Die minister van Kuns en Kultuur, Paul Mashatile, het weer herhaal wat die regering se standpunt oor die Tshwane-Pretoria debat is. Mashatile sê Pretoria kan nie beskou word as ‘n stad nie.
Burgerlike organisasies, het die naamsverandering in die hof betwis. Hulle argumenteer dat die publiek nie geraadpleeg is oor die besluit nie.
In Oktober sal daar weer openbare verhore oor die kwessie gehou word.
“Daar is ‘n stad met die naam Tshwane en dit sluit in Mabopane, Soshanguve, Mamelodi in en dit sluit ook Pretoria in. En Pretoria is tans ‘n voorstad. Ek dink nie ‘n voorstad kan ‘n hoofstad genoem word nie,” sê die minister.
Die Minister van Minerale Hulpbronne, Susan Shabangu, het aan die media in Pretoria gesê indien die staking nie gou opgelos word nie, gaan dit die ekonomie ‘n knou kry.
Die regering is gereed om in te gryp in die goudmynsektor om skade wat die loongeskil aan die ekonomie veroorsaak, te keer.
Duisende vakbondlede van NUM het aangedui dat hulle by goudmyne in Gauteng en Noordwes sal begin staak.
Salarisonderhandelings het reeds twee maande gelede op ‘n dooiepunt bereik en vakbonde het ‘n finale aanbod deur die Kamer van Mynwese verwerp.
Na beraming kan die staking lei tot ‘n produksieverlies van meer as R350 miljoen per dag. Shabangu sê indien die regering moet ingryp, sal alle rolspelers betrek word.
Intussen staak werkers ook in die voertuigvervaardigingsbedryf en konstruksiesektor wat ‘n verdere nadelige uitwerking op die ekonomie het.
Ongeveer ‘n honderd werkers van Anglo American Platinum op Rustenburg in Noordwes wat afleggingskennisgewings ontvang het, het by die myn se Khomanani nommer twee skag byeengekom vir terugvoer van hul verteenwoordigers.
Amplats het vroeër aangedui dat meer as drieduisend werkers afgedank sal word. Die maatskappy sluit sy Khuseleka en Khomanani skagte in ‘n poging om mededingend te bly.
Myners vrees vir hulle toekoms en hoop dat Amplats sy besluit sal heroorweeg. Die strydende vakbonde, AMCU en die NUM, dreig met optrede.
Die myn se veiligheidsbeamptes monitor tans die situasie.
Die eienaar van die Rietvallei-wynlandgoed in die Boland, Johnny Burger het selfmoord gepleeg.
Burger is daarvan aangekla dat hy die seun van ‘n plaaswerker, die 19-jarige Flippie Engelbrecht vyf jaar gelede aangerand het.
Die bestuurder van Rietvallei, Wilhelm Treurnicht is ook aangekla. Engelbrecht is blind na die aanval, hy ly aan bloeding op die brein en hy kry epileptiese toevalle.
Sedert die beweerde aanranding het Engelbrecht ook albei sy hande verloor, toe hy tydens ‘n toeval in ‘n oop vuur beland het.
Die beskuldigdes moes weer op 13 September in die Ashton Landdroshof verskyn. – RSG
ProfessorRudolphZinn, ‘n professorinpolisiëring enforensieseondersoeke byUnisa, het gesêdie voortdurende gebruikvan oormatigegeweldinrooftogteis iets watbaieSuid-Afrikaanse navorsers “verstom”.
Zinnhet gesêterwyl baiegevangenes wat hyondervrahetgesê het dat hullegewoonlikgeweld gebruik om hul slagoffers te dwingomtydensrooftogte gehoor te gee aan hul eise, is wat gebeur in die meeste gevalle die uiterstemartelingen geweld.
Hy het ook gesêalkohol endwelms kannie as verskoning gebruik wordnie, omdat die meestegevangenesaangedui het dat terwyl hulle‘n misdaadpleeg, hulleverkies het om versigtig te weessodathulle nieiets aanvang wat kan lei tothulle arres of dat hulle bewyse van hul aandadigheid agterlaat nie.
“Hulle sê…ditis baie belangrikom dit te doenbinne so ‘n korttydsbestek as moontlik om nie gevang te word nie.Dit verduidelik egter nog nie die tipevan geweldwat gepaardgaan met misdaad nie.” – IOL
Dr. Pieter Mulder, leier van die Vryheidsfront Plus
Samewerking is die enigste manier waarop die ANC gestuit kan word, en dit dui ook die nuwe koers aan wat die Vryheidsfront Plus gaan volg om ‘n nuwe bedeling in Suid-Afrika te weeg te bring tot voordeel van al die land se inwoners.
Dit was die sentrale tema van die boodskap van dr. Pieter Mulder, leier van die VF Plus, met die bekendstelling van die party se hersiene missie wat saamgeloop het met die afskop van sy verkiesingsveldtog vir 2014.
Die luide applous van die gehoor wat die West End-teater op die skougronde in Pretoria volgepak het, was ‘n aanduiding van die mandaat van die party se ondersteuners aan die nuwe koers gegee het.
Ewe luide applous vir ‘n sterk afvaardiging Khoi- en San-leiers en van hul volgelinge, was terselfdertyd ‘n aanduiding van die hand wat ondersteuners van die VF Plus uitgereik het na ander minderheidsgroepe in Suid-Afrika wat ‘n gesamentlike doel het om ‘n nuwe bedeling in Suid-Afrika tot stand te bring.
In sy boodskap het dr. Mulder gesê die strewe na ‘n oplossing vir die onderdrukking van Afrikaners en ander minderheidsgroepe in die land, moet realisties, modern en regverdig wees vir almal.
“Daar is plek vir almal van ons in hierdie land. Die VF Plus se herbewoorde missie wil nie net die Afrikaner motiveer nie, maar ook ander minderheidsgroepe. Ons het saam een doel en dit is om die ANC te verslaan, het dr. Mulder gesê.
Dr. Mulder was skerp in sy kritiek teen die ANC en het gesê daar heers tans ‘n ‘tirannie’ van ‘n meerderheid sonder enige seggenskap vir minderhede in die land.
“Daarom is dit dringend noodsaaklik dat ‘n nuwe bestel tot stand kom waarin erkenning gegee word aan die diversiteit van die land en sy mense. In die proses het die VF Plus hom onherroepelik verbind tot samewerking met ander gemeenskappe.
“Ons vra ‘n beter bedeling vir die Afrikaner, maar sal ook veg vir ander minderhede om dit te verkry,” het dr. Mulder gesê.
Die VF Plus se nuwe embleem is ook bekend gestel en op ‘n ligter noot het dr. Mulder gesê die party sal dit eers oor twintig jaar oorweeg om die embleem weer te verander.
Dr. Jopie Breed, president van die Suid-Afrikaanse Onderwysersunie (SAOU), het gister op die 17de hoofdesimposium gesê die vakbond kyk na stappe om Afrikaanse onderrig en die taal te beskerm.
Die SAOU sal die moontlikheid van ’n internasionaal erkende Afrikaanse matriekeindeksamen ondersoek, het Beeld berig.
Breed het gesê verteenwoordigers van die vakbond sal ‘n inligtingstoer na Afrikaanse stamlande onderneem om die moontlikheid van ’n internasionaal erkende matriekeksamen te ondersoek.
Die gedagte is om pro-aktief te wees en saam met die Suid-Afrikaanse instituut vir omvattende assessering (Sacai) op te tree om ’n eksamen te kan aanbied vir Afrikaanse leerlinge wat nie in die toekoms toegang daartoe sal hê nie.
“Met dié stap wil ons glad nie sê ons wil in opposisie of ’n teenpool vir die departement wees nie. Dit is bloot om ’n Afrikaanse eksamen beskikbaar te stel waar dit in sekere provinsies in die toekoms dalk minder moontlik sal wees,” het Breed gesê.
Sacai is besig om as onafhanklike eksamenliggaam akkreditasie te kry by Umalusi, die raad vir gehalteversekering in algemene en verdere onderwys en opleiding. – Alet Rademeyer
Stakende werkers in die motorbedryf sal vandag ‘n optog hou na die kantore van die vereniging van motorvervaardigers, NAAMSA, in Pretoria.
‘n Woordvoerder van NUMSA, Castro Ngobese, sê hulle sal ‘n memorandum met eise aan die Werkgewersvereniging van Motorvervaardigers oorhandig. Die staking in die motorbedryf is nou in sy derde week.
Werkgewers bied ‘n tien persent verhoging aan, wat deur die vakbond verwerp is. Die staking het reeds ontwrigting veroorsaak by sewe van die land se vernaamste voertuigvervaardigingsaanlegte.
By die Volkswagen-aanleg op Uitenhage naby Port Elizabeth het werkers onderneem om nie hulle salariseise te laat vaar nie.
Dit volg te midde van meningsverskille oor die staking in die motorbedryf. Werkers by die aanleg het gister met streekleiers vergader oor of hulle die staking moet aflas of nie.
‘n Woordvoerder van NUMSA, Phumzile Nodongwe, sê verskillende menings tydens stakings is normaal, en hulle sal probeer om dit eerder te bestuur en nie toelaat dat dit eenheid in die vakbond ondermyn nie.
Vandag se staking in die goudmynbedryf kan die land meer as 350 miljoen rand per dag kos aan verlore produksie. Dit is volgens berekenings wat gegrond is op die huidige goudprys. Ekonome beraam dat meer as 700 kilogram goudproduksie per dag verlore sal gaan.
Die National Union of Mineworkers het vroeër gesê 80 000 van sy lede in die goudbedryf is gereed om van vandag af te begin staak. Die NUM is die eerste mynvakbond wat vanjaar oor salarisse begin staak.
Vakbondlede het gisteraand voor die nagskof sou begin massavergaderings gehou. – RSG
‘n Inwoner van IvoryPark wat aan motors werk, hetR1.29miljoenontvang in ‘n tussentydse skikking nadat hysy linkerarm verloor het toe die polisiehom geskiet het, het TheStarDinsdag berig.
NtantiseDanielTaliwe,37,het dieskikkingmet die polisie bereik,nadat hy aanvanklikmeer asR10 miljoeninskadevergoeding geëis het.
Die saakis nooit gehoor nie aangesien die minister van polisieinsy amptelike hoedanigheid, totaleaanspreeklikheid erken het.
Taliwewas besig om aan ‘n motor te werk saam met drievriendeop 19 Augustus2004,toe hulle hoordat skote klap,volgens die verslag.
Sy vriendehet weggehardloop, maarTaliwe is getref met ‘n koeëlvan agter.Die koeëlhet in dielinkerkant van sybors ingegaan, en ‘n slagaar beskadig.
Hyhet ‘n operasie gehad om die sirkulasiete herstel nasy arm,en ‘ntweede operasieweensgangreen,wat daartoe gelei het dat sy armgeamputeer moes wordbokant die elmboog.
Dieskikking is ten opsigte vanvorige en dietoekomstige verlies aaninkomste enskadevergoeding bereik.
Die koeranthet gesê die polisiehet geen verduidelikingvir die skietery gegee nie. – Sapa
‘n Lid van die Suid-Afrikaanse Nasionale Weermag (SANW) wat na bewering ‘n ander soldaat by die Bloemspruit-lugmagbasis doodgeskiet en nog een gewond het, sal vandag in die landdroshof in Bloemfontein verskyn.
Die voorval het Sondagoggend by die lugmagbasis buite Bloemfontein plaasgevind.
Die weermag swyg oor die omstandighede en wil ook nie kommentaar lewer op gerugte dat die motief vir die skietery verband hou met ‘n rusie oor ‘n vrou nie.
‘n Werknemer by die Gupta-broers se beleërde nuuskanaal ANN7 het Suid-Afrika inderhaas verlaat. Hy is terug na Indië nadat hy sy bedanking ingedien het.
Rajesh Sundaram, voormalige raadgewende redakteur, het een van die redes vir sy bedanking gegee as die nuuskanaal se pro-ANC houding, berig Eyewitness News. Hy het gesê Atul Gupta het onophoudelik ingemeng op redaksionele vlak.
Gupta het blykbaar altyd ‘n kamera by hom waarmee hy werknemers afneem omdat hy nie hulle name ken nie. Sundaram is drie keer na die president geneem waar Gupta aan Jacob Zuma gesê het dat die nuuskanaal getrou ANC en pro-Zuma sal wees.
Sundaram het die afgelope naweek die media genader omdat hy glo vrees vir sy veiligheid nadat hy uit die ANN7-kantore in Midrand gevlug het. Hy beweer ‘n gewapende lyfwag het hom gedreig.
Nazeem Howa, uitvoerende hoof van The New Age Media, wat ook die dagblad The New Age uitgee, het Sondag in ‘n verklaring Sundaram se bedankingsbrief uitgereik waarin die voormalige raadgewende redakteur positief was oor sy ervaring by die uitsaaier, berig The Star.
Sundaram het gesê die brief is geskryf voordat spanning met sy base breekpunt bereik het.
Howa het in ‘n geskrewe reaksie namens die uitsaaier gesê vergaderings tussen Sundaram en die bestuur het Vrydag plaasgevind. Hy het gesê Sundaram se bewerings is nie ’n reaksie waardig nie.
Volgens die koerant is die uitsaaier tans op soek na kandidate om die nuusspan te lei.
Shantanu Chatterjee is intussen as raadgewende redakteur aangestel. – Sapa
