‘n lig te skyn op wat in ons universiteite aangaan en die reaksie is ongelooflik gunstig.”

Ramaphosa, Media24 bring hulde aan kommunistiese Fidel Castro

Sowel Media24 as Cyril Ramaphosa, die ANC-politikus wat deur die Suid-Afrikaanse oligargie gesteun word om Zuma te vervang, het gister hulde aan die ontslape Kubaanse leier Fidel Castro gebring. News24, wat deesdae onder redaksie van die linkse Boerehater Adriaan Basson staan, het ‘n lowende berig oor Castro en Ramaphosa se hagiografie aan die kommunistiese revolusionêr geplaas.

Volgens Cyril Ramaphosa het Suid-Afrika behoefte aan “beginselvaste en vreeslose” leiers soos Castro en Nelson Mandela. Hy was diep bedroef om hulde te bring aan “een van die grootste revolusionêre van ons tyd”, het Ramaphosa gesê.

Die linkse hoofstroommedia van Suid-Afrika, waaronder Media24, maar ook die Primedia-groep wat 702 en Hoëveld besit, het die afgelope paar dae gepopel oor die “Kubaanse oorwinning oor Suid-Afrika in Angola en Namibië”, asook “hoe Castro Suid-Afrika (militêr) bevry het”.

Ramaphosa het Castro gister geprys omdat hy “saam met die revolusionêre bewegings in Angola, Namibië en Suid-Afrika gedurende hul bevrydingsoorloë gestaan het”.

Die swart Suid-Afrikaanse sakeman en politikus het ongeveer 1000 mense in Khayalitsha naby Kaapstad toegespreek tydens ‘n huldigingseremonie aan Fidel Castro.

President Jacob Zuma bevind hom tans in Kuba waar hy insgelyks Castro se rol in die ANC se oorwinning oor die Nasionale Party van Suid-Afrika geloof het.

In ‘n bydrae op die Europese webblad Free West Media, stel Karin Bredenkamp van PRAAG egter die prentjie reg in die artikel Fidel Castro’s bitter legacy in Angola.

 

Media24 kruip laag oor ‘wit gemors’-uitlating deur Landbouweekbladbestuurder

Die erg snobistiese mediagroep Media24 wat dikwels neerhalende opmerkings oor Afrikaners, Steve Hofmeyr en hul kleredrag maak, is besig om terug te krabbel oor die opmerking dat volgelinge van Steve Hofmeyr op Twitter “wit gemors” verteenwoordig.

Albertus van Wyk, die outeur van die gewraakte opmerking —hy het die Engelse term “white trash” gebruik —het intussen daarvoor om verskoning gevra. Omdat hy die besturende direkteur is van die Landbouweekblad, ‘n Media24-publikasie, het lesers van die tydskrif tot ‘n boikot oorgegaan. ‘n Facebook-video deur Johan Frederik Lee wat vra dat mense die tydskrif moet boikot, het tot dusver 77 000 kyke behaal.

Lees ook Redakteur van Landbouweekblad kruip weg na hy Afrikaners skel

In ‘n deursigtige poging om die tydskrif se lesers te paai, het die Landbouweekblad egter aangekondig dat sy besturende direkteur aan ‘n “ondersoek” onderwerp sou word. So pas is aangekondig dat die ondersoek sogenaamde “afgehandel is” —klaarblykblik sonder enige gevolge vir Albertus van Wyk.

In ‘n berig op die Media24-webblad, Netwerk24 word vermeld:

Die tydskrif Landbouweekblad het die ondersoek na klagtes teen Albertus van Wyk, sy besturende redakteur, afgehandel.

Van Wyk het sosiale media aan die gons gehad nadat hy ondersteuners van die sanger Steve Hofmeyr “white trash” genoem het.

Chris Burgess, redakteur van Landbouweekblad, het vroeër gesê dit is jammer dat die tydskrif by die twis betrek is.
Mensehulpbronbestuur het dit ondersoek en die proses is nou afgehandel.

Hy het vroeër vandeesmaand ’n verklaring uitgereik waarin hy om verskoning gevra het vir sy aanmerkings.

Wat Van Wyk se “wit gemors”-opmerking nog erger maak, is dat hy dit gemaak het ter ondersteuning van EFF-ondersteuners en ander radikale groepe wat Oom Paul se standbeeld op Kerkplein beskadig het.

Dr. Dan Roodt van PRAAG het kommentaar gelewer deur te sê:

“Die kontras tussen die Albertus van Wyk-geval en die soort behandeling wat ‘n Penny Sparrow of ‘n Chris Hart vroeër vanjaar ontvang het, kan nie groter nie. Dit is duidelik dat die media in Suid-Afrika witmense en dan spesifiek Afrikaners as vrye wild beskou wat na willekeur beledig kan word en waarteen selfs gewild sonder enige gevolge aangehits kan word. Die soort geweld en vernielsug wat Albertus van Wyk en ander Media24-joernaliste teen die Kruger-standbeeld aanhits, is ook teen ons Afrikaners self gemik. Dit is laakbaar.”

Hillary en Jill Stein span saam om verkiesing te steel

Ondersteuners van die nuutverkose Republikeinse president, Donald Trump, is bekommerd dat die Groen Party en Hillary Clinton gaan saamspan om die Amerikaanse verkiesing te steel.

Geen bewys van enige ongerymdhede is gevind nie, maar die Stein-veldtog argumenteer hulle bekommer oor ongerymdhede.

“Dit is nie gedoen om ‘n kandidaat te bevoordeel ten koste van die ander nie,” het Stein aan PBS gesê. Maar Stein wil net die deelstate oortel waar Trump gewen het.

Hillary het New Hampshire, Minnesota en Nevada met minder stemme as Trump gewen in Pennsylvania, maar daar sal geen oortel in een van die drie state wees nie.

As dit wel ‘n regverdige en onpartydige poging was, sou ten minste een van die oortel-pogings in ‘n deelstaat gewees het waar Hillary gewen het, maar dit is nie die geval nie.

Stein se pogings het begin nadat rekenaarwetenskaplikes beweer het daar is onreëlmatighede tussen die elektroniese resultate en die papierstembriewe, met die Clinton-veldtog wat beweer dat die stemmery gekraak is. Maar in die geval van Michigan, is daar nie elektronies gestem nie.

Chris Thomas, die jarelange direkteur van Michigan se Buro vir Verkiesings, het aan die Detroit Free Press gesê. “Niks is verbind met die Internet nie.” Die stemmery kon dus nie gewees het gekraak gewees het soos Stein beweer nie.

Trump het Stein se poging ‘n “bedrogspul deur die Groen Party vir ‘n verkiesing wat reeds toegegee”.

Vrae oor hoe Stein daarin geslaag het om so ‘n groot bedrag geld in te samel om die oortellery af te dwing, het begin gons. Sy het nou meer as $4,7 miljoen dollar in so ‘n kort tydjie ontvang, terwyl sy slegs sowat $3 miljoen dollar vir haar hele veldtog kon insamel.

Vermoedens oor die wettigheid en tydsberekening van die skenkings het tot bewerings gelei van George Soros se hulp.

Marokkaanse TV gee grimeerwenke om gesinsgeweld verberg

Die Marokkaanse staatstelevisienetwerk het opslae gemaak nadat hulle raad aangebied het oor hoe vroue beserings kan toesmeer om tekens van huishoudelike geweld weg te steek.

In die segment, uitgesaai op kanaal 2M se oggendprogram Sabahiyat, het die grimeerkunstenaar Lilia Mouline verduidelik hoe grimering gebruik kan word om “spore van geweld te kamoefleer”.

Verskeie “skoonheidswenke” is gegee aan ‘n vrou met ‘n gesig vol kneusplekke om haar oë.

“Ons hoop dat hierdie skoonheidswenke help om met jou normale lewe voort te gaan,” het Mouline tydens die segment gesê.

Die raad is uitgesaai twee dae voor die Internasionale Dag van die Verenigde Nasies se 23 November datum vir die Uitwissing van Geweld teen Vroue.

Mouline het oor die beste produkte gesels om die tekens van ‘n pimpel-en-pers gade te verdoesel.

“Maak seker dat jy los poeier gebruik om die grimering af te rond, so as jy moet werk gedurende die dag, dat die kneusplekke nie wys nie,” het sy gesê. “Gebruik ‘n basis met geel daarin, want as jy die wit een gebruik, sal jou rooi merke waar jy geslaan is, altyd wys.”

Die Marokkaanse TV het erken dat die insetsel “heeltemal onvanpas” was. Honderde vroue het ‘n petisie wat hul verontwaardiging wys, onderteken.

Maar ‘n verskoning gepos aan Facebook, is met nog honderde klagtes oord die segment begroet, wat dit as “veragtelik”, “onprofessioneel” en “skandelik” beskryf het.

Die video is intussen van die stasie se webwerf en sosiale media verwyder. Marokko se nasionale televisiediens 2M het Sondag verklaar dat die uitsending “heeltemal teenstrydig met die redaksionele lyn van die kanaal” is.

Marokko sukkel met gesinsgeweld. In 2009 is bevind deur ‘n nasionale studie dat byna 63 persent van vroue fisiese, seksuele, sielkundige of ekonomiese geweld ervaar, maar baie weier om gesinsgeweld te rapporteer, en kla dat die kwessie nie ernstig deur die polisie opgeneem word nie.

Frankryk: Fillon klop mededinger Juppé in ‘regse klimaat’

Die voormalige Franse eerste minister, Francois Fillon het Frankryk se sentrum-regse beslissende ronde gewen, deur Bordeaux se burgemeester Alain Juppé te klop.

Net twee weke gelede het meningspeilings getoon dat Juppé, ‘n gematigde, met ‘n gerieflike voorsprong voorloop.

Na ‘n “regse klimaat”, is Fillon aangewys as die voorste hoofstroomkandidaat om FN-leier Marine Le Pen in die presidensiële verkiesing volgende jaar uit te stof.

Gedurende die veldtog, Fillon aan kiesers gesê: “Frankryk is meer regs as wat dit ooit was,” en dat hy die enigste een is wat in staat is om daardie bui te begryp en Frankryk se “ideologiese stryd” te wen.

Fillon het daardeur 66,5 persent van die stemme van byna al die stemlokale getrek, terwyl Juppé agterna gesukkel het met 33,2 persent.

Ten spyte van sy ongewilde plan om werk in openbare sektor in te kort, die welsynstaatuitgawes te besnoei, asook belasting vir die rykes is Fillon geen Margaret Thatcher nie.

Hy is nie van plan om die staatmaatskappye te privatiseer of aan bande te lê nie.

Fillon het as eerste minister gedien van 2007-2012 onder die ongewilde president Nicolas Sarkozy. Fillon het toe ekonomiese hervorming belowe, maar versuim om te lewer.

Frankryk se hoofstroompartye moet hul benadering tot Le Pen fyn oorweeg, omdat meningspeilings toon sy sal maklik deurdring tot die tweede ronde van die presidensiële verkiesing in Mei.

Die vise-president van die Front National, Florian Philippot, het gister gesê, Fillon het dieselfde resep wat die EU aan Griekeland opgelê het.

“Dit is verskriklik vir die middelklas, vir arm pensioenarisse, en vir die werkersklas, en dit lewer geen ekonomiese prestasie nie,” het Philippot aan die Franse staatstelevisie gesê.

Die mense wat in Sondag se eerste ronde gestem het, verteenwoordig maar ‘n klein deel van die Franse kiesers – sowat 4 miljoen uit ‘n bevolking van sowat 66 miljoen.

Die diep ongewild regerende Franse Sosialistiese Party, sal sy presidensiële kandidaat tydens ‘n primêre ronde in Januarie aanwys.

Francois Hollande is die ongewildste Franse president sedert die Tweede Wêreldoorlog. In ‘n onlangse meningspeiling het hy so laag as 4 persent gekry, volgens die Franse dagblad Le Monde.

Graderingsagentskappe kondig aanstons SA se status aan

Die eerste van drie internasionale kredietgraderingsagentskappe sal vandag aankondig of Suid-Afrika afgegradeer word of nie.

Moody’s sal vandag sy besluit aankondig, terwyl Standard and Poors op 2 Desember sy verslag oor die land se kredietgradering vrystel.

Moody’s gradeer Suid-Afrika tans op twee kerwe bokant rommelstatus.

President Jacob Zuma het Woensdag in die parlement gesê dat die land genoeg gedoen het om aan graderingsagentskappe te wys dat hy ekonomiese groei kan bevorder.

Beleggers sê egter die voortslepende binnegevegte in die ANC kan ‘n kredietafgradering tot gevolg hê.

Die land moet sowat 165 miljoen rand leen weens ‘n begrotingstekort, en die koste van lenings kan verdubbel of verdriedubbel indien die land tot rommelstatus afgegradeer word.

Onderwyser vas wat dwelms smous

Drie swartes, waaronder ‘n onderwyser van Tweespruit in die Vrystaat, sal Maandag na verwagting aansoek doen om borgtog nadat hulle aangekeer is vir dwelmhandel.

Polisiewoordvoerder, Martin Xuma, sê Daniel Molelle, ‘n plaaslike hoërskoolonderwyser, en sy twee makkers, Mojalefa Mosia en Tshokolo Sekwere, het Maandag in die landdroshof op Excelsior verskyn.

Hulle is verlede Vrydag deur die polisie betrap met altesaam 23 Ndanda-pille ter waarde van R1000. Xuma sê die pille weeg 35-gram. Dit is soortgelyk aan Mandrax gemeng met ander dwelms.

Xuma sê gemeenskapslede het inligting aan die polisie verskaf oor mans wat handel met dwelms dryf. Die polisie het ‘n ondersoek begin.

Gemeenskapslede is gevra om die polisie te ontbied wanneer hulle die verdagtes gewaar. Hy sê die polisie het vinnig gereageer nadat inligting ontvang is van ‘n wit Ford Bantam-bakkie wat deur Molelle bestuur is en in die Dawiesville-gebied naby Tweespruit opgemerk is.

Mosia en Sekwere was ook in die bakkie. Hy sê die polisie het toegeslaan oomblikke nadat die bakkie by ‘n adres in die gebied gestop het.

Hy sê daar is op die pille beslag gelê nadat die bakkie deursoek is.

Bron: OFM

Bedekte gesigte in Nederlandse parlement

In Nederland, begin 2016 meer lyk soos 1968 omgekeer eerder as 1933, soos die postmoderne wêreldbeskouing in die versapper beland.

Vir diegene wat nog nie hierdie metafore verstaan nie: Dit is wanneer ‘n land se kernwaardes van vryheid en demokrasie só afgeslyt word deur ‘n stadige beweging van verowering, soos ‘n boerka in ‘n die Nederlandse Nasionale Vergadering, die sogenaamde hart van demokrasie.

Of in Suid-Afrika, as ‘n houtwerkdruipeling en sy rooi pette handgemeen raak in die parlement, terwyl die media dink dis doodnormaal en ‘n Britse bewonderaarsklub waardig.

Die simboliek wat dit verteenwoordig, is dieselfde as die plaas van varkkop teen die voordeur van ‘n moskee, skryf GeenStijl, ‘n Nederlandse webwerf wat verslag doen van binnekring politieke nuus. Gelukkig het die boerkaverbod tans voor die Parlement in Den Haag, waarskynlik ‘n meerderheid stemme om te wen.

Slegs die “ekstreem-wit” – soos hulle skertsend genoem word, want hulle het net wit leiers – ver-linkse partye GroenLinks en D66 is teen die boerkaverbod. Soos die indringers, het hulle vroueregte versaak en haat hulle hul eie land se geskiedenis.

Die verbod op klere wat die gesig behalwe die oë bedek, kan staatmaak op ‘n parlementêre meerderheid bestaande uit die VVD, PvdA, CDA, SP, PVV, Christelike Unie en die Groep Bontes/Van Klaveren en sal van toepassing wees op openbare vervoer, onderwys, gesondheidsorg en die regeringsgeboue.

Maar tydens die parlementêre debat vandeesweek ‘n paar nikab-draers die parlementsgebou binnegekom ten spyte van die duidelike reëls van die Huis wat bedekte individue volstrek verbied. Die reëls is geïgnoreer in soeke na legitimiteit van die boerkabende.

‘n LP van die Bontes/Van Klaverengroep het die nikab-draers aangespreek. “Ek dink dit is goed dat ons ‘n einde maak aan hierdie dwaasheid. Dit is nie ‘n gesig nie. Letterlik.”

Maar die ver-linkses het beswaar gemaak. “Dit is die gaste van die huis, wat met respek behandel moet word.” Waarop Van Klaveren geantwoord het dat dit eerder andersom moet wees.

‘n Groen-LP, Linda Voortman het dit duidelik gemaak dat hulle teen die verbod op die boerka sal veg, want “dit los ‘n probleem op wat nie bestaan”. Die Turkse LP van die Groep Kuzu Ozturk het gesê die verbod is teen die vryheid van godsdiens en dat die regering onbehoorlik inmeng met “vroueregte”. Hy het gesê: “Die staat moet nie ‘n feminis wees nie.” Hy het die verbod ‘n giftige maatreël genoem.

Die partye in die parlement teen die Boerka het ‘n meerderheid van 54 van die 75 setels in die Senaat, terwyl GroenLinks en D66 ver agter loop.

Duitse Identiteitsbeweging beset balkon van Groenes

Die regse identiteitsbeweging het op ‘n balkon geklouter van die Bundesgeschaeftstelle der Grünen, die federale kantore die Groen Party in die middel van Berlyn om ‘n massiewe banier uit te rol wat die party aan die kaak stel.

Die Groenes se teenstrydige houding teenoor Moslem mishandeling van vroue en omarming van Mosleminstroming, ook bekend as “multikulturalisme”, is ontbloot.

Die Berliner Morgenpost berig dat dit nie hul eerste trefslag was nie. In Augustus het die Identiteiters die Brandenburghek beset, en in September het hulle ‘n radio-uitsending deur die RBB met Margot Käßmann en die linkse grootkop-joernalis Jakob Augstein onderbreek.

Saterdag, het ‘n handvol van die lede van die “anti-grondwetlike” beweging op ‘n balkon van die Federale Buro van die Groenes op die plein voor die Neuer Tor in die Mitte van Berlyn verskyn, met ‘n “geskenk” aan die Party: ‘n yslike banier.

Terwyl geel rook van die gebou gedryf het, het die klein groepie die skreiende teenstrydighede van die Groenes ontmasker. Die Groenes predik feminisme en vroueregte maar verwelkom groot vrouehaterhordes onvoorwaardelik.

Die Identiteiters het toegang tot die balkon van die straat verkry deur middel van ‘n leer op 02:30. Simpatiseerders het die klimmers beskerm. Soos met die vorige optrede van die regses, was alles tot in detail georganiseer.

‘n Polisiebeampte het bevestig aan die Morgenpost in die aand dat die balkon bestyg is, slegs vir ‘n paar minute. Die Identiteiters het so vinnig van die toneel verdwyn soos hulle aangekom het, en net die leer en foto’s op Twitter agtergelaat.

Die Identiteitsbeweging het begin in Frankryk, maar het die grens oorgesteek na Duitsland. Dit word sedert Julie 2016 gemonitor deur die Federale Buro vir die beskerming van die Grondwet. “Ons sien in die “Identiteitsbeweging ‘n bewys van sekere beginsels van die vrye demokratiese bestel wat uitgedaag word,” het Hans-Georg Maassen gesê. Maar dit was nie dadelik duidelik waarom hulle “anti-grondwetlik” kan wees nie.

Die beweging is hoofsaaklik teen immigrasie en die bedreiging van Islamisering in Duitsland. Deur guerilla-aksies gebaseer op linkse voorbeelde, wat via sosiale media versprei word, word jong mense in die besonder geteiken.